ਬੀਬੀ ਕਲਸੂਮ ਨਵਾਜ ਨੂੰ ਅੱਲ੍ਹਾ-ਤਾਲਾ, ਵਾਹਿਗੁਰੂ ਜਲਦੀ ਤੰਦਰੁਸਤੀ ਬਖ਼ਸਣ, ਤਾਂ ਕਿ ਇਸ ਸਰੀਫ਼ ਪਰਿਵਾਰ ਸਿੱਖ ਤੇ ਮੁਸਲਮਾਨਾਂ ਦੇ ਪੁਰਾਤਨ ਸੰਬੰਧਾਂ ਨੂੰ ਹੋਰ ਮਜ਼ਬੂਤ ਕਰ ਸਕਣ ਅਤੇ ਸਿੱਖ ਵਸੋਂ ਵਾਲੇ ਇਲਾਕੇ ਨੂੰ ਜੰਗ ਤੋਂ ਦੂਰ ਰੱਖਿਆ ਜਾ ਸਕੇ : ਮਾਨ

ਫ਼ਤਹਿਗੜ੍ਹ ਸਾਹਿਬ, 3 ਸਤੰਬਰ (ਪੀ ਡੀ ਬਿਊਰੋ) “ਸਿੱਖ ਕੌਮ ਵੱਲੋਂ ਸ੍ਰੀ ਨਵਾਜ ਸਰੀਫ਼ ਸਾਬਕਾ ਵਜ਼ੀਰ-ਏ-ਆਜ਼ਮ ਪਾਕਿਸਤਾਨ ਦੇ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਜੱਦੀ ਪਿੰਡ ਜਾਤੀ ਉਮਰਾਂ ਵਿਖੇ ਜੋ ਬੀਬੀ ਕਲਸੂਮ ਨਵਾਜ ਦੀ ਅੱਛੀ ਸਿਹਤਯਾਬੀ ਲਈ ਸ੍ਰੀ ਆਖੰਡ ਪਾਠ ਸਾਹਿਬ ਦੇ ਭੋਗ ਰਸਮ ਅਤੇ ਅਰਦਾਸ ਸਮੇਂ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਜਿਥੇ ਉਸ ਅੱਲ੍ਹਾ-ਤਾਲਾ, ਵਾਹਿਗੁਰੂ ਦੇ ਚਰਨਾਂ ਵਿਚ ਬੀਬੀ ਕਲਸੂਮ ਨਵਾਜ ਦੀ ਅੱਛੀ ਸਿਹਤਯਾਬੀ ਲਈ ਸਮੁੱਚੀ ਸੰਗਤ ਨਾਲ ਸਮੂਹਿਕ ਤੌਰ ਤੇ ਅਰਦਾਸ ਕੀਤੀ, ਉਥੇ ਉਨ੍ਹਾਂ ਨੇ ਸ੍ਰੀ ਨਵਾਜ ਸਰੀਫ਼ ਪਰਿਵਾਰ ਵੱਲੋਂ ਬੀਤੇ ਸਮੇਂ ਵਿਚ ਸਿੱਖ ਕੌਮ ਨਾਲ ਆਪਣੇ ਅੱਛੇ ਸੰਬੰਧਾਂ ਦਾ ਵੀ ਖੁੱਲ੍ਹਕੇ ਜਿਕਰ ਕੀਤਾ । ਉਨ੍ਹਾਂ ਕਿਹਾ ਕਿ ਜਿੰਨਾਂ ਸਮਾਂ ਸ੍ਰੀ ਨਵਾਜ ਸਰੀਫ਼ ਪਾਕਿਸਤਾਨ ਦੇ ਵਜ਼ੀਰ-ਏ-ਆਜ਼ਮ ਰਹੇ, ਉਨ੍ਹਾਂ ਨੇ ਪਾਕਿਸਤਾਨ-ਹਿੰਦੂਸਤਾਨ ਨੂੰ ਆਪਸੀ ਜੰਗ ਤੋਂ ਦੂਰ ਰੱਖਣ, ਭਾਰਤ-ਪਾਕਿਸਤਾਨ ਦੇ ਸੰਬੰਧਾਂ ਨੂੰ ਪ੍ਰਫੁੱਲਿਤ ਕਰਨ ਅਤੇ ਸਿੱਖ ਕੌਮ ਦੀ ਪਾਕਿਸਤਾਨ ਤੇ ਭਾਰਤ ਵਿਚ ਹਮੇਸ਼ਾਂ ਚੜ੍ਹਦੀ ਕਲਾਂ ਦੀ ਕਾਮਨਾ ਕੀਤੀ । ਅੱਜ ਜਦੋਂ ਸ੍ਰੀ ਨਵਾਜ ਸਰੀਫ਼ ਪਰਿਵਾਰ ਦੀ ਬੀਬੀ ਕਲਸੂਮ ਨਵਾਜ ਕੈਸਰ ਦੀ ਬਿਮਾਰੀ ਤੋਂ ਪੀੜਤ ਹਨ, ਤਾਂ ਸਮੁੱਚੀ ਸਿੱਖ ਕੌਮ ਸ੍ਰੀ ਨਵਾਜ ਸਰੀਫ਼ ਪਰਿਵਾਰ ਦੀ ਇਸ ਦੁੱਖ ਦੀ ਘੜ੍ਹੀ ਵਿਚ ਹਰ ਤਰ੍ਹਾਂ ਸਾਂਝੀ ਹੁੰਦੀ ਹੋਈ ਉਨ੍ਹਾਂ ਦੀ ਤੰਦਰੁਸਤੀ ਲਈ ਅਰਦਾਸ ਕਰਦੀ ਹੈ ਅਤੇ ਸਾਨੂੰ ਪੂਰਾ ਭਰੋਸਾ ਹੈ ਕਿ ਬੀਬੀ ਕਲਸੂਮ ਨਵਾਜ ਹਸਪਤਾਲ ਤੋਂ ਸਹੀ ਹੋ ਕੇ ਜਲਦੀ ਹੀ ਸ੍ਰੀ ਸਰੀਫ਼ ਦੀ ਤਰ੍ਹਾਂ ਲੋਕਾਈ ਦੀ ਸੇਵਾ ਕਰਨ ਵਿਚ ਜੁਟ ਜਾਣਗੇ ।”

ਸ਼ ਮਾਨ ਨੇ ਕਿਹਾ ਕਿ ਮੁਲਕ ਦੀ ਵੰਡ ਸਮੇਂ ਤਿੰਨ ਧਿਰਾ ਬਰਾਬਰਤਾ ਦੇ ਆਧਾਰ ਤੇ ਆਪਣਾ ਹੱਕ ਅਤੇ ਆਪਣੇ ਆਜ਼ਾਦ ਮੁਲਕ ਦੀ ਪ੍ਰਾਪਤੀ ਲਈ ਸੰਘਰਸ਼ ਕਰ ਰਹੇ ਸਨ । ਪਰ ਹਿੰਦੂ ਆਗੂਆਂ ਗਾਂਧੀ, ਨਹਿਰੂ, ਪਟੇਲ ਨੇ ਚਲਾਕੀ ਤੇ ਬੇਈਮਾਨੀ ਨਾਲ ਸਿੱਖ ਕੌਮ ਵੱਲੋਂ ਆਜ਼ਾਦੀ ਲਈ ਦਿੱਤੀਆ ਕੁਰਬਾਨੀਆਂ ਦੀ ਦੁਰਵਰਤੋਂ ਕਰਕੇ ਆਪਣਾ ਭਾਰਤ ਮੁਲਕ ਬਣਾ ਲਿਆ ਅਤੇ ਮੁਸਲਿਮ ਆਗੂ ਸ੍ਰੀ ਜਿਨਾਹ ਨੇ ਆਪਣਾ ਪਾਕਿਸਤਾਨ ਮੁਲਕ ਬਣਾ ਲਿਆ । ਜੋ ਤੀਜੀ ਮੁੱਖ ਧਿਰ ਸਿੱਖ ਕੌਮ ਸੀ, ਜਿਸ ਨੇ ਇਸ ਸੰਘਰਸ਼ ਵਿਚ ਹਰ ਪੱਖੋ ਮੋਹਰੀ ਹੋ ਕੇ ਅਗਵਾਈ ਕੀਤੀ, ਕੁਰਬਾਨੀਆਂ ਦਿੱਤੀਆ ਉਸ ਨਾਲ ਉਪਰੋਕਤ ਹਿੰਦੂ ਤੇ ਮੁਸਲਿਮ ਆਗੂਆਂ ਨੇ ਤਾਂ ਧੋਖਾ ਕੀਤਾ ਹੀ, ਲੇਕਿਨ ਹੁਕਮਰਾਨ ਅੰਗਰੇਜ਼ ਨੇ ਵੀ ਸਿੱਖ ਕੌਮ ਨਾਲ ਧੋਖਾ ਤੇ ਫਰਬੇ ਕੀਤਾ । ਜਦੋਂਕਿ ਮੁਸਲਿਮ ਕੌਮ ਅਤੇ ਹਿੰਦੂ ਕੌਮ ਦੀ ਬਹੁਤ ਪੁਰਾਤਨ ਦੁਸ਼ਮਣੀ ਚੱਲੀ ਆ ਰਹੀ ਹੈ । ਸਾਡੀ ਸਿੱਖ ਕੌਮ ਦਾ ਤਾਂ ਨਾ ਹਿੰਦੂ ਨਾਲ ਕੋਈ ਵੈਰ-ਵਿਰੋਧ ਹੈ ਅਤੇ ਨਾ ਹੀ ਮੁਸਲਿਮ ਕੌਮ ਨਾਲ । ਪਰ ਹਿੰਦੂਤਵ ਹੁਕਮਰਾਨ ਗੁਆਢੀ ਮੁਲਕ ਪਾਕਿਸਤਾਨ ਨਾਲ ਅਕਸਰ ਹੀ ਜੰਗਾਂ-ਯੁੱਧਾਂ ਦੀਆਂ ਖ਼ਤਰਨਾਕ ਬਾਤਾਂ ਪਾਉਣ ਦੇ ਆਦੀ ਬਣ ਗਏ ਹਨ । ਜੰਗ ਲੱਗਣ ਦੀ ਸੂਰਤ ਵਿਚ ਸਿੱਖ ਵਸੋਂ ਵਾਲੇ ਇਲਾਕੇ ਪੰਜਾਬ, ਹਰਿਆਣਾ, ਹਿਮਾਚਲ, ਚੰਡੀਗੜ੍ਹ, ਰਾਜਸਥਾਨ, ਜੰਮੂ-ਕਸ਼ਮੀਰ, ਲੇਹ-ਲਦਾਖ, ਗੁਜਰਾਤ ਦੇ ਕੱਛ ਨੂੰ ਮੈਦਾਨ-ਏ-ਜੰਗ ਬਣਨਗੇ ਅਤੇ ਜਿਸ ਸਿੱਖ ਕੌਮ ਦਾ ਕਿਸੇ ਵੀ ਮੁਲਕ ਨਾਲ ਦੁਸ਼ਮਣੀ ਨਹੀਂ ਅਤੇ ਨਾ ਹੀ ਵੈਰ-ਵਿਰੋਧ ਹੈ, ਉਸਦਾ ਤਾਂ ਬੀਜ਼ ਨਾਸ ਹੋ ਕੇ ਰਹਿ ਜਾਵੇਗਾ । ਇਹ ਵੀ ਸਪੱੱਸਟ ਹੈ ਕਿ ਗੁਰੂ ਨਾਨਕ ਸਾਹਿਬ ਨੇ ਸਦੀਆਂ ਪਹਿਲੇ ਆਪਣੇ ਮੁਖਾਰਬਿੰਦ ਤੋਂ ਇਹ ਉਚਾਰਨ ਕਰਕੇ ਕਿ ‘ਨਾ ਅਸੀਂ ਹਿੰਦੂ, ਨਾ ਮੁਸਲਮਾਨ’, ਸਿੱਖ ਕੌਮ ਨੂੰ ਹਰ ਪੱਖੋਂ ਵੱਖਰੀ ਕੌਮ ਵੱਜੋ ਪ੍ਰਵਾਨਗੀ ਦੇ ਦਿੱਤੀ ਸੀ ਅਤੇ ਸਿੱਖ ਧਰਮ ਦੀ ਨੀਂਹ ਰੱਖਕੇ ਨਿਵੇਕਲੇ ਅਤੇ ਸਮੇਂ ਦੇ ਹਾਣ ਤੇ ਲੋੜਾਂ ਮੁਤਾਬਿਕ ਸਿੱਖ ਧਰਮ ਦੀ ਮਨੁੱਖਤਾ ਪੱਖੀ ਸੋਚ ਤੇ ਅਧਾਰਿਤ ਨੀਂਹ ਰੱਖ ਦਿੱਤੀ ਸੀ । ਅਸੀਂ ਇਹ ਚਾਹੁੰਦੇ ਹਾਂ ਕਿ ਹਿੰਦੂਸਤਾਨ ਆਪਣੇ ਤੌਰ ਤੇ ਆਜ਼ਾਦ ਤੇ ਅਮਨ ਪੂਰਵਕ ਰਹੇ ਅਤੇ ਪਾਕਿਸਤਾਨ ਤੇ ਮੁਸਲਿਮ ਕੌਮ ਆਪਣੇ ਮੁਲਕ ਵਿਚ ਆਜ਼ਾਦ ਅਤੇ ਅਮਨ-ਚੈਨ ਢੰਗ ਨਾਲ ਜਿਊਂਣ । ਇਸੇ ਤਰ੍ਹਾਂ ਸਿੱਖ ਕੌਮ ਵੀ ਆਪਣੇ ਸਿੱਖ ਵਸੋਂ ਵਾਲੇ ਇਲਾਕੇ ਵਿਚ ਆਪਣੀ ਕੌਮੀ ਸਰਬੱਤ ਦੇ ਭਲੇ ਦੀ ਸੋਚ ਉਤੇ ਪਹਿਰਾ ਦਿੰਦੀ ਹੋਈ, ਜਿਥੇ ਮਨੁੱਖਤਾ ਦੀ ਬਿਹਤਰੀ ਕਰਦੀ ਰਹੇ, ਉਥੇ ਉਹ ਵੀ ਦੁਨੀਆਂ ਵਿਚ ਅਮਨ-ਚੈਨ ਤੇ ਜਮਹੂਰੀਅਤ ਢੰਗ ਨਾਲ ਬਿਨ੍ਹਾਂ ਕਿਸੇ ਡਰ-ਭੈ ਤੇ ਜਿੰਦਗੀ ਜਿਊਂਣ । ਅਜਿਹਾ ਤਦ ਹੀ ਹੋ ਸਕੇਗਾ, ਜੇਕਰ ਸਮੁੱਚੀ ਸਿੱਖ ਕੌਮ ਗੁਰੂ ਸਾਹਿਬਾਨ ਜੀ ਦੇ ਬਚਨਾਂ ਉਤੇ ਪਹਿਰਾ ਦਿੰਦੀ ਹੋਈ, ਬਿਨ੍ਹਾਂ ਕਿਸੇ ਖੂਨ ਦਾ ਕਤਰਾ ਵਹਾਏ ਅਮਨ-ਚੈਨ ਅਤੇ ਜਮਹੂਰੀਅਤ ਢੰਗਾਂ ਨਾਲ ਆਪਣੀ ਆਜ਼ਾਦ ਬਾਦਸ਼ਾਹੀ ਸਿੱਖ ਰਾਜ ਕਾਇਮ ਕਰੇ ਅਤੇ ਸਾਨੂੰ ਇਹ ਉਮੀਦ ਹੈ ਕਿ ਸਾਡੇ ਸਿੱਖ ਕੌਮ ਨਾਲ ਅੱਛੇ ਸੰਬੰਧਾਂ ਦੀ ਬਦੌਲਤ ਪਾਕਿਸਤਾਨ ਹਕੂਮਤ ਅਤੇ ਸ੍ਰੀ ਨਵਾਜ ਸਰੀਫ਼ ਪਰਿਵਾਰ ਸਿੱਖ ਕੌਮ ਦੀ ਆਜ਼ਾਦੀ ਦੇ ਮਿਸ਼ਨ ਨੂੰ ਕੌਮਾਂਤਰੀ ਪੱਧਰ ਤੇ ਸਹਿਯੋਗ ਵੀ ਕਰਨਗੇ ਅਤੇ ਆਪਣੇ ਸੰਬੰਧਾਂ ਨੂੰ ਹੋਰ ਬਲ ਦੇਣਗੇ ।

ਸ਼ ਮਾਨ ਨੇ ਮਹਾਰਾਜਾ ਰਣਜੀਤ ਸਿੰਘ ਦੇ ਖ਼ਾਲਸਾ ਰਾਜ ਜੋ 1799-1849 ਦੀ ਗੱਲ ਕਰਦੇ ਹੋਏ ਕਿਹਾ ਕਿ ਸਿੱਖ ਕੌਮ ਕਿਸੇ ਮਨੁੱਖ ਦੀ ਜਾਨ ਲੈਣ ਦੇ ਬਿਲਕੁਲ ਹੱਕ ਵਿਚ ਨਹੀਂ ਅਤੇ ਨਾ ਹੀ ਸਾਨੂੰ ਉਸ ਅਕਾਲ ਪੁਰਖ ਵੱਲੋਂ ਅਜਿਹਾ ਅਧਿਕਾਰ ਹੈ । ਇਸ ਲਈ ਹੀ ਮਹਾਰਾਜਾ ਰਣਜੀਤ ਸਿੰਘ ਦੇ ਰਾਜ ਵਿਚ ਕਿਸੇ ਇਕ ਵੀ ਇਨਸਾਨ ਨੂੰ ਫ਼ਾਂਸੀ ਨਹੀਂ ਦਿੱਤੀ ਗਈ । ਅਸੀਂ ਫ਼ਾਂਸੀ ਦੀ ਸਜ਼ਾ ਦੇ ਸਖ਼ਤ ਵਿਰੁੱਧ ਹਾਂ । ਜੋ ਭਾਰਤੀ ਜਾਸੂਸ ਕੁਲਭੂਸਨ ਜਾਧਵ ਦੇ ਸੰਬੰਧ ਵਿਚ, ਪਾਕਿਸਤਾਨ ਫ਼ੌਜ ਦੇ ਜਰਨੈਲ ਜਰਨਲ ਬਾਜਵਾ ਨੂੰ ਇਸ ਸੰਬੰਧੀ ਫੈਸਲਾ ਕਰਨ ਦੇ ਅਧਿਕਾਰ ਪ੍ਰਾਪਤ ਹਨ, ਅਸੀਂ ਜਰਨਲ ਬਾਜਵਾ ਨੂੰ ਆਪਣੇ ਪੁਰਾਤਨ ਪਰਿਵਾਰਿਕ ਸੰਬੰਧਾਂ ਅਤੇ ਕੌਮੀ ਸੰਬੰਧਾਂ ਦੇ ਬਿਨ੍ਹਾਂ ਤੇ ਇਹ ਸੰਜ਼ੀਦਾ ਅਪੀਲ ਕਰਨੀ ਚਾਹਵਾਂਗੇ ਕਿ ਉਹ ਕੁਲਭੂਸਨ ਜਾਧਵ ਨੂੰ ਫ਼ਾਂਸੀ ਨਾ ਦੇਣ ਦੇ ਹੁਕਮ ਕਰਕੇ ਸਿੱਖ ਕੌਮ ਦੀ ਅਪੀਲ ਨੂੰ ਪ੍ਰਵਾਨਗੀ ਦੇਣ ਅਤੇ ਅੱਗੋ ਲਈ ਭਾਰਤ-ਪਾਕਿਸਤਾਨ ਦੇ ਆਪਸੀ ਸੰਬੰਧਾਂ ਵਿਚ ਪੈਦਾ ਹੋਈ ਕੁੜੱਤਣ ਨੂੰ ਖ਼ਤਮ ਕਰਕੇ ਸਿੱਖ ਵਸੋਂ ਵਾਲੇ ਇਲਾਕੇ ਨੂੰ ਸਦਾ ਲਈ ਜੰਗਾਂ-ਯੁੱਧਾਂ ਤੋਂ ਦੂਰ ਰੱਖਣ ਦਾ ਉਦਮ ਕਰਨ । ਉਨ੍ਹਾਂ ਦੇ ਅਜਿਹੇ ਮਨੁੱਖਤਾ ਪੱਖੀ ਉਦਮ ਜਿਥੇ ਭਾਰਤ-ਪਾਕਿਸਤਾਨ ਦੇ ਸੰਬੰਧਾਂ ਵਿਚ ਪ੍ਰਫੁੱਲਿਤਾਂ ਲਿਆਉਣਗੇ, ਉਥੇ ਸਿੱਖ ਕੌਮ ਦੀ ਡੂੰਘੀ ਸਾਂਝ ਹੋਰ ਵਧੇਰੇ ਪ੍ਰਫੁੱਲਿਤ ਹੋਵੇਗੀ । ਅਸੀਂ ਇਹ ਵੀ ਮੰਗ ਕਰਦੇ ਹਾਂ ਕਿ ਸਿੱਖ ਵਸੋਂ ਵਾਲੇ ਇਲਾਕੇ ਪੰਜਾਬ, ਹਰਿਆਣਾ, ਹਿਮਾਚਲ, ਚੰਡੀਗੜ੍ਹ, ਰਾਜਸਥਾਨ, ਜੰਮੂ-ਕਸ਼ਮੀਰ, ਲੇਹ-ਲਦਾਖ, ਗੁਜਰਾਤ ਦੇ ਕੱਛ ਨੂੰ ਪਾਕਿਸਤਾਨ ਅਤੇ ਹੋਰ ਵੱਡੇ ਮੁਲਕ ਕੌਮਾਂਤਰੀ ਪੱਧਰ ਤੇ ਕੌਮਾਂਤਰੀ ਕਾਨੂੰਨਾਂ ਅਧੀਨ ਫੈਸਲਾ ਕਰਕੇ ਨੋ ਫਲਾਈ ਜੋਨ ਐਲਾਨਣ । ਜਿਥੇ ਕਿਸੇ ਵੀ ਮੁਲਕ ਦੇ ਜੰਗੀ ਹਵਾਈ ਜ਼ਹਾਜ, ਜੰਗੀ ਉਪਕਰਨ ਆਦਿ ਬਿਲਕੁਲ ਵੀ ਉਡਾਨ ਨਾ ਭਰ ਸਕਣ ਅਤੇ ਸਮੁੱਚੇ ਏਸੀਏ ਖਿੱਤੇ ਵਿਚ ਅਮਨ-ਚੈਨ ਸਥਾਂਈ ਤੌਰ ਤੇ ਬਰਕਰਾਰ ਰਹਿ ਸਕੇ । ਅੱਜ ਦੀ ਅਰਦਾਸ ਜਿਥੇ ਬੀਬੀ ਕਲਸੂਮ ਨਵਾਜ ਦੀ ਅੱਛੀ ਸਿਹਤਯਾਬੀ ਦੀ ਕਾਮਨਾ ਕਰਦੀ ਹੈ, ਉਥੇ ਗੁਆਢੀ ਮੁਲਕਾਂ ਪਾਕਿਸਤਾਨ, ਚੀਨ ਅਤੇ ਏਸੀਆ ਦੇ ਹੋਰ ਮੁਲਕ ਕੌਮਾਂਤਰੀ ਦੋਸਤਾਨਾਂ ਸੰਬੰਧਾਂ ਨੂੰ ਹੋਰ ਵੱਡੇਰਾ ਕਰਦੇ ਹੋਏ ਇਨ੍ਹਾਂ ਮੁਲਕਾਂ ਨਾਲ ਪੰਜਾਬ ਦੀਆਂ ਲੱਗਦੀਆਂ ਸਰਹੱਦਾਂ ਨੂੰ ਫੌਰੀ ਖੋਲਕੇ ਜਿੰਮੀਦਾਰ ਅਤੇ ਵਪਾਰੀ ਵਸਤਾਂ ਦੀ ਖਰੀਦੋ-ਫਰੋਖਤ ਨੂੰ ਖੁੱਲ੍ਹੀ ਮੰਡੀ ਰਾਹੀ ਅੱਗੇ ਵਧਾਉਣ । ਅਜਿਹਾ ਉਦਮ ਕਰਨ ਨਾਲ ਪਾਕਿਸਤਾਨ-ਭਾਰਤ, ਚੀਨ, ਅਫ਼ਗਾਨੀਸਤਾਨ ਅਤੇ ਹੋਰ ਅਰਬ ਮੁਲਕਾਂ ਦੀ ਜਿਥੇ ਮਾਲੀ ਹਾਲਤ ਹੋਰ ਚੰਗੇਰੀ ਹੋਵੇਗੀ, ਉਥੇ ਸਮਾਜਿਕ ਅਤੇ ਧਾਰਮਿਕ ਸੰਬੰਧਾਂ ਨੂੰ ਵੀ ਬਲ ਮਿਲੇਗਾ ।

ਕੈਨੇਡਾ ਵਿੱਚ ਸਿੱਖ ਕੌਮ ਦਾ ਝੰਡਾ ਬੁਲੰਦ ਕਰਨ ਲਈ ਜਗਮੀਤ ਸਿੰਘ ਅਤੇ ਸਮੁੱਚੀ ਸਿੱਖ ਕੌਮ ਵਧਾਈ ਦੀ ਹੱਕਦਾਰ ਹੈ….ਸਿਮਰਨਜੀਤ ਸਿੰਘ ਮਾਨ

ਜਗਮੀਤ ਸਿੰਘ ਦੇ ਐਨ ਡੀ ਪੀ ਦੇ ਲੀਡਰ ਚੁਣੇ ਜਾਣ ਤੇ ਕੈਨੇਡਾ ਦਾ ਬਹੁਸਭਿਅਕ ਚਿਹਰਾ ਹੋਰ ਨਿਖਰਿਆ….ਸੁਖਮਿੰਦਰ ਸਿੰਘ ਹੰਸਰਾ

ਟਰਾਂਟੋ (ਅਕਤੂਬਰ 1 2017 ) ਅੱਜ ਬਾਅਦ ਦੁਪਹਿਰ 4 ਕੁ ਵਜ੍ਹੇ ਟਰਾਂਟੋ ਡਾਊਨ ਟਾਊਨ ਦੇ ਆਲੀਸ਼ਨ ਹੋਟਲ ਵਿੱਚ ਕਨੇਡੀਅਨ ਸਿੱਖ ਇਤਹਾਸ ਦਾ ਸੁਨਿਹਰੀ ਪੰਨਾ ਲਿਖਿਆ ਗਿਆ ਹੈ। ਇਸ ਮੌਕੇ ਕੈਨੇਡਾ ਦੀ ਲੋਕ ਪੱਖੀ ਸਮਝੀ ਜਾਂਦੀ ਐਨ ਡੀ ਪੀ ਪਾਰਟੀ ਦੇ ਲੀਡਰ ਦੀ ਚੋਣ ਦੇ ਨਤੀਜੇ ਸੁਣਾਏ ਗਏ। ਸ੍ਰ. ਜਗਮੀਤ ਸਿੰਘ ਨੇ ਆਪਣੇ ਤਿੰਨ ਵਿਰੋਧੀ ਉਮੀਦਵਾਰਾਂ ਨੂੰ ਪਹਿਲੇ ਬੈਲਟ ਤੇ ਹੀ ਹਰਾ ਕੇ ਜਿੱਤ ਦੇ ਝੰਡੇ ਬੁਲੰਦ ਕੀਤੇ ਹਨ।

“ਕੈਨੇਡਾ ਵਿੱਚ ਲਿਬਰਲ ਪਾਰਟੀ ਨੇ ਸਿੱਖ ਮੈਂਬਰਾਂ ਨੂੰ ਚੋਟੀ ਦੇ ਮਹਿਕਮੇ ਦੇ ਕੇ ਨਿਵਾਜਿਆ ਹੈ ਜਿਸ ਨਾਲ ਕਨੇਡੀਅਨ ਭਾਈਚਾਰੇ ਵਿੱਚ ਸਿੱਖਾਂ ਦਾ ਅਕਸ ਚਮਕਿਆ ਹੈ ਤੇ ਹੁਣ ਐਨ ਡੀ ਪੀ ਦੀ ਲੀਡਰਸ਼ਿਪ ਇੱਕ ਦੁਮਾਲੇ ਵਾਲੇ ਸਿੰਘ ਦੇ ਜਿੱਤ ਕੇ ਸਿੱਖ ਕੌਮ ਦਾ ਮਾਣ ਵਧਾਇਆ ਹੈ। ਅਸੀਂ ਜਗਮੀਤ ਸਿੰਘ ਹੋਰਾਂ ਦੀ ਜਿੱਤ ਤੇ ਐਨ ਡੀ ਪੀ ਦੇ ਨਵੇਂ ਲੀਡਰ ਜਗਮੀਤ ਸਿੰਘ, ਉਨ੍ਹਾਂ ਦੇ ਪ੍ਰੀਵਾਰ ਅਤੇ ਸਮੁੱਚੇ ਕਨੇਡੀਅਨ ਸਿੱਖ ਭਾਈਚਾਰੇ ਨੂੰ ਵਧਾਈ ਦਿੰਦੇ ਹਾਂ” ਇਹ ਵਿਚਾਰ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਕੌਮੀ ਪ੍ਰਧਾਨ ਸਿਮਰਨਜੀਤ ਸਿੰਘ ਮਾਨ ਨੇ ਦਿੱਤੇ।

ਸ੍ਰæ ਮਾਨ ਨੇ ਕਿਹਾ ਕਿ “ਜਿਥੇ ਸਰਬੱਤ ਦਾ ਭਲਾ ਮੰਗਣ ਵਾਲੀ ਸਿੱਖ ਕੌੰਮ ਦੇ ਵਾਰਿਸ, ਗੁਰੂ ਦੇ ਇਸ ਸਿਧਾਂਤ ਦਾ ਪੱਲਾ ਫੜ ਕੇ ਬਾਹਰਲੇ ਮੁਲਕਾਂ ਵਿੱਚ ਤਰੱਕੀਆਂ ਕਰ ਰਹੇ ਹਨ ਉਥੇ ਪੰਜਾਬ ਦੀ ਸਿੱਖ ਲੀਡਰਸ਼ਿਪ ਭਗਵਾਂਕਰਨ ਦੀ ਬੁੱਕਲ ਵਿੱਚ ਸੁੱਤੀ ਪਈ ਹੈ”। ਸ੍ਰ. ਮਾਨ ਨੇ ਕੈਨੇਡਾ ਦੇ ਸਮੁੱਚੇ ਸਿੱਖ ਭਾਈਚਾਰੇ ਨੂੰ ਚੜਦੀ ਕਲਾ ਵਿੱਚ ਰਹਿ ਕੇ ਮੱਲਾਂ ਮਾਰਨ ਤੇ ਵਧਾਈ ਦਿੱਤੀ ਹੈ।

ਇਸ ਮੌਕੇ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਕੈਨੇਡਾ ਈਸਟ ਦੇ ਪ੍ਰਧਾਨ ਸੁਖਮਿੰਦਰ ਸਿੰਘ ਹੰਸਰਾ ਨੇ ਕਿਹਾ ਕਿ “ਐਨ ਡੀ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿੱਚ ਬਾਕੀ ਉਮੀਦਵਾਰਾਂ ਦੇ ਮੁਕਾਬਲੇ ਜਗਮੀਤ ਸਿੰਘ ਕਾਫੀ ਦੇਰ ਬਾਅਦ ਸ਼ਾਮਲ ਹੋਏ ਸਨ, ਪਰ ਥੋੜੇ ਸਮ੍ਹੇਂ ਅੰਦਰ ਹੀ ਜਗਮੀਤ ਸਿੰਘ ਨੇ ਆਪਣੇ ਵਿਰੋਧੀ ਉਮੀਦਵਾਰਾਂ ਨੂੰ ਅਹਿਸਾਸ ਕਰਵਾ ਦਿੱਤਾ ਸੀ ਕਿ ਉਹ ਹੁਣ ਰੋਕਿਆ ਵੀ ਨਹੀਂ ਰੁਕੇਗਾ। ਕੈਨੇਡਾ ਦੇ ਮੁੱਖਧਾਰਾ ਦਾ ਮੀਡੀਆ ਵੀ ਜਗਮੀਤ ਸਿੰਘ ਦੀ ਹਿੰਮਤ, ਲਿਆਕਤ, ਰਾਜਨੀਤਕ ਸੂਝਬੂਝ ਅਤੇ ਉਸਦੇ ਕਪੜੇ ਪਹਿਨਣ ਦੇ ਸਟਾਇਲ ਤੋਂ ਕਾਇਲ ਸੀ ਅਤੇ ਜਗਮੀਤ ਸਿੰਘ ਨੂੰ ਲਗਾਤਾਰ ਇੱਕ ਪ੍ਰਤੀਬਿੰਬ ਵਾਂਗ ਪ੍ਰਚਾਰਦਾ ਆ ਰਿਹਾ ਸੀ”।

ਹੰਸਰਾ ਨੇ ਅੱਗੇ ਕਿਹਾ ਕਿ “ਜਗਮੀਤ ਸਿੰਘ ਦੇ ਐਨ ਡੀ ਪੀ ਦੇ ਲੀਡਰ ਚੁਣੇ ਜਾਣ ਤੇ ਕੈਨੇਡਾ ਦਾ ਬਹੁਸਭਿਅਕ ਚਿਹਰਾ ਹੋਰ ਨਿਖਰਿਆ ਹੈ” ਸੰਨ 2019 ਵਿੱਚ ਕੈਨੇਡਾ ਦੀਆਂ ਆਮ ਚੋਣਾਂ ਵਿੱਚ ਜਗਮੀਤ ਸਿੰਘ ਦੀ ਟੱਕਰ ਲਿਬਰਲ ਆਗੂ ਜਸਟਿਨ ਟਰੂਡੋ, ਕੰਸਰਵੇਟਿਵ ਆਗੂ ਐਂਡਰੀਊ ਸ਼ੀਅਰ ਨਾਲ ਹੋਵੇਗੀ।

ਅਵਤਾਰ ਸਿੰਘ ਖੰਡਾ ਉਤੇ ਲੰਡਨ ਵਿਚ ਹੋਇਆ ਹਮਲਾ ਇਕ ਡੂੰਘੀ ਸਾਜਿ਼ਸ, ਸਿੱਖ ਕੌਮ ਲਈ ਅਸਿਹ : ਮਾਨ

Simranjit Singh Mann

ਫ਼ਤਹਿਗੜ੍ਹ ਸਾਹਿਬ, 28 ਸਤੰਬਰ (ਪਿੰਡ ਡੀ ਬਿਊਰੇ ) “ਬਰਤਾਨੀਆ ਵਿਚ ਖ਼ਾਲਸਾ ਟੀ.ਵੀ. ਚੈਨਲ ਦੇ ਪੇਸ਼ਕਰਤਾ ਤੇ ਯੂਥ ਅਕਾਲੀ ਦਲ ਅੰਮ੍ਰਿਤਸਰ ਦੇ ਸੀਨੀਅਰ ਮੀਤ ਪਰਧਾਨ ਸ. ਅਵਤਾਰ ਸਿੰਘ ਖੰਡਾ ਉਤੇ ਬੀਤੇ ਦਿਨੀਂ ਇਕ ਸਟੋਰ ਤੇ ਸਮਾਨ ਦੀ ਖਰੀਦੋ-ਫਰੋਖਤ ਕਰਦੇ ਹੋਏ ਜੋ ਹਮਲਾ ਹੋਇਆ ਹੈ, ਉਸਦੀ ਜੇ ਨਿਰਪੱਖਤਾ ਨਾਲ ਡੂੰਘੀ ਪੜਚੋਲ ਕੀਤੀ ਜਾਵੇ ਤਾਂ ਇਹ ਹਕੂਮਤੀ ਪੱਧਰ ਤੇ ਇਕ ਡੂੰਘੀ ਸਾਜਿ਼ਸ ਦੀ ਕੜੀ ਦਾ ਹਿੱਸਾ ਇਸ ਲਈ ਜਾਪਦੀ ਹੈ ਕਿਉਂਕਿ ਭਾਰਤ ਦੇ ਵਜ਼ੀਰ-ਏ-ਆਜ਼ਮ ਦੀ ਬਰਤਾਨੀਆ ਯਾਤਰਾ ਸਮੇਂ ਸ੍ਰੀ ਮੋਦੀ ਨੇ ਇਸ ਸਿੱਖ ਨੌਜ਼ਵਾਨ ਉਤੇ ਨਿਰਆਧਾਰ ਦੋਸ਼ ਲਗਾਉਦੇ ਹੋਏ ਇਸ ਨੂੰ ਭਾਰਤ ਨੂੰ ਸੌਪਣ ਦੀ ਮੰਗ ਕੀਤੀ ਸੀ ਅਤੇ ਇਸ ਨੌਜ਼ਵਾਨ ਉਤੇ ਖੂਫੀਆ ਏਜੰਸੀਆ ਨੇ ਨੌਜ਼ਵਾਨਾਂ ਨੂੰ ਹਥਿਆਰਾਂ ਦੀ ਸਪਲਾਈ ਦੇਣ ਦਾ ਨਿਰਆਧਾਰ ਦੋਸ਼ ਵੀ ਲਗਾਇਆ । ਇਸ ਲਈ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਇਸ ਨੂੰ ਭਾਰਤੀ ਖੂਫੀਆ ਏਜੰਸੀਆਂ ਦੀ ਕਾਰਵਾਈ ਦੇਣ ਤੋਂ ਵੀ ਇੰਨਕਾਰ ਨਹੀਂ ਕਰ ਸਕਦਾ । ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਇਸ ਹੋਏ ਹਮਲੇ ਦੀ ਜਿਥੇ ਪੁਰਜੋਰ ਨਿਖੇਧੀ ਕਰਦਾ ਹੈ, ਉਥੇ ਖ਼ਾਲਸਾ ਟੀ.ਵੀ. ਚੈਨਲ ਵੱਲੋਂ ਨਿਰਪੱਖਤਾ ਤੇ ਬਾਦਲੀਲ ਢੰਗ ਨਾਲ ਸਿੱਖ ਕੌਮ ਉਤੇ ਹੋ ਰਹੇ ਜ਼ਬਰ-ਜੁਲਮ ਦੀ ਕੌਮਾਂਤਰੀ ਪੱਧਰ ਤੇ ਉਠਾਈ ਜਾ ਰਹੀ ਆਵਾਜ਼ ਨੂੰ ਦਬਾਉਣ ਦੀ ਮਨਸਾ ਵੀ ਕਰਾਰ ਦਿੰਦਾ ਹੈ ।”

ਇਹ ਵਿਚਾਰ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸ. ਅਵਤਾਰ ਸਿੰਘ ਖੰਡਾ ਉਤੇ ਹੋਏ ਹਮਲੇ ਨੂੰ ਅਸਹਿ ਕਰਾਰ ਦਿੰਦੇ ਹੋਏ ਅਤੇ ਇਸਦੀ ਨਿਰਪੱਖਤਾ ਨਾਲ ਜਾਂਚ ਕਰਨ ਦੀ ਬਰਤਾਨੀਆ ਹਕੂਮਤ ਤੋਂ ਮੰਗ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਬਰਤਾਨੀਆ ਵਿਚ ਲੱਖਾਂ ਦੀ ਗਿਣਤੀ ਵਿਚ ਸਿੱਖ ਅਤੇ ਪੰਜਾਬੀ ਵੱਸਦੇ ਹਨ । ਜੋ ਆਪੋ-ਆਪਣੇ ਕਾਰੋਬਾਰਾਂ ਦੇ ਨਾਲ-ਨਾਲ ਬਰਤਾਨੀਆ ਦੇ ਕਾਨੂੰਨ ਅਤੇ ਨਿਯਮਾਂ ਦੀ ਵੀ ਪਾਲਣਾਂ ਕਰਦੇ ਹੋਏ ਬਰਤਾਨੀਆ ਦੀ ਹਰ ਪੱਖੋ ਤਰੱਕੀ ਵਿਚ ਇਕ ਚੰਗੇ ਸ਼ਹਿਰੀ ਦੀ ਤਰ੍ਹਾਂ ਯੋਗਦਾਨ ਪਾਉਦੇ ਆ ਰਹੇ ਹਨ । ਪਰ ਭਾਰਤੀ ਹੁਕਮਰਾਨ ਅਤੇ ਖੂਫੀਆ ਏਜੰਸੀਆਂ ਬਾਹਰਲੇ ਮੁਲਕਾਂ ਵਿਚ ਵਿਚਰਣ ਵਾਲੇ ਪੰਥ ਦਰਦੀਆਂ ਦੀਆਂ ਨਿਰਪੱਖਤਾ ਵਾਲੀਆ ਕਾਰਵਾਈਆ ਅਤੇ ਕੌਮ ਪੱਖੀ ਉਦਮਾਂ ਨੂੰ ਬਰਦਾਸਤ ਨਾ ਕਰਦੇ ਹੋਏ ਕੇਵਲ ਸਿੱਖ ਕੌਮ ਨੂੰ ਇਸੇ ਤਰ੍ਹਾਂ ਸਾਜਿ਼ਸਾਂ ਰਾਹੀ ਨਿਸ਼ਾਨਾਂ ਹੀ ਨਹੀਂ ਬਣਾਉਦੇ, ਬਲਕਿ ਕੌਮਾਂਤਰੀ ਪੱਧਰ ਤੇ ਸਿੱਖ ਕੌਮ ਨੂੰ ਬਦਨਾਮ ਕਰਨ ਵਿਚ ਵੀ ਮਸਰੂਫ਼ ਰਹਿੰਦੀਆ ਹਨ । ਜੋ ਅਵਤਾਰ ਸਿੰਘ ਖੰਡਾ ਉਤੇ ਹਮਲਾ ਹੋਇਆ ਹੈ, ਬੇਸ਼ੱਕ ਉਹ ਇਕ ਸਿੱਖੀ ਰੂਪ ਵਿਚ ਹੋਇਆ ਹੈ, ਪਰ ਉਸ ਪਿੱਛੇ ਕਿਹੜੇ ਦਿਮਾਗ ਅਤੇ ਕਿਹੜੀ ਸਾਜਿ਼ਸ ਹੈ ਉਸ ਨੂੰ ਕੌਮਾਂਤਰੀ ਪੱਧਰ ਤੇ ਸਾਹਮਣੇ ਲਿਆਉਣਾ ਅਤਿ ਜ਼ਰੂਰੀ ਹੈ ਤਾਂ ਕਿ ਭਾਰਤੀ ਮੁਤੱਸਵੀ ਹੁਕਮਰਾਨਾਂ ਦੀ ਸਿੱਖ ਅਤੇ ਪੰਜਾਬ ਸੂਬੇ ਪ੍ਰਤੀ ਸੋਚ ਤੋਂ ਦੁਨੀਆ ਦੇ ਨਿਵਾਸੀਆ ਨੂੰ ਜਾਣਕਾਰੀ ਮਿਲ ਸਕੇ ਅਤੇ ਇਥੋ ਦੇ ਹੁਕਮਰਾਨਾਂ ਤੇ ਖੂਫੀਆ ਏਜੰਸੀਆ ਦੇ ਕਰੂਰ ਚਹਿਰੇ ਸਾਹਮਣੇ ਆ ਸਕਣ । ਸ. ਮਾਨ ਨੇ ਸ. ਅਵਤਾਰ ਸਿੰਘ ਖੰਡਾ ਦੀ ਚੜ੍ਹਦੀ ਕਲਾਂ ਲਈ ਅਰਦਾਸ ਕਰਦੇ ਹੋਏ ਬਾਹਰਲੇ ਮੁਲਕਾਂ ਵਿਚ ਸਿੱਖ ਕੌਮ ਦੀ ਸਹੀ ਦਿਸ਼ਾ ਵੱਲ ਆਵਾਜ਼ ਬੁਲੰਦ ਕਰਨ ਵਾਲਿਆ ਦੀ ਹਰ ਪੱਖੋ ਤੰਦਰੁਸਤੀ ਅਤੇ ਜਿੰਮੇਵਾਰੀਆ ਨਿਭਾਉਣ ਤੇ ਬਲ ਬਖਸਣ ਦੀ ਅਰਦਾਸ ਵੀ ਕੀਤੀ ।

ਪੰਜਾਬ ਸੂਬੇ ਤੇ ਸਮਾਜ ਵਿਚ ਹਰ ਤਰ੍ਹਾਂ ਦੀਆਂ ਫੈਲੀਆ ਗੈਰ-ਇਖ਼ਲਾਕੀ ਕਾਰਵਾਈਆ ਦਾ ਖਾਤਮਾ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਤੋਂ ਬਿਨ੍ਹਾਂ ਕੋਈ ਨਹੀਂ ਕਰ ਸਕਦੈ : ਮਾਨ

ਅਮਲੋਹ, 16 ਸਤੰਬਰ (ਪੀ ਡੀ ਬਿਊਰੋ) “ਪੰਜਾਬ ਵਿਚ ਜਿੰਨੀਆਂ ਵੀ ਹੁਣ ਤੱਕ ਸਰਕਾਰਾਂ ਬਣੀਆ ਹਨ, ਭਾਵੇ ਉਹ ਕਾਂਗਰਸ ਦੀ ਹੋਵੇ, ਭਾਵੇ ਬੀਜੇਪੀ-ਬਾਦਲ ਦਲ ਦੀ ਹੋਵੇ, ਭਾਵੇ ਕਿਸੇ ਹੋਰ ਦੀ ਕਿਸੇ ਵੀ ਸਿਆਸੀ ਜਮਾਤ ਤੇ ਆਗੂ ਨੇ ਪੰਜਾਬੀਆਂ ਤੇ ਸਿੱਖ ਕੌਮ ਨੂੰ ਲੰਮੇ ਸਮੇਂ ਤੋਂ ਦਰਪੇਸ਼ ਆ ਰਹੀਆ ਮੁਸ਼ਕਿਲਾਂ ਨੂੰ ਹੱਲ ਕਰਨ ਲਈ ਨਾ ਤਾਂ ਸੰਜ਼ੀਦਗੀ ਦਿਖਾਈ ਅਤੇ ਨਾ ਹੀ ਇਨ੍ਹਾਂ ਵਿਚ ਅਜਿਹੀ ਸਮਰੱਥਾਂ ਹੈ । ਇਹੀ ਵਜਹ ਹੈ ਕਿ ਕਦੀ ਕਾਂਗਰਸ, ਕਦੀ ਬਾਦਲ-ਬੀਜੇਪੀ ਹਕੂਮਤਾਂ ਕਈ ਵਾਰ ਬਣਨ ਉਪਰੰਤ ਵੀ ਅੱਜ ਤੱਕ ਪੰਜਾਬ ਸੂਬੇ ਦਾ ਨਾ ਤਾਂ ਕੋਈ ਵਿਕਾਸ ਹੋ ਸਕਿਆ ਹੈ ਤੇ ਨਾ ਹੀ ਇਥੋ ਦੀ ਕਿਸਾਨੀ, ਮਜ਼ਦੂਰ, ਮੁਲਾਜ਼ਮ, ਵਿਦਿਆਰਥੀ, ਵਪਾਰੀ, ਟਰਾਸਪੋਰਟਰ ਆਦਿ ਦੀ ਕੋਈ ਬਿਹਤਰੀ ਹੋ ਸਕੀ ਹੈ । ਬਲਕਿ ਉਪਰੋਕਤ ਜਮਾਤਾਂ ਤੇ ਆਗੂਆਂ ਨੇ ਸਰਕਾਰੀ ਸ਼ਕਤੀ ਦੀ ਸਹੀ ਵਰਤੋਂ ਕਰਨ ਦੀ ਬਜਾਇ ਆਪੋ-ਆਪਣੀਆ ਤਿਜੋਰੀਆ ਭਰਨ, ਆਪਣੇ ਪਾਲੇ ਹੋਏ ਬਦਮਾਸਾਂ, ਗੈਗਸਟਰਾਂ ਅਤੇ ਸਮੱਗਲਰਾਂ ਰਾਹੀ ਇਥੋ ਦੇ ਅਮੀਰ ਵਿਰਸੇ-ਸੱਭਿਆਚਾਰ ਅਤੇ ਅਮਨ-ਚੈਨ ਦਾ ਸੱਤਿਆਨਾਸ ਕਰਕੇ ਰੱਖ ਦਿੱਤਾ ਹੈ । ਜਿਨ੍ਹਾਂ ਆਗੂਆਂ ਦੇ ਖੂਨ ਵਿਚ ਰਿਸ਼ਵਤਖੋਰੀ, ਬਦਲਾਖੋਰੀ, ਗੈਰ-ਕਾਨੂੰਨੀ ਤੇ ਗੈਰ-ਸਮਾਜਿਕ ਧੰਦੇ ਆਪਣੇ ਸੂਬੇ ਦੇ ਨਿਵਾਸੀਆ ਉਤੇ ਹਕੂਮਤੀ ਧੋਸ ਰਾਹੀ ਜ਼ਬਰ-ਜੁਲਮ ਕਰਨ ਦੀ ਸੋਚ ਘਰ-ਘਰ ਜਾਵੇ ਅਜਿਹੇ ਆਗੂ ਤੇ ਸਿਆਸੀ ਜਮਾਤਾਂ ਕਤਈ ਵੀ ਜਨਤਾ ਨੂੰ ਇਨਸਾਫ਼ ਨਹੀਂ ਦੇ ਸਕਦੀਆ ਅਤੇ ਨਾ ਹੀ ਇਥੇ ਸਥਾਈ ਤੌਰ ਤੇ ਅਮਨ-ਚੈਨ, ਜਮਹੂਰੀਅਤ ਕਦਰਾ-ਕੀਮਤਾ ਦਾ ਬੋਲਬਾਲਾ ਕਰ ਸਕਦੀਆ ਹਨ ।”

ਇਹ ਵਿਚਾਰ ਅੱਜ ਇਥੇ ਅਮਲੋਹ ਵਿਧਾਨ ਸਭਾ ਹਲਕੇ ਦੇ ਨਿਵਾਸੀਆ, ਪਾਰਟੀ ਦੀ ਸੋਚ ਤੇ ਨੀਤੀਆ ਉਤੇ ਚੱਲਣ ਵਾਲੇ ਪੰਥਕ ਜਾਗਰੂਕਤਾ ਕਾਨਫਰੰਸ ਦੇ ਨਾਮ ਹੇਠ ਹੋਏ ਭਰਵੇਂ ਇਕੱਠ ਨੂੰ ਸੁਬੋਧਿਤ ਕਰਦੇ ਹੋਏ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਜ਼ਾਹਰ ਕੀਤੇ । ਉਨ੍ਹਾਂ ਆਪਣੇ ਵਿਚਾਰਾਂ ਦੀ ਲੜ੍ਹੀ ਨੂੰ ਅੱਗੇ ਤੋਰਦੇ ਹੋਏ ਕਿਹਾ ਕਿ ਇਸ ਸਮੇਂ ਪੰਜਾਬ ਦੀ ਹਰ ਪੱਖੋ ਵਿਗੜੀ ਹਾਲਤ, ਇਥੇ ਫੈਲੀ ਅਰਾਜਕਤਾ ਨੂੰ ਜੇਕਰ ਕੋਈ ਠੱਲ੍ਹ ਪਾ ਸਕਦਾ ਹੈ, ਤਾਂ ਉਹ ਸੰਤ ਜਰਨੈਲ ਸਿੰਘ ਖ਼ਾਲਸਾ ਭਿੰਡਰਾਂਵਾਲਿਆਂ ਦੀ ਮਨੁੱਖਤਾ ਇਨਸਾਨੀ ਪੱਖੀ ਅਤੇ ਆਜ਼ਾਦੀ ਪੱਖੀ ਸੋਚ ਉਤੇ ਪਹਿਰਾ ਦੇਣ ਵਾਲੀ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਆਪ ਸਭਨਾਂ ਲੋਕਾਂ ਦੀ ਪਾਰਟੀ ਹੀ ਹੈ । ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਪਾਰਟੀ ਨੂੰ ਹਕੂਮਤੀ ਗੱਦੀਆ, ਅਹੁਦੇਦਾਰੀਆ ਆਦਿ ਨਾਲ ਪਿਆਰ ਨਹੀਂ । ਪਿਆਰ ਕੇਵਲ ਪੰਜਾਬ ਦੀ ਪਵਿੱਤਰ ਧਰਤੀ ਉਤੇ ਗੁਰੂ ਸਾਹਿਬਾਨ ਵੱਲੋਂ ਕਾਇਮ ਕੀਤੇ ਗਏ ਮਨੁੱਖਤਾ ਤੇ ਇਨਸਾਨੀਅਤ ਪੱਖੀ ਸਿਧਾਤਾਂ ਅਤੇ ਸੋਚ ਨੂੰ ਅਮਲੀ ਰੂਪ ਵਿਚ ਲਾਗੂ ਕਰਕੇ ਇਨਸਾਫ਼ ਪਸੰਦ ਪਾਰਦਸਤਾ ਵਾਲਾ ਅਤੇ ਬਰਾਬਰਤਾ ਦੇ ਹੱਕ ਦੇਣ ਵਾਲਾ ਰਾਜਭਾਗ ਕਾਇਮ ਕਰਨ ਨਾਲ ਹੈ । ਇਹੀ ਵਜਹ ਹੈ ਕਿ ਅਸੀਂ ਸਿਧਾਤਾਂ ਤੇ ਸੱਚ ਦੀ ਲੜਾਈ ਲੜ ਰਹੇ ਹਾਂ ਨਾ ਕਿ ਰਾਜਭਾਗ ਦੀ ਪ੍ਰਾਪਤੀ ਲਈ । ਪਰ ਇਹ ਵੀ ਸੱਚ ਹੈ ਕਿ ਰਾਜ-ਭਾਗ ਤੋਂ ਬਿਨ੍ਹਾਂ ਜਾਂ ਹਕੂਮਤੀ ਤਾਕਤ ਤੋ ਬਿਨ੍ਹਾਂ ਕੋਈ ਵੀ ਪਾਰਟੀ ਜਾਂ ਆਗੂ ਲੋਕਾਂ ਦੀ ਬਿਹਤਰੀ ਤੇ ਸਮਾਜਿਕ ਕਦਰਾ-ਕੀਮਤਾ ਨੂੰ ਅਮਲੀ ਰੂਪ ਵਿਚ ਲਾਗੂ ਨਹੀਂ ਕਰ ਸਕਦਾ । ਇਸ ਲਈ ਇਹ ਵੀ ਦੁੱਖ ਤੇ ਅਫ਼ਸੋਸ ਹੈ ਕਿ ਜਦੋਂ ਵੀ ਦਾਸ ਅਤੇ ਪਾਰਟੀ ਵਿਧਾਨ ਸਭਾ, ਪਾਰਲੀਮੈਂਟ ਜਾਂ ਐਸ਼ਜੀæਪੀæਸੀæ ਦੀ ਜਮਹੂਰੀਅਤ ਤਰੀਕੇ ਚੋਣ ਲੜੀ ਤਾਂ ਇਥੋ ਦੇ ਨਿਵਾਸੀਆ ਖਾਸ ਕਰ ਸਿੱਖਾਂ ਨੇ ਆਪਣੇ ਕੌਮੀ, ਸੂਬੇ ਪ੍ਰਤੀ ਮੁਫਾਦਾ ਤੋਂ ਮੂੰਹ ਮੋੜਕੇ ਉਨ੍ਹਾਂ ਪਾਰਟੀਆ ਅਤੇ ਅਜਿਹੇ ਆਗੂਆਂ ਨੂੰ ਵੋਟਾਂ ਪਾਈਆ, ਜਿਨ੍ਹਾਂ ਨੇ ਹਮੇਸ਼ਾਂ ਪੰਜਾਬ, ਪੰਜਾਬੀ, ਪੰਜਾਬੀਅਤ ਦਾ ਘਾਣ ਕੀਤਾ ਹੈ ਅਤੇ ਸਿੱਖ ਕੌਮ ਨੂੰ ਸਾਜ਼ਸੀ ਢੰਗਾਂ ਰਾਹੀ ਲੁੱਟਿਆ ਤੇ ਕੁੱਟਿਆ ਹੈ ਅਤੇ ਜੋ ਸਿੱਖ ਵਿਰੋਧੀ ਹਿੰਦੂਤਵ ਤਾਕਤਾਂ ਦੇ ਕੁਹਾੜਿਆ ਦੇ ਦਸਤੇ ਬਣਦੇ ਆਏ ਹਨ । ਹੁਣ ਜਦੋਂ ਪੰਜਾਬੀਆਂ ਤੇ ਸਿੱਖਾਂ ਨੇ ਸਭ ਸਿਆਸੀ ਜਮਾਤਾਂ ਅਤੇ ਆਗੂਆਂ ਦੇ ਲੰਮੇ-ਲੰਮੇ ਸਮੇਂ ਦੇ ਜ਼ਬਰ-ਜੁਲਮ ਅਤੇ ਬੇਇਨਸਾਫ਼ੀਆਂ ਵਾਲੇ ਰਾਜ-ਭਾਗ ਵੇਖ ਲਏ ਹਨ, ਹਾਲਤ ਕਿਸੇ ਪੱਖੋ ਸੁਧਰਨ ਦੀ ਬਜਾਇ ਪਹਿਲੇ ਨਾਲੋ ਵੀ ਇਸ ਲਈ ਬਦਤਰ ਬਣੇ ਹਨ ਕਿਉਂਕਿ ਇਹ ਆਗੂ ਅਤੇ ਜਮਾਤਾਂ ਗੈਰ-ਇਖ਼ਲਾਕੀ ਤੇ ਗੈਰ-ਸਮਾਜਿਕ ਕਾਰਵਾਈਆ ਵਿਚ ਵਿਸ਼ਵਾਸ ਰੱਖਦੀਆ ਆ ਰਹੀਆ ਹਨ ਅਤੇ ਪੰਜਾਬ ਦੇ ਖਜਾਨੇ ਨੂੰ ਲੁੱਟਕੇ ਇਥੋ ਦੇ ਨਿਵਾਸੀਆ ਨਾਲ ਵਿਤਕਰੇ ਤੇ ਬੇਇਨਸਾਫ਼ੀਆ ਕਰਕੇ ਆਪਣੇ ਹੀ ਮਾਲੀ ਤੇ ਪਰਿਵਾਰਿਕ ਮੁਫ਼ਾਦਾ ਦੇ ਗੁਲਾਮ ਬਣੇ ਹੋਏ ਹਨ। ਗੁਲਾਮੀਅਤ ਵਾਲੀ ਸੋਚ ਨਾ ਤਾਂ ਖੁਦ ਦਾ ਕੁਝ ਸਵਾਰ ਸਕਦੀ ਹੈ ਅਤੇ ਨਾ ਹੀ ਜਨਤਾ ਤੇ ਸੂਬੇ ਦੇ ਨਿਵਾਸੀਆ ਦਾ ਕੋਈ ਭਲਾ ਕਰ ਸਕਦੀ ਹੈ ।
ਉਨ੍ਹਾਂ ਕਿਹਾ ਕਿ ਜੋ ਬੀਤੇ ਸਮੇਂ ਵਿਚ ਪੰਜਾਬ ਵਿਚ ਅਖੋਤੀ, ਬਲਾਤਕਾਰੀ, ਕਾਤਲ ਅਤੇ ਜਨਤਾ ਨੂੰ ਧੋਖਾ ਦੇਣ ਵਾਲੇ ਡੇਰਾਵਾਦ ਪ੍ਰਫੁੱਲਿਤ ਹੋਇਆ ਹੈ, ਉਹ ਅਜਿਹੇ ਗੈਰ-ਇਖ਼ਲਾਕੀ ਸਿਆਸਤਦਾਨਾਂ ਅਤੇ ਹਕੂਮਤਾਂ ਦੀ ਸਹਿ ਦੀ ਬਦੌਲਤ ਅਤੇ ਗੰਧਲੀ ਵੋਟ ਸਿਆਸਤ ਦੀ ਬਦੌਲਤ ਸਮਾਜ ਵਿਚ ਵੱਡੇ ਪੱਧਰ ਤੇ ਨਿਘਾਰ ਆਇਆ ਹੈ । ਇਨ੍ਹਾਂ ਨੇ ਗੁਆਢੀ ਸੂਬਿਆਂ ਵਿਚ ਵੀ ਮਾਹੌਲ ਨੂੰ ਗੰਧਲਾ ਕਰ ਦਿੱਤਾ ਹੈ । ਜੇਕਰ ਅੱਜ 40 ਲੱਖ ਦੀ ਗਿਣਤੀ ਤੱਕ ਸਿੱਖਿਅਤ ਅਤੇ ਅਣਸਿੱਖਿਅਤ ਨੌਜ਼ਵਾਨਾਂ ਦੀ ਬੇਰੁਜ਼ਗਾਰੀ ਦਾ ਦੈਂਤ ਮੂੰਹ ਅੱਡੀ ਖੜ੍ਹਾ ਹੈ, ਹਰ ਪਾਸੇ ਰਿਸ਼ਵਤਖੋਰੀ ਦਾ ਬੋਲਬਾਲਾ ਹੋਇਆ ਪਿਆ ਹੈ, ਕਿਸਾਨ ਅਤੇ ਖੇਤ ਮਜਦੂਰ ਖੁਦਕਸੀਆ ਲਈ ਮਜ਼ਬੂਰ ਹੋ ਰਹੇ ਹਨ, ਵਪਾਰੀ ਤੇ ਕਿਸਾਨੀ ਉਤਪਾਦਾ ਦੀ ਬੇਕਦਰੀ ਹੋ ਰਹੀ ਹੈ, ਵਿਦਿਆਰਥੀ ਵਰਗ ਵਿਚ ਨਮੋਸੀ ਵੱਧਦੀ ਜਾ ਰਹੀ ਹੈ, ਵਿਦਿਅਕ ਅਤੇ ਸਿਹਤਕ ਅਦਾਰਿਆ ਵਿਚ ਵੱਡੇ ਪੱਧਰ ਤੇ ਨਿਘਾਰ ਆ ਚੁੱਕਾ ਹੈ, ਇਖਲਾਕੀ ਤੇ ਧਰਮੀ ਗੁਣਾਂ ਦੀ ਅਣਹੋਦ ਨਜ਼ਰ ਆ ਰਹੀ ਹੈ, ਸਮਾਜ ਵਿਚ ਗੈਗਸਟਰ, ਸਮੱਗਲਰ, ਬਦਮਾਸ਼ਾਂ ਦਾ ਬੋਲਬਾਲਾ ਹੈ, ਤਾਂ ਇਸ ਲਈ ਅਜੋਕੇ ਅਤੇ ਬੀਤੇ ਸਮੇਂ ਦੀਆਂ ਕਾਂਗਰਸ, ਬਾਦਲ-ਬੀਜੇਪੀ ਦਲੀਆ ਦੀਆਂ ਗੈਰ-ਜਿੰਮੇਵਾਰੀਆ ਅਤੇ ਪਰਿਵਾਰਿਕ ਮੁਫ਼ਾਦ ਜਿੰਮੇਵਾਰ ਹਨ । ਇਸ ਲਈ ਸਾਰੀਆ ਸਿਆਸੀ ਜਮਾਤਾਂ ਅਤੇ ਦਿਸ਼ਾਹੀਣ ਕਮਜੋਰ ਆਗੂ ਸਿੱਧੇ ਤੌਰ ਤੇ ਜਿੰਮੇਵਾਰ ਹਨ । ਕਿਉਂਕਿ ਇਨ੍ਹਾਂ ਦੇ ਮਨ-ਆਤਮਾ ਵਿਚ ਇਥੋ ਦੇ ਨਿਵਾਸੀਆ ਤੇ ਪੰਜਾਬ ਸੂਬੇ ਲਈ ਕੋਈ ਪਿਆਰ ਤੇ ਹਮਦਰਦੀ ਨਹੀਂ ਹੈ । ਕੇਵਲ ਸਿਆਸੀ ਤਾਕਤ ਨੂੰ ਹੜੱਪਣ ਲਈ ਅਤੇ ਉਸਦੀ ਦੁਰਵਰਤੋ ਕਰਕੇ ਧਨ-ਦੌਲਤਾ ਤੇ ਜ਼ਾਇਦਾਦਾ ਦੇ ਭੰਡਾਰ ਇਕੱਤਰ ਕਰਨ ਵਿਚ ਇਹ ਆਗੂ ਅਤੇ ਜਮਾਤਾਂ ਮਸਰੂਫ ਹੋ ਚੁੱਕੇ ਹਨ । ਸਿਧਾਤਾ ਤੇ ਸੋਚ ਨੂੰ ਪਿੱਠ ਦੇ ਚੁੱਕੇ ਹਨ । ਇਸ ਸਮੇਂ ਪੰਜਾਬ ਨਿਵਾਸੀਆ ਅਤੇ ਸਿੱਖ ਕੌਮ ਕੋਲ ਇਨ੍ਹਾਂ ਸਭ ਮੁਸ਼ਕਿਲਾਂ ਤੇ ਬਿਮਾਰੀਆ ਦਾ ਇਕੋ-ਇਕ ਸਹੀ ਹੱਲ ਹੈ ਕਿ ਪੰਜਾਬ ਦੇ ਸਭ ਵਸਿੰਦੇ, ਸਭ ਧਰਮਾਂ, ਕੌਮਾਂ, ਫਿਰਕਿਆ, ਕਬੀਲਿਆ ਨਾਲ ਸੰਬੰਧਤ ਨਿਵਾਸੀ, ਮੁਲਾਜ਼ਮ, ਕਿਸਾਨ, ਵਪਾਰੀ, ਮਜ਼ਦੂਰ ਅਤੇ ਵਿਦਿਆਰਥੀ ਵਰਗ ਆਉਣ ਵਾਲੇ ਸਮੇਂ ਵਿਚ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਸਿਆਸੀ ਜਮਾਤ ਨੂੰ ਆਪਣੀ ਵੋਟ ਪਰਚੀ ਰਾਹੀ ਜਾਗਰੂਕ ਅਤੇ ਚੁਕੰਨੇ ਹੋ ਕੇ ਇਮਾਨਦਾਰੀ ਨਾਲ ਤਾਕਤ ਦੇਣ ਦੀ ਬਖਸ਼ਿਸ਼ ਕਰਨ । ਅਸੀਂ ਅੱਜ ਦੇ ਇਸ ਵੱਡੇ ਇਕੱਠ ਵਿਚ ਸਮੁੱਚੇ ਪੰਜਾਬੀਆਂ ਅਤੇ ਸਿੱਖ ਕੌਮ ਨਾਲ ਗੁਰੂ ਸਾਹਿਬਾਨ ਨੂੰ ਹਾਜ਼ਰ-ਨਾਜਰ ਸਮਝਕੇ ਇਹ ਬਚਨ ਕਰਦੇ ਹਾਂ ਕਿ ਅਸੀਂ ਆਪ ਜੀ ਨੂੰ ਸਹੀ ਮਾਇਨਿਆ ਵਿਚ ‘ਸਵਰਗ ਦਾ ਰਾਜ’ ਪ੍ਰਬੰਧ ਦੇਵਾਂਗੇ, ਜਿਥੇ ਕਿਸੇ ਵੀ ਇਨਸਾਨ, ਕੌਮ, ਧਰਮ, ਫਿਰਕੇ, ਕਬੀਲੇ ਆਦਿ ਨਾਲ ਕਿਸੇ ਵੀ ਖੇਤਰ ਵਿਚ ਰਤੀਭਰ ਵੀ ਵਿਤਕਰਾ ਨਹੀਂ ਹੋਵੇਗਾ । ਸਭਨਾ ਨੂੰ ਬਰਾਬਰਤਾ ਦੇ ਅਧਿਕਾਰ ਪ੍ਰਦਾਨ ਕਰਦੇ ਹੋਏ ਇਨਸਾਫ਼ ਦਾ ਰਾਜ, ਪਾਰਦਸਤਾ ਵਾਲਾ ਅਜਿਹਾ ਪ੍ਰਬੰਧ ਪ੍ਰਦਾਨ ਕਰਾਂਗੇ ਜਿਸ ਨੂੰ ਪੰਜਾਬ ਦਾ ਹਰ ਨਿਵਾਸੀ ਆਨੰਦ ਮਾਣਦਾ ਹੋਇਆ ਇਸ ਰਾਜ ਵਿਚ ਰਹਿਣ ਨੂੰ ਇਕ ਫਖ਼ਰ ਮਹਿਸੂਸ ਕਰੇਗਾ । ਅਮਲੋਹ ਦੀ ਜ਼ਿਲ੍ਹਾ ਜਥੇਬੰਦੀ ਵੱਲੋਂ ਸ਼ ਸਿਮਰਨਜੀਤ ਸਿੰਘ ਮਾਨ ਨੂੰ ਖੰਡੇ ਅਤੇ ਸੇæਰਾਂ ਵਾਲੇ ਮੋਮੈਟਮ ਨਾਲ ਅਤੇ ਸਿਰਪਾਓ ਬਖਸ਼ਿਸ਼ ਕਰਕੇ ਆਕਾਸ ਗੁਜਾਊ ਫ਼ਤਹਿ ਦੇ ਨਾਅਰਿਆ ਨਾਲ ਸਨਮਾਨਿਤ ਕੀਤਾ ਗਿਆ ਅਤੇ ਸਮੁੱਚੇ ਪੰਡਾਲ ਵਿਚ ਖ਼ਾਲਿਸਤਾਨ ਜਿੰæਦਾਬਾਦ ਦੇ ਨਾਅਰੇ ਗੁਜਾਏ ਗਏ । ਅੱਜ ਦੇ ਇਕੱਠ ਦੇ ਬੁਲਾਰਿਆ ਵਿਚ ਸ਼ ਮਾਨ ਤੋਂ ਇਲਾਵਾ ਸ਼ ਜਸਕਰਨ ਸਿੰਘ ਕਾਹਨ ਸਿੰਘ ਵਾਲਾ, ਪ੍ਰੋæ ਮਹਿੰਦਰਪਾਲ ਸਿੰਘ, ਇਕਬਾਲ ਸਿੰਘ ਟਿਵਾਣਾ, ਮਾਸਟਰ ਕਰਨੈਲ ਸਿੰਘ ਨਾਰੀਕੇ, ਸੁਰਜੀਤ ਸਿੰਘ ਕਾਲਾਬੂਲਾ, ਪ੍ਰਦੀਪ ਸਿੰਘ ਯੂਥ ਪ੍ਰਧਾਨ, ਸਿੰਗਾਰਾ ਸਿੰਘ ਬਡਲਾ, ਕ੍ਰਿਸ਼ਨ ਸਿੰਘ ਸਲਾਣਾ, ਲਖਵੀਰ ਸਿੰਘ ਸੌਟੀ, ਭੁਪਿੰਦਰ ਸਿੰਘ ਫਤਹਿਪੁਰ, ਨਾਜਰ ਸਿੰਘ ਟਿੱਬੀ, ਲਖਵੀਰ ਸਿੰਘ ਕੋਟਲਾ, ਕੁਲਦੀਪ ਸਿੰਘ ਪਹਿਲਵਾਨ, ਲੱਖਾ ਮਹੇਸ਼ਪੁਰੀਆ, ਗੁਰਮੀਤ ਸਿੰਘ ਫ਼ਤਹਿਪੁਰ ਆਦਿ ।

ਰੋਹਿੰਗੀਆ ਮੁਸਲਮਾਨਾਂ ‘ਤੇ ਹੋ ਰਹੇ ਤਸ਼ੱਦਦ ਖਿਲਾਫ ਮਿਆਂਮਾਰ ਦੇ ਕੌਂਸਲੇਟ ਸਾਹਮਣੇ ਰੋਸ ਮੁਜ਼ਾਹਰਾ  – ਸਿੱਖ ਭਾਈਚਾਰੇ ਨੇ ਕੀਤੀ ਸ਼ਮੂਲੀਅਤ

ਨਿਊਯਾਰਕ- ਮਿਆਂਮਾਰ (ਜਿਸਦਾ ਪੁਰਾਣਾ ਨਾਂਅ ਬਰਮਾ ਹੈ) ਵਿਖੇ ਰੋਹਿੰਗੀਆ ਮੁਸਲਮਾਨਾਂ ਤੇ ਮੌਕੇ ਦੀ ਹੁਕੂਮਤ ਅਤੇ ਫੌਜ ਵਲੋਂ ਢਾਹੇ ਜਾ ਰਹੇ ਤਸ਼ੱਦਦ ਖਿਲਾਫ ਨਿਊਯਾਰਕ ਦੀਆਂ ਮਨੁੱਖੀ ਅਧਿਕਾਰ ਅਤੇ ਮੁਸਲਮਾਨ ਜਥੇਬੰਦੀਆਂ ਵਲੋਂ ਮਿਆਂਮਾਰ ਦੇ ਕੌਂਸਲੇਟ ਬਾਹਰ ਇੱਕ ਜ਼ੋਰਦਾਰ ਰੋਸ ਮੁਜ਼ਾਹਰਾ ਕੀਤਾ ਗਿਆ, ਜਿਸ ਵਿੱਚ ਸਿੱਖ ਭਾਈਚਾਰੇ ਵਲੋਂ ਵੀ ਸ਼ਮੂਲੀਅਤ ਕੀਤੀ ਗਈ। ਸਾਲ 2001 ਵਿੱਚ 9/11 ਨੂੰ ਅਮਰੀਕਾ ਦੀ ਧਰਤੀ ‘ਤੇ ਹੋਏ ਹਮਲੇ ਵਿੱਚ ਮਾਰੇ ਗਏ ਹਜ਼ਾਰਾਂ ਲੋਕਾਂ ਨੂੰ ਜਿੱਥੇ ਯਾਦ ਕੀਤਾ ਗਿਆ, ਉੱਥੇ ਇਸ ਪ੍ਰਦਰਸ਼ਨ ਵਿੱਚ ਇਹ ਸਪੱਸ਼ਟ ਸੁਨੇਹਾ ਦਿੱਤਾ ਗਿਆ ਕਿ ਮਿਆਂਮਾਰ ਸਰਕਾਰ ਵਲੋਂ ਰੋਹਿੰਗੀਆ ਮੁਸਲਮਾਨਾਂ ਦੀ ਨਸਲਕੁਸ਼ੀ ਕੀਤੀ ਜਾ ਰਹੀ ਹੈ ਅਤੇ ਸੰਯੁਕਤ ਰਾਸ਼ਟਰ ਵਲੋਂ ਹੁਕੂਮਤ ਦੀ ਇਸ ਕਾਰਵਾਈ ਨੂੰ ਨਸਲਕੁਸ਼ੀ ਐਲਾਨਦਿਆਂ ਮਿਆਂਮਾਰ ਦੀ ਨਿਖੇਧੀ ਕੀਤੀ ਗਈ ਹੈ।
ਰੋਹਿੰਗੀਆ ਮੁਸਲਮਾਨਾਂ ਦੀ ਮਦਦ ਲਈ ਅੰਤਰਰਾਸ਼ਟਰੀ ਭਾਈਚਾਰੇ ਨੂੰ ਅਪੀਲ ਕੀਤੀ ਗਈ ਅਤੇ ਮਿਆਂਮਾਰ ਦੀ ਮੋਢੀ ਆਗੂ ਆਂਗ ਸੈਨ ਸੂ ਕੀ ਦੀ ਸਖਤ ਸ਼ਬਦਾਂ ਵਿੱਚ ਨਿਖੇਧੀ ਕਰਦਿਆਂ ਉਸਨੂੰ ਦਿੱਤੇ ਨੋਬਲ ਪੁਰਸਕਾਰ ਨੂੰ ਵਾਪਸ ਲੈਣ ਦੀ ਮੰਗ ਕੀਤੀ ਗਈ। ਸਿੱਖ ਭਾਈਚਾਰੇ ਵਲੋਂ ਪ੍ਰਦਰਸ਼ਨਕਾਰੀਆਂ ਨੂੰ ਸੰਬੋਧਨ ਕਰਦਿਆਂ ਖਾਲਿਸਤਾਨ ਅਫੇਅਰਜ਼ ਸੈਂਟਰ ਦੇ ਸੰਚਾਲਕ ਡਾ. ਅਮਰਜੀਤ ਸਿੰਘ ਨੇ ਕਿਹਾ ਕਿ ਮੱਧਪੂਰਬ, ਭਾਰਤ ਅਤੇ ਮਿਆਂਮਾਰ ਸਮੇਤ ਦੂਨੀਆ ਭਰ ਵਿੱਚ ਘੱਟਗਿਣਤੀਆਂ ਨਾਲ ਰੰਗ, ਨਸਲ, ਧਰਮ ਜਾਂ ਲਿੰਗ ਤੇ ਦੇ ਅਧਾਰ ‘ਤੇ ਹੁੰਦੇ ਵਿਤਕਰੇ ਖਿਲਾਫ ਸਾਨੂੰ ਸਭ ਨੂੰ ਇਕੱਠੇ ਹੋਣਾ ਚਾਹੀਦਾ ਹੈ ਅਤੇ ਇੱਕ ਸਮੇਂ ਨੋਬਲ ਪੁਰਸਕਾਰ ਲੈਣ ਵਾਲੀ ਸੂ ਕੀ ਦੀ ਰਹਿਨੁਮਾਈ ਹੇਠ ਰੋਹਿੰਗੀਆ ਮੁਸਲਮਾਨਾਂ ਦੀ ਕੀਤੀ ਜਾ ਰਹੀ ਨਸਲੀ ਸਫਾਈ ਅਤਿ-ਨਿੰਦਣਯੋਗ ਹੈ ਅਤੇ ਦੁਨੀਆ ਦੇ ਸਮੂਹ ਲੋਕਾਂ ਨੂੰ ਇਹਨਾਂ ਅਮਲਾਂ ਖਿਲਾਫ ਅਵਾਜ਼ ਬੁਲੰਦ ਕਰਨੀ ਚਾਹੀਦੀ ਹੈ। ਇਸ ਪ੍ਰਦਰਸ਼ਨ ਵਿੱਚ ਪ੍ਰਦਰਸ਼ਨਕਾਰੀਆਂ ਨੇ ਹਿੰਸਾ ਅਤੇ ਨਫਰਤ ਨੂੰ ਖਤਮ ਕਰਨ ਦਾ ਸੁਨੇਹਾ ਦਿੱਤਾ। ਟੀ. ਵੀ. 84 ਵਲੋਂ ਇਸ ਰੋਸ ਵਿਖਾਵੇ ਨੂੰ ਕਵਰ ਕੀਤਾ ਗਿਆ।

ਸ਼ਹੀਦ ਭਾਈ ਦਿਲਾਵਰ ਸਿੰਘ ਦੀ ਸ਼ਹਾਦਤ ਨੂੰ ਸਮਰਪਿਤ ਸਮਾਗਮ ਹੋਇਆ , ਕੌਮੀ ਸ਼ਹੀਦਾਂ ਦੀ ਸ਼ਹਾਦਤ ਤੋਂ ਮੁਨਕਰ ਨਾ ਹੋਈਏ- ਡਾ. ਅਮਰਜੀਤ ਸਿੰਘ 


ਨਿਊਯਾਰਕ- ਈਸਟ ਕੋਸਟ ਅਮਰੀਕਾ ਦੀਆਂ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਅਤੇ ਪੰਥਕ ਜਥੇਬੰਦੀਆਂ ਦੀ ਨੁਮਾਇੰਦਾ ਜਥੇਬੰਦੀ ‘ਈਸਟ ਕੋਸਟ ਸਿੱਖ ਕੋਆਰਡੀਨੇਸ਼ਨ ਕਮੇਟੀ’ ਵਲੋਂ ਸਮੂਹ ਸੰਗਤਾਂ ਦੇ ਸਹਿਯੋਗ ਨਾਲ ਸਥਾਨਕ ਗੁਰਦੁਆਰਾ ਸਿੱਖ ਕਲਚਰਲ ਸੁਸਾਇਟੀ ਵਿਖੇ ਕੌਮੀ ਸ਼ਹੀਦ ਭਾਈ ਦਿਲਾਵਰ ਸਿੰਘ ਅਤੇ ਸਮੂਹ ਸ਼ਹੀਦਾਂ ਦੀ ਸ਼ਹਾਦਤ ਨੂੰ ਸਮਰਪਿਤ ਸ਼ਹੀਦੀ ਸਮਾਗਮ ਕਰਵਾਇਆ ਗਿਆ, ਜਿਸ ਵਿੱਚ ਵੱਡੀ ਗਿਣਤੀ ਵਿੱਚ ਸੰਗਤਾਂ ਨੇ ਸ਼ਮੂਲੀਅਤ ਕੀਤੀ। ਪ੍ਰਬੰਧਕਾਂ ਵਲੋਂ ਅਜੋਕੇ ਸਿੱਖ ਸੰਘਰਸ਼ ਵਿੱਚ ਸ਼ਹੀਦ ਹੋਏ ਸਿੰਘਾਂ ਦੀਆਂ ਤਸਵੀਰਾਂ ਦੀ ਪ੍ਰਦਰਸ਼ਨੀ ਗੁਰਦੁਆਰਾ ਸਾਹਿਬ ਦੀ ਹਦੂਦ ਅੰਦਰ ਲਗਾਈ ਗਈ, ਜੋ ਆਈਆਂ ਸੰਗਤਾਂ ਲਈ ਖਿੱਚ ਦਾ ਕੇਂਦਰ ਰਹੀ।
ਮੁੱਖ ਬੁਲਾਰੇ ਦੇ ਤੌਰ ‘ਤੇ ਪਹੁੰਚੇ ਖਾਲਿਸਤਾਨ ਅਫੇਅਰਜ਼ ਸੈਂਟਰ ਦੇ ਸੰਚਾਲਕ ਡਾ. ਅਮਰਜੀਤ ਸਿੰਘ ਨੇ ਸੰਗਤ ਨੂੰ ਸੰਬੋਧਨ ਹੁੰਦਿਆਂ ਕਿਹਾ ਕਿ 1984 ਤੋਂ ਬਾਅਦ ਭਾਰਤ ਦੀ ਹੁਕੂਮਤ ਵੱਲੋਂ ਸਿੱਖਾਂ ਸਿਰ ਥੋਪੀ ਗਈ ਅਣਐਲਾਨੀ ਜੰਗ ਵਿੱਚ 1992 ਵਿੱਚ ਨਾਮਾਤਰ ਵੋਟਾਂ ਲੈ ਕੇ ਪੰਜਾਬ ਦੇ ਮੁੱਖ ਮੰਤਰੀ ਬਣੇ ਬੇਅੰਤ ਸਿੰਘ ਵਲੋਂ ਹਜ਼ਾਰਾਂ ਸਿੱਖ ਨੌਜਵਾਨਾਂ ਨੂੰ ਮੌਤ ਦੇ ਘਾਟ ਉਤਾਰਿਆ ਗਿਆ। ਮਨੁੱਖੀ ਅਧਿਕਾਰ ਰਿਪੋਰਟਾਂ ਇਸ ਗੱਲ ਦੀ ਗਵਾਹੀ ਭਰਦੀਆਂ ਹਨ ਕਿ ਬੇਅੰਤ ਸਿੰਘ ਦੀ ਸ਼ਹਿ ਤੇ ਪੁਲਿਸ ਅਤੇ ਪ੍ਰਸ਼ਾਸਨ ਨੇ ਉਸ ਸਮੇਂ ਪੰਜਾਬ ਦੀ ਜਵਾਨੀ ਨੂੰ ਕੋਹ-ਕੋਹ ਕੇ ਮਾਰਿਆ। ਭਾਈ ਜਗਤਾਰ ਸਿੰਘ ਹਵਾਰਾ, ਭਾਈ ਬਲਵੰਤ ਸਿੰਘ ਰਾਜੋਆਣਾ, ਭਾਈ ਜਗਤਾਰ ਸਿੰਘ ਤਾਰਾ ਦੀ ਮਦਦ ਨਾਲ ਸ਼ਹੀਦ ਭਾਈ ਦਿਲਾਵਰ ਸਿੰਘ ਨੇ ਆਪਣੀ ਜਾਨ ਦੀ ਕੁਰਬਾਨੀ ਦਿੰਦਿਆਂ ਹਜ਼ਾਰਾਂ ਹੋਰ ਸਿੱਖ ਨੌਜਵਾਨਾਂ ਨੂੰ ਮੌਤ ਦੇ ਮੂੰਹ ਵਿੱਚ ਜਾਣ ਤੋਂ ਬਚਾਇਆ ਅਤੇ ਮਨੁੱਖੀ ਅਧਿਕਾਰਾਂ ਦੇ ਨਾਮ ‘ਤੇ ਕਲੰਕ ਬਣ ਚੁੱਕੇ ਬੇਅੰਤ ਸਿੰਘ ਦਾ ਅੰਤ ਕੀਤਾ। ਉਨ•ਾਂ ਕਿਹਾ ਅੱਜ ਸਿਰਫ ਇਸ ਗੱਲ ਦੇ ਡਰੋਂ ਕਿ ਸਾਨੂੰ ਕੋਈ ਅੱਤਵਾਦ ਦਾ ਸਮਰਥਕ ਨਾ ਸਮਝ ਲਵੇ, ਸਾਨੂੰ ਅਜੋਕੇ ਸਮੇਂ ਦੇ ਸ਼ਹੀਦਾਂ ਦੀ ਸ਼ਹਾਦਤ ਤੋਂ ਮੁਨਕਰ ਨਹੀਂ ਹੋਣਾ ਚਾਹੀਦਾ।


ਕੋਆਰਡੀਨੇਸ਼ਨ ਕਮੇਟੀ ਦੇ ਕੋਆਰਡੀਨੇਟਰ ਸ. ਹਿੰਮਤ ਸਿੰਘ ਨੇ ਕਿਹਾ ਕਿ ਸਿੱਖਾਂ ਨਾਲ ਹੋਏ ਧੱਕੇ ਲਈ ਕੋਈ ਇੱਕ ਪਾਰਟੀ ਜ਼ਿੰਮੇਵਾਰ ਨਹੀਂ, ਸਿੱਖਾਂ ਖਿਲਾਫ ਸਾਰੀਆਂ ਸਿਆਸੀ ਜਮਾਤਾਂ ਇੱਕ ਹਨ, ਖਾਲਿਸਤਾਨ ਦੀ ਪ੍ਰਾਪਤੀ ਤੋਂ ਬਿਨਾਂ ਸਾਡੇ ਮਸਲੇ ਹੱਲ ਨਹੀਂ ਹੋ ਸਕਦੇ। ਈਸਟ ਕੋਸਟ ਸਿੱਖ ਕੋਆਰਡੀਨੇਸ਼ਨ ਕਮੇਟੀ ਵਲੋਂ ਕਨੈਕਟੀਕਟ ਤੋਂ ਸ. ਸਵਰਨਜੀਤ ਸਿੰਘ ਖਾਲਸਾ, ਨਿਊਜਰਸੀ ਤੋਂ ਸ. ਹਰਜਿੰਦਰ ਸਿੰਘ ਪਾਈਨ ਹਿੱਲ, ਫਿਲਾਡਲਫੀਆ ਤੋਂ ਸ. ਕੇਵਲ ਸਿੰਘ, ਸਿੱਖਸ ਫਾਰ ਜਸਟਿਸ ਤੋਂ ਡਾ. ਬਖਸ਼ੀਸ਼ ਸਿੰਘ ਸੰਧੂ, ਸ. ਅਵਤਾਰ ਸਿੰਘ ਪੰਨੂ, ਸ. ਜੇ. ਪੀ. ਸਿੰਘ, ਸਿੱਖ ਯੂਥ ਆਫ ਅਮਰੀਕਾ ਤੋਂ ਸ. ਜਸਬੀਰ ਸਿੰਘ, ਗਲੈਨ ਰਾਕ ਗੁਰਦੁਆਰਾ ਸਾਹਿਬ ਦੇ ਮੁੱਖ ਸੇਵਾਦਾਰ ਸ. ਗੁਰਮੀਤ ਸਿੰਘ ਰਾਣਾ, ਨਿਊਯਾਰਕ ਦੇ ਮਨੁੱਖੀ ਅਧਿਕਾਰ ਕਮਿਸ਼ਨਰ ਸ. ਗੁਰਦੇਵ ਸਿੰਘ ਕੰਗ, ਸ਼੍ਰੋਮਣੀ ਅਕਾਲੀ ਦਲ (ਅ) ਤੋਂ ਭਾਈ ਜੋਗਾ ਸਿੰਘ ਆਦਿ ਬੁਲਾਰਿਆਂ ਵਲੋਂ ਸੰਗਤ ਨਾਲ ਵਿਚਾਰਾਂ ਦੀ ਸਾਂਝ ਪਾਈ ਗਈ। ਸਟੇਜ ਦਾ ਸੰਚਾਲਨ ਭੁਪਿੰਦਰ ਸਿੰਘ ਅਟਵਾਲ ਵਲੋਂ ਕੀਤਾ ਗਿਆ ਅਤੇ ਗੁਰੂਘਰ ਦੇ ਮੁੱਖ ਬੁਲਾਰੇ ਸ. ਕੁਲਦੀਪ ਸਿੰਘ ਵਲੋਂ ਆਈਆਂ ਸੰਗਤਾਂ ਦਾ ਤਹਿਦਿਲੋਂ ਧੰਨਵਾਦ ਕੀਤਾ ਗਿਆ ਅਤੇ ਇਹ ਭਰੋਸਾ ਦਿਵਾਇਆ ਗਿਆ ਕਿ ਕੌਮੀ ਕਾਰਜਾਂ ਲਈ ਗੁਰੂਘਰ ਕਮੇਟੀ ਵਲੋਂ ਹਮੇਸ਼ਾ ਸੇਵਾ ਕੀਤੀ ਜਾਵੇਗੀ। ਇਸ ਸ਼ਹੀਦੀ ਸਮਾਗਮ ਨੂੰ ਖਾਸ ਤੌਰ ‘ਤੇ ਟੀ.ਵੀ. 84 ਵਲੋਂ ਕਵਰ ਕੀਤਾ ਗਿਆ।

ਕੁਲਦੀਪ ਨਈਅਰ ਵੱਲੋਂ ਲਿਖੇ ਲੇਖ ਵਿਚ ਸੰਤ ਭਿੰਡਰਾਂਵਾਲਿਆਂ ਦੀ ਤੁਲਨਾ ਬਲਾਤਕਾਰੀ ਤੇ ਕਾਤਲ ਸਾਧ ਨਾਲ ਕਰਕੇ ਆਪਣੀ ਹਿੰਦੂ ਕੱਟੜਵਾਦੀ ਬੀਮਾਰ ਮਾਨਸਿਕਤਾ ਦਾ ਹੀ ਸਬੂਤ ਦਿੱਤਾ : ਮਾਨ

ਫ਼ਤਹਿਗੜ੍ਹ ਸਾਹਿਬ, 11 ਸਤੰਬਰ (ਪੀ ਡੀ ਬਿਊਰੋ) “ਸ੍ਰੀ ਕੁਲਦੀਪ ਨਈਅਰ ਇਕ ਲੇਖਕ ਤੇ ਜਰਨਲਿਸਟ ਹਨ । ਜਦੋਂ ਕੋਈ ਲੇਖਕ ਨਿਰਪੱਖਤਾ ਨਾਲ ਸੱਚ ਨੂੰ ਬਿਆਨ ਕਰੇ ਫਿਰ ਤਾਂ ਉਹ ਲੇਖਕ ਅਤੇ ਜਰਨਲਿਸਟ ਕਹਾਉਣ ਦਾ ਹੱਕਦਾਰ ਹੁੰਦਾ ਹੈ । ਪਰ ਜਦੋਂ ਉਹ ਕਿਸੇ ਕੱਟੜਵਾਦੀ ਨਫ਼ਰਤ ਪੈਦਾ ਕਰਨ ਵਾਲੀ ਸੋਚ ਨਾਲ ਜਾਂ ਹੁਕਮਰਾਨਾਂ ਨੂੰ ਖੁਸ਼ ਕਰਨ ਦੀ ਨੀਤੀ ਅਤੇ ਇਵਜਾਨੇ ਪ੍ਰਾਪਤ ਕਰਨ ਦੀ ਨੀਤੀ ਨਾਲ ਆਪਣੀ ਕਲਮ ਦੀ ਦੁਰਵਰਤੋਂ ਕਰਨ ਲੱਗ ਪਵੇ ਤਾਂ ਉਹ ਲੇਖਕ ਨਾ ਹੋ ਕੇ ਹੁਕਮਰਾਨ ਤਾਕਤਾਂ ਦੀ ਕੱਠਪੁਤਲੀ ਬਣਿਆ ‘ਹੈਵਾਨੀਅਤ’ ਵਾਲੀ ਸੋਚ ਦਾ ਗੁਲਾਮ ਬਣਿਆ ਸਪੱਸਟ ਨਜ਼ਰ ਆਉਦਾ ਹੈ । ਸੰਤ ਭਿੰਡਰਾਂਵਾਲਿਆਂ ਬਾਰੇ ਅਜਿਹੇ ਸ਼ਬਦ ਲਿਖਕੇ ਬੀਮਾਰ ਤੇ ਕੱਟੜਵਾਦੀ ਹਿੰਦੂ ਸੋਚ ਵਾਲੀ ਮਾਨਸਿਕਤਾ ਦਾ ਸਬੂਤ ਦਿੱਤਾ ਹੈ । ਸ੍ਰੀ ਕੁਲਦੀਪ ਨਈਅਰ ਨੇ ਜੋ ‘ਲੋਕਾਂ ਦੀਆਂ ਵੋਟਾਂ ਨਾਲ ਚੱਲਣ ਵਾਲੀ ਵਿਵਸਥਾਂ ਵਿਚ ਬਾਬਿਆਂ ਦੀ ਕੋਈ ਜਗ੍ਹਾ ਨਹੀਂ’ ਦੇ ਸਿਰਲੇਖ ਹੇਠ ਬੀਤੇ ਦਿਨਾਂ ਵਿਚ ਲੇਖ ਲਿਖਦੇ ਹੋਏ, ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਕੌਮੀ ਸੰਸਥਾਂ ਵੱਲੋਂ 20ਵੀਂ ਸਦੀ ਦੇ ਮਹਾਨ ਸਿੱਖ ਵੱਜੋ ਐਲਾਨੀ ਗਈ ਸਖਸ਼ੀਅਤ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੀ ਤੁਲਨਾ ਪਾਖੰਡੀ, ਅਖੌਤੀ ਬਲਾਤਕਾਰੀ ਕਾਤਲ ਸਿਰਸੇਵਾਲੇ ਸਾਧ ਨਾਲ ਕਰਕੇ ਸਿੱਖ ਮਨਾਂ ਨੂੰ ਡੂੰਘੀ ਠੇਸ ਪਹੁੰਚਾਉਣ ਦੇ ਨਾਲ-ਨਾਲ ਹਿੰਦੂ ਕੱਟੜਵਾਦੀ ਤਾਕਤਾਂ ਨੂੰ ਖੁਸ਼ ਕਰਨ ਦੀ ਗੱਲ ਕੀਤੀ ਹੈ । ਜਿਸਦੀ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਪੁਰਜੋਰ ਨਿਖੇਧੀ ਕਰਦਾ ਹੋਇਆ ਅਜਿਹੇ ਲੇਖਕਾਂ ਅਤੇ ਜਰਨਲਿਸਟਾਂ ਨੂੰ ਖ਼ਬਰਦਾਰ ਕਰਦਾ ਹੈ ਕਿ ਉਹ ਸਿੱਖ ਕੌਮ ਦੇ ਜ਼ਜਬਾਤਾਂ ਨਾਲ ਖਿਲਵਾੜ ਕਰਨ ਤੋਂ ਬਾਜ ਆਉਣ । ਵਰਨਾ ਨਿਕਲਣ ਵਾਲੇ ਨਤੀਜਿਆ ਲਈ ਅਜਿਹੇ ਨਫ਼ਰਤ ਪੈਦਾ ਕਰਨ ਵਾਲੇ ਲੇਖਕ ਅਤੇ ਉਨ੍ਹਾਂ ਨੂੰ ਸਹਿ ਦੇਣ ਵਾਲੇ ਹੁਕਮਰਾਨ ਸਿੱਧੇ ਤੌਰ ਤੇ ਜਿੰਮੇਵਾਰ ਹੋਣਗੇ ।”

ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸ੍ਰੀ ਨਈਅਰ ਵੱਲੋਂ ਸੰਤ ਭਿੰਡਰਾਂਵਾਲਿਆਂ ਦੀ ਸਖਸ਼ੀਅਤ ਨੂੰ ਹੈਵਾਨੀਅਤ ਦਾ ਨੰਗਾਂ ਨਾਚ ਨੱਚਣ ਵਾਲੇ ਅਤੇ ਸਮਾਜਿਕ ਕਦਰਾ-ਕੀਮਤਾ ਦਾ ਘਾਣ ਕਰਨ ਵਾਲੇ ਸਿਰਸੇਵਾਲੇ ਸਾਧ ਨਾਲ ਆਪਣੇ ਲੇਖ ਵਿਚ ਤੁਲਨਾ ਕਰਨ ਦੀ ਸ਼ਰਾਰਤਪੂਰਨ ਕਾਰਵਾਈ ਦੀ ਕਰੜੇ ਸ਼ਬਦਾਂ ਵਿਚ ਨਿੰਦਾ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਜੇਕਰ ਭਿੰਡਰਾਂਵਾਲਿਆ ਦੀ ਸ਼ਹੀਦੀ ਹੋਣ ਉਪਰੰਤ 24 ਸਾਲ ਬਾਅਦ ਵੀ ਸਿੱਖ ਨੌਜ਼ਵਾਨੀ ਤੇ ਸਿੱਖ ਕੌਮ ਉਨ੍ਹਾਂ ਨੂੰ ਆਪਣਾ ਮਾਰਗ ਦਰਸ਼ਕ ਪ੍ਰਵਾਨ ਕਰਦੀ ਹੋਈ ਆਪਣੇ ਮਨ-ਆਤਮਾ ਵਿਚ ਸਤਿਕਾਰ ਸਹਿਤ ਸਮੋਈ ਬੈਠੀ ਹੈ, ਤਾਂ ਉਨ੍ਹਾਂ ਵਿਚ ਧਰਮੀ, ਸਮਾਜਿਕ, ਇਨਸਾਨੀ ਅਤੇ ਇਖ਼ਲਾਕੀ ਗੁਣਾਂ ਦੀ ਭਰਮਾਰ ਹੋਣ ਦੀ ਹੀ ਬਦੌਲਤ ਹੈ । ਜੋ ਸ੍ਰੀ ਨਈਅਰ ਵੱਲੋਂ ਇਹ ਕਿਹਾ ਗਿਆ ਹੈ ਕਿ ਭਿੰਡਰਾਂਵਾਲਿਆਂ ਦੇ ਹਮਾਇਤੀਆ ਦੀ ਵੱਡੀ ਗਿਣਤੀ ਹੋਣ ਕਾਰਨ ਉਹ ਤਾਕਤਵਰ ਹੋ ਗਏ ਸਨ, ਇਹ ਗੈਰ-ਦਲੀਲ ਗੱਲ ਹੈ । ਸੰਤ ਭਿੰਡਰਾਂਵਾਲਿਆਂ ਵੱਲੋਂ ਧਰਮੀ ਤੇ ਇਨਸਾਨੀ ਸੋਚ ਉਤੇ ਦ੍ਰਿੜਤਾ ਨਾਲ ਪਹਿਰਾ ਦੇਣ ਅਤੇ ਆਖਰੀ ਸਵਾਸ ਤੱਕ ਜ਼ਬਰ-ਜੁਲਮ ਵਿਰੁੱਧ ਆਵਾਜ਼ ਬੁਲੰਦ ਕਰਨ, ਮਜ਼ਲੂਮਾਂ, ਲਤਾੜਿਆ ਅਤੇ ਲੋੜਵੰਦਾਂ ਦੀ ਮਦਦ ਕਰਨ ਦੀ ਬਦੌਲਤ ਹੀ ਉਨ੍ਹਾਂ ਦੀ ਅਗਵਾਈ ਮੰਨਣ ਵਾਲਿਆ ਦੀ ਗਿਣਤੀ ਵਿਚ ਵਾਧਾ ਹੋਇਆ ਹੈ ਤੇ ਇਹ ਧਰਮੀ ਤੇ ਇਨਸਾਨੀ ਗੁਣ ਹੀ ਕਿਸੇ ਸਖਸ਼ੀਅਤ ਦੀ ਅਸਲ ਤਾਕਤ ਹੁੰਦੇ ਹਨ । ਉਨ੍ਹਾਂ ਨੇ ਇਕ ਪਲ ਲਈ ਵੀ ਆਪਣੇ ਨੇੜੇ ਕੰਮਜੋਰੀ ਤੇ ਡਰ ਨੂੰ ਢੁੱਕਣ ਨਹੀਂ ਦਿੱਤਾ ਅਤੇ ਹਰ ਹਕੂਮਤੀ ਜ਼ਬਰ-ਜੁਲਮ ਵਿਰੁੱਧ ਡੱਟਕੇ ਪਹਿਰਾ ਦਿੱਤਾ । ਸੰਤ ਭਿੰਡਰਾਂਵਾਲੇ ਸਮਾਂ ਆਉਣ ਤੇ ਸੰਤ ਤੋਂ ਸਿਪਾਹੀ ਬਣਨ ਦੀ ਵੀ ਸਮਰੱਥਾਂ ਦੇ ਮਾਲਕ ਸਨ । ਜਿਸ ਨੂੰ ਕੇਵਲ ਕੁਲਦੀਪ ਨਈਅਰ ਵਰਗੇ ਫਿਰਕੂ ਲੇਖਕਾਂ ਨੇ ਹੀ ਨਹੀਂ ਦੇਖਿਆ, ਬਲਕਿ ਸਮੁੱਚੀ ਦੁਨੀਆਂ ਨੇ ਇਸ ਗੱਲ ਨੂੰ ਮਹਿਸੂਸ ਕੀਤਾ । ਉਹ ਧਰਮੀ ਤੇ ਸਮਾਜਿਕ ਗੁਣਾਂ ਦੀ ਬਦੌਲਤ ਹੀ ਤਾਕਤਵਰ ਸਨ ਨਾ ਕਿ ਬੰਦਿਆਂ ਦੀ ਗਿਣਤੀ ਦੀ ਬਦੌਲਤ ।

ਉਨ੍ਹਾਂ ਕਿਹਾ ਕਿ ਜਿਥੋ ਤੱਕ ਸਿਰਸੇਵਾਲੇ ਸਾਧ ਦੀ ਗੱਲ ਹੈ, ਉਸ ਵਿਚ ਕੋਈ ਵੀ ਧਾਰਮਿਕ, ਇਖ਼ਲਾਕੀ ਜਾਂ ਸਮਾਜਿਕ ਗੁਣ ਨਹੀਂ ਸੀ, ਬਲਕਿ ਇਨ੍ਹਾਂ ਗੱਲਾਂ ਦਾ ਮੁਖੌਟਾ ਪਹਿਨਿਆ ਹੋਇਆ ਸੀ ਜਿਸਦੀ ਬਦੌਲਤ ਲੱਖਾਂ ਹੀ ਪ੍ਰੇਮੀਆਂ ਨੂੰ ਗੁੰਮਰਾਹ ਕਰਨ ਵਿਚ ਇਹ ਬਲਾਤਕਾਰੀ ਤੇ ਕਾਤਲ ਸਾਧ ਕਾਮਯਾਬ ਹੋਇਆ । ਜੇਕਰ ਉਸ ਵਿਚ ਇਖਲਾਕੀ, ਧਰਮੀ ਜਾਂ ਸਮਾਜਿਕ ਗੁਣ ਹੁੰਦੇ ਤਾਂ ਉਹ ਪੰਚਕੂਲਾਂ ਦੀ ਅਦਾਲਤ ਵਿਚ ਜੱਜ ਵੱਲੋਂ ਸਜ਼ਾ ਸੁਣਨ ਉਪਰੰਤ ਅੱਖਾ ਵਿਚ ਹੰਝੂ ਨਾ ਵਹਾਉਦਾ ਅਤੇ ਸਜ਼ਾ ਮੁਆਫ਼ੀ ਲਈ ਬਿਲਕੁਲ ਨਾ ਗਿੜਗਾਉਦਾ । ਜਦੋਂਕਿ ਸੰਤ ਭਿੰਡਰਾਂਵਾਲਿਆਂ ਨੇ ਸੱਚ ਅਤੇ ਸਿੱਖੀ ਅਸੂਲਾਂ ਤੇ ਪਹਿਰਾ ਦਿੰਦੇ ਹੋਏ ਤਿੰਨ ਮੁਲਕਾਂ ਦੀਆਂ ਫੌæਜਾਂ ਭਾਰਤ, ਬਰਤਾਨੀਆ ਅਤੇ ਰੂਸ ਦੀਆਂ ਫ਼ੌਜਾਂ ਨਾਲ 72 ਘੰਟੇ ਤੱਕ ਮੁਕਾਬਲਾ ਕੀਤਾ ਅਤੇ ਉਨ੍ਹਾਂ ਨੂੰ ਸ੍ਰੀ ਦਰਬਾਰ ਸਾਹਿਬ ਦਾਖਲ ਹੋਣ ਲਈ ਫੜਕਣ ਨਾ ਦਿੱਤਾ । ਇਹ ਸੀ ਉਨ੍ਹਾਂ ਦੀ ਰੁਹਾਨੀਅਤ ਅਤੇ ਧਾਰਮਿਕ ਤਾਕਤ ਦਾ ਪ੍ਰਤੱਖ ਸਬੂਤ । ਫਿਰ ਨਈਅਰ ਵਰਗੇ ਲੇਖਕ ਸੰਤਾਂ ਦੀ ਵੱਡੀ ਕੁਰਬਾਨੀ ਨੂੰ ਆਪਣੀਆਂ ਗੁੰਮਰਾਹਕੁੰਨ ਲਿਖਤਾ ਰਾਹੀ ਨਾ ਤਾਂ ਨੁਕਸਾਨ ਕਰ ਸਕਦੇ ਹਨ, ਨਾ ਹੀ ਸੰਤਾਂ ਦੇ ਸਿੱਖ ਕੌਮ ਵਿਚ ਬਣੇ ਸਤਿਕਾਰ ਨੂਂੰ ਘੱਟ ਕਰ ਸਕਦੇ ਹਨ । ਦੂਸਰਾ ਸੰਤ ਭਿੰਡਰਾਂਵਾਲਿਆਂ ਦੀ ਸਖਸ਼ੀਅਤ ਦੀ ਬਦੌਲਤ ਹੀ ਅੱਜ ਹਰ ਸਿੱਖ ਦੇ ਘਰ ਵਿਚ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੀਆਂ ਸਤਿਕਾਰ ਸਹਿਤ ਫੋਟੋਆਂ ਸਜਾਈਆ ਹੋਈਆ ਹਨ ਅਤੇ ਸਿੱਖ ਨੌਜ਼ਵਾਨੀ ਆਪਣੇ ਵਹੀਕਲਜ ਉਤੇ ਉਨ੍ਹਾਂ ਦੀ ਫੋਟੋ ਨੂੰ ਲਗਾਕੇ ਇਸ ਲਈ ਫਖ਼ਰ ਮਹਿਸੂਸ ਕਰਦੀ ਹੈ ਕਿ ਸੰਤਾਂ ਨੇ ਆਪਣੀ ਜਿੰਦਗੀ ਦੇ ਹਰ ਸਵਾਸ ਨੂੰ ਮਨੁੱਖਤਾ ਤੇ ਇਨਸਾਨੀ ਕਦਰਾ-ਕੀਮਤਾ ਨੂੰ ਕਾਇਮ ਰੱਖਣ ਲਈ ਲਗਾਇਆ । ਜਦੋਂਕਿ 25 ਅਗਸਤ ਤੋਂ ਬਾਅਦ ਬਲਾਤਕਾਰੀ ਕਾਤਲ ਸਾਧ ਦੇ ਪ੍ਰੇਮੀਆਂ ਨੇ ਕੁਆਟਲਾਂ ਦੇ ਰੂਪ ਵਿਚ ਆਪਣੇ ਲਾਕਟ ਅਤੇ ਫੋਟੋਆਂ ਲਾਹਕੇ ਸੁੱਟ ਦਿੱਤੇ ਹਨ ਅਤੇ ਉਸਦਾ ਨਾਮ ਲੈਣ ਤੋਂ ਵੀ ਗੁਰੇਜ਼ ਕਰਦੇ ਹਨ ।

ਫਿਰ ਨਈਅਰ ਨੇ ਸ਼ਰਾਰਤੀ ਤੇ ਕੱਟੜਵਾਦੀ ਸੋਚ ਅਧੀਨ ਇਕ ਬਲਾਤਕਾਰੀ ਕਾਤਲ ਤੇ ਪਾਖੰਡੀ ਸਾਧ ਨਾਲ ਸੰਤਾਂ ਦੀ ਸਖਸ਼ੀਅਤ ਦੀ ਤੁਲਨਾ ਕਰਨ ਦੀ ਮੰਦਭਾਵਨਾ ਸਪੱਸਟ ਨਜ਼ਰ ਆਉਦੀ ਹੈ । ਪਰ ਅਜਿਹੇ ਲੇਖਕ ਜਾਂ ਹੁਕਮਰਾਨ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੀ ਸਖਸ਼ੀਅਤ ਵਿਚੋਂ ਮਨੁੱਖਤਾ ਲਈ ਨਿਕਲਣ ਵਾਲੀ ਰੋਸਨੀ ਨੂੰ ਕਤਈ ਵਿਚ ਹਨ੍ਹੇਰੇ ਵਿਚ ਬਦਲਣ ਵਿਚ ਕਾਮਯਾਬ ਨਹੀਂ ਹੋ ਸਕਣਗੇ ਅਤੇ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੀ ਸਖਸ਼ੀਅਤ ਦਾ ਸਤਿਕਾਰ ਸਿੱਖ ਕੌਮ ਅਤੇ ਇਨਸਾਨੀ ਕਦਰਾ-ਕੀਮਤਾ ਵਿਚ ਵਿਸ਼ਵਾਸ ਰੱਖਣ ਵਾਲੇ ਲੋਕਾਂ ਵਿਚ ਰਹਿੰਦੀ ਦੁਨੀਆ ਤੱਕ ਬਣਿਆ ਰਹੇਗਾ ।

12 ਸਤੰਬਰ ਨੂੰ ਸਾਰਾਗੜੀ ਦੀ ਜੰਗ ਦੀ 120ਵੀਂ ਬਰਸੀ ਹੈ……ਸਾਰਾਗੜੀ ਦੀ ਜੰਗ ਸਿੱਖ ਫ਼ੌਜੀਆਂ ਦੀ ਲਾਸਾਨੀ ਬਹਾਦਰੀ ਦਾ ਨਮੂਨਾ

ਸਾਰਾਗੜੀ ਗੁਰਦੁਆਰਾ ਫੀਰੋਜਪੁਰ

ਸਾਰਾਗੜੀ ਦੀ ਲੜਾਈ ਵਿਚ ਸਿੱਖ ਫ਼ੌਜੀਆਂ ਦੀ ਬਹਾਦਰੀ ਦੇ ਕਾਰਨਾਮਿਆਂ ਨੇ ਇੱਕ ਨਵਾਂ ਇਤਿਹਾਸ ਰਚ ਦਿੱਤਾ। ਘੱਟ ਗਿਣਤੀ ਵਿਚ ਹੋਣ ਦੇ ਬਾਵਜੂਦ, ਜਿਸ ਦਲੇਰੀ ਅਤੇ ਬਹਾਦਰੀ ਨਾਲ ਸਿੱਖ ਫ਼ੌਜੀਆਂ ਨੇ ਅਫ਼ਗਾਨੀ ਕਬਾਇਲੀਆਂ ਦੇ ਦੰਦ ਖੱਟੇ ਕੀਤੇ ਉਸ ਨਾਲ ਸਿੱਖਾਂ ਦੀ ਆਭਾ ਵਿਚ ਵਾਧਾ ਹੀ ਨਹੀਂ ਹੋਇਆ ਸਗੋਂ ਅੰਗਰੇਜ਼ ਜਰਨੈਲਾਂ ਨੂੰ ਸਿੱਖਾਂ ਦੀ ਬਹਾਦਰੀ ਦੀ ਈਨ ਮੰਨਣ ਲਈ ਮਜ਼ਬੂਰ ਹੋਣਾ ਪਿਆ। ਪੰਜਾਬ ਦੇ ਜੰਮਿਆਂ ਨੂੰ ਨਿੱਤ ਮੁਹਿੰਮਾਂ ਦੀ ਅਖਾਣ ਸੱਚੀ ਸਾਬਤ ਹੋਈ ਕਿਉਂਕਿ ਅੰਗਰੇਜ਼ ਸਿੱਖ ਫ਼ੌਜਾਂ ਨੂੰ ਹਮੇਸ਼ਾ ਸਭ ਤੋਂ ਔਖੀ ਅਤੇ ਖ਼ਤਰਨਾਕ ਚੌਕੀ ਉਪਰ ਭੇਜਦੇ ਰਹੇ ਅਤੇ ਸਿੱਖ ਫ਼ੌਜੀ ਹਮੇਸਾ ਸਫਲਤਾ ਪ੍ਰਾਪਤ ਕਰਦੇ ਰਹੇ। ਸਿੱਖ ਕੌਮ ਦਾ ਸਿਰ ਮਾਣ ਨਾਲ ਉਦੋਂ ਉਚਾ ਹੋਰ ਹੋ ਗਿਆ ਜਦੋਂ ਯੂਨੈਸਕੋ ਨੇ ਪਿਛਲੇ 2500 ਸਾਲਾਂ ਵਿਚ ਲੜੀਆਂ ਗਈਆਂ ਲੜਾਈਆਂ ਵਿਚੋਂ 6 ਮਹੱਤਵਪੂਰਣ ਲੜਾਈਆਂ ਦੀ ਸੂਚੀ ਵਿਚ ਸਾਰਾਗੜ•ੀ ਦੀ ਲੜਾਈ ਨੂੰ ਸ਼ਾਮਲ ਕੀਤਾ ਗਿਆ। ਸਿੱਖ ਧਰਮ ਦੇ ਅਨੁਆਈਆਂ ਵਿਚ ਇੱਕ ਗੁਣ ਹੈ ਕਿ ਉਹ ਜਿਸ ਵੀ ਅਦਾਰੇ ਵਿਚ ਨੌਕਰੀ ਕਰਦੇ ਹਨ, ਹਮੇਸ਼ਾ ਉਸ ਅਦਾਰੇ ਦੇ ਵਫ਼ਦਾਰ ਰਹਿੰਦੇ ਹਨ, ਭਾਵੇਂ ਉਨ•ਾਂ ਨੂੰ ਆਪਣੀ ਜਾਨ ਦੀ ਵੀ ਆਹੂਤੀ ਦੇਣੀ ਪਵੇ।

ਸਾਰਾਗੜੀ ਦੀ ਲੜਾਈ ਵਿਚ ਵੀ ਉਨ•ਾਂ ਉਸੇ ਵਫ਼ਦਾਰੀ ਦਾ ਸਬੂਤ ਦਿੱਤਾ ਸੀ। ਇਸ ਸਾਲ ਸਾਰਾਗੜ•ੀ ਦੀ ਜੰਗ ਦੀ 120ਵੀਂ ਬਰਸੀ ਮਨਾਈ ਜਾ ਰਹੀ ਹੈ। ਸਿੱਖ ਧਰਮ ਦੁਨੀਆਂ ਦਾ ਸਰਵੋਤਮ ਅਤੇ ਆਧੁਨਿਕ ਧਰਮ ਹੈ, ਜਿਹੜਾ ਪਰਜਾਤੰਤਰਿਕ ਪ੍ਰਣਾਲੀ, ਇਨਸਾਫ, ਬਰਾਬਰਤਾ, ਸਰਬੱਤ ਦਾ ਭਲਾ, ਜਬਰ ਅਤੇ ਜ਼ੁਲਮ ਵਿਰੁਧ ਅਵਾਜ਼ ਬੁਲੰਦ ਕਰਨ ਵਾਲਾ ਅਤੇ ਕਲਿਆਣਕਾਰੀ ਰਾਜ ਪ੍ਰਬੰਧ ਦੇਣ ਦੀ ਵਕਾਲਤ ਕਰਦਾ ਹੈ। ਸਿੱਖ ਕੌਮ ਸੰਸਾਰ ਵਿਚ ਮਾਰਸ਼ਲ ਕੌਮ ਦੇ ਤੌਰ ਤੇ ਜਾਣੀ ਜਾਂਦੀ ਹੈ। ਜਦੋਂ ਤੋਂ ਗੁਰੂ ਨਾਨਕ ਦੇਵ ਜੀ ਨੇ ਮਾਨਵਤਾ ਦਾ ਸੰਦੇਸ਼ ਦਿੱਤਾ ਅਤੇ ਬਾਬਰ ਦੇ ਜ਼ੁਲਮ ਦੀ ਦਾਸਤਾਨ ਦਾ ਪ੍ਰਗਟਾਵਾ ਗੁਰਬਾਣੀ ਰਾਹੀਂ ਕੀਤਾ ਅਤੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਨੇ ਹੱਕ ਤੇ ਸੱਚ ਤੇ ਪਹਿਰਾ ਦਿੰਦਿਆਂ ਜ਼ੁਲਮ ਦਾ ਮੁਕਾਬਲਾ ਕਰਨ ਲਈ ਤਲਵਾਰ ਚੁੱਕਣ ਲਈ ਸਿੱਖ ਕੌਮ ਨੂੰ ਵੰਗਾਰਿਆ ਤੇ ਕਿਹਾ ਕਿ ਸਵਾ ਲੱਖ ਨਾਲ ਇੱਕੋ ਖਾਲਸਾ ਲੜਾਵਾਂਗਾ ਤਦ ਤੋਂ ਹੀ ਸਿੱਖ ਕੌਮ ਮਾਰਸ਼ਲ ਕੌਮ ਵਿਚ ਬਦਲ ਗਈ। ਸਿੱਖ ਕੌਮ ਵਿਚ ਭਾਵੇਂ ਗਦਾਰ ਵੀ ਪੈਦਾ ਹੋਏ ਪ੍ਰੰਤੂ ਬਹੁਤੇ ਸਿੱਖ ਆਪਣੀ ਜ਼ਿੰਮੇਵਾਰੀ, ਕੌਮ ਅਤੇ ਫ਼ਰਜਾਂ ਪ੍ਰਤੀ ਹਮੇਸ਼ਾ ਵਫ਼ਾਦਾਰ ਰਹੇ। ਮਹਾਰਾਜਾ ਰਣਜੀਤ ਸਿੰਘ ਦੇ ਰਾਜ ਤੋਂ ਬਾਅਦ ਪੰਜਾਬ ਵਿਚ ਅੰਗਰੇਜ਼ਾਂ ਦਾ ਰਾਜ ਹੋ ਗਿਆ ਤਾਂ ਜਿਹੜੇ ਸਿੱਖ ਅੰਗਰੇਜ਼ਾਂ ਦੀ ਫ਼ੌਜ ਵਿਚ ਨੌਕਰੀ ਕਰਦੇ ਸਨ, ਉਨ•ਾਂ ਨੇ ਬਹਾਦਰੀ ਨਾਲ ਸਰਹੱਦਾਂ ਉਪਰ ਦੁਸ਼ਮਣਾ ਦਾ ਮੁਕਾਬਲਾ ਕਰਦਿਆਂ ਸ਼ਹੀਦੀਆਂ ਪ੍ਰਾਪਤ ਕੀਤੀਆਂ ਪ੍ਰੰਤੂ ਕਦੀਂ ਵੀ ਪਿੱਠ ਨਹੀਂ ਵਿਖਾਈ।

ਸਿੱਖ ਕੌਮ ਦੀ ਤਰਾਸਦੀ ਇਹੋ ਰਹੀ ਕਿ ਅੰਗਰੇਜ਼ਾਂ ਨੇ ਉਨ•ਾਂ ਦੀ ਕਾਬਲੀਅਤ, ਦਲੇਰੀ, ਹਿੰਮਤ ਅਤੇ ਦ੍ਰਿੜ•ਤਾ ਦਾ ਆਪਣੇ ਲਾਭ ਆਪਣੇ ਹਿੱਤਾਂ ਦੀ ਪੂਰਤੀ ਲਈ ਕੀਤਾ। ਸਿੱਖ ਪਹਿਲੇ ਅਤੇ ਦੂਜੇ ਸੰਸਾਰ ਜੰਗ ਵਿਚ ਵੀ ਅੰਗਰੇਜ਼ਾਂ ਵੱਲੋਂ ਲੜਦੇ ਰਹੇ। ਹਾਲਾਂ ਕਿ ਉਨ•ਾਂ ਨੂੰ ਆਪਣੇ ਘਰਾਂ ਤੋਂ ਹਜ਼ਾਰਾਂ ਮੀਲ ਦੂਰ ਜਾ ਕੇ ਅਣਸੁਖਾਵੇਂ ਹਾਲਾਤਾਂ ਦਾ ਵੀ ਸਾਹਮਣਾ ਕਰਨਾ ਪਿਆ। ਸਿੱਖਾਂ ਵਿਚ ਇਹ ਬਹਾਦਰੀ ਸ੍ਰੀ ਗੁਰੂ ਗੋਬਿੰਦ ਸਿੰਘ ਵੱਲੋਂ ਖਾਲਸਾ ਪੰਥ ਦੀ ਸਿਰਜਣਾ ਕਰਨ ਤੋਂ ਹੀ ਪੈਦਾ ਹੋਈ। ਬਾਬਾ ਬੰਦਾ ਸਿੰਘ ਬਹਾਦਰ ਨੇ ਸਿੱਖਾਂ ਨੂੰ ਲਾਮਬੰਦ ਕਰਕੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਦੀ ਦਿੱਤੀ ਸ਼ਕਤੀ ਨਾਲ ਦੁਸ਼ਮਣਾ ਦੇ ਦੰਦ ਖੱਟੇ ਕਰਕੇ ਸਰਹੰਦ ਦੀ ਇੱਟ ਨਾਲ ਇੱਟ ਖੜਕਾ ਦਿੱਤੀ ਅਤੇ ਖਾਲਸਾ ਰਾਜ ਦੀ ਸਥਾਪਨਾ ਕੀਤੀ।

ਸਾਰਾਗੜੀ ਦਾ ਕਿਲ•ਾ ਪਿਸ਼ਾਵਰ ਅਤੇ ਅਫ਼ਗਾਨਿਸਤਾਨ ਦੇ ਦਰਮਿਆਨ ਹੈ। ਏਥੇ ਹੀ ਅੰਗਰੇਜ਼ਾਂ ਨੇ ਇਕ ਪਹਾੜੀ ਉਪਰ ਚੌਕੀ ਬਣਾਈ ਹੋਈ ਸੀ, ਜਿਹੜੀ ਲੋਕਹਾਰਟ ਅਤੇ ਗੁਲਿਸਤਾਂ ਦੇ ਕਿਲਿਆਂ ਤੋਂ ਥੋੜ•ੀ ਦੂਰ ਸੀ। ਉਸ ਚੌਕੀ ਵਿਚ 36ਵੀਂ ਸਿੱਖ ਬਟਾਲੀਅਨ ਦੇ 21 ਸਿੱਖ ਫ਼ੌਜੀ ਤਾਇਨਾਤ ਸਨ। ਇਸ ਬਟਾਲੀਅਨ ਵਿਚ ਸਾਬਤ ਸੂਰਤ ਕੇਸਸਧਾਰੀ ਸਿੱਖ ਹੀ ਭਰਤੀ ਕੀਤੇ ਜਾਂਦੇ ਸਨ। 12 ਸਤੰਬਰ 1897 ਨੂੰ ਅਚਾਨਕ 12, 000 ਅਫ਼ਗਾਨੀ ਕਬਾਇਲੀਆਂ ਨੇ ਸਾਰਾਗੜ•ੀ ਦੀ ਚੌਕੀ ਉਪਰ ਹਮਲਾ ਕਰ ਦਿੱਤਾ। ਚੌਕੀ ਦੇ ਮੁੱਖ ਦਰਵਾਜੇ ਉਪਰ ਉਸ ਸਮੇਂ ਲਾਭ ਸਿੰਘ ਅਤੇ ਭਗਵਾਨ ਸਿੰਘ ਤਾਇਨਾਤ ਸਨ। ਜਦੋਂ ਇਨਾਂ ਜਾਂਬਾਜ਼ ਫ਼ੌਜੀਆਂ ਨੇ ਮੁੱਖ ਦਰਵਾਜੇ ਰਾਹੀਂ ਗੜ•ੀ ਵਿਚ ਦਾਖ਼ਲ ਹੋਣ ਨਾ ਦਿੱਤਾ ਤਾਂ ਕਬਾਇਲੀ ਅਫਗਾਨਾ ਨੇ ਗੜ•ੀ ਦੀ ਦੀਵਾਰ ਤੋੜਨ ਦੀ ਕੋਸ਼ਿਸ਼ ਕੀਤੀ ਜਿਸਨੂੰ ਵੀ ਅਸਫਲ ਬਣਾ ਦਿੱਤਾ।

ਕਬਾਇਲੀਆਂ ਨੂੰ ਸ਼ੱਕ ਹੋ ਗਿਆ ਕਿ ਇਸ ਗੜੀ ਵਿਚ ਵਧੇਰੇ ਫ਼ੌਜਾਂ ਹਨ। ਇਸ ਗੜ•ੀ ਤੇ ਕਬਜ਼ਾ ਕਰਕੇ ਅਫਗਾਨੀ ਗੁਲਿਸਤਾਂ ਅਤੇ ਲੋਕ ਹਾਰਟ ਦੇ ਕਿਲਿਆਂ ਉਪਰ ਕਬਜ਼ਾ ਕਰਨਾ ਚਾਹੁੰਦੇ ਸਨ। ਲੋਕਹਾਰਟ ਕਿਲੇ ਵਿਚੋਂ ਹੋਰ ਫ਼ੌਜ ਮੰਗਵਾਉਣ ਲਈ ਸੰਦੇਸ਼ ਪਹੁੰਚਾਉਣਾ ਬਹੁਤ ਮੁਸ਼ਕਲ ਸੀ। ਸਿੱਖ ਰਜਮੈਂਟ ਦੇ 21 ਸਿੱਖ ਫ਼ੌਜੀਆਂ ਦੀ ਟੁਕੜੀ ਦੀ ਅਗਵਾਈ ਹਵਾਲਦਾਰ ਈਸ਼ਰ ਸਿੰਘ ਕਰ ਰਿਹਾ ਸੀ। ਅਖ਼ੀਰ ਉਨ•ਾਂ ਫ਼ੈਸਲਾ ਕੀਤਾ ਕਿ ਇਕੱਲਾ-ਇਕੱਲਾ ਫ਼ੌਜੀ ਜਵਾਨ ਚੌਕੀ ਤੋਂ ਬਾਹਰ ਜਾ ਕੇ ਦੁਸ਼ਮਣਾਂ ਨਾਲ ਲੋਹਾ ਲਵੇਗਾ ਤਾਂ ਜੋ ਲੜਾਈ ਲੰਮੇ ਸਮੇਂ ਤੱਕ ਲੜੀ ਜਾ ਸਕੇ ਅਤੇ ਦੁਸ਼ਮਣ ਸਾਰਾਗੜ•ੀ ਉਪਰ ਕਬਜ਼ਾ ਨਾ ਕਰ ਸਕਣ ਅਤੇ ਇਤਨੀ ਦੇਰ ਨੂੰ ਪਿਛਿਓਂ ਹੋਰ ਫ਼ੌਜ ਦੀ ਟੁਕੜੀ ਪਹੁੰਚ ਸਕੇ।  ਬੋਲੇ ਸੌ ਨਿਹਾਲ ਸਤਿ ਸ੍ਰੀ ਅਕਾਲ ਦੇ ਜੈਕਾਰੇ ਲਾ ਕੇ ਸਿੱਖ ਫ਼ੌਜੀ ਮੁਕਾਬਲਾ ਕਰਦੇ ਰਹੇ। ਦੁਸ਼ਮਣਾ ਦੇ ਛੱਕੇ ਛੁਡਾ ਦਿੱਤੇ। ਇਕੱਲਾ ਫ਼ੌਜੀ ਜਦੋਂ ਕਬਾਇਲੀਆਂ ਤੇ ਟੁੱਟ ਕੇ ਪੈ ਜਾਂਦਾ ਤਾਂ ਉਨ•ਾਂ ਵਿਚ ਇੱਕ ਵਾਰ ਤਾਂ ਘਬਰਾਹਟ ਪੈਦਾ ਹੋ ਜਾਂਦੀ ਤੇ ਕਈ ਵਾਰ ਉਨ•ਾਂ ਨੂੰ ਪਿੱਛੇ ਹੱਟਣਾ ਪੈਂਦਾ ਸੀ। ਇਸ ਲੜਾਈ ਵਿਚ 1400 ਕਬਾਇਲੀਆਂ ਦਾ ਜਾਨੀ ਨੁਕਸਾਨ ਹੋਇਆ, ਜਿਸ ਕਰਕੇ ਅਫਗਾਨੀਆਂ ਵਿਚ ਹੜਕੰਪ ਮੱਚ ਗਿਆ। ਪ੍ਰੰਤੂ 21 ਸਿੱਖ ਫ਼ੌਜੀਆਂ ਨੇ ਸਵੇਰ ਤੋਂ ਸ਼ਾਮ ਤੱਕ ਅਫ਼ਗਾਨੀ ਕਬਾਇਲੀਆਂ ਨੂੰ ਅੱਗੇ ਵੱਧਣ ਤੋਂ ਰੋਕੀ ਰੱਖਿਆ। ਜਦੋਂ ਅਸਲਾ ਖ਼ਤਮ ਹੋ ਗਿਆ ਤਾਂ ਤਲਵਾਰਾਂ ਨਾਲ ਲੜਾਈ ਸ਼ੁਰੂ ਕਰ ਦਿੱਤੀ ਗਈ ਜਿਸ ਕਰਕੇ ਕਬਾਇਲੀ ਅੱਗੇ ਵੱਧਣੋ ਰੁਕ ਗਏ। ਸਭ ਤੋਂ ਅਖ਼ੀਰ ਵਿਚ ਮੈਦਾਨੇ ਜੰਗ ਵਿਚ ਹਵਾਲਦਾਰ ਈਸ਼ਰ ਸਿੰਘ ਉਤਰਿਆ ਜਿਸਨੇ ਦੁਸ਼ਮਣਾ ਦੇ ਆਹੂ ਲਾਹ ਸੁੱਟੇ ਅਤੇ ਸ਼ਹੀਦੀ ਪ੍ਰਾਪਤ ਕਰ ਗਿਆ। ਐਨੀ ਘੱਟ ਗਿਣਤੀ ਵਿਚ ਹੋਣ ਦੇ ਬਾਵਜੂਦ ਵੀ ਸਿੱਖ ਫ਼ੌਜੀਆਂ ਨੇ ਆਤਮ ਸਮਰਪਣ ਕਰਨ ਦੀ ਥਾਂ ਸ਼ਹੀਦੀ ਪ੍ਰਾਪਤ ਕਰਨ ਨੂੰ ਠੀਕ ਸਮਝਿਆ।

ਜਦੋਂ ਸਿੱਖ ਫ਼ੌਜੀਆਂ ਦੀ ਬਹਾਦਰੀ ਦੀ ਖ਼ਬਰ ਇੰਗਲੈਂਡ ਪਹੁੰਚੀ ਤਾਂ ਉਸ ਸਮੇਂ ਦੇ ਇੰਗਲੈਂਡ ਦੇ ਪ੍ਰਧਾਨ ਮੰਤਰੀ ਨੇ ਬਰਤਾਨੀਆਂ ਦੀ ਸੰਸਦ ਵਿਚ ਜਦੋਂ ਇਨ•ਾਂ ਸਿੱਖ ਫ਼ੌਜੀਆਂ ਦੀ ਬਹਾਦਰੀ ਦੀ ਜਾਣਕਾਰੀ ਦਿੱਤੀ ਤਾਂ ਮੈਂਬਰਾਂ ਨੇ ਖੜ•ੇ ਹੋ ਕੇ ਸਾਰਾਗੜ•ੀ ਦੇ ਸ਼ਹੀਦਾਂ ਦੇ ਸਤਿਕਾਰ ਵਜੋਂ ਸਟੈਂਡਿੰਗ ਓਬੇਸ਼ਨ ਦਿੱਤੀ। ਇਨ•ਾਂ ਸਾਰੇ ਸਿੱਖ ਫ਼ੌਜੀਆਂ ਨੂੰ ਮਰਨ ਉਪਰੰਤ ਉਸ ਸਮੇਂ ਦਾ ਸਭ ਤੋਂ ਵੱਡਾ ਅਵਾਰਡ ”ਇੰਡੀਅਨ ਆਰਡਰ ਆਫ਼ ਮੈਰਿਟ” ਪ੍ਰਦਾਨ ਕੀਤਾ ਗਿਆ। ਉਦੋਂ ਅਜੇ ਵਿਕਟੋਰੀਆ ਕਰਾਸ ਸ਼ੁਰੂ ਨਹੀਂ ਸੀ ਹੋਇਆ। ਇਹ ਅਵਾਰਡ ਵਿਕਟੋਰੀਆ ਕਰਾਸ ਅਤੇ ਭਾਰਤੀ ਅਵਾਰਡ ਪਰਮਵੀਰ ਚਕਰ ਦੇ ਬਰਾਬਰ ਹੈ। ਇਤਿਹਾਸ ਵਿਚ ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਇੱਕ ਚੌਕੀ ਦੇ ਸਾਰੇ ਦੇ ਸਾਰੇ 21 ਫ਼ੌਜੀਆਂ ਨੂੰ ਅਜਿਹਾ ਅਵਾਰਡ ਦਿੱਤਾ ਗਿਆ ਹੋਵੇ। ਇਹ ਸਾਰੇ ਫ਼ੌਜੀ ਫਿਰੋਜਪੁਰ ਜਿਲ•ੇ ਦੇ ਸਨ। ਬੜੇ ਅਫਸੋਸ ਨਾਲ ਲਿਖਣਾ ਪੈ ਰਿਹਾ ਹੈ ਕਿ ਸਿੱਖਾਂ ਨੇ ਆਪਣੀ ਅਮੀਰ ਵਿਰਾਸਤ ਉਪਰ ਪੂਰੀ ਤਰ•ਾਂ ਪਹਿਰਾ ਨਹੀਂ ਦਿੱਤਾ ਅਤੇ ਨਾ ਹੀ ਸਿੱਖਾਂ ਨੂੰ ਇਨ•ਾਂ ਕੁਰਬਾਨੀਆਂ ਦੀ ਜਾਣਕਾਰੀ ਲੋਕਾਂ ਤੱਕ ਪਹੁੰਚਾਉਣ ਦਾ ਉਪਰਾਲਾ ਕੀਤਾ ਹੈ। ਯੂਰਪ ਵਿਚ ਸਾਰੇ ਸਕੂਲਾਂ ਵਿਚ ਸਾਰਾਗੜ•ੀ ਦੇ ਸਿੱਖ ਫ਼ੌਜੀਆਂ ਦੀ ਕੁਰਬਾਨੀ ਨੂੰ ਸਲੇਬਸ ਵਿਚ ਸ਼ਾਮਲ ਕਰਕੇ ਸਕੂਲਾਂ ਵਿਚ ਪੜ•ਾਇਆ ਜਾਂਦਾ ਹੈ। ਹੁਣ ਤੱਕ ਜਿਤਨੀਆਂ ਵੀ ਲੜਾਈਆਂ ਵਿਚ ਸਿੱਖ ਫ਼ੌਜੀਆਂ ਦੀ ਸ਼ਮੂਲੀਅਤ ਹੋਈ ਹੈ, ਉਨ•ਾਂ ਵਿਚ ਸਭ ਤੋਂ ਵੱਧ ਸ਼ਹੀਦੀਆਂ ਪਾ ਕੇ ਸ਼ਲਾਘਾਯੋਗ ਯੋਗਦਾਨ ਸਿੱਖਾਂ ਦਾ ਰਿਹਾ ਹੈ। ਸਿੱਖ ਸਿਰਫ ਆਪਣੇ ਸ਼ਹੀਦਾਂ ਦੀ ਯਾਦ ਵਿਚ ਗੁਰਦੁਆਰੇ ਹੀ ਉਸਾਰਦੇ ਰਹੇ ਹਨ ਪ੍ਰੰਤੂ ਕੋਈ ਅਜਿਹੀ ਯਾਦਗਾਰ ਨਹੀਂ ਬਣਾਉਂਦੇ ਜਿਸ ਤੋਂ ਸਾਡੀ ਆਉਣ ਵਾਲੀ ਨੌਜਵਾਨੀ ਪ੍ਰੇਰਨਾ ਲੈ ਕੇ ਆਪਣੀ ਵਿਰਾਸਤ ਤੇ ਮਾਣ ਕਰ ਸਕੇ ਅਤੇ ਨਾ ਹੀ ਇਨ•ਾਂ ਦੀਆਂ ਕੁਰਬਾਨੀਆਂ ਨੂੰ ਸਕੂਲਾਂ ਵਿਚ ਪੜ•ਾਇਆ ਜਾਂਦਾ ਹੈ।

ਗਿਆਨੀ ਜ਼ੈਲ ਸਿੰਘ ਨੇ ਫਿਰੋਜਪੁਰ ਵਿਚ ਪਹਿਲੀ ਵਿਸ਼ਵ ਜੰਗ ਸੰਬੰਧੀ ”ਐਂਗਲੋ ਸਿੱਖ ਮਿਊਜ਼ੀਅਮ” ਬਣਵਾਇਆ ਸੀ, ਉਹ ਵੀ ਅਣਵੇਖੀ ਦਾ ਸ਼ਿਕਾਰ ਹੈ। ਕੈਪਟਨ ਅਮਰਿੰਦਰ ਸਿੰਘ ਤੋਂ ਉਮੀਦ ਕੀਤੀ ਜਾਂਦੀ ਹੈ ਕਿ ਸਕੂਲਾਂ ਦੇ ਸਲੇਬਸ ਵਿਚ ਇਹ ਲੜਾਈ ਦੀ ਪੜ•ਾਈ ਕਰਵਾਉਣਗੇ। ਜਦੋਂ ਅੰਗਰੇਜ਼ਾਂ ਨੇ ਇਨਾਂ ਬਹਾਦਰ ਫ਼ੌਜੀਆਂ ਦੀ ਯਾਦਗਾਰ ਬਣਾਉਣ ਦਾ ਫੈਸਲਾ ਕੀਤਾ ਤਾਂ ਸਿੱਖਾਂ ਨੇ ਗੁਰਦੁਆਰਾ ਬਣਾਉਣ ਦੀ ਸਲਾਹ ਦਿੱਤੀ। ਜਿਸ ਕਰਕੇ ਫਿਰੋਜਪੁਰ ਅਤੇ ਅੰਮ੍ਰਿਤਸਰ ਵਿਖੇ ਦੋ ਗੁਰਦੁਆਰੇ ਉਸਾਰੇ ਗਏ। ਚਾਹੀਦਾ ਤਾਂ ਇਹ ਹੈ ਕਿ ਆਧੁਨਿਕ ਤਕਨੀਕ ਵਾਲੇ ਅਜਾਇਬ ਘਰ ਬਣਾਏ ਜਾਂਦੇ ਜਿਨ•ਾਂ ਵਿਚ ਇਨ•ਾਂ ਸ਼ਹੀਦਾਂ ਦੀਆਂ ਤਸਵੀਰਾਂ ਅਤੇ ਬਹਾਦਰੀ ਦੀਆਂ ਕਹਾਣੀਆਂ ਇਲੈਕਟਰਾਨਿਕ ਪ੍ਰਣਾਲੀ ਰਾਹੀਂ ਦਰਸਾਈਆਂ ਜਾਣ। ਹੁਣ ਜ਼ਮਾਨਾ ਤਕਨਾਲੋਜੀ ਦਾ ਹੈ। ਹੁਣ ਤੱਕ ਦੋ ਦਰਜਨ ਯਾਦਗਾਰਾਂ ਪੰਜਾਬ ਵਿਚ ਬਣਾਈਆਂ ਗਈਆਂ ਹਨ ਜਿਹੜੀਆਂ ਸਰਕਾਰਾਂ ਦੀ ਅਣਵੇਖੀ ਕਰਕੇ ਗਰਦਸ਼ ਵਿਚ ਹਨ। ਸਿਰਫ ਇੱਕ ਯਾਦਗਾਰ ਵਿਰਾਸਤ-ਏ-ਖਾਲਸਾ ਦੀ ਵੇਖ ਭਾਲ ਸਰਕਾਰ ਸੁਚੱਜੇ ਢੰਗ ਨਾਲ ਕਰ ਰਹੀ ਹੈ। ਸਰਕਾਰਾਂ ਉਹ ਕੰਮ ਕਰਦੀਆਂ ਹਨ ਜਿਨ•ਾਂ ਨਾਲ ਵੋਟਾਂ ਵਟੋਰੀਆਂ ਜਾ ਸਕਣ। ਬਾਬਾ ਬੰਦਾ ਬਹਾਦਰ ਅਤੇ ਛੋਟੇ ਤੇ ਵੱਡੇ ਘਲੂਘਾਰੇ ਦੀਆਂ ਯਾਦਗਾਰਾਂ ਬਣਾਉਣਾ ਵੀ ਚੰਗੀ ਗੱਲ ਹੈ ਪ੍ਰੰਤੂ ਇਹ ਆਧੁਨਿਕ ਤਕਨੀਕ ਨਾਲ ਨਹੀਂ ਬਣਾਈਆਂ ਗਈਆਂ। ਜੇਕਰ ਇਤਿਹਾਸ ਉਪਰ ਨਜ਼ਰ ਮਾਰੀਏ ਤਾਂ ਸਿੱਖਾਂ ਦੀਆਂ ਕੁਰਬਾਨੀਆਂ ਨਾਲ ਭਰਿਆ ਪਿਆ ਹੈ ਪ੍ਰੰਤੂ ਸਿੱਖ ਇਤਿਹਾਸਕਾਰ ਇਸ ਪ੍ਰਤੀ ਅਵੇਸਲੇ ਹਨ। ਇਹ ਖ਼ੁਸ਼ੀ ਦੀ ਗੱਲ ਹੈ ਕਿ ਅੰਗਰੇਜ਼ ਇਤਿਹਾਸਕਾਰਾਂ ਨੇ ਸਿੱਖਾਂ ਦੇ ਯੋਗਦਾਨ ਦੀ ਪ੍ਰਸੰਸਾ ਕੀਤੀ ਹੈ।

ਸ਼ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਸਿੱਖ ਸੰਸਥਾਵਾਂ ਅਤੇ ਪੰਜਾਬ ਦੀਆਂ ਸਰਕਾਰਾਂ ਨੂੰ ਚਾਹੀਦਾ ਹੈ ਕਿ ਸਿੱਖਾਂ ਦੀਆਂ ਕੁਰਬਾਨੀਆਂ ਤੋਂ ਨੌਜਵਾਨ ਪੀੜ•ੀ ਨੂੰ ਜਾਗਰਤ ਕੀਤਾ ਜਾਵੇ ਕਿਉਂਕਿ ਪੰਜਾਬ ਵਿਚ ਬਹੁਤੇ ਪੰਜਾਬੀਆਂ ਅਤੇ ਖਾਸ ਤੌਰ ਤੇ ਸਿੱਖਾਂ ਨੂੰ ਸਾਰਾਗੜ•ੀ ਦੀ ਜੰਗ ਵਿਚ ਸਿੱਖਾਂ ਦੀ ਬਹਾਦਰੀ ਬਾਰੇ ਜਾਣਕਾਰੀ ਹੀ ਨਹੀਂ ਹੈ। ਹੁਣ ਪਰਵਾਸ ਵਿਚ ਇਟਲੀ, ਇੰਗਲੈਂਡ ਅਤੇ ਕੈਨੇਡਾ ਵਿਚ ਉਥੋਂ ਦੀਆਂ ਸਰਕਾਰਾਂ ਨੇ ਸਿੱਖ ਫ਼ੌਜੀਆਂ ਦੇ ਯੋਗਦਾਨ ਨੂੰ ਮੁੱਖ ਰਖਦਿਆਂ ਯਾਦਗਾਰਾਂ ਉਸਾਰੀਆਂ ਹਨ ਜੋ ਕਿ ਸਿੱਖ ਜਗਤ ਲਈ ਸ਼ੁਭ ਸੰਕੇਤ ਹਨ। ਸਾਡੀਆਂ ਸਰਕਾਰਾਂ ਅਤੇ ਸਿੱਖ ਜਗਤ ਕਿਉਂ ਇਸ ਪਾਸੇ ਧਿਆਨ ਨਹੀਂ ਦੇ ਰਿਹਾ ਇਹ ਸਮਝ ਤੋਂ ਬਾਹਰ ਹੈ? ਪੰਜਾਬ ਵਿਚ ਇਕ ਕਿਸਮ ਨਾਲ ਸਿੱਖ ਰਾਜ ਹੀ ਰਿਹਾ ਹੈ।  ਫੀਰੋਜਪੁਰ ਵਿਖੇ ਸਾਰਾਗੜ•ੀ ਯਾਦਗਾਰ ਟਰੱਸਟ ਡਿਪਟੀ ਕਮਿਸ਼ਨਰ ਦੀ ਅਗਵਾਈ ਵਿਚ ਬਣੀ ਹੋਈ ਹੈ ਜਿਥੇ ਹਰ ਸਾਲ 12 ਸਤੰਬਰ ਨੂੰ ਸਾਬਕਾ ਫ਼ੌਜੀ ਇਕੱਤਰ ਹੋ ਕੇ ਆਪਣੇ ਸ਼ਹੀਦਾਂ ਨੂੰ ਯਾਦ ਕਰਦੇ ਹਨ। ਇਥੇ ਸਿੱਖ ਰੈਜਮੈਂਟ ਵੱਲੋਂ ਇਸ ਦਿਵਸ ਨੂੰ ” ਰੈਜੀਮੈਂਟਲ ਬੈਟਲ ਆਨਰਜ਼ ਡੇ” ਦੇ ਤੌਰ ਤੇ ਮਨਾਇਆ ਜਾਂਦਾ ਹੈ।  ਇਸ ਵਾਰ ਫਿਰੋਜਪੁਰ ਅਤੇ ਅੰਮ੍ਰਿਤਸਰ ਵਿਖੇ ਸਾਰਾਗੜ•ੀ ਦੇ ਸ਼ਹੀਦਾਂ ਦੀ ਯਾਦਗਾਰ ਦੇ ਸਮਾਗਮਾਂ ਵਿਚ ਇੰਗਲੈਂਡ ਅਤੇ ਫਰਾਂਸ ਤੋਂ ਰਾਇਲ ਆਰਮੀ ਦੇ 14 ਅਧਿਕਾਰੀ ਡੁਨਕੈਨ ਕੈਂਪਸ ਦੀ ਅਗਵਾਈ ਵਿਚ ਹਿੱਸਾ ਲੈ ਰਹੇ ਹਨ। ਪੰਜਾਬ ਅਤੇ ਲੰਦਨ ਵਿਚ ਸਾਰਾਗੜੀ ਫਾਊਂਡੇਸ਼ਨ ਬਣੀ ਹੋਈ ਹੈ ਜਿਸਦੇ 5 ਸਰਪਰਸਤ ਹਨ ਜਿਨ•ਾਂ ਵਿਚੋਂ 3 ਸਰਪਰਸਤ ਪੰਜਾਬੀ ਸਿੱਖ ਹਨ ਅਤੇ 2 ਅੰਗਰੇਜ਼ ਹਨ।

ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਲੰਦਨ ਵਾਲੀ ਫਾਊਂਡੇਸ਼ਨ ਦੇ ਸਰਪਰਸਤ ਹਨ ਜਿਹੜੇ 1965 ਦੀ ਭਾਰਤ ਪਾਕਿ ਜੰਗ ਦੌਰਾਨ ਸਿੱਖ ਰਜਮੈਂਟ ਵਿਚ ਸੇਵਾ ਕਰ ਰਹੇ ਸਨ। ਇਸ ਸਾਲ ਉਨ•ਾਂ ਨੇ ਇੰਗਲੈਂਡ ਦੀਆਂ ਸੰਸਥਾਵਾਂ ਦੇ ਸਹਿਯੋਗ ਨਾਲ 3 ਦਿਨਾ ਦੇ ਸਾਰਾਗੜ•ੀ ਯਾਦਗਾਰੀ ਸਮਾਗਮ ਰੱਖੇ ਹਨ। ਇਨ•ਾਂ ਤਿੰਨਾਂ ਸਮਾਗਮਾ ਵਿਚ ਕੈਪਟਨ ਅਮਰਿੰਦਰ ਸਿੰਘ ਹਿੱਸਾ ਲੈਣਗੇ ਅਤੇ 12 ਸਤੰਬਰ ਨੂੰ ਲੰਦਨ ਵਿਖੇ ਉਨ•ਾਂ ਵਲੋਂ ਸਾਰਾਗੜੀ ਦੀ ਜੰਗ ਬਾਰੇ ਅੰਗਰੇਜ਼ੀ ਵਿਚ ਲਿਖੀ ਪੁਸਤਕ”ਦੀ 36 ਸਿੱਖਸ ਇਨ ਦਾ ਤਿਹਰਾ ਕੰਪੇਨ 1897-98 ਸਾਰਾਗੜ•ੀ ਐਂਡ ਦੀ ਡਿਫੈਂਸ ਆਫ ਦਾ ਸਮਾਨਾ ਫੋਰਟਸ” ਜਾਰੀ ਕੀਤੀ ਜਾਵੇਗੀ। 9 ਸਤੰਬਰ ਨੂੰ  ਇੱਕ ਪੋਲੋ ਮੈਚ ‘ ਰੁਆਇਲ ਸਾਰਾਗੜ•ੀ ਚੈਲੰਜ ਕੱਪ-2017’ ਖੇਡਿਆ ਗਿਆ ਅਤੇ 10 ਸਤੰਬਰ ਨੂੰ ਸਾਰਾਗੜ•ੀ ਦੇ ਫ਼ੌਜੀਆਂ ਦੀ ਯਾਦਗਾਰ ਤੇ ਸਮਾਗਮ ਕਰਕੇ ਸ਼ਰਧਾਂਜਲੀ ਭੇਂਟ ਕੀਤੀ ਹੈ। ਇਹ ਕਦਮ ਚੁੱਕਣਾ ਸਿੱਖ ਫ਼ੌਜੀਆਂ ਨੂੰ ਸੱਚੀ ਸ਼ਰਧਾਂਜਲੀ ਹੋਵੇਗੀ ਅਤੇ ਸੰਸਾਰ ਵਿਚ ਸਿੱਖ ਫ਼ੌਜੀਆਂ ਦੀ ਬਹਾਦਰੀ ਦੇ ਸੋਹਲੇ ਗਾਏ ਜਾਣਗੇ। ਕੈਪਟਨ ਅਮਰਿੰਦਰ ਸਿੰਘ ਵਧਾਈ ਦੇ ਪਾਤਰ ਹਨ। ਪੰਜਾਬ ਸਰਕਾਰ ਨੇ 12 ਸਤੰਬਰ ਦੀ ਛੁੱਟੀ ਕਰਨ ਦਾ ਜੋ ਫੈਸਲਾ ਕੀਤਾ ਹੈ, ਉਹ ਵੀ ਸ਼ਲਾਘਾਯੋਗ ਹੈ।

ਉਜਾਗਰ ਸਿੰਘ
ਸਾਬਕਾ ਜਿਲ•ਾ ਲੋਕ ਸੰਪਰਕ ਅਧਿਕਾਰੀ
ਮੋਬਾਈਲ-94178 13072
ujagarsingh੪੮0yahoo.com

ਅਸੀਂ ਸਿੱਖ ਵਸੋਂ ਵਾਲੇ ਇਲਾਕਿਆ ਵਿਚ ਬਿਲਕੁਲ ਜੰਗ ਨਹੀਂ ਚਾਹੁੰਦੇ, ਇਸ ਦੇ ਸਥਾਈ ਹੱਲ ਲਈ ਯੂ.ਐਨ.ਓ. ਫੌਰੀ ਦਖਲ ਦੇਵੇ : ਸਿਮਰਨਜੀਤ ਸਿੰਘ ਮਾਨ, ਹਰਪਾਲ ਸਿੰਘ ਚੀਮਾਂ

ਫ਼ਤਹਿਗੜ੍ਹ ਸਾਹਿਬ, 7 ਸਤੰਬਰ ( ਪਿੰਡ ਡੀ ਬਿਊਰੇ ) “ਸਿੱਖ ਕੌਮ ਦਾ ਮੁਸਲਿਮ-ਪਾਕਿਸਤਾਨ ਅਤੇ ਕਾਉਮਨਿਸਟ ਚੀਨ ਆਦਿ ਮੁਲਕਾਂ ਨਾਲ ਅਤੇ ਕਿਸੇ ਵੀ ਕੌਮ, ਧਰਮ ਨਾਲ ਵੈਰ-ਵਿਰੋਧ ਨਹੀਂ । ਪਰ 1947 ਵਿਚ ਹਿੰਦੂ ਅਤੇ ਮੁਸਲਿਮ ਆਗੂਆਂ ਨੇ ਸਿੱਖ ਕੌਮ ਨਾਲ ਵੱਡਾ ਧੋਖਾ ਕਰਕੇ ਆਪੋ-ਆਪਣੇ ਮੁਲਕ ਤਾਂ ਬਣਾ ਲਏ ਅਤੇ ਜੋ ਤੀਜੀ ਮੁੱਖ ਧਿਰ ਸਿੱਖ ਕੌਮ ਸੀ, ਉਸਦੀ ਨਸ਼ਲੀ ਸਫ਼ਾਈ ਕਰ ਦਿੱਤੀ ਗਈ । ਜੋ ਸਿੱਖ ਕੌਮ ਦਾ ਅੱਜ ਤੱਕ ਨੁਕਸਾਨ ਹੋਇਆ ਹੈ, ਉਸ ਸਮੇਂ ਦੇ ਹਿੰਦੂ ਅਤੇ ਮੁਸਲਿਮ ਆਗੂਆਂ ਦੀ ਮੰਦਭਾਵਨਾ ਭਰੀ ਸੋਚ ਦੀ ਬਦੌਲਤ ਹੋਇਆ ਹੈ, ਜਿਸ ਲਈ ਹਿੰਦੂ ਅਤੇ ਮੁਸਲਿਮ ਆਗੂ ਜਿੰਮੇਵਾਰ ਹਨ । ਇਸ ਲਈ ਹੁਣ ਅਸੀਂ ਸਿੱਖ ਵਸੋਂ ਵਾਲੇ ਇਲਾਕਿਆ ਪੰਜਾਬ, ਹਰਿਆਣਾ, ਹਿਮਾਚਲ, ਚੰਡੀਗੜ੍ਹ, ਰਾਜਸਥਾਨ, ਜੰਮੂ-ਕਸ਼ਮੀਰ, ਲੇਹ-ਲਦਾਖ, ਗੁਜਰਾਤ ਦੇ ਕੱਛ ਨੂੰ ਮੈਦਾਨ-ਏ-ਜੰਗ ਨਹੀਂ ਬਣਨ ਦੇਵਾਂਗੇ ਅਤੇ ਨਾ ਹੀ ਅਸੀਂ ਇਸ ਸਿੱਖ ਵਸੋਂ ਵਾਲੇ ਇਲਾਕੇ ਵਿਚ ਕਿਸੇ ਤਰ੍ਹਾਂ ਦੀ ਜੰਗ-ਯੁੱਧ ਚਾਹੁੰਦੇ ਹਾਂ। ਜੇਕਰ ਮੁਤੱਸਵੀ ਹਿੰਦੂ ਹੁਕਮਰਾਨਾਂ ਨੇ ਮੰਦਭਾਵਨਾ ਅਧੀਨ ਸਾਡੇ ਉਤੇ ਜ਼ਬਰੀ ਜੰਗ ਠੋਸੀ ਤਾਂ ਸਮੁੱਚੇ ਪੰਜਾਬੀ ਅਤੇ ਸਿੱਖ ਕੌਮ ਇਸ ਜੰਗ ਵਿਚ ਕਤਈ ਹਿੱਸਾ ਨਹੀਂ ਲੈਣਗੇ । ਅਸੀਂ ਸਿੱਖ ਵਸੋਂ ਵਾਲੇ ਇਲਾਕਿਆ ਪੰਜਾਬ, ਹਰਿਆਣਾ, ਹਿਮਾਚਲ, ਚੰਡੀਗੜ੍ਹ, ਰਾਜਸਥਾਨ, ਜੰਮੂ-ਕਸ਼ਮੀਰ, ਲੇਹ-ਲਦਾਖ, ਗੁਜਰਾਤ ਦੇ ਕੱਛ ਇਲਾਕੇ ਨੂੰ ਜੰਗ ਤੋਂ ਦੂਰ ਰੱਖਣ ਲਈ ਯੂ.ਐਨ.ਓ, ਅਮਨੈਸਟੀ ਇੰਟਰਨੈਸ਼ਨਲ ਅਤੇ ਏਸੀਆ ਵਾਂਚ ਹਿਊਮਨਰਾਈਟਸ ਆਦਿ ਕੌਮਾਂਤਰੀ ਪੱਧਰ ਦੀਆਂ ਮਨੁੱਖੀ ਅਧਿਕਾਰਾਂ ਲਈ ਕੰਮ ਕਰਨ ਵਾਲੀਆ ਜਥੇਬੰਦੀਆਂ ਨੂੰ ਜੋਰਦਾਰ ਅਪੀਲ ਕਰਦੇ ਹਾਂ ਕਿ ਉਹ ਹਿੰਦੂ ਹੁਕਮਰਾਨਾਂ ਵੱਲੋਂ ਜੰਗ ਠੋਸਣ ਦੀ ਮੰਦਭਾਵਨਾ ਭਰੀ ਸੋਚ ਦਾ ਅੰਤ ਕਰਨ ਲਈ ਇਹ ਉਪਰੋਕਤ ਕੌਮਾਂਤਰੀ ਸੰਗਠਨ ਫ਼ੌਰੀ ਦਖ਼ਲ ਦੇਣ ਤਾਂ ਕਿ ਸਿੱਖ ਵਸੋਂ ਵਾਲੇ ਇਲਾਕੇ ਨੂੰ ਸਦਾ ਲਈ ਜੰਗਾਂ-ਯੁੱਧਾਂ ਤੋਂ ਦੂਰ ਰੱਖਣ ਦਾ ਸਥਾਈ ਤੌਰ ਤੇ ਕੌਮਾਂਤਰੀ ਪੱਧਰ ਦਾ ਪ੍ਰਬੰਧ ਹੋ ਸਕੇ।”

ਇਹ ਵਿਚਾਰ ਅੱਜ ਇਥੇ ਦਲ ਖ਼ਾਲਸਾ ਦੇ ਕੌਮੀ ਪ੍ਰਧਾਨ ਸ. ਹਰਪਾਲ ਸਿੰਘ ਚੀਮਾਂ ਅਤੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਪ੍ਰਧਾਨ ਸ. ਸਿਮਰਨਜੀਤ ਸਿੰਘ ਮਾਨ ਦੀ ਸ. ਮਾਨ ਦੇ ਗ੍ਰਹਿ ਕਿਲ੍ਹਾ ਸ. ਹਰਨਾਮ ਸਿੰਘ ਵਿਖੇ ਵਰਲਡ ਸਿੱਖ ਪਾਰਲੀਮੈਂਟ ਨੂੰ ਕਾਇਮ ਕਰਨ ਸੰਬੰਧੀ ਆਪਸੀ ਵਿਚਾਰ-ਵਟਾਂਦਰਾ ਕਰਦੇ ਹੋਏ ਅਤੇ ਤਖ਼ਤਾਂ ਦੇ ਜਥੇਦਾਰ ਸਾਹਿਬਾਨ ਨਾਲ ਇਸ ਵਿਸ਼ੇ ਤੇ ਆਉਣ ਵਾਲੇ ਸਮੇਂ ਵਿਚ ਵਿਚਾਰ ਕਰਨ ਸੰਬੰਧੀ ਹੋਈ ਇਕ ਮੀਟਿੰਗ ਵਿਚ ਦੋਵਾਂ ਆਗੂਆਂ ਦੇ ਖਿਆਲਾਤਾ ਦੇ ਤਬਾਦਲੇ ਦੌਰਾਨ ਉਭਰਕੇ ਸਾਹਮਣੇ ਆਏ । ਦੋਵਾਂ ਆਗੂਆਂ ਨੇ ਇਸ ਗੱਲ ਤੇ ਸਹਿਮਤੀ ਕੀਤੀ ਕਿ ਵਰਲਡ ਸਿੱਖ ਪਾਰਲੀਮੈਂਟ ਬਣਾਉਣ ਸੰਬੰਧੀ ਆਪੋ-ਆਪਣੀ ਪਾਰਟੀਆਂ ਦੇ ਸੀਨੀਅਰ ਆਗੂਆਂ ਨਾਲ ਵਿਚਾਰ-ਵਟਾਂਦਰਾ ਕਰਨ ਉਪਰੰਤ ਇਹ ਦੋਵੇ ਉਪਰੋਕਤ ਆਗੂ ਆਉਣ ਵਾਲੇ ਸਮੇਂ ਵਿਚ ਜਲਦੀ ਹੀ ਇਕ ਮੀਟਿੰਗ ਹੋਰ ਕਰਨਗੇ, ਜਿਸ ਵਿਚ ਆਗੂਆਂ ਦੇ ਆਏ ਵਿਚਾਰਾਂ ਤੋਂ ਇਕ-ਦੂਸਰੇ ਨੂੰ ਜਾਣੂ ਕਰਵਾਉਦੇ ਹੋਏ ਵਰਲਡ ਸਿੱਖ ਪਾਰਲੀਮੈਂਟ ਬਣਾਉਣ ਲਈ ਅਗਲੀ ਰਣਨੀਤੀ ਤਹਿ ਕੀਤੀ ਜਾਵੇਗੀ । ਅੱਜ ਦੀ ਇਸ ਮੀਟਿੰਗ ਦੇ ਫੈਸਲਿਆ ਦੀ ਜਾਣਕਾਰੀ ਪ੍ਰੈਸ ਨੂੰ ਰੀਲੀਜ ਕਰਦੇ ਹੋਏ ਇਕ ਸਾਂਝੇ ਪ੍ਰੈਸ ਬਿਆਨ ਵਿਚ ਦਿੱਤੀ ਗਈ । ਜਿਸ ਵਿਚ ਉਪਰੋਕਤ ਦੋਵਾਂ ਆਗੂਆਂ ਦੇ ਦਸਤਖ਼ਤ ਹਨ।

ਹਰਪਾਲ ਸਿੰਘ ਚੀਮਾਂ, ਸਿਮਰਨਜੀਤ ਸਿੰਘ ਮਾਨ,
ਪ੍ਰਧਾਨ, ਪ੍ਰਧਾਨ,
ਦਲ ਖ਼ਾਲਸਾ। ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ)।

ਅਕਿਰਤਘਣ ਹਿੰਦੂ ਕੁਲਦੀਪ ਨਈਅਰ, ਸੰਤ ਭਿੰਡਰਾਵਾਲਿਆਂ ਲਈ ਅੱਤਵਾਦੀ ਅਤੇ ‘‘ਭਸਮਾਸੁਰ’’ ਵਾਰ-ਵਾਰ ਲਿਖਦਾ ਹੈ….ਜਸਪਾਲ ਸਿੰਘ ਹੇਰਾਂ

ਪੰਜਾਬੀ ਹਿੰਦੂ ਦੀ ਸਿੱਖੀ ਪ੍ਰਤੀ ਨਫ਼ਰਤ ਇਨਾਂ ਦੇ ਬੁੱਧੀਜੀਵੀ ਵਰਗ ਦੀ ਕਲਮਾਂ ’ਚ ਅਕਸਰ ਅੱਗ ਉਗਲਦੀ ਹੈ। ਉੱਪਰੋਂ ਪੰਜਾਬੀ ਪ੍ਰਤੀ ਵੱਡੇ ਹਮਦਰਦ ਦਾ ਵਿਖਾਵਾ ਕਰਨਾ ਅਤੇ ਅੰਦਰੋਂ ਸਿੱਖਾਂ ਪ੍ਰਤੀ ਜ਼ਹਿਰ ਉੱਗਲਣੀ, ਇਨਾਂ ਪੰਜਾਬੀ ਹਿੰਦੂਆਂ ਦਾ ਘਿਣਾਉਣਾ ਕਿਰਦਾਰ ਹੈ। ਕੁਲਦੀਪ ਨਈਅਰ ਜਿਹੜਾ ਨਾਮੀ ਪੱਤਰਕਾਰ ਹੈ, ਉਸਦੇ ਬਨਾਉਟੀ ਪੰਜਾਬ ਪ੍ਰੇਮ ਨੇ ਉਸਨੇ ਕਈ ਪੰਜਾਬੀਆਂ ਨੂੰ ਗੁੰਮਰਾਹ ਵੀ ਕੀਤਾ ਹੋਇਆ ਹੈ। ਪ੍ਰੰਤੂ ਸਮੇਂ-ਸਮੇਂ ਇਸ ‘‘ਪੰਜਾਬੀ ਪੁੱਤਰ’’ ਦੀ ਕਲਮ ਸਿੱਖਾਂ ਪ੍ਰਤੀ ਅਤੇ ਖ਼ਾਸ ਕਰਕੇ ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਵਾਲਿਆਂ ਪ੍ਰਤੀ ਨਫ਼ਰਤ ਪੈਦਾ ਕਰਦੀ ਰਹੀ ਹੈ ਅਤੇ ਅੱਜ ਤੱਕ ਕਰ ਰਹੀ ਹੈ। 6 ਸਤੰਬਰ ਦੇ ‘ਜੱਗ ਬਾਣੀ’ ਅਖ਼ਬਾਰ ਦੇ ਐਡੀਟੋਰੀਅਲ ਪੰਨੇ ’ਤੇ ਕੁਲਦੀਪ ਨਈਅਰ ਦਾ ਲੇਖ ‘‘ਲੋਕਾਂ ਦੀਆਂ ਵੋਟਾਂ ਨਾਲ ਚੱਲਣ ਵਾਲੀ ਵਿਵਸਥਾ ’ਚ ਬਾਬਿਆਂ ਦੀ ਕੋਈ ਜਗਾ ਨਹੀਂ’’ ਛਪਿਆ ਹੈ। ਇਸ ਲੇਖ ’ਚ ਕੁਲਦੀਪ ਨਈਅਰ ਨੇ ਬਲਾਤਕਾਰੀ ਸੌਦਾ ਸਾਧ ਦੀ ਤੁਲਨਾ ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਵਾਲਿਆਂ ਨਾਲ ਕਰਦਿਆਂ ਸੰਤ ਭਿੰਡਰਾਵਾਲਿਆਂ ਨੂੰ ‘‘ਭਸਮਾਸੁਰ’’ ਤੱਕ ਲਿਖ ਦਿੱਤਾ ਹੈ। ਫ਼ਿਰਕੂ ਨਫ਼ਰਤ ’ਚ ਅੰਨਾਂ ਇਹ ਵੱਡਾ ਲੇਖਕ ਸੰਤ ਭਿੰਡਰਾਵਾਲਿਆਂ ਦੀ ਤੁਲਨਾ ਸੌਦਾ ਸਾਧ ਨਾਲ ਇਹ ਆਖ਼ ਕੇ ਕਰਦਾ ਹੈ ਕਿ ਜਿਵੇਂ ਸੌਦਾ ਸਾਧ ਨੂੰ ਹਰਿਆਣੇ ਦੀਆਂ ਸਾਰੀਆਂ ਸਿਆਸੀ ਪਾਰਟੀਆਂ ਨੇ ਪੈਦਾ ਕੀਤਾ, ਉਸੇ ਤਰਾਂ ਭਿੰਡਰਾਂਵਾਲੇ ਨੂੰ ਕਾਂਗਰਸ ਨੇ ਪੈਦਾ ਕੀਤਾ।

ਉਹ ਸੰਤ ਭਿੰਡਰਾਵਾਲਿਆਂ ਲਈ ਅੱਤਵਾਦੀ ਸ਼ਬਦ ਵੀ ਵਾਰ-ਵਾਰ ਲਿਖਦਾ ਹੈ। ਇਹ ਫ਼ਿਰਕੂ ਜਾਨੂੰਨੀ ਹਿੰਦੂਤਵੀ ਲੇਖ਼ਕ ਜਿਹੜੇ ਆਪਣੇ-ਆਪ ਨੂੰ ਦੁਨੀਆਂ ਦੇ ਸਭ ਤੋਂ ਸਿਆਣੇ ਲੇਖ਼ਕ ਸਮਝਦੇ ਹਨ, ਜੇ ਉਨਾਂ ਨੂੰ ਐਨੀ ਵੀ ਸਮਝ ਨਹੀਂ ਕਿ ਕਿਸੇ ਧਾਰਮਿਕ ਆਗੂ ਦੀ ਤੁਲਨਾ ਕਿਸੇ ਬਲਾਤਕਾਰੀ, ਕਾਤਲ ਜਾਂ ਲੁਟੇਰੇ ਨਾਲ ਨਹੀਂ ਕੀਤੀ ਜਾ ਸਕਦੀ। ਫ਼ਿਰ ਉਨਾਂ ਦੀ ਬੁੱਧੀ ’ਤੇ ਸਿਰਫ਼ ਤਰਸ ਹੀ ਕੀਤਾ ਜਾ ਸਕਦਾ ਹੈ। ਸੌਦਾ ਸਾਧ ਨੇ ਜੋ ਕੁਝ ਕੀਤਾ ਆਪਣੇ ਸੁਆਰਥ ਲਈ, ਆਪਣੇ ਸਰੀਰਕ ਸੁੱਖਾਂ ਲਈ ਅਤੇ ਆਪਣੀ ਅੰਨੀਆਂ ਹੋਈਆਂ ਵਾਸ਼ਨਾਵਾਂ ਦੀ ਪੂਰਤੀ ਲਈ ਕੀਤਾ। ਉਸਨੇ ਪਾਪ ਕੀਤਾ, ਗੁਨਾਹ ਕੀਤਾ, ਜਿਸਦੀ ਅਦਾਲਤ ਨੇ ਉਸਨੂੰ ਸਜ਼ਾ ਦੇ ਦਿੱਤੀ ਹੈ ਅਤੇ ਜਿਹੜੇ ਪਾਪਾਂ ਦੇ ਮਾਮਲੇ ਹਾਲੇ ਅਦਾਲਤਾਂ ’ਚ ਹਨ, ਉਨਾਂ ਦੀ ਸਜ਼ਾ ਵੀ ਉਸਨੂੰ ਮਿਲ ਜਾਵੇਗੀ। ਸੰਤ ਭਿੰਡਰਾਵਾਲਿਆਂ ਨੇ ਜੋ ਕੁਝ ਕੀਤਾ ਕੌਮ ਲਈ ਕੀਤਾ। ਕੌਮ ਦੇ ਗਲੋਂ ਗ਼ੁਲਾਮੀ ਦੀਆਂ ਜੰਜ਼ੀਰਾਂ ਲਾਹੁਣ ਲਈ ਕੀਤਾ। ਉਨਾਂ ਨੇ ਪਹਿਲਾਂ ਇਸ ਦੇਸ਼ ਦੀ ਸਰਕਾਰ ਨੂੰ ਉਸਦਾ ਘੱਟ ਗਿਣਤੀਆਂ ਵਿਰੋਧੀ ਦੋਹਰਾ ਚਿਹਰਾ ਉਸਨੂੰ ਨੰਗਾ ਕਰਕੇ ਵਿਖਾਇਆ। ਸਿੱਖਾਂ ਨਾਲ ਹੁੰਦੇ ਵਿਤਕਰੇ, ਬੇਇਨਸਾਫ਼ੀਆਂ, ਧੱਕੇ ਤੇ ਜ਼ੋਰ-ਜਬਰ ਦਾ ਸੱਚ ਦੁਨੀਆਂ ਸਾਹਮਣੇ ਨੰਗਾ ਕੀਤਾ। ਜਦੋਂ ਸਰਕਾਰ ਅੰਨੀ-ਬੋਲੀ ਬਣੀ ਰਹੀ ਫ਼ਿਰ ਉਨਾਂ ਦੇ ਸਮਰਥਕਾਂ ਨੇ ਇਸ ਸਰਕਾਰ ਦੇ ਬੋਲੇ ਕੰਨਾਂ ਤੱਕ ਅਵਾਜ਼ ਪਹੁੰਚਾਉਣ ਲਈ ਏ.ਕੇ.47 ਦੀ ਅਵਾਜ਼ ਦੀ ਮਦਦ ਲਈ। ਇੱਕ ਪਾਸੇ ਸੌਦਾ ਸਾਧ ਜਿਹੜੇ ਭੋਲੇ-ਭਾਲੇ ਲੋਕਾਂ ਦੀ ਅੰਨੀ ਸ਼ਰਧਾ ਦਾ ਲਾਹਾ ਲੈ ਕੇ ਉਨਾਂ ਦਾ ਆਰਥਿਕ, ਸਰੀਰਕ ਤੇ ਮਾਨਸਿਕ ਸ਼ੋਸ਼ਣ ਰੱਜ ਕੇ ਕਰਦਾ ਰਿਹਾ ਤੇ ਖ਼ੁਦ ਦੁਨੀਆਂ ਦੀ ਹਰ ਐਸ਼ ਲੈਂਦਾ ਰਿਹਾ।

ਦੂਜੇ ਪਾਸੇ ਸੰਤ ਭਿੰਡਰਾਂਵਾਲੇ ਜਿਨਾਂ ਨੇ ਦੇਸ਼ ਦੀ ਸਰਕਾਰ ਨੂੰ ਵੰਗਾਰਿਆ, ਕੌਮ ਲਈ ਅਜ਼ਾਦੀ ਪ੍ਰਾਪਤੀ ਦੇ ਮਿਸ਼ਨ ਨੂੰ ਆਪਣਾ ਜੀਵਨ ਮਨੋਰਥ ਬਣਾਇਆ ਤੇ ਸ਼ਹਾਦਤ ਦਿੱਤੀ। ਬਲਾਤਕਾਰੀ ਸਾਧ ਨੂੰ ਜਦੋਂ ਦੁਨਿਆਵੀ ਅਦਾਲਤ ਦੋਸ਼ੀ ਕਰਾਰ ਦਿੰਦੀ ਹੈ ਤਾਂ ਉਸਦਾ ਅਦਾਲਤ ’ਚ ਪਿਸ਼ਾਬ ਨਿੱਕਲ ਜਾਂਦਾ ਹੈ। ਉਹ ਧਾਹਾਂ ਮਾਰ ਕੇ ਰੋਂਦਾ ਕੁਰਲਾਉਂਦਾ ਮਾਫ਼ੀ ਮੰਗਦਾ ਹੈ। ਦੂਜੇ ਪਾਸੇ ਮਰਦ-ਏ-ਮੁਜ਼ਾਹਿਦ ਸੰਤ ਭਿੰਡਰਾਵਾਲੇ ਤਿੰਨ ਦੇਸ਼ਾਂ ਦੀ ਫੌਜ ਨੂੰ 72 ਘੰਟੇ ਲੋਹੇ ਦੇ ਚਨੇ ਚਬਾੳਂੁਦੇ ਹਨ ਅਤੇ ਅਖ਼ੀਰ ਖ਼ੁਦ ਸ਼ਹਾਦਤ ਦੇਣ ਲਈ ਖੁੱਲੇ ਮੈਦਾਨ ’ਚ ਨਿੱਤਰਦੇ ਹਨ। ਉਨਾਂ ਨੂੰ ਕੌਮ ਵੀਹਵੀਂ ਸਦੀ ਦੇ ਮਹਾਨ ਸਿੱਖ ਦਾ ਖ਼ਿਤਾਬ ਦਿੰਦੀ ਹੈ, ਨਈਅਰ ਵਰਗਿਆਂ ਦੀ ਫ਼ਿਰਕੂ ਜਾਨੂੰਨ ’ਚ ਮਾਰੀ ਗਈ ਮੱਤ ’ਤੇ ਤਰਸ ਵੀ ਆਉਂਦਾ ਹੈ, ਗੁੱਸਾ ਵੀ ਆਉਂਦਾ ਹੈ ਅਤੇ ਹਾਸਾ ਵੀ ਆਉਂਦਾ ਹੈ। ਸੰਤ ਭਿੰਡਰਾਵਾਲਿਆਂ ਪ੍ਰਤੀ ਉਨਾਂ ਦੇ ਮਨ ’ਚ ਨਫ਼ਰਤ ਹੈ। ਖੁੱਲ ਕੇ ਭੜਾਸ ਕੱਢਣ, ਦਲੀਲਾਂ ਨਾਲ ਸੰਤਾਂ ਨੂੰ ਗ਼ਲਤ ਠਹਿਰਾਉਣ ਲਈ ਆਪਣੀ ਕਲਮ ਤੇ ਅਕਲ ਦੀ ਵਰਤੋਂ ਕਰਨ, ਪ੍ਰੰਤੂ ਸੰਤ ਭਿੰਡਰਾਂਵਾਲਿਆਂ ਦੀ ਤੁਲਨਾ ਇੱਕ ਬਲਾਤਕਾਰੀ ਸਾਧ ਜਿਹੜਾ 14-14 ਸਾਲ ਦੀ ਮਾਸੂਮ ਬੱਚੀਆਂ ਨੂੰ ਨੰਗਾ ਨਚਾਉਂਦਾ ਰਿਹਾ, ਉਨਾਂ ਨਾਲ ਬਲਾਤਕਾਰ ਕਰਦਾ ਰਿਹਾ। ਉਸ ਸਾਧ ਨਾਲ ਤੁਲਨਾ ਕਰਕੇ ਕਲਮ ਨੂੰ ਕਲੰਕਿਤ ਨਾ ਕਰਨ। ਸ਼ੇਰ ਅਤੇ ਕੁੱਤੇ ਦੀ ਤੁਲਨਾ ਨਹੀਂ ਹੋ ਸਕਦੀ।
ਅਸੀਂ ਕੌਮ ਨੂੰ ਵੀ ਅਪੀਲ ਕਰਾਂਗੇ ਕਿ ਅਜਿਹੇ ਲੋਕ ਜਿਹੜੇ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਦੇ ਹਮਦਰਦ ਦਾ ਮਖੌਟਾ ਪਾ ਕੇ ਸਿੱਖਾਂ ਦੇ ਅੱਲੇ ਜਖ਼ਮਾਂ ’ਤੇ ਲੂਣ ਛਿੜਕਦੇ ਹਨ। ਇਨਾਂ ਨੂੰ ਕਰਾਰਾ ਜਵਾਬ ਦਿੱਤਾ ਜਾਵੇ। ਅਸੀਂ ਦਲੀਲ ਨਾਲ ਹਰ ਸੁਆਲ ਦਾ ਜਵਾਬ ਦੇਣ ਲਈ ਤਿਆਰ ਹਾਂ। ਪ੍ਰੰਤੂ ਜੇ ਸਾਡੇ ਸਵੈੈਮਾਣ ਨੂੰ ਵੰਗਾਰਿਆ ਜਾਵੇਗਾ, ਫ਼ਿਰ ਦਲੀਲਾਂ ਪਿੱਛੇ ਰਹਿ ਜਾਂਦੀਆਂ ਹਨ। ਜ਼ੁਬਾਨ ’ਚ ਨਿਕਲੇ ਲਫ਼ਜ਼ ਦਾ ਫੱਟ ਹੀ ਨਹੀਂ ਮਿਟਦਾ, ਇਹ ਤਾਂ ਫ਼ਿਰ ਲਿਖ਼ਤ ਹੈ। ਜਿਹੜੀ ਸਦੀਵੀਂ ਰਹਿਣੀ ਹੈ। ਇਸ ਲਈ ਅਜਿਹੀਆਂ ਬੇਹੂਦਾ ਲਿਖ਼ਤਾਂ ਨੂੰ ਸਿੱਖ ਕੌਮ ਕਿਸੇ ਕੀਮਤ ’ਤੇ ਬਰਦਾਸ਼ਤ ਨਹੀਂ ਕਰੇਗੀ। ਇਹ ਨਈਅਰ ਵਰਗੇ ਪਾਖੰਡੀ ਲੇਖਕਾਂ ਨੂੰ ਬਾਖ਼ੂਬੀ ਸਮਝ ਲੈਣਾ ਚਾਹੀਦਾ ਹੈ।

ਸਾਹਾਰਾ ਸੀਨੀਅਰ ਸਰਵਿਸਜ ਨੇ ਕਨੇਡਾ ਦਾ 150 ਜਨਮ ਦਿਵਸ ਮਨਾਇਆ

150 ਸਾਲਾ ਕਨੇਡਾ ਜਨਮ ਦਿਵਸ ਸਾਹਾਰਾ ਸੀਨੀਅਰ ਸਰਵਿਸਜ਼ ਕਲੱਬ ਨੇ ਬਹੁਤ ਹੀ ਧੂਮ ਧਾਮ ਨਾਲ 28 ਸਤੰਬਰ 2017 ਨੂੰ ਮੈਡੋਵੇਲ kimauintI  sYNtr  ਮਿਸਿਸਾਗਾ ਵਿੱਚ ਮਨਾਇਆ।  ਅਸ਼ੋਕ ਭਾਰਤੀ ਹੁਰਾਂ ਨੇ ਆਏ ਮਹਿਮਾਨਾਂ ਦਾ ਸ਼ੁਕਰੀਆ ਅਦਾ ਕੀਤਾ ਅਤੇ ਕਨੇਡਾ ਦੇ ਰਾਸ਼ਟਰੀਆ ਗੀਤ ਨਾਲ ਸ਼ੁਰੂਆਤ ਕੀਤੀ। ਓ ਕਾਨਾਡਾ ਟੀਮ ਮੈਂਬਰ ਸਨੇਹ ਗੁਪਤਾ, ਸੁਮਨ ਸੋਡੀ, ਸੁਰਜੀਤ ਬਿੰਦਰਾ, ਉਰਮਿਲ ਬੇਦੀ ਅਤੇ ਊਸ਼ਾ ਜਾਵਾ ਨੇਂ ਰਾਸ਼ਟਰੀਆ ਗਾਇਨ ਵਿੱਚ ਹਿਸw ਲਿਆ। ਉਰਮਿਲ ਬੇਦੀ ਨੇਂ ਹਿੰਦੀ ਵਿੱਚ ਵੀ ਰਾਸ਼ਟਰੀਆ ਗਾਣw ਸੁਣਾਇਆ। ਮਾਣਯੋਗ ਪ੍ਰਧਾਨ ਨਰਿੰਦਰ ਧੁੱਗਾ ਹੋਰਾਂ ਨੇਂ ਆਏ ਮਹਿਮਾਨਾਂ ਦਾ ਅਤੇ ਦੋ ਸੌ ਤੋਂ ਜ਼ਿਆਦਾ ਪਹੁੰਚੇ ਮੈਂਬਰਾਂ ਦਾ ਸਵਾਗਤ ਕੀਤਾ। ਅਣਗਿਣਤ ਇਸ ਕਲੱਬ ਨੇਂ ਜੋ ਮੱਲਾਂ ਮਾਰੀਆਂ ਹਨ ਸਾਰਿਆਂ ਨੂੰ ਵਾਕਿਫ ਕੁਰਵਾਇਆ।

ਡਾਕਟਰ ਰਮੇਸ਼ ਕੁਮਾਰ ਸੱਬਰਵਾਲ ਨੇ ਕਨੇਡਾ ਦੇ ਇਤਿਹਾਸ ਬਾਰੇ ਜਾਣਕਾਰੀ ਦਿੰਦਿਆਂ ਹੋਇਆਂ ਸੱਭ ਨੂੰ ਸਵਾਲ ਜਵਾਬ ਕੀਤੇ। ਬਹੁਤ ਅਹਿਮ ਅਤੇ ਦਿਲਚਸਪ ਸੀ ਇਹ ਵਿਸ਼ਾ। ਆਏ ਮਹਿਮਾਨ ਬਲਦੇਵ ਮੁੱਤਾ, ਜਗਦੀਪ ਕੈਲੀ, ਰਾਬਰਟ ਹੈਰਿਕ, ਬਰਨਾਰਡ ਜਾਰਡਨ ਅਤੇ ਨੀਨਾ ਵਰਮਾਂ ਹੁਰਾਂ ਨੇਂ ਮੈਂਬਰਸ਼ਿੱਪ ਨੂੰ ਸੰਬੋਦਨ ਕੀਤਾ। ਬਜ਼ੁਰਗਾਂ ਨੂੰ ਆ ਰਹੀਆਂ ਮੁਸ਼ਕਲਾਂ ਤੋਂ ਜਾਣੂੰ ਕੁਰਵਾਇਆ ਅਤੇ ਉਪਾ ਦੱਸੇ।  ਕਹਿੰਦੇ ਨੇ ਜੇ ਖੁਸ਼ੀ ਵੰਡੀਏ ਤਾਂ ਦੋ ਗੁਣਾ ਵਧਦੀ ਹੈ। ਇਸ ਖੁਸ਼ੀ ਵਿੱਚ ਸਾਡਾ ਮਾਣ ਕਰਦੇ ਹੋਏ Rivergrove Seniors Club, Seniors Chinese Club, Fifty Five Plus Cari Can Group, Hindu Heritage, CARP, PEAPN, CASSIS, ਕਲੱਬਾਂ ਨੇ ਸ਼ਿਰਕਤ ਕੀਤੀ।   ਪੈਟ ਸੈਟੋ ਵਾਰਡ ਨੌਂ ਦੇ ਕਾਂਸਲਰ ਨੇਂ ਕਨੇਡਾ 150 ਦਾ ਕੇਕ ਪਰਧਾਨ ਸਾਹਿਬ ਅਤੇ ਬੋਰਡ ਮੈਂਬਰਾਂ ਨਾਲ ਰਲ ਕੇ ਕਟਿੱਆ। ਰycਲ ਫਰੇਜ਼ਰ ਮੈਡੋਵੇਲ ਕੰਮਉਨਟੀ ਸੈਂਟਰ ਦੇ ਮੈਨੇਜਰ ਨੇਂ ਸਹਾਰਾ ਸੀਨੀਅਰਜ਼ ਕਲੱਬ ਦੀ ਬਹੁਤ ਸ਼ਲਾਗਾ ਕੀਤੀ ਅਤੇ ਕਬੂਲ ਕੀਤਾ ਕਿ ਉਹਨਾਂ ਨੂੰ ਮਾਣ ਹੈ ਇਹ ਕਲੱਬ ਬਹੁਤ ਸੁਚੱਜੇ ਢੰਗ ਨਾਲ ਚਲਾਇਆ ਜਾਂਦਾ ਹੈ।

MPP ਹਰਿੰਦਰ ਤੱਖੜ ਹੁਰਾਂ ਨੇ ਵੀ ਆਪਣੀਆਂ ਸ਼ੁਭ ਇਛਾਵਾਂ ਭੇਜੀਆਂ।  ਬਲਵਿੰਦਰ ਕੌਰ, ਮਨਿੰਦਰ ਕਾਲਰਾ, ਮਲਕੀਤ ਕੌਰ, ਰੂਪ ਕਾਹਲੋਂ, suuਮਨ ਸੋਡੀ, ਸੁਰਿੰਦਰ ਧਾਮੀਂ ਅਤੇ ਉਰਮਿਲ ਸੰਦwਵਾਲੀਆ ਨੇ ਗਿੱਧਾ ਪੇਸ਼ ਕਰਕੇ ਸੱਭ ਦਾ ਮਨੋਂਰੰਜਨ ਕੀਤਾ। ਸਾਨੰU ਮਾਣ ਹੈ ਇਸ ਗਰੁੱਪ ਤੇ। ਬਹੁਤ ਹੀ ਸਵਾਦੀ ਭੋਜਨ ਤੋਂ ਬਾਦ ਪਰਧਾਨ ਨਰਿੰਦਰ ਧੁੱਗਾ ਹੁਰਾਂ ਨੇ ਸੱਭ ਦਾ ਆਉਣ ਦਾ ਧੰਨਵਾਦ ਕੀਤਾ। CANADA150 ਇੱਕ ਯਾਦਗਾਰ ਫੰਕਸ਼ਨ ਬਣ ਕੇ ਸਮਾਪਤ ਹੋਇਆ।

ਜਗਮੀਤ ਸਿੰਘ ਅੱਗੇ ਵੱਡਾ ਚੈਲਿੰਜ – 2019 ਚੋਣਾਂ ਵਿੱਚ ਐਨ ਡੀ ਪੀ ਦੀ ਸਰਕਾਰ ਬਣਾਉਣੀ ਜਾਂ ਘੱਟੋ ਘੱਟ 44 ਸੀਟਾਂ ਤੋਂ ਵੱਧ ਸੀਟਾਂ ਲੈਣੀਆਂ

ਸੁਖਮਿੰਦਰ ਸਿੰਘ ਹੰਸਰਾ
SHansra@Hansra.ca

ਅਪਰੈਲ 2016 ਨੂੰ ਅਲਬਰਟਾ ਵਿੱਚ ਹੋਈ ਐਨ ਡੀ ਪੀ ਦੀ ਕੰਨਵੈਂਸ਼ਨ ਦੌਰਾਨ ਪਾਰਟੀ ਲੀਡਰ ਥਾਮਸ ਮੁਲਕੇਅਰ ਨੂੰ ਡੇਲੀਗੇਟਾਂ ਦੀ 50% ਸੁਪੋਰਟ ਨਾ ਮਿਲਣ ਸਦਕਾ ਉਨ੍ਹਾਂ ਨੂੰ ਅਹੁਦੇ ਤੋਂ ਇੱਕ ਸਾਲ ਦਰਮਿਆਨ ਲਾਂਭੇ ਹੋਣਾ ਤਹਿ ਹੋ ਗਿਆ ਸੀ। ਪਾਰਟੀ ਵਿਧਾਨ ਅਨੁਸਾਰ ਅਪਰੈਲ 2017 ਤੱਕ ਨਵਾਂ ਆਗੂ ਚੁਣਿਆ ਜਾਣਾ ਲਾਜ਼ਮੀ ਸੀ ਪਰ ਡੈਲੀਗੇਟਾਂ ਨੇ ਪਾਰਟੀ ਨੂੰ 12 ਦੀ ਬਜਾਏ 24 ਮਹੀਨੇ ਦਾ ਸਮ੍ਹਾਂ ਦੇਣ ਦਾ ਮਤਾ ਪਾਸ ਕਰਕੇ ਪਾਰਟੀ ਨੂੰ ਨਵਾਂ ਆਗੂ ਚੁਣਨ ਲਈ ਅਪਰੈਲ 2018 ਤੱਕ ਸਮ੍ਹਾਂ ਦੇ ਦਿੱਤਾ। ਮਈ 2016 ਵਿੱਚ ਪਾਰਟੀ ਦੇ ਪ੍ਰਬੰਧਕਾਂ ਨੇ ਮਿਲ ਕੇ ਲੀਡਰਸ਼ਿਪ ਚੋਣ ਦੇ ਰੂਲਜ਼ ਅਤੇ ਸਮ੍ਹਾਂ ਨੀਯਤ ਕਰ ਦਿੱਤਾ ਸੀ। ਜਿਸ ਤਹਿਤ ਪਹਿਲੇ ਦੌਰ ਦਾ ਨਤੀਜਾ 1 ਅਕਤੂਬਰ 2017 ਨੂੰ ਨਿਰਧਾਰਤ ਕੀਤਾ ਗਿਆ ਸੀ।
ਅੱਜ ਪਹਿਲੇ ਦੌਰ ਦਾ ਨਤੀਜਾ ਹੈਰਾਨੀਜਨਕ ਨਿਕਲਿਆ। ਨਤੀਜੇ ਅਨੁਸਾਰ ਚੋਣਾਂ ਵਿੱਚ ਕੁੱਲ ਵੋਟਾਂ 65783 ਪਈਆਂ ਜਦਕਿ 1 ਲੱਖ 24 ਹਜ਼ਾਰ ਦੇ ਕਰੀਬ ਵੋਟਾਂ ਬਣੀਆਂ ਸਨ। 101 ਵੋਟਾਂ ਰੱਦ ਹੋ ਗਈਆ। ਪਹਿਲੇ ਦੌਰ ਵਿੱਚ ਚਾਰਲੀ ਇੰਗਸ 12705, ਨਿਕੀ ਐਸਟਨ 11374, ਗਈ ਕਰੋਨ 6164 ਅਤੇ ਜਗਮੀਤ ਸਿੰਘ ਨੇ 35266 ਹਾਸਿਲ ਕੀਤੀਆਂ। ਭਾਵ ਜਗਮੀਤ ਸਿੰਘ ਪਹਿਲੇ ਦੌਰਾ ਵਿੱਚ ਹੀ ਤਿੰਨੇ ਉਮੀਦਵਾਰਾਂ ਤੋਂ ਵੱਧ ਵੋਟਾਂ ਇਕੱਲਾ ਲੈ ਗਿਆ ਜਿਸ ਨਾਲ ਉਹ ਜੇਤੂ ਘੋਸ਼ਿਤ ਕਰ ਦਿੱਤਾ ਗਿਅ।
ਯਾਦ ਰਹੇ 1961 ਦੀ ਲੀਡਰਸ਼ਿਪ ਚੋਣ ਵਿੱਚ ਟੌਮ ਡਲਗਸ ਪਹਿਲੇ ਬੈਲਟ ਪੇਪਰ ਤੇ ਜਿੱਤੇ ਸਨ; ਜਦੋਂ ਕਿ 1973 ਵਿੱਚ ਲੁਅਸ ਡੇਵਿਸ ਨੇ ਪਹਿਲੇ ਬੈਲਟ ਤੇ ਜਿੱਤ ਪ੍ਰਾਪਤ ਕੀਤੀ ਸੀ। 2001 ਵਿੱਚ ਅਲੈਕਸਾ ਮਕਡੋਨਾ ਨੇ ਪਹਿਲੇ ਬੈਲਟ ਤੇ ਜਿੱਤ ਪ੍ਰਾਪਤ ਕੀਤੀ ਸੀ। ਸੰਨ 2003 ਵਿੱਚ ਜੈਕ ਲੇਟਿਨ ਨੇ ਪਹਿਲੇ ਬੈਲਟ ਤੇ ਜਿੱਤ ਪ੍ਰਾਪਤ ਕੀਤੀ ਸੀ। ਹੁਣ 2017 ਵਿੱਚ ਜਗਮੀਤ ਸਿੰਘ ਨੇ 53æ8% ਵੋਟਾਂ ਹਾਸਿਲ ਕਰਕੇ ਆਪਣੇ ਤਿੰਨ ਵਿਰੋਧੀ ਉਮੀਦਵਾਰਾਂ ਨੂੰ ਹਾਰ ਦੇ ਕੇ ਪਹਿਲੇ ਬੈਲਟ ਤੇ ਜਿੱਤ ਪ੍ਰਾਪਤ ਕਰ ਲਈ ਹੈ। ਜਗਮੀਤ ਸਿੰਘ ਨੇ ਜੈਕ ਲੇਟਿਨ ਤੋਂ .3% ਵੱਧ ਵੋਟਾਂ ਹਾਸਿਲ ਕੀਤੀਆਂ ਹਨ।
ਸੰਨ 2019 ਵਿੱਚ ਕੈਨੇਡਾ ਦੀਆਂ ਆਮ ਚੋਣਾਂ ਵਿੱਚ ਜਗਮੀਤ ਸਿੰਘ ਦੀ ਟੱਕਰ ਲਿਬਰਲ ਆਗੂ ਜਸਟਿਨ ਟਰੂਡੋ ਅਤੇ ਕੰਸਰਵੇਟਿਵ ਆਗੂ ਐਂਡਰੀਊ ਸ਼ੀਅਰ ਨਾਲ ਹੋਵੇਗੀ।
ਸਭ ਤੋਂ ਵੱਡਾ ਇਮਤਿਹਾਨ ਕਿਊਬਿਕ ਵਿੱਚ ਹੋਵੇਗਾ ਜਿਥੇ 2011 ਵਿੱਚ ਐਨ ਡੀ ਪੀ ਨੇ 59 ਸੀਟਾਂ ਹਾਸਿਲ ਕੀਤੀਆਂ ਸਨ ਜਦਕਿ 2015 ਵਿੱਚ ਕਿਊਬਿਕ ਤੋਂ ਐਨ ਡੀ ਪੀ ਨੂੰ ਸਿਰਫ 16 ਸੀਟਾਂ ਮਿਲੀਆਂ ਸਨ।
ਜਗਮੀਤ ਸਿੰਘ ਦਾ ਸਭ ਤੋਂ ਵੱਡਾ ਚੈਲਿੰਜ ਪਾਰਟੀ ਦੀਆਂ ਸੀਟਾਂ ਵਿੱਚ ਵਾਧਾ ਕਰਨਾ ਹੋਵੇਗਾ। ਸੰਨ 2011 ਦੀਆਂ ਚੋਣਾਂ ਵਿੱਚ ਐਨ ਡੀ ਪੀ 103 ਸੀਟਾਂ ਹਾਸਿਲ ਕੀਤੀਆਂ ਸਨ ਜਦੀਕ 2015 ਵਿੱਚ ਐਨ ਡੀ ਪੀ ਨੂੰ 44 ਸੀਟਾਂ ਮਿਲੀਆਂ ਸਨ।

ਕੈਨੇਡਾ ਵਿੱਚ ਸਿੱਖ ਕੌਮ ਦਾ ਝੰਡਾ ਬੁਲੰਦ ਕਰਨ ਲਈ ਜਗਮੀਤ ਸਿੰਘ ਅਤੇ ਸਮੁੱਚੀ ਸਿੱਖ ਕੌਮ ਵਧਾਈ ਦੀ ਹੱਕਦਾਰ ਹੈ….ਸਿਮਰਨਜੀਤ ਸਿੰਘ ਮਾਨ

ਜਗਮੀਤ ਸਿੰਘ ਦੇ ਐਨ ਡੀ ਪੀ ਦੇ ਲੀਡਰ ਚੁਣੇ ਜਾਣ ਤੇ ਕੈਨੇਡਾ ਦਾ ਬਹੁਸਭਿਅਕ ਚਿਹਰਾ ਹੋਰ ਨਿਖਰਿਆ….ਸੁਖਮਿੰਦਰ ਸਿੰਘ ਹੰਸਰਾ

ਟਰਾਂਟੋ (ਅਕਤੂਬਰ 1 2017 ) ਅੱਜ ਬਾਅਦ ਦੁਪਹਿਰ 4 ਕੁ ਵਜ੍ਹੇ ਟਰਾਂਟੋ ਡਾਊਨ ਟਾਊਨ ਦੇ ਆਲੀਸ਼ਨ ਹੋਟਲ ਵਿੱਚ ਕਨੇਡੀਅਨ ਸਿੱਖ ਇਤਹਾਸ ਦਾ ਸੁਨਿਹਰੀ ਪੰਨਾ ਲਿਖਿਆ ਗਿਆ ਹੈ। ਇਸ ਮੌਕੇ ਕੈਨੇਡਾ ਦੀ ਲੋਕ ਪੱਖੀ ਸਮਝੀ ਜਾਂਦੀ ਐਨ ਡੀ ਪੀ ਪਾਰਟੀ ਦੇ ਲੀਡਰ ਦੀ ਚੋਣ ਦੇ ਨਤੀਜੇ ਸੁਣਾਏ ਗਏ। ਸ੍ਰ. ਜਗਮੀਤ ਸਿੰਘ ਨੇ ਆਪਣੇ ਤਿੰਨ ਵਿਰੋਧੀ ਉਮੀਦਵਾਰਾਂ ਨੂੰ ਪਹਿਲੇ ਬੈਲਟ ਤੇ ਹੀ ਹਰਾ ਕੇ ਜਿੱਤ ਦੇ ਝੰਡੇ ਬੁਲੰਦ ਕੀਤੇ ਹਨ।

“ਕੈਨੇਡਾ ਵਿੱਚ ਲਿਬਰਲ ਪਾਰਟੀ ਨੇ ਸਿੱਖ ਮੈਂਬਰਾਂ ਨੂੰ ਚੋਟੀ ਦੇ ਮਹਿਕਮੇ ਦੇ ਕੇ ਨਿਵਾਜਿਆ ਹੈ ਜਿਸ ਨਾਲ ਕਨੇਡੀਅਨ ਭਾਈਚਾਰੇ ਵਿੱਚ ਸਿੱਖਾਂ ਦਾ ਅਕਸ ਚਮਕਿਆ ਹੈ ਤੇ ਹੁਣ ਐਨ ਡੀ ਪੀ ਦੀ ਲੀਡਰਸ਼ਿਪ ਇੱਕ ਦੁਮਾਲੇ ਵਾਲੇ ਸਿੰਘ ਦੇ ਜਿੱਤ ਕੇ ਸਿੱਖ ਕੌਮ ਦਾ ਮਾਣ ਵਧਾਇਆ ਹੈ। ਅਸੀਂ ਜਗਮੀਤ ਸਿੰਘ ਹੋਰਾਂ ਦੀ ਜਿੱਤ ਤੇ ਐਨ ਡੀ ਪੀ ਦੇ ਨਵੇਂ ਲੀਡਰ ਜਗਮੀਤ ਸਿੰਘ, ਉਨ੍ਹਾਂ ਦੇ ਪ੍ਰੀਵਾਰ ਅਤੇ ਸਮੁੱਚੇ ਕਨੇਡੀਅਨ ਸਿੱਖ ਭਾਈਚਾਰੇ ਨੂੰ ਵਧਾਈ ਦਿੰਦੇ ਹਾਂ” ਇਹ ਵਿਚਾਰ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਕੌਮੀ ਪ੍ਰਧਾਨ ਸਿਮਰਨਜੀਤ ਸਿੰਘ ਮਾਨ ਨੇ ਦਿੱਤੇ।

ਸ੍ਰæ ਮਾਨ ਨੇ ਕਿਹਾ ਕਿ “ਜਿਥੇ ਸਰਬੱਤ ਦਾ ਭਲਾ ਮੰਗਣ ਵਾਲੀ ਸਿੱਖ ਕੌੰਮ ਦੇ ਵਾਰਿਸ, ਗੁਰੂ ਦੇ ਇਸ ਸਿਧਾਂਤ ਦਾ ਪੱਲਾ ਫੜ ਕੇ ਬਾਹਰਲੇ ਮੁਲਕਾਂ ਵਿੱਚ ਤਰੱਕੀਆਂ ਕਰ ਰਹੇ ਹਨ ਉਥੇ ਪੰਜਾਬ ਦੀ ਸਿੱਖ ਲੀਡਰਸ਼ਿਪ ਭਗਵਾਂਕਰਨ ਦੀ ਬੁੱਕਲ ਵਿੱਚ ਸੁੱਤੀ ਪਈ ਹੈ”। ਸ੍ਰ. ਮਾਨ ਨੇ ਕੈਨੇਡਾ ਦੇ ਸਮੁੱਚੇ ਸਿੱਖ ਭਾਈਚਾਰੇ ਨੂੰ ਚੜਦੀ ਕਲਾ ਵਿੱਚ ਰਹਿ ਕੇ ਮੱਲਾਂ ਮਾਰਨ ਤੇ ਵਧਾਈ ਦਿੱਤੀ ਹੈ।

ਇਸ ਮੌਕੇ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਕੈਨੇਡਾ ਈਸਟ ਦੇ ਪ੍ਰਧਾਨ ਸੁਖਮਿੰਦਰ ਸਿੰਘ ਹੰਸਰਾ ਨੇ ਕਿਹਾ ਕਿ “ਐਨ ਡੀ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿੱਚ ਬਾਕੀ ਉਮੀਦਵਾਰਾਂ ਦੇ ਮੁਕਾਬਲੇ ਜਗਮੀਤ ਸਿੰਘ ਕਾਫੀ ਦੇਰ ਬਾਅਦ ਸ਼ਾਮਲ ਹੋਏ ਸਨ, ਪਰ ਥੋੜੇ ਸਮ੍ਹੇਂ ਅੰਦਰ ਹੀ ਜਗਮੀਤ ਸਿੰਘ ਨੇ ਆਪਣੇ ਵਿਰੋਧੀ ਉਮੀਦਵਾਰਾਂ ਨੂੰ ਅਹਿਸਾਸ ਕਰਵਾ ਦਿੱਤਾ ਸੀ ਕਿ ਉਹ ਹੁਣ ਰੋਕਿਆ ਵੀ ਨਹੀਂ ਰੁਕੇਗਾ। ਕੈਨੇਡਾ ਦੇ ਮੁੱਖਧਾਰਾ ਦਾ ਮੀਡੀਆ ਵੀ ਜਗਮੀਤ ਸਿੰਘ ਦੀ ਹਿੰਮਤ, ਲਿਆਕਤ, ਰਾਜਨੀਤਕ ਸੂਝਬੂਝ ਅਤੇ ਉਸਦੇ ਕਪੜੇ ਪਹਿਨਣ ਦੇ ਸਟਾਇਲ ਤੋਂ ਕਾਇਲ ਸੀ ਅਤੇ ਜਗਮੀਤ ਸਿੰਘ ਨੂੰ ਲਗਾਤਾਰ ਇੱਕ ਪ੍ਰਤੀਬਿੰਬ ਵਾਂਗ ਪ੍ਰਚਾਰਦਾ ਆ ਰਿਹਾ ਸੀ”।

ਹੰਸਰਾ ਨੇ ਅੱਗੇ ਕਿਹਾ ਕਿ “ਜਗਮੀਤ ਸਿੰਘ ਦੇ ਐਨ ਡੀ ਪੀ ਦੇ ਲੀਡਰ ਚੁਣੇ ਜਾਣ ਤੇ ਕੈਨੇਡਾ ਦਾ ਬਹੁਸਭਿਅਕ ਚਿਹਰਾ ਹੋਰ ਨਿਖਰਿਆ ਹੈ” ਸੰਨ 2019 ਵਿੱਚ ਕੈਨੇਡਾ ਦੀਆਂ ਆਮ ਚੋਣਾਂ ਵਿੱਚ ਜਗਮੀਤ ਸਿੰਘ ਦੀ ਟੱਕਰ ਲਿਬਰਲ ਆਗੂ ਜਸਟਿਨ ਟਰੂਡੋ, ਕੰਸਰਵੇਟਿਵ ਆਗੂ ਐਂਡਰੀਊ ਸ਼ੀਅਰ ਨਾਲ ਹੋਵੇਗੀ।

ਇਨਸਾਨੀਅਤ ਦੇ ਮੁਜੱਸਮੇ, ਸਿੱਖ ਦੋਸਤ ਅਫਜ਼ਲ ਅਹਿਸਨ ਰੰਧਾਵਾ ਨੂੰ ਯਾਦ ਕਰਦਿਆਂ

ਜਦੋਂ ਜਦੋਂ ਵੀ ਸਿੱਖ ਰਾਜ ਅੰਗਰੇਜ਼ਾਂ ਦੇ ਪੇਟੇ ਪੈਣ ਦੀ ਦਾਸਤਾਨ ਬਿਆਨ ਹੁੰਦੀ ਹੈ, ਸਿੱਖ ਰਾਜ ਦੇ ਖੈਰ-ਖਵਾਹ, ਪੰਜਾਬੀ ਕਵੀ ਸ਼ਾਹ ਮੁਹੰਮਦ ਦਾ ਜੰਗਨਾਮਾ ‘ਜੰਗ ਹਿੰਦ-ਪੰਜਾਬ’ ਜਿਸ ਨੂੰ ਬਾਅਦ ਵਿੱਚ ‘ਜੰਗ ਸਿੰਘਾਂ-ਫਿਰੰਗੀਆਂ’ ਕਿਹਾ ਜਾਣ ਲੱਗਾ, ਦਾ ਜ਼ਿਕਰ ਜ਼ਰੂਰ ਹੁੰਦਾ ਹੈ। ਇਹ ਜੰਗਨਾਮਾ ਜਿੱਥੇ ਡੋਗਰਾਗਰਦੀ ਦੀ ਬਦੌਲਤ ਅੰਗਰੇਜ਼ਾਂ ਦੀ ਸ਼ਹਿ ‘ਤੇ ਲਾਹੌਰ ਦਰਬਾਰ ਵਿੱਚ ਸ਼ੁਰੂ ਹੋਈ ਘਰੇਲੂ ਖਾਨਾਜੰਗੀ ਦਾ ਦਰੁਸਤ ਜ਼ਿਕਰ ਹੈ, ਉੱਥੇ ਜੰਗ ਦੇ ਮੈਦਾਨ ਵਿੱਚ ਖਾਲਸਾ ਫੌਜਾਂ ਦੀ ਬੇਮਿਸਾਲ ਬਹਾਦਰੀ ਦੇ ਬਾਵਜੂਦ ਗਦਾਰ ਜਰਨੈਲਾਂ ਦੀ ਬਦੌਲਤ ਹੋਈ ਹਾਰ ਨੂੰ ਇੱਕ ਲਾਈਨ ਵਿੱਚ ਹੀ ਬਿਆਨ ਕਰਦਾ ਹੈ –

‘ ਸ਼ਾਹ ਮੁਹੰਮਦਾ ਇੱਕ ਸਰਕਾਰ ਬਾਝੋਂ,
ਫੌਜਾਂ ਜਿੱਤ ਕੇ ਅੰਤ ਨੂੰ ਹਾਰੀਆਂ ਨੇ।’

ਅੰਗਰੇਜ਼ਾਂ ਨੇ ਭਾਵੇਂ ਆਪਣੇ ਜ਼ਰ-ਖਰੀਦ ਗਦਾਰਾਂ ਨੂੰ ਬਚਾਉਣ ਲਈ ਲੱਖ ਯਤਨ ਕੀਤੇ ਪਰ ਸ਼ਾਹ ਮੁਹੰਮਦ ਦਾ ਜੰਗਨਾਮਾ ਸੱਚੇ-ਸੁੱਚੇ ਇਤਿਹਾਸ ਦਾ ਗਵਾਹ ਬਣ ਕੇ 171 ਸਾਲ ਬਾਅਦ ਵੀ (1846 ਵਿੱਚ ਪਹਿਲੀ ਸਿੱਖ-ਅੰਗਰੇਜ਼ ਜੰਗ ਹੋਈ ਸੀ) ਸਿੱਖ ਯਾਦਾਂ ਵਿੱਚ ਕੱਲ੍ਹ ਵਾਂਗ ਤਰੋਤਾਜ਼ਾ ਹੈ। ਸ਼ਾਹ ਮੁਹੰਮਦ ਵਲੋਂ ਸਿੱਖ ਰਾਜ ਜਾਣ ਦੇ ਪਾਏ ਗਏ ਕੀਰਨੇ, ਇੱਕ ਪੰਜਾਬੀ ਮੁਸਲਮਾਨ ਦੀ ਪੰਜਾਬੀਆਂ ਦੇ ਰਾਜ-ਭਾਗ ਨਾਲ ਪ੍ਰਗਟਾਈ ਗਈ ਵਫਾਦਾਰੀ ਦਾ ਵੀ ਸਬੂਤ ਸੀ। ਇਹ ਇੱਕ ਇਤਿਹਾਸਕ ਸੱਚ ਹੈ ਕਿ ਯੂ. ਪੀ. ਦੇ ਬਾਹਮਣਾਂ ਮਿਸਰ ਲਾਲ ਸਿੰਘ ਤੇ ਤੇਜਾ ਸਿੰਘ ਅਤੇ ਜੰਮੂ ਦੇ ਡੋਗਰਿਆਂ ਧਿਆਨ ਸਿੰਘ ਤੇ ਗੁਲਾਬ ਸਿੰਘ ਨੇ ਜੇ ਸਿੱਖ ਰਾਜ ਨਾਲ ਗੱਦਾਰੀਆਂ ਦਾ ਇਤਿਹਾਸ ਸਿਰਜਿਆ ਤਾਂ ਫਕੀਰ ਅਜੀਜ਼ੁਦੀਨ, ਤੋਪਚੀ ਮਾਖੇ ਖਾਂ ਸਮੇਤ ਲਾਹੌਰ ਦਰਬਾਰ ਦੇ ਸਾਰੇ ਮੁਸਲਮਾਨ ਅਹਿਲਕਾਰਾਂ-ਜਰਨੈਲਾਂ ਨੇ ਅਖੀਰਲੇ ਸਾਹ ਤੱਕ ਵਫਾ ਨਿਭਾਈ। ਸ਼ਾਹ ਮੁਹੰਮਦ ਦੇ ਇੱਕ ਇੱਕ ਬੈਂਤ ‘ਚੋਂ ਆਪਣੇ ਰਾਜ ਦਾ ਫ਼ਖਰ, ਫੁੱਟ-ਫੁੱਟ ਪੈਂਦਾ ਹੈ।

ਸਿੱਖ ਇਤਿਹਾਸ ਦੇ ਪੰਨਿਆਂ ਵਿੱਚ, ਸ਼ਾਹ ਮੁਹੰਮਦ ਦੇ ਨਾਲ 9 ਜੂਨ, 1984 ਨੂੰ ਇੱਕ ਹੋਰ ਫਖ਼ਰਯੋਗ ਨਾਮ ਜੁੜਿਆ, ਜਿਹੜਾ ਪੰਜਾਬੀਆਂ ਦੇ ਅਜ਼ੀਮ ਸਾਹਿਤਕਾਰ ਅਫਜ਼ਲ ਅਹਿਸਨ ਰੰਧਾਵਾ ਜੀ ਦਾ ਹੈ। ਜਿੱਥੇ ਜੂਨ-84 ਦਾ ਘੱਲੂਘਾਰਾ ਭਾਰਤੀ ਜ਼ੁਲਮ ਦੀ ਅਖੀਰ ਸੀ, ਉੱਥੇ ਸੰਤ ਭਿੰਡਰਾਂਵਾਲਿਆਂ ਅਤੇ ਉਨ੍ਹਾਂ ਦੇ ਸਾਥੀ ਸਿੰਘਾਂ ਵਲੋਂ ‘ਅਖੀਰਲੇ ਸਾਹ ਤੇ ਅਖੀਰਲੀ ਗੋਲੀ’ ਤੱਕ ਜੂਝ ਕੇ ਪਾਈ ਸ਼ਹੀਦੀ ਵੀ ਅਲੋਕਾਰ ਸੀ। ਜੇ ਬ੍ਰਾਹਮਣਵਾਦੀ ਦੁਸ਼ਮਣ ਨੇ ਪੰਜ ਸਦੀਆਂ ਦਾ ਵੈਰ ਕੱਢ ਵਿਖਾਲਿਆ ਤਾਂ ‘ਜਰਨੈਲਾਂ ਦੇ ਜਰਨੈਲ’ ਦੀ ਅਗਵਾਈ ਨੇ ਅਕਾਲ ਤਖਤ ਦਾ ਚਾਰ ਸਦੀਆਂ ਦਾ ਇਤਿਹਾਸ ਜ਼ਿੰਦਾ ਕਰ ਦਿੱਤਾ ਕਿਉਂਕਿ ਉਸ ਦੇ ਦਿਲ ‘ਤੇ ‘ਰੱਤੀ ਵੀ ਮੈਲ’ ਨਹੀਂ ਸੀ। ਭਾਵੇਂ ਇਹ ਗਮਾਂ, ਦੁੱਖਾਂ, ਪੀੜਾਂ ਦਾ ਸਮਾਂ ‘ਤਪਦੀ ਭੱਠੀ’ ਬਣ ਕੇ ਅੱਖਾਂ ‘ਚੋਂ ਸੱਤ ਸਮੁੰਦਰਾਂ ਜਿੱਡਾ ਨੀਰ ਵਹਿਣ ਦਾ ਸਮਾਂ ਵੀ ਸੀ ਪਰ ਸਿੰਘਾਂ ਦੇ ਜੁਝਾਰੂਪੁਣੇ ਨੇ ‘ਸ਼ਹੀਦੀ ਝੰਡਿਆਂ’ ਵਿੱਚ ਉੱਚਾ ਝੰਡਾ ਝੁਲਾ ਕੇ ਇਤਿਹਾਸਕ ਮੁਕਾਮ ਵੀ ਹਾਸਲ ਕਰ ਲਿਆ ਸੀ। ਦੁਸ਼ਮਣ ਨੇ ਜ਼ੁਲਮਾਂ ਦੀ ਕਾਲੀ ਬੋਲੀ ਹਨੇਰੀ ਝੁਲਾ ਕੇ, ਸੂਰਜ ਨੂੰ ਡੁਬੋਣ ਅਤੇ ਦਿਨ ਨੂੰ ਰਾਤ ਬਣਾ ਧਰਨ ਵਿੱਚ ਕੋਈ ਕਸਰ ਬਾਕੀ ਨਹੀਂ ਸੀ ਛੱਡੀ ਪਰ ਦਰਬਾਰ ਸਾਹਿਬ ਦੇ ਜ਼ਰ੍ਹੇ-ਜ਼ਰ੍ਹੇ ‘ਚੋਂ, ਦੁਸ਼ਮਣ ਨੂੰ ਵੰਗਾਰਦੀਆਂ ਅਵਾਜ਼ਾਂ ਆ ਰਹੀਆਂ ਸਨ ਕਿ ‘ਤੂੰ ਸਾਡੀ ਉੱਮਰ ਕਿਤਾਬ ਦੇ ਵਰਕੇ ਨਹੀਂ ਫੋਲੇ! ਇਹ ਰਾਤ ਓੜਕ ਮੁੱਕੇਗੀ। ਜ਼ੋਰ-ਜ਼ੁਲਮ ਨਾਲ ਸੂਰਜ ਡੋਬਣ ਦੇ ਯਤਨ ਫੇਲ੍ਹ ਹੋਣਗੇ ਅਤੇ ਸਿੱਖੀ ਦੇ ਤੇਜ ਪ੍ਰਤਾਪ ਦਾ ਲਟ-ਲਟ ਬਲਦਾ ਸੂਰਜ ਮੁੜ ਚੜ੍ਹੇਗਾ। ‘

ਉਪਰੋਕਤ ਸਾਰੇ ਬਿੰਬ, ਪ੍ਰਤੀਬਿੰਬ, ਇਤਿਹਾਸ ਤੇ ਮਨੋਇਤਿਹਾਸ ਨਾਲ ਗੜੁੰਦ, ਅਫਜ਼ਲ ਅਹਿਸਨ ਰੰਧਾਵਾ ਦੀ 9 ਜੂਨ ਨੂੰ ਰੋਂਦਿਆਂ ਰੋਂਦਿਆਂ ਲਿਖੀ ਨਜ਼ਮ ‘ਨਵਾਂ ਘੱਲੂਘਾਰਾ’, ਉਨ੍ਹਾਂ ਅਤਿ-ਦੁਖਦਾਈ ਪਲਾਂ ਵਿੱਚ ਸਿੱਖ ਕੌਮ ਲਈ ਉਸ ਸਮੇਂ ਦੇ ਪੀੜਾਂ ਦੇ ਪਰਾਗੇ ਵਿੱਚ, ਇੱਕ ਠੰਡੀ ਹਵਾ ਦੇ ਬੁੱਲੇ ਵਾਂਗ ਇੱਕ ਆਸ ਦੀ ਕਿਰਨ ਬਣ ਕੇ ਦਿਲਾਸਾ ਦੇਂਦਿਆਂ ਹੌਂਸਲਾ ਦੇ ਰਹੀ ਸੀ ਕਿ ‘ਓੜਕ ਮੁੱਕੇਗੀ ਇਹ ਰਾਤ’!! ਇਤਿਹਾਸ ਦੇ ਝਰੋਖੇ ਵਿੱਚੋਂ ਬਾਬਾ ਬੁੱਢਾ ਜੀ ਦੇ ਖਾਨਦਾਨ ਨਾਲ ਸਬੰਧਿਤ ਇਸ ਮੁਸਲਮਾਨ ਸਿੱਖ ‘ਚੋਂ, ਉਹੋ ਜਿਹਾ ਹੌਂਸਲਾ ਨਿੱਕਲਦਾ ਪ੍ਰਤੀਤ ਹੁੰਦਾ ਹੈ ਜਿਵੇਂ ਕਦੀ ਗੁਰੂ ਅਰਜਨ ਸਾਹਿਬ ਦੀ ਸ਼ਹਾਦਤ ਤੋਂ ਬਾਅਦ ਸਿੱਖਾਂ ਵਿੱਚ ਪੱਸਰੀ ਉਦਾਸੀ, ਵੈਰਾਗ ਤੇ ਰੋਹ ਦੇ ਸਨਮੁੱਖ ਬਾਬਾ ਬੁੱਢਾ ਜੀ ਦਾ ਦਿਲਾਸਾ ਅਤੇ ਅਗਵਾਈ ਹੋਏਗੀ। ਅਫਜ਼ਲ ਅਹਿਸਨ ਰੰਧਾਵਾ, ਦਰਬਾਰ ਸਾਹਿਬ ਨੂੰ ਸਿੱਖਾਂ ਵਾਂਗ ਹੀ ਆਪਣਾ ਪਿਆਰਾ ਸਮਝਦੇ ਸਨ। 30 ਸਾਲ ਬਾਅਦ ਵੀ ਜਦੋਂ ਉਹ ਇਹ ਨਜ਼ਮ ਸੁਣਾਉਂਦੇ ਤਾਂ ਉਨ੍ਹਾਂ ਦੀ ਅਵਾਜ਼ ਅੱਥਰੂਆਂ ਵਿੱਚ ਗੜੁੱਚ ਹੋ ਜਾਂਦੀ। ਸੁਣਨ ਵਾਲਿਆਂ ਦੀ ਦਸ਼ਾ ਦਾ ਤਾਂ ਕਹਿਣਾ ਹੀ ਕੀ ਹੈ! ਇਹ ਨਜ਼ਮ ਅਫਜ਼ਲ ਸਾਹਿਬ ਦਾ ਸ਼ਾਹਕਾਰ ਹੀ ਨਹੀਂ ਹੈ, ਇਹ ਸਿੱਖ ਇਤਿਹਾਸ ਦਾ ਇੱਕ ਅਨਮੋਲ ਖਜ਼ਾਨਾ ਵੀ ਹੈ ਅਤੇ ਜੂਨ-84 ਦੇ ਘੱਲੂਘਾਰੇ ਦੇ ਇਤਿਹਾਸ ਦੀ ਸਹੀ ਰੂਪ ਵਿੱਚ ਪੇਸ਼ਕਾਰੀ ਵੀ।

ਪਹਿਲੀ ਸਤੰਬਰ, 1937 ਨੂੰ ਸ੍ਰੀ ਅੰਮ੍ਰਿਤਸਰ ਸ਼ਹਿਰ ਦੇ ਹੁਸੈਨਪੁਰਾ ਮੁਹੱਲੇ ਵਿੱਚ ਪੈਦਾ ਹੋਏ ਅਫਜ਼ਲ ਸਾਹਿਬ ਲਗਭਗ 80 ਵਰ੍ਹਿਆਂ ਦੀ ਉਮਰ ਭੋਗ ਕੇ ਪਿਛਲੇ ਦਿਨੀਂ ਅੱਲ੍ਹਾ ਨੂੰ ਪਿਆਰੇ ਹੋ ਗਏ ਹਨ। ਪੇਸ਼ੇ ਵਜੋਂ ਵਕੀਲ ਅਤੇ ਸਿਆਸਤ ਵਿੱਚ ਪਾਕਿਸਤਾਨ ਦੀ ਨੈਸ਼ਨਲ ਅਸੈਂਬਲੀ ਦੇ ਮੈਂਬਰ ਰਹੇ ਅਫਜ਼ਲ ਸਾਹਿਬ ਦਾ ਸਾਹਿਤਕ ਸਫਰ ਲਗਭਗ 20 ਵਰ੍ਹਿਆਂ ਦੀ ਉਮਰ ਵਿੱਚ ਹੀ ਸ਼ੁਰੂ ਹੋ ਗਿਆ ਸੀ। ਉਰਦੂ ਦੀ ਅਫਸਾਨਾ-ਨਗਾਰੀ ਤੋਂ ਫੌਰਨ ਬਾਅਦ, 1958 ਵਿੱਚ ਉਨ੍ਹਾਂ ਨੇ ਬਕਾਇਦਾ ਤੌਰ ‘ਤੇ ਪੰਜਾਬੀ ਵਿੱਚ ਲਿਖਣਾ ਸ਼ੁਰੂ ਕੀਤਾ। ਉਨ੍ਹਾਂ ਨੇ ਪੰਜਾਬੀ ਕਾਵਿ ਸੰਗ੍ਰਹਿ – ‘ਸ਼ੀਸ਼ਾ ਇੱਕ ਲਿਸ਼ਕਾਰੇ ਦੋ’, ‘ਰੱਤ ਦੇ ਚਾਰ ਸਫਰ’, ‘ਪੰਜਾਬ ਦੀ ਵਾਰ’, ‘ਮਿੱਟੀ ਦੀ ਮਹਿਕ’, ਪਿਆਲੀ ਵਿੱਚ ਅਸਮਾਨ’ ਅਤੇ ਛੇਵਾਂ ਦਰਿਆ ਪਾਠਕਾਂ ਦੀ ਝੋਲੀ ਵਿੱਚ ਪਾਏ। ਜਿਸ ਕਿਸਮ ਦੇ ਉਹ ਗਜ਼ਬ ਦੇ ਸ਼ਾਇਰ ਸਨ, ਉਸੇ ਹੀ ਤਰ੍ਹਾਂ ਉਹ ਇੱਕ ਸਫਲ ਕਹਾਣੀਕਾਰ ਵੀ ਸਨ। ਉਨ੍ਹਾਂ ਦੇ ਪ੍ਰਸਿੱਧ ਕਹਾਣੀ ਸੰਗ੍ਰਹਿਆਂ ਵਿੱਚ ‘ਰੰਨ, ਤਲਵਾਰ ਤੇ ਘੋੜਾ’ ਅਤੇ ‘ਮੁੰਨਾ ਕੋਹ ਲਾਹੌਰ’ ਪਾਠਕਾਂ ਵਲੋਂ ਬਹੁਤ ਸਰਾਹੇ ਗਏ। ਅਫਜ਼ਲ ਸਾਹਿਬ ਨੇ ‘ਨਾਵਲ’ ‘ਤੇ ਵੀ ਹੱਥ ਅਜ਼ਮਾਇਆ ਅਤੇ ਕੁਛ ਅਨੁਵਾਦ ਵੀ ਕੀਤੇ। ਉਨ੍ਹਾਂ ਦੇ ਲਿਖੇ ਨਾਵਲਾਂ ਵਿੱਚ ‘ਸੂਰਜ ਗ੍ਰਹਿਣ’, ‘ਦੋਆਬਾ’, ‘ਦੀਵਾ ਤੇ ਦਰਿਆ’ ਅਤੇ ‘ਪੰਧ’ ਸ਼ਾਮਲ ਹਨ।

ਅਫਜ਼ਲ ਅਹਿਸਨ ਰੰਧਾਵਾ ਦੀਆਂ ਰਚਨਾਵਾਂ ‘ਚੋਂ ਪੰਜਾਬ ਦੀ ਸਾਂਝੀ ਪੀੜ ਝਲਕਦੀ ਹੈ, ਜਦੋਂ ਉਹ ਕਹਿੰਦੇ ਹਨ ਕਿ ’47 ਦੀ ਵੰਡ ਨੇ ਮੇਰੇ ਸਰੀਰ ਦੇ ਦੋ ਟੋਟੇ ਕਰ ਦਿੱਤੇ। ਵੰਡ ਭਾਰਤ ਦੀ ਨਹੀਂ ਹੋਈ, ਪੰਜਾਬ ਦੀ ਹੋਈ। ਅਫਜ਼ਲ ਸਾਹਿਬ ਪਾਕਿਸਤਾਨ ਦੇ ਮੁੱਦਈ ਸਨ ਅਤੇ ’47 ਦੌਰ ਵਿੱਚ ਸਿੱਖ ਲੀਡਰਸ਼ਿਪ ਦੇ ਰੋਲ ਦੇ ਅਲੋਚਕ। ਉਨ੍ਹਾਂ ਦੀ ਚਾਹਨਾ ਸੀ ਕਿ ਸਰਹੱਦਾਂ ਹੋਣ ਦੇ ਬਾਵਜੂਦ, ਦੋਹਾਂ ਪੰਜਾਬਾਂ, ਦੋਹਾਂ ਕੌਮਾਂ ਦੀ ਸਾਂਝ ਸਿਰਫ ਬਣੀ ਹੀ ਨਾ ਰਵ੍ਹੇ ਸਗੋਂ ਵੀਰ ਇੱਕ ਦੂਸਰੇ ਦੀ ਗਲਵਕੜੀ ‘ਚੋਂ ਕਦੀ ਜੁਦਾ ਹੀ ਨਾ ਹੋਣ।

30 ਮਿਲੀਅਨ ਸਿੱਖ ਕੌਮ, ਆਪਣੇ ਇਸ ਪਿਆਰੇ ਬਜ਼ੁਰਗ, ਲਾਸਾਨੀ ਦੋਸਤ, ਹਾਅ ਦਾ ਨਾਹਰਾ ਮਾਰਨ ਵਾਲੇ ਪਿਆਰੇ ਸ਼ਾਇਰ ਦੇ ਵਿਛੋੜੇ ਨੂੰ ਬੜੀ ਸ਼ਿੱਦਤ ਨਾਲ ਮਹਿਸੂਸ ਕਰਦੀ ਹੈ। ਆਉਣਾ ਤੇ ਜਾਣਾ ਪਿਆਰੇ ਰੱਬ ਦੇ ਹੁਕਮ ਅਨੁਸਾਰ ਹੁੰਦਾ ਹੈ, ਪਰ ਜਿਹੜੀ ਖੁਸ਼ਬੋ ਅਫਜ਼ਲ ਅਹਿਸਨ ਰੰਧਾਵਾ ਨੇ ਸਿੱਖ ਵਿਹੜੇ ਵਿੱਚ ਖਿਲਾਰੀ ਹੈ, ਉਹ ਸਦੀਵੀ ਮਹਿਕਦੀ ਰਹੇਗੀ ਅਤੇ ਸਿੱਖ ਕੌਮ ਇਸ ਮਹਾਨ ਇਨਸਾਨ ਦੇ ਅਹਿਸਾਨ ਨੂੰ, ਸ਼ੇਰ ਮੁਹੰਮਦ ਖਾਂ ਮਲੇਰਕੋਟਲੇ ਅਤੇ ਸ਼ਾਹ ਮੁਹੰਮਦ ਵਾਂਗ ਕਦੀ ਵੀ ਨਹੀਂ ਭੁੱਲੇਗੀ!!

IN LOVING MEMORY OF
‘ AFZAL AHSAN RANDHAWA ‘

ਸ਼ਹੀਦ ਭਾਈ ਜਸਵੰਤ ਸਿੰਘ ਖਾਲੜਾ ਦਾ 22ਵਾਂ ਸ਼ਹੀਦੀ ਦਿਹਾੜਾ – ਆਓ ਓਸ ਮਹਾਨ ਆਤਮਾ ਨੂੰ ਪ੍ਰਣਾਮ ਕਰੀਏ!!

ਸ਼ਹੀਦੀ ਦਿਹਾੜੇ ਕੌਮਾਂ ਦੇ ਸੁਨਹਿਰੀ ਇਤਹਾਸ ਦੇ ਪੰਨੇ ਹੁੰਦੇ ਹਨ ਜਿੰਨਾਂ ਤੇ ਲਿਖਿਆ ਗਿਆ ਇਕੱਲਾ ਇਕੱਲਾ ਹਰਫ ਜ਼ੁਲਮ ਦੇ ਖਿਲਾਫ ਗਵਾਹੀ ਦਿੰਦਾ ਹੈ। ਇਨ੍ਹਾਂ ਦਿਹਾੜਿਆਂ ਨੂੰ ਅਫਸੋਸ ਨਹੀਂ ਸਗੋਂ ਮਾਣ ਨਾਲ ਮਨਾਇਆ ਜਾਂਦਾ ਹੈ। ਅੱਜ ਜਦੋਂ ਭਾਜੀ ਜਸਵੰਤ ਸਿੰਘ ਖਾਲੜਾ ਦਾ ਸ਼ਹੀਦੀ ਦਿਨ ਆਇਆ ਹੈ ਅਤੇ ਇਸ ਨੂੰ ਮਨਾਉਣ ਦਾ ਸਮ੍ਹਾਂ ਆਇਆ ਹੈ ਤਾਂ ਅੰਦਰ ਖੋਹ ਜਿਹੀ ਪੈ ਰਹੀ ਹੈ। ਇਸਦੇ ਕਾਰਣ ਲੱਭਣ ਲਈ ਮੈਂ ਥੋੜਾ ਖੁਦ ਅੰਦਰ ਵੜਿਆ। ਮੈਨੂੰ ਖਾਲੜਾ ਭਾਜੀ ਨਾਲ ਬਿਤਾਏ ਦਿਨ ਯਾਦ ਆ ਗਏ।
ਸਮ੍ਹਾਂ 1989 ਦਾ ਸੀ। ਟਰਾਂਟੋ ਦੇ ਮਸ਼ਹੂਰ ਵਪਾਰੀ ਜਗਦੇਵ ਸਿੰਘ ਰੰਧਾਵਾ, ਜੋ ਮੇਰੇ ਮੂੰਹ ਬੋਲੇ ਵੱਡੇ ਭਰਾਵਾਂ ਚੋਂ ਇੱਕ ਹਨ, ਨੇ ਇੱਕ ਪੱਤਰਕਾਰ ਨਾਲ ਮੁਲਾਕਾਤ ਕਰਵਾਈ ਜਿਸ ਨੇ ਅਣਖੀਲਾ ਪੰਜਾਬ ਰੇਡੀਓ ਤੇ ਖਬਰਾਂ ਪੜਨੀਆਂ ਸ਼ੁਰੂ ਕੀਤੀਆਂ। ਉਸਦਾ ਨਾਮ ਸੀ ਐਸ ਪ੍ਰਸ਼ੋਤਮ। ਅਣਖੀਲਾ ਪੰਜਾਬ ਦੇ ਸਰੋਤੇ ਇਸ ਨਾਮ ਤੋਂ ਚੰਗੀ ਤਰ੍ਹਾਂ ਵਾਕਿਫ ਹੋਣਗੇ ਕਿਉਂਕਿ ਐਸ ਪ੍ਰਸ਼ੋਤਮ ਨੇ ਅਣਖੀਲਾ ਪੰਜਾਬ ਰੇਡੀਓ ਤੇ ਲੰਮਾਂ ਸਮ੍ਹਾਂ ਖਬਰਾਂ ਪੜੀਆਂ। ਜਾਂ ਕਹਿ ਲਵੋਂ ਕਿ ਆਹ ਰੇਡੀਓ ਤੇ ਪੰਜਾਬ ਤੋਂ ਸਿੱਧੀਆਂ ਖਬਰਾਂ ਦਾ ਸਿਲਸਿਲਾ ਅਣਖੀਲਾ ਪੰਜਾਬ ਰੇਡੀਓ ਰਾਹੀਂ ਐਸ ਪ੍ਰਸ਼ੋਤਮ ਨੇ ਹੀ ਸ਼ੁਰੂ ਕੀਤਾ ਸੀ।
ਇੱਕ ਦਿਨ ਪ੍ਰਸ਼ੋਤਮ ਭਾਅ ਦਾ ਫੋਨ ਆਇਆ ਕਿ ਹੰਸਰਾ ਸਾਹਿਬ, ਇੱਕ ਵੀਰ ਨੂੰ ਰੇਡੀਓ ਤੇ ਇੰਟਰਵਿਊ ਕਰੋ। ਮੈਂ ਕਿਹਾ ਕਿ ਜਾਣਕਾਰੀ ਭੇਜ ਦਿਓ ਤਾਂ ਕਰ ਲਵਾਂਗੇ। ਉਹ ਸਨ ਜਸਵੰਤ ਸਿੰਘ ਖਾਲੜਾ, ਜੋ ਉਸ ਵੇਲੇ “ਜਬਰ ਵਿਰੋਧੀ ਫਰੰਟ” ਦਾ ਪ੍ਰਧਾਨ ਸਨ। ਅਣਖੀਲਾ ਪੰਜਾਬ ਰੇਡੀਓ ਦੇ ਸ਼ਨਿਚਰਵਾਰ ਸ਼ਾਮ ਦੇ ਪ੍ਰੋਗ੍ਰਾਮ ਵਿੱਚ, ਸੰਨ 1989 ਵਿੱਚ, ਭਾਅ ਜੀ ਜਸਵੰਤ ਸਿੰਘ ਖਾਲੜਾ ਨਾਲ ਲਗਾਤਾਰ 40-45 ਮਿੰਟ ਇੰਟਰਵਿਊ ਕੀਤੀ। ਇਸ ਵੀਰ ਨੇ ਉਸ ਵੇਲੇ ਪੰਜਾਬ ਵਿੱਚ ਸਿੱਖਾਂ ਉਪਰ ਹੋ ਰਹੇ ਜ਼ੁਲਮਾਂ ਦੀ ਦਾਸਤਾਨ ਸੁਣਾਈ, ਗੱਲ ਕੀ ਕਿ ਖਾਲੜਾ ਭਾਅ ਜੀ ਨੇ ਹਰ ਪਹਿਲੂ ਤੋਂ ਹੋ ਰਹੇ ਧੱਕੇ ਦੀ ਬਾਤ ਪਾਈ। ਸਰੋਤੇ ਬੜੇ ਪ੍ਰਭਾਵਿਤ ਹੋਏ।
ਅਪਰੈਲ 1995 ਵਿੱਚ ਭਾਅ ਜੀ ਜਸਵੰਤ ਸਿੰਘ ਖਾਲੜਾ ਇੱਕ ਮਿਸ਼ਨ ਤੇ ਕੈਨੇਡਾ ਆਏ। ਐਮ ਪੀ ਮਿਸ ਕੋਲੀਨ ਬੋਮੀਏ ਦੇ ਸਹਿਯੋਗ ਨਾਲ ਉਨ੍ਹਾਂ ਔਟਵਾ ਵਿਖੇ ਕਈ ਸਰਕਾਰੀ ਅਦਾਰਿਆਂ ਨਾਲ ਮੁਲਾਕਾਤਾਂ ਕੀਤੀਆਂ ਅਤੇ ਲਾਵਾਰਿਸ਼ ਲਾਸ਼ਾਂ  ਦਾ ਪ੍ਰਸਤਾਵ ਸਾਂਝਾ ਕੀਤਾ। ਇਸੇ ਦੌਰੇ ਦੌਰਾਨ ਜਦੋਂ ਮੈਨੂੰ ਭਾਈ ਖਾਲੜਾ ਦੇ ਕੈਨੇਡਾ ਪਹੁੰਚਣ ਦੀ ਜਾਣਕਾਰੀ ਮਿਲੀ ਤਾਂ ਉਹ ਔਟਵਾ ਵਿੱਚ ਸ੍ਰæ ਅਜੀਤ ਸਿੰਘ ਸਹੋਤਾ ਦੇ ਘਰ ਸਨ, ਜਿਥੇ ਮੈਂ ਫੋਨ ਤੇ ਉਨ੍ਹਾਂ ਨੂੰ 10 ਅਪਰੈਲ 1995 ਨੂੰ ਡਿਕਸੀ ਗੁਰਦੁਆਰਾ ਸਾਹਿਬ ਵਿੱਚ ਰੱਖੀ ਹੋਈ ਅਣਖੀਲਾ ਪੰਜਾਬ ਟੀ ਵੀ ਦੀ ਤੀਸਰੀ ਵਰੇ ਗੰਢ ਤੇ ਆਉਣ ਦਾ ਸੱਦਾ ਦਿੱਤਾ। ਇਥੇ ਜਸਵੰਤ ਸਿੰਘ ਖਾਲੜਾ ਨੇ ਲੋਕਾਂ ਦੇ ਲੂੰਅ ਕੰਡੇ ਖੜੇ ਕਰਨ ਵਾਲੀ ਤਕਰੀਰ ਕੀਤੀ। ਆਹ ਜੋ ਇਤਹਾਸਿਕ ਭਾਸ਼ਨ ਯੂ ਟਿਊਬ ਤੇ ਉਪਲੱਵਧ ਹੈ, ਇਹ ਅਣਖੀਲਾ ਪੰਜਾਬ ਟੀਵੀ ਦੀ ਤੀਸਰੀ ਵਰੇ ਗੰਢ ਤੇ ਦਿੱਤਾ ਗਿਆ ਸੀ।
ਇਸ ਉਪਰੰਤ ਜੂਨ ਮਹੀਨੇ ਵਿੱਚ ਸਾਕਾ ਸ੍ਰੀ ਅਕਾਲ ਤਖਤ ਸਾਹਿਬ ਦੀ ਵਰੇ ਗੰਢ ਨੂੰ ਸਮਰਪਿਤ ਵਰਲਡ ਸਿੱਖ ਆਰਗੇਨਾਈਜੇਸ਼ਨ ਵਲੋਂ ਰੱਖੇ ਸਮਾਗਮਾਂ ਵਿੱਚ ਸ਼ਾਮਲ ਹੋਣ ਲਈ ਭਾਈ ਜਸਵੰਤ ਸਿੰਘ ਖਾਲੜਾ ਨੂੰ ਫੇਰ ਬੁਲਾਇਆ ਗਿਆ। ਉਹ ਵਾਪਿਸ ਜੂਨ 1995 ਨੂੰ ਟਰਾਂਟੋ ਪੁੱਜੇ ਜਿਥੇ ਉਨ੍ਹਾਂ ਵਰਲਡ ਸਿੱਖ ਆਰਗੇਨਾਈਜੇਸ਼ਨ ਦੀ ਮੌਂਟੀ ਕਾਰਲੋ ਹੋਟਲ ਵਿੱਚ ਹੋਈ ਦੋ-ਸਾਲਾ ਮੀਟਿੰਗ ਵਿੱਚ ਹਿੱਸਾ ਲਿਆ ਜਿਥੇ ਉਨ੍ਹਾਂ ਲਵਾਰਿਸ ਲਾਸ਼ਾਂ ਦਾ ਕੱਚਾ ਚਿੱਠਾ ਸੰਸਥਾ ਦੀ ਸੀਨੀਅਰ ਲੀਡਰਸ਼ਿਪ ਨਾਲ ਸਾਂਝਾ ਕੀਤਾ। ਉਪਰੰਤ ਡਿਕਸੀ ਗੁਰਦੁਆਰਾ ਸਾਹਿਬ ਅਤੇ ਔਟਵਾ ਵਿੱਚ ਵਰਲਡ ਸਿੱਖ ਆਰਗੇਨਾਈਜੇਸ਼ਨ ਦੇ ਪਾਰਲੀਮੈਂਟਰੀ ਡਿਨਰ ਤੇ ਭਾਸ਼ਨ ਦਿੱਤੇ।
ਇਸ ਦੌਰੇ ਦੌਰਾਨ ਤਕਰੀਬਨ ਇੱਕ ਹਫਤਾ ਉਹ ਦਾਸ ਦੇ ਗ੍ਰਹਿ  189 Kingknoll Dr. Brampton ON Canada ਵਿਖੇ ਰਹੇ ਜਿਥੇ ਉਨ੍ਹਾਂ ਸਾਡੇ ਪ੍ਰੀਵਾਰ ਨਾਲ ਸਾਂਝ ਪਾਈ। ਸ਼ਾਇਦ ਉਹੀ ਪਲ ਹਨ ਜਿੰਨ੍ਹਾਂ ਸਦਕਾ ਅੱਜ ਦੇ ਦਿਨ ਦਿਲ ਅੰਦਰ ਇੱਕ ਖਲਾਅ ਜਿਹਾ ਮਹਿਸੂਸ ਹੋ ਰਿਹਾ ਹੈ। ਭਾਅ ਜੀ, ਜਸਵੰਤ ਸਿੰਘ ਖਾਲੜਾ, ਨੂੰ ਸੰਸਾਰਕ ਚੀਜ਼ਾਂ ਨਾਲ ਕੋਈ ਮੋਹ ਨਹੀਂ ਸੀ। ਉਹ ਆਮ ਸਾਧਾਰਣ ਗੱਲਾਂ ਵਿੱਚ ਪੈਣ ਦੀ ਬਜਾਏ ਸਿਰਫ ਪੰਥ ਅਤੇ ਕੌਮ ਦੀਆਂ ਗੱਲਾਂ ਵਿੱਚ ਰੁਚੀ ਰੱਖਦੇ ਸਨ।
ਅੱਜ ਉਨ੍ਹਾਂ ਦੀ ਕਹੀ ਗੱਲ ਯਾਦ ਆਉਂਦੀ ਹੈ ਕਿ ਅਣਖੀਲਾ ਪੰਜਾਬ ਉਹ ਦੀਵਾ ਹੈ ਜੋ ਜਦੋਂ ਜਦੋਂ ਬਲਦਾ ਹੈ ਉਦੋਂ ਹੀ ਹਨੇਰੇ ਨੂੰ ਚੈਲਿੰਜ ਕਰਦਾ ਹੈ। ਇਹ ਹਨੇਰਾ ਪਸਰਨੋਂ ਕਦੋਂ ਹਟੇਗਾ, ਇਸ ਬਾਰੇ ਖਾਲੜਾ ਸਾਹਿਬ ਦਾ ਜੀਵਨ ਸਾਡੇ ਵਾਸਤੇ ਦਰਸਨ ਮਾਰਗ ਹੈ।
ਆਓ ਓਸ ਮਹਾਨ ਆਤਮਾ ਨੂੰ ਪ੍ਰਣਾਮ ਕਰੀਏ!!

ਜਥੇਦਾਰ ਤਰਸੇਮ ਸਿੰਘ ਨੂੰ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਕੈਲੀਫੋਰਨੀਆ ਦਾ ਪ੍ਰਧਾਨ ਨਿਯੁਕਤ ਕਰਨ ਤੇ ਅਕਾਲੀ ਦਲ (ਅ) ਕੈਨੇਡਾ ਵਲੋਂ ਵਧਾਈ

Jathedar Tarsem Singh

ਟਰਾਂਟੋ 8 ਅਕਤੂਬਰ- ਸ਼੍ਰੋਮਣੀ ਅਕਾਲੀ ਦੱਲ ਅੰਮ੍ਰਿਤਸਰ ਅਮਰੀਕਾ ਦੇ ਸਪੋਕਸਮੇਨ ਤੇ ਮੀਡੀਆ ਅਡਵਾਈਜ਼ਰ ਸ਼ ਸਰਬਜੀਤ ਸਿੰਘ ਵੱਲੋਂ  ਨਿਊਯਾਰਕ ਦਫਤਰ ਤੋਂ ਪ੍ਰੈਸ ਦੇ ਨਾਮ ਜਾਰੀ ਕੀਤੇ ਬਿਆਨ ਅਨੁਸਾਰ ਪ੍ਰਧਾਨ ਸੁਰਜੀਤ ਸਿੰਘ ਕੁਲਾਰ ਨੇ ਜਥੇਦਾਰ ਤਰਸੇਮ ਸਿੰਘ ਨੂੰ ਕੈਲੇਫੋਰਨੀਆ ਸਟੇਟ ਦਾ ਕਾਰਜਕਾਰੀ ਪ੍ਰਧਾਨ ਨਿਯੁਕਤ ਕੀਤਾ ਹੈ, ਤੇ ਉਂਨਾਂ ਨੂੰ ਕੈਲੇਫੋਰਨੀਆ ਸਟੇਟ ਦੇ ਜਥੇਬੰਧਕ ਢਾਂਚੇ ਨੂੰ ਮਜ਼ਬੂਤ ਕਰਨ ਲਈ ਮੀਟਿਗਾਂ, ਨਵੇਂ ਮੈਂਬਰ ਭਰਤੀ ਕਰਨ ਤੇ ਨਵੰਬਰ ਵਿੱਚ ਯੂਬਾ ਸਿਟੀ ਵਿੱਚ ਸਲਾਨਾ ਨਗਰ ਕੀਰਤਨ ਵਿੱਚ ਪਾਰਟੀ ਦੀ ਵੱਡੇ ਪੱਧਰ ਤੇ  ਸ਼ਮੂਲੀਅਤ ਅਤੇ ਕੈਲੇਫੋਰਨੀਆ ਵਿੱਚ “ਖਾਲਿਸਤਾਨ” ਦੀ ਮੰਗ ਦੇ ਪ੍ਰਚਾਰ ਅਤੇ ਪ੍ਰਸਾਰ ਵਿੱਚ ਤੇਜੀ ਲਿਆਉਣ ਲਈ ਸਾਰੀ ਜਿੰਮੇਵਾਰੀ ਸੌਂਪ ਦਿੱਤੀ ਗਈ ਹੈ।
ਇਸ ਨਿਯੁਕਤੀ ਤੇ ਖੁਸ਼ੀ ਪ੍ਰਗਟ ਕਰਦਿਆਂ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਕੈਨੇਡਾ ਈਸਟ ਵਲੋ ਸ੍ਰæ ਸੁਖਮਿੰਦਰ ਸਿੰਘ ਹੰਸਰਾ, ਭਾਈ ਕਰਨੈਲ ਸਿੰਘ ਫਤਹਿਗੜ ਸਾਹਿਬ, ਭਾਈ ਪਾਲਾ ਸਿੰਘ ਮੁਕੰਦਪੁਰ, ਭਾਈ ਮਨਜੀਤ ਸਿੰਘ, ਭਾਈ ਰਣਜੀਤ ਸਿੰਘ ਮਾਨ ਤੋਂ ਇਲਾਵਾ ਸ੍ਰæ ਮਨਵੀਰ ਸਿੰਘ ਮਾਂਟਰੀਅਲ ਅਤੇ ਕੈਨੇਡਾ ਈਸਟ ਦੇ ਯੂਥ ਵਿੰਗ ਦੇ ਮੁੱਖੀ ਪਰਮਿੰਦਰ ਸਿੰਘ ਪਾਂਗਲੀ ਨੇ ਵਿਸ਼ੇਸ਼ ਵਧਾਈ ਭੇਜੀ ਹੈ।
ਸ੍ਰæ ਹੰਸਰਾ ਨੇ ਕਿਹਾ ਕਿ ਜਥੇਦਾਰ ਤਰਸੇਮ ਸਿੰਘ ਸੱਚੇ ਸੁੱਚੇ, ਪੰਥਕ, ਅਤੇ ਨਿਰੋਲ ਖਾਲਿਸਤਾਨੀ ਯੋਧੇ ਹਨ। ਉਨ੍ਹਾਂ ਦੀ ਸਖਸ਼ੀਅਤ ਪਾਰਟੀ ਨੂੰ ਕੈਲੀਫੋਰਨੀਆ ਸਟੇਟ ਵਿੱਚ ਮੁੜ ਸੁਰਜੀਤ ਕਰੇਗੀ। ਹੰਸਰਾ ਨੇ ਕਿਹਾ ਕਿ ਇਹ ਨਿਯੁਕਤੀ ਕੈਲੀਫੋਰਨੀਆਂ ਵਿੱਚ ਪਾਰਟੀ ਲਈ ਪੁਨਰ ਸੁਰਜੀਤ ਲਈ ਵਰਦਾਨ ਸਿੱਧ ਹੋਵੇਗੀ।
ਪ੍ਰੈਸ ਨੋਟ ਵਿੱਚ ਕਿਹਾ ਗਿਆ ਹੈ ਕਿ ਉਹ ਜਲਦ ਤੋਂ ਜਲਦ ਕੈਲੀਫੋਰਨੀਆ ਵਿੱਚ ਪਾਰਟੀ ਦੀ ਇਕਾਈ ਸਥਾਪਿਤ ਕਰਨ ਲਈ ਰਾਤ ਦਿਨ ਇੱਕ ਕਰ ਦੇਣ ਤਾਂ ਕਿ ਪਾਰਟੀ ਦਾ ਮੁਕਮਮਲ ਜਥੇਬੰਦਕ ਢਾਂਚਾ ਐਲਾਨਿਆ ਜਾ ਸਕੇ।

ਬੱਬਰ ਖਾਲਸਾ ਦੇ ਕਾਰਕੁਨ ਆਖ ਕੇ  7 ਨਿਰਦੋਸ਼ ਸਿੱਖ ਨੌਜਵਾਨਾਂ  ਗ੍ਰਿਫਤਾਰ ਕੀਤਾ ਗਿਆ -ਯੂਨਾਈਟਿਡ ਖਾਲਸਾ ਦਲ ਯੂ.ਕੇ.

“ਸੁੱਚਾ  (ਝੂਠਾ ) ਲੰਗਾਹ ਨੂੰ ਖਾਲਿਸਤਾਨੀਆਂ ਖਿਲਾਫ ਬਕਵਾਸ ਕਰਨ ਦਾ ਫਲ ਕੁਦਰਤ ਵਲੋਂ ਮਿਲਿਆ ਬਾਕੀ ਵੀ ਤਿਆਰ ਰਹਿਣ”
ਲੰਡਨ – ਪੰਜਾਬ ਪੁਲਿਸ ਵਲੋਂ ਸੱਤ ਨਿਰਦੋਸ਼ ਸਿੱਖ ਨੌਜਵਾਨਾਂ ਨੂੰ ਹਾਲ ਹੀ ਦੌਰਾਨ ਬੱਬਰ ਖਾਲਸਾ ਦੇ ਕਾਰਕੁਨ ਆਖ ਕੇ ਗ੍ਰਿਫਤਾਰ ਕੀਤਾ ਗਿਆ ਹੈ । ਅਜਿਹਾ ਕਰਕੇ ਸਿੱਖਾਂ ਅਤੇ ਸਿੱਖੀ ਦੀ ਕਾਤਲ ਜਮਾਤ ਕਾਂਗਰਸ ਆਪਣੇ ਸਿੱਖ ਵਿਰੋਧੀ ਮਨਸੂਬਿਆਂ ਦੀ ਪੂਰਤੀ ਕਰ ਰਹੀ ਹੈ ਅਤੇ ਪੰਜਾਬ ਵਿੱਚ ਵੋਟਾਂ ਬਟੋਰਨ ਵਲੇ ਲੋਕਾਂ ਨਾਲ ਕੀਤੇ ਵਾਅਦਿਆਂ ਤੋਂ ਧਿਆਨ ਪਾਸੇ ਲਿਜਾਣ ਲਈ   ਅਜਿਹੇ ਜ਼ਲਮੀਂ ਸਟੰਟ ਕਰ ਰਹੀ ਹੈ । ਪੰਜਾਬ ਤੇ ਹਕੂਮਤ ਕਰ ਰਹੀ  ਕੈਪਟਨ ਅਮਰਇੰਦਰ ਸਿੰਘ ਦੀ ਕਾਂਗਰਸੀ ਸਰਕਾਰ ਵਲੋਂ ਸਿੱਖ ਨੌਜਵਾਨਾਂ ਦੀਆਂ ਵੱਡੀ ਪੱਧਰ ਤੇ ਕੀਤੀਆਂ ਜਾ ਰਹੀਆਂ ਗ੍ਰਿਫਤਾਰਆਂ ਅਤੇ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਮਹਾਰਾਜ ਦੀ ਨਿਰੰਤਰ ਹੋ ਰਹੀ ਬੇਅਦਬੀ ਕਾਂਗਰਸ ਦੀਆਂ ਸਿੱਖ ਮਾਰੂ ਨੀਤੀਆਂ ਦੀ ਤਾਜਾ ਮਿਸਾਲ ਹੈ  । ਨੱਬੇ ਫੀਸਦੀ ਤੋਂ ਵੱਧ ਸਿੱਖਾਂ ਦੀਆਂ ਕੁਰਬਾਨੀਆਂ ਨਾਲ ਅਜਾਦ ਹੋਏ ਭਾਰਤ ਵਿੱਚ ਸਿੱਖ ਗੁਲਾਮੀ ਦਾ ਜੀਵਨ ਬਤੀਤ ਕਰ ਰਹੇ ਹਨ । ਪਿਛਲੇ 70 ਸਾਲਾਂ ਵਿੱਚ ਸਿੱਖਾਂ ਤੇ ਸਰਕਾਰੀ ਜੂਲਮ ਨਿਰੰਤਰ ਜਾਰੀ ਹਨ ।

ਪੰਜਾਬ ਅਤੇ ਰਾਜਸਥਾਨ ਵਿੱਚ ਪਿਛਲੇ ਤਿੰਨ ਸਾਲ ਤੋਂ ਅਣਸੁਲਝੇ ਹੋਏ ਕਤਲ ਅਤੇ ਇਰਾਦਾ ਕਤਲ ਦੇ ਕੇਸਾਂ ਦੀ ਖਾਨਾ ਪੂਰਤੀ ਕਰਨ ਲਈ ਪਿਛਲੇ ਮਹੀਨੇ ਅੱਧੀ  ਦਰਜਨ ਦੇ ਕਰੀਬ ਨਿਰਦਸ  ਸਿੱਖ ਨੌਜਵਾਨਾਂ ਨੂੰ ਚਾਰਜ ਕੀਤਾ ਗਿਆ । ਯੂਨਾਈਟਿਡ ਖਾਲਸਾ ਦਲ  ਯੂ,ਕੇ ਵਲੋਂ ਸਰਕਾਰ ਦੇ ਇਹਨਾਂ ਕੋਝੈ ਕਾਰਨਾਮਿਆਂ ਦੀ ਸਖਤ ਨਿਖੇਧੀ ਕੀਤੀ ਗਈ ਹੈ। ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਦੇ ਪ੍ਰਧਾਨ ਸ੍ਰ, ਨਿਰਮਲ ਸਿੰਘ ਸੰਧੂ ਅਤੇ ਜਨਰਲ ਸਕੱਤਰ ਸ੍ਰ, ਭਾਈ ਲਵਸ਼ਿੰਦਰ ਸਿੰਘ ਡੱਲੇਵਾਲ  ਨੇ ਜੇਹਲਾ ਵਿੱਚ ਬੰਦ ਸਿੰਘਾਂ ਦੀ ਵਿਗੜ ਰਹੀ ਸਿਹਤ ਤੇ ਡੂੰਘੀ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਮਨੁੱਖੀ ਅਧਿਕਾਰਾਂ ਦੀਆਂ ਅਲੰਬਰਦਾਰ ਸੰਸਥਾਵਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਜੇਹਲਾਂ ਵਿੱਚ ਬੰਦ ਸਿੱਖ ਸੰਘਰਸ਼ ਦੇ ਨਾਇਕਾਂ ਪ੍ਰਤੀ ਸਰਕਾਰ ਦੇ ਵਿਤਕਰੇ ਭਰੇ ਵਿਹਾਰ ਨੂੰ ਰੋਕਣ ਲਈ ਅਵਾਜ ਬੁਲੰਦ ਕਰਨ ।

ਸਰਕਾਰ ਜੇਹਲਾਂ ਵਿੱਚ ਬੰਦ ਸਿੰਘਾਂ ਨੂੰ ਸਰੀਰਕ ਪੱਖ ਤੋਂ ਨੁਕਸਾਨ ਪਹੁੰਚਾਉਣ ਦੀਆਂ ਕੁਚਾਲਾਂ ਚੱਲ ਰਹੀ ਹੈ ।  ਜ਼ਿਕਰਯੋਗ ਤਿਹਾੜ ਜੇਹਲ ਵਿੱਚ ਬੰਦ ਭਾਈ ਜਗਤਾਰ ਸਿੰਘ ਹਾਵਾਰਾ ,ਭਾਈ ਦਇਆ ਸਿੰਘ ਲਾਹੌਰੀਆ ਸਮੇਤ ਵੱਖ ਵੱਖ ਜੇਹਲਾਂ ਵਿੱਚ ਬੰਦ ਕਈ ਸਿੰਘ ਸਿਹਤ ਪੱਖੋਂ ਠੀਕ ਨਹੀਂ ਹਨ ਅਤੇ ਪ੍ਰਸਾਸ਼ਨ ਉਹਨਾਂ ਦੇ ਇਲਾਜ ਵਾਸਤੇ ਸੁਹਿਰਦ ਨਹੀਂ । ਜੋ ਕਿ ਮਨੁੱਖੀ ਅਧਿਕਾਰਾਂ ਦਾ ਘੋਰ ਅਪਮਾਨ ਹੈ । ਦੁਨੀਆਂ ਭਰ ਵਿੱਚ ਵਸਦੇ ਸਿੱਖਾਂ ਨੂੰ ਸਨਿਮਰ ਅਪੀਲ ਕੀਤੀ ਗਈ ਹੈ ਕਿ ਵੀਹਵੀਂ ਸਦੀ ਦੇ ਮਹਾਨ ਸ਼ਹੀਦ ਸੰਤ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲਿਆਂ ਦੀ ਲਾਸਾਨੀ ਸ਼ਹਾਦਤ ਨਾਲ ਸਿਰਜੇ ਗਏ ਖਾਲਿਸਤਾਨ ਦੇ ਕੌੰਮੀ ਨਿਸ਼ਾਨੇ ਪ੍ਰਤੀ ਵੱਚਨਬੱਧ ਹੁੰਦਿਆਂ ਇਸ ਦੀ ਪੂਰਤੀ ਲਈ ਵੱਧ ਤੋਂ ਵੱਧ ਯੋਗਦਾਨ ਪਾਇਆ ਜਾਵੇ । ਅੱਜ ਲੋੜ ਹੈ ਕਿ ਹਰ ਸੰਭਵ ਤਰੀਕੇ ਨਾਲ ਕੌਮੀ ਅਜਾਦੀ ਦੇ ਨਿਸ਼ਾਨੇ ਵਲ ਵਧਿਆ ਜਾਵੇ ਕਿਉਂ ਕਿ ਜਿੰਨਾ ਚਿਰ ਸਿੱਖਾਂ ਆਪਣੇ ਅਜਾਦ ਘਰ ਖਾਲਿਸਤਾਨ ਦੇ ਮਾਲਕ ਨਹੀਂ ਬਣ ਜਾਂਦੇ ਉੱਨਾਂ ਚਿਰ ਧਾਰਮਿਕ,ਆਰਥਿਕ ,ਸੱਭਿਆਚਰ ਪੱਖ ਤੇ ਹੋ ਰਹੇ ਸਰਕਾਰੀ ਹਮਲੇ ਨਹੀਂ ਰੁਕ ਸਕਦੇ ਅਤੇ ਖਾਲਿਸਤਾਨ ਹੀ ਇਹਨਾਂ ਦਾ ਸਥਾਈ ਹੱਲ ਹੈ ।।  ਇਸ ਗੁਲਾਮੀ ਨੂੰ ਗਲੋਂ ਲਾਹੁਣਾ ਬੇਹੱਦ ਜਰੂਰੀ ਹੈ ਜਿਸ ਵਾਸਤੇ  ਡੇਢ ਲੱਖ ਤੋਂ ਜਿਆਦਾ ਸਿੰਘ ਸਿੰਘਣੀਆਂ ਅਤੇ ਭੁਝੰਗੀ ਸ਼ਹੀਦ ਹੋ ਚੁੱਕੇ ਹਨ । ਜਿਹੜੇ ਲੋਕ ਅੱਜ ਖਾਲਿਸਤਾਨ ਤੋਂ ਪਾਸਾ ਵੱਟ ਰਹੇ ਹਨ ਨਿਰਸੰਦੇਹ ਉਹ ਕੌਮੀ ਸ਼ਹੀਦਾਂ ਨਾਲ ਧ੍ਰੋਹ ਕਰ ਰਹੇ ਹਨ ,ਸਿੱਖ ਕੌਮ  ਅਤੇ ਇਤਿਹਾਸ ਉਹਨਾਂ ਨੂੰ ਕਦੇ ਵੀ ਮੁਆਫ ਨਹੀਂ ਕਰੇਗਾ ।

ਸੁੱਚਾ ( ਝੂਠਾ )ਲੰਗਾਹ ਵਲੋਂ ਵਿਦੇਸ਼ਾਂ ਵਿੱਚ ਹੱਡ ਭੰਨਵੀਂ ਮਿਹਨਤ ਕਰਕੇ ਪੰਜਾਬ ਵਿੱਚ ਲੋੜਵੰਦ ਸ਼ਹੀਦ ਪਰਿਵਾਰਾਂ ਅਤੇ ਖਾਲਿਸਤਾਨ ਦੀ ਜੰਗੇ ਅਜਾਦੀ ਦੀ ਅਵਾਜ ਬੁਲੰਦ ਕਰਨ ਵਾਲੇ ਸਿੱਖਾਂ ਪ੍ਰਤੀ ਘਟੀਆ ਦਰਜੇ ਦਾ ਬਕਵਾਸ ਕੀਤਾ ਗਿਆ । ਹਕੂਮਤ ਦੇ ਨਸ਼ੇ ਵਿੱਚ ਇਸ ਭੇਕੀ ਅਤੇ ਪਖੰਡੀ ਬੰਦੇ ਨੂੰ ਅਕਾਲ ਪੁਰਖ ਦੀ ਸ਼ਕਤੀ ਹੀ ਭੁੱਲ ਗਈ ਕਿ ਉਹ ਅੱਖ ਦੇ ਫੋਰ ਵਿੱਚ ਵੱਡੇ ਵੱਡੇ ਸੁਲਤਾਨਾ ਨੂੰ ਘਾਹ ਖੋਤਨ ਲਗਾ ਦਿੰਦਾ ਹੈ ।ਅਜਿਹਾ ਹੀ ਇਸ ਬਲਾਤਕਾਰੀ ਅਤੇ ਸਿੱਖੀ ਭੇਸ ਵਿੱਚ ਛੁਪੇ ਸਿੱਖ ਕੌਮ ਦੇ ਦੁਸ਼ਮਣ ਨਾਲ ਵਾਪਰਿਆ ਹੈ ।  ਅਕਾਲ ਪੁਰਖ ਦੀ ਕੁਦਰਤ ਨੇ ਇਸ ਨੂੰ ਇੱਕੋ ਹੀ ਝਟਕਾ ਦਿੱਤਾ ਕਿ ਅੱਜ ਇਹ ਦੁਨੀਆਂ ਨੂੰ ਮੂੰਹ ਦਿਖਾਉਣ ਜੋਗਾ ਵੀ ਨਹੀਂ ਰਿਹਾ ।ਇਹੋ ਜਿਹੇ ਵਿਆਕਤੀ ਸਖਤ ਸਜ਼ਾ ਦੇ ਹੱਕਦਾਰ ਹਨ । ਇਹਨਾਂ ਲੋਕਾਂ ਨੂੰ ਕੰਧ ਤੇ ਲਿਖਿਆ ਪੜ੍ਹਨ ਦੀ ਲੋੜ ਹੈ ਕਿ ਖਾਲਿਸਤਾਨ ਸਾਡਾ ਕੌਮੀ ਨਿਸ਼ਾਨਾ ,ਜਿੰਦਗੀ ਦਾ ਇੱਕੋ ਇੱਕ ਮਕਸਦ ਹੈ ,ਜਿਸ ਦੀ ਪੂਰਤੀ ਲਈ ਹਰ ਹੀਲਾ ਵਰਤਿਆ ਜਾਵੇਗਾ ।

ਜਗਮੀਤ ਸਿੰਘ ਅੱਗੇ ਵੱਡਾ ਚੈਲਿੰਜ – 2019 ਚੋਣਾਂ ਵਿੱਚ ਐਨ ਡੀ ਪੀ ਦੀ ਸਰਕਾਰ ਬਣਾਉਣੀ ਜਾਂ ਘੱਟੋ ਘੱਟ 44 ਸੀਟਾਂ ਤੋਂ ਵੱਧ ਸੀਟਾਂ ਲੈਣੀਆਂ

ਸੁਖਮਿੰਦਰ ਸਿੰਘ ਹੰਸਰਾ
SHansra@Hansra.ca

ਅਪਰੈਲ 2016 ਨੂੰ ਅਲਬਰਟਾ ਵਿੱਚ ਹੋਈ ਐਨ ਡੀ ਪੀ ਦੀ ਕੰਨਵੈਂਸ਼ਨ ਦੌਰਾਨ ਪਾਰਟੀ ਲੀਡਰ ਥਾਮਸ ਮੁਲਕੇਅਰ ਨੂੰ ਡੇਲੀਗੇਟਾਂ ਦੀ 50% ਸੁਪੋਰਟ ਨਾ ਮਿਲਣ ਸਦਕਾ ਉਨ੍ਹਾਂ ਨੂੰ ਅਹੁਦੇ ਤੋਂ ਇੱਕ ਸਾਲ ਦਰਮਿਆਨ ਲਾਂਭੇ ਹੋਣਾ ਤਹਿ ਹੋ ਗਿਆ ਸੀ। ਪਾਰਟੀ ਵਿਧਾਨ ਅਨੁਸਾਰ ਅਪਰੈਲ 2017 ਤੱਕ ਨਵਾਂ ਆਗੂ ਚੁਣਿਆ ਜਾਣਾ ਲਾਜ਼ਮੀ ਸੀ ਪਰ ਡੈਲੀਗੇਟਾਂ ਨੇ ਪਾਰਟੀ ਨੂੰ 12 ਦੀ ਬਜਾਏ 24 ਮਹੀਨੇ ਦਾ ਸਮ੍ਹਾਂ ਦੇਣ ਦਾ ਮਤਾ ਪਾਸ ਕਰਕੇ ਪਾਰਟੀ ਨੂੰ ਨਵਾਂ ਆਗੂ ਚੁਣਨ ਲਈ ਅਪਰੈਲ 2018 ਤੱਕ ਸਮ੍ਹਾਂ ਦੇ ਦਿੱਤਾ। ਮਈ 2016 ਵਿੱਚ ਪਾਰਟੀ ਦੇ ਪ੍ਰਬੰਧਕਾਂ ਨੇ ਮਿਲ ਕੇ ਲੀਡਰਸ਼ਿਪ ਚੋਣ ਦੇ ਰੂਲਜ਼ ਅਤੇ ਸਮ੍ਹਾਂ ਨੀਯਤ ਕਰ ਦਿੱਤਾ ਸੀ। ਜਿਸ ਤਹਿਤ ਪਹਿਲੇ ਦੌਰ ਦਾ ਨਤੀਜਾ 1 ਅਕਤੂਬਰ 2017 ਨੂੰ ਨਿਰਧਾਰਤ ਕੀਤਾ ਗਿਆ ਸੀ।
ਅੱਜ ਪਹਿਲੇ ਦੌਰ ਦਾ ਨਤੀਜਾ ਹੈਰਾਨੀਜਨਕ ਨਿਕਲਿਆ। ਨਤੀਜੇ ਅਨੁਸਾਰ ਚੋਣਾਂ ਵਿੱਚ ਕੁੱਲ ਵੋਟਾਂ 65783 ਪਈਆਂ ਜਦਕਿ 1 ਲੱਖ 24 ਹਜ਼ਾਰ ਦੇ ਕਰੀਬ ਵੋਟਾਂ ਬਣੀਆਂ ਸਨ। 101 ਵੋਟਾਂ ਰੱਦ ਹੋ ਗਈਆ। ਪਹਿਲੇ ਦੌਰ ਵਿੱਚ ਚਾਰਲੀ ਇੰਗਸ 12705, ਨਿਕੀ ਐਸਟਨ 11374, ਗਈ ਕਰੋਨ 6164 ਅਤੇ ਜਗਮੀਤ ਸਿੰਘ ਨੇ 35266 ਹਾਸਿਲ ਕੀਤੀਆਂ। ਭਾਵ ਜਗਮੀਤ ਸਿੰਘ ਪਹਿਲੇ ਦੌਰਾ ਵਿੱਚ ਹੀ ਤਿੰਨੇ ਉਮੀਦਵਾਰਾਂ ਤੋਂ ਵੱਧ ਵੋਟਾਂ ਇਕੱਲਾ ਲੈ ਗਿਆ ਜਿਸ ਨਾਲ ਉਹ ਜੇਤੂ ਘੋਸ਼ਿਤ ਕਰ ਦਿੱਤਾ ਗਿਅ।
ਯਾਦ ਰਹੇ 1961 ਦੀ ਲੀਡਰਸ਼ਿਪ ਚੋਣ ਵਿੱਚ ਟੌਮ ਡਲਗਸ ਪਹਿਲੇ ਬੈਲਟ ਪੇਪਰ ਤੇ ਜਿੱਤੇ ਸਨ; ਜਦੋਂ ਕਿ 1973 ਵਿੱਚ ਲੁਅਸ ਡੇਵਿਸ ਨੇ ਪਹਿਲੇ ਬੈਲਟ ਤੇ ਜਿੱਤ ਪ੍ਰਾਪਤ ਕੀਤੀ ਸੀ। 2001 ਵਿੱਚ ਅਲੈਕਸਾ ਮਕਡੋਨਾ ਨੇ ਪਹਿਲੇ ਬੈਲਟ ਤੇ ਜਿੱਤ ਪ੍ਰਾਪਤ ਕੀਤੀ ਸੀ। ਸੰਨ 2003 ਵਿੱਚ ਜੈਕ ਲੇਟਿਨ ਨੇ ਪਹਿਲੇ ਬੈਲਟ ਤੇ ਜਿੱਤ ਪ੍ਰਾਪਤ ਕੀਤੀ ਸੀ। ਹੁਣ 2017 ਵਿੱਚ ਜਗਮੀਤ ਸਿੰਘ ਨੇ 53æ8% ਵੋਟਾਂ ਹਾਸਿਲ ਕਰਕੇ ਆਪਣੇ ਤਿੰਨ ਵਿਰੋਧੀ ਉਮੀਦਵਾਰਾਂ ਨੂੰ ਹਾਰ ਦੇ ਕੇ ਪਹਿਲੇ ਬੈਲਟ ਤੇ ਜਿੱਤ ਪ੍ਰਾਪਤ ਕਰ ਲਈ ਹੈ। ਜਗਮੀਤ ਸਿੰਘ ਨੇ ਜੈਕ ਲੇਟਿਨ ਤੋਂ .3% ਵੱਧ ਵੋਟਾਂ ਹਾਸਿਲ ਕੀਤੀਆਂ ਹਨ।
ਸੰਨ 2019 ਵਿੱਚ ਕੈਨੇਡਾ ਦੀਆਂ ਆਮ ਚੋਣਾਂ ਵਿੱਚ ਜਗਮੀਤ ਸਿੰਘ ਦੀ ਟੱਕਰ ਲਿਬਰਲ ਆਗੂ ਜਸਟਿਨ ਟਰੂਡੋ ਅਤੇ ਕੰਸਰਵੇਟਿਵ ਆਗੂ ਐਂਡਰੀਊ ਸ਼ੀਅਰ ਨਾਲ ਹੋਵੇਗੀ।
ਸਭ ਤੋਂ ਵੱਡਾ ਇਮਤਿਹਾਨ ਕਿਊਬਿਕ ਵਿੱਚ ਹੋਵੇਗਾ ਜਿਥੇ 2011 ਵਿੱਚ ਐਨ ਡੀ ਪੀ ਨੇ 59 ਸੀਟਾਂ ਹਾਸਿਲ ਕੀਤੀਆਂ ਸਨ ਜਦਕਿ 2015 ਵਿੱਚ ਕਿਊਬਿਕ ਤੋਂ ਐਨ ਡੀ ਪੀ ਨੂੰ ਸਿਰਫ 16 ਸੀਟਾਂ ਮਿਲੀਆਂ ਸਨ।
ਜਗਮੀਤ ਸਿੰਘ ਦਾ ਸਭ ਤੋਂ ਵੱਡਾ ਚੈਲਿੰਜ ਪਾਰਟੀ ਦੀਆਂ ਸੀਟਾਂ ਵਿੱਚ ਵਾਧਾ ਕਰਨਾ ਹੋਵੇਗਾ। ਸੰਨ 2011 ਦੀਆਂ ਚੋਣਾਂ ਵਿੱਚ ਐਨ ਡੀ ਪੀ 103 ਸੀਟਾਂ ਹਾਸਿਲ ਕੀਤੀਆਂ ਸਨ ਜਦੀਕ 2015 ਵਿੱਚ ਐਨ ਡੀ ਪੀ ਨੂੰ 44 ਸੀਟਾਂ ਮਿਲੀਆਂ ਸਨ।

ਗੁਰਪ੍ਰੀਤ ਸਿੰਘ ਦਾ ਕਾਤਲ ਸਖਤ ਸਜ਼ਾ ਦਾ ਹੱਕਦਾਰ-ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ਼ ਯੂ.ਕੇ 


” ਜੇਹਲਾਂ ਵਿੱਚ ਬੰਦ ਸਿੰਘਾਂ ਦੀ ਹਿਫਾਜ਼ਤ ਲਈ ਮਨੁੱਖੀ ਅਧਿਕਾਰਾਂ ਦੇ ਦਾਅਵੇਦਾਰ ਅੱਗੇ ਆਉਣ”

ਲੰਡਨ – ਬਰਤਾਨੀਆ ਵਿੱਚ ਅਜ਼ਾਦ ਸਿੱਖ ਰਾਜ ਖਾਲਿਸਤਾਨ ਦੇ ਨਿਸ਼ਾਨੇ ਨੂੰ ਸਮਰਪਤਿ ਅਤੇ ਯਤਨਸ਼ੀਲ ਸਿੱਖ ਜਥੇਬੰਦੀਆਂ ਦੇ ਸਾਂਝੇ ਸੰਗਠਨ ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ਼ ਯੂ ,ਕੇ ਦੀ ਵਿਸ਼ੇਸ਼ ਇਕੱਤਰਤਾ ਗੁਰਦਵਾਰਾ ਸਿੰਘ ਸਭਾ ਕਾਵੈਂਟਰੀ ਵਿਖੇ ਹੋਈ । ਜਿਸ ਵਿੱਚ  ਮੌਜੂਦਾ ਪੰਥਕ ਮਸਲਿਆਂ ਤੇ ਗੰਭੀਰ ਵਿਚਾਰਾਂ ਕੀਤੀਆਂ ਗਈਆਂ । ਮੀਟੰਗ ਵਿੱਚ ਹੋਰਨਾਂ ਤੋਂ ਇਲਾਵਾ ਸਿੱਖ ਜਥੇਬੰਦੀਆਂ ਦੇ ਨੁਮਾਇੰਦੇ ਭਾਈ ਹਰਦੀਸ਼ ਸਿੰਘ ,ਭਾਈ ਚਰਨ ਸਿੰਘ ,ਭਾਈ ਜਗਵਿੰਦਰ ਸਿੰਘ ,ਭਾਈ ਬਲਵਿੰਦਰ ਸਿੰਘ ਵੁਲਵਰਹੈਪਟਨ ,ਭਾਈ ਅਵਤਾਰ ਸਿੰਘ ਸੰਘੇੜਾ, ਭਾਈ ਕੁਲਦੀਪ ਸਿੰਘ ਚਹੇੜੂ ,ਭਾਈ ਲਵਸ਼ਿੰਦਰ ਸਿੰਘ ਡੱਲੇਵਾਲ ,ਭਾਈ ਜੋਗਾ ਸਿੰਘ ,ਭਾਈ ਰਜਿੰਦਰ ਸਿੰਘ ਚਿੱਟੀ ,ਭਾਈ ਗੁਰਦੇਵ ਸਿੰਘ ਚੌਹਾਨ, ਨੇ ਸ਼ਮੂਲੀਅਤ ਕੀਤੀ ।

ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ਼ ਯੂ,ਕੇ ਵਲੋਂ ਦਿੱਲੀ ਵਿੱਚ ਕਤਲ ਕੀਤੇ ਗਏ ਨਿਰਦੋਸ਼ ਸਿੰਘ ਨੌਜਵਾਨ ਸ੍ਰ, ਗੁਰਪ੍ਰੀਤ ਸਿੰਘ ਦੇ ਕਤਲ ਦੀ ਸਖਤ ਨਿਖੇਧੀ ਕੀਤੀ ਗਈ । ਇਸ ਘਟਨਾ ਨੂੰ ਭਾਰਤ ਦੀਆਂ ਵਸਨੀਕ ਘੱਟ ਗਿਣਤੀ ਕੌਮਾਂ ਖਾਸਕਰ ਸਿੱਖਾਂ ਦੀ ਗੁਲਾਮੀਂ ਦੀ ਤਾਜ਼ਾ ਮਿਸਾਲ ਵਜੋਂ ਦੇਖਿਆ ਗਿਆ । ਨੌਜਵਾਨ ਗੁਰਪ੍ਰੀਤ ਸਿੰਘ ਦੇ ਮੂੰਹ ਤੇ ਸਿਗਰਟ ਦਾ ਧੂੰਆਂ ਮਾਰਨ ਵਾਲੇ ਅਤੇ ਅਜਿਹਾ ਕਰਨ ਤੋਂ ਰੋਕਣ ਕਾਰਨ ਉਸਦਾ ਕਤਲ ਕਰ ਦੇਣ ਵਾਲੇ ਦੁਸ਼ਟ ਨੂੰ ਸਖਤ ਸਜ਼ਾ ਦੀ ਵਕਾਲਤ ਕੀਤੀ ਗਈ ਹੈ । ਪੀੜਤ ਪਰਿਵਾਰ ਨਾਲ ਡੂੰਘੀ ਹਮਦਰਦੀ ਦਾ ਇਜ਼ਹਾਰ ਕਰਦਿਆਂ ਕਾਮਨਾ ਕੀਤੀ ਗਈ ਕਿ ਗੁਰਪ੍ਰੀਤ ਸਿੰਘ ਦੀ ਆਤਮਾ ਨੂੰ ਅਕਾਲ ਪੁਰਖ ਵਾਹਿਗੁਰੂ ਆਪਣੇ ਚਰਨਾਂ ਵਿੱਚ ਨਿਵਾਸ ਬਖਸ਼ੇ ।

ਤਿਹਾੜ ਜੇਲ੍ਹ ਵਿੱਚ ਬੰਦ ਖਾਲਿਸਤਾਨ ਦੀ ਜੰਗੇ ਅਜਾਦੀ ਦੇ ਯੋਧੇ ਭਾਈ ਦਇਆ ਸਿੰਘ ਲਾਹੌਰੀਆ ਅਤੇ ਭਾਈ ਜਗਤਾਰ ਸਿੰਘ ਹਾਵਾਰਾ ਨੂੰ ਜੇਹਲ ਪ੍ਰਸਾਸ਼ਨ ਵਲੋਂ ਮਾਨਸਿਕ ਅਤੇ ਸਰੀਰਕ ਤੌਰ ਤੇ ਤੰਗ ਕੀਤੇ ਜਾਣ ਦੀ ਸਖਤ ਨਿਖੇਧੀ ਕਰਦਿਆਂ ਸਮੂਹ ਸਿੱਖ ਜਥੇਬੰਦੀਆਂ ਅਤੇ ਮਨੁਖੀ ਅਧਿਕਾਰਾਂ ਦੀ ਰਾਖੀ ਦਾ ਦਮ ਭਰਨ ਵਾਲੀਆਂ ਸੰਸਥਾਵਾਂ ਨੂੰ ਜੇਹਲਾਂ ਵਿੱਚ ਬੰਦ ਸਿੰਘਾਂ ਦੀ ਹਿਫਾਜ਼ਤ ਲਈ ਅਵਾਜ ਬੁਲੰਦ ਕਰਨ ਦੀ ਸਨਿਮਰ ਅਪੀਲ ਗਈ ਗਈ । ਜ਼ਿਕਰਯਗ ਹੈ ਕਿ ਭਾਰਤ ਦੀਆਂ ਵੱਖ ਵੱਖ ਜੇਹਲਾਂ ਵਿੱਚ ਸਿੱਖ ਨੌਜਵਾਨ ਦੋ ਦੋ ,ਢਾਈ ਢਾਈ ਦਹਾਕਿਆਂ ਤੋਂ ਬੰਦ ਹਨ ਪਰ ਭਾਰਤ ਸਰਕਾਰ ਉਹਨਾਂ ਨੂੰ ਰਿਹਾਅ ਕਰਨ ਦੀ ਬਜਾਏ ਆਨੇ ਬਹਾਨੇ ਉਹਨਾਂ ਤੇ ਤਸ਼ੱਦਦ ਕਰਕੇ ਉਹਨਾਂ ਦੇ ਸਿਦਕ ਨੂੰ ਪਰਖਦੀ ਰਹਿੰਦੀ ਹੈ । ਭਾਰਤ ਸਰਕਾਰ ਨੂੰ ਪੁਰਾਤਨ ਇਤਿਹਾਸ ਤੋਂ ਮੱਤ ਲੂਣ ਦੀ ਲੋੜ ਹੈ ਕਿ ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਵਲੋਂ ਸਾਜੇ ਹੋਏ ਜਿਸ ਖਾਲਸਾ ਪੰਥ ਨੂੰ ਮੁਗਲੀਆ ਅਤੇ ਅੰਗਰੇਜ਼ ਜ਼ੁਲਮ ਆਪਣੇ ਅਕੀਦੇ ਤੋਂ ਥਿੜਕਾ ਨਹੀਂ ਸਕੇ ਉਸ ਖਾਲਸੇ ਨੂੰ ਹਿੰਦੂਤਵੀ ਹਾਕਮਾਂ ਅਤੇ ਜੱਲਾਦਾਂ ਦੇ ਕੋਈ ਵੀ ਜ਼ੁਲਮ ਨਾ ਥਿੜਕਾ ਸਕਿਆ ਹੈ ਅਤੇ ਨਾ ਹੀ ਕਦੇ ਥਿੜਕਾ ਸਕੇਗਾ ।ਬਲਕਿ ਵੀਹਵੀਂ ਸਦੀ ਦੇ ਮਹਾਨ ਸ਼ਹੀਦ ਸੰਤ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲਿਆਂ ਵਲੋਂ ਤੇਰਾਂ ਐਪਰੈਲ 1978 ਦੇ ਖੁਨੀ ਸਾਕੇ ਉਪਰੰਤ ਅਰੰਭ ਕੀਤਾ ਗਿਆ ਕੌਮੀ ਅਜਾਦੀ ( ਖਾਲਿਸਤਾਨ ) ਦਾ ਸੰਘਰਸ਼ ਫਤਿਹ ਤੱਕ ਜਾਰੀ ਰਹੇਗਾ ।

ਭਾਰਤ ਦੇ ਮੂਲ ਨਿਵਾਸੀ ਅਤੇ ਅਕਾਲੀ ਦਲ ਅੰਮ੍ਰਿਤਸਰ ਵਿੱਚ ਰਾਜਨੀਤਕ ਸਮਝੌਤਾ,  ਡਾ ਭੀਮ ਰਾਓ ਅੰਬੇਦਕਰ ਦੀ 82 ਸਾਲ ਪਹਿਲਾਂ ਪ੍ਰਗਟਾਈ ਇੱਛਾ ਨੂੰ ਬੂਰ ਪੈਣ ਲੱਗਾ

ਨਿਊਯਾਰਕ (ਪੀ ਡੀ ਬਿਊਰੋ) ਭਾਰਤ ਦੇ ਮੂਲ ਨਿਵਾਸੀ, ਬਾਬਾ ਭੀਮ ਰਾਓ ਅੰਬੇਦਕਰ ਦੇ ਪੈਰੋਕਾਰ ਬਾਮਸੇਫ ਇੰਟਰਨੈਸ਼ਨਲ ਅਤੇ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਵਿੱਚ ਰਾਜਨੀਤਕ ਸਮਝੌਤਾ ਹੋ ਗਿਆ ਹੈ ਜਿਸ ਦਾ ਐਲਾਨ ਬਾਮਸੇਫ ਸੰਗਠਨ ਦੇ ਪ੍ਰਧਾਨ ਵਾਮਨ ਮੇਸ਼ਰਾਮ ਨੇ ਨਿਊਯਾਰਕ ਵਿੱਚ ਹੋਈ ਵਰਲਡ ਕਾਨਫਰੰਸ ਦੌਰਾਨ ਕੀਤਾ। ਸਾਚੀ ਸਾਖੀ ਅਨੁਸਾਰ ਸੰਨ 1935-36 ਵਿੱਚ ਡਾਕਟਰ ਭੀਮ ਰਾਓ ਅੰਬੇਦਕਰ ਨੇ 60 ਮਿਲੀਅਨ ਮੂਲ ਨਿਵਾਸੀਆਂ ਸਮੇਤ ਸਿੱਖ ਬਣਨ ਦੀ ਇੱਛਾ ਜਾਹਿਰ ਕੀਤੀ ਸੀ। ਜਿਸ ਨੂੰ ਅਕਾਲੀ ਲੀਡਰਸ਼ਿਪ ਨੇ ਆਪਣੀ ਕੁਰਸੀ ਨੂੰ ਖਤਰਾ ਜਾਣ ਕੇ ਠੁਕਰਾਅ ਦਿੱਤਾ ਸੀ। ਹੁਣ 82 ਸਾਲਾਂ ਬਾਅਦ ਮੂਲ ਨਿਵਾਸੀਆਂ ਨੇ ਇਕ ਵਾਰ ਫੇਰ ਹੱਥ ਵਧਾਇਆ ਹੈ ਜਿਸ ਨੂੰ ਅਕਾਲੀ ਦਲ ਅੰਮ੍ਰਿਤਸਰ ਦੇ ਪ੍ਰਧਾਨ ਸਿਮਰਨਜੀਤ ਸਿੰਘ ਮਾਨ ਅਤੇ ਸਮੁੱਚੀ ਅੰਤਰਰਾਸ਼ਟਰੀ ਕੋਆਰਡੀਨੇਸ਼ਨ ਕਮੇਟੀ ਨੇ ਜੀ ਆਇਆ ਕਿਹਾ ਹੈ।

ਕੋਲੰਬੀਆ ਯੂਨੀਵਰਸਿਟੀ ਆਫ ਨਿਊਯਾਰਕ ਜਿਥੋਂ ਡਾ ਬੀ ਆਰ ਅੰਬੇਦਕਰ ਨੇ 1927 ਵਿੱਚ ਪੀ ਐਚ ਡੀ ਦੀ ਡਿਗਰੀ ਹਾਸਿਲ ਕੀਤੀ ਸੀ, ਉਸੇ ਯੂਨੀਵਰਸਿਟੀ ਦੇ ਉਸੇ ਹਾਲ ਵਿੱਚ ਬਾਮਸੇਫ ਇੰਟਰਨੈਸ਼ਨਲ ਨੈਟਵਰਕ ਵਲੋਂ ਆਪਣੀ ਦੂਸਰੀ ਵਰਲਡ ਕਾਨਫਰੰਸ ਕਰਵਾਈ ਗਈ। ਇਸ ਵਿਸ਼ਵ ਕਾਨਫਰੰਸ ਵਿੱਚ ਇੰਡੀਆ ਤੋਂ 88 ਦੇ ਕਰੀਬ ਡੇਲੀਗੇਟ ਪਹੁੰਚੇ ਅਤੇ ਬਾਕੀ ਸੰਸਾਰ ਭਰ ਵਿਚੋਂ ਵੀ ਡੈਲੀ ਗੇਟ ਸ਼ਾਮਲ ਹੋਏ।

ਇਸ ਮੌਕੇ ਤੇ ਕੈਨੇਡਾ ਅਤੇ ਅਮਰੀਕਾ ਦੀ ਅਕਾਲੀ ਦਲ ਅੰਮ੍ਰਿਤਸਰ ਦੀ ਲੀਡਰਸ਼ਿਪ ਨੂੰ ਵੀ ਵਿਸ਼ੇਸ਼ ਸੱਦਾ ਦੇ ਕੇ ਬੁਲਾਇਆ ਗਿਆ ਸੀ। ਇਸ ਕਾਨਫਰੰਸ ਵਿੱਚ ਅਮਰੀਕਾ ਤੋਂ ਸ੍ਰ ਬੂਟਾ ਸਿੰਘ ਖੜੌਦ, ਸੁਰਜੀਤ ਸਿੰਘ ਕੁਲਾਰ, ਸਰਬਜੀਤ ਸਿੰਘ, ਜੋਗਾ ਸਿੰਘ ਨਿਊਜਰਸੀ ਤੋਂ ਇਲਾਵਾ ਦਰਜਨ ਮੈਂਬਰ ਸ਼ਾਮਲ ਹੋਏ ਜਦਕਿ ਕੈਨੇਡਾ ਤੋਂ ਸੁਖਮਿੰਦਰ ਸਿੰਘ ਹੰਸਰਾ ਨੇ ਸ਼ਮੂਲੀਅਤ ਕੀਤੀ।

ਇਸ ਵਿਸ਼ਵ ਕਾਨਫਰੰਸ ਵਿੱਚ ਭਾਰਤ ਦੇ ਮੂਲ ਨਿਵਾਸੀ ਲੋਕਾਂ ਨੂੰ ਬ੍ਰਾਹਮਣਾਂ ਵਲੋਂ ਗੁਲਾਮ ਬਣਾਉਣ ਦੀ ਗੱਲ ਬੜੇ ਗੰਭੀਰ ਮਹੌਲ ਵਿੱਚ ਕੀਤੀ ਗਈ। ਇਸ ਕਾਨਫਰੰਸ ਵਿੱਚ ਹੋ ਰਹੀ ਵਾਰਤਾਲਾਪ ਨੂੰ ਸੁਣਨ ਤੋਂ ਬਾਅਦ ਇਹ ਮਹਿਸੂਸ ਹੋ ਰਿਹਾ ਹੈ ਕਿ 5 ਹਜ਼ਾਰ ਸਾਲ ਤੋਂ ਯੋਜਨਾਵੱਧ ਢੰਗ ਨਾਲ ਘੱਟ ਗਿਣਤੀ ਲੋਕਾਂ ਨੂੰ ਬੇਵਕੂਫ ਬਣਾ ਕੇ ਰਾਜ ਕਰ ਰਹੇ ਬ੍ਰਾਹਮਣ ਦਾ ਹੁਣ ਅੰਤ ਆ ਗਿਆ ਹੈ। ਇਨ੍ਹਾਂ ਬ੍ਰਾਹਮਣਾਂ ਤੋਂ ਕੁੱਟ ਝਾ ਰਹੀਆਂ ਘੱਟ ਗਿਣਤੀਆਂ ਹੁਣ ਇਕੱਠੇ ਹੋ ਕੇ ਇਨ੍ਹਾਂ ਨੂੰ ਕੁੱਟਣ ਦੇ ਕਾਬਿਲ ਹੋ ਗਈਆਂ ਹਨ, ਇਹ ਵਿਚਾਰ ਬਾਮਸੇਫ ਦੇ ਪ੍ਰਧਾਨ ਵਾਮਨ ਮੇਸ਼ਰਾਮ ਨੇ ਆਪਣੇ ਵੱਖ ਵੱਖ ਭਾਸ਼ਨਾਂ ਵਿੱਚ ਦਿੱਤੇ।

ਅਸੀਂ ਭਾਰਤ ਦੀਆਂ ਘੱਟ ਗਿਣਤੀਆਂ ਨਾਲ ਮਿਲ ਕੇ ਖਾਲਸਾ ਰਾਜ ਸਥਾਪਤ ਕਰਨ ਦੇ ਰਸਤੇ ਤੇ ਚੱਲ ਰਹੇ ਹਾਂ, ਇਹ ਸਾਡਾ ਜਨਮ ਸਿੱਧ ਅਧਿਕਾਰ ਹੈ, ਇਹ ਗੱਲ ਸ੍ਰ ਬੂਟਾ ਸਿੰਘ ਖੜੌਦ ਕਨਵੀਨਰ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਯੂ ਐਸ ਏ ਨੇ ਕਹੀ। ਸ੍ਰ ਖੜੌਦ ਨੇ ਗੁਰਬਾਣੀ ਦੇ ਪ੍ਰਮਾਣ ਦੇ ਕੇ ਦੱਸਿਆ ਕਿ ਸਿੱਖ ਮੱਤ ਵਿੱਚ ਜਾਤਪਾਤ ਦੀ ਇਜਾਜ਼ਤ ਨਹੀਂ ਹੈ। ਉਨ੍ਹਾਂ ਇਹ ਵੀ ਸਵਿਕਾਰ ਕੀਤਾ ਕਿ ਸਾਡੇ ਸਮਾਜ ਵਿੱਚ ਅਜੇ ਇਹ ਬਿਮਾਰੀ ਮੁਕੰਮਲ ਤੌਰ ਤੇ ਖਤਮ ਨਹੀਂ ਹੋਈ।

ਇਸ ਮੌਕੇ ਬੋਲਦਿਆਂ ਅਕਾਲੀ ਦਲ ਅੰਮ੍ਰਿਤਸਰ ਕੈਨੇਡਾ ਈਸਟ ਦੇ ਪ੍ਰਧਾਨ ਸੁਖਮਿੰਦਰ ਸਿੰਘ ਹੰਸਰਾ ਨੇ ਕਿਹਾ ਕਿ ਮੂਲ ਨਿਵਾਸੀਆਂ ਨਾਲੋਂ ਖਾਲਸਾ ਪੰਥ ਦਾ ਮਸਲਾ ਵੱਖਰਾ ਹੈ। ਸਾਡਾ ਆਪਣਾ ਰਾਜ ਭਾਗ ਹੁੰਦਾ ਸੀ। ਖਾਲਸਾ ਰਾਜ ਦੇ ਪਹਿਲੇ ਮੁੱਖੀ ਬਾਬਾ ਬੰਦਾ ਸਿੰਘ ਬਹਾਦਰ ਨੇ ਦੱਬੇ ਕੁਚਲ੍ਹੇ ਲੋਕਾਂ ਨੂੰ ਉਪਰ ਚੁੱਕਣ ਲਈ ਜ਼ਮੀਨਾਂ ਦੇ ਮਾਲਕ ਬਣਾਇਆ ਸੀ। ਮਹਾਰਾਜਾ ਰਣਜੀਤ ਸਿੰਘ ਦੇ ਰਾਜ ਅੰਦਰ ਬਰਾਬਰਤਾ ਦਾ ਬੋਲਬਾਲਾ ਸੀ। ਕੈਬਨਿਟ ਵਿੱਚ ਹਰ ਵਰਗ, ਹਰ ਧਰਮ ਦੇ ਲੋਕ ਸ਼ਾਮਲ ਸਨ। ਹੰਸਰਾ ਨੇ ਭਗਤ ਕਬੀਰ ਜੀ ਦੀ ਬਾਣੀ ਚੋਂ ਹਵਾਲੇ ਦਿੰਦਿਆਂ ਕਿਹਾ ਕਿ ਗੁਰੂਕਿਆਂ ਨੇ ਕਦੇ ਵੀ ਬ੍ਰਾਹਮਣ ਨੂੰ ਸਵਿਕਾਰ ਨਹੀਂ ਕੀਤਾ। ਸਿੱਖ ਧਰਮ ਜਾਤਪਾਤ ਦੀ ਇਜਾਜ਼ਤ ਨਹੀਂ ਦਿੰਦਾ। ਉਨ੍ਹਾਂ ਕਿਹਾ ਕਿ ਜਿਹੜਾ ਪ੍ਰਾਣੀ ਜਾਤ ਪਾਤ ਵਿੱਚ ਯਕੀਨ ਕਰਦਾ ਹੈ ਉਹ ਸਿੱਖ ਨਹੀਂ ਹੋ ਸਕਦਾ ਕਿਉਂਕਿ ਉਹ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਦੇ ਸਿਧਾਂਤ ਦੇ ਉਲਟ ਚੱਲਦਾ ਹੈ।

ਇਸ ਮੌਕੇ ਬੜੇ ਜਜ਼ਬਾਤੀ ਲਹਿਜ਼ੇ ਵਿੱਚ ਬੋਲਦਿਆਂ ਸਰਬਜੀਤ ਸਿੰਘ ਨੇ ਕਿਹਾ ਕਿ ਖਾਲਸਾ ਪੰਥ ਆਪਣੀ ਖੁੱਸੀ ਬਾਦਸ਼ਾਹਤ ਹਾਸਿਲ ਕਰਨ ਲਈ ਪੂਰਾ ਯਤਨਸ਼ੀਲ ਹੈ। ਊਨ੍ਹਾਂ ਕਿ 20ਵੀ ਸਦੀ ਦੇ ਮਹਾਨ ਸਿੱਖ ਸ਼ਹੀਦ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੇ ਨਕਸ਼ੇ ਕਦਮਾਂ ਤੇ ਚੱਲਦਿਆਂ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਪ੍ਰਧਾਨ ਸ੍ਰ ਸਿਮਰਨਜੀਤ ਸਿੰਘ ਮਾਨ ਨੇ ਭੇਦਭਾਵ ਮਿਟਾ ਕੇ ਅੱਗੇ ਵੱਧਣ ਦੀ ਨੀਤੀ ਅਖਤਿਆਰ ਕੀਤੀ ਹੈ।

ਸਿੱਖ ਭਾਈਚਾਰੇ ਵਲੋਂ ਇਸ ਕਾਨਫਰੰਸ ਵਿੱਚ ਪ੍ਰੋ ਸੁਖਪ੍ਰੀਤ ਸਿੰਘ ਉਦੋਕੇ, ਵਾਇਸ ਆਫ ਖਾਲਸਾ ਰੇਡੀਓ ਤੋਂ ਸੁਖਵਿੰਦਰ ਸਿੰਘ ਅਤੇ ਨਿਊਯਾਰਕ ਸਿਟੀ ਦੇ ਹਿਊਮਨ ਰਾਇਟਸ ਕਮਿਸ਼ਨਰ ਗੁਰਦੇਵ ਸਿੰਘ ਕੰਗ ਨੇ ਵੀ ਆਪਣੇ ਵਿਚਾਰ ਰੱਖੇ।

ਇਸ ਮੌਕੇ ਵਾਮਨ ਮੇਸ਼ਰਾਮ ਨੇ ਇੱਕ ਹੋਰ ਅਹਿਮ ਐਲਾਨ ਕੀਤਾ ਕਿ ਉਨ੍ਹਾਂ ਦਾ ਸੰਗਠਨ 1 ਨਵੰਬਰ ਨੂੰ ਦਿੱਲੀ ਦੇ ਜੰਤਰ ਮੰਤਰ ਗਰਾਊਂਡ ਵਿੱਚ ਸਿੱਖ ਨਸਲਕੁਸ਼ੀ ਵਿਰੁੱਧ ਅਤੇ ਜੇਲਾਂ ਵਿੱਚ ਬੰਦ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਰੋਸ ਪ੍ਰਦਰਸ਼ਨ ਕਰੇਗਾ। ਉਨ੍ਹਾਂ ਕਿਹਾ ਕਿ ਅਜਿਹਾ ਅਸੀਂ ਹਰ ਘੱਟ ਗਿਣਤੀ ਖਿਲਾਫ ਹੋ ਰਹੇ ਜ਼ੁਲਮਾਂ ਖਿਲਾਫ ਕਰਾਂਗੇ।

Recent Posts

Find us on Facebook

Punjabi Daily Online shared Sukhminder S Hansra's event. ... See MoreSee Less

Commemorating The Sikh Genocide`84 (Nov. 1 2017)

November 1, 2017, 6:00pm - November 1, 2017, 8:00pm

During the first week of November, the Sikhs around the world commemorate a historical massacre perpetrated by the Government of India "Sikh Genocide". It was the systemic killing of thousands of inno...

View on Facebook

ਕਬੱਡੀ ਕੈਨੇਡਾ ਕੱਪ 20 ਅਗਸਤ 2017 ਨੂੰ - ਪਾਕਿਸਤਾਨ ਦੀ ਟੀਮ ਕਬੱਡੀ ਕੈਨੇਡਾ ਕੱਪ ਵਿੱਚ ਸ਼ਮੂਲੀਅਤ ਕਰੇਗੀ....ਮੇਜਰ ਸਿੰਘ ਨੱਤ
http://wp.me/p3I5HO-kKX
... See MoreSee Less

View on Facebook

Punjabi Daily Online shared Punjabi Press Club of Canada's post. ... See MoreSee Less

On Saturday August 12th 2017, we celebrated the life of good friend Frank Raymond. Frank is suffering from cancer. It was his decision to hold a special event to celebrate his life while he is living ...

View on Facebook

Follow me on Twitter


ਕਲੰਡਰ

October 2017
M T W T F S S
« Sep    
 1
2345678
9101112131415
16171819202122
23242526272829
3031