ਸ੍ਰੋ.ਅ.ਦ. (ਅ) ਕਨੇਡਾ ਵੱਲੋਂ ਜੱਥੇਦਾਰ ਦਾਦੂਵਾਲ ਦਾ ਕਨੇਡਾ ਪਹੁੰਚਣ ‘ਤੇ ਨਿੱਘਾ ਸਵਾਗਤ : ਹੰਸਰਾ/ਪਾਂਗਲੀ  

FDK 11
ਫ਼ਰੀਦਕੋਟ/ਕੈਨੇਡਾ, 26 ਅਗਸਤ ( ਜਗਦੀਸ਼ ਕੁਮਾਰ ਬਾਂਬਾ ) ਸਰਬੱਤ ਖਾਲਸਾ ਜੱਥੇਬੰਦੀਆਂ ਵੱਲੋਂ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਦੇ ਥਾਪੇ ਜਥੇਦਾਰ ਭਾਈ ਬਲਜੀਤ ਸਿੰਘ ਦਾਦੂਵਾਲ ਬੀਤੇ ਦਿਨੀਂ ਜਿਓ ਹੀ ਕਨੇਡਾ ਵਿਦੇਸ਼ੀ ਧਰਤੀ ‘ਤੇ ਪੁੱਜੇ ਤਾਂ ਸ੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਸਿਰਕੱਢ ਆਗੂਆਂ ਸਮੇਤ ਸੰਗਤਾਂ ਵੱਲੋਂ ਏਅਰਪੋਰਟ ‘ਤੇ ਨਿੱਘਾ ਸਵਾਗਤ ਕੀਤਾ ਗਿਆ। ਉਕਤ ਮੌਕੇ ਅਕਾਲੀ ਦਲ ਅੰਮ੍ਰਿਤਸਰ ਕੈਨੇਡਾ ਈਸਟ ਦੇ ਪ੍ਰਧਾਨ ਸੁਖਮਿੰਦਰ ਸਿੰਘ ਹੰਸਰਾ ‘ਤੇ ਕੈਨੇਡਾ ਈਸਟ ਯੂਥ ਵਿੰਗ ਦੇ ਪ੍ਰਧਾਨ ਪਰਮਿੰਦਰ ਸਿੰਘ ਪਾਂਗਲੀ ਨੇ ਪ੍ਰੈਸ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਜਿਥੇ ਅਸੀਂ ਸਿੰਘ ਸਾਹਿਬ ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ ਨੂੰ ਕੈਨੇਡਾ ਵਿੱਚ ‘ਜੀ ਆਇਆਂ’ ਕਹਿੰਦੇ ਹਾਂ,ਉਥੇ ਉਨ•ਾਂ ਦੇ ਦੌਰੇ ਦੌਰਾਨ ਪੰਥ ਦੇ ਮੌਜੂਦਾ ਹਾਲਾਤਾਂ ਦੀ ਪੂਰੀ ਜਾਣਕਾਰੀ ਪ੍ਰਾਪਤ ਕਰਨ ਦੀ ਆਸ ਰੱਖਦੇ ਹਾਂ। ਉਨ•ਾਂ ਕਿਹਾ ਕਿ ਸਿੰਘ ਸਾਹਿਬ ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ ਨੂੰ ਸਰਬੱਤ ਖਾਲਸਾ ਦੌਰਾਨ ਸੰਗਤ ਨੇ ਸੇਵਾ ਬਖਸ਼ੀ ਸੀ ‘ਤੇ ਬਾਦਲ ਦੀ ਹੈਂਕੜਬਾਜ ਸਰਕਾਰ ਨੇ ਉਨ•ਾਂ ਨੂੰ ਬਾਕੀ ਜਥੇਦਾਰਾਂ ਸਮੇਤ ਕਈ ਵਾਰ ਜੇਲ ਵਿੱਚ ਡੱਕ ਕੇ ਪੰਥ ਨਾਲ ਧ੍ਰੋਹ ਕਮਾਇਆ ਹੈ, ਸਿੰਘ ਸਾਹਿਬ ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ ਦੋ ਕੁ ਹਫਤੇ ਕੈਨੇਡਾ ‘ਚ ਸੰਗਤਾਂ ਨਾਲ ਵਿਚਾਰ ਵਟਾਂਦਰਾ ਕਰਨਗੇ ‘ਤੇ ਨਵੰਬਰ ਵਿੱਚ ਹੋ ਰਹੇ ਸਰਬੱਤ ਖਾਲਸਾ ਨੂੰ ਸਫਲ ਬਣਾਉਣ ਲਈ ਨੌਜਵਾਨਾਂ ਨਾਲ ਅਹਿਮ ਬੈਠਕਾਂ ਕਰਨਗੇ ਤਾਂ ਜੋ ਪੰਜਾਬ ਅੰਦਰ ਫੈਲੇ ਭ੍ਰਿਸ਼ਟਾਚਾਰ ਨੂੰ ਠੱਲ ਪਾਈ ਜਾ ਸਕੇ । ਉਕਤ ਆਗੂਆ ਨੇ ਕਿਹਾ ਕਿ ਅਖੌਤੀ ਪੰਥਕ ਸਰਕਾਰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਕਰਨ ਵਾਲੇ ਦੋਸ਼ੀਆਂ ਨੂੰ ਅਜੇ ਤੱਕ ਗ੍ਰਿਫਤਾਰ ਨਹੀ ਕਰ ਸਕੀ ਪ੍ਰੰਤੂ 2017 ਤੋਂ ਬਾਅਦ ਪੰਥ-ਏ-ਸਰਕਾਰ ਬਣਨ ਤੋਂ ਬਾਅਦ ਸਭ ਤੋਂ ਪਹਿਲਾਂ ਗੁਰੂ ਗੰ੍ਰਥ ਸਾਹਿਬ ਜੀ ਦੀ ਬੇਅਦਬੀ ਕਰਨ ਵਾਲੇ ਦੋਸ਼ੀਆਂ ਨੂੰ ਸਲਾਖਾਂ ਪਿੱਛੇ ਸੁੱਟਿਆ ਜਾਵੇਗਾ। ਇਸ ਮੌਕੇ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਦੇ ਜੱਥੇਦਾਰ ਭਾਈ ਬਲਜੀਤ ਸਿੰਘ ਦਾਦੂਵਾਲ ਨੇ ਸੰਗਤਾਂ ਨਾਲ ਵਿਚਾਰ ਵਟਾਂਦਰਾ ਕਰਨ ਤੋਂ ਬਾਅਦ ਸਿੱਖ ਕੌਮ ਨੂੰ ਇਕਜੁੱਟ ਹੋਣ ਦੀ ਅਪੀਲ ਕੀਤੀ ਤਾਂ ਜੋ ਪੰਜਾਬ ਅੰਦਰ ਵਗ ਰਹੇ ਨਸ਼ਿਆ ਦੇ ਦਰਿਆ ਨੂੰ ਠੱਲ ਪਾਈ ਜਾ ਸਕੇ

ਬਗਰਾੜੀ ਕਾਂਡ ‘ਚ ਸ਼ਹੀਦ ਪ੍ਰੀਵਾਰਾਂ ਵੱਲੋਂ ਕੇਜਰੀਵਾਲ ਨੂੰ ਖੁੱਲੀ ਚਿੱਠੀ : ਭਾਈ ਕਰਮ ਸਿੰਘ ਜੋਗੀ

FDK1 2
ਫ਼ਰੀਦਕੋਟ, 26 ਅਗਸਤ ( ਜਗਦੀਸ਼ ਕੁਮਾਰ ਬਾਂਬਾ ) ਫ਼ਰੀਦਕੋਟ ਦੇ ਲਾਗਲੇ ਪਿੰਡ ਬਹਿਬਲ ਕਲਾਂ ਵਿਖੇ ਸ਼ਹੀਦ ਹੋਏ ਗੁਰਜੀਤ ਸਿੰਘ ਦੇ ਗ੍ਰਹਿ ਵਿਖੇ ਭਾਈ ਕਰਮ ਸਿੰਘ ਜੋਗੀ ਦੀ ਅਗਵਾਈ ਹੇਠ ਸ਼ਹੀਦ ਪਰਿਵਾਰ ਵੱਲੋਂ 21 ਮੈਂਬਰਾਂ ਨੇ ਕੇਜਰੀਵਾਲ ਨੂੰ ਇੱਕ ਖੁੱਲੀ ਚਿੱਠੀ ਲਿਖ ਕੇ ਪੰਜਾਬ ਦੇ ਮੌਜੂਦਾ ਹਲਾਤਾਂ ਤੋਂ ਜਾਣੂ ਕਰਵਾਉਂਦੇ ਹੋਏ ਮੰਗ ਕੀਤੀ ਕਿ ਸ਼ਹੀਦ ਪ੍ਰੀਵਾਰ ਜੋ ਲੰਮੇ ਸਮੇਂ ਤੋਂ ਸੰਤਾਪ ਭੋਗ ਰਹੇ ਹਨ ਦੀ ਤਰੁੰਤ ਸਾਰ ਲਈ ਜਾਵੇ । ਉਕਤ ਮੌਕੇ ਭਾਈ ਕਰਮ ਸਿੰਘ ਜੋਗੀ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਪੰਜਾਬ ਦੇ ਲੋਕ ਸਮਝ ਚੁੱਕੇ ਹਨ ਕਿ ਕੇਜਰੀਵਾਲ ਆਪਣੇ ਸੱਚ ਦੇ ਅਸੂਲਾਂ ਦੇ ਪੱਕੇ ਹਨ ,ਝੂਠੇ ਵਿਅਕਤੀ ਆਪ ਦੇ ਸੱਚੇ-ਸੁੱਚੇ ਅਕਸ ਨੂੰ ਵਿਗਾੜਨ ਵਾਲੇ ਨੂੰ ਪਾਰਟੀ ਵਿੱਚੋਂ ਖਾਰਜ ਕਰਨ ਵਿੱਚ ਦੇਰੀ ਨਹੀ ਲਾਉਂਦੇ,ਜਿਸ ਕਰਕੇ ਲੋਕ ਪੰਜਾਬ ਦੀ ਨੁਹਾਰ ਬਦਲੀ ਹੋਈ ਦੇਖਣ ਲਈ ਉਤਾਵਲੇ ਹਨ। ਉਨ•ਾਂ ਕਿਹਾ ਕਿ ਲੰਮੇ ਸਮੇਂ ਤੋਂ ਸ਼ਹੀਦਾ ਦੇ ਪ੍ਰੀਵਾਰ ਸੰਤਾਪ ਭੋਗ ਰਹੇ ਹੋਣ ਦੇ ਬਾਵਜੂਦ ਮੌਜੂਦਾ ਸਰਕਾਰਾਂ ਚੁੱਪੀ ਧਾਰੀ ਬੈਠੀਆਂ ਹਨ । ਜਿਸ ਕਰਕੇ ਕੇਜਰੀਵਾਲ ਵਰਗੇ ਬੇ-ਦਾਗ ਨਿਡਰ ‘ਤੇ ਸੂਝਵਾਨ ਵਿਅਕਤੀ ਨੂੰ ਲੋਕ ਪੰਜਾਬ ਦਾ ਮੁੱਖ ਮੰਤਰੀ ਦੇਖਣ ਲਈ ਕਮਰ-ਕੱਸੇ ਕਰ ਚੁੱਕੇ ਹਨ। ਉਨ•ਾਂ ਕਿਹਾ ਕਿ ਸ਼ਹੀਦ ਪ੍ਰੀਵਾਰਾਂ ਦੇ ਮੈਂਬਰਾਂ ਨੇ ਕੇਜਰੀਵਾਲ ਨੂੰ ਲਿਖੀ ਚਿੱਠੀ ਦਾ ਖੁੱਲ ਕੇ ਸਮੱਰਥਨ ਕੀਤਾ ‘ਤੇ ਪੰਜਾਬ ਅੰਦਰ ਫੈਲੇ ਭ੍ਰਿਸ਼ਟਾਚਾਰ,ਗੁੰਡਾਗਰਦੀ,ਬੇਰੁਜਗਾਰੀ ਸਮੇਤ ਵਗ ਰਹੇ ਨਸ਼ਿਆਂ ਦੇ ਦਰਿਆ ਨੂੰ ਠੱਲ ਪਾਉਣ ਦੀ ਮੰਗ ਕੀਤੀ ਤਾਂ ਜੋ ਦਿਨੋ-ਦਿਨ ਨਸ਼ਿਆ ਵਿੱਚ ਗਰਕ ਹੋ ਰਹੀ ਨੌਜਵਾਨੀ ਨੂੰ ਬਚਿਆ ਜਾ ਸਕੇ ।

ਚੁਰਾਏ ਗਏ ਵਰੇ – ਲੇਖਕ : ਜਸਪਾਲ ਸਿੰਘ ਬੈਂਸ ਯੂ.ਕੇ

FDK 13

ਲੇਖਕਾ ਪਵਿਤ ਕੌਰ ਨੇ ਇਸ ਕਿਤਾਬ ਦਾ ਨਾਮ ਇੰਗਲਿਸ਼ ਵਿੱਚ ਸਟੋਲਿਨ ਯੀਅਰ ਰੱਖਿਆ ਹੈ, ਪੰਜਾਬੀ ਵਿੱਚ ਚੁਰਾਏ ਗਏ ਵਰੇ ਹੈ,ਇਸ ਕਿਤਾਬ ਦੀ ਅਕੈਡਮਿਕ ਅਦਾਰਿਆਂ ਵਿੱਚ ਖਾਸ ਕਰਕੇ ਰਾਜਸੀ ਲੋਕ ਲੁਕ ਛਿਪ ਕੇ ਵਿਚਾਰ ਚਰਚਾ ਕਰਦੇ ਰਹੇ ਹਨ। ਪਰ ਖੁੱਲ ਕੇ ਗੱਲ ਕਰਨ ਨੂੰ ਸ਼ਾਇਦ ਸੰਗਦੇ ਹਨ ਕਿਉਕਿ ਇਸ ਦਾ ਮੇਨ ਪਾਤਰ ਸ. ਸਿਮਰਨਜੀਤ ਸਿੰਘ ਮਾਨ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦਾ ਪ੍ਰਧਾਨ ਅਤੇ ਖਾਲਿਸਤਾਨੀ ਨੇਤਾ ਭਾਰਤ ਸਰਕਾਰ ਵੱਲੋਂ ਸਿੱਖ ਕੌਮ ਉਪਰ ਕੀਤੇ ਜੁਲਮ ਦਾ ਪਰਦਾਫ਼ਾਸ਼ ਕਰਦਾ ਆ ਰਿਹਾ ਹੈ।,ਬਹੁਤ ਕੋਸਿਸ਼ ਕਰਨ ਦੇ ਬਾਵਜੂਦ ਵੀ ਇਹ ਕਿਤਾਬ ਮੈਨੂੰ ਜੂਨ 2016 ਦੇ ਅੱਧ ਤੋਂ ਬਾਅਦ ਹੀ ਮਿਲ ਸਕੀ,ਮੇਰੇ ਆਪਣੇ ਪਬਲਿਸ਼ਰ ਲਾਹੌਰ ਬੁੱਕ ਸ਼ਾਪ ਨੇ ਭੇਜਣ ਵਿੱਚ ਕਾਫ਼ੀ ਜਿਆਦਾ ਸਮਾਂ ਲਾ ਦਿੱਤਾ ਸੀ। ਪਵਿਤ ਕੌਰ ਨੇ ਇਸ ਕਿਤਾਬ ਵਿੱਚ ਆਪਣੇ ਪਿਤਾ ਸ. ਸਿਮਰਨਜੀਤ ਸਿੰਘ ਮਾਨ ਦੀ ਆਪਣੀ ਡਾਇਰੀ ਵਿੱਚ ਦਰਜ ਕੀਤੇ,ਰੋਜ਼ਾਨਾ ਦੇ ਹਾਲਾਤਾਂ ਬਾਰੇ ਅਤੇ ਉਨ•ਾਂ ਤੋ ਲਏ ਵੱਖਰੇ ਖਤਾਂ ਦਾ ਪੂਰਾ ਵੇਰਵਾ ਦਿੱਤਾ ਹੋਇਆ ਹੈ।ਸ਼ੁਰੂ ਵਿੱਚ ਪਵਿਤ ਨੇ ਆਪਣੀ ਯਾਦਾਸ਼ਤ ਦੇ ਅਧਾਰ ਉਪਰ ਉਸ ਰਾਤ ਦਾ ਵਰਨਣ ਕੀਤਾ ਹੈ,ਜਦੋਂ ਮਾਨ ਸਾਹਿਬ ਤਰਨਤਾਰਨ ਸਾਹਿਬ ਦੀ ਲੋਕ ਸਭਾ ਦੀ ਸੀਟ ਆਪਣੇ ਵਿਰੋਧੀ ਕਾਂਗਰਸੀ ਉਮੀਦਵਾਰ ਨੂੰ ਬਹੁਤ ਵੱਡੇ ਬਹੁਮੱਤ ਨਾਲ ਜਿੱਤ ਗਿਆ ਸੀ,ਸਾਰੇ ਹਮਦਰਦੀ ਅਤੇ ਮਾਨ ਪਰਿਵਾਰ ਅਤੇ ਭੈਣਾ ਉਨ•ਾਂ ਨੂੰ ਰਸੀਵ ਕਰਨ ਲਈ ਅੰਮ੍ਰਿਤਸਰ ਏਅਰਪੋਰਟ ਤੇ ਜਾਣ ਲਈ ਤਿਆਰ ਸਨ। ਪਵਿਤ ਆਪ ਪੰਦਰਾਂ ਸਾਲਾਂ ਦੀ ਕਿਸ਼ੋਰ ਅਵਸਥਾ ਵਿੱਚ ਸੀ ਤਾਂ ਉਸ ਦਾ ਪਿਤਾ ਸ.ਸਿਮਰਨਜੀਤ ਸਿੰਘ ਮਾਨ ਭਾਰਤ ਸਰਕਾਰ ਦੀਆਂ ਭਿਆਨਕ ਜੇਲ ਕੋਠੜੀਆਂ ਵਿੱਚ ਜਿੰਦਗੀ ਮੌਤ ਦੇ ਗੀਤ ਗਾਂਉਂਦਾ ਰਿਹਾ ਸੀ। ਇਸ ਕਿਤਾਬ ਵਿੱਚ ਬਹੁਤ ਬਰੀਕੀ ਨਾਲ ਪੰਜ ਸਾਲ ਦੇ ਸਮੇਂ ਦੀ ਜਾਣਕਾਰੀ ਦਿੱਤੀ ਹੋਈ ਹੈ,ਜਿਸ ਤੋਂ ਪਾਠਕ ਸ.ਸਿਮਰਨਜੀਤ ਸਿੰਘ ਦੇ ਬਾਰੇ ਬਹੁਤ ਕੁੱਝ ਗਿਆਨ ਪ੍ਰਾਪਤ ਕਰ ਸਕਦੇ ਹਨ, ਸਭ ਤੋਂ ਵੱਡੀ ਗੱਲ ਹੈ ਕਿ ਮਾਨ ਸਾਹਿਬ ਦੀ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਨਾਲ ਪਹਿਲੀ ਮੁਲਾਕਾਤ ਜੋ ਫ਼ਰੀਦਕੋਟ ਵਿੱਚ ਮਾਨ ਸਾਹਿਬ ਦੇ ਆਪਣੇ ਸਰਕਾਰੀ ਬੰਗਲੇ ਵਿੱਚ ਹੋਈ ਸੀ, ਬਾਰੇ ਬਹੁਤ ਵਿਸਥਾਰ ਨਾਲ ਲਿਖਿਆ ਹੈ ਕਿ ਮਾਨ ਸਾਹਿਬ ਨੇ ਆਪਣੀ ਪਹਿਲੀ ਮਿਲਣੀ ਵਿੱਚ ਸੰਤਾਂ ਬਾਰੇ ਕੀ ਅਨੁਭਵ ਕੀਤਾ ਸੀ! ਅਤੇ ਜੋ ਕਿਹਾ ਸੀ ਆਪਣੀ ਜਿੰਦਗੀ ਨਾਲ ਖੇਡ ਕੇ ਵੀ ਪੂਰਾ ਕਰਨ ਵਿੱਚ ਸਿਰਤੋੜ ਯਤਨਾਂ ਵਿੱਚ ਰਹੇ ਹਨ ਅਤੇ ਹੁਣ ਤੱਕ ਹਨ। 204 ਸਫ਼ਿਆਂ ਦੀ ਇਸ ਕਿਤਾਬ ਵਿੱਚ ਸਮੁੰਦਰ ਨੂੰ ਕੁਜੇ ਵਿੱਚ ਬੰਦ ਕਰਨ ਵਾਲੀ ਕਹਾਣੀ ਹੈ,ਕਿਵੇਂ ਇਕ ਧਨਾਢ ਸਿੱਖ ਪਰਿਵਾਰ ਜਿਸ ਦੇ ਬਜੁਰਗ ਮਹਾਰਾਜਾ ਰਣਜੀਤ ਸਿੰਘ ਦੀਆਂ ਫ਼ੌਜਾਂ ਦੇ ਜਰਨੈਲ ਸਨ,ਵੱਡੀਆਂ ਉਪਾਧੀਆ ਸਿਰਧੜ ਦੀ ਬਾਜੀ ਲਾ ਕੇ ਕਮਾਈਆਂ ਸਨ। ਲਹਿੰਦੇ ਪੰਜਾਬ ਵਿੱਚ ਬਹੁਤ ਵੱਡੀ ਜਗੀਰ ਦੇ ਮਾਲਕ ਬ੍ਰਿਟਿਸ਼ ਸਰਕਾਰ ਨਾਲ ਜੋੜਤੋੜ ਬਜੁਰਗ ਸ. ਹਰਨਾਮ ਸਿੰਘ ਮਾਨ ਅਤੇ ਸਿਮਰਨਜੀਤ ਸਿੰਘ ਮਾਨ ਦੇ ਪਿਤਾ ਸ. ਬਹਾਦਰ ਜੋਗਿੰਦਰ ਸਿੰਘ ਮਾਨ ਓ.ਬੀ.ਈ।ਫ਼ਸਟ ਕਲਾਸ ਮਜਿਸਟ੍ਰੇਟ। ਇੰਗਲੈਂਡ ਦੇ ਲੋਰਡਜ਼ ਵਾਂਗ ਸਰਕਾਰੀ ਤਾਕਤ ਦੇ ਭਾਈਵਾਲ ਰਹੇ ਸਨ। ਮੌਜੂਦਾ ਦੌਰ ਵਿੱਚ ਇਕ ਸ਼ਾਹੀ ਘਰਾਣਿਆਂ ਦੀ ਠਾਠਬਾਠ ਦੀ ਜਿੰਦਗੀ ਅਤੇ ਭਾਰਤ ਸਰਕਾਰ ਦੀ ਟੌਪ ਮੋਸਟ ਜੌਬ ਨੂੰ ਲੱਤ ਮਾਰ ਕੇ ਆਪਣੇ ਕੀਤੇ ਹੋਏ ਵਾਹਦੇ ਮੁਤਾਬਕ ਅਤੇ ਪਰਿਵਾਰਕ ਤੌਰ ਤੇ ਜੋ ਸਿਖਿਆ ਲਈ ਸੀ,ਉਸ ਨੂੰ ਪਰਵਾਨ ਚੜਾਉਣ ਲਈ ਹਰਿਮੰਦਰ ਸਾਹਿਬ ਉਪਰ ਹਮਲੇ ਤੋਂ ਡੇਢ ਮਹੀਨੇ ਬਾਅਦ ਬਹੁਤ ਹੀ ਸੋਚ ਵਿਚਾਰ ਕਰਕੇ ਗੁਰੁ ਗ੍ਰੰਥ ਸਾਹਿਬ ਤੋਂ ਹੁਕਮਨਾਮਾ ਲੈ ਕੇ ਕੌਮ ਦੀ ਅਜ਼ਾਦੀ ਲਈ ਆਪਣਾ ਅਸਤੀਫ਼ਾ ਸਮੇਂ ਦੇ ਭਾਰਤ ਦੇ ਰਾਸ਼ਟਰਪਤੀ ਜੈਲ ਸਿੰਘ ਨੂੰ ਭੇਜ ਦਿੱਤਾ ਸੀ। 27 ਜੁਲਾਈ 1984 ਤੋਂ ਲੈ ਕੇ 28 ਨਵੰਬਰ 1984 ਤੱਕ ਕੇਂਦਰੀ ਭਾਰਤ ਤੋਂ ਹੁੰਦੇ ਹੋਏ ਬੰਗਾਲ ਵਿੱਚ ਲੁੱਕ ਛਿਪ ਕੇ ਆਪਣੇ ਸਾਥੀਆਂ ਨਾਲ ਦਿਨ ਕਟੀ ਕਰਦੇ ਰਹੇ ਸਨ,ਕਿਵੇਂ ਮਾਨ ਸਾਹਿਬ ਦੇ ਸਾਢੂ ਕੈਪਟਨ ਅਮਰਿੰਦਰ ਸਿੰਘ ਮਿਲਣਾ ਚਾਹੁੰਦੇ ਹੋਏ ਵੀ ਮਾਨ ਸਾਹਿਬ ਨੂੰ ਮਿਲ ਨਹੀ ਸੀ ਸਕੇ। 29 ਨਵੰਬਰ 1984 ਤੋਂ ਲੈ ਕੇ 29 ਨਵੰਬਰ 1989 ਤੱਕ ਦੇ ਪੂਰੇ ਪੰਜ ਸਾਲ ਭਾਰਤ ਦੀ ਸਿੱਖ ਵਿਰੋਧੀ ਕਾਨੂੰਨ, ਪੁਲਸ ਫ਼ੌਜ ਅਤੇ ਰਾਜਸੀ ਲੀਡਰਾਂ ਦਾ ਸਾਰੇ ਮਾਨ ਪਰਿਵਾਰ ਨੇ ਮੁਕਾਬਲਾ ਕੀਤਾ। ਤੁਹਾਨੂੰ ਇਹ ਕਿਤਾਬ ਪੜਨ ਤੇ ਇਹ ਵੀ ਪਤਾ ਲੱਗੇਗਾ ਕਿ ਕਿਵੇਂ ਪਹਿਲਾਂ ਕੁਝ ਸਿੱਖ ਪਰਿਵਾਰਾਂ ਨੇ ਅੰਤ ਵਿੱਚ ਸਮੁੱਚੀ ਸਿੱਖ ਕੌਮ ਨੇ ਮਾਨ ਸਾਹਿਬ ਨੂੰ ਵੋਟਾਂ ਦੀ ਤਾਕਤ ਨਾਲ ਫ਼ਾਂਸੀ ਦੀ ਕੋਠੜੀ ਵਿੱਚ ਮੌਤ ਨੂੰ ਉਡੀਕ ਰਹਿਆਂ ਨੂੰ  ਅਜ਼ਾਦ ਕਰਾਇਆ ਸੀ ? 29 ਨਵੰਬਰ 1989 ਤੋਂ ਲੈ ਕੇ ਹੁਣ ਤੱਕ ਮਾਨ ਸਾਹਿਬ ਨੇ ਪੂਰੀ ਦ੍ਰੜਿਤਾ ਸ਼ਿਦਤ ਇਮਾਨਦਾਰੀ ਅਤੇ ਵਾਹਿਗੁਰੂ ਦੇ ਓਟ ਆਸਰੇ ਨਾਲ ਜਾਲਮ ਸਰਕਾਰਾਂ ਦਾ, ਪੁਲਸ ਤਸ਼ੱਦਦ ਦਾ, ਭਾਰਤੀ ਸਿੱਖ ਵਿਰੋਧੀ ਕਾਨੂੰਨ ਦਾ, ਸਿੱਖ ਵਿਰੋਧੀ ਭਾਰਤੀ ਮੀਡੀਏ ਦਾ ਡੱਟ ਕੇ ਮੁਕਾਬਲਾ ਕੀਤਾ।। ਭਾਰਤ ਨੇਪਾਲ ਸਰਹੱਦ ਤੇ ਫ਼ੜੇ ਜਾਣ ਬਾਅਦ ਗੋਲੀ ਮਾਰਨ ਦੇ ਹੁਕਮ ਨੂੰ ਇਕ ਇਮਾਨਦਾਰ ਹਿੰਦੂ ਪੁਲਸ ਅਫ਼ਸਰ ਨੇ ਹੁਕਮਾਂ ਤੇ ਅਮਲ ਕਰਨ ਤੋ ਇਨਕਾਰ ਕਰ ਦਿੱਤਾ ਸੀ।। ਤਿਹਾੜ ਜੇਲ ਵਿੱਚ ਦਿੱਤੇ ਤਸੀਹਿਆਂ ਸਮੇਂ ਗੁਪਤ ਅੰਗਾਂ ਉਪਰ ਬਿਜਲੀ ਦੇ ਸ਼ਾਟ ਪੈਰਾਂ ਦੇ ਨੋਹਾਂ ਤੋਂ ਲੈ ਕੇ ਦਾੜੀ ਦੇ ਵਾਲਾਂ ਨੁੰ ਪੁੱਟ ਕੇ ਬੇਇਜਤ ਕਰਨਾ ਇਕ ਭਿਆਨਕ ਤਸ਼ੱਦਦ ਸੀ। ਭਰਤਗੜ• ਦੀ ਸੁਰੱਖਿਆ ਜੇਲ ਵਿੱਚ ਇਕ ਮਹੀਨਾ ਕਾਲ ਕੋਠੜੀ ਵਿੱਚ ਰੱਖਣਾ ਜਿਥੇ ਨਾ ਹਵਾ,ਨਾ ਕੁਦਰਤੀ ਰੌਸ਼ਨੀ ਅਤੇ ਨਾ ਹੀ ਕੋਈ ਰੌਸ਼ਨਦਾਨ ਜਾਂ ਖੁਰਾਕ ਦਿੱਤੀ ਗਈ ਸੀ। ਬਿਹਾਰ ਦੀ ਭਾਗਲਪੁਰ ਜੇਲ ਵਿੱਚ ਉਚ ਅਧਿਕਾਰੀਆਂ ਨੇ ਮਾਰਨ ਵਿੱਚ ਕੋਈ ਕਸਰ ਬਾਕੀ ਨਹੀ ਰਹਿਣ ਦੇਣੀ। ਖਾਣੇ ਵਿੱਚ ਸੁੰਡੀਆਂ ਸੁੱਕੀਆਂ ਰੋਟੀਆਂ ਉਪਰੋਂ ਜੇਲ ਦੇ ਉਚ ਅਧਿਕਾਰੀਆਂ ਦਾ ਬਹੁਤ ਹੀ ਕਮੀਨਾ ਵਰਤਾਓ ਇਕ ਇਨਸਾਨ ਲਈ ਜੀਵਨ ਨੂੰ ਮੌਤ ਵਿੱਚ ਬਦਲਣ ਲਈ ਕਾਫ਼ੀ ਹੋਇਆ ਕਰਦਾ ਹੈ।। ਇਸ ਸਮੇਂ ਮਾਨ ਸਾਹਿਬ ਦੇ ਆਪਣੇ ਸ਼ਬਦਾਂ ਵਿੱਚ ਕਿ ਉਹ ਪਾਗਲ ਹੋ ਸਕਦੇ ਸਨ,ਬੀਮਾਰ ਹੋ ਕੇ ਮਰ ਸਕਦੇ ਸਨ।  ਪਰ ਸੁਖਮਨੀ ਸਾਹਿਬ ਅਤੇ ਮੂਲ ਮੰਤਰ ਦੇ ਪਾਠ ਨੇ ਉਨਾਂ ਨੂੰ ਬਹੁਤ ਤਾਕਤ, ਦ੍ਰਿੜਤਾ ਸ਼ਾਂਤੀ ਬਖਸਿਸ਼ ਕੀਤੀ। ਜੇਲ ਵਿੱਚ ਮੁਲਾਕਾਤ ਲਈ ਆਏ ਕਰੀਬੀ ਰਿਸ਼ਤੇਦਾਰਾਂ ਨੂੰ ਮਾਨ ਸਾਹਿਬ ਨੂੰ ਮਿਲਣ ਨਾ ਦੇਣਾ। ਲੇਡੀਜ਼ ਮੁਲਾਕਾਤੀਆਂ ਦੀ ਮਰਦਾਂ ਤੋਂ ਤਲਾਸ਼ੀ ਦੁਆਉਣੀ ਇਹ ਸਭ ਕੁਝ ਹੀ ਸਿੱਖ ਵਿਰੋਧੀ ਅਤੇ ਇਨਸਾਨੀਅਤ ਵਿਰੋਧੀ ਭਾਰਤੀ ਸਿਸਟਮ ਦਾ ਇਕ ਨਿਰਦਈਪੁਣਾ ਇਸ ਕਿਤਾਬ ਵਿੱਚ ਪੜਿਆ ਜਾ ਸਕਦਾ ਹੈ। ਮਾਨ ਸਾਹਿਬ ਦੀ ਭੈਣ ਦਲਜੀਤ ਕੌਰ ਜਿਸ ਨੇ ਪੂਰੇ ਪੰਜ ਸਾਲ ਆਪਣੇ ਭਰਾਂ ਨੂੰ ਬਚਾਉਣ ਲਈ ਦਿਨ ਰਾਤ ਇਕ ਕਰ ਦਿੱਤਾ,ਮਾਨ ਸਾਹਿਬ ਦੀਆਂ ਚਿੱਠੀਆਂ ਦੱਸਦੀਆਂ ਹਨ ਕਿ ਬੀਬੀ ਦਲਜੀਤ ਕੌਰ ਜਿਸ ਨੂੰ ਸਾਰਾ ਪਰਿਵਾਰ ਦਿਲੋ ਦੇ ਨਿੱਕ ਨੇਮ ਨਾਲ ਯਾਦ ਕਰਦੇ ਹਨ,ਮਾਨ ਸਾਹਿਬ ਦੀ ਰੀੜ ਦੀ ਹੱਡੀ ਬਣੀ ਰਹੀ। ਅਤੇ ਦੁੱਖਾਂ ਤਕਲੀਫ਼ਾਂ ਵਿੱਚ ਵੀ ਚੜ•ਦੀ ਕਲ•ਾ ਵਿੱਚ ਲੈ ਜਾਣ ਵਾਲੀ ਭੈਣ ਬਣੀ ਰਹੀ ਸੀ। ਇਸ ਕਿਤਾਬ ਵਿੱਚ ਮਾਨ ਸਾਹਿਬ ਦੀ ਬਹਾਦਰ ਪਤਨੀ ਬੀਬੀ ਗੀਤਇੰਦਰ ਕੌਰ ਮਾਨ ਅਤੇ ਛੋਟੇ-ਛੋਟੇ ਬੱਚਿਆਂ ਦੀ ਕਹਾਣੀ ਹੈ,ਸ ਬਹਾਦਰ ਜੋਗਿੰਦਰ ਸਿੰਘ ਮਾਨ ਨੇ ਆਪਣੇ ਇਕੋ ਇਕ ਬਚੇ ਪੁੱਤਰ ਸ ਸਿਮਰਨਜੀਤ ਸਿੰਘ ਨੂੰ ਬਚਾਉਣ ਲਈ ਅੰਡਰ ਗਰਾਂਉਡ ਹੋਣ ਦੀ ਸਲਾਹ ਦਿੱਤੀ ਸੀ? ਤੁਸੀ ਇਸ ਕਿਤਾਬ ਵਿੱਚੋ ਬਹੁਤ ਕੁੱਝ ਲੱਭ ਸਕਦੇ ਹੋ। ਇਸ ਕਿਤਾਬ ਦਾ ਚੁਰਾਏ ਗਏ ਵਰ•ੇ ਸਹੀ ਨਾਮ ਕਿਹਾ ਜਾ ਸਕਦਾ ਹੈ। ਇਹ ਕਿਤਾਬ ਹਰੇਕ ਪੰਜਾਬੀ ਦੇ ਖਾਸ ਕਰਕੇ ਹਰੇਕ ਗੁਰੂ ਨਾਨਕ ਨਾਮ ਲੇਵਾ ਸਿੱਖ ਦੇ ਘਰ ਹੋਣੀ ਲਾਜ਼ਮੀ ਹੈ ਤਾਂ ਕਿ ਆਉਣ ਵਾਲੀਆਂ ਸਾਡੀਆਂ ਪੀੜ•ੀਆਂ ਨੂੰ ਪਤਾ ਲੱਗ ਸਕੇ ਕਿ ਇਸ ਸਿਮਰਨਜੀਤ ਸਿੰਘ ਮਾਨ ਨੇ ਆਪਣੇ ਧਰਮ ਆਪਣੀ ਕੌਮ ਸਭ ਤੋਂ ਉਪਰ ਹਰਿਮੰਦਰ ਸਾਹਿਬ ਦੇ ਹਮਲੇ ਵੇਲੇ ਕਿੰਨੀ ਵੱਡੀ ਕੁਰਬਾਨੀ ਦਿੱਤੀ ਸੀ। ਪੰਜ ਸਾਲ ਦੀ ਕੰਪਲੀਟ ਕਹਾਣੀ ਇਸ ਕਿਤਾਬ ਵਿੱਚ ਬੰਦ ਹੈ। ਜਿਸ ਨੂੰ ਪੜ•ਨਾ ਆਪਣੇ ਇਤਿਹਾਸ ਨੰੂੰ ਸਾਂਭ ਕੇ ਰੱਖਣ ਵਾਲੀ ਗੱਲ ਹੋਵੇਗੀ।।

ਪਹਿਲੇ ਪੈਸੇ ਦੇਣ ਦੀ ਸਟਿੰਗ ਆਪ੍ਰੇਸ਼ਨ, ਫਿਰ ਝੱਟ ਸੀਨੀਅਰ 21 ਮੈਬਰਾਂ ਵੱਲੋਂ ਛੋਟੇਪੁਰ ਨੂੰ ਪਾਰਟੀ ਵਿਚੋ ਕੱਢਣ ਲਈ ਚਿੱਠੀ ਲਿਖਣਾ “ਸਾਜ਼ਿਸ” ਨੂੰ ਖੁਦ ਪ੍ਰਤੱਖ ਕਰਦੇ ਹਨ : ਟਿਵਾਣਾ

app

ਚੰਡੀਗੜ੍ਹ, 26 ਅਗਸਤ (ਪੀ ਡੀ ਬਿਊਰੋ ) “ਸ੍ਰੀ ਕੇਜਰੀਵਾਲ ਤੇ ਉਸਦੀ ਆਪ ਪਾਰਟੀ ਦੇ ਯੂਪੀ, ਦਿੱਲੀ ਅਤੇ ਹੋਰਨਾਂ ਸੂਬਿਆਂ ਦੇ ਉਹ ਹਿੰਦੂ ਆਗੂ ਜਿਨ੍ਹਾਂ ਨੂੰ ਪੰਜਾਬ, ਪੰਜਾਬੀਆਂ ਅਤੇ ਸਿੱਖਾਂ ਦੀਆਂ ਭਾਵਨਾਵਾਂ ਤੇ ਸੋਚ ਬਾਰੇ ਕੋਈ ਜਾਣਕਾਰੀ ਨਹੀਂ, ਉਹ ਕੇਵਲ ਪੰਜਾਬੀਆਂ ਅਤੇ ਸਿੱਖ ਕੌਮ ਦੀਆਂ ਭਾਵਨਾਵਾਂ ਤੇ ਜ਼ਜ਼ਬਾਤਾਂ ਦੀ ਗੱਲ ਕਰਕੇ “ਵੋਟਾਂ” ਬਟੋਰਨ ਅਤੇ ਫਿਰ ਪੰਜਾਬ ਦੀ ਸਿਆਸਤ ਉਤੇ ਕਾਬਜ ਹੋਣ ਲਈ ਤਰਲੋ-ਮੱਛੀ ਹੋਏ ਪਏ ਹਨ । ਜਦੋਂਕਿ ਦੁਰਗੇਸ ਪਾਠਕ, ਸੰਜੇ ਸਿੰਘ ਅਤੇ ਹੋਰਨਾਂ ਬਾਹਰੀ ਸੂਬਿਆਂ ਦੇ ਆਗੂਆਂ ਨੂੰ ਪੰਜਾਬ ਸੂਬੇ ਅਤੇ ਸਿੱਖ ਕੌਮ ਦੀ ਤਾਸ਼ੀਰ ਤੇ ਇਥੋ ਦੇ ਸਮਾਜਿਕ, ਧਾਰਮਿਕ, ਭੂਗੋਲਿਕ, ਮਾਲੀ ਅਤੇ ਰਾਜਨੀਤਿਕ ਹਾਲਾਤਾਂ ਦੀ ਕੋਈ ਵਾਕਫ਼ੀਅਤ ਨਹੀਂ । ਇਹੀ ਵਜਹ ਹੈ ਕਿ ਇਹਨਾਂ ਵੱਲੋ ਪਹਿਲੇ ਚੋਣ ਮਨੋਰਥ ਪੱਤਰ ਜਾਰੀ ਕਰਦੇ ਸਮੇਂ, ਪੰਜਾਬ ਸੂਬੇ ਦਾ ਪਾਰਟੀ ਦਾ ਸੈਟਰ ਇੰਨਚਾਰਜ ਬਣਾਉਦੇ ਸਮੇਂ, ਪੰਜਾਬ ਨਾਲ ਸੰਬੰਧਤ ਗੰਭੀਰ ਮਸਲੇ ਪੰਜਾਬ ਦੇ ਦਰਿਆਵਾਂ ਦੇ ਪਾਣੀਆਂ, ਹੈੱਡਵਰਕਸ, ਪੰਜਾਬ ਦੀ ਰਾਜਧਾਨੀ ਚੰਡੀਗੜ੍ਹ ਤੇ ਪੰਜਾਬੀ ਬੋਲਦੇ ਇਲਾਕਿਆ, ਬਲਿਊ ਸਟਾਰ ਦੇ ਫੌæਜੀ ਹਮਲੇ ਦੀ ਕਾਰਵਾਈ, ਸਿੱਖ ਕੌਮ ਦੇ ਕਾਤਲਾਂ ਨੂੰ ਸਜ਼ਾਵਾਂ ਦਿਵਾਉਣ ਦੇ ਗੰਭੀਰ ਮੁੱਦਿਆ ਉਤੇ ਪੰਜਾਬ ਤੇ ਸਿੱਖ ਕੌਮ ਪੱਖੀ ਨਾ ਤਾਂ ਕੋਈ ਖੂਸਬੂ ਨਜ਼ਰ ਆ ਰਹੀ ਹੈ ਅਤੇ ਨਾ ਹੀ ਉਪਰੋਕਤ ਮੁੱਦਿਆ ਉਤੇ ਸ੍ਰੀ ਕੇਜਰੀਵਾਲ ਜਾਂ ਉਸਦੀ ਪਾਰਟੀ ਵੱਲੋਂ ਪੰਜਾਬੀਆਂ ਅਤੇ ਸਿੱਖ ਕੌਮ ਨੂੰ ਆਪਣਾ ਪਾਰਟੀ ਸਟੈਂਡ ਸਪੱਸਟ ਕੀਤਾ ਗਿਆ ਹੈ। ਜਿਸ ਤੋ ਇਹ ਪ੍ਰਤੱਖ ਹੁੰਦਾ ਹੈ ਕਿ ਇਥੋ ਦੇ ਨਿਵਾਸੀਆ ਨੂੰ ਪੇਸ਼ ਆ ਰਹੀਆਂ ਮੁਸ਼ਕਿਲਾਂ ਨੂੰ ਹੱਲ ਕਰਨ ਲਈ ਇਹਨਾਂ ਵਿਚ ਕੋਈ ਸੰਜ਼ੀਦਗੀ ਨਜ਼ਰ ਨਹੀਂ ਆਉਦੀ । ਸਿੱਖੀ ਜ਼ਜ਼ਬਾਤਾਂ ਨੂੰ ਉਭਾਰਕੇ ਵੋਟਾਂ ਪ੍ਰਾਪਤ ਕਰਨ ਅਤੇ ਪੰਜਾਬ ਦੀ ਸਿਆਸਤ ਉਤੇ ਕਾਬਜ ਹੋਣ ਤੱਕ ਸੀਮਤ ਹਨ । ਇਹੀ ਵਜਹ ਅਤੇ ਨਜਰੀਆ ਹੈ ਕਿ ਅੱਜ ਜਿਸ ਸ਼ ਸੁੱਚਾ ਸਿੰਘ ਛੋਟੇਪੁਰ ਨੇ ਬੀਤੇ ਦੋ ਸਾਲਾ ਤੋ ਆਪ ਪਾਰਟੀ ਨੂੰ ਪੰਜਾਬ ਵਿਚ ਪਿੰਡ ਪੱਧਰ ਤੱਕ ਮਜ਼ਬੂਤ ਕਰਨ ਲਈ ਆਪਣੀਆ ਸੇਵਾਵਾਂ ਦਿੱਤੀਆਂ ਹਨ ਅਤੇ ਜਿਸਦੀ ਸਿਆਸੀ ਸਖਸ਼ੀਅਤ, ਸੂਬੇ ਦੇ ਲੋਕਾਂ ਪ੍ਰਤੀ ਸਮਰਪਨ ਨੂੰ ਵੇਖਦੇ ਹੋਏ ਸੀ੍ਰ ਕੇਜਰੀਵਾਲ, ਯੂਪੀ ਅਤੇ ਦਿੱਲੀ ਦੀ ਹਿੰਦੂਤਵ ਲੀਡਰਸ਼ਿਪ ਵੱਲੋ ਪਹਿਲੇ ਇਕ ਸਾਜ਼ਿਸ ਰਚਕੇ ਸਟਿੰਗ ਆਪ੍ਰੇਸ਼ਨ ਕਰਵਾਇਆ ਗਿਆ, ਫਿਰ ਉਸੇ ਸਾਜ਼ਿਸ ਨੂੰ ਅੱਗੇ ਵਧਾਉਦੇ ਹੋਏ ਪਾਰਟੀ ਦੇ 21 ਸੀਨੀਅਰ ਮੈਬਰਾਂ ਤੋ ਕੇਜਰੀਵਾਲ ਨੇ ਖੁਦ ਨੂੰ, ਛੋਟੇਪੁਰ ਨੂੰ ਪਾਰਟੀ ਵਿਚੋ ਕੱਢਣ ਲਈ ਸਾਂਝਾ ਪੱਤਰ ਲਿਖਵਾਇਆ । ਤਾਂ ਕਿ ਸ਼ ਛੋਟੇਪੁਰ ਦੀ ਉੱਚੇ ਕੱਦ ਵਾਲੀ ਲੋਕ ਸੇਵਾ ਵਿਚ ਹਾਜਰ ਰਹਿਣ ਵਾਲੀ ਪ੍ਰਭਾਵੀ ਸਖਸ਼ੀਅਤ ਜੋ ਪੰਜਾਬ ਦੀ ਸਿਆਸਤ ਤੇ ਭਾਰੂ ਹੁੰਦੀ ਜਾ ਰਹੀ ਹੈ ਅਤੇ ਜਿਸ ਨੂੰ ਪੰਜਾਬੀਆਂ ਅਤੇ ਸਿੱਖਾਂ ਵੱਲੋ ਪਾਰਟੀ ਜਿੰਮੇਵਾਰੀਆਂ ਪੂਰੀਆਂ ਕਰਦੇ ਹੋਏ ਚੌਖਾ ਪਿਆਰ ਤੇ ਸਤਿਕਾਰ ਪ੍ਰਾਪਤ ਹੋਇਆ ਹੈ, ਉਸ ਨੂੰ ਘੱਟ ਕਰਨ ਲਈ ਅਜਿਹਾ ਕਰਵਾਇਆ ਗਿਆ ਹੈ । ਜਿਸ ਤੋ ਪੰਜਾਬ ਸੂਬੇ ਦੇ ਨਿਵਾਸੀਆਂ ਤੇ ਸਿੱਖ ਕੌਮ ਨੂੰ ਸੁਚੇਤ ਰਹਿਣਾ ਪਵੇਗਾ ਕਿ ਜੋ ਸ੍ਰੀ ਕੇਜਰੀਵਾਲ ਤੇ ਉਸਦੇ ਬਾਹਰੀ ਸੂਬਿਆਂ ਦੇ ਆਗੂਆਂ ਜਿਨ੍ਹਾਂ ਦਾ ਪੰਜਾਬ ਅਤੇ ਸਿੱਖ ਕੌਮ ਦੇ ਅਮੀਰ ਵਿਰਸੇ ਤੇ ਵਿਰਾਸਤ ਨਾਲ ਕੋਈ ਵਾਹ-ਵਾਸਤਾ ਨਹੀਂ, ਜੇਕਰ ਗਲਤੀ ਨਾਲ ਉਹ ਸਿਆਸਤ ਵਿਚ ਅੱਗੇ ਆ ਗਏ ਤਾਂ ਉਹ ਪੰਜਾਬ ਸੂਬੇ ਅਤੇ ਪੰਜਾਬੀਆਂ ਤੇ ਸਿੱਖ ਕੌਮ ਨੂੰ ਦੂਸਰੇ ਹਿੰਦੂਤਵ ਹੁਕਮਰਾਨਾਂ ਦੀ ਤਰ੍ਹਾਂ ਲੁੱਟ-ਪੁੱਟ ਕੇ ਰਾਜ ਕਰਕੇ ਚੱਲਦੇ ਬਣਨਗੇ । ਪੰਜਾਬੀਆਂ ਅਤੇ ਸਿੱਖ ਕੌਮ ਦੀ ਹਾਲਤ ਪਹਿਲੇ ਨਾਲੋ ਵੀ ਬਦਤਰ ਬਣ ਜਾਵੇਗੀ ।”

ਇਹ ਵਿਚਾਰ ਸ਼ ਇਕਬਾਲ ਸਿੰਘ ਟਿਵਾਣਾ ਮੁੱਖ ਬੁਲਾਰਾ, ਸਿਆਸੀ ਤੇ ਮੀਡੀਆ ਸਲਾਹਕਾਰ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਕੁਝ ਚੋਣਵੇ ਪੱਤਰਕਾਰਾਂ ਨਾਲ ਆਪ ਪਾਰਟੀ ਵਿਚ ਉੱਠੇ ਝੰਮੇਲੇ ਉਤੇ ਨਿੱਜੀ ਤੌਰ ਤੇ ਗੱਲਬਾਤ ਕਰਦੇ ਹੋਏ ਪ੍ਰਗਟ ਕੀਤੇ। ਉਹਨਾਂ ਕਿਹਾ ਕਿ ਸਿੱਖ ਕੌਮ ਅਤੇ ਪੰਜਾਬੀਆਂ ਵਿਚ ਇਕ ਕਹਾਵਤ ਪ੍ਰਚੱਲਿਤ ਹੈ ਕਿ ਜਿਸ ਲੜਕੀ ਦੇ ਪੇਕੇ ਮਜ਼ਬੂਤ ਹੋਣ, ਉਹ ਲੜਕੀ ਹੀ ਸਹੁਰੇ ਘਰ ਇੱਜਤ ਨਾਲ ਵੱਸ ਸਕਦੀ ਹੈ । ਅੱਜ ਜਦੋਂ ਚੋਣਾਂ ਦਾ ਮਾਹੌਲ ਗਰਮ ਹੈ ਤੇ ਹਰ ਪਾਰਟੀ ਤੇ ਆਗੂ ਨੂੰ ਚੋਣਾਂ ਦਾ ਤਾਪ ਚੜ੍ਹਿਆ ਹੋਇਆ ਹੈ ਤਾਂ ਪੰਜਾਬ ਸੂਬੇ ਵਿਚ ਵੱਸਣ ਵਾਲੇ ਪੰਜਾਬੀਆਂ ਅਤੇ ਸਿੱਖ ਵੋਟਰਾਂ ਨੂੰ ਆਪਣੇ ਜਹਿਨ ਵਿਚ ਇਹ ਗੱਲ ਮਜ਼ਬੂਤੀ ਨਾਲ ਰੱਖਣੀ ਪਵੇਗੀ ਕਿ ਅਸੀਂ 2017 ਦੀਆਂ ਆਉਣ ਵਾਲੀਆਂ ਪੰਜਾਬ ਅਸੈਬਲੀ ਚੋਣਾਂ ਵਿਚ ਜਿਸ ਪਾਰਟੀ (ਲਾੜੇ) ਨਾਲ ਪੰਜਾਬੀਆਂ ਅਤੇ ਸਿੱਖ ਕੌਮ ਦੀ ਹਕੂਮਤ ਦੀ ਸ਼ਾਦੀ ਦਾ ਬੰਧਨ ਬੰਨਣ ਜਾ ਰਹੇ ਹਾਂ, ਕੀ ਉਹ ਪੰਜਾਬ ਸੂਬੇ ਰੂਪੀ ਲੜਕੀ ਦਾ ਸੁਹਾਗ ਬਣਨ ਦੀ ਸਮਰੱਥਾਂ ਰੱਖਦਾ ਹੈ, ਕੀ ਉਹ ਪੰਜਾਬ ਨਿਵਾਸੀਆਂ ਰੂਪੀ ਲੜਕੀ ਦੀਆਂ ਮਨੋਭਾਵਨਾਵਾਂ ਨੂੰ ਅਮਲੀ ਤੇ ਦ੍ਰਿੜਤਾ ਰੂਪ ਵਿਚ ਪੂਰਨ ਕਰ ਸਕੇਗਾ ? ਕਹਿਣ ਤੋ ਭਾਵ ਹੈ ਕਿ ਬੇਸ਼ੱਕ ਇਕ ਵਾਵਰੋਲੇ ਦੀ ਤਰ੍ਹਾਂ ਅੱਜ ਪੰਜਾਬੀਆਂ ਅਤੇ ਸਿੱਖ ਕੌਮ ਉਤੇ ਸ੍ਰੀ ਕੇਜਰੀਵਾਲ ਅਤੇ ਉਸਦੀ ਆਪ ਪਾਰਟੀ ਦਾ ਭੂਤ ਜਿਹਾ ਸਵਾਰ ਜ਼ਰੂਰ ਹੋਇਆ ਹੈ, ਪਰ ਹੋਲੀ-ਹੋਲੀ ਜਿਸ ਤਰ੍ਹਾਂ ਸ੍ਰੀ ਕੇਜਰੀਵਾਲ ਤੇ ਆਪ ਪਾਰਟੀ ਦਾ ਪੰਜਾਬ ਸੂਬੇ, ਇਥੋ ਦੇ ਨਿਵਾਸੀਆਂ ਅਤੇ ਸਿੱਖ ਕੌਮ ਨਾਲ ਬਣਾਉਟੀ ਪਿਆਰ ਦਾ ਸੱਚ ਸਾਹਮਣੇ ਆਉਦਾ ਜਾ ਰਿਹਾ ਹੈ, ਚੋਣਾਂ ਹੋਣ ਤੋ ਪਹਿਲੇ-ਪਹਿਲੇ ਇਹ ਵਾਵਰੋਲਾ ਖੁਦ-ਬ-ਖੁਦ ਅਲੋਪ ਹੋ ਜਾਵੇਗਾ । ਕਿਉਂਕਿ ਇਹ ਬਾਹਰੀ ਆਗੂ ਜੋ ਕੇਵਲ ਸਿਆਸੀ ਭਾਵਨਾਵਾਂ ਅਧੀਨ ਹੀ ਪੰਜਾਬ ਸੂਬੇ ਅਤੇ ਪੰਜਾਬੀਆਂ ਨਾਲ ਆਪਣਾ ਰਿਸਤਾ ਕਾਇਮ ਕਰਨ ਦੀ ਗੱਲ ਕਰਦੇ ਹਨ ਇਹ ਪੰਜਾਬ ਨਿਵਾਸੀਆਂ ਰੂਪੀ ਲੜਕੀ ਨੂੰ ਸੁਹਾਗਣ ਬਣਾਉਣ ਤੇ ਉਸਦੀ ਲੰਮੇ ਸਮੇਂ ਤੱਕ ਜੀਵਨ ਨਿਰਵਾਹ ਕਰਨ ਦੀ ਬਿਲਕੁਲ ਸਮਰੱਥਾਂ ਨਹੀਂ ਰੱਖਦੇ, ਇਸ ਸੱਚ ਤੋ ਪੰਜਾਬੀਆਂ ਤੇ ਸਿੱਖ ਕੌਮ ਨੂੰ ਭਰਪੂਰ ਗਿਆਨ ਹੋਣਾ ਚਾਹੀਦਾ ਹੈ । ਸ਼ ਟਿਵਾਣਾ ਨੇ, ਸ਼ ਛੋਟੇਪੁਰ ਸੰਬੰਧੀ ਸੀ੍ਰ ਕੇਜਰੀਵਾਲ ਨੂੰ ਸਾਂਝੀ ਚਿੱਠੀ ਲਿਖਣ ਵਾਲੇ 21 ਆਗੂਆਂ ਦੀ ਆਤਮਾ ਨੂੰ ਵੀ ਝੰਜੋੜਦੇ ਹੋਏ ਕਿਹਾ ਕਿ ਜੋ ਅੱਜ ਆਪਣੇ ਸਿਆਸੀ ਸਵਾਰਥੀ ਹਿੱਤਾ ਦੀ ਪੂਰਤੀ ਲਈ ਆਪਣੀ ਆਤਮਾ ਦੀ ਆਵਾਜ ਨੂੰ ਦਬਾਅ ਕੇ ਚਿੱਠੀ ਤੇ ਦਸਤਖ਼ਤ ਕੀਤੇ ਹਨ, ਆਉਣ ਵਾਲੇ ਸਮੇਂ ਵਿਚ ਇਹਨਾਂ ਸਭਨਾਂ ਦਾ ਵੀ ਇਕ-ਇਕ ਕਰਕੇ ਇਹੀ ਹਸਰ ਹੋਣ ਤੋ ਇਨਕਾਰ ਨਹੀਂ ਕੀਤਾ ਜਾ ਸਕਦਾ । ਕਿਉਂਕਿ ਉਸ ਸਮੇਂ ਇਹਨਾਂ ਆਗੂਆਂ ਕੋਲ ਪਛਤਾਵੇ ਤੋ ਇਲਾਵਾ ਕੁਝ ਨਹੀਂ ਬਚੇਗਾ ।

ਸ਼ ਟਿਵਾਣਾ ਨੇ ਸ੍ਰੀ ਕੇਜਰੀਵਾਲ ਉਹਨਾਂ ਦੇ ਯੂਪੀ, ਦਿੱਲੀ ਅਤੇ ਹੋਰਨਾਂ ਸੂਬਿਆਂ ਦੇ ਗੈਰ-ਪੰਜਾਬੀ ਅਤੇ ਗੈਰ-ਇਖ਼ਲਾਕੀ ਆਗੂਆਂ ਸੰਬੰਧੀ ਕਿਹਾ ਕਿ ਜਿਸ ਪਾਰਟੀ ਦੀ ਸੁਰੂਆਤ ਸਮੇਂ ਹੀ ਗੈਰ-ਇਖ਼ਲਾਕੀ ਤੇ ਗੈਰ-ਸਮਾਜਿਕ ਅਮਲ ਸਾਹਮਣੇ ਆ ਰਹੇ ਹੋਣ, ਇਹਨਾਂ ਆਗੂਆਂ ਨੂੰ ਸ੍ਰੀ ਅੰਨਾ ਹਜਾਰੇ, ਬੀਬੀ ਕਿਰਨ ਬੇਦੀ, ਯੋਗਿੰਦਰ ਯਾਦਵ ਸ੍ਰੀ ਕੇਜਰੀਵਾਲ ਦੇ ਪਹਿਲੀ ਟੀਮ ਦੇ ਮਿਸਨਰੀ ਸਾਥੀਆਂ ਨੂੰ ਦਿੱਤੇ ਗਏ ਧੌਖੇ ਅਤੇ ਫਰੇਬ ਨੂੰ ਆਪਣੇ ਜਹਿਨ ਵਿਚ ਰੱਖਣਾ ਪਵੇਗਾ । ਕਿਉਂਕਿ ਅਜਿਹੇ ਮੋਕਾਪ੍ਰਸਤ ਅਤੇ ਸਮੇਂ ਦੀ ਨਿਜਾਕਤ ਨੂੰ ਪਹਿਚਾਣਦੇ ਹੋਏ ਗਿਰਗਿਟ ਵਾਂਗੂ ਰੰਗ ਬਦਲਣ ਵਾਲੇ ਆਗੂ ਅਤੇ ਪੰਜਾਬ ਤੇ ਸਿੱਖ ਕੌਮ ਨਾਲ ਸੰਬੰਧਤ ਉਪਰੋਕਤ ਵਰਣਨ ਕੀਤੇ ਗਏ ਗੰਭੀਰ ਮੁੱਦਿਆ ਉਤੇ ਸਟੈਂਡ ਸਪੱਸਟ ਨਾ ਕਰਨ ਵਾਲੇ ਆਗੂ ਅਤੇ ਪਾਰਟੀ ਪੰਜਾਬੀਆਂ ਅਤੇ ਸਿੱਖ ਕੌਮ ਉਤੇ ਰਾਜ ਕਰਨ ਦੀ ਕਾਬਲੀਅਤ ਨਹੀਂ ਰੱਖਦੇ।

ਮਨੋਹਰ ਪਾਰੀਕਰ ਵੱਲੋਂ ਸਿੱਖ ਗੁਰੂ ਸਾਹਿਬਾਨ ਦੀ ਚਰਨ ਛੋਹ ਪ੍ਰਾਪਤ ਪਾਕਿਸਤਾਨ ਦੀ ਧਰਨੀ ਨੂੰ “ਨਰਕ” ਕਹਿਣਾ ਸਿੱਖ ਕੌਮ ਨੂੰ ਜ਼ਲੀਲ ਕਰਨ ਦੇ ਤੁੱਲ ਅਮਲ : ਮਾਨ

nankana sahib

ਫ਼ਤਹਿਗੜ੍ਹ ਸਾਹਿਬ, 26 ਅਗਸਤ (ਪੀ ਡੀ ਬਿਊਰੋ )”ਜਿਸ ਪਵਿੱਤਰ ਧਰਤੀ ਉਤੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਅਵਤਾਰ ਧਾਰਿਆ ਹੋਵੇ, ਜਿਥੇ ਉਹਨਾਂ ਨੇ ਆਪਣਾ ਸਾਦਾ ਜੀਵਨ ਗੁਜਾਰਦੇ ਹੋਏ ਖੁਦ ਖੇਤੀ ਕੀਤੀ ਹੋਵੇ, ਜਿਥੇ ਸਿੱਖ ਧਰਮ ਦੇ ਪੰਜਵੇ ਗੁਰੂ ਸ੍ਰੀ ਗੁਰੂ ਅਰਜਨ ਦੇਵ ਸਾਹਿਬ ਨੇ ਮਨੁੱਖਤਾ ਦੀ ਅਤੇ ਮਨੁੱਖੀ ਹੱਕਾਂ ਦੀ ਰਾਖੀ ਲਈ ਸ਼ਹਾਦਤ ਦਿੱਤੀ ਹੋਵੇ, ਜਿਥੇ ਸਿੱਖ ਕੌਮ ਦੇ ਵੱਡੇ ਇਤਿਹਾਸਿਕ ਅਸਥਾਨ ਨਨਕਾਣਾ ਸਾਹਿਬ, ਪੰਜਾ ਸਾਹਿਬ, ਡੇਰਾ ਸਾਹਿਬ ਅਤੇ ਕੋਈ 200 ਦੇ ਕਰੀਬ ਧਾਰਮਿਕ ਅਸਥਾਂਨ ਅੱਜ ਵੀ ਇਨਸਾਨੀਅਤ ਅਤੇ ਮਨੁੱਖਤਾ ਦੀ ਗੱਲ ਕਰਦੇ ਹੋਏ ਸੁਸੋਭਿਤ ਹੋਣ, ਉਸ ਪਾਕਿਸਤਾਨ ਦੀ ਪਵਿੱਤਰ ਧਰਤੀ ਨੂੰ “ਨਰਕ” ਕਿਸ ਤਰ੍ਹਾਂ ਕਿਹਾ ਜਾ ਸਕਦਾ ਹੈ ? ਹਿੰਦ ਦੇ ਰੱਖਿਆ ਵਜ਼ੀਰ ਸ੍ਰੀ ਮਨੋਹਰ ਪਾਰੀਕਰ ਵੱਲੋ ਬੀਤੇ ਕੁਝ ਦਿਨ ਪਹਿਲੇ ਪਾਕਿਸਤਾਨ ਦੀ ਪਵਿੱਤਰ ਧਰਤੀ ਨੂੰ “ਨਰਕ” ਦੇ ਨਾਮ ਨਾਲ ਪੁਕਾਰਕੇ ਸਿੱਖ ਗੁਰੂ ਸਾਹਿਬਾਨ ਅਤੇ ਸਿੱਖ ਕੌਮ ਨੂੰ ਅਪਮਾਨਿਤ ਕਰਦੇ ਹੋਏ ਜੋ ਸਿੱਖ ਕੌਮ ਦੀਆਂ ਭਾਵਨਾਵਾਂ ਤੇ ਜ਼ਜਬਾਤਾ ਨੂੰ ਠੇਸ ਹੀਂ ਨਹੀਂ ਪਹੁੰਚਾਈ ਗਈ, ਬਲਕਿ ਆਪਣੀ ਅਕਲ ਦਾ ਵੀ ਪਾਰੀਕਰ ਵੱਲੋ ਜਨਾਜ਼ਾਂ ਕੱਢਿਆ ਗਿਆ ਹੈ । ਉਹ ਸਿੱਖ ਕੌਮ ਲਈ ਅਸਹਿ ਹੈ । ਸ੍ਰੀ ਪਾਰੀਕਰ ਵੱਲੋ ਜਦੋਂ ਤੱਕ ਆਪਣੇ ਤੋਂ ਹੋਈ ਗੁਸਤਾਖੀ ਲਈ ਸਿੱਖ ਕੌਮ ਤੋਂ ਜਨਤਕ ਤੌਰ ਤੇ ਮੁਆਫ਼ੀ ਮੰਗਦੇ ਹੋਏ ਆਪਣੇ ਸ਼ਬਦ ਵਾਪਿਸ ਨਹੀਂ ਲਏ ਜਾਂਦੇ, ਸਿੱਖ ਕੌਮ ਪਾਰੀਕਰ ਨੂੰ ਕਤਈ ਮੁਆਫ਼ ਨਹੀਂ ਕਰੇਗੀ ।”

ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਹਿੰਦ ਦੇ ਰੱਖਿਆ ਵਜ਼ੀਰ ਸ੍ਰੀ ਪਾਰੀਕਰ ਵੱਲੋ ਬੀਤੇ ਕੁਝ ਦਿਨ ਪਹਿਲੇ ਸਿੱਖ ਗੁਰੂ ਸਾਹਿਬਾਨ ਦੇ ਚਰਨ ਛੋਹ ਪ੍ਰਾਪਤ ਅਤੇ ਮਹਾਨ ਸ਼ਹਾਦਤ ਦੀ ਪ੍ਰਤੀਕ ਪਵਿੱਤਰ ਪਾਕਿਸਤਾਨ ਦੀ ਧਰਤੀ ਨੂੰ “ਨਰਕ” ਕਹਿਣ ਦੇ ਅਮਲਾਂ ਦੀ ਪੁਰਜੋਰ ਸ਼ਬਦਾਂ ਵਿਚ ਨਿਖੇਧੀ ਕਰਦੇ ਹੋਏ ਅਤੇ ਸਿੱਖ ਕੌਮ ਤੋ ਤੁਰੰਤ ਹੋਈ ਗੁਸਤਾਖੀ ਲਈ ਮੁਆਫ਼ੀ ਮੰਗਣ ਦੀ ਗੱਲ ਕਰਦੇ ਹੋਏ ਪ੍ਰਗਟ ਕੀਤੇ । ਉਹਨਾਂ ਕਿਹਾ ਕਿ ਅੱਜ ਹਿੰਦ ਅਤੇ ਪੰਜਾਬ ਵਿਚ ਅਜਿਹੇ ਲੱਖਾਂ ਦੀ ਗਿਣਤੀ ਵਿਚ ਪਰਿਵਾਰ ਹਨ ਜਿਨ੍ਹਾਂ ਦੇ ਮਾਤਾ-ਪਿਤਾ ਜਾਂ ਉਹਨਾਂ ਦੇ ਦਾਦੇ-ਪੜਦਾਦੇ ਅਤੇ ਖਾਨਦਾਨ ਪਾਕਿਸਤਾਨ ਦੀ ਧਰਤੀ ‘ਚੋ ਹੀ ਜੰਮੇ-ਪਲ੍ਹੇ ਹਨ ਅਤੇ ਉਥੋ ਦੇ ਮਹਾਨ ਕੁਰਬਾਨੀਆ ਭਰੇ ਮਨੁੱਖਤਾ ਪੱਖੀ ਵਿਰਸੇ ਅਤੇ ਵਿਰਾਸਤ ਨੂੰ ਸਾਂਭਕੇ ਅੱਜ ਚੜ੍ਹਦੇ ਪੰਜਾਬ ਵਿਚ ਵੱਡੀ ਗਿਣਤੀ ਵਿਚ ਵਿਚਰ ਰਹੇ ਹਨ । ਉਹਨਾਂ ਕਿਹਾ ਕਿ ਸਿੱਖ ਕੌਮ ਦਾ ਬਹੁਮੁੱਲਾ ਇਤਿਹਾਸ ਪਾਕਿਸਤਾਨ ਦੀ ਧਰਤੀ ਅਤੇ ਉਥੋ ਦੀ ਆਬੋ-ਹਵਾ ਨਾਲ ਸੰਬੰਧਤ ਹੈ । ਜੇਕਰ ਗੁਰੂ ਸਾਹਿਬਾਨ ਨੇ ਸਿੱਖ ਕੌਮ ਨੂੰ ਹਰ ਤਰ੍ਹਾਂ ਦੇ ਜ਼ਬਰ-ਜੁਲਮ ਵਿਰੁੱਧ ਬਿਨ੍ਹਾਂ ਕਿਸੇ ਡਰ-ਭੈ ਤੋ ਜੂਝਣ ਅਤੇ ਜ਼ਾਲਮ ਦਾ ਨਾਸ ਕਰਨ ਦਾ ਸੰਦੇਸ਼ ਦਿੱਤਾ ਹੈ, ਇਸ ਦੀ ਵਜਹ ਕਾਰਨ ਹੀ ਅੱਜ ਹਿੰਦ ਨਿਵਾਸੀ ਆਜ਼ਾਦ ਹਿੰਦ ਵਿਚ ਸਾਹ ਲੈ ਰਹੇ ਹਨ । ਵਰਨਾ ਇਹ ਲੋਕ ਜੋ ਗੁਰੂ ਸਾਹਿਬਾਨ ਦੀ ਪਵਿੱਤਰ ਧਰਤੀ ਪਾਕਿਸਤਾਨ ਨੂੰ ਨਰਕ ਕਹਿ ਰਹੇ ਹਨ, ਇਹ ਅੱਜ ਸਭ ਇਸਲਾਮੀਅਤ ਨੂੰ ਪ੍ਰਵਾਨ ਕਰਕੇ ਗੁਲਾਮੀ ਅਤੇ ਗੁਰਬਤ ਦਾ ਜੀਵਨ ਬਤੀਤ ਕਰ ਰਹੇ ਹੁੰਦੇ ਅਤੇ ਹਿੰਦੂ ਧਰਮ ਤੇ ਹਿੰਦੂ ਕੌਮ ਦਾ ਦੁਨੀਆ ਦੇ ਨਕਸੇ ‘ਤੇ ਕਿਤੇ ਵੀ ਨਾਮੋ-ਨਿਸ਼ਾਨ ਨਾ ਹੁੰਦਾ । ਇਸ ਲਈ ਜੇਕਰ ਸ੍ਰੀ ਪਾਰੀਕਰ ਦੀ ਜਮੀਰ ਦਾ ਕੁਝ ਹਿੱਸਾ ਜਿਊਦਾ ਹੈ, ਤਾਂ ਉਹ ਤੁਰੰਤ ਆਪਣੇ ਤੋ ਸਿੱਖ ਕੌਮ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੀ ਗੱਲ ਨੂੰ ਮਹਿਸੂਸ ਕਰਕੇ ਖੁੱਲ੍ਹੇ ਤੌਰ ਤੇ ਸਿੱਖ ਕੌਮ ਤੋ ਹੋਈ ਗਲਤੀ ਲਈ ਮੁਆਫੀ ਮੰਗ ਲੈਣ ਤਾਂ ਸਿੱਖ ਕੌਮ ਵਿਚ ਉਹਨਾਂ ਪ੍ਰਤੀ ਉਠੇ ਰੋਹ ਨੂੰ ਸ਼ਾਂਤ ਕੀਤਾ ਜਾ ਸਕਦਾ ਹੈ । ਉਹਨਾਂ ਕਿਹਾ ਕਿ “ਸਵਰਗ” ਜਾਂ “ਨਰਕ” ਦਾ ਸੰਬੰਧ ਉੱਚੀਆਂ ਅਸਮਾਨ ਛੂਹਦੀਆ ਬਿਲਡਿੰਗਾਂ, ਦੁਨੀਆ ਭਰ ਦੇ ਉੱਚ ਅਹੁਦੇ ਜਾਂ ਦੁਨਿਆਵੀ ਚਕਾਚੌਧ ਵਾਲੀਆਂ ਸਹੂਲਤਾਂ ਨਾਲ ਬਿਲਕੁਲ ਨਹੀਂ ਹੈ, ਇਹ ਤਾਂ ਅੰਤਰ ਆਤਮਾ ਦੇ ਦਰਜੇ ਤੇ ਨਿਰਭਰ ਕਰਦਾ ਹੈ ਕਿ ਕਿਸੇ ਇਨਸਾਨ ਦੀ ਅੰਤਰ ਆਤਮਾ ਵਿਚ ਇਨਸਾਨੀਅਤ ਕਦਰਾ-ਕੀਮਤਾ ਅਤੇ ਉਹਨਾਂ ਰੱਬੀ ਗੁਣਾਂ ਨਾਲ ਭਰਪੂਰ ਆਤਮਾ ਨਾਲ ਹੈ ਜੋ ਕਿਸੇ ਵੀ ਹਾਲਾਤਾਂ ਵਿਚ ਨਹੀਂ ਡੋਲਦੇ । ਬਲਕਿ ਇਨਸਾਨੀ ਕਦਰਾ-ਕੀਮਤਾ ਉਤੇ ਪਹਿਰਾ ਦਿੰਦੇ ਹੋਏ ਹਰ ਤਰ੍ਹਾਂ ਦੇ ਔਖੇ-ਸੌਖੇ ਸਮੇਂ ਵਿਚ ਮਨੁੱਖਤਾ ਅਤੇ ਸਰਬੱਤ ਦੇ ਭਲੇ ਦੀ ਗੱਲ ਕਰਦੇ ਹਨ । ਸਿੱਖ ਕੌਮ ਪਾਕਿਸਤਾਨ ਵਿਚ ਵੀ ਸਵਰਗ ਦਾ ਆਨੰਦ ਮਾਣਦੀ ਸੀ, ਅੱਜ ਚੜ੍ਹਦੇ ਪੰਜਾਬ ਵਿਚ ਵੀ ਅਤੇ ਜਿਥੇ ਕਿਤੇ ਵੀ ਵਿਚਰਦੀ ਹੈ, ਉਹਨਾਂ ਵਿਚ ਉਸ ਅਕਾਲ ਪੁਰਖ ਦੀ ਬਖਸ਼ਿਸ਼ ਸਦਕਾ ਹਮੇਸ਼ਾਂ ਸਵਰਗੀ ਗੁਣ ਰਹਿੰਦੇ ਹਨ । ਇਸ ਲਈ ਪਾਰੀਕਰ ਵਰਗੇ ਲੋਕਾਂ ਨੇ ਜਿਨ੍ਹਾਂ ਨੇ ਆਪਣੀਆ ਅੱਖਾਂ ਉਤੇ ਸਵਰਗ-ਨਰਕ ਦੀਆਂ ਬਣਾਉਟੀ ਅੱਖਾਂ ਲਗਾਈਆ ਹੋਈਆਂ ਹਨ, ਉਹ ਆਪਣੀ ਜਮੀਰ ਅਤੇ ਆਤਮਾ ਵਿਚ ਨਜ਼ਰ ਮਾਰਨ ਤਾਂ ਉਹਨਾਂ ਨੂੰ ਅਸਲੀਅਤ ਵਿਚ ਗਿਆਨ ਹੋ ਜਾਵੇਗਾ ਕਿ ਇਹ ਹਿੰਦ ਦੇ ਕੈਬਨਿਟ ਵਜ਼ੀਰ ਦੀ ਕੁਰਸੀ ਤੇ ਬਿਰਾਜਮਾਨ ਹੁੰਦੇ ਹੋਏ ਵੀ ਸਵਰਗ ਵਿਚ ਹਨ ਜਾਂ ਨਰਕ ਵਿਚ ?

ਸ਼ ਮਾਨ ਨੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਪੰਜਾਬ ਦੀ ਹਕੂਮਤ ਤੇ ਕਾਬਜ ਅਖੋਤੀ ਪੰਥਕ ਹੁਕਮਰਾਨ ਅਤੇ ਹੋਰ ਪੰਥ ਵਿਚ ਵਿਚਰ ਰਹੇ ਵੱਖ-ਵੱਖ ਪੰਥਕ ਸੰਗਠਨਾਂ ਨੂੰ ਸਵਾਲ ਕਰਦੇ ਹੋਏ ਕਿਹਾ ਕਿ ਜਦੋਂ ਅੱਜ ਫਿਰਕੂ ਭਾਜਪਾ ਦੇ ਇਕ ਆਗੂ ਵੱਲੋ ਸਾਡੇ ਗੁਰੂ ਸਾਹਿਬਾਨ ਦੀ ਚਰਨ ਛੋਹ ਪ੍ਰਾਪਤ ਧਰਤੀ ਨੂੰ ਨਰਕ ਕਹਿਕੇ ਸਿੱਖ ਕੌਮ ਨੂੰ ਤੇ ਗੁਰੂ ਸਾਹਿਬਾਨ ਨੂੰ ਅਪਮਾਨਿਤ ਕੀਤਾ ਜਾ ਰਿਹਾ ਹੈ, ਤਾਂ ਉਹਨਾਂ ਦੀਆਂ ਆਤਮਾਵਾਂ ਕਿਥੇ ਦਬਕੇ ਰਹਿ ਗਈਆ ਹਨ ? ਉਹ ਸਿੱਖ ਕੌਮ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਹੋਏ ਦੁੱਖਦਾਇਕ ਅਮਲਾਂ ਉਤੇ ਚੁੱਪ ਕਿਉਂ ਹਨ ? ਜਦੋਂਕਿ ਅਜਿਹੀ ਲੀਡਰਸ਼ਿਪ ਹਮੇਸ਼ਾਂ ਪੰਥ-ਪੰਥ ਦੀ ਗੱਲ ਕਰਕੇ ਆਪਣੇ-ਆਪ ਨੂੰ ਪੰਥਕ ਹੋਣ ਅਤੇ ਸਿੱਖ ਕੌਮ ਦੀਆਂ ਭਾਵਨਾਵਾਂ ਦੀ ਤਰਜਮਾਨੀ ਕਰਨ ਦਾ ਦਾਅਵਾ ਕਰਦੀਆ ਨਜ਼ਰ ਆਉਦੀਆਂ ਹਨ । ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਜਥੇਦਾਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਭਾਈ ਜਗਤਾਰ ਸਿੰਘ ਹਵਾਰਾ, ਐਕਟਿੰਗ ਜਥੇਦਾਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਭਾਈ ਧਿਆਨ ਸਿੰਘ ਮੰਡ, ਜਥੇਦਾਰ ਸੀ੍ਰ ਦਮਦਮਾ ਸਾਹਿਬ ਭਾਈ ਬਲਜੀਤ ਸਿੰਘ ਦਾਦੂਵਾਲ ਅਤੇ ਜਥੇਦਾਰ ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ ਦੇ ਜਥੇਦਾਰ ਭਾਈ ਅਮਰੀਕ ਸਿੰਘ ਅਜਨਾਲਾ ਨੂੰ ਜੋਰਦਾਰ ਅਪੀਲ ਕਰਦੇ ਹੋਏ ਕਿਹਾ ਕਿ ਗੁਰੂ ਸਾਹਿਬਾਨ ਜੀ ਦੀ ਚਰਨ ਛੋਹ ਪ੍ਰਾਪਤ ਪਾਕਿਸਤਾਨ ਦੀ ਪਵਿੱਤਰ ਧਰਤੀ ਨੂੰ ਨਰਕ ਗਰਦਾਨਣ ਵਾਲੇ ਹਿੰਦ ਦੇ ਰੱਖਿਆ ਵਜ਼ੀਰ ਪਾਰੀਕਰ ਵਿਰੁੱਧ ਸਿੱਖੀ ਰਵਾਇਤਾ ਅਨੁਸਾਰ ਕੌਮੀ ਕਾਰਵਾਈ ਕਰਨ ਤਾਂ ਕਿ ਕੋਈ ਵੀ ਉੱਚ ਤੋ ਉੱਚ ਅਹੁਦੇ ਤੇ ਬੈਠਾ ਇਨਸਾਨ ਸਿੱਖ ਗੁਰੂ ਸਾਹਿਬਾਨ ਅਤੇ ਸਿੱਖ ਕੌਮ ਨੂੰ ਅਪਮਾਨਿਤ ਤੇ ਜ਼ਲੀਲ ਕਰਨ ਦੀ ਗੁਸਤਾਖੀ ਨਾ ਕਰ ਸਕੇ ।

ਜਦੋਂ ਗਗਨੇਜਾ ਗੋਲੀ ਕਾਂਡ ਦੇ ਦੋਸ਼ੀ ਸ਼ਿਵ ਸੈਨਾ ਦੇ ਆਗੂ ਹੀ ਹਨ, ਤਾਂ ਟ੍ਰਿਬਿਊਨ, ਇੰਡੀਅਨ ਐਕਸਪ੍ਰੈਸ, ਹਿੰਦੂਸਤਾਨ ਟਾਈਮਜ਼ ਅਤੇ ਹੋਰ ਪ੍ਰੈਸ ਨੇ ਸਿੱਖ ਕੌਮ ਨੂੰ ਬਦਨਾਮ ਕਿਉਂ ਕੀਤਾ ? ਮਾਨ

IMG_0228

ਫ਼ਤਹਿਗੜ੍ਹ ਸਾਹਿਬ, 26 ਅਗਸਤ (ਪੀ ਡੀ ਬਿਊਰੋ ) “ਜਦੋਂ ਵੀ ਪੰਜਾਬ ਵਿਚ ਕੋਈ ਅਣਸੁਖਾਵੀ ਮਾੜੀ ਦੁਰਘਟਨਾ ਵਾਪਰਦੀ ਹੈ, ਤਾਂ ਬਿਨ੍ਹਾਂ ਕਿਸੇ ਤਰ੍ਹਾਂ ਦੀ ਜਾਂਚ ਪੜਤਾਲ ਤੋਂ ਘਟਨਾ ਵਾਪਰਨ ਵਾਲੇ ਹੀ ਦਿਨ ਹਿੰਦੂਤਵ ਪ੍ਰੈਸ ਅਤੇ ਫਿਰਕੂ ਸੋਚ ਵਾਲੀ ਮੁਤੱਸਵੀ ਲੀਡਰਸ਼ਿਪ ਅਜਿਹੀ ਘਟਨਾ ਨੂੰ ਸਿੱਖ ਕੌਮ ਨਾਲ ਜੋੜਕੇ ਬਦਨਾਮ ਕਰਨਾ ਸੁਰੂ ਕਰ ਦਿੰਦੇ ਹਨ । ਜਿਵੇ ਬ੍ਰਿਗੇਡੀਅਰ ਗਗਨੇਜਾ ਉਤੇ ਜਿਸ ਦਿਨ ਹਮਲਾ ਹੋਇਆ ਸੀ, ਉਸ ਦਿਨ ਤੋ ਹੀ ਸਿੱਖ ਨੌਜ਼ਵਾਨਾਂ ਉਤੇ ਪੁਲਿਸ ਵੱਲੋ ਗੈਰ-ਕਾਨੂੰਨੀ ਤਰੀਕੇ ਕਹਿਰ ਵੀ ਢਾਹਿਆ ਜਾ ਰਿਹਾ ਹੈ ਅਤੇ ਸਿੱਖ ਨੌਜ਼ਵਾਨਾਂ ਦੀਆਂ ਗ੍ਰਿਫ਼ਤਾਰੀਆਂ ਦਾ ਤਸੱਦਦ ਦੌਰ ਜਾਰੀ ਹੈ । ਹਿੰਦੂਤਵ ਪ੍ਰੈਸ ਅਤੇ ਫਿਰਕੂ ਆਗੂਆਂ ਕੋਲ ਅਜਿਹਾ ਕਿਹੜਾ ਯੰਤਰ ਤੇ ਪੈਮਾਨਾ ਹੈ, ਜਿਸ ਤੋ ਉਹਨਾਂ ਨੂੰ ਵਾਰਦਾਤ ਹੋਣ ਤੋ ਕੁਝ ਪਲਾ ਵਿਚ ਹੀ ਪਤਾ ਲੱਗ ਜਾਂਦਾ ਹੈ ਕਿ ਇਸ ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਸਿੱਖ ਹਨ ? ਇਹ ਤਾਂ ਹਿੰਦੂਤਵ ਪ੍ਰੈਸ ਅਤੇ ਫਿਰਕੂ ਆਗੂਆਂ ਵੱਲੋ ਸਿੱਖ ਕੌਮ ਦੇ ਉੱਚੇ-ਸੁੱਚੇ ਇਖ਼ਲਾਕ ਤੇ ਉਹਨਾਂ ਦੀਆਂ ਇਨਸਾਨੀਅਤ ਕਦਰਾ-ਕੀਮਤਾ ਨਾਲ ਭਰਪੂਰ ਸਿੱਖੀ ਜੀਵਨ ਨੂੰ ਹੋਰਨਾਂ ਵਰਗਾਂ ਤੇ ਦੂਸਰੇ ਮੁਲਕਾਂ ਦੇ ਨਿਵਾਸੀਆਂ ਵਿਚ ਦਾਗੀ ਕਰਨ ਦੀ ਸਾਜ਼ਿਸ ਨਹੀਂ ਤਾਂ ਹੋਰ ਕੀ ਹੈ ? ਹੁਣ ਜਦੋਂ ਬ੍ਰਿਗੇਡੀਅਰ ਗਗਨੇਜਾ ਉਤੇ ਹਮਲੇ ਕਰਨ ਵਾਲੇ ਸਿਵ ਸੈਨਾ ਨਾਲ ਸੰਬੰਧਤ ਦੋਸ਼ੀ ਸਾਹਮਣੇ ਆ ਗਏ ਹਨ, ਤਾਂ ਟ੍ਰਿਬਿਊਨ, ਇੰਡੀਅਨ ਐਕਸਪ੍ਰੈਸ, ਹਿੰਦੂਸਤਾਨ ਟਾਈਮਜ਼, ਟਾਈਮਜ਼ ਆਫ਼ ਇੰਡੀਆਂ ਆਦਿ ਅਖ਼ਬਾਰਾਂ ਅਤੇ ਫਿਰਕੂ ਆਗੂਆਂ ਤੋਂ ਸਿੱਖ ਕੌਮ ਜੁਆਬ ਮੰਗਦੀ ਹੈ ਕਿ ਜਿਨ੍ਹਾਂ ਸਿੱਖ ਨੌਜ਼ਵਾਨਾਂ ਉਤੇ ਸ਼ੱਕ ਦੇ ਬਿਨ੍ਹਾਂ ਤੇ ਇਹ ਤਸੱਦਦ ਢਾਹਿਆ ਗਿਆ ਅਤੇ ਸਿੱਖ ਕੌਮ ਨੂੰ ਬਿਨ੍ਹਾਂ ਵਜਹ ਬਦਨਾਮ ਕੀਤਾ ਗਿਆ, ਉਹਨਾਂ “ਝੂਠ ਦੀ ਪੰਡ ਚੁੱਕਣ ਵਾਲੇ” ਅਖ਼ਬਾਰਾਂ ਤੇ ਫਿਰਕੂ ਆਗੂਆਂ ਵਿਰੁੱਧ ਹੁਕਮਰਾਨਾਂ, ਕਾਨੂੰਨ ਅਤੇ ਪ੍ਰੈਸ ਟਰੱਸਟ ਆਫ਼ ਇੰਡੀਆਂ ਅਖ਼ਬਾਰਾਂ ਦੀ ਸੰਸਥਾਂ ਵੱਲੋ ਕੀ ਐਕਸ਼ਨ ਕੀਤਾ ਜਾ ਰਿਹਾ ਹੈ ?”

ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਇਥੋ ਦੀ ਹਿੰਦੂਤਵ ਕੱਟੜਵਾਦੀ ਸੋਚ ਵਾਲੀ ਅੰਗਰੇਜ਼ੀ ਪ੍ਰੈਸ ਅਤੇ ਸਿੱਖ ਕੌਮ ਵਿਰੁੱਧ ਮੰਦਭਾਵਨਾ ਰੱਖਣ ਵਾਲੀ ਮੁਤੱਸਵੀ ਲੀਡਰਸ਼ਿਪ, ਪੰਜਾਬ ਪੁਲਿਸ ਅਤੇ ਪੰਜਾਬ ਦੀ ਬਾਦਲ-ਬੀਜੇਪੀ ਹਕੂਮਤ ਨੂੰ ਜਿਥੇਲੋਕਾਂ ਦੀ ਇਸਨਾਫ਼ ਦੀ ਕਚਹਿਰੀ ਦੇ ਕਟਹਿਰੇ ਵਿਚ ਖੜ੍ਹੇ ਕਰਦੇ ਹੋਏ ਪ੍ਰਗਟ ਕੀਤੇ, ਉਥੇ ਹਿੰਦੂਤਵ ਪ੍ਰੈਸ ਅਤੇ ਫਿਰਕੂ ਆਗੂਆਂ ਵੱਲੋ ਸਿੱਖ ਕੌਮ ਦੇ ਨਾਮ ਨੂੰ ਉਛਾਲਕੇ ਨਿਰੰਤਰ ਚੱਲਦੇ ਆ ਰਹੇ ਮੰਦਭਾਗੇ ਰੁਝਾਨ ਤੇ ਸਾਜ਼ਿਸ ਦੀ ਪੁਰਜੋਰ ਸ਼ਬਦਾਂ ਵਿਚ ਨਿਖੇਧੀ ਕੀਤੀ । ਉਹਨਾਂ ਕਿਹਾ ਕਿ ਸਿੱਖ ਕੌਮ ਦਾ ਇਤਿਹਾਸ ਇਸ ਗੱਲ ਦੀ ਪ੍ਰਤੱਖ ਗਵਾਹੀ ਭਰਦਾ ਹੈ ਕਿ ਸਿੱਖ ਕੌਮ ਨੇ ਕਦੀ ਵੀ ਛੁੱਪਕੇ ਜਾਂ ਪਿੱਠ ਤੇ ਵਾਰ ਕਰਨਾ ਨਹੀਂ ਸਿੱਖਿਆ । ਬਲਕਿ ਜਿਸ ਵੀ ਪੰਥ ਦੋਖੀ ਨੂੰ ਸਿੱਖ ਕੌਮ ਨੇ ਸਜ਼ਾ ਦੇਣੀ ਹੁੰਦੀ ਹੈ, ਉਸ ਨੂੰ ਦੁਨੀਆਂ ਸਾਹਮਣੇ ਲਲਕਾਰ ਕੇ ਆਪਣੀਆਂ ਸਿੱਖੀ ਰਵਾਇਤਾ ਉਤੇ ਪਹਿਰਾ ਦਿੰਦੇ ਹੋਏ ਪੰਥ ਦੇ ਦੁਸ਼ਮਣਾਂ ਨੂੰ ਸਜ਼ਾ ਦਿੰਦੀ ਆਈ ਹੈ । ਭਾਵੇ ਉਹ ਜ਼ਾਬਰ ਅਬਦਾਲੀ ਹੋਵੇ, ਮੱਸਾ ਰੰਘੜ ਹੋਵੇ, ਜਕਰੀਆ ਖਾਂ ਹੋਵੇ, ਮਰਹੂਮ ਇੰਦਰਾ ਗਾਂਧੀ ਜਾਂ ਬੇਅੰਤ ਸਿੰਘ, ਜਰਨਲ ਵੈਦਿਆ ਹੋਣ ਸਿੱਖ ਕੌਮ ਨੇ ਕਦੀ ਵੀ ਪਿੱਠ ਪਿੱਛੇ ਵਾਰ ਨਹੀਂ ਕੀਤਾ । ਇਸ ਲਈ ਜੋ ਹਿੰਦੂਤਵ ਅਖ਼ਬਾਰ ਅਤੇ ਫਿਰਕੂ ਆਗੂ ਸਿੱਖ ਕੌਮ ਦੇ ਕਿਰਦਾਰ ਨੂੰ ਦਾਗੀ ਕਰਨ ਦੀਆਂ ਸਾਜ਼ਿਸਾਂ ਰੱਖਦੇ ਹਨ, ਉਹ ਕਦੀ ਵੀ ਆਪਣੇ ਮੰਦਭਾਵਨਾ ਭਰੇ ਮਨਸੂਬਿਆ ਵਿਚ ਨਾ ਪਹਿਲਾ ਕਦੇ ਕਾਮਯਾਬ ਹੋਏ ਹਨ, ਨਾ ਆਉਣ ਵਾਲੇ ਸਮੇਂ ਵਿਚ ਕਾਮਯਾਬ ਹੋਣਗੇ । ਸਿੱਖ ਕੌਮ ਜਮਹੂਰੀਅਤ ਅਤੇ ਅਮਨਮਈ ਤਰੀਕੇ ਆਪਣੀ ਆਜ਼ਾਦੀ ਦੀ ਲੜਾਈ ਲੜਦੀ ਆ ਰਹੀ ਹੈ, ਜਿਸ ਨੂੰ ਸਿੱਖ ਕੌਮ ਹਰ ਕੀਮਤ ਤੇ ਪ੍ਰਾਪਤ ਕਰਕੇ ਰਹੇਗੀ । ਸ਼ ਮਾਨ ਨੇ ਪ੍ਰੈਸ ਟਰੱਸਟ ਆਫ਼ ਇੰਡੀਆਂ ਜੋ ਪ੍ਰੈਸ ਨਾਲ ਸੰਬੰਧਤ ਸੰਗਠਨ ਹੈ, ਉਸ ਨੂੰ ਸੰਜੀਦਾ ਭਰੀ ਅਪੀਲ ਕਰਦੇ ਹੋਏ ਕਿਹਾ ਕਿ ਜੋ ਪ੍ਰੈਸ, ਅਖ਼ਬਾਰ ਜਾਂ ਜਰਨਲਿਸਟ ਸਿੱਖ ਕੌਮ ਨੂੰ ਨਿਸ਼ਾਨਾਂ ਬਣਾਕੇ ਬਦਨਾਮ ਕਰਨ ਵਿਚ ਮਸਰੂਫ ਹਨ, ਉਹਨਾਂ ਵਿਰੁੱਧ ਜਰਨਲਿਜਮ ਦੇ ਅਸੂਲਾਂ ਤੇ ਨਿਯਮਾਂ ਅਨੁਸਾਰ ਤੁਰੰਤ ਕਾਰਵਾਈ ਕਰਕੇ ਸਿੱਖ ਕੌਮ ਨੂੰ ਇਨਸਾਫ਼ ਦੇਵੇ ਅਤੇ ਪ੍ਰੈਸ ਉਤੇ ਨਿਰਪੱਖਤਾ ਦੀ ਜਿੰਮੇਵਾਰੀ ਨਾ ਨਿਭਾਉਣ ਦੇ ਲੱਗਦੇ ਜਾ ਰਹੇ ਦਾਗ ਨੂੰ ਦੂਰ ਕਰੇ । ਸ਼ ਮਾਨ ਨੇ ਇਹ ਵੀ ਕਿਹਾ ਕਿ ਜੋ ਫਿਰਕੂ ਸੋਚ ਵਾਲੇ ਆਗੂ ਸਿੱਖ ਕੌਮ ਨੂੰ ਬਦਨਾਮ ਕਰਨ ਵਿਚ ਨਿਸ਼ਾਨਾਂ ਬਣਾਉਦੇ ਆ ਰਹੇ ਹਨ, ਉਹ ਆਪਣੇ ਅਜਿਹੇ ਸਮਾਜ ਵਿਰੋਧੀ ਤੇ ਇਨਸਾਨੀਅਤ ਵਿਰੋਧੀ ਅਮਲਾਂ ਤੋ ਤੋਬਾ ਕਰ ਲੈਣ ਤਾ ਬਿਹਤਰ ਹੋਵੇਗਾ, ਵਰਨਾ ਸਮੇਂ ਅਤੇ ਸੱਚ ਦੀ ਆਵਾਜ਼ ਦੀ ਮਾਰ ਤੋ ਉਹ ਬਚ ਨਹੀਂ ਸਕਣਗੇ । ਉਹਨਾਂ ਨੂੰ ਉਹਨਾਂ ਦੇ ਕੀਤੇ ਕੁਕਰਮਾ ਦੀ ਸਜ਼ਾ ਕਿਸੇ ਨਾ ਕਿਸੇ ਰੂਪ ਵਿਚ ਅਵੱਸ ਮਿਲੇਗੀ । ਕਿਉਂਕਿ ਇਹ ਕੁਦਰਤ ਦਾ ਨਿਯਮ ਹੈ ਜਿਸ ਤੋ ਕੋਈ ਵੀ ਮੁੰਨਕਰ ਨਹੀਂ ਹੋ ਸਕਦਾ ।

‘‘ਗੁਰੂ ਲਾਧੋ ਰੇ’’ ਸਮਾਗਮਾਂ ਦੀ ਲੜੀ ਤਹਿਤ ਦਿੱਲੀ ਕਮੇਟੀ ਨੇ ਵਿਸ਼ੇਸ਼ ਸੈਮੀਨਾਰ ਕਰਵਾਇਆ

DSC_2094

ਨਵੀਂ ਦਿੱਲੀ (25 ਅਗਸਤ 2016) : ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਬਾਬਾ ਮੱਖਣ ਸ਼ਾਹ ਲੁਬਾਣਾ ਅਤੇ ਭਾਈ ਲੱਖੀ ਸ਼ਾਹ ਵਣਜਾਰਾ ਦੀ ਯਾਦ ਨੂੰ ਸਮਰਪਿਤ ਵਿਸ਼ੇਸ਼ ਸੈਮੀਨਾਰ ਕਰਵਾਇਆ ਗਿਆ। ‘‘ਗੁਰੂ ਲਾਧੋ ਰੇ’’ ਸਮਾਗਮਾਂ ਦੀ ਲੜੀ ਤਹਿਤ ਗੁਰੂ ਗੋਬਿੰਦ ਸਿੰਘ ਕਾਲਜ ਆਫ਼ ਕਾਮਰਸ, ਪੀਤਮ ਪੁਰਾ ਦੇ ਸਾਹਿਬਜਾਦਾ ਬਾਬਾ ਅਜੀਤ ਸਿੰਘ ਅੋਡੀਟੋਰੀਅਮ ਵਿਖੇ ਕਰਵਾਏ ਗਏ ਇਸ ਸੈਮੀਨਾਰ ਵਿਚ ਵਿਦਿਵਾਨਾਂ ਵੱਲੋਂ ਦੋਨੋਂ ਮਹਾਪੁਰਸ਼ਾ ਦੇ ਸ਼੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਨਾਲ ਜੁੜਾਵ ’ਤੇ ਵਿੱਦਿਵਤਾ ਭਰਪੂਰ ਰੌਸ਼ਨੀ ਪਾਈ ਗਈ।

ਕਮੇਟੀ ਪ੍ਰਧਾਨ ਮਨਜੀਤ ਸਿੰਘ ਜੀ.ਕੇ. ਨੇ ਸਵਾਗਤੀ ਸ਼ਬਦਾਂ ਦੌਰਾਨ ਕਮੇਟੀ ਪ੍ਰਬੰਧਕ ਦੇ ਤੌਰ ਤੇ ਉਨ੍ਹਾਂ ਵੱਲੋਂ ਨਿਭਾਈ ਜਾ ਰਹੀਆਂ ਜਿੰਮੇਵਾਰੀਆਂ ਨੂੰ ਰਿਲੇ ਦੌੜ ਦੇ ਐਥਲੀਟ ਵੱਜੋਂ ਪਰਿਭਾਸ਼ਿਤ ਕੀਤਾ। ਜੀ.ਕੇ. ਨੇ ਕਿਹਾ ਕਿ ਬੀਤੇ 3.5 ਸਾਲ ਦੌਰਾਨ ਉਨ੍ਹਾਂ ਦੀ ਟੀਮ ਨੇ ਸਿੱਖ ਇਤਿਹਾਸ ਨੂੰ ਘਰ-ਘਰ ’ਚ ਨੌਜਵਾਨ ਪੀੜ੍ਹੀ ਤਕ ਪਹੁੰਚਾਉਣ ਵਾਸਤੇ ਇੱਕ ਐਥਲੀਟ ਵਾਂਗ ਗੁਰਮਤਿ ਦੀ ਰੌਸ਼ਨੀ ਇੱਕ ਹੱਥ ਤੋਂ ਦੂਜੇ ਹੱਥ ਵਿਚ ਤਬਦੀਲ ਕਰਨ ਦੇ ਟੀਚੇ ਤੇ ਪਹਿਰਾ ਦਿੱਤਾ ਹੈ। ਜੀ.ਕੇ. ਨੇ ਕਿਹਾ ਕਿ ਗੁਰੂ ਤੇਗ ਬਹਾਦਰ ਸਾਹਿਬ ਨੂੰ ਬਾਬਾ ਮੱਖਣ ਸ਼ਾਹ ਲੁਬਾਣਾ ਨੇ 9ਵੇਂ ਗੁਰੂ ਵਜੋਂ ਪੱਛਾਣ ਕੇ ਜੋ ਸਿੱਖ ਪੰਥ ਤੇ ਉਪਕਾਰ ਕੀਤਾ ਸੀ ਉਸ ਉਪਕਾਰ ਨੂੰ ਗੁਰੂ ਸਾਹਿਬ ਦੀ ਸ਼ਹੀਦੀ ਦੇ ਬਾਅਦ ਉਨ੍ਹਾਂ ਦੇ ਧੜ ਦਾ ਅੰਤਿਮ ਸੰਸਕਾਰ ਕਰਕੇ ਭਾਈ ਲੱਖੀ ਸ਼ਾਹ ਵਣਜਾਰਾ ਨੇ ਅੱਗੇ ਤੋਰਿਆ ਸੀ। ਜੀ.ਕੇ. ਨੇ ਸਿੱਖ ਇਤਿਹਾਸ ਦਾ ਦੋਨੋਂ ਮਹਾਪੁਰਖਾਂ ਨੂੰ ਅਹਿਮ ਅੰਗ ਦੱਸਿਆ।

ਜਨਰਲ ਸਕੱਤਰ ਮਨਜਿੰਦਰ ਸਿੰਘ ਸਿਰਸਾ ਨੇ ਅਰੰਭਕ ਸ਼ਬਦ ਦੌਰਾਨ ਕਮੇਟੀ ਵੱਲੋਂ ਲਾਲ ਕਿਲੇ ਅਤੇ ਕੁੱਤੁਬ ਮੀਨਾਰ ਨਾਲ ਜੁੜੇ ਸਿੱਖ ਇਤਿਹਾਸ ਨੂੰ ਸੰਗਤਾਂ ਦੇ ਸਾਹਮਣੇ ਰੱਖਣ ਦੀ ਸ਼ੁਰੂ ਕੀਤੀ ਗਈ ਮੁਹਿੰਮ ਦੀ ਅਗਲੀ ਕੜੀ ਵਜੋਂ ਸੈਮੀਨਾਰਾਂ ਨੂੰ ਸਮਝਣ ਤੇ ਵੀ ਜੋਰ ਦਿੱਤਾ। ਸਿਰਸਾ ਨੇ ਕਿਹਾ ਕਿ ਜੇਕਰ ਅਸੀਂ ਆਪਣੇ ਬੱਚਿਆਂ ਤਕ ਆਪਣੇ ਮਾਣਮਤੇ ਇਤਿਹਾਸ ਨੂੰ ਚੰਗੇ ਤਰੀਕੇ ਨਾਲ ਪਹੁੰਚਾਵਾਂਗੇ ਤਾਂ ਸਾਡਾ ਆਉਣ ਵਾਲਾ ਭਵਿੱਖ ਸਿੱਖੀ ਦੀ ਭਰੀ ਪੂਰੀ ਫ਼ੁਲਵਾੜੀ ਵਾਲਾ ਹੋਵੇਗਾ। ਵਿਦਿਆਰਥੀਆਂ ਨੂੰ ਸਿੱਖ ਇਤਿਹਾਸ ਨੂੰ ਸਮਝਣ, ਵਿਚਾਰਣ ਅਤੇ ਉਸਤੇ ਅਮਲ ਕਰਨ ਦੀ ਵੀ ਸਿਰਸਾ ਨੇ ਅਪੀਲ ਕੀਤੀ। ਪੰਜਾਬੀ ਯੂਨਵਰਸਿਟੀ ਪਟਿਆਲਾ ਦੇ ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ ਦੇ ਡਾਇਰੈਕਟਰ ਡਾ. ਹਰਭਜਨ ਸਿੰਘ, ਉੱਘੇ ਵਿਦਿਵਾਨ ਭਾਈ ਹਰਜਿੰਦਰ ਸਿੰਘ ਰਜਾਦਾ ਤੇ ਭਾਈ ਨਿਰਮਲ ਸਿੰਘ ਧੂਲਕੋਟ ਨੇ ਆਪਣੇ ਲੈਕਚਰਾਂ ਦੌਰਾਨ ਖੋਜ਼ ਭਰਪੂਰ ਤੱਥ ਪੇਸ਼ ਕਰਕੇ ਦਿੱਲੀ ਕਮੇਟੀ ਵੱਲੋਂ ਸਿੱਖ ਇਤਿਹਾਸ ਨੂੰ ਸੁਰਜੀਤ ਕਰਨ ਵਾਸਤੇ ਕੀਤੇ ਜਾ ਰਹੇ ਕਾਰਜਾਂ ਦੀ ਸਲਾਘਾ ਕੀਤੀ।

ਧਰਮ ਪ੍ਰਚਾਰ ਕਮੇਟੀ ਦੇ ਚੇਅਰਮੈਨ ਪਰਮਜੀਤ ਸਿੰਘ ਰਾਣਾ ਨੇ ਸਟੇਜ਼ ਸਕੱਤਰ ਦੀ ਸੇਵਾ ਨਿਭਾਉਂਦੇ ਹੋਏ ਦੋਨੋਂ ਮਹਾਪੁਰਸ਼ਾ ਦੇ ਜੀਵਨ ਦੀ ਜਾਣਕਾਰੀ ਸਬੰਧੀ ਕਮੇਟੀ ਦੇ ਸਕੂਲਾਂ ਵਿਚ ਧਾਰਮਿਕ ਪ੍ਰੀਖਿਆ ਕਰਾਉਣ ਦਾ ਵੀ ਐਲਾਨ ਕੀਤਾ। ਰਾਣਾ ਨੇ ਇਸ ਪ੍ਰੀਖਿਆ ਵਿਚ ਪਹਿਲੇ ਨੰਬਰ ਦੇ ਜੇਤੂ ਨੂੰ 11 ਹਜਾਰ ਰੁਪਏ, ਦੂਜੇ ਨੰਬਰ ਦੇ ਜੇਤੂ ਨੂੰ 7100 ਰੁਪਏ ਅਤੇ ਤੀਜ਼ੇ ਨੰਬਰ ਤੇ ਆਉਣ ਵਾਲੇ 5100 ਰੁਪਏ ਦੀ ਇਨਾਮੀ ਰਾਸ਼ੀ ਕਮੇਟੀ ਵੱਲੋਂ ਦਿੱਤੇ ਜਾਣ ਦੀ ਜਾਣਕਾਰੀ ਦਿੱਤੀ। ਕਮੇਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਮਹਿੰਦਰ ਪਾਲ ਸਿੰਘ ਚੱਢਾ, ਕਾਲਜ ਦੇ ਚੇਅਰਮੈਨ ਭੂਪਿੰਦਰ ਸਿੰਘ ਆਨੰਦ ਅਤੇ ਪ੍ਰਿੰਸੀਪਲ ਜਤਿੰਦਰ ਬੀਰ ਸਿੰਘ ਵੱਲੋਂ ਆਏ ਹੋਏ ਪਤਿਵੰਤੇ ਸ਼ਜੱਣਾ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਸਿੱਖ ਚਿੰਤਕਾ ਸਣੇ ਗੁਰੂ ਲਾਧੋ ਰੇ ਸਮਾਗਮ ਸਬ ਕਮੇਟੀ ਦੇ ਚੇਅਰਮੈਨ ਰਘੂਬੀਰ ਸਿੰਘ ਸੁਭਾਨਪੁਰ ਨਿਊਯਾਰਕ, ਕਨਵੀਨਰ ਮਾਸਟਰ ਮਹਿੰਦਰ ਸਿੰਘ ਨਿਊਯਾਰਕ ਅਤੇ ਸੰਗਤਾਂ ਨੇ ਵੱਡੀ ਗਿਣਤੀ ਵਿਚ ਹਾਜ਼ਰੀ ਭਰੀ।

ਸ਼ਹੀਦ ਦਿਲਾਵਰ ਸਿੰਘ ਦੀ ਯਾਦ ਨੂੰ ਸਮਰਪਿਤ – ਇਤਿਹਾਸ ਦੇ ਝਰੋਖੇ ‘ਚੋਂ – ”ਦਿੱਲੀ ਦੇ ਤਾਜ਼ਦਾਰੋ! ਕੰਧ ਤੇ ਲਿਖਿਆ ਪੜੋ!”

14063730_1148379268566520_5611058305320751356_n

31 ਅਗਸਤ ਨੂੰ ਚੰਡੀਗੜ• ਸ਼ਹਿਰ ਦੀ ਅੱਠ ਮੰਜ਼ਲਾ ਸਕੱਤਰੇਤ ਬਿਲਡਿੰਗ ਵਿੱਚ ਲੱਗੀਆਂ ਸਾਰੀਆਂ ਕੰਧ ਘੜੀਆਂ (ਕਲਾਕ) 5 ਵੱਜ ਕੇ 13 ਮਿੰਟ ‘ਤੇ ਇੱਕ ਜ਼ਬਰਦਸਤ ਧਮਾਕੇ ਨਾਲ ਖਲੋ• ਗਈਆਂ। ਸਿਰਫ ਘੜੀਆਂ ਹੀ ਨਹੀਂ ਖਲੋਤੀਆਂ, ਝੋਲੀਚੁੱਕਾਂ ਵਲੋਂ ਭਗਵਾਨ ਰਾਮ ਤੇ ਗੁਰੂ ਨਾਨਕ ਦਾ ਅਵਤਾਰ ਕਹਿ ਕੇ ਪੁਕਾਰੇ ਜਾਂਦੇ, ਪੰਜਾਬ ਦੇ ਅਖੌਤੀ ਸ਼ੇਰੇ

Dr. Amarjit Singh

Dr. Amarjit Singh

ਪੰਜਾਬ, ਦਿੱਲੀ ਦਰਬਾਰ ਦੇ ਪੰਜਾਬ ਵਿੱਚ ਥਾਪੇ ਸੂਬੇਦਾਰ (ਅਸਲ ਵਿੱਚ ਫੌਜ ਵਿੱਚੋਂ ਰਿਟਾਇਰ ਹੋਇਆ ਹੌਲਦਾਰ) ਸਿੱਖ ਕੌਮ ਵਿੱਚ ਅਤਿ ਤ੍ਰਿਸਕਾਰਤ ਵਿਅਕਤੀ ਬੇਅੰਤੇ ਦੇ ਸਰੀਰ ਦੇ ਤੂੰਬੇ ਵੀ ਕਈ ਸੌ ਗਜ਼ ਦੂਰ ਜਾ ਖਿੱਲਰੇ। ਕਮਾਂਡੋਆਂ ਸਮੇਤ ਲਗਭਗ ਡੇਢ ਦਰਜਨ ਹੋਰ ਵਿਅਕਤੀ ਇਸ ਹਾਦਸੇ ਵਿੱਚ ਮਾਰੇ ਗਏ। 1991 ਵਿੱਚ ਮਦਰਾਸ ਵਿੱਚ ਰਾਜੀਵ ਗਾਂਧੀ ਦੇ ਅੰਤ ਤੋਂ ਬਾਅਦ (ਜਿਸ ਵਿੱਚ ਤਾਮਿਲ ਲੜਕੀ ਧੇਨੂ ਨੇ ਆਪਣੇ ਸਰੀਰ ਨਾਲ ਬੰਬ ਬੰਨ• ਕੇ ਉਸਨੂੰ ਉਡਾਇਆ ਸੀ) ਇਹ ਸਭ ਤੋਂ ਵੱਡਾ ਧਮਾਕੇ ਭਰਿਆ ਰਾਜਸੀ ਲੀਡਰ ਦਾ ਅੰਤ ਹੈ। ਰਾਜੀਵ ਗਾਂਧੀ ਉਦੋਂ ਪ੍ਰਧਾਨ ਮੰਤਰੀ ਨਹੀਂ ਸੀ ਤੇ ਉਸਨੂੰ ਮਾਰਿਆ ਵੀ ਇੱਕ ਪਬਲਿਕ ਜਲਸੇ ਦੌਰਾਨ ਗਿਆ ਸੀ। ਪਰ ਪੰਜਾਬ ਦਾ ਮੁੱਖ ਮੰਤਰੀ ਬੇਅੰਤਾ ਕੁਲ ਹਿੰਦੂ (ਬ•ਾਮਣ) ਲੋਕਾਈ ਦਾ ‘ਡਾਰਲਿੰਗ’ ਤਾਂ ਹੈ ਹੀ ਸੀ, ਸਿੱਖ ਕੌਮ ਵਿਚਲੇ ਗਦਾਰਾਂ ਦਾ ਸਰਦਾਰ ਸੀ ਤੇ ਉਸਦਾ ਖਾਤਮਾ ਵੀ ਗੱਦੀ ‘ਤੇ ਸੁਸ਼ੋਭਿਤ ਹੁੰਦਿਆਂ ਸਕੱਤਰੇਤ ਦੇ ਬਾਹਰ ਹੋਇਆ, ਜਿਹੜਾ ਸਭ ਤੋਂ ਸੁਰੱਖਿਅਤ ਅਸਥਾਨ ਸੀ। ਮੁੱਖ ਮੰਤਰੀ ਦੀ ਕੁਰਸੀ ‘ਤੇ ਪੰਜ ਸਾਲ ਬਹਿਣ ਦੇ ਲਾਲਚ ਵਿੱਚ ਇਸ ਦੁਸ਼ਟ ਨੇ, ਹਜ਼ਾਰਾਂ ਆਪਣੇ ਹਮ-ਕੌਮਾਂ ਦਾ ਅੰਤ-ਬ੍ਰਾਹਮਣਵਾਦੀ ਹਾਕਮਾਂ ਦੇ ਇਸ਼ਾਰੇ ‘ਤੇ ਕੀਤਾ। ਉਸ ਕੁਕਰਮ ਦਾ ਹਿਸਾਬ ਅਕਾਲਪੁਰਖ ਦੇ ਸਾਜੇ ਖਾਲਸਾ ਪੰਥ ਨੇ ਕਰਦਿਆਂ ਇਸਨੂੰ ਐਸੀ ਢੁਕਵੀਂ ਸਜ਼ਾ ਦਿੱਤੀ ਹੈ ਜਿਹੜੀ ਬਾਕੀ ਦੁਸ਼ਟਾਂ ਲਈ ਵੀ ਚਾਨਣ ਮੁਨਾਰਾ ਸਾਬਤ ਹੋਵੇਗੀ। ਖੁਸ਼ੀ ਦੀ ਗੱਲ ਇਹ ਹੈ ਕਿ ਬੇਅੰਤੇ ਦੇ ਸੋਧੇ ਜਾਣ ਨੂੰ ਅੰਤਰਰਾਸ਼ਟਰੀ ਮੀਡੀਆ ਨੇ ਵੀ ਠੀਕ ਪ੍ਰਸੰਗ ਨਾਲ ਦੇਖਿਆ ਹੈ ਤੇ ਇਸਨੂੰ ਅੰਨ•ੇਵਾਹ ‘ਦਹਿਸ਼ਤਵਾਦ’ ਦੇ ਖਾਤੇ ਵਿੱਚ ਨਹੀਂ ਪਾਇਆ। ਇਸ ਪੱਖੋਂ ਦੁਨੀਆਂ ਦੇ ਪ੍ਰਮੁੱਖ ਅਖਬਾਰਾਂ ਦੀਆਂ ਟਿੱਪਣੀਆਂ ਪਾਠਕਾਂ ਲਈ ਲਾਹੇਵੰਦ ਹੋਣਗੀਆਂ।
ਨੀਊਯਾਰਕ ਟਾਈਮਜ਼ ਇੰਟਰਨੈਸ਼ਨਲ ਨੇ 3 ਸਤੰਬਰ ਦੇ ਅਖਬਾਰ ਵਿੱਚ ਮੁੱਖ ਸੁਰਖੀ ਦਿੱਤੀ ‘ਇਹ ਕਤਲ ਹਿੰਦੋਸਤਾਨ ਨੂੰ ਯਾਦ ਕਰਵਾਉਣ ਲਈ ਹੈ ਕਿ ਸਿੱਖ (ਖਾਲਿਸਤਾਨੀ) ਬਗਾਵਤ ਦੀ ਵੰਗਾਰ ਮੌਜੂਦ ਹੈ।’ ਇਸ ਆਰਟੀਕਲ ਵਿੱਚ ਪੱਤਰਕਾਰ ਜੌਹਨ ਐਫ ਬਰਨਜ਼ ਲਿਖਦਾ ਹੈ ਕਿ ‘ਵੀਰਵਾਰ ਨੂੰ ਚੰ²ਡੀਗੜ• ਵਿੱਚ ਹੋਇਆ ਸ਼ਕਤੀਸ਼ਾਲੀ ਬੰਬ ਧਮਾਕਾ, ਜਿਸ ਵਿੱਚ ਪੰਜਾਬ ਦਾ ਮੁੱਖ ਮੰਤਰੀ ਬੇਅੰਤ ਸਿੰਘ ਤੇ 15 ਹੋਰ ਮਾਰੇ ਗਏ, ਨੇ ਭਾਰਤ ਸਰਕਾਰ ਦੇ ਇਸ ਵਿਸ਼ਵਾਸ ਨੂੰ ਚਕਨਾਚੂਰ ਕਰ ਦਿੱਤਾ ਹੈ ਕਿ ਉਸਨੇ ਪੰਜਾਬ ਵਿੱਚ ਸਿੱਖ ਵੱਖਵਾਦੀਆਂ ਦੇ ਖਿਲਾਫ ਜੰਗ ਜਿੱਤ ਲਈ ਹੈ।’ ਲੰਡਨ ਤੋਂ ਛਪਦੇ ‘ਦੀ ਇਕੋਨੋਮਿਸਟ ਲੰਡਨ’ ਨੇ ਆਪਣੇ 2 ਸਤੰਬਰ ਦੇ ਅੰਕ ਵਿੱਚ ਕਿਹਾ ਹੈ, ‘ਇਹ ਸਾਧਾਰਣ ਰਾਜਸੀ ਕਤਲ ਨਹੀਂ ਹੈ।’ ਇਹ ਪ੍ਰਧਾਨ ਮੰਤਰੀ ਰਾਓ ਦੇ ਸਿਆਸੀ ਥਾਲ ਵਿੱਚ ਹੋਈ ਮੋਰੀ ਹੈ’ (“he assasination has blown a hole in Mr. Rao’s record)। ‘ਵਾਸ਼ਿੰਗਟਨ ਟਾਈਮਜ਼’ ਨੇ ਆਪਣੇ 5 ਸਤੰਬਰ ਦੇ ਇੱਕ ਲੇਖ ਵਿੱਚ ਕਿਹਾ ‘ਬੇਅੰਤ ਸਿੰਘ ਦੀ ਚੰਡੀਗੜ• ਦੇ ਬੰਬ ਧਮਾਕੇ ਵਿੱਚ ਹੋਈ ਮੌਤ ਨੇ ਸਿੱਖ ਵੱਖਵਾਦੀਆਂ ਦੇ ਕਾਜ਼ ਨੂੰ ਕਾਫੀ ਦੇਰ ਦੀ ਚੁੱਪ ਤੋਂ ਬਾਅਦ ਫੇਰ ਮੂਹਰਲੀ ਕਤਾਰ ਵਿੱਚ ਲੈ ਆਂਦਾ ਹੈ।’ ਪਹਿਲੀ ਸਤੰਬਰ ਦੇ ਅੰਕ ਵਿੱਚ ਇੰਗਲੈਂਡ ਦਾ ਮਸ਼ਹੂਰ ਅਖਬਾਰ ‘ਦੀ ਟਾਈਮਜ਼’ ਲਿਖਦਾ ਹੈ, ‘ਪੰਜਾਬੀ ਲੀਡਰ ਦੇ ਕਤਲ ਨਾਲ ਦੋ ਸਾਲਾਂ ਤੋਂ ਵੱਖਵਾਦੀ ਹਮਲਿਆਂ ਵਿੱਚ ਆਈ ਖੜੋਤ ਟੁੱਟ ਗਈ ਹੈ। ਇਹ ਵੱਖਵਾਦ ਬੜੇ ਦ੍ਰਿਸ਼ਮਈ ਤਰੀਕੇ ਨਾਲ ਵਾਪਸ ਆਇਆ ਹੈ, ਭਾਵੇਂ ਇਸ ਦੀ ਕਾਫੀ ਦੇਰ ਤੋਂ ਇੰਤਜ਼ਾਰ ਸੀ। ਵੱਖਵਾਦ ਦਾ ਨਵਾਂ ਦੌਰ ਬੜਾ ਸੁਚੱਜਾ ਹੋਵੇਗਾ ਕਿਉਂਕਿ ਹੁਣ ਇਸ ਲਹਿਰ ਵਿੱਚ ਪੜ•ੇ-ਲਿਖੇ ਸ਼ਹਿਰੀ ਸਿੱਖ ਵੀ ਸ਼ਾਮਲ ਹਨ, ਜਿਹਨਾਂ ‘ਚੋਂ ਕਈਆਂ ਨੂੰ ਬਾਹਰਲੇ ਦੇਸ਼ਾਂ ਦੀ ਜ਼ਿੰਦਗੀ ਦਾ ਤਜਰਬਾ ਵੀ ਹੈ।’ ਫਾਈਨੈਂਨਸ਼ੀਅਲ ਟਾਈਮਜ਼ ਆਪਣੇ ਪਹਿਲੀ ਸਤੰਬਰ ਦੇ ਅੰਕ ਵਿੱਚ ਕਹਿੰਦਾ ਹੈ ‘ਇਹ 1992 ਤੱਕ ਸਿੱਖ ਵੱਖਵਾਦ ਨੂੰ ਦਬਾਉਣ ਲਈ ਹੋਈਆਂ 25000 ਤੋਂ ਜ਼ਿਆਦਾ ਮੌਤਾਂ ਤੋਂ ਬਾਅਦ ਹੀ ਸਭ ਤੋਂ ਸੰਗੀਨ ਘਟਨਾ ਹੈ, ਜਿਸ ਨਾਲ ਪੰਜਾਬ ਦੀ ਕਾਂਗਰਸ ਪਾਰਟੀ ਪੂਰੀ ਤਰ•ਾਂ ਹਿੱਲ ਗਈ ਹੈ ਕਿਉਂਕਿ ਇਹ ਸਿੱਖ ਬਹੁਗਿਣਤੀ ਦੇ ਚੋਣਾਂ ਬਾਈਕਾਟ ਕਰਨ ਦੇ ਨਤੀਜੇ ਵਜੋਂ ਤਾਕਤ ਵਿੱਚ ਆਈ ਸੀ। ਤਾਕਤ ਦੇ ਜ਼ੋਰ ਨਾਲ ਹੀ ਇਸਨੇ ਸ਼ਾਂਤੀ ਬਹਾਲ ਕਰਣ ਦੀ ਗੱਲ ਕੀਤੀ ਪਰ ਸਿੱਖ ਬਹੁਗਿਣਤੀ ਇਸਨੂੰ ਅਖੌਤੀ ਸ਼ਾਂਤੀ ਸਮਝਦੀ ਸੀ ਤੇ ਇਸ ਸਥਿਤੀ ਤੋਂ ਨਿਰਾਸ਼ ਸੀ। ਸਿੱਖਾਂ ਦੀ ਪੰਜਾਬ ਵਿੱਚ 70 ਫੀਸਦੀ ਅਬਾਦੀ ਹੈ ਜਦੋਂ ਕਿ ਉਹ ਭਾਰਤ ਦੀ ਇੱਕ ਛੋਟੀ ਘੱਟਗਿਣਤੀ ਹਨ ਤੇ ਉਹ ਕਹਿੰਦੇ ਹਨ ਕਿ ਉਨ•ਾਂ ਨਾਲ ਭਾਰਤ ਵਿੱਚ ਵਿਤਕਰਾ ਹੁੰਦਾ ਹੈ।’ ਰਾਈਟਰ, ਐਸੋਸੀਏਟਿਡ ਪ੍ਰੈਸ, ਸਾਊਥ ਚਾਈਨਾ ਮੋਰਨਿੰਗ ਪੋਸਟ ਆਦਿ ਨੀਊਜ਼ ਏਜੰਸੀਆਂ ਦੇ ਪੱਤਰਕਾਰਾਂ ਨੇ ਵੀ ਇਸ ਕਤਲ ਨੂੰ ਖਾਲਿਸਤਾਨ ਦੀ ਲਹਿਰ ਨਾਲ ਜੋੜ ਕੇ ਦੇਖਿਆ ਤੇ ਇਸਨੂੰ ‘ਚੁੱਪ ਦਾ ਟੁੱਟਣਾ’ ਕਿਹਾ।
ਭਾਵੇਂ ਭਾਰਤ ਸਰਕਾਰ ਤੇ ਸਰਕਾਰ ਪੱਖੀ ਮੀਡੀਏ ਨੇ ਇਸ ਘਟਨਾ ਦੀ ਅਹਿਮੀਅਤ ਨੂੰ ਘਟਾਉਣ ਦਾ ਯਤਨ ਕੀਤਾ ਹੈ ਤੇ ਇਸਨੂੰ ਸੁਰੱਖਿਆ ਵਿੱਚ ਊਣਤਾਈ ਆਦਿ ਕਹਿ ਕੇ ਵੇਲਾ ਲੰਘਾਉਣਾ ਚਾਹਿਆ ਹੈ ਪਰ ਇਹ ਉਨ•ਾਂ ਦੀ ਮਜ਼ਬੂਰੀ ਹੈ ਕਿਉਂਕਿ ਸਾਢੇ ਤਿੰਨ ਸਾਲ ਉਨ•ਾਂ ਨੇ ਇਤਨਾ ਝੂਠ ਬੋਲਿਆ ਹੈ ਕਿ ਉਹ ਹੁਣ ਮੂੰਹ ਵਿਖਾਉਣ ਜੋਗੇ ਨਹੀਂ ਹਨ। ਇਸ ਘਟਨਾ ਦੀ ਭਾਰਤ ਮਾਂ ਦੇ ਸਪੂਤਾਂ ‘ਤੇ ਕਿੰਨੀ ਦਹਿਸ਼ਤ ਹੈ, ਇਸਦਾ ਅੰਦਾਜ਼ਾ ਇਸ ਗੱਲ ਤੋਂ ਹੀ ਲਗਾਇਆ ਜਾ ਸਕਦਾ ਹੈ ਕਿ ਪ੍ਰਧਾਨ ਮੰਤਰੀ ਰਾਓ ਸ਼ਮਸ਼ਾਨਘਾਟ ਡਰਦਿਆਂ ਮਾਰਿਆਂ ਨਹੀਂ ਵੜਿਆ ਤੇ ਆਪਣੇ ਬੱਚੇ ਜਮੂਰੇ ਦੇ ਰਿਸ਼ਤੇਦਾਰਾਂ ਨੂੰ ਮਿਲਣ ਲਈ ਵੀ ਹੈਲੀਕਾਪਟਰ ਦਾ ਸਹਾਰਾ ਲਿਆ। ਪੰਜਾਬ ਦੇ ਕਾਂਗਰਸੀ ਵਜ਼ੀਰ ਪੀਲੇ ਭੂਕ ਮੂੰਹਾਂ ਨਾਲ, ਯਤੀਮਾਂ ਵਾਂਗ ਗੁਆਚੇ ਫਿਰਦੇ ਰਹੇ। ਜਿਹਨਾਂ ਜਰਵਾਣਿਆਂ ਨੇ ਪਿਛਲੇ ਇੱਕ ਦਹਾਕੇ ਤੋਂ ਵੱਧ ਸਮਾਂ ਸਿੱਖ ਕੌਮ ਨੂੰ ਜ਼ੁਲਮ ਦੀ ਭੱਠੀ ਵਿੱਚ ਉਬਾਲਿਆ ਹੈ, ਉਹ ਖਾਲਸੇ ਦੇ ਇੱਕੋ ਕਰਾਰੇ ਵਾਰ ਨਾਲ ਹੀ ਪੈਰੋਂ ਨਿਕਲ ਗਏ ਹਨ। ਇਹ ਵਾਰ ਕਰਨ ਵਾਲੇ, ਨੀਲੇ ਦੇ ਸ਼ਾਹ ਅਸਵਾਰ ਦੇ ਸਪੁੱਤਰ, ਸਪੁੱਤਰੀਆਂ ਨੇ ਕੌਮ ਨੂੰ ਬਾਗੋਬਾਗ ਕਰ ਦਿੱਤਾ ਹੈ ਤੇ ਕੌਮ ਸਦਾ ਉਨ•ਾਂ ਦੀ ਰਿਣੀ ਰਵੇਗੀ।
ਦਿੱਲੀ ਦੇ ਤਾਜ਼ਦਾਰਾਂ ਲਈ ਹੁਣ ਫੈਸਲੇ ਦੀ ਘੜੀ ਆਣ ਪਹੁੰਚੀ ਹੈ ਕੀ ਉਹ ਫਾਸ਼ੀਵਾਦੀ, ਤਾਨਾਸ਼ਾਹ, ਬ੍ਰਾਹਮਣਵਾਦੀ ਸੋਚ ‘ਤੇ ਆਧਾਰਤ ਗੁੰਡਾਕਰੇਸੀ (ਜਿਸ ਦਾ ਨਾਂ ਭਾਰਤ ਹੈ) ਕਾਇਮ ਰੱਖ ਕੇ ਸਿੱਖ ਕੌਮ ਤੋਂ ਆਪਣਾ ਸਰਵਨਾਸ਼ ਚਾਹੁੰਦੇ ਹਨ ਜਾਂ ਜਮਾਨਪਾਰ ਜਾ ਕੇ ਚੰਗੇ ਗੁਆਂਢੀਆਂ ਵਾਂਗ ਵਸਣਾ ਚਾਹੁੰਦੇ ਹਨ। ਚੀਨ ਦੀ ਰਾਜਧਾਨੀ ਬੀਜਿੰਗ (ਪਹਿਲਾ ਨਾ ਪੀਕਿੰਗ) ਵਿੱਚ ਇਸ ਹਫਤੇ ਯੂ. ਐਨ. ਵਲੋਂ ਕਰਵਾਈ ਜਾ ਰਹੀ ਔਰਤਾਂ ਸਬੰਧੀ ਚੌਥੀ ਕਾਨਫਰੰਸ ਵਿੱਚ ਹਜ਼ਾਰਾਂ ਦੀ ਗਿਣਤੀ ਵਿੱਚ ਦੁਨੀਆਂ ਭਰ ਤੋਂ ਡੈਲੀਗੇਟ ਇਸਤਰੀਆਂ ਆਈਆਂ ਹੋਈਆਂ ਹਨ, ਵਿੱਚ ਅਮਰੀਕਾ ਦੀ ਪ੍ਰਥਮ ਲੇਡੀ ਹਿਲੇਰੀ ਕਲਿੰਟਨ ਨੇ ਆਪਣੇ ਭਾਸ਼ਨ ਨਾਲ ਦੁਨੀਆਂ ਭਰ ਵਿੱਚ ਹਲਚਲ ਪੈਦਾ ਕਰ ਦਿੱਤੀ ਹੈ। ਭਾਰਤੀ ਹਿੰਦੂ ਹਾਕਮ ਜੇ ਇਸ ਭਾਸ਼ਨ ‘ਤੇ ਅਮਲ ਕਰਨ ਦਾ ਸਾਊਥ ਏਸ਼ੀਆ ਵਿੱਚ ਸਦੀਵੀ ਸ਼ਾਂਤੀ ਸਥਾਪਿਤ ਹੋ ਸਕਦੀ ਹੈ। ਬੀਬੀ ਹਿਲੇਰੀ ਕਲਿੰਟਨ ਦੇ ਭਾਸ਼ਣ ਦੇ ਕੁਝ ਅੰਸ਼ ਇਉਂ ਹਨ – ‘ਆਜ਼ਾਦੀ ਦਾ ਮਤਲਬ ਹੈ ਲੋਕਾਂ ਦੇ ਇਕੱਠੇ ਹੋਣ ਦਾ, ਜਥੇਬੰਦ ਹੋਣ ਤੇ ਵੀਚਾਰ ਵਟਾਂਦਰਾ ਕਰਨ ਦਾ ਹੱਕ। ਉਨ•ਾਂ ਲੋਕਾਂ ਦੇ ਵੀਚਾਰਾਂ ਦੀ ਵੀ ਕਦਰ ਕਰਣ ਦੀ ਲੋੜ ਹੈ, ਜਿਹੜੇ ਸਰਕਾਰ ਨਾਲ ਸਹਿਮਤ ਨਾ ਹੋਣ। ਜੇ ਕੋਈ ਸਰਕਾਰ ਘਰਦਿਆਂ ਦੇ ਸਾਹਮਣੇ ਉਨ•ਾਂ ਦੇ ਜੀਆਂ ਨੂੰ ਖੋਹ ਕੇ ਲੈ ਜਾਂਦੀ ਹੈ, ਉਨ•ਾਂ ਨੂੰ ਤਸੀਹੇ ਦੇਂਦੀ ਹੈ, ਜੇਲ•ਾਂ ਵਿੱਚ ਰੱਖਦੀ ਹੈ, ਉਨ•ਾਂ ਨੂੰ ਸਵੈਮਾਣ ਤੇ ਆਜ਼ਾਦੀ ਦਾ ਮੁੱਢਲਾ ਹੱਕ ਦੇਣ ਤੋਂ ਇਨਕਾਰੀ ਹੈ ਤਾਂ ਫੇਰ ਆਜ਼ਾਦੀ ਦਾ ਕੀ ਅਰਥ ਸਮਝਿਆ ਜਾਵੇ?
ਭਾਰਤੀ ਹਾਕਮਾਂ ਨੇ ਪਿਛਲੇ 48 ਸਾਲਾਂ ਵਿੱਚ ਆਜ਼ਾਦੀ ਦੇ ਨਾਂ ‘ਤੇ ਸਿੱਖਾਂ ਨੂੰ ਬਰਬਾਦੀ ਕਰ ਦਿੱਤੀ ਹੈ। ਜੂਨ-84 ਤੋਂ ਹੁਣ ਤੱਕ ਡੇਢ ਲੱਖ ਸਿੱਖ ਗੱਭਰੂਆਂ-ਮੁਟਿਆਰਾਂ-ਬੱਚਿਆਂ-ਬਿਰਧਾਂ ਨੂੰ ਮੌਤ ਦੇ ਘਾਟ ਉਤਾਰਿਆ ਗਿਆ ਹੈ। ਪੰਜਾਬ ਅੰਦਰ ਵਰਦੀਧਾਰੀ ਗੁੰਡਿਆਂ ਤੋਂ ਕਹਿਰਾਂ ਦਾ ਜ਼ੁਲਮ ਕਰਵਾਇਆ ਗਿਆ ਹੈ। ਸਿੱਖ ਕੌਮ ਨੇ ਜ਼ਾਬਰਾਂ ਤੋਂ ਪੈਸੇ ਪੈਸੇ ਦਾ ਹਿਸਾਬ ਲੈਣਾ ਹੈ। ਜੇ ਹਿੰਦੂ ਹਾਕਮ, ਸਿੱਖ ਮਾਰੂ ਮਸ਼ੀਨਰੀ (ਫੌਜ, ਪੁਲਿਸ, ਪੈਰਾ ਮਿਲਟਰੀ) ਜਮਨਾ ਦਰਿਆ ਦੇ ਪਰਲੇ ਪਾਸੇ ਲਿਜਾ ਕੇ ਸਿੱਖਾਂ ਵੱਲ ਦੋਸਤੀ ਦਾ ਹੱਥ ਵਧਾਉਣਗੇ ਤਾਂ ਹੀ ਦੱਖਣੀ ਏਸ਼ੀਆ ਵਿੱਚ ਅਮਨ ਅਮਾਨ ਪਰਤ ਸਕਦਾ ਹੈ। ਵੈਸੇ ਇਸ ਹਾਲਤ ਵਿੱਚ ਵੀ ਅਣਮਨੁੱਖੀ ਜ਼ੁਲਮ ਕਰਣ ਵਾਲੇ ਸਿੱਖਾਂ ਦੇ ਕਾਤਲ ਹਿੰਦੂ ਸਰਕਾਰ ਨੂੰ ਸਾਡੇ ਹਵਾਲੇ ਕਰਨੇ ਪੈਣਗੇ, ਨਹੀਂ ਤਾਂ ਵੈਸੇ ਵੀ ਇਨ•ਾਂ ਨੂੰ ਬੋਰੀਆਂ ‘ਚ ਪਾ ਕੇ ਸਿੱਖਾਂ ਨੇ ਖਾਲਿਸਤਾਨ ਲਿਆਉਣਾ ਹੀ ਹੈ – ਭਾਵੇਂ ਇਹ ਦੁਨੀਆਂ ਦੇ ਕਿਸੇ ਕੋਨੇ ਵਿੱਚ ਵੀ ਛੁਪੇ ਹੋਣ। ਫੈਸਲਾ ਹੁਣ ਸ਼ੰਕਰਾਚਾਰੀਆ ਚਾਣਕਿਆ ਦੇ ਚਲਾਕ ਵਾਰਸਾਂ ਦੇ ਹੱਥ ਵਿੱਚ ਹੈ ਕਿ ਉਹਨਾਂ ਨੇ ਇਨਸਾਫ ਦੇਣਾ ਹੈ ਜਾਂ ਨਹੀਂ। ਜੇ ਦੁਨਿਆਵੀ ਹਾਕਮ ਇਨਸਾਫ ਦੇਣ ਤੋਂ ਇਨਕਾਰੀ ਹੁੰਦੇ ਹਨ ਤਾਂ ਅਕਾਲਪੁਰਖ ਦਾ ਇਨਸਾਫ ਹਰਕਤ ਵਿੱਚ ਆਉਂਦਾ ਹੈ!!
ਗੁਰਬਾਣੀ ਯਾਦ ਕਰਵਾ ਰਹੀ ਹੈ –
‘ਜੈਕਾਰ ਕੀਓ ਧਰਮੀਆ ਕਾ।
ਪਾਪੀ ਕਉ ਦੰਡੁ ਦੀਉਇ।’

ਬਾਦਲ ਦੇ ਦਲਾਲ ਦਲਜੀਤ ਚੀਮੇ ਵਲੋਂ 15 ਅਗਸਤ ਨੂੰ ਕਾਲ਼ਾ ਦਿਵਸ ਵਜੋਂ ਮਨਾਉਣ ਦੀ ਜ਼ੋਰਦਾਰ ਨਿਖੇਧੀ!

Dr. Amarjit Singh

Dr. Amarjit Singh

ਸੁਖਬੀਰ ਬਾਦਲ ਵਲੋਂ ਦੁਰਗਿਆਣਾ ਮੰਦਰ ਦੀ ‘ਖੂਬਸੂਰਤੀ’ ਲਈ 60 ਕਰੋੜ ਰੁਪਈਆ ਖਰਚਣ ਦਾ ਐਲਾਨ!
‘ਪਾਕਿਸਤਾਨ, ਗੁਰੂ ਨਾਨਕ ਸਾਹਿਬ ਤੇ ਬਾਬਾ ਫਰੀਦ ਦੀ ਧਰਤੀ ਹੈ, ਕੋਈ ਨਰਕ ਨਹੀਂ’ – ਆਤਮਜੀਤ ਸਿੰਘ, ਪੰਜਾਬੀ ਨਾਟਕਕਾਰ
ਸੁਪਰੀਮ ਕੋਰਟ ਸਾਹਮਣੇ ਭਿੱਜੀ ਬਿੱਲੀ ਬਣੇ ਰਾਹੁਲ ਗਾਂਧੀ ਨੇ ਕਿਹਾ – ‘ਮੈਂ ਕਦੀ ਵੀ ਗਾਂਧੀ ਦੇ ਕਤਲ ਲਈ ਆਰ. ਐਸ. ਐਸ. ਨੂੰ ਜ਼ਿੰਮੇਵਾਰ ਨਹੀਂ ਠਹਿਰਾਇਆ!
ਕਸ਼ਮੀਰ ਤੋਂ ਕੰਨਿਆਕੁਮਾਰੀ ਤੱਕ ਹਿੰਦੂਤਵੀ ਦਹਿਸ਼ਤਗਰਦੀ ਦਾ ਬੋਲਬਾਲਾ!
ਵਾਸ਼ਿੰਗਟਨ (ਡੀ. ਸੀ.) 26 ਅਗਸਤ, 2016 – ਫਸਟ ਲੇਡੀ ਬਾਰਬਰਾ ਬੁਸ਼ ਨੇ ਇੱਕ ਇੰਟਰਵਿਊ ਦੌਰਾਨ ਕਿਹਾ ਸੀ – ”ਜਦੋਂ ਤੁਸੀਂ ਸੱਤਾ ਵਿੱਚ ਹੁੰਦੇ ਹੋ ਤਾਂ ਤੁਹਾਡੇ ਦੁਆਲੇ ਕੁਝ ‘ਅਚਾਨਕ ਲੋਕ’ (ਸਡਨ ਪੀਪਲ) ਆ ਪ੍ਰਗਟ ਹੁੰਦੇ ਹਨ। ਉਹ ਸਿਆਸੀ ਸਬੰਧਾਂ ਦਾ ਫਾਇਦਾ ਚੁੱਕਦੇ ਹਨ ਅਤੇ ਫੇਰ ‘ਅਚਾਨਕ’ ਗਾਇਬ ਹੋ ਜਾਂਦੇ ਹਨ।” ਪੰਜਾਬੀ ਸੱਭਿਆਚਾਰ ਵਿੱਚ, ਸਿਆਸੀ ਗਲਿਆਰਿਆਂ ਦੀ ਸਾਂਝ-ਭਿਆਲੀ ਵਾਲੇ ਲੋਕਾਂ ਨੂੰ ਦਲਾਲ, ਚਮਚੇ, ਮੌਕਾਪ੍ਰਸਤ, ਜੁੱਤੀ ਚੱਟ, ਪੂਛ ਹਿਲਾਉਣ ਵਾਲੇ, ਖੁਸ਼ਾਮਦੀ ਟੱਟੂ ਆਦਿ ਵਿਸ਼ੇਸ਼ਣਾਂ ਨਾਲ ਨਿਵਾਜਿਆ ਜਾਂਦਾ ਹੈ। ਇਹੋ ਜਿਹੇ ਦਲਾਲ ਆਪਣੇ ਮਾਲਕ ਦੀ ਅੱਖ ਵੇਖਦੇ ਹਨ ਅਤੇ ਖੁਸ਼ਨੁਦੀ ਹਾਸਲ ਕਰਨ ਲਈ ਸਾਰੀਆਂ ਹੱਦਾਂ ਟੱਪਣ ਲਈ ਤਿਆਰ ਰਹਿੰਦੇ ਹਨ। ਬਾਦਲ ਦੇ ਜਗੀਰਦਾਰੀ ਨਿਜ਼ਾਮ ਵਿਚਲੇ ਇਹੋ ਜਿਹੇ ਦਲਾਲਾਂ ਵਿੱਚੋਂ ਇੱਕ ਪ੍ਰਮੁੱਖ ਨਾਮ ਦਲਜੀਤ ਚੀਮੇ ਦਾ ਹੈ, ਜਿਹੜਾ ਅੱਜਕੱਲ• ਬਾਦਲ ਮੰਤਰੀ ਮੰਡਲ ਵਿੱਚ ‘ਸਿੱਖਿਆ ਮੰਤਰੀ’ ਹੈ। ਨਾਨਕਸ਼ਾਹੀ ਕੈਲੰਡਰ ਦਾ ਭੋਗ ਪਾਉਣ ਅਤੇ ਮੀਡੀਆ ਵਿੱਚ ਬਾਦਲਾਂ ਦੀਆਂ ਕਾਲ਼ੀਆਂ ਕਰਤੂਤਾਂ ਦੀ ਪਰਦਾਪੋਸ਼ੀ ਕਰਨ ਵਿੱਚ ਦਲਜੀਤ ਚੀਮੇ ਦੀ ਪ੍ਰਮੁੱਖ ਭੂਮਿਕਾ ਹੈ।
ਪਿਛਲੇ ਦਿਨੀਂ ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਵਲੋਂ ਲੁਧਿਆਣੇ ਵਿੱਚ ਇੱਕ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ। ਇਹ ਸੈਮੀਨਾਰ ਰਾਜਸੱਤਾ ਦੇ ਗਲਿਆਰਿਆਂ ਦੇ ਇੱਕ ਹੋਰ ਵੱਡੇ ਦਲਾਲ ਤਰਲੋਚਨ ਸਿੰਘ ਦੀਆਂ ਪੁਸਤਕਾਂ ਸਬੰਧੀ ਸੀ। ਯਾਦ ਰਹੇ ਇਹ ਤਰਲੋਚਨ ਸਿੰਘ, ਗਿਆਨੀ ਜ਼ੈਲ ਸਿੰਘ ਦੇ ਮੁੱਖ ਮੰਤਰੀ ਪੰਜਾਬ ਦੇ ਰਾਜਕਾਲ ਅਤੇ ਫੇਰ ਉਸ ਦੇ ਰਾਸ਼ਟਰਪਤੀ ਹੁੰਦਿਆਂ ਉਸ ਦਾ ‘ਪਬਲਿਕ ਰਿਲੇਸ਼ਨ’ ਅਧਿਕਾਰੀ ਸੀ। ਪਰ ਅੰਦਰੂਨੀ ਹਲਕੇ ਜਾਣਦੇ ਹਨ ਕਿ ‘ਦੁਰਾਚਾਰੀ’ ਗਿਆਨੀ ਜ਼ੈਲ ਸਿੰਘ ਲਈ ਤਰਲੋਚਨ ਸਿੰਘ ਕੀ ਸੇਵਾਵਾਂ ਪੇਸ਼ ਕਰਦਾ ਸੀ। ਜੂਨ-84 ਦੇ ਘੱਲੂਘਾਰੇ ਲਈ ਦੋਸ਼ੀ ‘ਤਨਖਾਹੀਏ’ ਐਲਾਨੇ ਗਏ ਗਿਆਨੀ ਜ਼ੈਲ ਸਿੰਘ ਨੂੰ ‘ਕਲੀਨ ਚਿੱਟ’ ਦਿਵਾਉਣ ਵਿੱਚ ਵੀ ਤਰਲੋਚਨ ਸਿੰਘ ਨੇ ਆਪਣਾ ਕਮਾਲ ਵਿਖਾਇਆ ਸੀ। ਸੱਤਾ ਦੇ ਦਲਾਲ ਹੁੰਦਿਆਂ ਉਸ ਨੇ ਘੱਟਗਿਣਤੀ ਕਮਿਸ਼ਨ ਦੀ ਚੇਅਰਮੈਨੀ, ਰਾਜ ਸਭਾ ਦੀ ਮੈਂਬਰੀ ਸਮੇਤ ਬਹੁਤ ਸਾਰੇ ਸਰਕਾਰੀ ਅਹੁਦਿਆਂ ਦਾ ਆਨੰਦ ਮਾਣਿਆ ਹੈ। ਇਨ•ਾਂ ਅਹੁਦਿਆਂ ਲਈ ਕਾਂਗਰਸ, ਬੀ. ਜੇ. ਪੀ., ਲੋਕ ਦਲ, ਬਾਦਲ ਦਲ ਸਾਰੇ ਹੀ ਤਰਲੋਚਨ ਸਿੰਘ ‘ਤੇ ਮਿਹਰਬਾਨ ਰਹੇ। ਤਰਲੋਚਨ ਸਿੰਘ ਨੇ ਜ਼ਿਲ•ਾ ਊਧਮ ਸਿੰਘ ਨਗਰ ਦੇ ਉਤਰਾਖੰਡ ਵਿੱਚ ਸ਼ਾਮਲ ਕਰਨ ਦੀ ਖੁੱਲ• ਕੇ ਹਮਾਇਤ ਕੀਤੀ ਅਤੇ ਮਨ ਮੰਗੀਆਂ ਮੁਰਾਦਾਂ ਪਾਈਆਂ! ਇਹੋ ਜਿਹੇ ‘ਪ੍ਰਤਿਭਾਸ਼ਾਲੀ ਦਲਾਲ’ ਦੀਆਂ ਕਿਤਾਬਾਂ ਸਬੰਧੀ ਸੈਮੀਨਾਰ ‘ਤੇ ਮੁੱਖ ਮਹਿਮਾਨ ਵਜੋਂ ਪਹੁੰਚੇ ਬਾਦਲ ਦਲਾਲ ਦਲਜੀਤ ਚੀਮੇ ਨੇ ਆਪਣੇ ਵਿਚਾਰਾਂ ਨਾਲ ਹਿੰਦੂਤਵੀਆਂ ਨੂੰ ਬਾਗੋਬਾਗ ਕਰ ਦਿੱਤਾ।
ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਦਲਜੀਤ ਚੀਮੇ ਨੇ ਕਿਹਾ, ”ਮੈਂ ਉਨ•ਾਂ ਸਿੱਖ ਪਾਰਟੀਆਂ ਦੀ ਜ਼ੋਰਦਾਰ ਨਿਖੇਧੀ ਕਰਦਾ ਹਾਂ, ਜਿਹੜੀਆਂ ਕਿ 15 ਅਗਸਤ ਨੂੰ ਕਾਲੇ ਦਿਵਸ ਵਜੋਂ ਮਨਾ ਕੇ, ਭਾਰਤ ਤੋਂ ਆਜ਼ਾਦੀ ਦੀ ਵਕਾਲਤ ਕਰ ਰਹੀਆਂ ਹਨ। ਇਹ ਧਿਰਾਂ ਸ਼ਹਿਰੀਆਂ ਨੂੰ ਭੜਕਾ ਰਹੀਆਂ ਹਨ। ਇਹ ਸਿਆਸੀ ਪਾਰਟੀਆਂ ਅਤੇ ਧਿਰਾਂ ਪੰਜਾਬ ਅਤੇ ਸਿੱਖਾਂ ਨੂੰ ਬਦਨਾਮ ਕਰ ਰਹੀਆਂ ਹਨ। ਕਈ ਸਾਲ ਪਹਿਲਾਂ ਕੁਝ ਸਿਆਸੀ ਲੋਕਾਂ ਦੀ ਵਜ•ਾ ਕਰਕੇ ਸਿੱਖਾਂ ‘ਤੇ ‘ਦਹਿਸ਼ਤਗਰਦ’ ਹੋਣ ਦਾ ਲੇਬਲ ਲੱਗ ਗਿਆ ਸੀ। ਬੜੀ ਮੁਸ਼ਕਿਲ ਨਾਲ ਇਸ ਲੇਬਲ ਨੂੰ ਹਟਾਇਆ ਗਿਆ ਹੈ। ਇਨ•ਾਂ ਸਿੱਖ ਧਾਰਮਿਕ ਜਥੇਬੰਦੀਆਂ ਦਾ ਭਾਰਤ ਵਿਰੋਧੀ ਰਵੱਈਆ ਬਚਕਾਨਾ ਹੈ। ਸਿੱਖ, ਸੰਘਰਸ਼ ਦਾ ਰਸਤਾ ਛੱਡ ਕੇ ‘ਗੱਲਬਾਤ’ ਰਾਹੀਂ ਆਪਣੀਆਂ ਮੰਗਾਂ ਪੂਰੀਆਂ ਕਰਵਾ ਸਕਦੇ ਹਨ।
ਅਕਾਲੀਆਂ ਦੇ ਇਸ ਪੜ•ੇ-ਲਿਖੇ ਦਲਾਲ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਸੰਵਿਧਾਨ ਸਭਾ ਵਿਚਲੇ ਦੋਹਾਂ ਅਕਾਲੀ ਨੁਮਾਇੰਦਿਆਂ (ਭੁਪਿੰਦਰ ਸਿੰਘ ਮਾਨ ਤੇ ਹੁਕਮ ਸਿੰਘ) ਨੇ ਭਾਰਤੀ ਸੰਵਿਧਾਨ ਦੇ ਖਰੜੇ ‘ਤੇ ਦਸਤਖਤ ਨਹੀਂ ਸਨ ਕੀਤੇ, ਕਿਉਂਕਿ ਇਹ ਸੰਵਿਧਾਨ ਸਿੱਖਾਂ ਨਾਲ ਕੀਤੇ ਵਾਅਦਿਆਂ ਦੀ ਵਾਅਦਾਖਿਲਾਫੀ ਸੀ। 26 ਜਨਵਰੀ, 1950 ਨੂੰ ਜਦੋਂ ਭਾਰਤੀ ਸੰਵਿਧਾਨ ਲਾਗੂ ਕੀਤਾ ਗਿਆ, ਅਕਾਲੀ ਦਲ ਦੇ ਸੱਦੇ ‘ਤੇ ਸਮੁੱਚੀ ਸਿੱਖ ਕੌਮ ਨੇ ਇਸ ਨੂੰ ਕਾਲੇ ਦਿਵਸ ਵਜੋਂ ਮਨਾਇਆ ਸੀ। ਫੇਰ ਸਿੱਖ ਜਥੇਬੰਦੀਆਂ ਦੇ ਸੱਦੇ ‘ਤੇ ਜੇ 15 ਅਗਸਤ ਨੂੰ ਕਾਲੇ ਦਿਵਸ ਵਜੋਂ ਮਨਾਇਆ ਗਿਆ ਤਾਂ ਕਿਹੜਾ ਗੁਨਾਹ ਹੋ ਗਿਆ? ਦਲਜੀਤ ਚੀਮਾ ਬਿਨਾਂ ਨਾਂ ਲਿਆਂ ਸੰਤ ਭਿੰਡਰਾਂਵਾਲਿਆਂ ਅਤੇ ਉਨ•ਾਂ ਦੀ ਪ੍ਰੇਰਨਾ ਨਾਲ ਸ਼ੁਰੂ ਹੋਈ ਕੌਮੀ ਆਜ਼ਾਦੀ ਦੀ ਲੜਾਈ ਤੇ ‘ਦਹਿਸ਼ਤਗਰਦੀ’ ਦਾ ਲੇਬਲ ਲਾ ਰਿਹਾ ਹੈ। ਉਹ ਬਾਦਲ ਦਲ ਨੂੰ (ਜਿਹੜਾ ਹਿੰਦੂਤਵੀਆਂ ਦੇ ਏਜੰਡੇ ਨੂੰ ਲਾਗੂ ਕਰ ਰਿਹਾ ਹੈ) ਦਹਿਸ਼ਤਗਰਦ ਲੇਬਲ ‘ਲਾਹੁਣ ਵਾਲਾ’ ਦੱਸ ਰਿਹਾ ਹੈ। ਇਸ ਲਾਲਚੀ ਬਾਦਲ ਲਾਣੇ ਨੇ ਸਿੱਖਾਂ ਦਾ ਕਿਹੜਾ ਮਸਲਾ ‘ਗੱਲਬਾਤ’ ਰਾਹੀਂ ਹੱਲ ਕਰਵਾ ਲਿਆ ਹੈ, ਜਿਸ ਦੀ ਇਹ ਦਲਾਲ ਸਲਾਹ ਦੇ ਰਿਹਾ ਹੈ? ਦਲਜੀਤ ਚੀਮੇ ਦੀ ਇਹ ਬੇਲੋੜੀ ਬਿਆਨਬਾਜ਼ੀ ਦੱਸ ਰਹੀ ਹੈ ਕਿ ਬਾਦਲ-ਕੈਂਪ ਕਿਸ ਹੱਦ ਤੱਕ ਪੰਥਧ੍ਰੋਹੀ ਬਣ ਚੁੱਕਾ ਹੈ।
ਸੁਖਬੀਰ ਬਾਦਲ ਦੀ ਕਮਾਂਡ ਹੇਠਾਂ, ਸ੍ਰੀ ਦਰਬਾਰ ਸਾਹਿਬ ਦੇ ਆਲੇ-ਦੁਆਲੇ ਦੀ ਬਰਬਾਦੀ (ਪਲਾਜ਼ਾ, ਇਤਿਹਾਸਕ ਇਮਾਰਤਾਂ ਸਮੇਤ ਗੁਰੂ ਰਾਮਦਾਸ ਸਰਾਂ ਨੂੰ ਢਾਹੁਣਾ, ਹਿੰਦੂ ਮੰਦਰਾਂ ਦਾ ਨਿਰਮਾਣ ਆਦਿ) ਦਾ ਏਜੰਡਾ ਬਦਸਤੂਰ ਲਾਗੂ ਕੀਤਾ ਜਾ ਰਿਹਾ ਹੈ। ਹੁਣ ਸੁਖਬੀਰ ਨੇ ਇੱਕ ਹੋਰ ਕਦਮ ਅੱਗੇ ਪੁੱਟਿਆ ਹੈ। ਵੀਹਵੀਂ ਸਦੀ ਦੇ ਆਰੰਭ ਵਿੱਚ ਸਿੱਖਾਂ ਵਿੱਚ ਆਈ ਚੇਤਨਾ ਦੀ ਬਦੌਲਤ ਦਰਬਾਰ ਸਾਹਿਬ ਦੇ ਪੁਜਾਰੀਆਂ ਨੂੰ ਪ੍ਰਕਰਮਾ ਵਿੱਚੋਂ ਹਿੰਦੂ ਦੇਵੀ-ਦੇਵਤਿਆਂ ਦੀਆਂ ਮੂਰਤੀਆਂ ਚੁੱਕਣ ‘ਤੇ ਮਜ਼ਬੂਰ ਹੋਣਾ ਪਿਆ ਸੀ। ਹਿੰਦੂਆਂ ਨੇ ਕਿੜ• ਖਾ ਕੇ, ਮਦਨ ਮੋਹਨ ਮਾਲਵੀਆ ਤੇ ਸੇਠ ਬਿਰਲਾ ਦੀ ਪ੍ਰੇਰਨਾ ਤੇ ਮਦਦ ਨਾਲ ਕੁਝ ਦੂਰੀ ‘ਤੇ ਬਿਲਕੁਲ ਦਰਬਾਰ ਸਾਹਿਬ ਦੇ ਨਕਸ਼ੇ ਵਾਂਗ ਇੱਕ ਮੰਦਰ ਸਥਾਪਤ ਕੀਤਾ, ਜਿਸ ਦਾ ਨਾਮ ‘ਦੁਰਗਿਆਣਾ ਮੰਦਰ’ ਰੱਖਿਆ ਗਿਆ। ਇਸ ਮੰਦਰ ਵਿੱਚ ਦਰਬਾਰ ਸਾਹਿਬ ਵਿੱਚੋਂ ਚੁੱਕੀਆਂ ਗਈਆਂ ਮੂਰਤੀਆਂ ਸਥਾਪਤ ਕੀਤੀਆਂ ਗਈਆਂ। ਅਸਲ ਵਿੱਚ ਇਸ ਮੰਦਰ ਨੂੰ ਦਰਬਾਰ ਸਾਹਿਬ ਦੀ ਅਹਿਮੀਅਤ ਘਟਾਉਣ ਲਈ ਹੋਂਦ ਵਿੱਚ ਲਿਆਂਦਾ ਗਿਆ। 1947 ਤੋਂ ਬਾਅਦ ਇਸ ਮੰਦਰ ਨੂੰ ਸਿਆਸੀ ਪੁਸ਼ਤਪਨਾਹੀ ਦਿੱਤੀ ਗਈ। ਦਰਬਾਰ ਸਾਹਿਬ ਦੇ ਦਰਸ਼ਨਾਂ ਲਈ ਆਉਣ ਵਾਲੇ ਹਰ ਕੇਂਦਰੀ ਅਤੇ ਪ੍ਰਾਂਤਕ ਮੰਤਰੀ ਦਾ ਦੁਰਗਿਆਣਾ ਮੰਦਰ ਜਾਣਾ ਵੀ ਲਾਜ਼ਮੀ ਬਣਾ ਦਿੱਤਾ ਗਿਆ। ਅਕਾਲੀ ਸਰਕਾਰਾਂ ਨੇ ਵੀ ਇਸ ਰੁਝਾਨ ਨੂੰ ਜਾਰੀ ਰੱਖਿਆ। ਬੀਤੇ ਦਿਨੀਂ ਸੁਖਬੀਰ ਬਾਦਲ ਨੇ ਐਲਾਨ ਕੀਤਾ ਹੈ ਕਿ ਦੁਰਗਿਆਣਾ ਮੰਦਰ ਦੇ ‘ਸੁੰਦਰੀਕਰਣ’ ਲਈ ਪੰਜਾਬ ਸਰਕਾਰ 60 ਕਰੋੜ ਰੁਪਈਆ ਖਰਚ ਕਰ ਰਹੀ ਹੈ। ਇਸ ਨਾਲ ਸਬੰਧਿਤ ‘ਪ੍ਰਾਜੈਕਟਾਂ’ ਦਾ ਆਉਂਦੇ ਸ਼ਨਿਚਰਵਾਰ ਉਦਘਾਟਨ ਕੀਤਾ ਜਾਵੇਗਾ। ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਦਾ ਇਸ ਤੋਂ ਵੱਧ ਹੋਰ ਕਿਹੜਾ ਮਨਮੋਹਨ ਐਲਾਨ ਹੋ ਸਕਦਾ ਹੈ, ਹਿੰਦੂਤਵੀਆਂ ਲਈ?
ਪਿਛਲੇ ਦਿਨੀਂ ਭਾਰਤ ਦੇ ਰੱਖਿਆ ਮੰਤਰੀ ਮਨੋਹਰ ਪਾਰੀਕਰ ਨੇ ਕਿਹਾ ਸੀ ਕਿ ਉਹ ਸਾਰਕ ਦੇਸ਼ਾਂ ਦੀ ਕਾਨਫਰੰਸ ਲਈ ਪਾਕਿਸਤਾਨ ਨਹੀਂ ਜਾਵੇਗਾ ਕਿਉਂਕਿ ਪਾਕਿਸਤਾਨ ਜਾਣ ਦਾ ਮਤਲਬ ਹੈ ਨਰਕ ਵਿੱਚ ਜਾਣਾ। ਪਾਰੀਕਰ ਦੇ ਇਸ ਅਤਿ-ਨੀਚ ਬਿਆਨ ‘ਤੇ ਅਕਾਲੀ ਲੀਡਰਾਂ ਸਮੇਤ, ਸਭ ਘੱਟਗਿਣਤੀਆਂ ਨੇ ਮੂੰਹ ਵਿੱਚ ਘੁੰਗਣੀਆਂ ਪਾਈਆਂ ਹੋਈਆਂ ਹਨ। ਪਰ ਕਰਨਾਟਕਾ ਦੀ ਸਾਬਕਾ ਫਿਲਮ ਐਕਟਰੈਸ ਅਤੇ ਹੁਣ ਕਾਂਗਰਸ ਦੀ ਲੀਡਰ ਰਮਈਆ ਨੇ ਇਸ ਦੇ ਵਿਰੋਧ ਵਿੱਚ ਟਿੱਪਣੀ ਕਰਦਿਆਂ ਕਿਹਾ, ”ਪਾਕਿਸਤਾਨ ਨੂੰ ਨਰਕ ਕਹਿਣਾ ਠੀਕ ਨਹੀਂ ਹੈ ਕਿਉਂਕਿ ਉੱਥੇ ਵੀ ਸਾਡੇ ਵਰਗੇ ਲੋਕ ਹੀ ਵਸਦੇ ਹਨ।” ਰਮਈਆ ਦੇ ਇਸ ਬਿਆਨ ਤੋਂ ਬਾਅਦ, ਹਿੰਦਤਵੀ ਵਿਦਿਆਰਥੀ ਵਿੰਗ ਦੀ ਸ਼ਿਕਾਇਤ ‘ਤੇ ਰਮਈਆ ਦੇ ਖਿਲਾਫ ਦੇਸ਼ਧ੍ਰੋਹ ਦਾ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ। ਯਾਦ ਰਹੇ, ਇਸ ਤੋਂ ਪਹਿਲਾਂ ਕਰਨਾਟਕਾ ਵਿੱਚ ਐਮਨੈਸਟੀ ਇੰਟਰਨੈਸ਼ਨਲ ਦੇ ਖਿਲਾਫ ਵੀ 13 ਅਗਸਤ ਦੇ ਸਮਾਗਮ ਨੂੰ ਲੈ ਕੇ ਦੇਸ਼ਧ੍ਰੋਹ ਦਾ ਮੁਕੱਦਮਾ ਦਰਜ ਕੀਤਾ ਗਿਆ ਸੀ। ਕਰਨਾਟਕਾ ਵਿੱਚ ਕਾਂਗਰਸ ਦੀ ਸਰਕਾਰ ਹੈ ਪਰ ਹਿੰਦੂਤਵੀ ਦਹਿਸ਼ਤਗਰਦੀ ਨੇ ਸਭ ਦੀ ਬੋਲਤੀ ਬੰਦ ਕੀਤੀ ਹੋਈ ਹੈ।
ਨਾਟਕਕਾਰ ਆਤਮਜੀਤ ਸਿੰਘ ਵਧਾਈ ਦੇ ਹੱਕਦਾਰ ਹਨ ਕਿਉਂਕਿ ਉਨ•ਾਂ ਨੇ ਹਿੰਦੂਤਵੀ ਪਾਰੀਕਰ ਦੇ ਬਿਆਨ ਨੂੰ ਸਿੱਧਾ ਚੈਲਿੰਜ ਕੀਤਾ ਹੈ। ਇੰਗਲਿਸ਼ ਟ੍ਰਿਬਿਊਨ ਨੂੰ ਦਿੱਤੇ ਇੰਟਰਵਿਊ ਵਿੱਚ ਆਤਮਜੀਤ ਨੇ ਕਿਹਾ, ‘ਪਾਕਿਸਤਾਨ, ਪਾਰੀਕਰ ਜਾਂ ਗੋਆ, ਮਹਾਰਾਸ਼ਟਰਾ ਵਿੱਚ ਜੰਮੇ ਲੋਕਾਂ ਲਈ ਨਰਕ ਹੋ ਸਕਦਾ ਹੈ ਪਰ ਮੇਰੇ ਲਈ ਇਹ ਉਹ ਧਰਤੀ ਹੈ, ਜਿੱਥੇ ਸਾਡੀਆਂ ਧਾਰਮਿਕ ਅਤੇ ਸੱਭਿਆਚਾਰਕ ਕਦਰਾਂ ਕੀਮਤਾਂ ਦੀਆਂ ਡੂੰਘੀਆਂ ਜੜ•ਾਂ ਹਨ। ਮੇਰੀ ਮਾਂ ਪਿਸ਼ਾਵਰ ਵਿੱਚ ਪੈਦਾ ਹੋਈ ਅਤੇ ਪਿਤਾ ਲਾਹੌਰ ਵਿੱਚ। ਗੁਰੂ ਨਾਨਕ ਸਾਹਿਬ ਦਾ ਪ੍ਰਕਾਸ਼ ਨਨਕਾਣਾ ਸਾਹਿਬ ਵਿੱਚ ਹੋਇਆ। ਸਾਡੀ ਜ਼ੁਬਾਨ ਦੇ ਮਹਾਨ ਸ਼ਾਇਰ ਬਾਬਾ ਫਰੀਦ ਮੁਲਤਾਨ ਵਿੱਚ ਪੈਦਾ ਹੋਏ। ਜਦੋਂ ਸਾਡਾ ਇੰਨਾ ਕੁਝ ਉਸ ਧਰਤੀ ‘ਤੇ ਹੈ ਤਾਂ ਮੇਰੇ ਲਈ ਅਤੇ ਮੇਰੇ ਵਰਗੇ ਹੋਰ ਪੰਜਾਬੀਆਂ ਲਈ ਇਹ ਨਰਕ ਕਿਵੇਂ ਹੋ ਸਕਦਾ ਹੈ?” ਅਸੀਂ ਵੀਰ ਆਤਮਜੀਤ ਸਿੰਘ ਵਲੋਂ ਵਿਖਾਏ ਹੌਂਸਲੇ ਦੀ ਦਾਦ ਦਿੰਦੇ ਹਾਂ।
ਇੱਕ ਪਾਸੇ ਉਪਰੋਕਤ ‘ਹੌਂਸਲੇ’ ਵਾਲੀਆਂ ਅਵਾਜ਼ਾਂ ਹਨ ਪਰ ਦੂਸਰੇ ਪਾਸੇ ਰਾਹੁਲ ਗਾਂਧੀ ਵਰਗਾ ‘ਗਿੱਦੜ’ ਵੀ ਹੈ। ਮਹਾਰਾਸ਼ਟਰਾ ਦੀ ਇੱਕ ਰੈਲੀ ਵਿੱਚ ਉਸ ਨੇ ਕਿਹਾ ਸੀ ਕਿ ਗਾਂਧੀ ਨੂੰ ਆਰ. ਐਸ. ਐਸ. ਵਲੋਂ ਮਾਰਿਆ ਗਿਆ ਸੀ। ਇੱਕ ਹਿੰਦੂਤਵੀ ਨੇ ਉਸ ਦੇ ਖਿਲਾਫ ਕੇਸ ਕਰ ਦਿੱਤਾ। ਇਹ ਕੇਸ ਸੁਪਰੀਮ ਕੋਰਟ ਤੱਕ ਪਹੁੰਚ ਗਿਆ। ਬੀਤੇ ਕੱਲ•, ਸੁਪਰੀਮ ਕੋਰਟ ਨੂੰ ਆਪਣੇ ਵਕੀਲ ਰਾਹੀਂ ਦਿੱਤੇ ਸਪੱਸ਼ਟੀਕਰਨ ਵਿੱਚ ਰਾਹੁਲ ਗਾਂਧੀ ਨੇ ਕਿਹਾ, ‘ਮੈਂ ਸਿਰਫ ਆਰ. ਐਸ. ਐਸ. ਨਾਲ ਸਬੰਧਿਤ ਲੋਕਾਂ ਨੂੰ ਗਾਂਧੀ ਦੇ ਹੱਤਿਆ ਦੇ ਜ਼ਿੰਮੇਵਾਰ ਦੱਸਿਆ ਸੀ, ਆਰ. ਐਸ. ਐਸ. ਜਥੇਬੰਦੀ ਨੂੰ ਨਹੀਂ।’ ਸੁਪਰੀਮ ਕੋਰਟ ਵਲੋਂ ਇਸ ਸਪੱਸ਼ਟੀਕਰਨ ਤੋਂ ਬਾਅਦ ਕੇਸ ਖਾਰਜ ਕਰਨ ਦੀ ਸੰਭਾਵਨਾ ਜਤਾਈ ਗਈ ਹੈ।
ਯਾਦ ਰਹੇ ਗਾਂਧੀ ਦੀ ਹੱਤਿਆ ਤੋਂ ਬਾਅਦ, ਨਹਿਰੂ ਸਰਕਾਰ (ਪਟੇਲ ਗ੍ਰਹਿ ਮੰਤਰੀ) ਵਲੋਂ ਆਰ. ਐਸ. ਐਸ. ‘ਤੇ ਪਾਬੰਦੀ ਲਾ ਦਿੱਤੀ ਗਈ ਸੀ। ਜੇ ਗਾਂਧੀ-ਹੱਤਿਆ ਵਿੱਚ ਆਰ. ਐਸ. ਐਸ. ਦਾ ਰੋਲ ਨਹੀਂ ਸੀ ਤਾਂ ਰਾਹੁਲ ਦੇ ਪੜਦਾਦੇ ਨਹਿਰੂ ਨੇ ਇਹ ਪਾਬੰਦੀ ਕਿਉਂ ਲਾਈ ਸੀ?
ਪਾਠਕਜਨ! ਹਕੀਕਤ ਇਹ ਹੈ ਕਿ ਇਸ ਵੇਲੇ ਕਸ਼ਮੀਰ ਤੋਂ ਕੰਨਿਆਕੁਮਾਰੀ ਤੱਕ ਹਿੰਦੂਤਵੀ ਦਹਿਸ਼ਤਗਰਦੀ ਦਾ ਪੂਰਾ ਬੋਲਬਾਲਾ ਹੈ। ਅਦਾਲਤੀ ਢਾਂਚਾ ਵੀ ਹਿੰਦੂਤਵੀਆਂ ਦੀ ਪੂਰੀ ਪਿੱਠ ਠੋਕ ਰਿਹਾ ਹੈ। ‘ਦੇਸ਼ਧ੍ਰੋਹ’ ਦੇ ਕਾਨੂੰਨ ਨੂੰ ਇੱਕ ਤਲਵਾਰ ਵਜੋਂ ਵਰਤਿਆ ਜਾ ਰਿਹਾ ਹੈ। ਮੀਡੀਆ ਪੂਰੀ ਤਰ•ਾਂ ਹਿੰਦੂਤਵੀ ਰਾਸ਼ਟਰਵਾਦ ਦੇ ਰੰਗ ਵਿੱਚ ਰੰਗਿਆ ਹੋਇਆ ਹੈ। ਭਾਰਤ ਇਸ ਵੇਲੇ ਪੂਰੀ ਤਰ•ਾਂ ਹਿੰਦੂਤਵੀ ਵਿਚਾਰਧਾਰਾ ਵਾਲਿਆਂ ਦੇ ਰਹਿਮੋ ਕਰਮ ‘ਤੇ ਹੈ, ਠੀਕ ਉਵੇਂ ਹੀ ਜਿਵੇਂ 1930ਵਿਆਂ ਵਿੱਚ ਨਾਜ਼ੀ ਜਰਮਨੀ ਅਤੇ ਫਾਸ਼ੀਵਾਦੀ ਇਟਲੀ ਸੀ। ਹੁਣ, ਭਾਰਤ ਦੀਆਂ ਘੱਟਗਿਣਤੀਆਂ ਲਈ ਮੁਕਤੀ ਦਾ ਕਿਹੜਾ ਰਸਤਾ ਬਾਕੀ ਹੈ?

ਕੇਸਾ ਦੀ ਬੇਅਦਬੀ ਕਰਨ ਵਾਲੇ ਗਿਆਨੀ ਮੱਲ ਸਿੰਘ ਦੀ ਜਗ੍ਹਾ ਨਵਾਂ ਜਥੇਦਾਰ ਨਿਯੁਕਤ ਕੀਤਾ ਜਾਵੇ- ਸਰਨਾ

HS-Sarna

ਨਵੀ ਦਿੱਲੀ 23 ਅਗਸਤ ( ) ਸ੍ਰ ਹਰਵਿੰਦਰ ਸਿੰਘ ਸਰਨਾ ਸਕਤੱਰ ਜਰਨਲ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਨੇ ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ਦੇ ਜਥੇਦਾਰ ਗਿਆਨੀ ਮੱਲ ਸਿੰਘ ਤੋ ਅਸਤੀਫੇ ਦੀ ਮੰਗ ਕਰਦਿਆ ਕਿਹਾ ਕਿ ਨਿਯਮਾਂ ਤੇ ਰਹਿਤ ਮਰਿਆਦਾ ਅਨੁਸਾਰ ਕੋਈ ਵੀ ਪਤਿਤ ਸਿੱਖ ਕਿਸੇ ਵੀ ਤਖਤ ਦਾ ਜਥੇਦਾਰ ਨਹੀ ਰਹਿ ਸਕਦਾ ਅਤੇ ਗਿਆਨੀ ਮੱਲ ਸਿੰਘ ਨੇ ਆਪਣਾ ਆਪਰੇਸ਼ਨ ਕਰਵਾ ਤੇ ਸਿਰ ਦੇ ਕੇਸ ਕਤਲ ਕਰਵਾ ਦਿੱਤੇ ਹਨ ਤੇ ਉਸ ਨੂੰ ਤੁਰੰਤ ਅਸਤੀਫਾ ਦੇਣਾ ਚਾਹੀਦਾ ਹੈ ਜਾਂ ਫਿਰ ਸ਼੍ਰ੍ਰੋਮਣੀ ਕਮੇਟੀ ਨੂੰ ਫਰਜ਼ ਬਣਦਾ ਹੈ ਕਿ  ਆਪਣੇ ਅਧਿਕਾਰਾਂ ਦੀ ਵਰਤੋ ਕਰਦਿਆ ਉਸ ਨੂੰ ਤੁਰੰਤ ਆਹੁਦੇ ਤੋ ਮੁਸਤਫੀ ਕਰਕੇ ਉਹਨਾਂ ਦੀ ਜਗ੍ਹਾ ਤੇ ਸਾਬਤ ਸੂਰਤ ਜਥੇਦਾਰ ਲਗਾਇਆ ਜਾਵੇ।

ਜਾਰੀ ਇੱਕ ਬਿਆਨ ਰਾਹੀ ਸ੍ਰ ਹਰਵਿੰਦਰ ਸਿੰਘ ਸਰਨਾ ਨੇ ਕਿਹਾ ਕਿ ਨਿਯਮਾਂ ਮੁਤਾਬਕ ਗਿਆਨੀ ਮੱਲ ਸਿੰਘ ਕੋਲੋ ਸ਼੍ਰੋਮਣੀ ਕਮੇਟੀ ਨੂੰ ਉਸ ਵੇਲੇ ਹੀ ਅਸਤੀਫਾ ਲੈ ਲੈਣਾ ਚਾਹੀਦਾ ਸੀ ਜਦੋ ਉਸ ਦੀ ਸਿਹਤ ਵਿੱਚ ਵਿਗਾੜ ਆ ਗਿਆ ਸੀ ਪਰ ਸ਼੍ਰੋਮਣੀ ਕਮੇਟੀ ਆਪਣੇ ਫਰਜ਼ ਦੀ ਪਾਲਣਾ ਕਰਨ ਵਿੱਚ ਪੂਰੀ ਤਰ੍ਹਾ ਨਾਕਾਮ ਰਹੀ ਹੈ। ਉਹਨਾਂ ਕਿਹਾ ਕਿ ਰਹਿਤ ਮਰਿਆਦਾ ਤੇ ਨਿਯਮਾਂ ਅਨੁਸਾਰ ਕਿਸੇ ਵੀ ਤਖਤ ਦਾ ਜਥੇਦਾਰ  ਬੀਮਾਰ ਵਿਅਕਤੀ ਨਹੀ ਹੋ ਸਕਦਾ ਪਰ ਕੁਝ ਸਮਾਂ ਪਹਿਲਾਂ ਗਿਆਨੀ ਮੱਲ ਸਿੰਘ ਦੇ ਸਿਰ ਵਿੱਚ ਕੋਈ ਦਿਮਾਗੀ ਤੌਰ ਤੇ ਵਿਗਾੜ ਪੈ ਗਿਆ ਤੇ ਡਾਕਟਰਾਂ ਨੇ ਉਹਨਾਂ ਦੇ ਸਿਰ ਦਾ ਆਪਰੇਸ਼ਨ ਕਰਨ ਲਈ ਸਲਾਹ ਦਿੱਤੀ ਸੀ। ਉਹਨਾਂ ਕਿਹਾ ਕਿ ਚਾਹੀਦਾ ਤਾਂ ਇਹ ਸੀ ਕਿ ਗਿਆਨੀ ਮੱਲ ਸਿੰਘ ਨੂੰ ਵੀ ਜਦੋਂ ਪਤਾ ਲੱਗ ਗਿਆ ਸੀ ਕਿ ਉਹ ਦਿਮਾਗੀ ਤੌਰ ਤੇ ਠੀਕ ਨਹੀ ਹਨ ਤੇ ਉਹਨਾਂ ਦੇ ਆਪਰੇਸ਼ਨ ਕਰਨ ਸਮੇਂ ਡਾਕਟਰਾਂ ਨੇ ਉਹਨਾਂ  ਦੇ ਕੇਸ ਕਤਲ ਦੇਣੇ ਹਨ। ਉਹਨਾਂ ਕਿਹਾ ਕਿ ਕਿੰਨਾ ਚੰਗਾ ਹੁੰਦਾ ਕਿ ਉਹ ਆਪਣਾ ਅਸਤੀਫਾ ਦੇ ਕੇ ਇਲਾਜ ਕਰਵਾਉਦੇ। ਉਹਨਾਂ ਕਿਹਾ ਕਿ ਸ਼੍ਰੋਮਣੀ ਕਮੇਟੀ ਦਾ ਅਵੇਸਲਾਪਨ ਵੀ ਸਾਬਤ ਕਰਦਾ ਹੈ ਕਿ ਸ਼੍ਰੋਮਣੀ ਕਮੇਟੀ ਇਸ ਮੁੱਦੇ ਪ੍ਰਤੀ ਕੋਈ ਗੰਭੀਰਤਾ ਨਹੀ ਵਿਖਾਈ ਹੈ ਤੇ ਭਵਿੱਖ ਵਿੱਚ ਜਥੇਦਾਰ ਗਿਆਨੀ ਮੱਲ ਸਿੰਘ ਦਾ ਹਵਾਲਾ ਦੇ ਕ ਕਿਸੇ ਵੀ ਬੀਮਾਰ ਵਿਅਕਤੀ ਨੂੰ ਜਥੇਦਾਰ ਬਣਾਇਆ ਜਾ ਸਕੇਗਾ।ਉਹਨਾਂ ਕਿਹਾ ਕਿ ਗਿਆਨੀ ਮੱਲ ਸਿੰਘ ਦੇ ਮਾਮਲੇ ਵਿੱਚ ਤਾਂ ਹੱਦ ਹੋ ਗਈ ਹੈ ਕਿਉਕਿ ਉਹਨਾਂ ਦੇ ਤਾਂ ਸਿਰ ਦੇ ਸਾਰੇ ਕੇਸ ਹੀ ਕਤਲ ਕਰ ਦਿੱਤੇ ਗਏ ਹਨ। ਉਹਨਾਂ ਮੰਗ ਕੀਤੀ ਕਿ ਸ਼੍ਰੋਮਣੀ ਕਮੇਟੀ ਸੰਗਤਾਂ ਵਿੱਚ ਕਿਸੇ ਕਿਸਮ ਦਾ ਰੋਸ ਪੈਦਾ ਹੋਣ ਤੋ ਪਹਿਲਾਂ ਹੀ ਅਸਤੀਫਾ ਲੈ ਲਵੇ ਤਾਂ ਬਿਹਤਰ ਹੋਵੇਗਾ ਵਰਨਾ ਲੋਕ ਸੜਕਾਂ ਤੇ ਆਉਣ ਲਈ ਮਜਬੂਰ ਹੋਣਗੇ ਜਿਸ ਤੋ ਨਿਕਲਣ ਵਾਲੇ ਸਿੱਟਿਆ ਲਈ ਬਾਦਲ ਸਾਮਾਰਜ ਤੇ ਸ਼੍ਰੋਮਣੀ ਕਮੇਟੀ ਦੇ ਪ੍ਰਬੰਧਕ ਜਿੰਮੇਵਾਰ ਹੋਣਗੇ।