ਰਿਸਵਤਾਂ, ਘਪਲੇ, ਗੈਰ-ਕਾਨੂੰਨੀ ਅਤੇ ਪੰਜਾਬੀ ਸਿੱਖਾਂ ਉਤੇ ਜ਼ਬਰ-ਜੁਲਮ ਕਰਨ ਵਾਲੀਆ ਜਮਾਤਾਂ ਵੱਲੋਂ ਸ਼ਾਹਕੋਟ ਵਿਖੇ ਖੜ੍ਹੇ ਕੀਤੇ ਗਏ ਉਮੀਦਵਾਰ ਪੰਜਾਬੀਆਂ ਤੇ ਸਿੱਖ ਕੌਮ ਦੀ ਨੁਮਾਇੰਦਗੀ ਕਰਨ ਦੀ ਸਮਰੱਥਾਂ ਨਹੀਂ ਰੱਖਦੇ : ਮਾਨ

ਫ਼ਤਹਿਗੜ੍ਹ ਸਾਹਿਬ, 5 ਮਈ (ਡੇਲੀ ਬਿਊਰੋ) “ਪੰਜਾਬ ਦੇ ਮੁੱਖ ਚੋਣ ਅਫ਼ਸਰ ਦੀਆਂ ਹਦਾਇਤਾ ਉਤੇ ਸ਼ਾਹਕੋਟ ਤੋਂ ਕਾਂਗਰਸ ਵੱਲੋਂ ਰੇਤ ਚੋਰੀ ਕਰਨ ਵਾਲੇ ਉਮੀਦਵਾਰ ਹਰਦੇਵ ਸਿੰਘ ਲਾਡੀ ਸੇਰੋਵਾਲੀਆ ਵਿਰੁੱਧ ਮਹਿਤਪੁਰ ਥਾਣੇ ਵਿਚ ਚੋਰੀ ਦਾ ਕੇਸ ਦਰਜ ਹੋਣ ਉਪਰੰਤ ਹੁਣ ਕੋਈ ਸੱਕ-ਸੁਭਾ ਬਾਕੀ ਨਹੀਂ ਰਹਿ ਗਿਆ ਕਿ ਕਾਂਗਰਸ ਜਮਾਤ ਚੋਰਾਂ, ਰਿਸਵਤਖੋਰਾਂ, ਵੱਡੇ ਘਪਲੇ ਕਰਨ ਵਾਲਿਆ ਅਤੇ ਜਨਤਾ ਉਤੇ ਜ਼ਬਰ-ਜੁਲਮ ਕਰਨ ਵਾਲਿਆ ਦੀ ਹੀ ਸਰਪ੍ਰਸਤੀ ਕਰਦੀ ਆ ਰਹੀ ਹੈ । ਅਜਿਹੀ ਪੰਜਾਬ, ਪੰਜਾਬੀ, ਸੱਭਿਆਚਾਰ, ਵਿਰਸੇ-ਵਿਰਾਸਤ, ਲਿੱਪੀ, ਬੋਲੀ ਆਦਿ ਨਾਲ ਘੋਰ ਬੇਇਨਸਾਫ਼ੀਆਂ ਕਰਨ ਅਤੇ ਮੁਤੱਸਵੀ ਆਰæਐਸ਼ਐਸ਼ ਤੇ ਫਿਰਕੂ ਜਮਾਤਾਂ ਦੇ ਇਨਸਾਨੀਅਤ ਵਿਰੋਧੀ ਪ੍ਰੋਗਰਾਮਾਂ ਨੂੰ ਲਾਗੂ ਕਰਨ ਅਤੇ ਨਫਰਤ ਵਧਾਉਣ ਵਾਲੀਆ ਕਾਰਵਾਈਆ ਦੀ ਸੋਚ ਰੱਖਣ ਵਾਲੀ ਜਮਾਤ ਪੰਜਾਬ ਸੂਬੇ, ਪੰਜਾਬੀਆਂ ਅਤੇ ਸਿੱਖ ਕੌਮ ਦੇ ਹੱਕ-ਹਕੂਕਾ ਦੀ ਨਾ ਤਾਂ ਰੱਖਿਆ ਕਰ ਸਕਦੀ ਹੈ ਅਤੇ ਨਾ ਹੀ ਉਨ੍ਹਾਂ ਨੂੰ ਵਿਧਾਨਿਕ ਆਜ਼ਾਦੀ ਪ੍ਰਦਾਨ ਕਰਨ ਦੇ ਸਮਰੱਥ ਹੈ । ਬਲਕਿ ਇਨ੍ਹਾਂ ਦੀਆਂ ਕਾਰਵਾਈਆ ਇਸ ਸਰਹੱਦੀ ਸੂਬੇ ਦੇ ਅਮਨ-ਚੈਨ, ਜਮਹੂਰੀਅਤ ਕਦਰਾ-ਕੀਮਤਾ ਨੂੰ ਡੂੰਘੀ ਸੱਟ ਮਾਰਨ ਵਾਲੀ ਅਤੇ ਇਥੇ ਅਰਾਜਕਤਾ ਫੈਲਾਉਣ ਵਾਲੀਆ ਹਨ । ਇਹ ਜਮਾਤਾਂ ਅਤੇ ਇਨ੍ਹਾਂ ਦੇ ਉਮੀਦਵਾਰ ਨੂੰ ਪੰਜਾਬੀਆਂ ਅਤੇ ਸਿੱਖਾਂ ਦੀਆਂ ਵੋਟਾਂ ਕਤਈ ਨਹੀਂ ਪੈਣੀਆ ਚਾਹੀਦੀਆ ।”
ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਅੱਜ ਸ਼ਾਹਕੋਟ ਤੋਂ ਕਾਂਗਰਸ ਜਮਾਤ ਵੱਲੋਂ ਖੜ੍ਹੇ ਕੀਤੇ ਗਏ ਉਮੀਦਵਾਰ ਉਤੇ ਮਹਿਤਪੁਰ ਥਾਣੇ ਵਿਚ ਚੋਰੀ ਦਾ ਕੇਸ ਦਰਜ ਹੋਣ ਉਤੇ ਸਮੁੱਚੀ ਕਾਂਗਰਸ ਜਮਾਤ ਦੀਆਂ ਗੈਰ-ਇਖ਼ਲਾਕੀ ਅਤੇ ਗੈਰ-ਕਾਨੂੰਨੀ ਕਾਰਵਾਈਆ ਨੂੰ ਨਿਸ਼ਾਨਾਂ ਬਣਾਉਦੇ ਹੋਏ ਅਤੇ ਪੰਜਾਬ ਨਿਵਾਸੀਆ ਨੂੰ ਕਾਂਗਰਸ, ਬੀਜੇਪੀ, ਬਾਦਲ ਦਲ ਅਤੇ ਆਮ ਆਦਮੀ ਪਾਰਟੀ ਦੇ ਉਪਰੋਕਤ ਸਮਾਜ ਵਿਰੋਧੀ ਸੋਚ ਰੱਖਣ ਵਾਲੀਆ ਜਮਾਤਾਂ ਦੇ ਉਮੀਦਵਾਰਾਂ ਨੂੰ ਕਰਾਰੀ ਹਾਰ ਦੇਣ ਤੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਵੱਲੋਂ ਸਾਫ਼-ਸੁਥਰੇ ਅਤੇ ਬੇਦਾਗ ਜੀਵਨ ਵਾਲੇ ਖੜ੍ਹੇ ਕੀਤੇ ਗਏ ਸ਼ ਸੁਲੱਖਣ ਸਿੰਘ ਸ਼ਾਹਕੋਟ ਨੂੰ ਸਭ ਵਲਗਣਾ ਤੇ ਵਿਤਕਰਿਆ ਤੋਂ ਉਪਰ ਉੱਠਕੇ 28 ਮਈ ਨੂੰ ਆਪਣੀਆ ਕੀਮਤੀ ਵੋਟਾਂ ਦੇਣ ਦੀ ਸੰਜ਼ੀਦਾ ਅਪੀਲ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਬੀਜੇਪੀ ਦੀ ਜਮਾਤ ਨੇ ਸਮੁੱਚੇ ਇੰਡੀਆਂ ਵਿਚ ਜਿਸ ਤਰ੍ਹਾਂ ਮਾਸੂਮ ਜਿੰਦਗਾਨੀਆ ਨਾਲ ਬਲਾਤਕਾਰ ਕਰਨ ਅਤੇ ਘੱਟ ਗਿਣਤੀ ਕੌਮਾਂ ਦਾ ਕਤਲੇਆਮ ਕਰਨ ਅਤੇ ਹਿੰਦੂਤਵ ਕੱਟੜਵਾਦੀ ਪ੍ਰੋਗਰਾਮਾਂ ਨੂੰ ਜ਼ਬਰੀ ਲਾਗੂ ਕਰਨ ਦੀਆਂ ਕਾਰਵਾਈਆ ਸੁਰੂ ਕੀਤੀਆ ਹੋਈਆ ਹਨ, ਇਹ ਪੰਜਾਬ ਅਤੇ ਇੰਡੀਆਂ ਦੇ ਅਮਨ-ਚੈਨ ਨੂੰ ਲਾਬੂ ਲਗਾਉਣ ਵਾਲੇ ਅਮਲ ਹਨ । ਅਤੇ ਫਿਰਕੂ ਨਸਲਵਾਦੀ ਸੋਚ ਨੂੰ ਹਵਾ ਦੇਣ ਵਾਲੇ ਹਨ । ਕਠੂਆ, ਯੁਨਾਅ ਅਤੇ ਕਸੌਲੀ ਵਿਚ ਇਨ੍ਹਾਂ ਹਕੂਮਤਾਂ ਵੱਲੋਂ ਹੋ ਰਹੀਆ ਸ਼ਰਮਨਾਕ ਕਾਰਵਾਈਆ ਪ੍ਰਤੱਖ ਕਰਦੀਆ ਹਨ ਕਿ ਇਹ ਹੁਕਮਰਾਨ ਤਾਨਾਸ਼ਾਹੀ ਅਤੇ ਫਿਰਕੂ ਸੋਚ ਤੇ ਪਹਿਰਾ ਦੇ ਕੇ ਇਥੇ ਵੱਸਣ ਵਾਲੀਆ ਘੱਟ ਗਿਣਤੀ ਕੌਮਾਂ ਉਤੇ ਜ਼ਬਰ-ਜੁਲਮ ਢਾਹੁਣ ਦੀਆ ਸਾਜ਼ਿਸਾਂ ਤੇ ਕੰਮ ਕਰ ਰਹੀਆ ਹਨ । ਇਸੇ ਤਰ੍ਹਾਂ ਬਾਦਲ ਦਲੀਆ ਵੱਲੋਂ ਆਪਣੀ ਹਕੂਮਤ ਸਮੇਂ ਪੰਜਾਬ ਵਿਚ ਵੱਡੇ ਪੱਧਰ ਤੇ ਗੈਰ-ਨਿਯਮੀਆ ਅਤੇ ਅਣਮਨੁੱਖੀ ਅਮਲ ਕੀਤੇ ਗਏ । ਅੱਜ ਜੋ ਬੱਚਿਆਂ ਦੇ ਸਿਲੇਬਸ ਵਿਚ ਸਾਡੇ ਪੰਜਾਬੀ ਸੱਭਿਆਚਾਰ ਤੇ ਸਿੱਖ ਇਤਿਹਾਸ ਬਾਰੇ ਗੁੰਮਰਾਹਕੁੰਨ ਜਾਣਕਾਰੀ ਦੇ ਕੇ ਕਿਤਾਬਾ ਪ੍ਰਕਾਸਿਤ ਕਰਦੇ ਹੋਏ ਇਥੋ ਦੇ ਬੱਚਿਆਂ ਨੂੰ ਗਲਤ ਜਾਣਕਾਰੀ ਦਿੱਤੀ ਜਾ ਰਹੀ ਹੈ । ਅਜਿਹੀਆ ਕਾਰਵਾਈਆ ਵਿਚ ਆਰæਐਸ਼ਐਸ਼ ਦੇ ਗੁਲਾਮ ਬਣੇ ਸ਼ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਬਾਦਲ ਦਲੀਏ ਇਸ ਲਈ ਮੁੱਖ ਦੋਸ਼ੀ ਹਨ ਕਿਉਕਿ ਇਨ੍ਹਾਂ ਨੇ ਮੁਤੱਸਵੀ ਸੋਚ ਵਾਲੇ ਸੀ੍ਰ ਕ੍ਰਿਸ਼ਨ ਕੁਮਾਰ ਨੂੰ ਆਪਣੀ ਹਕੂਮਤ ਸਮੇਂ ਸਰਬ-ਸਿੱਖਿਆ ਅਭਿਆਨ ਦਾ ਡਾਈਰੈਕਟਰ ਲਗਾਇਆ ਸੀ । ਜਿਸ ਨੇ 800 ਸਫਿਆ ਦੀ ਗਲਤ ਜਾਣਕਾਰੀ ਦੇਣ ਵਾਲੀ ‘ਗਿਆਨ-ਸਰੋਵਰ’ ਦੀ ਕਿਤਾਬ ਪ੍ਰਕਾਸਿਤ ਕੀਤੀ ਸੀ । ਅੱਜ ਕਾਂਗਰਸ ਵੱਲੋਂ ਵੀ ਉਸੇ ਸ੍ਰੀ ਕ੍ਰਿਸ਼ਨ ਕੁਮਾਰ ਨੂੰ ਸਿੱਖਿਆ ਵਿਭਾਗ ਦਾ ਸਕੱਤਰ ਬਣਾਇਆ ਗਿਆ ਹੈ ਅਤੇ ਰਾਜਸਥਾਂਨ ਤੋਂ ਮਨੋਹਰ ਕਾਤ ਲੋਹੀਆ ਫਿਰਕੂ ਅਫ਼ਸਰ ਨੂੰ ਲਿਆਕੇ ਸਿੱਖਿਆ ਬੋਰਡ ਦਾ ਚੇਅਰਮੈਨ ਲਗਾਇਆ ਗਿਆ ਹੈ । ਇਹ ਸਭ ਫਿਰਕੂ ਲੀਹਾ ਉਤੇ ਪਹਿਰਾ ਦੇਣ ਵਾਲੇ ਮੁਤੱਸਵੀ ਅਫ਼ਸਰਾਨ ਹਨ ਅਤੇ ਮੁਤੱਸਵੀ ਆਗੂ ਹਨ ।
ਜਿਥੋਂ ਤੱਕ ਆਮ ਆਦਮੀ ਪਾਰਟੀ ਦੀ ਗੱਲ ਆਉਦੀ ਹੈ ਉਸ ਨੂੰ ਪੰਜਾਬੀਆਂ ਤੇ ਸਿੱਖ ਕੌਮ ਨੇ ਬੀਤੇ ਸਮੇਂ ਦੀਆਂ 2017 ਵਿਚ ਹੋਈਆ ਵਿਧਾਨ ਸਭਾ ਚੋਣਾਂ ਸਮੇਂ ਇਸ ਲਈ ਦੁਰਕਾਰ ਦਿੱਤਾ ਸੀ ਕਿਉਂਕਿ ਇਸ ਪਾਰਟੀ ਦੇ ਹਾਥੀ ਦੇ ਦੰਦ ਦਿਖਾਉਣ ਵਾਲੇ ਹੋਰ ਹਨ ਅਤੇ ਖਾਣ ਵਾਲੇ ਹੋਰ । ਜਿਸਦੀ ਪ੍ਰਤੱਖ ਮਿਸਾਲ ਸ੍ਰੀ ਕੇਜਰੀਵਾਲ ਵੱਲੋਂ ਪੰਜਾਬ ਦੀ ਵਾਗਡੋਰ ਸੰਭਾਲਣ ਵਾਲੇ ਗੈਰ-ਇਖਲਾਕੀ ਅਤੇ ਰਿਸਵਤਖੋਰ ਸੰਜੇ ਸਿੰਘ, ਦੁਰਗੇਸ ਪਾਠਕ ਆਦਿ ਵੱਲੋਂ ਇਥੋ ਦੀਆਂ ਬੀਬੀਆਂ ਨਾਲ ਕੀਤੇ ਗਏ ਦੁਰਵਿਹਾਰ ਅਤੇ ਪਾਰਟੀ ਟਿਕਟਾ ਤੇ ਅਹੁਦੇ ਦੇਣ ਵਿਚ ਲੱਖਾਂ-ਕਰੋੜਾਂ ਦੀ ਕੀਤੀ ਗਈ ਰਿਸਵਤਖੋਰੀ ਤੋਂ ਸਭ ਪੰਜਾਬੀ ਅਤੇ ਸਿੱਖ ਕੌਮ ਭਲੀਭਾਤ ਜਾਣੂ ਹਨ । ਇਸ ਪਾਰਟੀ ਕੋਲ ਪੰਜਾਬੀ ਸੱਭਿਆਚਾਰ ਅਤੇ ਸਿੱਖ ਕੌਮ ਦੇ ਮਨੁੱਖਤਾ ਪੱਖੀ ਅਸੂਲਾਂ ਅਤੇ ਨਿਯਮਾਂ ਨੂੰ ਮਜ਼ਬੂਤ ਕਰਨ ਲਈ ਕੋਈ ਪ੍ਰੋਗਰਾਮ ਨਹੀਂ । ਇਹ ਤਾਂ ਕੇਵਲ ਦਿੱਲੀ ਮੁਤੱਸਵੀ ਸੋਚ ਵਾਲੀ ਹਦਾਇਤਾ ਉਤੇ ਪੰਜਾਬੀਆਂ ਤੇ ਸਿੱਖਾਂ ਉਤੇ ਜ਼ਬਰੀ ਰਾਜ ਕਰਨ ਤੇ ਪੰਜਾਬ ਸੂਬੇ ਵਿਚ ਲੁੱਟ ਮਚਾਉਣ ਅਤੇ ਇਥੋ ਦੇ ਅਮੀਰ ਸੱਭਿਆਚਾਰ ਨੂੰ ਮਲੀਨ ਕਰਨ ਦੀਆ ਸਾਜ਼ਿਸਾਂ ਵਿਚ ਮਸਰੂਫ ਹਨ । ਇਸ ਲਈ ਉਪਰੋਕਤ ਸਿਆਸੀ ਜਮਾਤਾਂ ਕਾਂਗਰਸ, ਬੀਜੇਪੀ, ਬਾਦਲ ਦਲੀਏ ਅਤੇ ਆਮ ਆਦਮੀ ਪਾਰਟੀ ਵਰਗੀਆ ਜਮਾਤਾਂ ਅਤੇ ਉਨ੍ਹਾਂ ਵੱਲੋਂ ਖੜ੍ਹੇ ਕੀਤੇ ਜਾਣ ਵਾਲੇ ਉਮੀਦਵਾਰ ਪੰਜਾਬੀਆਂ ਤੇ ਸਿੱਖ ਕੌਮ ਦੀ ਸੋਚ ਉਤੇ ਕਤਈ ਵੀ ਪੂਰੇ ਉਤਰਨ ਵਾਲੇ ਨਹੀਂ ਹਨ । ਬਲਕਿ ਇਹ ਇਥੋ ਦੇ ਮਾਹੌਲ ਨੂੰ ਗੰਧਲਾ ਅਤੇ ਨਫ਼ਰਤ ਭਰਿਆ ਕਰਕੇ ਆਪਣੇ ਸਵਾਰਥੀ ਹਿਤਾ ਦੀ ਪੂਰਤੀ ਕਰਨਾ ਲੋੜਦੇ ਹਨ । ਇਸ ਲਈ ਸਾਡੀ ਸਮੁੱਚੇ ਪੰਜਾਬੀਆਂ ਅਤੇ ਸਮੁੱਚੀ ਸਿੱਖ ਕੌਮ ਨੂੰ ਇਹ ਸੰਜ਼ੀਦਾ ਅਪੀਲ ਹੈ ਕਿ ਉਹ ਸ਼ਾਹਕੋਟ ਜਿਮਨੀ ਚੋਣ ਵਿਚ ਉਪਰੋਕਤ ਜਮਾਤਾਂ ਦੇ ਖੜ੍ਹੇ ਕੀਤੇ ਗਏ ਦਾਗੀ ਉਮੀਦਵਾਰਾਂ ਨੂੰ ਕਰਾਰੀ ਹਾਰ ਦੇ ਕੇ 28 ਮਈ ਨੂੰ ਆਪੋ ਆਪਣੀ ਇਖ਼ਲਾਕੀ ਸੋਚ ਨੂੰ ਮਜ਼ਬੂਤ ਕਰਦੇ ਹੋਏ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਅਤੇ ਬਹੁਜਨ ਮੁਕਤੀ ਮੋਰਚਾਂ, ਬਾਮਸੇਫ, ਪੱਛੜੇ ਵਰਗਾਂ ਅਤੇ ਕਬੀਲਿਆ ਦੇ ਸਾਂਝੇ ਉਮੀਦਵਾਰ ਸ਼ ਸੁਲੱਖਣ ਸਿੰਘ ਸ਼ਾਹਕੋਟ ਨੂੰ ਵੱਡੀ ਗਿਣਤੀ ਵਿਚ ਜਿਤਾਕੇ ਪੰਜਾਬ ਅਸੈਬਲੀ ਵਿਚ ਭੇਜਣ ਦੀ ਜ਼ਿੰਮੇਵਾਰੀ ਨਿਭਾਉਣ ਤਾਂ ਕਿ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਆਪ ਸਭਨਾਂ ਦੇ ਵਿਧਾਨਿਕ, ਸਮਾਜਿਕ, ਧਾਰਮਿਕ ਅਤੇ ਇਖ਼ਲਾਕੀ ਹੱਕਾਂ ਦੀ ਦ੍ਰਿੜਤਾ ਨਾਲ ਰੱਖਿਆ ਕਰ ਸਕੇ ਅਤੇ ਪੰਜਾਬ, ਸਿੱਖ ਕੌਮ ਦੇ ਅਮੀਰ ਸੱਭਿਆਚਾਰ, ਵਿਰਸੇ-ਵਿਰਾਸਤ ਨੂੰ ਪ੍ਰਫੁੱਲਿਤ ਕਰ ਸਕੇ ।

ਬਰਮਿੰਘਮ ਕੌਸਲ ਦੀਆ ਚੋਣਾਂ ਵਿਚ ਗੁਰਦਿਆਲ ਸਿੰਘ ਅਟਵਾਲ ਦੀ ਸ਼ਾਨਦਾਰ ਜਿੱਤੇ ਤੇ ਵਧਾਈ

ਫ਼ਤਹਿਗੜ੍ਹ ਸਾਹਿਬ, 5 ਮਈ (ਡੇਲੀ ਬਿਊਰੋ) “ਬਰਤਾਨੀਆ ਵਿਚ ਬੀਤੇ ਕੱਲ੍ਹ ਜੋ ਉਥੋਂ ਦੀਆਂ ਕੌਸਲ ਦੀਆਂ ਚੋਣਾਂ ਹੋਈਆ ਹਨ, ਉਨ੍ਹਾਂ ਵਿਚ ਬਰਤਾਨੀਆ ਵਿਖੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਸੋਚ ਅਤੇ ਪ੍ਰੋਗਰਾਮਾਂ ਦੀ ਅਗਵਾਈ ਕਰਨ ਵਾਲੇ ਸਾਡੀ ਪਾਰਟੀ ਦੇ ਯੂਕੇ ਦੇ ਚੇਅਰਮੈਨ ਸ਼ ਗੁਰਦਿਆਲ ਸਿੰਘ ਅਟਵਾਲ ਬਰਮਿੰਘਮ ਤੋਂ ਕੌਸਲਰ ਦੀ ਚੋਣ ਲੜ ਰਹੇ ਸਨ, ਉਹ 60% ਵੋਟਾਂ ਪ੍ਰਾਪਤ ਕਰਕੇ ਭਾਰੀ ਬਹੁਮਤ ਨਾਲ ਆਪਣੀ ਜਿੱਤ ਦਰਜ ਕਰਵਾਈ ਹੈ । ਜਿਸ ਨਾਲ ਸ਼ ਗੁਰਦਿਆਲ ਸਿੰਘ ਅਟਵਾਲ ਦੀ ਸਖਸ਼ੀਅਤ ਹੀ ਨਹੀਂ, ਬਲਕਿ ਸਿੱਖ ਕੌਮ ਦੀ ਕੌਮਾਂਤਰੀ ਪੱਧਰ ਤੇ ਨੁਮਾਇੰਦਗੀ ਕਰਨ ਵਾਲੀ ਸਿਆਸੀ ਜਮਾਤ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਸਤਿਕਾਰ-ਮਾਣ ਵਿਚ ਵੀ ਢੇਰ ਸਾਰਾ ਵਾਧਾ ਹੋਇਆ ਹੈ, ਜਿਸ ਲਈ ਅਸੀਂ ਬਰਤਾਨੀਆ ਉਚੇਚੇ ਤੌਰ ਤੇ ਬਰਮਿੰਘਮ ਦੇ ਸਿੱਖਾਂ ਅਤੇ ਹੋਰਨਾਂ ਵੋਟਰਾਂ ਨੂੰ ਅਤੇ ਸ਼ ਅਟਵਾਲ ਤੇ ਸਮੁੱਚੀ ਪਾਰਟੀ ਨੂੰ ਹਾਰਦਿਕ ਮੁਬਾਰਕਬਾਦ ਭੇਜਦੇ ਹਾਂ ।”
ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਅਤੇ ਪਾਰਟੀ ਦੇ ਜਰਨਲ ਸਕੱਤਰ ਸ਼ ਗੁਰਸੇਵਕ ਸਿੰਘ ਜਵਾਹਰਕੇ ਵੱਲੋਂ ਸਾਂਝੇ ਤੌਰ ਤੇ ਸਮੁੱਚੀ ਸਿੱਖ ਕੌਮ ਨੂੰ ਸ਼ ਗੁਰਦਿਆਲ ਸਿੰਘ ਅਟਵਾਲ ਦੀ ਬਰਮਿੰਘਮ ਵਿਚ ਹੋਈ ਭਾਰੀ ਜਿੱਤ ਉਤੇ ਵੱਡੀ ਖੁਸ਼ੀ ਦਾ ਇਜਹਾਰ ਕਰਦੇ ਹੋਏ, ਸਮੁੱਚੀ ਸਿੱਖ ਕੌਮ ਅਤੇ ਬਰਮਿੰਘਮ ਨਿਵਾਸੀਆ ਨੂੰ ਹਾਰਦਿਕ ਮੁਬਾਰਕਬਾਦ ਦਿੰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਇਸ ਜਿੱਤ ਨਾਲ ਕੌਮਾਂਤਰੀ ਪੱਧਰ ਤੇ ਇਹ ਗੱਲ ਪ੍ਰਪੱਕ ਹੋਈ ਹੈ ਕਿ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਆਪਣੀ ਕੌਮੀ ਆਜ਼ਾਦੀ ਖ਼ਾਲਿਸਤਾਨ ਦੀ ਜਮਹੂਰੀਅਤ ਅਤੇ ਅਮਨਮਈ ਤਰੀਕੇ ਕਾਇਮ ਕਰਨ ਲਈ ਜੋ ਜੱਦੋ-ਜ਼ਹਿਦ ਕਰ ਰਿਹਾ ਹੈ ਅਤੇ ਗੁਰੂ ਸਾਹਿਬਾਨ ਜੀ ਦੀਆਂ ਮਨੁੱਖਤਾ ਪੱਖੀ, ਅਮਨ-ਚੈਨ ਪੱਖੀ ਜੋ ਸੋਚ ਹੈ, ਉਸ ਉਤੇ ਬਰਮਿੰਘਮ ਨਿਵਾਸੀਆ ਨੇ ਜੋਰਦਾਰ ਮੋਹਰ ਲਗਾ ਦਿੱਤੀ ਹੈ, ਜਿਸ ਨਾਲ ਆਉਣ ਵਾਲੇ ਸਮੇਂ ਵਿਚ ਕੌਮਾਂਤਰੀ ਪੱਧਰ ਤੇ ਵੱਖ-ਵੱਖ ਮੁਲਕਾਂ ਵਿਚ ਖ਼ਾਲਿਸਤਾਨ ਦੀ ਕੌਮਾਂਤਰੀ ਰਾਏ ਬਣਾਉਣ ਵਿਚ ਹੀ ਵੱਡਾ ਸਹਿਯੋਗ ਨਹੀਂ ਮਿਲੇਗਾ, ਬਲਕਿ ਇਸ ਆਜ਼ਾਦੀ ਦੇ ਮਿਸਨ ਨੂੰ ਪ੍ਰਾਪਤ ਕਰਨ ਲਈ ਬਾਹਰਲੇ ਮੁਲਕਾਂ ਦੀਆਂ ਹਕੂਮਤਾਂ, ਉਥੋ ਦੇ ਸਿਆਸਤਦਾਨ ਅਤੇ ਉਥੋਂ ਦੇ ਨਿਵਾਸੀਆ ਦੀਆਂ ਸਿੱਖ ਕੌਮ ਦੀ ਸਰਬੱਤ ਦੇ ਭਲੇ ਪੱਖੀ ਸੋਚ ਨੂੰ ਮਜ਼ਬੂਤ ਕਰਨ ਲਈ ਵੱਡਾ ਬਲ ਮਿਲੇਗਾ ।

ਕੈਨੇਡਾ ਵਲੋਂ ਵਧਾਈ
ਇਸ ਸ਼ਾਨਦਾਰ ਜਿੱਤ ਤੇ ਵਧਾਈ ਦਿੰਦਿਆਂ ਸ੍ਰæ ਸੁਖਮਿੰਦਰ ਸਿੰਘ ਹੰਸਰਾ, ਭਾਈ ਕਰਨੈਲ ਸਿੰਘ, ਪਰਮਿੰਦਰ ਸਿੰਘ ਪਾਂਗਲੀ ਅਤੇ ਭਾਈ ਮਨਵੀਰ ਸਿੰਘ ਨੇ ਸਾਂਝੇ ਬਿਆਨ ਵਿੱਚ ਕਿਹਾ ਕਿ ਸ੍ਰæ ਅਟਵਾਲ ਦੀਆਂ ਸੇਵਾਵਾਂ ਨੂੰ ਬੂਰ ਪਿਆ ਹੈ। ਸ੍ਰ ਅਟਵਾਲ ਬਰਮਿੰਘਮ ਦੀ ਕੌਂਸਲ ਵਿੱਚ ਨਿਘਰ ਯੋਗਦਾਨ ਪਾ ਰਹੇ ਹਨ, ਜਿਸ ਤੇ ਸਮੁੱਚੀ ਸਿੱਖ ਕੌਮ ਖਾਸ ਕਰਕੇ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਮੈਂਬਰਾਂ ਨੂੰ ਅਥਾਹ ਖੁਸ਼ੀ ਹੈ।

ਕਠੂਆ, ਯੁਨਾਅ ਵਿਚ ਹੋਈਆ ਬਲਾਤਕਾਰੀ ਘਟਨਾਵਾ ਅਤੇ ਕਸੋਲੀ ਵਿਚ ਇਕ ਬੀਬਾ ਅਫ਼ਸਰ ਦੇ ਕਤਲ ਦੀ ਘਟਨਾ ਇਥੋਂ ਦੇ ਜੰਗਲ ਦੇ ਰਾਜ ਦੀ ਤਸਵੀਰ ਪੇਸ਼ ਕਰ ਰਹੀਆ ਹਨ : ਮਾਨ

ਫ਼ਤਹਿਗੜ੍ਹ ਸਾਹਿਬ, 4 ਮਈ (ਡੇਲੀ ਬਿਊਰੋ) “ਬੀਤੇ ਕੁਝ ਦਿਨ ਪਹਿਲੇ ਕਠੂਆ, ਜੰਮੂ-ਕਸ਼ਮੀਰ ਵਿਚ ਇਕ ਮਾਸੂਮ 8 ਸਾਲਾ ਬੱਚੀ ਨਾਲ ਕੱਟੜਵਾਦੀ ਹਿੰਦੂਆਂ ਨੇ ਧਾਰਮਿਕ ਸਥਾਂਨ ਮੰਦਰ ਵਿਚ ਜਿਸ ਅਤਿ ਸ਼ਰਮਨਾਕ ਢੰਗ ਨਾਲ ਜ਼ਬਰ-ਜਿਨਾਹ ਕਰਕੇ ਉਸ ਨੂੰ ਮਾਰ ਦਿੱਤਾ ਅਤੇ ਯੁਨਾਅ (ਯੂਪੀ) ਵਿਚ ਬੀਜੇਪੀ ਦੇ ਐਮæਐਲ਼ਏæ ਕੁਲਦੀਪ ਸਿੰਘ ਸਿੰਗਾਰ ਵੱਲੋ ਇਕ ਬੀਬਾ ਨਾਲ ਜ਼ਬਰ-ਜ਼ਿਨਾਹ ਕੀਤਾ ਗਿਆ ਅਤੇ ਹਿਮਾਚਲ ਦੇ ਕਸੌਲੀ ਸਹਿਰ ਵਿਚ ਕੰਟਰੀ ਪਲਾਨਿੰਗ ਵਿਭਾਗ ਦੀ ਇਕ ਬੀਬਾ ਅਫ਼ਸਰ ਸੈਲ ਬਾਲਾ ਨੂੰ ਦਿਨ-ਦਿਹਾੜੇ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਅਤੇ ਫਗਵਾੜਾ ਵਿਖੇ ਬਹੁਗਿਣਤੀ ਹਿੰਦੂਆਂ ਨੇ ਇਕ ਦਲਿਤ ਉਤੇ ਹਮਲਾ ਕਰਕੇ ਉਸ ਨੂੰ ਅਤਿ ਗੰਭੀਰ ਰੂਪ ਵਿਚ ਜਖ਼ਮੀ ਕਰ ਦਿੱਤਾ ਗਿਆ ਜੋ ਕਿ ਬਾਅਦ ਵਿਚ ਦਮ ਤੋੜ ਗਿਆ, ਇਹ ਦੁੱਖਦਾਇਕ ਘਟਨਾਵਾਂ ਮੁਤੱਸਵੀ ਮੋਦੀ ਹਕੂਮਤ ਅਤੇ ਬੀਜੇਪੀ ਦੇ ਨਿਜਾਮ ਵਾਲੇ ਸੂਬਿਆਂ ਦੀਆਂ ਹਕੂਮਤਾਂ ਦੇ ‘ਜੰਗਲ ਦੇ ਰਾਜ’ ਦੀ ਘਿਣੋਨੀ ਤਸਵੀਰ ਨੂੰ ਪੇਸ਼ ਕਰਦੀਆ ਹਨ । ਇਥੇ ਸਟੇਟ ਦਹਿਸਤਗਰਦੀ ਅਤੇ ਅਰਾਜਕਤਾ ਵੱਧ ਜਾਣ ਨੂੰ ਸਪੱਸਟ ਕਰਦੀਆ ਹਨ । ਜੋ ਕਿ ਇੰਡੀਆਂ ਦੇ ਅਮਨ-ਚੈਨ ਅਤੇ ਜਮਹੂਰੀਅਤ ਕਦਰਾ-ਕੀਮਤਾ ਨੂੰ ਕਾਇਮ ਰੱਖਣ ਲਈ ਖ਼ਤਰੇ ਦੀ ਘੰਟੀ ਵਾਲੇ ਅਮਲ ਹਨ ।”
ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਇੰਡੀਆਂ ਵਿਚ ਆਰæਐਸ਼ਐਸ-ਬੀਜੇਪੀ ਅਤੇ ਹੋਰ ਫਿਰਕੂ ਕੱਟੜਵਾਦੀ ਜਮਾਤਾਂ ਦੇ ਹੁਕਮਰਾਨੀ ਜ਼ਬਰ-ਜੁਲਮਾਂ ਅਤੇ ਬੇਇਨਸਾਫ਼ੀਆਂ ਦੇ ਵੱਧ ਜਾਣ ਅਤੇ ਘੱਟ ਗਿਣਤੀ ਕੌਮਾਂ ਨਾਲ ਗੈਰ-ਕਾਨੂੰਨੀ ਅਤੇ ਅਣਮਨੁੱਖੀ ਤਰੀਕੇ ਹੋ ਰਹੇ ਜ਼ਬਰ ਦੀ ਜੋਰਦਾਰ ਸ਼ਬਦਾਂ ਵਿਚ ਨਿਖੇਧੀ ਕਰਦੇ ਹੋਏ ਅਤੇ ਮੌਜੂਦਾ ਮੁਤੱਸਵੀ ਮੋਦੀ ਹਕੂਮਤ ਦੇ ਨਿਜਾਮ ਦੀ ਅਸਫ਼ਲਤਾ ਕਰਾਰ ਦਿੰਦੇ ਹੋਏ ਪ੍ਰਗਟ ਕੀਤੇ। ਉਨ੍ਹਾਂ ਕਿਹਾ ਕਿ ਮੋਦੀ ਹਕੂਮਤ ਬਾਹਰਲੇ ਮੁਲਕਾਂ ਵਿਚ ਜਿੰਨੀ ਮਰਜੀ ਆਪਣੇ ਇੰਡੀਆਂ ਦੀ ਮੀਡੀਏ ਅਤੇ ਬਿਜਲਈ ਮੀਡੀਏ ਵਿਚ ਅੱਛੀ ਤਸਵੀਰ ਪੇਸ਼ ਕਰੇ ਅਤੇ ਇੰਡੀਆਂ ਵਿਚ ਅਮਨ-ਚੈਨ ਅਤੇ ਜਮਹੂਰੀਅਤ ਕਦਰਾ-ਕੀਮਤਾ ਦੇ ਕਾਇਮ ਹੋਣ ਦਾ ਜਿੰਨਾ ਮਰਜੀ ਝੂਠਾ ਰੋਲਾ ਪਾ ਲਵੇ । ਪਰ ਜਦੋਂ ਤੱਕ ਇਥੇ ਵੱਸਣ ਵਾਲੀਆ ਘੱਟ ਗਿਣਤੀ ਮੁਸਲਿਮ, ਇਸਾਈ, ਸਿੱਖ, ਦਲਿਤ, ਪੱਛੜੇ ਵਰਗ ਅਤੇ ਕਬੀਲਿਆ ਨੂੰ ਉਨ੍ਹਾਂ ਦੇ ਵਿਧਾਨਿਕ, ਆਜ਼ਾਦੀ ਦੇ ਹੱਕ ਅਮਲੀ ਰੂਪ ਵਿਚ ਪ੍ਰਦਾਨ ਨਹੀਂ ਕੀਤੇ ਜਾਂਦੇ ਅਤੇ ਉਨ੍ਹਾਂ ਨੂੰ ਬਰਾਬਰ ਦੇ ਅਧਿਕਾਰ ਨਹੀਂ ਦਿੱਤੇ ਜਾਂਦੇ, ਉਸ ਸਮੇਂ ਤੱਕ ਇਥੇ ਅਮਨ-ਚੈਨ ਕਾਇਮ ਰੱਖਣਾ ਅਸੰਭਵ ਹੈ । ਉਨ੍ਹਾਂ ਇਹ ਵੀ ਕਿਹਾ ਕਿ ਉਪਰੋਕਤ ਦੁੱਖਦਾਇਕ ਘਟਨਾਵਾ ਤੋਂ ਜਾਹਰ ਹੋ ਜਾਂਦਾ ਹੈ ਕਿ ਇਥੋ ਦੇ ਨਿਜਾਮੀ ਪ੍ਰਬੰਧ ਵਿਚ ਵੱਡੀਆ ਕਮੀਆ ਹਨ ਅਤੇ ਹਿੰਦੂਤਵ ਕੱਟੜਵਾਦੀ ਸੋਚ ਦਾ ਬੋਲਬਾਲਾ ਹੋ ਚੁੱਕਾ ਹੈ । ਹਿੰਦੂਤਵ ਹੁਕਮਰਾਨ ਹਿੰਦੂ ਸੋਚ ਨੂੰ ਜ਼ਬਰੀ ਲਾਗੂ ਕਰਕੇ ਘੱਟ ਗਿਣਤੀ ਕੌਮਾਂ ਵਿਚ ਖੁਦ ਵੱਡੀ ਬੇਚੈਨੀ ਪੈਦਾ ਕਰ ਰਹੇ ਹਨ । ਜਿਸਦੇ ਨਤੀਜੇ ਇਥੋ ਦੇ ਹੁਕਮਰਾਨਾਂ ਅਤੇ ਅਮਨ-ਚੈਨ ਲਈ ਕਤਈ ਸਹੀ ਸਾਬਤ ਨਹੀਂ ਹੋਣਗੇ ।
ਉਨ੍ਹਾਂ ਕਿਹਾ ਕਿ ਚੀਨ ਵਰਗੇ ਵੱਡੇ ਮੁਲਕ ਨੂੰ ਖੁਸ਼ ਕਰਨ ਲਈ ਸ੍ਰੀ ਮੋਦੀ ਹਕੂਮਤ ਨੇ ਮਨੁੱਖੀ ਕਦਰਾ-ਕੀਮਤਾ ਦਾ  ਘਾਣ ਕਰਕੇ ਤਿੱਬਤ ਦੇ ਆਗੂ ਸ੍ਰੀ ਦਲਾਈ ਲਾਮਾ ਜਿਸ ਨੂੰ ਇੰਡੀਆ ਨੇ ਸ਼ਰਨ ਦਿੱਤੀ ਹੋਈ ਹੈ, ਉਸ ਨੂੰ ਧਰਮਸਾਲਾ (ਹਿਮਾਚਲ) ਦੇ ਘਰ ਵਿਚ ਹੀ ਬੰਦ ਕਰਕੇ ਮਨੁੱਖੀ ਨਿਯਮਾਂ ਦਾ ਉਲੰਘਣ ਕੀਤਾ ਹੈ । ਅਜਿਹਾ ਇਸ ਕਰਕੇ ਕੀਤਾ ਗਿਆ ਹੈ ਤਾਂ ਕਿ ਬੀਤੇ ਦਿਨੀਂ ਸ੍ਰੀ ਮੋਦੀ ਦੀ ਚੀਨ ਯਾਤਰਾ ਨੂੰ ਸਫ਼ਲ ਬਣਾਇਆ ਜਾ ਸਕੇ । ਜਦੋਂਕਿ ਚੀਨ ਦੇ ਅਧਿਕਾਰੀਆ ਨੇ ਸ੍ਰੀ ਮੋਦੀ ਨੂੰ ਇਕ ਝੀਲ ਦੇ ਸਿਕਾਰੇ ਵਿਚ ਸੈਰ ਕਰਵਾਕੇ ਅਤੇ ਕਈ ਹੋਰ ਥਾਵਾ ਤੇ ਘੁਮਾਕੇ ਵਾਪਸ ਭੇਜ ਦਿੱਤਾ ਹੈ ਅਤੇ ਕੋਈ ਮਨੁੱਖਤਾ ਪੱਖੀ ਪ੍ਰਾਪਤੀ ਨਹੀਂ ਹੋ ਸਕੀ । ਫਿਰ ਇਸ ਯਾਤਰਾ ਨੂੰ ਕਿਸ ਤਰ੍ਹਾਂ ਸਫ਼ਲ ਕਰਾਰ ਦਿੱਤਾ ਜਾ ਸਕਦਾ ਹੈ ? ਦੂਸਰਾ ਮੋਦੀ ਹਕੂਮਤ ਵੱਲੋਂ ਅਮਰੀਕਾ, ਆਸਟ੍ਰੇਲੀਆ, ਜਪਾਨ, ਵੀਅਤਨਾਮ ਆਦਿ ਨਾਲ ਫ਼ੌਜੀ ਸਮਝੋਤੇ ਕੀਤੇ ਜਾ ਰਹੇ ਹਨ, ਜੋ ਕਿ ਚੀਨ, ਰੂਸ, ਪਾਕਿਸਤਾਨ, ਉਤਰੀ ਕੋਰੀਆ ਦੇ ਕੌਮਾਂਤਰੀ ਪੱਧਰ ਦੇ ਬਣ ਰਹੇ ਵੱਡੇ ਗਰੁੱਪ ਦੇ ਵਿਰੋਧੀ ਅਮਲ ਹਨ । ਫਿਰ ਸ੍ਰੀ ਮੋਦੀ ਚੀਨ ਦੀ ਯਾਤਰਾ ਕਰਕੇ ਇੰਡੀਆ ਲਈ ਜਾਂ ਮਨੁੱਖਤਾ ਲਈ ਕੀ ਪ੍ਰਾਪਤੀ ਕਰ ਰਹੇ ਹਨ ? ਅੱਜ ਦੀ ਨਵੀਂ ਸੂਚਨਾ ਇਹ ਹੈ ਕਿ ਫ਼ਰਾਂਸ ਨੇ ਇੰਡੀਆ ਨਾਲ ਕੀਤੇ ਗਏ ਸਮਝੋਤੇ ਤੋਂ ਪਿੱਛੇ ਹੱਟ ਗਿਆ ਹੈ, ਜੋ ਪ੍ਰਤੱਖ ਹੈ ਕਿ ਫ਼ਰਾਂਸ ਚੀਨ ਵਾਲੇ ਫੌਜੀ ਗਰੁੱਪ ਵਿਚ ਜਾਵੇਗਾ ।

ਹਿੰਦੂ ਪ੍ਰੈਸ ਅਤੇ ਮੁਤੱਸਵੀ ਆਗੂ ਸਿੱਖ ਕੌਮ ਨੂੰ ਤਾਂ ਬਦਨਾਮ ਕਰਨ ਵਿਚ ਮੋਹਰੀ, ਪਰ ਬਾਪੂ ਆਸਾਰਾਮ, ਕਠੂਆ ਘਟਨਾ ਦੇ ਦੋਸ਼ੀ ਅਤੇ ਮੁਸਲਿਮ ਕੌਮ ਦੇ ਕਾਤਲਾਂ ਨੂੰ ਬਲਾਤਕਾਰੀ ਤੇ ਕਾਤਲ ਕਹਿਣ ਤੋਂ ਕਿਉਂ ਭੱਜ ਰਹੀ ਹੈ ? : ਮਾਨ

ਫ਼ਤਹਿਗੜ੍ਹ ਸਾਹਿਬ, 26 ਅਪ੍ਰੈਲ (ਡੇਲੀ ਬਿਊਰੋ) “ਅਮਲੀ ਰੂਪ ਵਿਚ ਸਮੁੱਚੀ ਮਨੁੱਖਤਾ ਲਈ ਸਰਬੱਤ ਦਾ ਭਲਾ ਮੰਗਣ ਵਾਲੀ, ਬੀਤੇ ਸਮੇਂ ਵਿਚ ਬਾਹਰੀ ਧਾੜਵੀਆਂ ਤੋਂ ਹਿੰਦੂਆਂ ਦੀਆਂ ਧੀਆਂ-ਭੈਣਾਂ ਦੀ ਇੱਜ਼ਤ ਦੀ ਰਾਖੀ ਕਰਨ ਵਾਲੀ ਅਤੇ ਸਰਹੱਦਾਂ ਉਤੇ ਹਿੱਕ ਡਾਹਕੇ ਮੌਤ ਨੂੰ ਮਖੌਲਾ ਕਰਨ ਵਾਲੀ ਸਿੱਖ ਕੌਮ ਨੂੰ ਤਾਂ ਮੁਤੱਸਵੀ ਹੁਕਮਰਾਨ ਅਤੇ ਹਿੰਦੂ ਪ੍ਰੈਸ ਜਿਸ ਵਿਚ ਦਾ ਟ੍ਰਿਬਿਊਨ, ਇੰਡੀਅਨ ਐੇਕਸਪ੍ਰੈਸ, ਟਾਈਮਜ਼ ਆਫ਼ ਇੰਡੀਆ, ਹਿੰਦੂਸਤਾਨ ਟਾਈਮਜ਼ ਦੇ ਨਾਲ-ਨਾਲ ਬਿਜਲਈ ਮੀਡੀਆ 1984 ਤੋਂ ਹੀ ਅੱਤਵਾਦੀ, ਗਰਮਦਲੀਏ, ਸ਼ਰਾਰਤੀ ਅਨਸਰ ਅਤੇ ਵੱਖਵਾਦੀ ਆਦਿ ਬਦਨਾਮਨੁੰਮਾ ਨਾਮ ਦੇ ਕੇ ਸਿੱਖ ਕੌਮ ਵਿਰੁੱਧ ਨਫ਼ਰਤ ਪੈਦਾ ਕਰਦੇ ਆ ਰਹੇ ਹਨ । ਪਰ ਹੁਣ ਜਦੋਂ ਸਮੁੱਚੇ ਇੰਡੀਆਂ ਵਿਚ ਮਾਸੂਮ ਬੱਚੀਆਂ ਨਾਲ ਬਲਾਤਕਾਰ ਕਰਕੇ ਉਨ੍ਹਾਂ ਮਾਸੂਮ ਜਿੰਦਾ ਨੂੰ ਮੌਤ ਦੇ ਮੂੰਹ ਵਿਚ ਧਕੇਲਣ ਵਾਲੇ ਬਾਪੂ ਆਸਾਰਾਮ, ਸਿਰਸੇਵਾਲਾ ਸਾਧ, ਕਠੂਆ ਵਿਖੇ ਬਲਾਤਕਾਰੀ ਹਿੰਦੂ ਅਤੇ 2002 ਵਿਚ ਮੁਸਲਿਮ ਕੌਮ ਦਾ ਕਤਲੇਆਮ ਕਰਨ ਵਾਲੇ ਅਤੇ ਉਨ੍ਹਾਂ ਦੀਆਂ ਬੀਬੀਆਂ ਦੀਆਂ ਨਗਨ ਬਲਾਤਕਾਰੀ ਵੀਡੀਓਜ ਬਣਾਉਣ ਵਾਲੇ ਸਮਾਜ ਵਿਰੋਧੀ ਹਿੰਦੂ ਅਪਰਾਧੀਆ ਦੀ ਗਿਣਤੀ ਵੱਧਦੀ ਜਾ ਰਹੀ ਹੈ ਅਤੇ ਦਿਨ-ਦਿਹਾੜੇ ਸ਼ਰਮਨਾਕ ਕਾਰੇ ਹੋ ਰਹੇ ਹਨ, ਤਾਂ ਹਿੰਦੂ ਪ੍ਰੈਸ ਅਤੇ ਹੁਕਮਰਾਨਾਂ ਵੱਲੋਂ ਅਜਿਹੇ ਬਲਾਤਕਾਰੀਆ ਤੇ ਕਾਤਲਾਂ ਨੂੰ ਹੁਣ ਅਜਿਹੇ ਨਾਮ ਦੇਣ ਤੋਂ ਕਿਉਂ ਭੱਜ ਰਹੇ ਹਨ ?”

ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਮੁਤੱਸਵੀ ਹੁਕਮਰਾਨਾਂ ਅਤੇ ਇਥੋਂ ਦੀ ਹਿੰਦੂ ਪ੍ਰੈਸ ਅਤੇ ਬਿਜਲਈ ਮੀਡੀਏ ਦੀ ਨਿਰਪੱਖਤਾ ਉਤੇ ਅਤੇ ਪੀਲੀ ਪੱਤਰਕਾਰੀ ਉਤੇ ਡੂੰਘਾਂ ਸਵਾਲ ਕਰਦੇ ਹੋਏ ਸਮਾਜਿਕ ਜ਼ਿੰਮੇਵਾਰੀਆਂ ਤੋਂ ਭੱਜਣ ਦਾ ਦੋਸ਼ ਲਗਾਉਦੇ ਹੋਏ ਇਕ ਪ੍ਰੈਸ ਬਿਆਨ ਵਿਚ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਜੇਕਰ ਹੁਣ ਇਨ੍ਹਾਂ ਬਲਾਤਕਾਰੀਆਂ ਅਤੇ ਕਾਤਲ ਹਿੰਦੂਆਂ ਨੂੰ ਸਿੱਖ ਕੌਮ ‘ਬਲਾਤਕਾਰੀ ਅਤੇ ਕਾਤਲ’ ਐਲਾਨੇ ਤਾਂ ਕਿਹੋ ਜਿਹਾ ਲੱਗੇਗਾ ? ਉਨ੍ਹਾਂ ਕਿਹਾ ਕਿ ਜੇਕਰ ਪ੍ਰੈਸ ਅਤੇ ਮੀਡੀਏ ਨੇ ਉਪਰੋਕਤ ਸਿੱਖ ਕੌਮ ਪ੍ਰਤੀ ਮੰਦਭਾਵਨਾ ਰੱਖਣ ਵਾਲੀਆ ਮੁਤੱਸਵੀ ਤਾਕਤਾਂ ਅਤੇ ਫਿਰਕੂ ਆਗੂਆਂ ਦੀਆਂ ਸਮਾਜ ਵਿਰੋਧੀ ਕਾਰਵਾਈਆ ਨੂੰ ਨੰਗਾ ਕਰਨ ਦੀ ਜ਼ਿੰਮੇਵਾਰੀ ਨਾ ਨਿਭਾਈ ਤਾਂ ਸਿਧਾਤਾਂ ਅਤੇ ਨਿਯਮਾਂ ਉਤੇ ਪਹਿਰਾ ਦੇਣ ਵਾਲੀ ਸਿੱਖ ਕੌਮ ਲਈ ਇਹ ਹੁਕਮਰਾਨ ਅਤੇ ਇਥੋਂ ਦੀ ਹਿੰਦੂ ਪ੍ਰੈਸ ਇਨਸਾਫ਼ ਅਤੇ ਬਰਾਬਰਤਾ ਦੇ ਹੱਕ ਦਿਵਾਉਣ ਦੇ ਸਾਰੇ ਦਰਵਾਜੇ ਬੰਦ ਕਰਨ ਦੀ ਭੂਮਿਕਾ ਨਿਭਾਅ ਰਹੀ ਹੋਵੇਗੀ, ਜੋ ਕਿ ਇਨਸਾਨੀ ਅਤੇ ਜਮਹੂਰੀਅਤ ਪੱਖੀ ਅਸੂਲਾਂ ਤੇ ਨਿਯਮਾਂ ਦਾ ਘਾਣ ਕਰਨ ਦੇ ਤੁੱਲ ਅਮਲ ਹੋਣਗੇ ਅਤੇ ਸਦਾ ਲਈ ਅਜਿਹੀ ਪੀਲੀ ਪੱਤਰਕਾਰੀ ਵਾਲੀ ਪ੍ਰੈਸ ਉਤੇ ਕੌਮਾਂਤਰੀ ਪੱਧਰ ਤੇ ਵੱਡਾ ਧੱਬਾ ਲੱਗ ਜਾਵੇਗਾ ਅਤੇ ਘੱਟ ਗਿਣਤੀ ਕੌਮਾਂ ਲਈ ਇਥੇ ਇਨਸਾਫ਼ ਨਾਮ ਦੀ ਕੋਈ ਚੀਜ ਨਹੀਂ ਬਚੇਗੀ । ਇਸ ਲਈ ਇਹ ਜ਼ਰੂਰੀ ਹੈ ਕਿ ਪ੍ਰੈਸ ਅਤੇ ਮੀਡੀਆ ਕਿਸੇ ਇਕ ਫਿਰਕੇ ਜਾਂ ਕਿਸੇ ਇਕ ਕੌਮ ਨਾਲ ਜੁੜਕੇ ਪੱਖਪਾਤੀ ਅਮਲ ਬਿਲਕੁਲ ਨਾ ਕਰੇ ਅਤੇ ਜਿਥੇ ਕਿੱਤੇ ਵੀ ਜ਼ਬਰ-ਜੁਲਮ ਜਾਂ ਬੇਇਨਸਾਫ਼ੀ ਹੁਕਮਰਾਨਾਂ ਵੱਲੋਂ ਜਾਂ ਬਹੁਗਿਣਤੀ ਵੱਲੋਂ ਹੁੰਦੀ ਹੈ ਉਸ ਵਿਰੁੱਧ ਉਹ ਨਿਰਪੱਖਤਾ ਨਾਲ ਆਵਾਜ਼ ਉਠਾਉਣ ਦੀ ਜ਼ਿੰਮੇਵਾਰੀ ਨਿਭਾਵੇ । ਤਦ ਹੀ ਇਥੇ ਸਥਾਈ ਤੌਰ ਤੇ ਅਮਨ-ਚੈਨ ਸਥਾਪਿਤ ਹੋ ਸਕੇਗਾ, ਵਰਨਾ 24 ਅਪ੍ਰੈਲ ਨੂੰ ਨਾਗਪੁਰ ਵਿਖੇ ਸਮੁੱਚੀਆਂ ਘੱਟ ਗਿਣਤੀ ਕੌਮਾਂ ਭਾਰਤੀ ਮੁਕਤੀ ਪਾਰਟੀ, ਬਾਮਸੇਫ, ਲਿੰਗਾਇਤ ਧਰਮ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ), ਐਸ਼ਸੀ/ਐਸ਼ਟੀ, ਓਬੀਸੀ ਸਭ ਕਬੀਲਿਆ ਵੱਲੋਂ ਜੋ ‘ਪਰਿਵਰਤਨ ਰੈਲੀ’ ਸੁਰੂ ਕੀਤੀ ਗਈ ਹੈ, ਉਸਦੇ ਆਉਣ ਵਾਲੇ ਨਤੀਜਿਆ ਤੋਂ ਪ੍ਰਭਾਵਿਤ ‘ਸਮੁੱਚੇ ਵਰਗਾਂ ਲਈ ਖ਼ਾਲਸਾ ਰਾਜ’ ਕਾਇਮ ਕਰਨ ਲਈ ਕੋਈ ਵੀ ਤਾਕਤ ਨਹੀਂ ਰੋਕ ਸਕੇਗੀ ।

ਭਾਈ ਤਾਰਾ ਨੂੰ ਬੁੜੈਲ ਜੇਲ੍ਹ ਵਿੱਚ ਹਿੰਦੂਤਵਾ ਵਲੋਂ ਖਤਰਾ: ਮਾਨ

ਬਠਿੰਡਾ (ਡੇਲੀ ਬਿਊਰੋ ) 20 ਅਪ੍ਰੈਲ ਅੱਜ ਬਠਿੰਡਾ ਦੇ ਅਡੀਸ਼ਨਲ ਸ਼ੈਸ਼ਨ ਜੱਜ ਸ ਕਮਲਜੀਤ ਸਿੰਘ ਦੀ ਅਦਾਲਤ ਵਿੱਚ ਭਾਈ ਜਗਤਾਰ ਸਿੰਘ ਤਾਰਾ ਨੂੰ ਵੀਡੀਓ ਕਾਨਫਰੰਸ ਰਾਹੀਂ ਪੇਸ਼ੀ ਤੇ ਹਾਜਰ ਕੀਤਾ ਗਿਆ ਇਸ ਵੀਡੀਓ ਕਾਨਫਰੰਸ ਰਾਹੀਂ ਭਾਈ ਤਾਰਾ ਨੇ ਆਪਣੇ ਸੰਵਿਧਾਨਕ ਹੱਕ ਧਾਰਾ 21 ਤਹਿਤ ਜੱਜ ਸਾਹਿਬਾਨ ਤੋਂ ਇਹ ਮੰਗ ਕੀਤੀ ਕਿ ਮੈਨੂੰ ਮੇਰੇ ਵਕੀਲ ਸ ਹਰਪਾਲ ਸਿੰਘ ਖਾਰਾ ਨਾਲ ਗੱਲ ਕਰਨ ਦਾ ਮੌਕਾ ਦਿੱਤਾ ਜਾਵੇ। ਜਿਸ ਤੇ ਸਰਕਾਰੀ ਵਕੀਲ ਨੇ ਸਖਤ ਅਤਿਰਾਜ ਕਰਦਿਆਂ ਗਲ ਨਾ ਕਰਵਾਉਣ ਦੀ ਅਪੀਲ ਕੀਤੀ ਪਰੰਤੂ ਜੱਜ ਸਾਹਿਬਾਨ ਨੇ ਸੰਵਿਧਾਨਕ ਹੱਕ ਅਨੁਸਾਰ ਗਲ ਕਰਨ ਦੀ ਇਜਾਜ਼ਤ ਦੇ ਦਿੱਤੀ। ਇਸ ਗਲ ਬਾਤ ਦੌਰਾਨ ਭਾਈ ਤਾਰਾ ਨੇ ਖਾਦਸਾ ਜਾਹਰ ਕੀਤਾ ਕਿ ਜਿਸ ਤਰ੍ਹਾਂ ਭਾਈ ਹਰਮਿੰਦਰ ਸਿੰਘ ਮਿੰਟੂ ਨੂੰ ਬੜੇ ਸਾਜਿਸ਼ ਤਰੀਕੇ ਨਾਲ਼ ਪਟਿਆਲਾ ਜੇਲ੍ਹ ਵਿਚ ਖਤਮ ਕੀਤਾ ਗਿਆ ਹੈ ਇਸੇ ਤਰ੍ਹਾਂ ਮੈਨੂੰ ਬੁੜੈਲ ਜੇਲ੍ਹ ਦੇ ਹਿੰਦੂ ਅਫਸਰ ਐਸ ਕੇ ਜੈਨ ਜੇਲ੍ਹ ਸੁਪਰਡੈਂਟ ਚੰਡੀਗੜ੍ਹ, ਪ੍ਰਮੋਦ ਖਤਰੀ ਨਾਇਕ ਸੁਪਰਡੈਂਟ, ਜੈ ਕਿਸ਼ਨ ਹੈਡਵਾਰਡਨ, ਧਰਮਪਾਲ ਹੈਡਵਾਰਡਨ, ਦੀਪ ਕੁਮਾਰ ਵਾਰਡਨ ਅਤੇ ਡਾ ਨੀਨਾ ਚੌਧਰੀ ਸ਼ਿਜਿਸ਼ ਤਰੀਕੇ ਨਾਲ ਵਿਉਂਤਾ ਬਣਾ ਰਹੇ ਹਨ ਕਿ ਮੈਨੂੰ ਨੂੰ ਵੀ ਖਤਮ ਕਰ ਦਿੱਤਾ ਜਾਵੇ। ਭਾਈ ਤਾਰਾ ਨੇ ਆਪਣੇ ਵਕੀਲ ਨੂੰ ਇਹ ਵੀ ਕਿਹਾ ਕਿ ਇਹ ਸਾਰੀ ਜਾਣਕਾਰੀ ਸ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੂੰ ਦਿੱਤੀ ਜਾਵੇ।

ਇਸ ਘਟਨਾਕ੍ਰਮ ਤੇ ਸ ਸਿਮਰਨਜੀਤ ਸਿੰਘ ਮਾਨ ਨੇ ਪ੍ਰਤੀਕਿਰਿਆ ਪ੍ਰਗਟ ਕਰਦਿਆਂ ਕਿਹਾ ਕਿ ਭਾਈ ਤਾਰਾ ਵਲੋਂ ਦੱਸਿਆ ਖਾਦਸਾ ਅੱਖੋਂ ਪਰੋਖੇ ਨਹੀਂ ਕੀਤਾ ਜਾ ਸਕਦਾ ਹੈ ਕਿਉਂਕਿ ਤਾਜਾ ਘਟਨਾ ਦੌਰਾਨ ਭਾਈ ਹਰਮਿੰਦਰ ਸਿੰਘ ਮਿੰਟੂ ਨੂੰ ਵੀ ਪਟਿਆਲਾ ਜੇਲ੍ਹ ਵਿਚ ਇਸੇ ਲੜੀ ਤਹਿਤ ਖਤਮ ਕੀਤਾ ਗਿਆ ਹੈ। ਜਿਸ ਜਾਂਚ ਹਾਈ ਕੋਰਟ ਵਲੋਂ ਜੁਡੀਸ਼ਲ ਹੋਣੀ ਚਾਹੀਦੀ ਹੈ। ਜਿਵੇਂ ਮੱਧਿਆ ਪਰਦੇਸ਼ ਦੇ ਵਿਆਪਨ ਕਾਂਡ ਦੇ 40 ਗਵਾਹਾਂ ਨੂੰ ਬੀਜੇਪੀ ਨੇ ਮਰਵਾ ਦਿੱਤਾ ਸੀ ਅਤੇ ਉਸੇ ਤਰ੍ਹਾਂ ਹੁਣ ਸੁਪਰੀਮ ਕੋਰਟ ਨੇ ਫੈਸਲਾ ਕਰਦਿਆਂ ਜੱਜ ਬੀ ਐਚ ਲੋਇਆ ਜਿੰਨਾ ਨੇ ਝੂਠੇ ਪੁਲਿਸ ਮੁਕਾਬਲੇ ਵਿੱਚ ਕਤਲ ਕਰਵਾਏ ਗਏ ਸੁਰਾਬੁਦੀਨ ਸ਼ੇਖ ਦੇ ਕੇਸ ਦਾ ਫੈਸਲਾ ਕਰਨਾ ਸੀ
ਜਿਸ ਵਿੱਚ ਬੀਜੇਪੀ ਦੇ ਪ੍ਰਧਾਨ ਸ਼੍ਰੀ ਅਮਿਤ ਸ਼ਾਹ ਦਾ ਨਾਮ ਮੁਜਰਿਮਾ ਦੀ ਸੂਚੀ ਵਿੱਚ ਮੁੱਖ ਸੀ। ਅੱਜ ਦੀਆਂ ਖਬਰਾਂ ਮੁਤਾਬਕ ਸੁਪਰੀਮ ਕੋਰਟ ਦੇ ਚੀਫ ਜਸਟਿਸ ਦਿਪਕ ਮਿਸਰਾ ਨੇ ਜੱਜ ਲੋਇਆ ਦੀ ਮੌਤ ਜੋ ਸ਼ੱਕੀ ਹਾਲਤਾਂ ਵਿੱਚ ਹੋਈ ਸੀ ਉਸ ਦੀ ਅੱਗੇ ਤਫਤੀਸ਼ ਜਾਰੀ ਰਖਣ ਦੀ ਅਪੀਲ ਰਦ ਕਰ ਦਿੱਤੀ ਹੈ। ਕਿਉਂਕਿ ਬੀਜੇਪੀ ਦੇ ਪ੍ਰਧਾਨ ਅਮਿਤ ਸ਼ਾਹ ਨੂੰ ਇਸ ਕੇਸ ਵਿੱਚੋ ਬਚਾਇਆ ਜਾ ਸਕੇ। ਸ ਮਾਨ ਨੇ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਇਹ ਸਾਰਾ ਜੋ ਝੂਠ ਦਾ ਪੁਲੰਦਾ ਸਿੱੱਖਾਂ ਵਿਰੁੱਧ ਚਲ ਰਿਹਾ ਹੈ ਇਸ ਦਾ ਮੁੱਖ ਕਾਰਨ ਪੰਜਾਬ ਦੇ ਮੁੱਖ ਮੰਤਰੀ ਅਤੇ ਸੈਂਟਰ ਦੇ ਗ੍ਰਹਿ ਵਜੀਰ ਰਾਜਨਾਥ ਸਿੰਘ ਦੇ ਵਿੱਚ ਦਿੱਲੀ ਹੋਈ ਮੀਟਿੰਗ ਵਿੱਚ ਸਿੱਖਾਂ ਦੇ ਸੰਬੰਧ ਪਾਕਿਸਤਾਨੀ ਏਜੰਸੀ ਆਈ ਐਸ ਆਈ ਨਾਲ ਜੋੜ ਕੇ ਸਿੱਖਾਂ ਤੇ ਫੌਜ ਤੇ ਪੁਲੀਸ ਵਲੋਂ ਜੁਲਮ ਕਰਨ ਨੂੰ ਹੋਰ ਉਤਸ਼ਾਹਿਆ ਗਿਆ ਹੈ। ਜਦਕਿ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਇਸ ਗਲ ਨੂੰ ਬੇਬੁਨਿਆਦ ਅਤੇ ਸਿੱਖਾਂ ਨੂੰ ਬਦਨਾਮ ਕਰਨ ਅਤੇ ਸਿੱਖ ਕੌਮ ਤੇ ਹੋਰ ਸਰਕਾਰੀ ਜੁਲਮ ਕਰਨ ਦੀ ਨੀਤੀ ਮੰਨਦਾ ਹੈ। ਪਾਰਟੀ ਸਿੱਖ ਕੌਮ ਨੂੰ ਤੇ ਮਨੁੱਖੀ ਅਧਿਕਾਰਾਂ ਦੀ ਗਲ ਕਰਨ ਵਾਲੀਆਂ ਧਿਰਾਂ ਨੂੰ ਇਨ੍ਹਾਂ ਸਿੱਖ ਵਿਰੋਧੀ ਸ਼ਾਜਿਸ਼ਾ ਖਿਲਾਫ ਸੁਚੇਤ ਕਰਦੀ ਹੈ।

ਸਿੱਖੋ ਤੁਹਾਡਾ ਇਕ ਹੋਰ ਸੂਰਮਾ ਅੱਜ ਜਾਲਮਾਂ ਨੇ ਅੱਜ ਖੋਹ ਲਿਆ !

(18 ਅਪਰੈਲ 2018 ਕੌਮ ਦਾ ਇੱਕ ਹੋਰ ਹੀਰਾ ਗਿਆ !)

ਅੱਜ ਭਾਈ ਹਰਮਿੰਦਰ ਸਿੰਘ ਮਿੰਟੂ ਦੀ ਕੇਂਦਰੀ ਜੇਲ੍ਹ, ਪਟਿਆਲਾ ਵਿਚ ਮੌਤ ਦੀ ਖਬਰ ਆਈ ਤਾਂ ਹਿਰਦਾ ਵਲੂੰਧਰਿਆ ਗਿਆ।
ਮੈਂ 9 ਅਪਰੈਲ 2018 ਦਿਨ ਸੋਮਵਾਰ ਨੂੰ ਉਹਨਾਂ ਦੀ ਮੁਲਾਕਾਤ ਕਰਨ ਕੇਂਦਰੀ ਜੇਲ੍ਹ ਪਟਿਆਲਾ ਗਿਆ ਸੀ ਤਾਂ ਉਹ ਹਮੇਸ਼ਾ ਦੀ ਤਰ੍ਹਾਂ ਚੜ੍ਹਦੀ ਕਲਾ ਵਿਚ ਮੁਸਕਰਾਉਂਦੇ ਹੋਏ ਚਿਹਰੇ ਨਾਲ ਮਿਲੇ ਪਰ ਸਿਹਤ ਪੱਖ ਤੋਂ ਢਿੱਲੇ ਨਜ਼ਰ ਆ ਰਹੇ ਸਨ। ਉਹਨਾਂ ਨੂੰ ਮੇਰੇ ਕੈਨੇਡਾ ਜਾਣ ਦੀ ਖੁਸ਼ੀ ਸੀ ਅਤੇ ਉਹਨਾਂ ਖਾਸ ਕਰਕੇ ਕਿਹਾ ਕਿ ਮੰਝਪੁਰ ਤੂੰ ਕਿਸੇ ਨਾਲ ਵੀ ਕਾਨੂੰਨ ਤੋਂ ਬਾਹਰ ਦੀ ਗੱਲ ਨਹੀਂ ਕਰਨੀ ਅਤੇ ਵਕਾਲਤ ਦੀਆਂ ਹੱਦਾਂ ਵਿਚ ਰਹਿ ਕੇ ਸਭ ਨਾਲ ਮਿਲਵਰਤਨ ਰੱਖਣਾ ਹੈ ਕਿਉਂਕਿ ਸਿੰਘਾਂ ਦੇ ਕੇਸਾਂ ਦੀ ਸੁਚੱਜੀ ਪੈਰਵਾਈ ਦੀ ਲੋੜ ਹੈ।ਪਤਾ ਨਹੀਂ ਸੀ ਕਿ ਉਹਨਾਂ ਮੈਨੂੰ ਕੈਨੇਡਾ ਭੇਜ ਕੇ ਆਪ ਖੁੱਦ ਅਕਾਲ ਚਲਾਣਾ ਕਰ ਜਾਣਾ ਹੈ।ਉਹਨਾਂ ਦੱਸਿਆ ਸੀ ਕਿ ਜੇਲ੍ਹ ਡਾਕਟਰ ਨੇ ਚੈੱਕਅੱਪ ਕਰਕੇ ਉਹਨਾਂ ਦੀ ਪੀ.ਜੀ.ਆਈ ਚੰਡੀਗੜ੍ਹ ਤੋਂ ਜਾਂਚ ਕਰਵਾਉਂਣ ਲਈ ਜੇਲ੍ਹ ਸੁਪਰਡੈਂਟ ਨੂੰ ਕਈ ਵਾਰ ਲਿਖਿਆ ਹੈ ਪਰ ਜੇਲ੍ਹ ਸੁਪਰਡੈਂਟ ਰਾਜਨ ਕਪੂਰ ਦੇ ਕੰਨ ‘ਤੇ ਜੂੰ ਨਹੀਂ ਸਰਕ ਰਹੀਂ ਅਤੇ ਅੱਜ ਵੀ ਮੁਲਾਕਾਤ ਤੋਂ ਬਾਅਦ ਉਸਨੂੰ ਮਿਲਣਾ ਹੈ।

ਮੈਡੀਕਲ ਹਿਸਟਰੀ:
ਭਾਈ ਹਰਮਿੰਦਰ ਸਿੰਘ ਮਿੰਟੂ ਦੀ ਹਾਰਟ ਸਰਜਰੀ 2010 ਵਿਚ ਵਿਦੇਸ਼ੀ ਧਰਤੀ ਉਪਰ ਹੋਈ ਸੀ ਅਤੇ ਸਟੰਟ ਪਏ ਹੋਏ ਸਨ। ਉਹਨਾਂ ਦੀ 2014 ਵਿਚ ਗ੍ਰਿਫਤਾਰੀ ਤੋਂ ਬਾਅਦ ਵੀ ਸਮੇਂ-ਸਮੇਂ ‘ਤੇ ਅਦਾਲਤਾਂ ਦੇ ਧਿਆਨ ਵਿਚ ਇਸ ਸਬੰਧੀ ਲਿਆਂਦਾ ਗਿਆ ਅਤੇ ਅਦਾਲਤਾਂ ਨੇ ਇਸ ਸਬੰਧੀ ਪੁਲਿਸ ਤੇ ਜੇਲ੍ਹ ਨੂੰ ਹਦਾਇਤਾਂ ਜਾਰੀ ਕੀਤੀਆਂ ਸਨ ਅਤੇ ਉਹਨਾਂ ਨੂੰ ਇਸ ਸਬੰਧੀ ਰਜਿੰਦਰਾ ਹਸਪਤਾਲ ਪਟਿਆਲਾ ਤੇ ਪੀ.ਜੀ.ਆਈ ਚੰਡੀਗੜ੍ਹ ਕਈ ਵਾਰ ਜਾਂਚ ਲਈ ਲਿਜਾਇਆ ਗਿਆ ਸੀ ਪਰ ਨਾਭਾ ਜੇਲ੍ਹ ਬਰੇਕ ਕੇਸ 2016 ਅਤੇ ਅਖੌਤੀ ਟਾਰਗੇਟ ਕਿਲਿੰਗ ਕੇਸਾਂ ਵਿਚ ਗ੍ਰਿਫਤਾਰੀ ਤੋਂ ਬਾਅਦ ਭਾਈ ਹਰਮਿੰਦਰ ਸਿੰਘ ਮਿੰਟੂ ਉਪਰ ਜੇਲ੍ਹ ਵਿਚ ਸਖਤੀ ਕੀਤੀ ਜਾਣ ਲੱਗੀ ਅਤੇ ਉਹਨਾਂ ਨੂੰ ਹਾਰਟ ਮਰੀਜ਼ ਵਜੋਂ ਦਿੱਤੀਆਂ ਜਾਣ ਵਾਲੀਆਂ ਸਹੂਲਤਾਂ ਬੰਦ ਕਰ ਦਿੱਤੀਆਂ ਗਈਆਂ ਅਤੇ ਕੇਂਦਰੀ ਜੇਲ੍ਹ ਪਟਿਆਲਾ ਦੇ ਬੰਦ ਅਹਾਤੇ ਵਿਚ ਪੱਕੇ ਤੌਰ ‘ਤੇ ਬੰਦ ਕਰ ਦਿੱਤਾ ਗਿਆ ਤੇ ਆਮ ਵਿਅਕਤੀ ਤੋਂ ਵੀ ਨੀਵੇਂ ਪੱਧਰ ਦੀਆਂ ਹਲਾਤਾਂ ਵਿਚ ਰੱਖਿਆ ਜਾਣ ਲੱਗਾ ਜਿਸ ਬਾਰੇ ਪਤਾ ਲੱਗਣ ਪਰ ਮੇਰੇ ਵਲੋਂ ਲੁਧਿਆਣਾ ਦੇ ਇਕ ਕੇਸ ਵਿਚ ਵੀਡਿਓ ਕਾਨਫਰੰਸਿੰਗ ਰਾਹੀਂ ਪੇਸ਼ੀ ਰਾਹੀਂ ਜੇਲ਼ ਦੇ ਡਿਪਟੀ ਸੁਪਰਡੈਂਟ ਨੂੰ ਇਸ ਸਬੰਧੀ ਕਿਹਾ ਗਿਆ ਤਾਂ ਭਾਈ ਹਰਮਿੰਦਰ ਸਿੰਘ ਮਿੰਟੂ ਨੂੰ ਅਗਲੇ ਦਿਨ ਹੀ ਬੰਦ ਅਹਾਤੇ ਤੋਂ ਆਮ ਬੰਦੀਆਂ ਵਿਚ ਤਬਦੀਲ ਕਰ ਦਿੱਤਾ ਗਿਆ ਤੇ ਕੁਝ ਮੈਡੀਕਲ ਸਹੂਲਤਾਂ ਵੀ ਬਹਾਲ ਕਰ ਦਿੱਤੀਆਂ ਗਈਆਂ ਪਰ ਫਿਰ ਵੀ ਜਿਹੜੀਆਂ ਹਾਲਤਾਂ ਵਿਚ ਇਕ ਹਾਰਟ ਮਰੀਜ਼ ਨੂੰ ਰੱਖਣਾ ਚਾਹੀਦਾ ਸੀ ਉਹ ਕਦੇ ਬਹਾਲ ਨਹੀਂ ਹੋਈਆਂ ਖਾਸ ਕਰ ਜੇਲ੍ਹ ਡਾਕਟਰ ਵਲੋਂ ਉਹਨਾਂ ਨੂੰ ਬਾਰ-ਬਾਰ ਪੀ.ਜੀ.ਆਈ ਚੰਡੀਗੜ੍ਹ ਰੈਫਰ ਕਰਨ ਦੇ ਬਾਵਜੂਦ ਵੀ ਉਹਨਾਂ ਨੂੰ ਪੀ.ਜੀ.ਆਈ ਚੰਡੀਗੜ੍ਹ ਨਹੀਂ ਲਿਜਾਇਆ ਗਿਆ ਜੋ ਕਿ ਉਹਨਾਂ ਦੀ ਮੌਤ ਦਾ ਤਤਕਾਲੀ ਕਾਰਨ ਬਣਿਆ।

ਸਰਕਾਰੀ ਸਾਜ਼ਿਸ਼:
ਭਾਈ ਹਰਮਿੰਦਰ ਸਿੰਘ ਮਿੰਟੂ ਦੀ ਮੌਤ ਨੂੰ ਦਿਲ ਦੇ ਦੌਰੇ ਨਾਲ ਜੋੜਿਆ ਜਾ ਰਿਹਾ ਹੈ ਜੋ ਕਿ ਓਪਰੀ ਨਜ਼ਰੋਂ ਦੇਖਿਆਂ ਸਹੀ ਲੱਗਦਾ ਹੈ ਪਰ ਸਹੀ ਗੱਲ ਇਹ ਹੈ ਕਿ ਦਿਲ ਦਾ ਦੌਰਾ ਪੈਣ ਲਈ ਹਲਾਤ ਪਿਛਲੇ ਸਮੇਂ ਤੋਂ ਬਣਾਏ ਜਾ ਰਹੇ ਸਨ ਕਿਉਂਕਿ ਸਭ ਨੂੰ ਪਤਾ ਸੀ ਕਿ ਭਾਈ ਹਰਮਿੰਦਰ ਸਿੰਘ ਮਿੰਟੂ ਹਾਰਟ ਦੀ ਮਰੀਜ਼ ਸੀ ਅਤੇ ਉਸਨੂੰ ਖਾਸ ਦਵਾਈਆਂ ਤੇ ਡਾਈਟ ਮੁਹੱਈਆ ਕਰਵਾਉਂਣੀ ਅਤੇ ਹਾਰਟ ਸਪੈਸ਼ਲਿਸਟ ਮਾਹਰ ਡਾਕਟਰਾਂ ਤੋਂ ਲਗਾਤਾਰ ਜਾਂਚ ਕਰਵਾਉਂਣੀ ਲਾਜ਼ਮੀ ਹੈ ਜਿਸ ਬਾਰੇ ਜੇਲ੍ਹ ਡਾਕਟਰ ਬਾਰ-ਬਾਰ ਕਹਿ ਰਿਹਾ ਸੀ ਅਤੇ ਉਸ ਵਲੋਂ ਕੀਤੀਆਂ ਜਾ ਰਹੀਆਂ ਸਿਫਾਰਸ਼ਾਂ ਨੂੰ ਜਾਣ-ਬੁੱਝ ਕੇ ਸਾਜ਼ਿਸ਼ ਤਹਿਤ ਅੱਖੋਂ ਓਹਲੇ ਕੀਤਾ ਜਾ ਰਿਹਾ ਸੀ। ਕਾਨੂੰਨੀ ਪਰਕਿਰਿਆ ਇਹ ਬਣਦੀ ਹੈ ਕਿ ਜੇਕਰ ਜੇਲ੍ਹ ਡਾਕਟਰ ਵਲੋਂ ਕਿਸੇ ਬੰਦੀ ਦਾ ਕਿਸੇ ਮਾਹਰ ਡਾਕਟਰ ਕੋਲੋਂ ਇਲਾਜ਼ ਦੀ ਸਿਫਾਰਸ਼ ਕੀਤੀ ਜਾਂਦੀ ਹੈ ਤਾਂ ਜੇਲ੍ਹ ਸੁਪਰਡੈਂਟ ਉਸ ਸਿਫਾਰਸ਼ ਦੇ ਆਧਾਰ ‘ਤੇ ਆਮ ਹਾਲਤਾਂ ਵਿਚ ਸਬੰਧ ਜਿਲ੍ਹਾ ਪੁਲਿਸ ਲਾਈਨ ਤੋਂ ਗਾਰਦ ਮੰਗਦਾ ਹੈ ਅਤੇ ਐਮਰਜੈਂਸੀ ਹਾਲਤਾਂ ਵਿਚ ਜੇਲ੍ਹ ਵਿਚ ਤਾਇਨਾਤ ਗਾਰਦ ਦੀ ਡਿਊਟੀ ਲਗਾ ਸਕਦਾ ਹੈ ਪਰ ਭਾਈ ਹਰਮਿੰਦਰ ਸਿੰਘ ਮਿੰਟੂ ਦੇ ਕੇਸ ਵਿਚ ਕਿਸੇ ਵੀ ਕਿਸਮ ਦੀ ਗਾਰਦ ਮੁਹੱਈਆ ਨਹੀਂ ਕਰਵਾਈ ਗਈ ਜਿਸ ਲਈ ਸਿੱਧੇ ਤੌਰ ‘ਤੇ ਜੇਲ੍ਹ ਸੁਪਰਡੈਂਟ ਤੇ ਜਿਲ੍ਹਾ ਪੁਲਿਸ ਮੁਖੀ ਜਿੰਮੇਵਾਰ ਹਨ।
ਦੂਜੇ ਪਾਸੇ ਜੇ ਦੇਖੀਏ ਤਾਂ ਭਾਈ ਹਰਮਿੰਦਰ ਸਿੰਘ ਮਿੰਟੂ ਦੇ ਕੇਸਾਂ ਨੂੰ ਧਿਆਨ ਵਿਚ ਰੱਖਦਿਆਂ ਉਹਨਾਂ ਨੂੰ ਹਾਈ ਪਰੋਫਾਈਲ ਬੰਦੀ ਐਲਾਨਿਆ ਗਿਆ ਸੀ ਤੇ ਅਖੌਤੀ ਟਾਰਗੇਟ ਕਿਲਿੰਗ ਕੇਸਾਂ ਵਿਚ ਉਹਨਾਂ ਦੀ ਗ੍ਰਿਫਤਾਰੀ ਤੋਂ ਬਾਅਦ ਉਹਨਾਂ ਦੀ ਇਹਨਾਂ ਕੇਸਾਂ ਵਿਚ ਪਰਮੁੱਖ ਜਿੰਮੇਵਾਰੀ ਨਾਮਜ਼ਦ ਕਰਕੇ ਉਹਨਾਂ ਨੂੰ ਪੰਜਾਬ ਸਰਕਾਰ, ਪੁਲਿਸ ਤੇ ਏਜੰਸੀਆਂ ਉਹਨਾਂ ਨੂੰ ਹਰ ਪੱਖ ਤੋਂ ਖਤਮ ਕਰਨ ਲਈ ਸਾਜ਼ਿਸ਼ ਰਚ ਰਹੀਆਂ ਸਨ ਅਤੇ ਉਹਨਾਂ ਦੀ ਹਾਰਟ ਪਰੋਬਲਮ ਨੂੰ ਠੀਕ ਕਰਨ ਦੀ ਬਜਾਇ ਹੋਰ ਖਰਾਬ ਹੋਣ ਦਿੱਤਾ ਗਿਆ ਜਿਸ ਦੇ ਸਿੱਟੇ ਵਜੋਂ ਸਾਨੂੰ ਇਸ ਦੁਖਦ ਘੜ੍ਹੀ ਦਾ ਸਾਹਮਣਾ ਕਰਨਾ ਪੈ ਰਿਹਾ। ਜਿਕਰਯੋਗ ਹੈ ਕਿ ਭਾਈ ਹਰਮਿੰਦਰ ਸਿੰਘ ਮਿੰਟੂ ਨੂੰ ਖਾਲਿਸਤਾਨ ਲਿਬਰੇਸ਼ਨ ਫੋਰਸ ਦਾ ਮੁਖੀ ਨਿਯੁਕਤ ਕੀਤਾ ਗਿਆ ਸੀ ਅਤੇ ਇਹਨਾਂ ਸਿਆਸੀ ਕਤਲਾਂ ਲਈ ਜਿੰੰਮੇਵਾਰ ਖਾਲਿਸਤਾਨ ਲਿਬਰੇਸ਼ਨ ਫੋਰਸ ਨੂੰ ਦਰਸਾਇਆ ਗਿਆ ਸੀ ਜਿਸ ਤਹਿਤ ਸਰਕਾਰਾਂ, ਏਜੰਸੀਆਂ ਤੇ ਪੁਲਿਸ ਨੂੰ ਬੜੇ ਲੰਮੇ ਸਮੇਂ ਬਾਅਦ ਅਜਿਹੀਆਂ ਘਟਨਾਵਾਂ ਦਾ ਸਾਹਮਣਾ ਕਰਨਾ ਪਿਆ ਸੀ ਅਤੇ ਮੁਲਕ ਦੀਆਂ ਕੇਂਦਰੀ ਤੇ ਸੂਬਾਈ ਏਜੰਸੀਆਂ ਦੀ ਫਿਕਰਾਂ ਦਾ ਡਾਢਾ ਵੱਡਾ ਕਾਰਨ ਭਾਈ ਹਰਮਿੰਦਰ ਸਿੰਘ ਮਿੰਟੂ ਨੂੰ ਮੰਨਿਆ ਜਾ ਰਿਹਾ ਸੀ ਅਤੇ ਲੰਮੇ ਸਮੇਂ ਤੋਂ ਖਾੜਕੂ ਸੰਘਰਸ਼ ਵਿਚ ਆਈ ਖੜੋਤ ਨੂੰ ਤੋੜਣ ਦਾ ਜਿੰਮੇਵਾਰ ਵੀ ਭਾਈ ਹਰਮਿੰਦਰ ਸਿੰਘ ਮਿੰਟੂ ਨੂੰ ਮੰਨਦਿਆਂ ਉਹਨਾਂ ਦੇ ਕਤਲ ਦੀ ਸਾਜ਼ਿਸ਼ ਰਚੀ ਗਈ ਲੱਗਦੀ ਹੈ।ਸਾਜ਼ਿਸ ਤੌਰ ‘ਤੇ ਪੰਜਾਬ ਪੁਲਿਸ ਮੁਖੀ ਤੇ ਗ੍ਰਹਿ ਮੰਤਰੀ/ਮੁੱਖ ਮੰਤਰੀ ਪੰਜਾਬ ਭਾਈ ਹਰਮਿੰਦਰ ਸਿੰਘ ਮਿੰਟੂ ਦੇ ਕਤਲ ਕਰਨ ਦੀ ਸਾਜ਼ਿਸ ਦੇ ਦੋਸ਼ੀ ਹਨ।

ਦਰਜ਼ ਕੇਸ:
ਭਾਈ ਹਰਮਿੰਦਰ ਸਿੰਘ ਮਿੰਟੂ ਉਪਰ 2014ਤੋਂ ਹੁਣ ਤੱਕ 19 ਕੇਸ ਦਰਜ਼ ਕੀਤੇ ਜਾ ਚੁੱਕੇ ਸਨ ਅਤੇ ਹੋਰ ਵੀ ਕਈ ਨਵੇਂ ਕੇਸ ਪਾਉਂਣ ਦੀਆਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਸਨ। ਦਰਜ਼ ਕੀਤੇ 19ਕੇਸਾਂ ਵਿਚੋਂ 5 ਕੇਸ ਬਰੀ, 1 ਕੇਸ ਕੱਟੀ-ਕਟਾਈ ਸਜ਼ਾ ਨਾਲ ਖਤਮ, 4 ਕੇਸ ਜਮਾਨਤਾਂ ਉਪਰ ਅਦਾਲਤਾਂ ਵਿਚ ਵਿਚਾਰਅਧੀਨ, 3 ਕੇਸ ਜਮਾਨਤਾਂ ਤੋਂ ਬਿਨਾਂ ਅਦਾਲਤਾਂ ਵਿਚ ਵਿਚਾਰਅਧੀਨ ਅਤੇ 6 ਕੇਸਾਂ ਵਿਚ ਗ੍ਰਿਫਤਾਰੀ ਤੋਂ ਬਾਅਦ ਚਲਾਨ ਪੇਸ਼ ਨਹੀਂ ਸੀ ਕੀਤਾ ਗਿਆ ਸੀ। ਚੱਲ ਰਹੇ ਕੇਸਾਂ ਵਿਚ ਨਾਭਾ ਜੇਲ ਬਰੇਕ ਕੇਸ ਪਰਮੁੱਖ ਸੀ।


ਭਾਵੇਂ ਕਿ ਸਰਕਾਰ ਵਲੋਂ ਭਾਈ ਹਰਮਿੰਦਰ ਸਿੰਘ ਮਿੰਟੂ ਦੀ ਮੌਤ ਲਈ ਨਿਆਂਇਕ ਜਾਂਚ ਕਰਵਾਉਂਣ ਦੀ ਗੱਲ ਕੀਤੀ ਜਾ ਰਹੀ ਹੈ ਪਰ ਭਾਰਤ ਵਿਚ ਅਜਿਹੇ ਕਮਿਸ਼ਨਾਂ ਦੇ ਹਸ਼ਰ ਤੇ ਕਾਰਵਾਈ ਬਾਰੇ ਭੇਤ ਕਿਸੇ ਕੋਲੋਂ ਗੁੱਝਾ ਨਹੀਂ ਹੈ। ਸਭ ਨੂੰ ਪਤਾ ਹੈ ਕਿ ਭਾਈ ਹਰਮਿੰਦਰ ਸਿੰਘ ਮਿੰਟੂ ਨੂੰ ਸਾਜ਼ਿਸ਼ ਤਹਿ ਮੌਤ ਵੱਲ਼ ਧੱਕਿਆ ਗਿਆ ਹੈ। ਸਮੁੱਚੇ ਪੰਥ ਤੇ ਖਾਸ ਕਰ ਨੌਜਵਾਨਾਂ ਨੂੰ ਸਰਕਾਰ, ਪੁਲਿਸ ਤੇ ਏਜੰਸੀਆਂ ਵਲੋਂ ਜੁਝਾਰੂਆਂ ਨੂੰ ਖਤਮ ਕਰਨ ਲਈ ਅਪਣਾਈ ਜਾ ਰਹੀ ਨਵੀਂ ਨੀਤੀ ਨੂੰ ਸਮਝ ਕੇ ਅਗਲੇਰੇ ਰਾਹ ਅਪਣਾਉਂਣ ਦੀ ਲੋੜ ਹੈ। ਦੂਜੇ ਪਾਸੇ ਸਰਕਾਰਾਂ, ਪੁਲਿਸ ਤੇ ਏਜੰਸੀਆਂ ਨੂੰ ਸਮਝਣਾ ਚਾਹੀਦਾ ਹੈ ਕਿ ਕਾਨੂੰਨ ਤੇ ਅਦਾਲਤਾਂ ਤੋਂ ਬਾਹਰ ਜਾ ਕੇ ਕੀਤੀਆਂ ਜਾ ਰਹੀਆਂ ਕਿਰਿਆਵਾਂ ਦੀਆਂ ਪ੍ਰਤੀਕਿਰਿਆਵਾਂ ਵੀ ਸੁਭਾਵਕ ਹੋ ਸਕਦੀਆਂ ਹਨ ਕਿਉਂਕਿ ਅਖਾਣ ਹੈ ਕਿ ਜਦ ਤੱਕ ਇੰਨਸਾਫ ਨਹੀਂ ਮਿਲਦਾ ਤਾਂ ਸ਼ਾਂਤੀ ਕਾਇਮ ਨਹੀਂ ਹੋ ਸਕਦੀ।

-ਐਡਵੋਕੇਟ ਜਸਪਾਲ ਸਿੰਘ ਮੰਝਪੁਰ
ਜਿਲ੍ਹਾ ਕਚਹਿਰੀਆਂ, ਲੁਧਿਆਣਾ।
0091-98554-01843

ਸੰਵੇਦਨਸ਼ੀਲ ਪਹੁੰਚ ਦਾ ਹੱਕਦਾਰ ਹੈ ਕੈਨੇਡਾ ਦਾ ਸਿੱਖ ਭਾਈਚਾਰਾ

ਮਾਰਟਿਨ ਲੂਥਰ ਕਿੰਗ ਜੂਨੀਅਰ ਦੀ ਪਤਨੀ ਅਤੇ ਸਿਵਲ ਰਾਈਟਸ ਲੀਡਰ ਕੋਰੈਟਾ ਸਕਾਟ ਕਿੰਗ ਦਾ ਕਥਨ ਹੈ ਕਿ ਕਿਸੇ ਕਮਿਉਨਿਟੀ ਦੀ ਮਹਾਨਤਾ ਉਸਦੇ ਮੈਂਬਰਾਂ ਵੱਲੋਂ ਕੀਤੇ ਜਾਂਦੇ ਦਯਾ ਅਤੇ ਕਰੁਣਾ ਦੇ ਕਾਰਜਾਂ ਨੂੰ ਆਧਾਰ ਮੰਨ ਕੇ ਹੀ ਸਹੀ ਤਰੀਕੇ ਮਾਪੀ ਜਾ ਸਕਦੀ ਹੈ। ਜੇ ਕੈਨੇਡਾ ਵੱਸਦੇ ਸਿੱਖ ਭਾਈਚਾਰੇ ਦੇ ਸੰਦਰਭ ਵਿੱਚ ਗੱਲ ਕੀਤੀ ਜਾਵੇ ਤਾਂ ਕੋਰੈਟਾ ਸਕਾਟ ਕਿੰਗ ਦਾ ਕਥਨ ਪੂਰੇ ਦਾ ਪੂਰਾ ਲਾਗੂ ਹੁੰਦਾ ਹੈ। ਸਿੱਖ ਭਾਈਚਾਰੇ ਦੇ ਲੋਕ ਜਿੱਥੇ ਕਿਤੇ ਵੀ ਵੱਸਦੇ ਹਨ, ਉਹ ਆਪਣੀ ਦਯਾ ਅਤੇ ਕਰੁਣਾ ਲਈ ਜਾਣੇ ਹੀ ਨਹੀਂ ਜਾਂਦੇ ਸਗੋਂ ਚੰਗੀ ਤਰਾਂ ਪਹਿਚਾਣੇ ਜਾਂਦੇ ਹਨ।

ਇਸ ਬਹਾਦਰ ਕਮਿਉਨਿਟੀ ਆਪਣੀ ਵਿੱਲਖਣ ਦਿੱਖ ਕਾਰਣ ਨਸਲੀ ਵਿਤਕਰੇ ਦੀ ਮਾਰ ਦਾ ਬੋਝ ਕਾਮਾਗਾਟਾਮਾਰੂ ਦੇ ਦੁਖਾਂਤ ਤੋਂ ਲੈ ਕੇ ਹੁਣ ਝੱਲਦੀ ਆਈ ਹੈ। ਅੱਜ ਕੱਲ ਮੇਨ-ਸਟਰੀਮ ਮੀਡੀਆ ਵਿੱਚ ਚੱਲ ਰਿਹਾ ਨਾਂ-ਪੱਖੀ ਪ੍ਰਚਾਰ ਇਸਦੀ ਤਾਜ਼ੀ ਮਿਸਾਲ ਹੈ। ਸਿੱਖ ਭਾਈਚਾਰੇ ਨੂੰ ਸਿਹਰਾ ਜਾਂਦਾ ਹੈ ਕਿ ਇਸਨੇ ਹਰ ਕਿਸਮ ਦੀ ਸੱਟ ਨੂੰ ਹਲੀਮੀ ਅਤੇ ਹੌਸਲੇ ਨਾਲ ਬਰਦਾਸ਼ਤ ਹੀ ਨਹੀਂ ਕੀਤਾ ਸਗੋਂ ਹਰ ਵਾਰ ਹੋਰਾਂ ਲਈ ਮਿਸਾਲ ਬਣ ਕੇ ਉੱਭਰਿਆ ਹੈ। ਕੈਨੇਡਾ ਭਰ ਵਿੱਚ ਲੱਗਦੇ ਲੰਗਰ, ਖੂਨਦਾਨ ਕੈਂਪ, ਹਰ ਵਰਗ ਲਈ ਕੀਤੀਆਂ ਜਾਂਦੀਆਂ ਫੂਡ ਡਰਾਈਵਾਂ ਅਤੇ ਹੱਥੀਂ ਸੇਵਾ ਦੇ ਸੰਕਲਪ ਨੂੰ ਅਮਲੀ ਜਾਮਾ ਪਹਿਨਾਉਣਾ ਕਮਿਉਨਿਟੀ ਦੇ ਕਿਰਦਾਰ ਦਾ ਅਨਿੱਖੜਵਾਂ ਅੰਗ ਹੈ।

ਉਪਰੋਕਤ ਤੱਥ ਕੋਈ ਲੁਕੇ ਛਿਪੇ ਨਹੀਂ ਹਨ ਜਿਹਨਾਂ ਨੂੰ ਉਭਾਰਨ ਲਈ ਮੈਨੂੰ ਇਹ ਆਰਟੀਕਲ ਲਿਖਣ ਦੀ ਲੋੜ ਪੈਂਦੀ। ਲੋੜ ਬੀਤੇ ਦਿਨਾਂ ਵਿੱਚ ਨਾਂ-ਪੱਖੀ ਮੀਡੀਆ ਫੋਕਸ ਬਣੇ ਸਿੱਖ ਭਾਈਚਾਰੇ ਦੀ ਪੀੜਾ ਨੂੰ ਸਾਂਝਾ ਕਰਨ ਦੀ ਇੱਛਾ ਵਿੱਚੋਂ ਪੈਦਾ ਹੋਈ ਹੈ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਫੇਰੀ ਦੌਰਾਨ ਜਸਪਾਲ ਅਟਵਾਲ ਦੀ ਹਾਜ਼ਰੀ, ਏਅਰ ਇੰਡੀਆ ਬੰਬ ਕਾਂਡ ਦੇ ਦੋਸ਼ੀ ਤਲਵਿੰਦਰ ਸਿੰਘ ਪਰਮਾਰ ਦੇ ਪੋਸਟਰਾਂ ਆਦਿ ਨੂੰ ਲੈ ਕੇ ਜੋ ਖਬਰਾਂ ਆਈਆਂ, ਮੇਰਾ ਉਹਨਾਂ ਪਿੱਛੇ ਚੱਲਦੀ ਸਿਆਸਤ ਬਾਰੇ ਜ਼ਿਕਰ ਕਰਨ ਦਾ ਵੀ ਕੋਈ ਇਰਾਦਾ ਨਹੀਂ ਹੈ। ਮੇਰਾ ਦਰਦ ਸਿਰਫ਼ ਉਸ ਸਾਧਾਰਨ, ਸਾਊ, ਇਮਾਨਦਾਰ, ਮਿਹਨਤਕਸ਼ ਅਤੇ ਕੈਨੇਡਾ ਦੀ ਵਿਭਿੰਨਤਾ ਦੇ ਬਿੰਬ ਸਿੱਖ ਭਾਈਚਾਰੇ ਪ੍ਰਤੀ ਹੈ ਜੋ ਬਿਨਾ ਕਸੂਰ ਇਹਨਾਂ ਕਿਰਿਆਵਾਂ ਦੇ ਪ੍ਰਤੀਕਰਮ ਦਾ ਸ਼ਿਕਾਰ ਹੋ ਕੇ ਰਹਿ ਗਿਆ ਹੈ।

ਮੇਰਾ ਦਰਦ ਉਸ ਪਰਿਵਾਰ ਲਈ ਹੈ ਜਿਸਦਾ ਸਕੂਲ ਵਿੱਚ ਪੜਦਾ ਬੱਚਾ ਮਾਪਿਆਂ ਨੂੰ ਸੁਆਲ ਕਰਦਾ ਹੈ ਕਿ ਖ਼ਬਰਾਂ ਦੇ ਆਧਾਰ ਉੱਤੇ ਉਸਦੀ ਪਹਿਚਾਣ ਨੂੰ ਅਤਿਵਾਦ ਨਾਲ ਜੋੜ ਕੇ ਕਿਉਂ ਵੇਖਿਆ ਜਾ ਰਿਹਾ ਹੈ? ਮੇਰਾ ਦਰਦ ਉਸ ਸਿੱਖ ਸੇਵਾਦਾਰ ਪ੍ਰਤੀ ਹੈ ਜੋ ਡਾਊਨ ਟਾਊਨ ਟੋਰਾਂਟੋ, ਵੈਨਕੂਵਰ ਜਾਂ ਹੋਰ ਥਾਵਾਂ ਉੱਤੇ ਲੋੜਵੰਦਾਂ ਲਈ ਨਿਰਸੁਆਰਥ ਭੋਜਨ ਦੀ ਸੇਵਾ ਕਰਦਾ ਹੈ ਪਰ ਖੁਦ ਨੂੰ ਇੱਕ ਦੋਸ਼ੀ ਕਮਿਉਨਿਟੀ ਦਾ ਮੈਂਬਰ ਖਿਆਲ ਕਰਦਾ ਹੈ। ਅਜਿਹਾ ਹੀ ਸੰਤਾਪ ਫੈਕਟਰੀਆਂ, ਦਫ਼ਤਰਾਂ, ਬਿਜਨਸਾਂ ਵਿੱਚ ਕੰਮ ਕਰਦੇ ਲੱਖਾਂ ਸਿੱਖ ਭਾਈਚਾਰੇ ਦੇ ਲੋਕ ਭੋਗ ਰਹੇ ਹਨ? ਇਹ ਸਹੀ ਨਹੀਂ ਹੈ ਕਿਉਂਕਿ ਉਹ ਇਸਦੇ ਹੱਕਦਾਰ ਨਹੀਂ ਹਨ।

ਮੇਰੀ ਕਿਸੇ ਵੀ ਕਿਸਮ ਦੀ ਹਿੰਸਾ ਦੇ ਦੋਸ਼ੀ ਪ੍ਰਤੀ ਕੋਈ ਹਮਦਰਦੀ ਨਹੀਂ ਹੈ। ਹਿੰਸਾ ਦਾ ਕੈਨੇਡੀਅਨ ਸਮਾਜ ਵਿੱਚ ਕੋਈ ਸਥਾਨ ਨਹੀਂ ਹੈ। ਮੈਂਬਰ ਪਾਰਲੀਮੈਂਟ ਅਤੇ ਪਾਰਲੀਮਾਨੀ ਸਕੱਤਰ ਹੋਣ ਦੇ ਨਾਤੇ ਮੈਨੂੰ ਆਪਣੀ ਰਾਈਡਿੰਗ ਵਿੱਚ ਅਤੇ ਕੈਨੇਡਾ ਭਰ ਵਿੱਚ ਹਰ ਵਰਗ ਦੇ ਲੋਕਾਂ ਨੂੰ ਸਿਆਸੀ ਲਕੀਰਾਂ ਤੋਂ ਉੱਪਰ ਉੱਠ ਕੇ ਮਿਲਣ ਦਾ ਨਿੱਤ ਦਿਨ ਸੁਭਾਗ ਹਾਸਲ ਹੁੰਦਾ ਹੈ। ਮੈਂ ਡੂੰਘਾਈ ਨਾਲ ਮਹਿਸੂਸ ਕੀਤਾ ਹੈ ਕਿ ਹਰੇਕ ਕਮਿਉਨਿਟੀ ਦਾ ਇੱਕ ਵਿਸ਼ੇਸ਼ ਕਰੈਕਟਰ ਹੁੰਦਾ ਹੈ ਜੋ ਉਹਨਾਂ ਨੂੰ ਸੰਪੂਰਣ ਰੂਪ ਵਿੱਚ ਕੈਨੇਡੀਅਨ ਬਣਾਉਂਦਾ ਹੈ ਅਤੇ ਨਾਲ ਹੀ ਇੱਕ ਵਿੱਲਖਣ ਰੂਪ ਪ੍ਰਦਾਨ ਕਰਦਾ ਹੈ। ਇਹ ਗੱਲ ਸਿੱਖ ਭਾਈਚਾਰੇ ਉੱਤੇ ਉੱਨੀ ਹੀ ਸਹੀ ਢੁੱਕਦੀ ਹੈ ਜਿੰਨੀ ਕਿ ਹੋਰਾਂ ਕਮਿਉਨਿਟੀਆਂ ਉੱਤੇ। ਖੁਦ ਸਿੱਖ ਹੋਣ ਦੇ ਨਾਤੇ ਮੈਨੂੰ ਆਪਣੇ ਭਾਈਚਾਰੇ ਦੇ ਸੇਵਾ ਦੇ ਸੰਕਲਪ ਉੱਤੇ ਖਾਸ ਕਰਕੇ ਮਾਣ ਹੈ।

ਸਿੱਖ ਭਾਈਚਾਰੇ ਵਿੱਚ 1984 ਦੀ ਹਿੰਸਾ ਨੂੰ ਲੈ ਕੇ ਇੱਕ ਚੀਸ ਹੈ। ਜੇ ਕਿਸੇ ਵਿਅਕਤੀ, ਗਰੁੱਪ ਜਾਂ ਗੁੱਟ ਵੱਲੋਂ ਇਸ ਚੀਸ ਨੂੰ ਧਰਮ ਨਾਲ ਜੋੜ ਕੇ ਵੇਖਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਤਾਂ ਉਹ ਗਲਤ ਹੈ। ਇਸ ਚੀਸ ਨੂੰ ਅਤਿਵਾਦ ਨਾਲ ਜੋੜ ਕੇ ਵੇਖਣਾ ਹੋਰ ਵੀ ਗਲਤ ਹੈ। ਪੀੜਤ ਨੂੰ ਇਨਸਾਫ਼ ਦੁਆਉਣ ਲਈ ਆਵਾਜ਼ ਚੁੱਕਣਾ ਅਤਿਵਾਦ ਨਹੀਂ ਸਗੋਂ ਮਨੁੱਖੀ ਧਰਮ ਹੈ। ਜੇ ਅਜਿਹਾ ਨਾ ਹੁੰਦਾ ਤਾਂ 1984 ਦੀ ਹਿੰਸਾ ਵਾਸਤੇ ਇਨਸਾਫ਼ ਦੀ ਗੁਹਾਰ ਸਿਰਫ਼ ਅਤੇ ਸਿਰਫ਼ ਸਿੱਖ ਕਰ ਰਹੇ ਹੁੰਦੇ। ਪਰ ਸੱਚ ਇਹ ਹੈ ਕਿ 1984 ਦੀ ਹਿੰਸਾ  ਦੇ ਪੀੜਤਾਂ ਲਈ ਇਨਸਾਫ ਵਾਸਤੇ ਹਰ ਵਰਗ ਦੇ ਲੋਕਾਂ ਨੇ ਆਵਾਜ਼ ਚੁੱਕੀ ਹੈ, ਖਾਸ-ਕਰਕੇ ਕੈਨੇਡਾ ਅਤੇ ਭਾਰਤ ਦੇ ਹਿੰਦੂ ਭਾਈਚਾਰੇ ਨੇ। ਇਹ ਗੱਲ ਮੈਂ ਕੈਨੇਡਾ ਵਿੱਚ ਤਾਂ ਪਿਛਲੇ ਕਈ ਸਾਲਾਂ ਤੋਂ ਮਹਿਸੂਸ ਕਰਦੀ ਆ ਹੀ ਰਹੀ ਸੀ ਪਰ ਮੈਂ ਹਾਲ ਵਿੱਚ ਕੀਤੀ ਭਾਰਤ ਯਾਤਰਾ ਦੌਰਾਨ ਦਿੱਲੀ ਵਿੱਚ ਖਾਸ ਕਰਕੇ ਮਹਿਸੂਸ ਕੀਤੀ। ਇਹੀ ਮਨੁੱਖੀ ਧਰਮ ਹੈ।

ਜਦੋਂ ਪੰਜਾਬ ਵਿੱਚ ਅਤਿਵਾਦ ਬਾਰੇ ਗੱਲ ਚੱਲਦੀ ਹੈ ਤਾਂ ਕੌੜਾ ਸੱਚ ਇਹ ਹੈ ਕਿ ਇਸਦਾ ਸੱਭ ਤੋਂ ਵੱਧ ਸੰਤਾਪ ਪੰਜਾਬੀਆਂ ਨੇ ਹੰਢਾਇਆ। ਇਹ ਗੱਲਾਂ ਮੈਂ ਆਪਣੇ ਪਰਿਵਾਰ ਵਿੱਚ ਸੁਣਦੀ ਵੱਡੀ ਹੋਈ ਹਾਂ ਕਿ ਪੰਜਾਬ ਵਿੱਚ ਚੱਲੇ ਅਤਿਵਾਦ ਦੇ ਦੌਰ ਦੀ ਸੱਭ ਤੋਂ ਕੀਮਤ ਕਿਸੇ ਹੋਰ ਨੇ ਨਹੀਂ ਸਗੋਂ ਪੰਜਾਬੀਆਂ ਨੇ ਭਰੀ।

ਇੱਕ ਸਿੱਖ ਵਜੋਂ ਮੈਂ ਸਦਾ ਹੀ ਕੈਨੇਡੀਅਨ ਕਦਰਾਂ ਕੀਮਤਾਂ ਦੀ ਕਾਇਲ ਰਹੀ ਹਾਂ ਜਿਸ ਤਹਿਤ ਅਸੀਂ ਅਮਨ-ਪੂਰਵਕ ਜੀਵਨ ਜਿਉਣ ਨੂੰ ਤਰਜੀਹ ਦੇਂਦੇ ਹਾਂ। ਕੈਨੇਡਾ ਇੱਕ ਮਜ਼ਬੂਤ ਲੋਕਤੰਤਰ ਹੋਣ ਦੇ ਨਾਲ 2 ਵਿਸ਼ਵ ਅਮਨ ਦਾ ਵੱਡਾ ਮੁਦਈ ਹੈ। ਕੈਨੇਡਾ ਵੱਲੋਂ ਸਮੇਂ ਸਮੇਂ ਉੱਤੇ ਵਿਸ਼ਵ ਸ਼ਾਂਤੀ ਲਈ ਨਿਭਾਏ ਜਾਂਦੇ ਰੋਲ ਦੀ ਸਾਰਥਕਤਾ ਕਿਸੇ ਤੋਂ ਲੁਕੀ ਛਿਪੀ ਨਹੀਂ ਹੈ।

ਮੇਰਾ ਮੰਤਵ ਕਿਸੇ ਵਿਕਅਤੀ ਜਾਂ ਵਰਗ ਨੂੰ ਕੋਈ ਦਿਸ਼ਾ ਨਿਰਦੇਸ਼ ਜਾਂ ਮੱਤ ਦੇਣਾ ਨਹੀਂ ਸਗੋਂ ਕੈਨੇਡਾ ਵੱਸਦੇ ਅਮਨ-ਪਸੰਦ, ਮਿਹਨਤਕਸ਼ ਸਿੱਖ ਭਾਈਚਾਰੇ ਦੇ ਦਰਦ ਨਾਲ ਹਮਦਰਦੀ ਦਾ ਇਜ਼ਹਾਰ ਕਰਨਾ ਹੈ ਜਿਸਦਾ ਮੈਂ ਖੁਦ ਇੱਕ ਹਿੱਸਾ ਹਾਂ। ਮੈਂ ਆਪਣੀ ਗੱਲ ਨੂੰ ਐਂਡਰੀਆ ਗਿਬਸਨ ਦੇ ਇਸ ਕਥਨ ਨਾਲ ਬੰਦ ਕਰਾਂਗੀ, “ਤੁਹਾਡੇ ਅੰਦਰ ਇੱਕ ਠੰਡੀ ਜੰਗ ਉਸ ਵੇਲੇ ਵੀ ਚੱਲਦੀ ਹੋ ਸਕਦੀ ਹੈ, ਜਦੋਂ ਸਿਰ ਗਰਮੀ ਦੀ ਰੁੱਤ ਹੋਵੇ’

ਬੀਬੀ ਕਮਲ ਖੈਹਰਾ ਬਾਰੇ– ਬੀਬੀ ਕਮਲ ਖੈਹਰਾ ਬਰੈਂਪਟਨ ਵੈਸਟ ਤੋਂ ਮੈਂਬਰ ਪਾਰਲੀਮੈਂਟ ਅਤੇ ਸਿਹਤ ਮੰਤਰੀ ਦੀ ਪਾਰਲੀਮਾਨੀ ਸਕੱਤਰ ਹੈ। ਉਹ ਇੱਕ ਰਜਿਸਟਰਡ ਨਰਸ, ਕਮਿਊਨਿਟੀ ਵਾਲੰਟੀਅਰ ਅਤੇ ਸਿਆਸੀ ਕਾਰਜਕਰਤਾ ਹੈ। ਬੀਬੀ ਖੈਹਰਾ ਨੈਸ਼ਨਲ ਫਾਈਨਾਂਸ ਕਮੇਟੀ ਉੱਤੇ ਇੱਕ ਗੈਰ-ਵੋਟਿੰਗ ਮੈਂਬਰ ਵਜੋਂ ਰੋਲ ਅਦਾ ਕਰਦੀ ਹੈ।

ਸਮੁੱਚੇ ਪੰਥਕ ਸੰਗਠਨ ਪੰਥ ਦੇ ਵੱਡੇਰੇ ਹਿੱਤਾ ਨੂੰ ਮੁੱਖ ਰੱਖਦੇ ਹੋਏ 14 ਅਪ੍ਰੈਲ ਨੂੰ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਵਿਖੇ ਪਹੁੰਚਕੇ ਏਕਤਾ ਦਾ ਇਜ਼ਹਾਰ ਕਰਨ : ਮਾਨ

ਫ਼ਤਹਿਗੜ੍ਹ ਸਾਹਿਬ, 10 ਅਪ੍ਰੈਲ (ਡੇਲੀ ਬਿਊਰੋ) “ਸਿੰਘ ਸਾਹਿਬਾਨ ਭਾਈ ਧਿਆਨ ਸਿੰਘ ਮੰਡ ਐਕਟਿੰਗ ਜਥੇਦਾਰ ਸ੍ਰੀ ਅਕਾਲ ਤਖ਼ਤ ਸਾਹਿਬ, ਭਾਈ ਬਲਜੀਤ ਸਿੰਘ ਦਾਦੂਵਾਲ ਜਥੇਦਾਰ ਤਖ਼ਤ ਸ੍ਰੀ ਦਮਦਮਾ ਸਾਹਿਬ, ਭਾਈ ਅਮਰੀਕ ਸਿੰਘ ਅਜਨਾਲਾ ਜਥੇਦਾਰ ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ ਇਹ ਬਹੁਤ ਹੀ ਕੌਮ ਪੱਖੀ ਕੁਝ ਸਮਾਂ ਪਹਿਲਾਂ ਸ਼ਹੀਦ ਭਾਈ ਗੁਰਬਖ਼ਸ ਸਿੰਘ ਜੀ ਦੇ ਭੋਗ ਸਮਾਗਮ ਸਮੇਂ ਫੈਸਲਾ ਕੀਤਾ ਗਿਆ ਸੀ ਕਿ ਖ਼ਾਲਸਾ ਪੰਥ ਨੂੰ ਇਕ ਸੋਚ, ਇਕ ਪ੍ਰੋਗਰਾਮ ਅਧੀਨ ਇਕੱਠਾ ਕਰਨ ਸੰਬੰਧੀ ਇਸ ਵਾਰੀ ਵਿਸਾਖੀ ਦੇ ਮਹਾਨ ਦਿਹਾੜੇ ‘ਤੇ ਤਖ਼ਤ ਸ੍ਰੀ ਦਮਦਮਾ ਸਾਹਿਬ, ਤਲਵੰਡੀ ਸਾਬੋ ਵਿਖੇ ਸਮੁੱਚੇ ਪੰਥਕ ਗਰੁੱਪਾਂ, ਟਕਸਾਲਾਂ, ਫੈਡਰੇਸ਼ਨਾਂ, ਸਿਆਸੀ ਸੰਗਠਨਾਂ, ਕਥਾਂਵਾਚਕਾ, ਰਾਗੀਆ-ਢਾਡੀਆਂ ਆਦਿ ਸਭ ਦਾ ਸਮੂਹਿਕ ਤੌਰ ਤੇ ਸਾਂਝਾ ਇਕੱਠ ਹੋਵੇਗਾ । ਜਿਸ ਵਿਚ ਵਿਸਾਖੀ ਦੇ ਮਹਾਨ ਦਿਹਾੜੇ ਦੇ ਇਤਿਹਾਸ ਉਤੇ ਪਹਿਰਾ ਦਿੰਦੇ ਹੋਏ ਸਮੁੱਚੀ ਕੌਮ ਵੱਲੋਂ ਸਰਬਸੰਮਤੀ ਨਾਲ ਅਗਲਾ ਕੌਮੀ ਸਿਆਸੀ ਤੇ ਸਮਾਜਿਕ ਪ੍ਰੋਗਰਾਮ ਉਲੀਕਿਆ ਜਾਵੇਗਾ । ਉਸ ਫੈਸਲੇ ਨੂੰ ਮੁੱਖ ਰੱਖਦੇ ਹੋਏ ਸਭ ਸੰਗਠਨਾਂ ਅਤੇ ਆਗੂਆਂ ਨੇ ਸਿੰਘ ਸਾਹਿਬਾਨ ਨੂੰ ਇਸ ਗੱਲ ਦੀ ਪ੍ਰਵਾਨਗੀ ਦੇ ਦਿੱਤੀ ਸੀ ਕਿ ਵਿਸਾਖੀ ਦੇ ਮਹਾਨ ਦਿਹਾੜੇ ਤੇ ਵੱਖ-ਵੱਖ ਗਰੁੱਪਾਂ ਦੀਆਂ ਵੱਖ-ਵੱਖ ਕਾਨਫਰੰਸਾਂ ਕਰਨ ਦੀ ਬਜਾਇ ਇਕ ਸਾਂਝੀ ਕੌਮੀ ਕਾਨਫਰੰਸ ਉਪਰੋਕਤ ਜਥੇਦਾਰ ਸਾਹਿਬਾਨ ਜੀ ਦੀ ਅਗਵਾਈ ਵਿਚ ਕੀਤੀ ਜਾਵੇਗੀ । ਜਿਸ ਵਿਚ ਖ਼ਾਲਸਾ ਪੰਥ ਨੂੰ ਦਰਪੇਸ਼ ਆ ਰਹੇ ਗੰਭੀਰ ਮਸਲਿਆ ਦੇ ਹੱਲ ਲਈ ਅਤੇ ਕੌਮੀ ਮੰਜਿ਼ਲ ਦੀ ਪ੍ਰਾਪਤੀ ਲਈ ਸਰਬਸਾਂਝਾ ਪ੍ਰੋਗਰਾਮ ਉਲੀਕਿਆ ਜਾਵੇਗਾ।”
ਇਹ ਵਿਚਾਰ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸਮੁੱਚੀ ਸਿੱਖ ਕੌਮ, ਸਮੁੱਚੇ ਪੰਥਕ ਸੰਗਠਨਾਂ, ਟਕਸਾਲਾਂ, ਫੈਡਰੇਸ਼ਨਾਂ, ਸਿਆਸੀ ਸੰਗਠਨਾਂ, ਕਥਾਂਵਾਚਕਾ, ਰਾਗੀਆ-ਢਾਡੀਆਂ ਆਦਿ ਸਭ 14 ਅਪ੍ਰੈਲ ਨੂੰ ਵਿਸਾਖੀ ਦੇ ਮਹਾਨ ਦਿਹਾੜੇ ‘ਤੇ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਪਹੁੰਚਣ ਦੀ ਅਪੀਲ ਕਰਦੇ ਹੋਏ ਅਤੇ ਕੌਮ ਦੀ ਮੰਝਧਾਰ ਵਿਚ ਡਿੱਕ-ਡੋਲੇ ਖਾਦੀ ਬੇੜੀ ਨੂੰ ਕਿਨਾਰੇ ਤੇ ਲਗਾਉਣ ਅਤੇ ਪੰਥਕ ਮਿਸ਼ਨ ਦੀ ਪ੍ਰਾਪਤੀ ਕਰਨ ਦੀ ਅਪੀਲ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਜਦੋਂ ਸਿੱਖ ਕੌਮ ਦੇ ਮਹਾਨ ਤਖ਼ਤ ਸਾਹਿਬਾਨਾਂ ਦੇ ਸਰਬੱਤ ਖ਼ਾਲਸਾ ਵੱਲੋਂ ਚੁਣੇ ਗਏ ਜਥੇਦਾਰ ਸਾਹਿਬਾਨ ਨੇ ਸਾਨੂੰ ਅਤੇ ਸਮੁੱਚੀ ਕੌਮ ਨੂੰ ਇਸ ਮਹਾਨ ਦਿਹਾੜੇ ਤੇ ਪਹੁੰਚਣ ਦੀ ਜੋਰਦਾਰ ਅਪੀਲ ਕੀਤੀ ਹੈ ਤਾਂ ਸਾਡਾ ਸਭ ਦਾ ਇਖ਼ਲਾਕੀ ਤੇ ਕੌਮੀ ਫਰਜ ਬਣ ਜਾਂਦਾ ਹੈ ਕਿ ਅਸੀਂ ਤਖ਼ਤ ਸਾਹਿਬਾਨਾਂ ਦੇ ਜਥੇਦਾਰ ਸਾਹਿਬਾਨ ਜੀ ਦੇ ਹੁਕਮਾਂ ਨੂੰ ਪ੍ਰਵਾਨ ਕਰਦੇ ਹੋਏ ਆਪੋ-ਆਪਣੀ ਇਖ਼ਲਾਕੀ ਜਿ਼ੰਮੇਵਾਰੀ ਸਮਝਦੇ ਹੋਏ ਆਪੋ-ਆਪਣੇ ਇਲਾਕੇ, ਹਲਕਿਆ, ਜਿ਼ਲ੍ਹਿਆਂ ਅਤੇ ਸੂਬਿਆਂ ਵਿਚੋਂ ਖ਼ਾਲਸਾ ਪੰਥ ਦੇ ਹਮਦਰਦਾਂ ਨੂੰ ਆਪੋ-ਆਪਣੇ ਸਾਧਨਾਂ ਰਾਹੀ 14 ਅਪ੍ਰੈਲ ਨੂੰ ਦਮਦਮਾ ਸਾਹਿਬ ਵਿਖੇ ਪਹੁੰਚਾਉਣ ਦੀ ਜਿੰਮੇਵਾਰੀ ਨਿਭਾਕੇ ਖ਼ਾਲਸਾ ਪੰਥ ਦੀ ਏਕਤਾ ਦਾ ਜਿਥੇ ਸਬੂਤ ਦੇਈਏ, ਉਥੇ ਉਸ ਦਿਨ ਸਮੁੱਚੀ ਜਥੇਬੰਦੀਆਂ ਦੇ ਆਗੂਆਂ ਵੱਲੋਂ ਪ੍ਰਗਟਾਏ ਵਿਚਾਰਾਂ ਅਤੇ ਕੀਤੇ ਜਾਣ ਵਾਲੇ ਫੈਸਲਿਆ ਨੂੰ ਪ੍ਰਵਾਨ ਕਰਦੇ ਹੋਏ ਅਗਲੇ ਕੌਮੀ ਸੰਘਰਸ਼ ਦੀ ਜੋ ਰੂਪ-ਰੇਖਾ ਉਲੀਕੀ ਜਾਵੇ, ਉਸ ਉਤੇ ਪਹਿਰਾ ਦੇਣ ਦਾ ਪ੍ਰਣ ਕਰੀਏ । ਸ. ਮਾਨ ਨੇ ਉਮੀਦ ਪ੍ਰਗਟ ਕੀਤੀ ਕਿ ਸਭ ਪੰਥਕ ਗਰੁੱਪ ਹਰ ਤਰ੍ਹਾਂ ਦੇ ਛੋਟੇ-ਮੋਟੇ ਵਿਚਾਰਾਂ ਦੇ ਵੱਖਰੇਵਿਆ ਨੂੰ ਮੁੱਖ ਰੱਖਦੇ ਹੋਏ 14 ਅਪ੍ਰੈਲ ਨੂੰ ਵੱਡੀ ਗਿਣਤੀ ਵਿਚ ਸੰਗਤਾਂ ਨੂੰ ਨਾਲ ਲੈਕੇ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਵਿਖੇ ਪਹੁੰਚਣਗੇ ਅਤੇ ਸਿੰਘ ਸਾਹਿਬਾਨ ਨੂੰ ਹਰ ਤਰ੍ਹਾਂ ਸਹਿਯੋਗ ਕਰਨਗੇ । ਸ. ਮਾਨ ਨੇ ਉਚੇਚੇ ਤੌਰ ਤੇ ਕੌਮ ਵਿਚ ਵਿਚਰ ਰਹੇ ਸਤਿਕਾਰਯੋਗ ਸੰਤ-ਮਹਾਪੁਰਖਾਂ, ਡੇਰਿਆਂ ਦੇ ਮੁੱਖੀਆਂ ਅਤੇ ਵੱਖ-ਵੱਖ ਸੰਪਰਦਾਵਾਂ ਦੇ ਮੁੱਖ ਸੇਵਾਦਾਰਾਂ ਨੂੰ ਇਸ ਮੌਕੇ ਪਹੁੰਚਣ ਦੀ ਜੋਰਦਾਰ ਅਪੀਲ ਵੀ ਕੀਤੀ ।

ਕੈਨੇਡਾ ਦੇ ਅਲਬਰਟਾ ਸੂਬੇ ਦੀ ਸਰਕਾਰ ਵੱਲੋਂ ਸਿੱਖਾਂ ਨੂੰ ਦਸਤਾਰ ਪਹਿਨਣ ਦੀ ਇਜ਼ਾਜਤ ਦੇਣਾ ਸਵਾਗਤਯੋਗ : ਟਿਵਾਣਾ

ਫ਼ਤਹਿਗੜ੍ਹ ਸਾਹਿਬ, 31 ਮਾਰਚ (ਡੇਲੀ ਬਿਊਰੋ ) “ਕੈਨੇਡਾ ਦੇ ਅਲਬਰਟਾ ਸੂਬੇ ਦੀ ਸਰਕਾਰ ਨੇ ਸਿੱਖ ਕੌਮ ਦੀਆਂ ਮਨੋਭਾਵਨਾਵਾਂ ਨੂੰ ਸਮਝਦੇ ਹੋਏ ਅਤੇ ਸਿੱਖ ਧਰਮ ਦਾ ਸਤਿਕਾਰ ਕਰਦੇ ਹੋਏ ਜੋ ਵਹੀਕਲਜ਼ ਚਲਾਉਦੇ ਸਮੇਂ ਹੈਲਮਟ ਪਹਿਨ ਦੇ ਹੁਕਮ ਕੀਤੇ ਹੋਏ ਸਨ, ਉਸ ਤੋਂ ਸਿੱਖਾਂ ਨੂੰ ਛੋਟ ਦਿੰਦੇ ਹੋਏ ਉਨ੍ਹਾਂ ਨੂੰ ਦਸਤਾਰ ਪਹਿਨਣ ਦੀ ਜੋ ਇਜ਼ਾਜਤ ਦੇ ਦਿੱਤੀ ਗਈ ਹੈ, ਇਹ ਸਿੱਖ ਧਰਮ ਨੂੰ ਕੌਮਾਂਤਰੀ ਪੱਧਰ ਤੇ ਮਾਨਤਾ ਦੇਣ ਦੇ ਨਾਲ-ਨਾਲ ਸਿੱਖਾਂ ਵੱਲੋਂ ਵੱਡੇ ਮੁਲਕਾਂ ਵਿਚ ਦਸਤਾਰ ਪਹਿਨਣ ਦੀ ਇਜ਼ਾਜਤ ਦੀ ਚਲਾਈ ਜਾ ਰਹੀ ਲਹਿਰ ਨੂੰ ਹੋਰ ਬਲ ਮਿਲਿਆ ਹੈ ਅਤੇ ਸਿੱਖ ਕੌਮ ਆਪਣੀਆ ਮਨੁੱਖੀ ਸੇਵਾਵਾਂ ਅਤੇ ਸਰਬੱਤ ਦੇ ਭਲੇ ਦੀ ਸੋਚ ਦੀ ਬਦੌਲਤ ਉਭਰਕੇ ਸਾਹਮਣੇ ਆ ਰਹੀ ਹੈ । ਅਲਬਰਟਾ ਸੂਬੇ ਦੀ ਸਰਕਾਰ ਦੇ ਇਸ ਕੀਤੇ ਗਏ ਫੈਸਲੇ ਦਾ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਅਤੇ ਸਮੁੱਚੀ ਸਿੱਖ ਕੌਮ ਜਿਥੇ ਪੁਰਜੋਰ ਸਵਾਗਤ ਕਰਦੀ ਹੈ, ਉਥੇ ਬੀਤੇ ਸਮੇਂ ਵਿਚ ਬ੍ਰਿਟਿਸ ਕੋਲੰਬੀਆ ਅਤੇ ਮਾਨੀਟੋਬਾ ਸੂਬੇ ਦੀਆਂ ਸਰਕਾਰਾਂ ਵੱਲੋਂ ਇਹ ਛੋਟ ਦੇਣ ਦੇ ਫੈਸਲੇ ਪਹਿਲੇ ਹੋ ਚੁੱਕੇ ਹਨ । ਇਥੇ ਇਹ ਵਰਣਨ ਕਰਨਾ ਜ਼ਰੂਰੀ ਹੈ ਕਿ ਓਟਾਰੀਓ ਸੂਬੇ ਦੀ ਅਸੈਬਲੀ ਨੇ 1984 ਵਿਚ ਸਿੱਖ ਕੌਮ ਦੇ ਹੋਏ ਕਤਲੇਆਮ ਅਤੇ ਨਸ਼ਲਕੁਸੀ ਦਾ ਮਤਾ ਪਾਸ ਕਰਕੇ ਹਿੰਦੂਤਵ ਹੁਕਮਰਾਨਾਂ ਦੇ ਸਿੱਖ ਕੌਮ ਉਤੇ ਕੀਤੇ ਗਏ ਜ਼ਬਰ-ਜੁਲਮ ਨੂੰ ਕੌਮਾਂਤਰੀ ਪੱਧਰ ਤੇ ਪ੍ਰਵਾਨ ਕਰਨ ਦਾ ਵੀ ਉਦਮ ਕੀਤਾ ਸੀ । ਇਥੇ ਹੀ ਬਸ ਨਹੀਂ ਕੈਨੇਡਾ ਦੇ ਵਜ਼ੀਰ-ਏ-ਆਜਮ ਸ੍ਰੀ ਜਸਟਿਨ ਟਰੂਡੋ ਨੇ ਆਪਣੀ ਕੈਬਨਿਟ ਵਿਚ ਚਾਰ ਸਿੱਖਾਂ ਨੂੰ ਬਤੌਰ ਵਜ਼ੀਰ ਬਣਾਕੇ ਸਿੱਖ ਕੌਮ ਦਾ ਕੌਮਾਂਤਰੀ ਪੱਧਰ ਤੇ ਸਨਮਾਨ ਵੀ ਕੀਤਾ ਹੈ ਅਤੇ ਸਿੱਖ ਕੌਮ ਨੂੰ ਮਾਨਤਾ ਦਿੱਤੀ ਹੈ । ਇਸ ਲਈ ਅਸੀਂ ਸਮੁੱਚੀ ਕੈਨੇਡਾ ਦੀ ਹਕੂਮਤ ਅਤੇ ਉਸਦੇ ਸੂਬਿਆਂ ਦੀਆਂ ਸਰਕਾਰਾਂ ਦਾ ਜਿਥੇ ਤਹਿ ਦਿਲੋਂ ਧੰਨਵਾਦ ਕਰਦੇ ਹਾਂ, ਉਥੇ ਇਹ ਉਮੀਦ ਕਰਦੇ ਹਾਂ ਕਿ ਕੈਨੇਡਾ ਦੀ ਹਕੂਮਤ ਉਤੇ ਕਿਸੇ ਵੀ ਪਾਰਟੀ ਦੀ ਹਕੂਮਤ ਹੋਵੇ, ਉਹ ਸਿੱਖ ਕੌਮ ਨਾਲ ਇਸੇ ਤਰ੍ਹਾਂ ਆਪਣੇ ਸੰਬੰਧਾਂ ਨੂੰ ਸਹਿਜ ਤੇ ਮਿਲਵਰਤਨ ਭਰਿਆ ਰੱਖਣਗੇ ਅਤੇ ਸਿੱਖ ਕੌਮ ਉਥੋਂ ਦੇ ਨਿਯਮਾਂ, ਕਾਨੂੰਨਾਂ ਦੀ ਪਾਲਣਾ ਕਰਦੀ ਹੋਈ ਕੈਨੇਡਾ ਦੀ ਤਰੱਕੀ ਵਿਚ ਇਸੇ ਤਰ੍ਹਾਂ ਯੋਗਦਾਨ ਪਾਉਦੀ ਰਹੇਗੀ ।”
ਇਹ ਵਿਚਾਰ ਸ਼ ਇਕਬਾਲ ਸਿੰਘ ਟਿਵਾਣਾ, ਮੁੱਖ ਬੁਲਾਰਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਅਲਬਰਟਾ ਸੂਬੇ ਦੀ ਸਰਕਾਰ ਅਤੇ ਕੈਨੇਡਾ ਦੀ ਮੌਜੂਦਾ ਜਸਟਿਨ ਟਰੂਡੋ ਸਰਕਾਰ ਦੀ ਸਿੱਖ ਕੌਮ ਦੇ ਬਿਨ੍ਹਾਂ ਤੇ ਧੰਨਵਾਦ ਕਰਦੇ ਹੋਏ ਅਤੇ ਅਲਬਰਟਾ ਸੂਬੇ ਵੱਲੋਂ ਸਿੱਖਾਂ ਨੂੰ ਦਸਤਾਰ ਪਹਿਨਣ ਦੀ ਇਜ਼ਾਜਤ ਦੇਣ ਦੇ ਫੈਸਲੇ ਦਾ ਭਰਪੂਰ ਸਵਾਗਤ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਆਪਣੇ ਇਕ ਹੋਰ ਸੰਜ਼ੀਦਾ ਉਸ ਮੁੱਦੇ ਨੂੰ ਜਿਸ ਵਿਚ ਸਿੱਖ ਟੀæਵੀæ ਚੈਨਲ ਦੀ ਐਕਰ ਬੀਬੀ ਹਰਸ਼ਰਨ ਕੌਰ ਨੂੰ ਬ੍ਰਿਟਿਸ ਏਅਰਵੇਜ਼ ਵਿਚ ਸਫ਼ਰ ਕਰਦੇ ਹੋਏ ਜੋ ਦੁਰਵਿਹਾਰ ਕੀਤਾ ਗਿਆ ਸੀ, ਉਸ ਨੂੰ ਮੁੱਖ ਰੱਖਦੇ ਹੋਏ ਬ੍ਰਿਟਿਸ ਏਅਰਵੇਜ਼ ਵੱਲੋਂ ਬੀਬੀ ਹਰਸ਼ਰਨ ਕੌਰ ਤੋਂ ਮੁਆਫ਼ੀ ਮੰਗਣ ਦੇ ਨਾਲ-ਨਾਲ ਦੁਰਵਿਹਾਰ ਕਰਨ ਵਾਲੇ ਸਟਾਫ਼ ਨੂੰ ਸਸਪੈਡ ਕਰ ਦਿੱਤਾ ਸੀ, ਉਸ ਉਤੇ ਪ੍ਰਤੀਕਰਮ ਜ਼ਾਹਰ ਕਰਦੇ ਹੋਏ ਸ਼ ਟਿਵਾਣਾ ਨੇ ਕਿਹਾ ਕਿ ਸ੍ਰੀ ਸਾਹਿਬ (ਕਿਰਪਾਨ) ਅਤੇ ਦਸਤਾਰ ਸਿੱਖ ਕੌਮ ਦੀ ਇੱਜਤ-ਮਾਣ ਦੇ ਚਿੰਨ੍ਹ ਹੋਣ ਦੇ ਨਾਲ-ਨਾਲ ਸਿੱਖੀ ਅਸੂਲਾਂ ਨਾਲ ਵੀ ਸੰਬੰਧਤ ਹਨ । ਕਿਸੇ ਵੀ ਮੁਲਕ ਦੀ ਸਰਕਾਰ ਜਾਂ ਵੱਖ-ਵੱਖ ਮੁਲਕਾਂ ਵਿਚ ਚੱਲਣ ਵਾਲੀਆ ਏਅਰਵੇਜ਼ ਵਿਚ ਜਦੋਂ ਵੀ ਕੋਈ ਸਿੱਖ ਮਰਦ-ਇਸਤਰੀ ਸਫ਼ਰ ਕਰਦਾ ਹੈ ਤਾਂ ਉਨ੍ਹਾਂ ਦੇ ਸਿੱਖ ਧਰਮ ਦੇ ਸਤਿਕਾਰ-ਮਾਣ ਨੂੰ ਕਾਇਮ ਰੱਖਦਿਆ ਹੋਇਆ ਸਭ ਮੁਲਕਾਂ ਦੀਆਂ ਏਅਰਵੇਜ਼ ਦੇ ਪ੍ਰਬੰਧਕਾਂ ਨੂੰ ਚਾਹੀਦਾ ਹੈ ਕਿ ਇਨ੍ਹਾਂ ਏਅਰਵੇਜ਼ਾਂ ਵਿਚ ਸਫ਼ਰ ਕਰਨ ਵਾਲੇ ਸਿੱਖਾਂ ਦੇ ਧਰਮੀ ਅਸੂਲਾਂ ਅਤੇ ਮਨਾਂ-ਆਤਮਾਵਾਂ ਨੂੰ ਕਿਸੇ ਤਰ੍ਹਾਂ ਦੀ ਕੋਈ ਠੇਸ ਨਾ ਪਹੁੰਚੇ, ਉਹ ਆਪਣੇ ਸਟਾਫ਼ ਨੂੰ ਅਜਿਹੀਆ ਹਦਾਇਤਾ ਦੇਣ ਜਿਸ ਨਾਲ ਸਿੱਖਾਂ ਨੂੰ ਉਨ੍ਹਾਂ ਦੇ ਪ੍ਰੋਟੋਕੋਲ ਅਨੁਸਾਰ ਖਾਣਾ ਪ੍ਰਾਪਤ ਹੋ ਸਕੇ ਅਤੇ ਉਨ੍ਹਾਂ ਵੱਲੋਂ ਪਹਿਨੇ ਆਪਣੇ ਸਿੱਖੀ ਚਿੰਨ੍ਹਾਂ ਦਾ ਸਤਿਕਾਰ-ਮਾਣ ਕਾਇਮ ਰਹੇ । ਉਨ੍ਹਾਂ ਇਹ ਵੀ ਕਿਹਾ ਕਿ ਇਹ ਸਿੱਖ ਧਰਮ ਦੀ ਵਿਸ਼ਾਲਤਾ ਹੀ ਹੈ, ਕਿ ਬੀਬੀ ਹਰਸ਼ਰਨ ਕੌਰ ਨੇ ਬ੍ਰਿਟਿਸ ਏਅਰਵੇਜ਼ ਨੂੰ ਸੁਬੋਧਿਤ ਹੁੰਦੇ ਹੋਏ ਕਿਹਾ ਕਿ ਉਸ ਵੱਲੋਂ ਸ਼ਿਕਾਇਤ ਕਰਨ ਦਾ ਮਤਲਬ ਕੇਵਲ ਏਅਰ ਹੋਸਟਸ ਮੋਨਿਕਾ ਕੇਵਲ ਆਪਣੀ ਗਲਤੀ ਲਈ ਹੀ ਮੁਆਫ਼ੀ ਮੰਗੇ ਅਤੇ ਅੱਗੋ ਲਈ ਅਜਿਹਾ ਪ੍ਰਬੰਧ ਹੋਵੇ ਕਿ ਕਿਸੇ ਵੀ ਸਿੱਖ ਨਾਲ ਅਜਿਹਾ ਵਿਵਹਾਰ ਨਾ ਹੋਵੇ । ਉਹ ਬਿਲਕੁਲ ਨਹੀਂ ਚਾਹੁੰਦੀ ਸੀ ਕਿ ਬਾਕੀ ਸਟਾਫ਼ ਸਸਪੈਡ ਕਰ ਦਿੱਤਾ ਜਾਵੇ । ਸਿੱਖ ਕੌਮ ਦੀ ਵਿਸ਼ਾਲਤਾ, ਨਿਰਵੈਰਤਾ ਅਤੇ ਨਿਰਭਓਤਾ ਦਾ ਇਨ੍ਹਾਂ ਮੁਲਕਾਂ ਦੀਆਂ ਸਰਕਾਰਾਂ ਅਤੇ ਏਅਰਵੇਜ਼ਾਂ ਨੂੰ ਉਚੇਚੇ ਤੌਰ ਤੇ ਸਤਿਕਾਰ-ਮਾਣ ਕਰਨਾ ਬਣਦਾ ਹੈ । ਉਨ੍ਹਾਂ ਉਮੀਦ ਪ੍ਰਗਟ ਕੀਤੀ ਕਿ ਆਉਣ ਵਾਲੇ ਸਮੇਂ ਵਿਚ ਜਿਥੇ ਕਿਤੇ ਵੀ ਸਰਕਾਰਾਂ ਵੱਲੋਂ ਸਿੱਖ ਕੌਮ ਦੀ ਦਸਤਾਰ ਉਤੇ ਪਾਬੰਦੀ ਲਗਾਈ ਗਈ ਹੈ, ਉਹ ਸਿੱਖ ਕੌਮ ਦੀ ਵਿਸ਼ਾਲ ਸੋਚ ਨੂੰ ਮੁੱਖ ਰੱਖਦੇ ਹੋਏ ਅਤੇ ਧਰਮੀ ਚਿੰਨ੍ਹਾਂ ਨੂੰ ਮੁੱਖ ਰੱਖਦੇ ਹੋਏ ਇਹ ਪਾਬੰਦੀਆਂ ਖ਼ਤਮ ਕਰ ਦੇਣਗੇ ਅਤੇ ਸਭ ਮੁਲਕਾਂ ਦੀਆਂ ਏਅਰਵੇਜ਼ ਸਿੱਖਾਂ ਦੇ ਮਾਣ-ਸਤਿਕਾਰ ਦਾ ਉਚੇਚੇ ਤੌਰ ਤੇ ਧਿਆਨ ਰੱਖਣਗੇ ।

ਪ੍ਰਦੀਪ ਰਾਠੋਰ ਨੂੰ ‘ਘੋੜੇ ਦੀ ਸਵਾਰੀ’ ਕਰਨ ਉਤੇ ਉੱਚ ਜਾਤੀਆਂ ਵੱਲੋਂ ਘੋੜੇ ਅਤੇ ਉਸ ਨੂੰ ਮਾਰ ਦੇਣ ਦੀ ਗੁਜਰਾਤ ਵਿਚ ਹੋਈ ਕਾਰਵਾਈ ਅਣਮਨੁੱਖੀ ਅਤੇ ਅਤਿ ਸ਼ਰਮਨਾਕ : ਮਾਨ

ਫ਼ਤਹਿਗੜ੍ਹ ਸਾਹਿਬ, 31 ਮਾਰਚ (ਡੇਲੀ ਬਿਊਰੋ) “ਗੁਜਰਾਤ ਦੇ ਭਵਨਗਰ ਜ਼ਿਲ੍ਹੇ ਵਿਚ ਇਕ ਪ੍ਰਦੀਪ ਰਾਠੋਰ ਨਾਮ ਦੇ ਦਲਿਤ ਜੋ ਆਪਣੇ ਹੀ ਘੋੜੇ ਉਤੇ ਸਵਾਰੀ ਕਰ ਰਿਹਾ ਸੀ, ਉਸਨੂੰ ਬਹੁਗਿਣਤੀ ਮੁਤੱਸਵੀ ਫਿਰਕੂਆਂ ਵੱਲੋਂ ਮਾਰ ਦੇਣ ਦੀ ਕਾਰਵਾਈ ਜਿਥੇ ਗੈਰ-ਇਨਸਾਨੀਅਤ ਹੈ, ਉਥੇ ਇਹ ਅਤਿ ਸ਼ਰਮਨਾਕ ਅਰਾਜਕਤਾ ਫੈਲਾਉਣ ਵਾਲੇ ਦੁੱਖਦਾਇਕ ਅਮਲ ਵੀ ਹਨ । ਇਹ ਕਾਰਵਾਈ ਹਿੰਦੂਤਵ ਸੋਚ ਵਾਲਿਆਂ ਦੇ ਜ਼ਾਲਮਨਾਂ ਅਣਮਨੁੱਖੀ ਇਰਾਦਿਆ ਨੂੰ ਵੀ ਪ੍ਰਤੱਖ ਕਰਦੀ ਹੈ । ਜਿਸਦੀ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਪੁਰਜੋਰ ਸ਼ਬਦਾਂ ਵਿਚ ਨਿਖੇਧੀ ਕਰਦੇ ਹੋਏ ਗੁਜਰਾਤ ਦੀ ਸਰਕਾਰ ਤੋਂ ਮੰਗ ਕਰਦਾ ਹੈ ਕਿ ਜਿਸ ਜ਼ਾਲਮਨਾਂ ਅਤੇ ਦਿਲ ਕੰਬਾਊ ਕਾਰਵਾਈ ਕਰਨ ਵਾਲੇ ਕੱਟੜਵਾਦੀਆਂ ਨੂੰ ਤੁਰੰਤ ਗ੍ਰਿਫ਼ਤਾਰ ਕਰਕੇ ਕਾਨੂੰਨ ਅਨੁਸਾਰ ਸਖ਼ਤ ਤੋ ਸਖ਼ਤ ਸਜ਼ਾ ਦਿੱਤੀ ਜਾਵੇ । ਇਥੇ ਵੱਸਣ ਵਾਲੇ ਦਲਿਤਾਂ ਅਤੇ ਘੱਟ ਗਿਣਤੀ ਨਿਵਾਸੀਆਂ ਦੇ ਜਾਨ-ਮਾਲ ਦੀ ਹਿਫਾਜਤ ਕਰਨ ਦੀ ਜੋ ਭਾਰਤੀ ਸੰਵਿਧਾਨ ਗਾਰੰਟੀ ਦਿੰਦਾ ਹੈ, ਉਸਨੂੰ ਅਮਲੀ ਰੂਪ ਵਿਚ ਲਾਗੂ ਕੀਤਾ ਜਾਵੇ । ਤਾਂ ਕਿ ਕੋਈ ਵੀ ਦਲਿਤ ਜਾਂ ਘੱਟ ਗਿਣਤੀ ਇਨਸਾਨ ਅਸੁਰੱਖਿਆ ਮਹਿਸੂਸ ਨਾ ਕਰ ਸਕੇ ਅਤੇ ਉਸਨੂੰ ਆਪਣੇ ਬਰਾਬਰਤਾ ਦੇ ਹੱਕ ਅਨੁਸਾਰ ਬਿਨ੍ਹਾਂ ਕਿਸੇ ਡਰ-ਭੈ ਦੇ ਜਿੰਦਗੀ ਜਿਊਣ ਦਾ ਹੱਕ ਹੋਵੇ ।”

ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਗੁਜਰਾਤ ਦੇ ਭਵਨਗਰ ਜ਼ਿਲ੍ਹੇ ਵਿਚ ਇਕ ਦਲਿਤ ਅਤੇ ਉਸਦੇ ਘੋੜੇ ਨੂੰ ਬਹੁਤ ਹੀ ਬੇਰਹਿੰਮੀ ਨਾਲ ਫਿਰਕੂਆਂ ਵੱਲੋਂ ਮਾਰ ਦੇਣ ਦੀ ਅਤਿ ਦੁੱਖਦਾਇਕ ਘਟਨਾ ਨੂੰ ਸ਼ਰਮਨਾਕ ਕਰਾਰ ਦਿੰਦੇ ਹੋਏ ਅਤੇ ਇਥੋਂ ਦੇ ਹੁਕਮਰਾਨਾਂ ਦੇ ਪ੍ਰਬੰਧ ਨੂੰ ਖੋਖਲਾ ਕਰਾਰ ਦਿੰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਸ੍ਰੀ ਪ੍ਰਦੀਪ ਰਾਠੋਰ ਦੇ ਪਿਤਾ ਕਾਲੂ ਭਾਈ ਰਾਠੋਰ ਨੇ ਜੋ ਦੱਸਿਆ ਹੈ ਕਿ ਉੱਚ ਜਾਤਾਂ ਵਾਲੇ ਉਸਦੇ ਲੜਕੇ ਨੂੰ ਘੋੜੇ ਦੀ ਸਵਾਰੀ ਕਰਨ ਤੋਂ ਜਦੋਂ ਧਮਕੀਆਂ ਦਿੰਦੇ ਆ ਰਹੇ ਸਨ ਤਾਂ ਪ੍ਰਸ਼ਾਸ਼ਨ ਤੇ ਨਿਜਾਮ ਨੇ ਅਜਿਹਾ ਕਰਨ ਵਾਲਿਆ ਵਿਰੁੱਧ ਉਸੇ ਸਮੇਂ ਕਾਨੂੰਨੀ ਕਾਰਵਾਈ ਕਿਉਂ ਨਾ ਕੀਤੀ ? ਉਨ੍ਹਾਂ ਕਿਹਾ ਕਿ ਇਸ ਗੱਲ ਤੋਂ ਇਹ ਵੀ ਸਪੱਸਟ ਹੋ ਜਾਂਦਾ ਹੈ ਕਿ ਹਿੰਦੂਤਵ ਹੁਕਮਰਾਨ ਕਾਨੂੰਨ ਨੂੰ ਆਪਣੀ ਮਰਜੀ ਨਾਲ ਵਰਤਨ ਅਤੇ ਉਸਦੀ ਦੁਰਵਰਤੋਂ ਕਰਨ ਦਾ ਰੁਝਾਨ ਜੋ ਵੱਧਦਾ ਜਾ ਰਿਹਾ ਹੈ, ਇਹ ਇਥੋਂ ਦੇ ਅਮਨ-ਚੈਨ ਅਤੇ ਜਮਹੂਰੀਅਤ ਕਦਰਾ-ਕੀਮਤਾ ਲਈ ਖ਼ਤਰੇ ਦੀ ਘੰਟੀ ਹੈ । ਇਸ ਲਈ ਅਜਿਹੀਆ ਕਾਰਵਾਈਆ ਦਾ ਅੰਤ ਕਰਨ ਹਿੱਤ ਸਾਨੂੰ ਸਭ ਘੱਟ ਗਿਣਤੀ ਕੌਮਾਂ, ਦਲਿਤਾਂ, ਰੰਘਰੇਟਿਆਂ, ਪੱਛੜੇ ਵਰਗਾਂ, ਮਜ਼ਲੂਮਾਂ, ਗਰੀਬਾਂ ਨੂੰ ਇਕ ਪਲੇਟਫਾਰਮ ਤੇ ਇਕੱਤਰ ਹੋਣਾ ਅੱਜ ਸਮੇਂ ਦੀ ਮੁੱਖ ਲੋੜ ਬਣ ਚੁੱਕਾ ਹੈ । ਜੋ ਭਾਰਤੀ ਮੁਕਤੀ ਮੋਰਚਾ ਦੇ ਮੁੱਖੀ ਸ੍ਰੀ ਵਾਮਨ ਮੇਸਰਾਮ, ਲਿੰਗਾਇਤ ਧਰਮ ਦੇ ਮੁੱਖੀ ਸ੍ਰੀ ਕਨੇਸਵਰ ਸੁਆਮੀ ਅੱਪਾ ਅਤੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਵੱਲੋਂ ਸਾਂਝੇ ਤੌਰ ਤੇ ਜੋ ਸਮੁੱਚੇ ਇੰਡੀਆਂ ਵਿਚ ਉਪਰੋਕਤ ਸਭ ਵਰਗਾਂ ਦੇ ਹੱਕ-ਹਕੂਕਾ ਦੀ ਰੱਖਿਆ ਲਈ ਅਤੇ ਉਨ੍ਹਾਂ ਦੀ ਜਾਨ-ਮਾਲ ਦੀ ਸੁਰੱਖਿਆ ਲਈ ਜਮਹੂਰੀਅਤ ਤਰੀਕੇ ਲਹਿਰ ਸੁਰੂ ਕੀਤੀ ਗਈ ਹੈ, ਉਸ ਵਿਚ ਉਪਰੋਕਤ ਸਭ ਵਰਗਾਂ ਨਾਲ ਸੰਬੰਧਤ ਇਨਸਾਨਾਂ ਨੂੰ ਆਪਣਾ ਯੋਗਦਾਨ ਪਾਉਣ ਦੇ ਨਾਲ-ਨਾਲ ਹਰ ਪੱਖੋ ਸਹਿਯੋਗ ਕਰਨਾ ਵੀ ਬਣਦਾ ਹੈ । ਤਾਂ ਕਿ ਫਿਰਕੂਆਂ ਅਤੇ ਹਿੰਦੂਤਵ ਹੁਕਮਰਾਨਾਂ ਦੇ ਜ਼ਬਰ-ਜੁਲਮਾਂ ਦਾ ਅੰਤ ਕਰਨ ਦੇ ਨਾਲ-ਨਾਲ ਅਸੀਂ ਇਥੇ ਸਰਬਸਾਂਝਾ ਇਨਸਾਫ਼ ਪਸੰਦ ਸਾਫ਼-ਸੁਥਰਾ ਰਿਸ਼ਵਤ ਤੋ ਰਹਿਤ ਰਾਜ ਪ੍ਰਬੰਧ ਕਾਇਮ ਕਰ ਸਕੀਏ ਅਤੇ ਉਪਰੋਕਤ ਵਰਗਾਂ ਨਾਲ ਹੋ ਰਹੀਆ ਬੇਇਨਸਾਫ਼ੀਆਂ ਨੂੰ ਸਦਾ ਲਈ ਖ਼ਤਮ ਕਰਕੇ ਬੇਗਮਪੁਰਾ ਦੀ ਵੱਡਮੁੱਲੀ ਸੋਚ ਉਤੇ ਅਧਾਰਿਤ ਨਿਜਾਮ ਕਾਇਮ ਕਰਨ ਵਿਚ ਕਾਮਯਾਬ ਹੋ ਸਕੀਏ ।