ਬਰਗਾੜੀ ਇਨਸ਼ਾਫ ਮੋਰਚਾ 21ਵੇਂ ਦਿਨ ਦਾਖਲ, ਬਾਮਸ਼ੇਫ ਨੇ ਮੋਰਚੇ ਨੂੰ ਹਿਮਾਇਤ ਕਰਦਿਆਂ ਕਿਹਾ ਕੇ ਜਥੇਦਾਰਾਂ ਦੇ ਹੁਕਮ ਤੇ 500 ਜ਼ਿਲਿਆਂ ਵਿੱਚ ਛੇੜਾਂਗੇ ਅੰਦੋਲਨ

(ਬਰਗਾੜੀ) ਬਰਗਾੜੀ ਇਨਸ਼ਾਫ ਮੋਰਚਾ ਅੱਜ 21ਵੇਂ ਦਿਨ ਵੀ ਲਗਾਤਾਰ ਜ਼ਾਰੀ ਰਿਹਾ ਜਥੇਦਾਰ ਭਾਈ ਧਿਆਨ ਸਿੰਘ ਮੰਡ ਜਥੇਦਾਰ ਭਾਈ ਬਲਜੀਤ ਸਿੰਘ ਦਾਦੂਵਾਲ ਅਤੇ ਜਥੇਦਾਰ ਭਾਈ ਅਮਰੀਕ ਸਿੰਘ ਅਜਨਾਲਾ ਵਲੋਂ ਲਗਾਤਾਰ ਮੋਰਚਾ ਬਰਗਾੜੀ ਵਿੱਚ ਜ਼ਾਰੀ ਹੈ ਜਿਸ ਵਿੱਚ ਜਥੇਦਾਰ ਮੰਡ ਸਾਹਿਬ ਲਗਾਤਾਰ ਦਿਨ ਰਾਤ ਬਰਗਾੜੀ ਵਿੱਚ ਬੈਠੇ ਹਨ ਅੱਜ ਇਨਸ਼ਾਫ ਮੋਰਚੇ ਵਿੱਚ ਬਾਬਾ ਅਮੀਰ ਸਿੰਘ ਜਵੱਦੀ ਕਲਾਂ ਬਾਬਾ ਗੁਰਦੀਪ ਸਿੰਘ ਚੰਦਪੁਰਾਣਾ ਬਾਬਾ ਕੁਲਦੀਪ ਸਿੰਘ ਦਬੜੀਖਾਨਾ ਬਾਬਾ ਪਰਦੀਪ ਸਿੰਘ ਚਾਂਦਪੁਰਾ ਬਾਬਾ ਫੌਜ਼ਾ ਸਿੰਘ ਸੁਭਾਨੇ ਵਾਲੇ ਬਾਬਾ ਚਮਕੌਰ ਸਿੰਘ ਭਾਈਰੂਪਾ ਬਾਬਾ ਬੂਟਾ ਸਿੰਘ ਜੋਧਪੁਰੀ ਵੀ ਪੁੱਜੇ ਹੋਏ ਸਨ ਸਰਬੱਤ ਖਾਲਸਾ ਜਥੇਦਾਰਾਂ ਵਲੋਂ ਅੱਜ ਵਿਸ਼ਵ ਗੱਤਕਾ ਦਿਵਸ਼ ਬਰਗਾੜੀ ਦੀ ਦਾਣਾ ਮੰਡੀ ਵਿੱਚ ਮਨਾਇਆ ਜਿੱਥੇ ਬਹੁਤ ਸਾਰੀਆਂ ਗੱਤਕਾ ਟੀਮਾਂ ਪੁੱਜੀਆਂ ਹੋਈਆਂ ਸਨ ਤੇ ਜੇਤੂ ਖਿਡਾਰੀਆਂ ਨੂੰ ਜਥੇਦਾਰਾਂ ਨੇ ਇਨਾਮਾਂ ਦੀ ਵੰਡ ਕੀਤੀ ।

ਬਹੁਤ ਵੱਡੀ ਗਿਣਤੀ ਵਿੱਚ ਪੁੱਜੀਆਂ ਸੰਗਤਾਂ ਨੇ ਗੱਤਕੇ ਦਾ ਅਨੰਦ ਮਾਣਿਆ ਇਨਸ਼ਾਫ ਮੋਰਚੇ ਵਿੱਚ ਲਗਾਤਾਰ ਸੇਵਾ ਕਰ ਰਹੇ ਜਸਕਰਨ ਸਿੰਘ ਕਾਹਨਸਿੰਘਵਾਲਾ ਗੁਰਦੀਪ ਸਿੰਘ ਬਠਿੰਡਾ ਪਰਮਜੀਤ ਸਿੰਘ ਸਹੌਲੀ ਬੂਟਾ ਸਿੰਘ ਰਣਸੀਂਹ ਗੁਰਸੇਵਕ ਸਿੰਘ ਜਵਾਹਰਕੇ ਜਸਵਿੰਦਰ ਸਿੰਘ ਸਾਹੋਕੇ ਸੁਖਦੇਵ ਸਿੰਘ ਪੰਜਗਰਾਂਈ ਰਣਜੀਤ ਸਿੰਘ ਵਾਂਦਰ ਸੁਖਰਾਜ਼ ਸਿੰਘ ਨਿਆਮੀਵਾਲਾ ਅਤੇ ਹੋਰ ਸਿੰਘ ਹਾਜ਼ਰ ਸਨ। ਬਾਮਸੇਫ ਦੇ ਮੁੱਖੀ ਵਾਮਨ ਮੇਸ਼ ਰਾਮ ਜੀ ਲਿੰਗਾਇਤ ਕੁਲਦੀਪ ਸਿੰਘ ਪਰਧਾਨ ਭਾਰਤ ਮੁਕਤੀ ਮੋਰਚਾ ਸਾਬਕਾ ਵਿਧਾਇਕ ਸਿੰਗਾਰਾ ਰਾਮ ਸਹੂੰਗੜਾ ਭਗਵਾਨ ਸਿੰਘ ਚੌਹਾਨ ਵੱਡੀ ਗਿਣਤੀ ਵਿੱਚ ਆਪਣੇ ਸਾਥੀਆਂ ਸਹਿਤ ਹਾਜ਼ਰ ਹੋਏ ਅਤੇ ਇਨਸ਼ਾਫ ਮੋਰਚੇ ਨੂੰ ਆਪਣੀ ਹਿਮਾਇਤ ਕਰਦਿਆਂ ਕਿਹਾ ਕੇ ਸਰਬੱਤ ਖਾਲਸਾ ਜਥੇਦਾਰ ਸਹਿਬਾਨ ਸਾਨੂੰ ਹੁਕਮ ਕਰਨ ਤਾ ਅਸੀ ਭਾਰਤ ਦੇ 500 ਜ਼ਿਲਿਆਂ ਵਿੱਚ ਅੰਦੋਲਨ ਛੇੜ ਦੇਵਾਂਗੇ।

ਪੰਥਕ ਆਗੂ ਸਰਦਾਰ ਸਿਮਰਨਜੀਤ ਸਿੰਘ ਮਾਨ, ਪ੍ਰੋਫੈਸ਼ਰ ਮੋਹਿੰਦਰਪਾਲ ਸਿੰਘ ਵੱਸਣ ਸਿੰਘ ਜ਼ਫਰਵਾਲ ਅਮਰੀਕ ਸਿੰਘ ਬੱਲੋਵਾਲ ਹਰਪਾਲ ਸਿੰਘ ਕੁੱਸਾ ਕਰਮ ਸਿੰਘ ਭੋਈਆਂ ਸਰਪੰਚ ਕੁਲਵਿੰਦਰ ਸਿੰਘ ਸੋਢੀਵਾਲਾ ਗੁਰਚਰਨ ਸਿੰਘ ਭੁੱਲਰ ਤਰਲੋਕ ਸਿੰਘ ਡੱਲਾ ਭੁਪਿੰਦਰ ਸਿੰਘ ਹਰਵਿੰਦਰ ਸਿੰਘ ਨਾਰੰਗਵਾਲ ਬਲਰਾਜ ਸਿੰਘ ਮੋਗਾ ਅਤੇ ਭਾਈ ਮੋਹਕਮ ਸਿੰਘ ਵੀ ਪੁੱਜੇ ਹੋਏ ਸਨ।

ਅੱਜ ਕਥਾ ਕੀਰਤਨ ਰਾਹੀਂ ਢਾਡੀ ਸਾਧੂ ਸਿੰਘ ਧੰਮੂ ਢਾਡੀ ਬਲਵਿੰਦਰ ਸਿੰਘ ਆਲਮ ਢਾਡੀ ਰਣਜੀਤ ਸਿੰਘ ਮੌੜ ਮੰਡੀ ਕਵੀਸ਼ਰ ਰੋਸ਼ਨ ਸਿੰਘ ਰੋਸ਼ਨ ਬੱਧਨੀ ਕਲਾਂ ਢਾਡੀ ਦਰਸ਼ਨ ਸਿੰਘ ਦਲੇਰ ਨੇ ਸਿੱਖ ਸੰਗਤਾਂ ਨੂੰ ਗੁਰੂਘਰ ਨਾਲ ਜੋੜਿਆ ਗੁਰਦੁਆਰਾ ਕੌਲਸਰ ਡੇਰਾ ਬਾਬਾ ਰਾਮ ਪਰਕਾਸ਼ ਬਰਗਾੜੀ ਇਟਲੀ ਬੈਲਜ਼ੀਅਮ ਅਕਾਲੀ ਦਲ ਅੰਮਿ੍ਤਸਰ ਦੀਆਂ ਸਿੱਖ ਸੰਗਤਾਂ ਬਾਬਾ ਕੁਲਵੰਤ ਸਿੰਘ ਗੰਗਸਰ ਜੈਤੋ ਪਿੰਡ ਗੰਧਾਰਾ ਡੋਡ ਸੰਮੇਵਾਲੀ ਵਲੋਂ ਗੁਰੂ ਕੇ ਲੰਗਰਾਂ ਦੀ ਸੇਵਾ ਅੱਜ ਵੀ ਅਤੁੱਟ ਕੀਤੀ ਗਈ ਪੰਥਕ ਸੇਵਾ ਲਹਿਰ ਦਾਦੂ ਸਾਹਿਬ ਵਲੋਂ ਮੋਰਚੇ ਦੀ ਸਫਲਤਾ ਤੱਕ ਪੱਕੇ ਤੌਰਤੇ ਠੰਡੇ ਮਿੱਠੇ ਜਲ ਦੀ ਛਬੀਲ ਦੀ ਸੇਵਾ ਕੀਤੀ ਜਾ ਰਹੀ ਹੈ

ਕੈਨੇਡਾ ਦੀ ਸੰਗਤ ਨੇ ਸ੍ਰੀ ਦਰਬਾਰ ਸਾਹਿਬ ਉਪਰ ਫੌਜੀ ਹਮਲੇ ਦੀ 34ਵੀਂ ਵਰ੍ਹੇ ਗੰਢ ਕੈਨੇਡਾ ਦੀ ਪਾਰਲੀਮੈਂਟ ਤੇ ਮਨਾਈ

1984 ਦਾ ਕਹਿਰ ਸਾਡੇ ਚੇਤਿਆਂ ਵਿੱਚ ਤਾਜ਼ਾ ਰਹੇਗਾ, ਅਸੀਂ ਇਸ ਦਰਦ ਨੂੰ ਯੂ ਐਨ ਦੀ ਦਹਿਲੀਜ਼ ਤੇ ਲਿਜਾਵਾਂਗੇ ਅਤੇ ਖਾਲਿਸਤਾਨ ਦੀਆਂ ਹੱਦਾਂ ਮਿੱਥਣ ਦੀ ਮੰਗ ਕਰਾਂਗੇ….ਸੁਖਮਿੰਦਰ ਸਿੰਘ ਹੰਸਰਾ
ਸਾਲ ਵਿੱਚ ਇੱਕ ਵਾਰ ਸ਼ਹੀਦਾਂ ਨੂੰ ਯਾਦ ਕਰਨ ਨਾਲ ਗੱਲ ਨਹੀਂ ਬਣਨੀ, ਸਾਨੂੰ ਸ਼ਹੀਦਾਂ ਦੀ ਸੋਚ ਤੇ ਪਹਿਰਾ ਦੇ ਕੇ ਜ਼ੁਲਮੀ ਰਾਜ ਦਾ ਅੰਤ ਕਰਨਾ ਹੋਏਗਾææææਜਥੇਦਾਰ ਸੰਤੋਖ ਸਿੰਘ ਖੇਲਾ
ਔਟਵਾ (ਪੀ ਡੀ ਬਿਊਰੋ-ਜੂਨ 2-2018) ਸ੍ਰੀ ਦਰਬਾਰ ਸਾਹਿਬ ਉਪਰ ਭਾਰਤ ਦੀ ਸਰਕਾਰ ਵਲੋਂ ਕੀਤੇ ਫੌਜੀ ਹਮਲੇ ਦੀ 34ਵੀਂ ਵਰੇ ਗੰਢ ਦੇ ਮੌਕੇ ਕੈਨੇਡਾ ਦੀ ਸੰਗਤ ਵਲੋਂ ਕਨੇਡੀਅਨ ਪਾਰਲੀਮੈਂਟ ਹਿੱਲ ਤੇ “84 ਰੀਮੈਂਬਰੈਂਸ ਡੇਅ ਫਾਰ ਸਾਵਰਨਟੀ” ਸਿਰਲੇਖ ਹੇਠ ਯਾਦਗਾਰੀ ਸਮਾਗਮ ਕਰਵਾਇਆ ਗਿਆ। ਇਸ ਯਾਦਗਾਰੀ ਇਕੱਠ ਵਿੱਚ ਟਰਾਂਟੋ ਅਤੇ ਮਾਂਟਰੀਅਲ ਤੋਂ ਵੱਡੀ ਤਾਦਾਦ ਵਿੱਚ ਸੰਗਤ ਨੇ ਸ਼ਮੂਲੀਅਤ ਕੀਤੀ।
ਔਟਵਾ ਸਿੱਖ ਸੁਸਾਇਟੀ ਤਰਫੋਂ ਸਾਬਕਾ ਪ੍ਰਧਾਨ ਬਲਰਾਜ ਸਿੰਘ ਢਿਲੋਂ ਨੇ ਸ਼ੁਰੂਆਤੀ ਵਿਚਾਰ ਦਿੱਤੇ ਜਿਸ ਵਿੱਚ ਉਨ੍ਹਾਂ ਕਿਹਾ ਕਿ ਸਿੱਖਾਂ ਨੂੰ ਕਮਜ਼ੋਰ ਕਰਨ ਲਈ ਭਾਰਤ ਸਰਕਾਰ ਨੇ ਕਈ ਵੱਖ ਵੱਖ ਫਿਰਕੇ ਖੜੇ ਕਰ ਦਿੱਤੇ ਸਨ ਤਾਂ ਕਿ ਸਿੱਖਾਂ ਦੀ ਤਾਕਤ ਨੂੰ ਖੇਰੂੰ ਖੇਰੂੰ ਕੀਤਾ ਜਾ ਸਕੇ।
ਬੀਬੀ ਮਲਕੀਤ ਸਿੰਘ ਅਤੇ ਸਾਥਣ ਬੀਬੀ ਜੀ ਨੇ ਇੱਕ ਭਾਵਨਾਤਮਿਕ ਕਵਿਤਾ “ਜ਼ਖਮ ਚੌਰਾਸੀ ਵਾਲੇ ਦਿੱਲੀਏ ਕਿਵੇਂ ਭੁਲਾਈਏ ਨੀਂ” ਸਾਂਝੀ ਕਰਕੇ ਸਮੂਹ ਲੋਕਾਂ ਨੂੰ ਸ੍ਰੀ ਦਰਬਾਰ ਸਾਹਿਬ ਉਪਰ ਹੋਏ ਕਹਿਰ ਨਾਲ ਜੋੜ ਦਿੱਤਾ।
ਗੁਰੁ ਨਾਨਕ ਦਰਬਾਰ ਗੁਰਦੁਆਰਾ ਸਾਹਿਬ ਮਾਂਟਰੀਅਲ ਦੇ ਪ੍ਰਧਾਨ ਜਥੇਦਾਰ ਸੰਤੋਖ ਸਿੰਘ ਖੇਲਾ ਨੇ ਬੜੀ ਜਜ਼ਬਾਤੀ ਤਕਰੀਰ ਦਿੰਦਿਆਂ ਕਿਹਾ ਕਿ ਸਾਲ ਵਿੱਚ ਇੱਕ ਵਾਰ ਸ਼æਹੀਦਾਂ ਨੂੰ ਯਾਦ ਕਰਨ ਨਾਲ ਗੱਲ ਨਹੀਂ ਬਣਨੀ। ਸਾਨੂੰ ਸ਼ਹੀਦਾਂ ਦੀ ਸੋਚ ਤੇ ਕ੍ਰਿਆਵਾਦੀ ਬਣ ਕੇ ਪਹਿਰਾ ਦੇਣਾ ਪਵੇਗਾ। ਖਾਲਿਸਤਾਨ ਦੇ ਸੰਘਰਸ਼ ਨਾਲ ਲੰਮੇ ਸਮ੍ਹੇਂ ਤੋਂ ਜੁੜੇ ਭਾਈ ਖੇਲਾ ਨੇ ਉਨਟਾਰੀਓ ਅਤੇ ਕਿਊਬਿਕ ਦੀ ਸੰਗਤ ਦਾ ਧੰਨਵਾਦ ਕੀਤਾ ਜਿੰਨਾਂ ਦੇ ਉੱਦਮ ਸਦਕਾ ਅੱਜ ਦਾ ਇਹ ਸੰਵੇਦਨਸ਼ੀਲ ਇਕੱਠ ਸਫਲ ਹੋ ਸਕਿਆ ਹੈ।
ਬੀਬੀ ਜਸਮੀਨ ਕੌਰ ਨੇ ਅੰਗਰੇਜ਼ੀ ਭਾਸ਼ਾ ਵਿੱਚ ਪ੍ਰੈਸ ਨੋਟ ਸਾਂਝਾ ਕੀਤਾ ਜਿਸ ਵਿੱਚ ਜਿਥੇ ਅੱਜ ਦੇ ਇਕੱਠ ਦਾ ਮਨੋਰਥ ਦੱਸਿਆ ਗਿਆ ਉਥੇ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਅਤੇ ਬਰਗਾੜੀ ਵਿਖੇ ਧਰਨੇ ਤੇ ਬੈਠੇ ਸਿੰਘ ਸਾਹਿਬ ਭਾਈ ਧਿਆਨ ਸਿੰਘ ਮੰਡ ਅਤੇ ਸਮੁੱਚੇ ਸੇਵਾਦਾਰਾਂ ਦਾ ਸਹਿਯੋਗ ਦੇਣ ਦਾ ਐਲਾਨ ਕੀਤਾ।
ਸ੍ਰæ ਸੁਖਮਿੰਦਰ ਸਿੰਘ ਹੰਸਰਾ ਨੇ ਇਸ ਮੌਕੇ ਗੁਰੂ ਨਾਨਕ ਸਾਹਿਬ ਜੀ ਦੀ ਬਾਣੀ ਦਾ ਮਹਾਂਵਾਕ “ਜੇ ਜੀਵੈ ਪਤਿ ਲਥੀ ਜਾਇ ॥ ਸਭੁ ਹਰਾਮੁ ਜੇਤਾ ਕਿਛੁ ਖਾਇ॥” ਗਾਇਣ ਕਰਦਿਆਂ ਕਿਹਾ ਕਿ ਸੰਨ 1984 ਵਿੱਚ ਸ੍ਰੀ ਦਰਬਾਰ ਸਾਹਿਬ ਉਪਰ ਭਾਰਤ ਸਰਕਾਰ ਵਲੋਂ ਕੀਤੇ ਹਮਲੇ ਨੇ ਹਰ ਸਿੱਖ ਨੂੰ ਇਹੀ ਅਹਿਸਾਸ ਕਰਵਾਇਆ ਸੀ ਕਿ ਹੁਣ ਸਿੱਖ ਦੀ ਪੱਤ ਵਿੱਚ ਰਹਿ ਹੀ ਕੀ ਗਿਆ ਹੈ। ਇਹ ਅਹਿਸਾਸ ਅੱਜ ਵੀ ਉਸੇ ਤਰ੍ਹਾਂ ਬਰਕਰਾਰ ਹੈ। ਕਨੇਡਾ ਦੀ ਆਜ਼ਾਦ ਸਰਜਮੀਂ ਤੇ ਖੜ ਕੇ ਅਸੀਂ ਅੱਜ ਸੰਸਾਰ ਭਰ ਦੇ ਲੋਕਾਂ ਨਾਲ ਵਾਅਦਾ ਕਰਦੇ ਹਾਂ ਕਿ 1984 ਨੂੰ ਅਸੀਂ ਕਦੇ ਵੀ ਭੁਲਾਵਾਂਗੇ ਨਹੀਂ। 1984 ਦਾ ਕਹਿਰ ਸਾਡੇ ਚੇਤਿਆਂ ਵਿੱਚ ਤਾਜ਼ਾ ਰਹੇਗਾ ਜਿਸ ਨਾਲ ਸਾਡੇ ਕਦਮਾਂ ਵਿੱਚ ਹਰਕਤ ਆਵੇਗੀ ਅਤੇ ਅਸੀਂ ਯੂ ਐਨ ਦੀ ਦਹਿਲੀਜ਼ ਜਾ ਕੇ ਆਪਣਾ ਦਰਦ ਸਾਂਝਾ ਕਰ ਸਕਾਂਗੇ। ਇਹ ਵਿਚਾਰ ਸੁਖਮਿੰਦਰ ਸਿੰਘ ਹੰਸਰਾ ਨੇ ਆਪਣੀ ਤਕਰੀਰ ਦੌਰਾਨ ਕਹੇ।
ਪ੍ਰਭਾਵਸ਼ਾਲੀ ਤਕਰੀਰ ਵਿੱਚ ਹੰਸਰਾ ਨੇ ਕਿਹਾ ਕਿ ਅੱਜ ਅਸੀਂ ਇਥੇ ਪਿਛਲੇ ਸਾਲ ਨਾਲੋਂ ਕਾਫੀ ਜਿਆਦਾ ਗਿਣਤੀ ਵਿੱਚ ਸ਼ਾਮਲ ਹੋਏ ਹਾਂ ਅਤੇ ਕੁੱਝ ਕੁ ਸਮ੍ਹੇਂ ਅੰਦਰ ਕਨੇਡੀਅਨ ਪਾਰਲੀਮੈਂਟ ਦਾ ਆਹ ਵਿਹੜਾ ਛੋਟਾ ਪੈ ਜਾਵੇਗਾ, ਕਿਉਂਕਿ ਹਰ ਸਿੱਖ ਮਹਿਸੂਸ ਕਰਦਾ ਹੈ ਕਿ ਕੌਮ ਨਾਲ ਲਗਾਤਾਰ ਧੱਕਾ ਹੋ ਰਿਹਾ ਹੈ।
ਅੱਜ ਦੇ ਇਸ ਯਾਦਗਾਰੀ ਇਕੱਠ ਵਿੱਚ ਮੁੱਖ ਮਹਿਮਾਨ ਦੇ ਤੌਰ ਤੇ ਸ਼ਾਮਲ ਹੋਈ ਸ਼ਹੀਦ ਭਾਈ ਰਛਪਾਲ ਸਿੰਘ (ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੇ ਪੀ ਏ ਦੀ ਸੁਪਤਨੀ ਅਤੇ ਸ਼ਹੀਦ ਭਾਈ ਮਨਪ੍ਰੀਤ ਸਿੰਘ ਉਮਰ 18 ਦਿਨ, ਦੇ ਮਾਤਾ ਜੀ) ਬੀਬੀ ਪ੍ਰੀਤਮ ਕੌਰ ਨੇ ਕਿਹਾ ਕਿ ਜਿਸ ਦਿਨ ਮੇਰਾ ਆਨੰਦ ਕਾਰਜ ਭਾਈ ਰਛਪਾਲ ਸਿੰਘ ਨਾਲ ਹੋਇਆ ਸੀ ਮੈਨੂੰ ਉਸ ਵਕਤ ਹੀ ਉਨ੍ਹਾਂ ਕਹਿ ਦਿੱਤਾ ਸੀ ਕਿ ਮੇਰੀ ਜ਼ਿੰਦਗੀ ਬਹੁਤ ਛੋਟੀ ਹੈ। ਉਨ੍ਹਾਂ ਅੱਗੇ ਦੱਸਿਆ ਕਿ ਜਿਸ ਦਿਨ ਮੇਰਾ ਬੇਟਾ ਮਨਪ੍ਰੀਤ ਸਿੰਘ ਪੈਦਾ ਹੋਇਆ ਸੀ ਮੈਨੂੰ ਉਸ ਵਕਤ ਹੀ ਪਤਾ ਸੀ ਕਿ ਇਸ ਬੱਚੇ ਨੇ ਬਹੁਤਾ ਚਿਰ ਨਹੀਂ ਜਿਉਣਾ। ਬੀਬੀ ਪ੍ਰੀਤਮ ਕੌਰ ਨੇ ਉਸ ਵਕਤ ਸਾਰੀ ਸੰਗਤ ਭਾਵੁਕ ਕਰ ਦਿੱਤੀ ਜਦੋਂ ਉਨ੍ਹਾਂ ਦੱਸਿਆ ਕਿ ਸੰਤ ਜੀ ਨੇ ਮੈਨੂੰ ਪਹਿਲਾਂ ਹੀ ਕਹਿ ਦਿੱਤਾ ਸੀ ਕਿ ਜਦੋਂ ਅਸੀਂ ਸ਼ਹੀਦ ਹੋਈਏ ਤਾਂ ਤੁਸੀਂ 5 ਜੈਕਾਰੇ ਬੁਲਾਉਣੇ। ਦਰਅਸਲ ਗੱਲ ਜੈਕਾਰਿਆਂ ਦੀ ਨਹੀਂ ਸੀ ਕਿਉਂਕਿ ਮੈਂ ਉਸੇ ਵਕਤ ਹੀ ਸੰਤ ਜੀ ਨੂੰ ਕਹਿ ਦਿੱਤਾ ਸੀ ਕਿ ਮੇਰੇ ਤੋਂ ਇਹ ਨਹੀਂ ਕਰ ਹੋਣਾ, ਪਰ ਇਹ ਤਾਂ ਸੰਤ ਜੀ ਦਾ ਮੈਨੂੰ ਸੰਕੇਤਕ ਇਸ਼ਾਰਾ ਸੀ ਕਿ ਮੈਂ ਇਸ ਹਮਲੇ ਦੌਰਾਨ ਸ਼ਹੀਦ ਨਹੀਂ ਹੋਣਾ। ਮੈਂ ਕੌਮ ਦਾ ਅਜੇ ਹੋਰ ਕੰਮ ਕਰਨਾ ਹੈ। ਇਸ ਤੋਂ ਇਲਾਵਾ ਬੀਬੀ ਜੀ ਨੇ ਗੁਰਸਿੱਖੀ ਧਾਰਨ ਕਰਨ ਤੇ ਜ਼ੋਰ ਦਿੱਤਾ।
ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਕੈਨੇਡਾ ਈਸਟ ਦੇ ਯੂਥ ਦੇ ਪ੍ਰਧਾਨ ਪਰਮਿੰਦਰ ਸਿੰਘ ਪਾਂਗਲੀ ਨੇ ਇਸ ਮੌਕੇ ਸ਼ਹੀਦਾਂ ਨੂੰ ਸ਼ਰਧਾਂਜ਼ਲੀ ਦਿੰਦਿਆਂ ਮਸ਼ਹੂਰ ਪੱਤਰਕਾਰ ਬਲਬੀਰ ਸਿੰਘ ਭਰਪੂਰ ਦੇ ਇਤਹਾਸਕ ਭਾਸ਼ਨ ਦਾ ਜ਼ਿਕਰ ਕੀਤਾ ਜਿਸ ਵਿੱਚ ਉਨ੍ਹਾਂ 1984 ਵਾਪਰਨ ਤੋਂ ਪਹਿਲਾਂ ਕਿਹਾ ਸੀ ਕਿ ਅਗਰ ਸਿੱਖਾਂ ਨੇ ਆਜ਼ਾਦੀ ਪ੍ਰਾਪਤ ਨਾ ਕੀਤਾ ਤਾਂ ਜਿਵੇਂ ਕਿਸੇ ਪਿੰਜਰੇ ਵਿੱਚ ਪਿਆਸਾ ਪੰਛੀ ਤੜਫ ਤੜਫ ਕੇ ਜਾਨ ਦੇ ਦਿੰਦਾ ਹੈ, ਪੰਜਾਬ ਅੰਦਰ ਸਿੱਖ ਨੌਜੁਆਨੀ ਦਾ ਇਹੀ ਹਾਲ ਹੋਵੇਗਾ। ਪਾਂਗਲੀ ਨੇ ਕਿਹਾ ਕਿ ਅੱਜ ਉਹ ਗੱਲ ਸੱਚ ਹੋ ਰਹੀ ਹੈ।
ਹੋਰਨਾਂ ਤੋਂ ਇਲਾਵਾ ਭਾਈ ਹਰਭਜਨ ਸਿੰਘ ਨੰਗਲੀਆ, ਭਾਈ ਸੁਖਦੇਵ ਸਿੰਘ ਅੱਜ ਦੀ ਆਵਾਜ਼ ਅਤੇ ਭਾਈ ਕਰਨੈਲ ਸਿੰਘ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਉਨਟਾਰੀਓ ਕੈਨੇਡਾ ਅਤੇ ਪ੍ਰਭਸਰਵਣ ਸਿੰਘ ਨੇ ਸੰਗਤ ਨੂੰ ਸੰਬੋਧਨ ਕੀਤਾ। ਅਖੀਰ ਵਿੱਚ ਸ੍ਰæ ਅਵਤਾਰ ਸਿੰਘ ਪੂਨੀਆ ਨੇ ਸਮੁੱਚੀ ਸੰਗਤ ਦਾ ਧੰਨਵਾਦ ਕੀਤਾ ਅਤੇ ਅਗਲੇ ਸਾਲ ਇਸੇ ਤਰ੍ਹਾਂ ਵੱਡੀ ਤਾਦਾਦ ਵਿੱਚ ਸ਼ਾਮਲ ਹੋਣ ਦੀ ਅਪੀਲ ਕੀਤੀ।

ਰਿਸਵਤਾਂ, ਘਪਲੇ, ਗੈਰ-ਕਾਨੂੰਨੀ ਅਤੇ ਪੰਜਾਬੀ ਸਿੱਖਾਂ ਉਤੇ ਜ਼ਬਰ-ਜੁਲਮ ਕਰਨ ਵਾਲੀਆ ਜਮਾਤਾਂ ਵੱਲੋਂ ਸ਼ਾਹਕੋਟ ਵਿਖੇ ਖੜ੍ਹੇ ਕੀਤੇ ਗਏ ਉਮੀਦਵਾਰ ਪੰਜਾਬੀਆਂ ਤੇ ਸਿੱਖ ਕੌਮ ਦੀ ਨੁਮਾਇੰਦਗੀ ਕਰਨ ਦੀ ਸਮਰੱਥਾਂ ਨਹੀਂ ਰੱਖਦੇ : ਮਾਨ

ਫ਼ਤਹਿਗੜ੍ਹ ਸਾਹਿਬ, 5 ਮਈ (ਡੇਲੀ ਬਿਊਰੋ) “ਪੰਜਾਬ ਦੇ ਮੁੱਖ ਚੋਣ ਅਫ਼ਸਰ ਦੀਆਂ ਹਦਾਇਤਾ ਉਤੇ ਸ਼ਾਹਕੋਟ ਤੋਂ ਕਾਂਗਰਸ ਵੱਲੋਂ ਰੇਤ ਚੋਰੀ ਕਰਨ ਵਾਲੇ ਉਮੀਦਵਾਰ ਹਰਦੇਵ ਸਿੰਘ ਲਾਡੀ ਸੇਰੋਵਾਲੀਆ ਵਿਰੁੱਧ ਮਹਿਤਪੁਰ ਥਾਣੇ ਵਿਚ ਚੋਰੀ ਦਾ ਕੇਸ ਦਰਜ ਹੋਣ ਉਪਰੰਤ ਹੁਣ ਕੋਈ ਸੱਕ-ਸੁਭਾ ਬਾਕੀ ਨਹੀਂ ਰਹਿ ਗਿਆ ਕਿ ਕਾਂਗਰਸ ਜਮਾਤ ਚੋਰਾਂ, ਰਿਸਵਤਖੋਰਾਂ, ਵੱਡੇ ਘਪਲੇ ਕਰਨ ਵਾਲਿਆ ਅਤੇ ਜਨਤਾ ਉਤੇ ਜ਼ਬਰ-ਜੁਲਮ ਕਰਨ ਵਾਲਿਆ ਦੀ ਹੀ ਸਰਪ੍ਰਸਤੀ ਕਰਦੀ ਆ ਰਹੀ ਹੈ । ਅਜਿਹੀ ਪੰਜਾਬ, ਪੰਜਾਬੀ, ਸੱਭਿਆਚਾਰ, ਵਿਰਸੇ-ਵਿਰਾਸਤ, ਲਿੱਪੀ, ਬੋਲੀ ਆਦਿ ਨਾਲ ਘੋਰ ਬੇਇਨਸਾਫ਼ੀਆਂ ਕਰਨ ਅਤੇ ਮੁਤੱਸਵੀ ਆਰæਐਸ਼ਐਸ਼ ਤੇ ਫਿਰਕੂ ਜਮਾਤਾਂ ਦੇ ਇਨਸਾਨੀਅਤ ਵਿਰੋਧੀ ਪ੍ਰੋਗਰਾਮਾਂ ਨੂੰ ਲਾਗੂ ਕਰਨ ਅਤੇ ਨਫਰਤ ਵਧਾਉਣ ਵਾਲੀਆ ਕਾਰਵਾਈਆ ਦੀ ਸੋਚ ਰੱਖਣ ਵਾਲੀ ਜਮਾਤ ਪੰਜਾਬ ਸੂਬੇ, ਪੰਜਾਬੀਆਂ ਅਤੇ ਸਿੱਖ ਕੌਮ ਦੇ ਹੱਕ-ਹਕੂਕਾ ਦੀ ਨਾ ਤਾਂ ਰੱਖਿਆ ਕਰ ਸਕਦੀ ਹੈ ਅਤੇ ਨਾ ਹੀ ਉਨ੍ਹਾਂ ਨੂੰ ਵਿਧਾਨਿਕ ਆਜ਼ਾਦੀ ਪ੍ਰਦਾਨ ਕਰਨ ਦੇ ਸਮਰੱਥ ਹੈ । ਬਲਕਿ ਇਨ੍ਹਾਂ ਦੀਆਂ ਕਾਰਵਾਈਆ ਇਸ ਸਰਹੱਦੀ ਸੂਬੇ ਦੇ ਅਮਨ-ਚੈਨ, ਜਮਹੂਰੀਅਤ ਕਦਰਾ-ਕੀਮਤਾ ਨੂੰ ਡੂੰਘੀ ਸੱਟ ਮਾਰਨ ਵਾਲੀ ਅਤੇ ਇਥੇ ਅਰਾਜਕਤਾ ਫੈਲਾਉਣ ਵਾਲੀਆ ਹਨ । ਇਹ ਜਮਾਤਾਂ ਅਤੇ ਇਨ੍ਹਾਂ ਦੇ ਉਮੀਦਵਾਰ ਨੂੰ ਪੰਜਾਬੀਆਂ ਅਤੇ ਸਿੱਖਾਂ ਦੀਆਂ ਵੋਟਾਂ ਕਤਈ ਨਹੀਂ ਪੈਣੀਆ ਚਾਹੀਦੀਆ ।”
ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਅੱਜ ਸ਼ਾਹਕੋਟ ਤੋਂ ਕਾਂਗਰਸ ਜਮਾਤ ਵੱਲੋਂ ਖੜ੍ਹੇ ਕੀਤੇ ਗਏ ਉਮੀਦਵਾਰ ਉਤੇ ਮਹਿਤਪੁਰ ਥਾਣੇ ਵਿਚ ਚੋਰੀ ਦਾ ਕੇਸ ਦਰਜ ਹੋਣ ਉਤੇ ਸਮੁੱਚੀ ਕਾਂਗਰਸ ਜਮਾਤ ਦੀਆਂ ਗੈਰ-ਇਖ਼ਲਾਕੀ ਅਤੇ ਗੈਰ-ਕਾਨੂੰਨੀ ਕਾਰਵਾਈਆ ਨੂੰ ਨਿਸ਼ਾਨਾਂ ਬਣਾਉਦੇ ਹੋਏ ਅਤੇ ਪੰਜਾਬ ਨਿਵਾਸੀਆ ਨੂੰ ਕਾਂਗਰਸ, ਬੀਜੇਪੀ, ਬਾਦਲ ਦਲ ਅਤੇ ਆਮ ਆਦਮੀ ਪਾਰਟੀ ਦੇ ਉਪਰੋਕਤ ਸਮਾਜ ਵਿਰੋਧੀ ਸੋਚ ਰੱਖਣ ਵਾਲੀਆ ਜਮਾਤਾਂ ਦੇ ਉਮੀਦਵਾਰਾਂ ਨੂੰ ਕਰਾਰੀ ਹਾਰ ਦੇਣ ਤੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਵੱਲੋਂ ਸਾਫ਼-ਸੁਥਰੇ ਅਤੇ ਬੇਦਾਗ ਜੀਵਨ ਵਾਲੇ ਖੜ੍ਹੇ ਕੀਤੇ ਗਏ ਸ਼ ਸੁਲੱਖਣ ਸਿੰਘ ਸ਼ਾਹਕੋਟ ਨੂੰ ਸਭ ਵਲਗਣਾ ਤੇ ਵਿਤਕਰਿਆ ਤੋਂ ਉਪਰ ਉੱਠਕੇ 28 ਮਈ ਨੂੰ ਆਪਣੀਆ ਕੀਮਤੀ ਵੋਟਾਂ ਦੇਣ ਦੀ ਸੰਜ਼ੀਦਾ ਅਪੀਲ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਬੀਜੇਪੀ ਦੀ ਜਮਾਤ ਨੇ ਸਮੁੱਚੇ ਇੰਡੀਆਂ ਵਿਚ ਜਿਸ ਤਰ੍ਹਾਂ ਮਾਸੂਮ ਜਿੰਦਗਾਨੀਆ ਨਾਲ ਬਲਾਤਕਾਰ ਕਰਨ ਅਤੇ ਘੱਟ ਗਿਣਤੀ ਕੌਮਾਂ ਦਾ ਕਤਲੇਆਮ ਕਰਨ ਅਤੇ ਹਿੰਦੂਤਵ ਕੱਟੜਵਾਦੀ ਪ੍ਰੋਗਰਾਮਾਂ ਨੂੰ ਜ਼ਬਰੀ ਲਾਗੂ ਕਰਨ ਦੀਆਂ ਕਾਰਵਾਈਆ ਸੁਰੂ ਕੀਤੀਆ ਹੋਈਆ ਹਨ, ਇਹ ਪੰਜਾਬ ਅਤੇ ਇੰਡੀਆਂ ਦੇ ਅਮਨ-ਚੈਨ ਨੂੰ ਲਾਬੂ ਲਗਾਉਣ ਵਾਲੇ ਅਮਲ ਹਨ । ਅਤੇ ਫਿਰਕੂ ਨਸਲਵਾਦੀ ਸੋਚ ਨੂੰ ਹਵਾ ਦੇਣ ਵਾਲੇ ਹਨ । ਕਠੂਆ, ਯੁਨਾਅ ਅਤੇ ਕਸੌਲੀ ਵਿਚ ਇਨ੍ਹਾਂ ਹਕੂਮਤਾਂ ਵੱਲੋਂ ਹੋ ਰਹੀਆ ਸ਼ਰਮਨਾਕ ਕਾਰਵਾਈਆ ਪ੍ਰਤੱਖ ਕਰਦੀਆ ਹਨ ਕਿ ਇਹ ਹੁਕਮਰਾਨ ਤਾਨਾਸ਼ਾਹੀ ਅਤੇ ਫਿਰਕੂ ਸੋਚ ਤੇ ਪਹਿਰਾ ਦੇ ਕੇ ਇਥੇ ਵੱਸਣ ਵਾਲੀਆ ਘੱਟ ਗਿਣਤੀ ਕੌਮਾਂ ਉਤੇ ਜ਼ਬਰ-ਜੁਲਮ ਢਾਹੁਣ ਦੀਆ ਸਾਜ਼ਿਸਾਂ ਤੇ ਕੰਮ ਕਰ ਰਹੀਆ ਹਨ । ਇਸੇ ਤਰ੍ਹਾਂ ਬਾਦਲ ਦਲੀਆ ਵੱਲੋਂ ਆਪਣੀ ਹਕੂਮਤ ਸਮੇਂ ਪੰਜਾਬ ਵਿਚ ਵੱਡੇ ਪੱਧਰ ਤੇ ਗੈਰ-ਨਿਯਮੀਆ ਅਤੇ ਅਣਮਨੁੱਖੀ ਅਮਲ ਕੀਤੇ ਗਏ । ਅੱਜ ਜੋ ਬੱਚਿਆਂ ਦੇ ਸਿਲੇਬਸ ਵਿਚ ਸਾਡੇ ਪੰਜਾਬੀ ਸੱਭਿਆਚਾਰ ਤੇ ਸਿੱਖ ਇਤਿਹਾਸ ਬਾਰੇ ਗੁੰਮਰਾਹਕੁੰਨ ਜਾਣਕਾਰੀ ਦੇ ਕੇ ਕਿਤਾਬਾ ਪ੍ਰਕਾਸਿਤ ਕਰਦੇ ਹੋਏ ਇਥੋ ਦੇ ਬੱਚਿਆਂ ਨੂੰ ਗਲਤ ਜਾਣਕਾਰੀ ਦਿੱਤੀ ਜਾ ਰਹੀ ਹੈ । ਅਜਿਹੀਆ ਕਾਰਵਾਈਆ ਵਿਚ ਆਰæਐਸ਼ਐਸ਼ ਦੇ ਗੁਲਾਮ ਬਣੇ ਸ਼ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਬਾਦਲ ਦਲੀਏ ਇਸ ਲਈ ਮੁੱਖ ਦੋਸ਼ੀ ਹਨ ਕਿਉਕਿ ਇਨ੍ਹਾਂ ਨੇ ਮੁਤੱਸਵੀ ਸੋਚ ਵਾਲੇ ਸੀ੍ਰ ਕ੍ਰਿਸ਼ਨ ਕੁਮਾਰ ਨੂੰ ਆਪਣੀ ਹਕੂਮਤ ਸਮੇਂ ਸਰਬ-ਸਿੱਖਿਆ ਅਭਿਆਨ ਦਾ ਡਾਈਰੈਕਟਰ ਲਗਾਇਆ ਸੀ । ਜਿਸ ਨੇ 800 ਸਫਿਆ ਦੀ ਗਲਤ ਜਾਣਕਾਰੀ ਦੇਣ ਵਾਲੀ ‘ਗਿਆਨ-ਸਰੋਵਰ’ ਦੀ ਕਿਤਾਬ ਪ੍ਰਕਾਸਿਤ ਕੀਤੀ ਸੀ । ਅੱਜ ਕਾਂਗਰਸ ਵੱਲੋਂ ਵੀ ਉਸੇ ਸ੍ਰੀ ਕ੍ਰਿਸ਼ਨ ਕੁਮਾਰ ਨੂੰ ਸਿੱਖਿਆ ਵਿਭਾਗ ਦਾ ਸਕੱਤਰ ਬਣਾਇਆ ਗਿਆ ਹੈ ਅਤੇ ਰਾਜਸਥਾਂਨ ਤੋਂ ਮਨੋਹਰ ਕਾਤ ਲੋਹੀਆ ਫਿਰਕੂ ਅਫ਼ਸਰ ਨੂੰ ਲਿਆਕੇ ਸਿੱਖਿਆ ਬੋਰਡ ਦਾ ਚੇਅਰਮੈਨ ਲਗਾਇਆ ਗਿਆ ਹੈ । ਇਹ ਸਭ ਫਿਰਕੂ ਲੀਹਾ ਉਤੇ ਪਹਿਰਾ ਦੇਣ ਵਾਲੇ ਮੁਤੱਸਵੀ ਅਫ਼ਸਰਾਨ ਹਨ ਅਤੇ ਮੁਤੱਸਵੀ ਆਗੂ ਹਨ ।
ਜਿਥੋਂ ਤੱਕ ਆਮ ਆਦਮੀ ਪਾਰਟੀ ਦੀ ਗੱਲ ਆਉਦੀ ਹੈ ਉਸ ਨੂੰ ਪੰਜਾਬੀਆਂ ਤੇ ਸਿੱਖ ਕੌਮ ਨੇ ਬੀਤੇ ਸਮੇਂ ਦੀਆਂ 2017 ਵਿਚ ਹੋਈਆ ਵਿਧਾਨ ਸਭਾ ਚੋਣਾਂ ਸਮੇਂ ਇਸ ਲਈ ਦੁਰਕਾਰ ਦਿੱਤਾ ਸੀ ਕਿਉਂਕਿ ਇਸ ਪਾਰਟੀ ਦੇ ਹਾਥੀ ਦੇ ਦੰਦ ਦਿਖਾਉਣ ਵਾਲੇ ਹੋਰ ਹਨ ਅਤੇ ਖਾਣ ਵਾਲੇ ਹੋਰ । ਜਿਸਦੀ ਪ੍ਰਤੱਖ ਮਿਸਾਲ ਸ੍ਰੀ ਕੇਜਰੀਵਾਲ ਵੱਲੋਂ ਪੰਜਾਬ ਦੀ ਵਾਗਡੋਰ ਸੰਭਾਲਣ ਵਾਲੇ ਗੈਰ-ਇਖਲਾਕੀ ਅਤੇ ਰਿਸਵਤਖੋਰ ਸੰਜੇ ਸਿੰਘ, ਦੁਰਗੇਸ ਪਾਠਕ ਆਦਿ ਵੱਲੋਂ ਇਥੋ ਦੀਆਂ ਬੀਬੀਆਂ ਨਾਲ ਕੀਤੇ ਗਏ ਦੁਰਵਿਹਾਰ ਅਤੇ ਪਾਰਟੀ ਟਿਕਟਾ ਤੇ ਅਹੁਦੇ ਦੇਣ ਵਿਚ ਲੱਖਾਂ-ਕਰੋੜਾਂ ਦੀ ਕੀਤੀ ਗਈ ਰਿਸਵਤਖੋਰੀ ਤੋਂ ਸਭ ਪੰਜਾਬੀ ਅਤੇ ਸਿੱਖ ਕੌਮ ਭਲੀਭਾਤ ਜਾਣੂ ਹਨ । ਇਸ ਪਾਰਟੀ ਕੋਲ ਪੰਜਾਬੀ ਸੱਭਿਆਚਾਰ ਅਤੇ ਸਿੱਖ ਕੌਮ ਦੇ ਮਨੁੱਖਤਾ ਪੱਖੀ ਅਸੂਲਾਂ ਅਤੇ ਨਿਯਮਾਂ ਨੂੰ ਮਜ਼ਬੂਤ ਕਰਨ ਲਈ ਕੋਈ ਪ੍ਰੋਗਰਾਮ ਨਹੀਂ । ਇਹ ਤਾਂ ਕੇਵਲ ਦਿੱਲੀ ਮੁਤੱਸਵੀ ਸੋਚ ਵਾਲੀ ਹਦਾਇਤਾ ਉਤੇ ਪੰਜਾਬੀਆਂ ਤੇ ਸਿੱਖਾਂ ਉਤੇ ਜ਼ਬਰੀ ਰਾਜ ਕਰਨ ਤੇ ਪੰਜਾਬ ਸੂਬੇ ਵਿਚ ਲੁੱਟ ਮਚਾਉਣ ਅਤੇ ਇਥੋ ਦੇ ਅਮੀਰ ਸੱਭਿਆਚਾਰ ਨੂੰ ਮਲੀਨ ਕਰਨ ਦੀਆ ਸਾਜ਼ਿਸਾਂ ਵਿਚ ਮਸਰੂਫ ਹਨ । ਇਸ ਲਈ ਉਪਰੋਕਤ ਸਿਆਸੀ ਜਮਾਤਾਂ ਕਾਂਗਰਸ, ਬੀਜੇਪੀ, ਬਾਦਲ ਦਲੀਏ ਅਤੇ ਆਮ ਆਦਮੀ ਪਾਰਟੀ ਵਰਗੀਆ ਜਮਾਤਾਂ ਅਤੇ ਉਨ੍ਹਾਂ ਵੱਲੋਂ ਖੜ੍ਹੇ ਕੀਤੇ ਜਾਣ ਵਾਲੇ ਉਮੀਦਵਾਰ ਪੰਜਾਬੀਆਂ ਤੇ ਸਿੱਖ ਕੌਮ ਦੀ ਸੋਚ ਉਤੇ ਕਤਈ ਵੀ ਪੂਰੇ ਉਤਰਨ ਵਾਲੇ ਨਹੀਂ ਹਨ । ਬਲਕਿ ਇਹ ਇਥੋ ਦੇ ਮਾਹੌਲ ਨੂੰ ਗੰਧਲਾ ਅਤੇ ਨਫ਼ਰਤ ਭਰਿਆ ਕਰਕੇ ਆਪਣੇ ਸਵਾਰਥੀ ਹਿਤਾ ਦੀ ਪੂਰਤੀ ਕਰਨਾ ਲੋੜਦੇ ਹਨ । ਇਸ ਲਈ ਸਾਡੀ ਸਮੁੱਚੇ ਪੰਜਾਬੀਆਂ ਅਤੇ ਸਮੁੱਚੀ ਸਿੱਖ ਕੌਮ ਨੂੰ ਇਹ ਸੰਜ਼ੀਦਾ ਅਪੀਲ ਹੈ ਕਿ ਉਹ ਸ਼ਾਹਕੋਟ ਜਿਮਨੀ ਚੋਣ ਵਿਚ ਉਪਰੋਕਤ ਜਮਾਤਾਂ ਦੇ ਖੜ੍ਹੇ ਕੀਤੇ ਗਏ ਦਾਗੀ ਉਮੀਦਵਾਰਾਂ ਨੂੰ ਕਰਾਰੀ ਹਾਰ ਦੇ ਕੇ 28 ਮਈ ਨੂੰ ਆਪੋ ਆਪਣੀ ਇਖ਼ਲਾਕੀ ਸੋਚ ਨੂੰ ਮਜ਼ਬੂਤ ਕਰਦੇ ਹੋਏ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਅਤੇ ਬਹੁਜਨ ਮੁਕਤੀ ਮੋਰਚਾਂ, ਬਾਮਸੇਫ, ਪੱਛੜੇ ਵਰਗਾਂ ਅਤੇ ਕਬੀਲਿਆ ਦੇ ਸਾਂਝੇ ਉਮੀਦਵਾਰ ਸ਼ ਸੁਲੱਖਣ ਸਿੰਘ ਸ਼ਾਹਕੋਟ ਨੂੰ ਵੱਡੀ ਗਿਣਤੀ ਵਿਚ ਜਿਤਾਕੇ ਪੰਜਾਬ ਅਸੈਬਲੀ ਵਿਚ ਭੇਜਣ ਦੀ ਜ਼ਿੰਮੇਵਾਰੀ ਨਿਭਾਉਣ ਤਾਂ ਕਿ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਆਪ ਸਭਨਾਂ ਦੇ ਵਿਧਾਨਿਕ, ਸਮਾਜਿਕ, ਧਾਰਮਿਕ ਅਤੇ ਇਖ਼ਲਾਕੀ ਹੱਕਾਂ ਦੀ ਦ੍ਰਿੜਤਾ ਨਾਲ ਰੱਖਿਆ ਕਰ ਸਕੇ ਅਤੇ ਪੰਜਾਬ, ਸਿੱਖ ਕੌਮ ਦੇ ਅਮੀਰ ਸੱਭਿਆਚਾਰ, ਵਿਰਸੇ-ਵਿਰਾਸਤ ਨੂੰ ਪ੍ਰਫੁੱਲਿਤ ਕਰ ਸਕੇ ।

ਕਠੂਆ, ਯੁਨਾਅ ਵਿਚ ਹੋਈਆ ਬਲਾਤਕਾਰੀ ਘਟਨਾਵਾ ਅਤੇ ਕਸੋਲੀ ਵਿਚ ਇਕ ਬੀਬਾ ਅਫ਼ਸਰ ਦੇ ਕਤਲ ਦੀ ਘਟਨਾ ਇਥੋਂ ਦੇ ਜੰਗਲ ਦੇ ਰਾਜ ਦੀ ਤਸਵੀਰ ਪੇਸ਼ ਕਰ ਰਹੀਆ ਹਨ : ਮਾਨ

ਫ਼ਤਹਿਗੜ੍ਹ ਸਾਹਿਬ, 4 ਮਈ (ਡੇਲੀ ਬਿਊਰੋ) “ਬੀਤੇ ਕੁਝ ਦਿਨ ਪਹਿਲੇ ਕਠੂਆ, ਜੰਮੂ-ਕਸ਼ਮੀਰ ਵਿਚ ਇਕ ਮਾਸੂਮ 8 ਸਾਲਾ ਬੱਚੀ ਨਾਲ ਕੱਟੜਵਾਦੀ ਹਿੰਦੂਆਂ ਨੇ ਧਾਰਮਿਕ ਸਥਾਂਨ ਮੰਦਰ ਵਿਚ ਜਿਸ ਅਤਿ ਸ਼ਰਮਨਾਕ ਢੰਗ ਨਾਲ ਜ਼ਬਰ-ਜਿਨਾਹ ਕਰਕੇ ਉਸ ਨੂੰ ਮਾਰ ਦਿੱਤਾ ਅਤੇ ਯੁਨਾਅ (ਯੂਪੀ) ਵਿਚ ਬੀਜੇਪੀ ਦੇ ਐਮæਐਲ਼ਏæ ਕੁਲਦੀਪ ਸਿੰਘ ਸਿੰਗਾਰ ਵੱਲੋ ਇਕ ਬੀਬਾ ਨਾਲ ਜ਼ਬਰ-ਜ਼ਿਨਾਹ ਕੀਤਾ ਗਿਆ ਅਤੇ ਹਿਮਾਚਲ ਦੇ ਕਸੌਲੀ ਸਹਿਰ ਵਿਚ ਕੰਟਰੀ ਪਲਾਨਿੰਗ ਵਿਭਾਗ ਦੀ ਇਕ ਬੀਬਾ ਅਫ਼ਸਰ ਸੈਲ ਬਾਲਾ ਨੂੰ ਦਿਨ-ਦਿਹਾੜੇ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਅਤੇ ਫਗਵਾੜਾ ਵਿਖੇ ਬਹੁਗਿਣਤੀ ਹਿੰਦੂਆਂ ਨੇ ਇਕ ਦਲਿਤ ਉਤੇ ਹਮਲਾ ਕਰਕੇ ਉਸ ਨੂੰ ਅਤਿ ਗੰਭੀਰ ਰੂਪ ਵਿਚ ਜਖ਼ਮੀ ਕਰ ਦਿੱਤਾ ਗਿਆ ਜੋ ਕਿ ਬਾਅਦ ਵਿਚ ਦਮ ਤੋੜ ਗਿਆ, ਇਹ ਦੁੱਖਦਾਇਕ ਘਟਨਾਵਾਂ ਮੁਤੱਸਵੀ ਮੋਦੀ ਹਕੂਮਤ ਅਤੇ ਬੀਜੇਪੀ ਦੇ ਨਿਜਾਮ ਵਾਲੇ ਸੂਬਿਆਂ ਦੀਆਂ ਹਕੂਮਤਾਂ ਦੇ ‘ਜੰਗਲ ਦੇ ਰਾਜ’ ਦੀ ਘਿਣੋਨੀ ਤਸਵੀਰ ਨੂੰ ਪੇਸ਼ ਕਰਦੀਆ ਹਨ । ਇਥੇ ਸਟੇਟ ਦਹਿਸਤਗਰਦੀ ਅਤੇ ਅਰਾਜਕਤਾ ਵੱਧ ਜਾਣ ਨੂੰ ਸਪੱਸਟ ਕਰਦੀਆ ਹਨ । ਜੋ ਕਿ ਇੰਡੀਆਂ ਦੇ ਅਮਨ-ਚੈਨ ਅਤੇ ਜਮਹੂਰੀਅਤ ਕਦਰਾ-ਕੀਮਤਾ ਨੂੰ ਕਾਇਮ ਰੱਖਣ ਲਈ ਖ਼ਤਰੇ ਦੀ ਘੰਟੀ ਵਾਲੇ ਅਮਲ ਹਨ ।”
ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਇੰਡੀਆਂ ਵਿਚ ਆਰæਐਸ਼ਐਸ-ਬੀਜੇਪੀ ਅਤੇ ਹੋਰ ਫਿਰਕੂ ਕੱਟੜਵਾਦੀ ਜਮਾਤਾਂ ਦੇ ਹੁਕਮਰਾਨੀ ਜ਼ਬਰ-ਜੁਲਮਾਂ ਅਤੇ ਬੇਇਨਸਾਫ਼ੀਆਂ ਦੇ ਵੱਧ ਜਾਣ ਅਤੇ ਘੱਟ ਗਿਣਤੀ ਕੌਮਾਂ ਨਾਲ ਗੈਰ-ਕਾਨੂੰਨੀ ਅਤੇ ਅਣਮਨੁੱਖੀ ਤਰੀਕੇ ਹੋ ਰਹੇ ਜ਼ਬਰ ਦੀ ਜੋਰਦਾਰ ਸ਼ਬਦਾਂ ਵਿਚ ਨਿਖੇਧੀ ਕਰਦੇ ਹੋਏ ਅਤੇ ਮੌਜੂਦਾ ਮੁਤੱਸਵੀ ਮੋਦੀ ਹਕੂਮਤ ਦੇ ਨਿਜਾਮ ਦੀ ਅਸਫ਼ਲਤਾ ਕਰਾਰ ਦਿੰਦੇ ਹੋਏ ਪ੍ਰਗਟ ਕੀਤੇ। ਉਨ੍ਹਾਂ ਕਿਹਾ ਕਿ ਮੋਦੀ ਹਕੂਮਤ ਬਾਹਰਲੇ ਮੁਲਕਾਂ ਵਿਚ ਜਿੰਨੀ ਮਰਜੀ ਆਪਣੇ ਇੰਡੀਆਂ ਦੀ ਮੀਡੀਏ ਅਤੇ ਬਿਜਲਈ ਮੀਡੀਏ ਵਿਚ ਅੱਛੀ ਤਸਵੀਰ ਪੇਸ਼ ਕਰੇ ਅਤੇ ਇੰਡੀਆਂ ਵਿਚ ਅਮਨ-ਚੈਨ ਅਤੇ ਜਮਹੂਰੀਅਤ ਕਦਰਾ-ਕੀਮਤਾ ਦੇ ਕਾਇਮ ਹੋਣ ਦਾ ਜਿੰਨਾ ਮਰਜੀ ਝੂਠਾ ਰੋਲਾ ਪਾ ਲਵੇ । ਪਰ ਜਦੋਂ ਤੱਕ ਇਥੇ ਵੱਸਣ ਵਾਲੀਆ ਘੱਟ ਗਿਣਤੀ ਮੁਸਲਿਮ, ਇਸਾਈ, ਸਿੱਖ, ਦਲਿਤ, ਪੱਛੜੇ ਵਰਗ ਅਤੇ ਕਬੀਲਿਆ ਨੂੰ ਉਨ੍ਹਾਂ ਦੇ ਵਿਧਾਨਿਕ, ਆਜ਼ਾਦੀ ਦੇ ਹੱਕ ਅਮਲੀ ਰੂਪ ਵਿਚ ਪ੍ਰਦਾਨ ਨਹੀਂ ਕੀਤੇ ਜਾਂਦੇ ਅਤੇ ਉਨ੍ਹਾਂ ਨੂੰ ਬਰਾਬਰ ਦੇ ਅਧਿਕਾਰ ਨਹੀਂ ਦਿੱਤੇ ਜਾਂਦੇ, ਉਸ ਸਮੇਂ ਤੱਕ ਇਥੇ ਅਮਨ-ਚੈਨ ਕਾਇਮ ਰੱਖਣਾ ਅਸੰਭਵ ਹੈ । ਉਨ੍ਹਾਂ ਇਹ ਵੀ ਕਿਹਾ ਕਿ ਉਪਰੋਕਤ ਦੁੱਖਦਾਇਕ ਘਟਨਾਵਾ ਤੋਂ ਜਾਹਰ ਹੋ ਜਾਂਦਾ ਹੈ ਕਿ ਇਥੋ ਦੇ ਨਿਜਾਮੀ ਪ੍ਰਬੰਧ ਵਿਚ ਵੱਡੀਆ ਕਮੀਆ ਹਨ ਅਤੇ ਹਿੰਦੂਤਵ ਕੱਟੜਵਾਦੀ ਸੋਚ ਦਾ ਬੋਲਬਾਲਾ ਹੋ ਚੁੱਕਾ ਹੈ । ਹਿੰਦੂਤਵ ਹੁਕਮਰਾਨ ਹਿੰਦੂ ਸੋਚ ਨੂੰ ਜ਼ਬਰੀ ਲਾਗੂ ਕਰਕੇ ਘੱਟ ਗਿਣਤੀ ਕੌਮਾਂ ਵਿਚ ਖੁਦ ਵੱਡੀ ਬੇਚੈਨੀ ਪੈਦਾ ਕਰ ਰਹੇ ਹਨ । ਜਿਸਦੇ ਨਤੀਜੇ ਇਥੋ ਦੇ ਹੁਕਮਰਾਨਾਂ ਅਤੇ ਅਮਨ-ਚੈਨ ਲਈ ਕਤਈ ਸਹੀ ਸਾਬਤ ਨਹੀਂ ਹੋਣਗੇ ।
ਉਨ੍ਹਾਂ ਕਿਹਾ ਕਿ ਚੀਨ ਵਰਗੇ ਵੱਡੇ ਮੁਲਕ ਨੂੰ ਖੁਸ਼ ਕਰਨ ਲਈ ਸ੍ਰੀ ਮੋਦੀ ਹਕੂਮਤ ਨੇ ਮਨੁੱਖੀ ਕਦਰਾ-ਕੀਮਤਾ ਦਾ  ਘਾਣ ਕਰਕੇ ਤਿੱਬਤ ਦੇ ਆਗੂ ਸ੍ਰੀ ਦਲਾਈ ਲਾਮਾ ਜਿਸ ਨੂੰ ਇੰਡੀਆ ਨੇ ਸ਼ਰਨ ਦਿੱਤੀ ਹੋਈ ਹੈ, ਉਸ ਨੂੰ ਧਰਮਸਾਲਾ (ਹਿਮਾਚਲ) ਦੇ ਘਰ ਵਿਚ ਹੀ ਬੰਦ ਕਰਕੇ ਮਨੁੱਖੀ ਨਿਯਮਾਂ ਦਾ ਉਲੰਘਣ ਕੀਤਾ ਹੈ । ਅਜਿਹਾ ਇਸ ਕਰਕੇ ਕੀਤਾ ਗਿਆ ਹੈ ਤਾਂ ਕਿ ਬੀਤੇ ਦਿਨੀਂ ਸ੍ਰੀ ਮੋਦੀ ਦੀ ਚੀਨ ਯਾਤਰਾ ਨੂੰ ਸਫ਼ਲ ਬਣਾਇਆ ਜਾ ਸਕੇ । ਜਦੋਂਕਿ ਚੀਨ ਦੇ ਅਧਿਕਾਰੀਆ ਨੇ ਸ੍ਰੀ ਮੋਦੀ ਨੂੰ ਇਕ ਝੀਲ ਦੇ ਸਿਕਾਰੇ ਵਿਚ ਸੈਰ ਕਰਵਾਕੇ ਅਤੇ ਕਈ ਹੋਰ ਥਾਵਾ ਤੇ ਘੁਮਾਕੇ ਵਾਪਸ ਭੇਜ ਦਿੱਤਾ ਹੈ ਅਤੇ ਕੋਈ ਮਨੁੱਖਤਾ ਪੱਖੀ ਪ੍ਰਾਪਤੀ ਨਹੀਂ ਹੋ ਸਕੀ । ਫਿਰ ਇਸ ਯਾਤਰਾ ਨੂੰ ਕਿਸ ਤਰ੍ਹਾਂ ਸਫ਼ਲ ਕਰਾਰ ਦਿੱਤਾ ਜਾ ਸਕਦਾ ਹੈ ? ਦੂਸਰਾ ਮੋਦੀ ਹਕੂਮਤ ਵੱਲੋਂ ਅਮਰੀਕਾ, ਆਸਟ੍ਰੇਲੀਆ, ਜਪਾਨ, ਵੀਅਤਨਾਮ ਆਦਿ ਨਾਲ ਫ਼ੌਜੀ ਸਮਝੋਤੇ ਕੀਤੇ ਜਾ ਰਹੇ ਹਨ, ਜੋ ਕਿ ਚੀਨ, ਰੂਸ, ਪਾਕਿਸਤਾਨ, ਉਤਰੀ ਕੋਰੀਆ ਦੇ ਕੌਮਾਂਤਰੀ ਪੱਧਰ ਦੇ ਬਣ ਰਹੇ ਵੱਡੇ ਗਰੁੱਪ ਦੇ ਵਿਰੋਧੀ ਅਮਲ ਹਨ । ਫਿਰ ਸ੍ਰੀ ਮੋਦੀ ਚੀਨ ਦੀ ਯਾਤਰਾ ਕਰਕੇ ਇੰਡੀਆ ਲਈ ਜਾਂ ਮਨੁੱਖਤਾ ਲਈ ਕੀ ਪ੍ਰਾਪਤੀ ਕਰ ਰਹੇ ਹਨ ? ਅੱਜ ਦੀ ਨਵੀਂ ਸੂਚਨਾ ਇਹ ਹੈ ਕਿ ਫ਼ਰਾਂਸ ਨੇ ਇੰਡੀਆ ਨਾਲ ਕੀਤੇ ਗਏ ਸਮਝੋਤੇ ਤੋਂ ਪਿੱਛੇ ਹੱਟ ਗਿਆ ਹੈ, ਜੋ ਪ੍ਰਤੱਖ ਹੈ ਕਿ ਫ਼ਰਾਂਸ ਚੀਨ ਵਾਲੇ ਫੌਜੀ ਗਰੁੱਪ ਵਿਚ ਜਾਵੇਗਾ ।

ਹਿੰਦੂ ਪ੍ਰੈਸ ਅਤੇ ਮੁਤੱਸਵੀ ਆਗੂ ਸਿੱਖ ਕੌਮ ਨੂੰ ਤਾਂ ਬਦਨਾਮ ਕਰਨ ਵਿਚ ਮੋਹਰੀ, ਪਰ ਬਾਪੂ ਆਸਾਰਾਮ, ਕਠੂਆ ਘਟਨਾ ਦੇ ਦੋਸ਼ੀ ਅਤੇ ਮੁਸਲਿਮ ਕੌਮ ਦੇ ਕਾਤਲਾਂ ਨੂੰ ਬਲਾਤਕਾਰੀ ਤੇ ਕਾਤਲ ਕਹਿਣ ਤੋਂ ਕਿਉਂ ਭੱਜ ਰਹੀ ਹੈ ? : ਮਾਨ

ਫ਼ਤਹਿਗੜ੍ਹ ਸਾਹਿਬ, 26 ਅਪ੍ਰੈਲ (ਡੇਲੀ ਬਿਊਰੋ) “ਅਮਲੀ ਰੂਪ ਵਿਚ ਸਮੁੱਚੀ ਮਨੁੱਖਤਾ ਲਈ ਸਰਬੱਤ ਦਾ ਭਲਾ ਮੰਗਣ ਵਾਲੀ, ਬੀਤੇ ਸਮੇਂ ਵਿਚ ਬਾਹਰੀ ਧਾੜਵੀਆਂ ਤੋਂ ਹਿੰਦੂਆਂ ਦੀਆਂ ਧੀਆਂ-ਭੈਣਾਂ ਦੀ ਇੱਜ਼ਤ ਦੀ ਰਾਖੀ ਕਰਨ ਵਾਲੀ ਅਤੇ ਸਰਹੱਦਾਂ ਉਤੇ ਹਿੱਕ ਡਾਹਕੇ ਮੌਤ ਨੂੰ ਮਖੌਲਾ ਕਰਨ ਵਾਲੀ ਸਿੱਖ ਕੌਮ ਨੂੰ ਤਾਂ ਮੁਤੱਸਵੀ ਹੁਕਮਰਾਨ ਅਤੇ ਹਿੰਦੂ ਪ੍ਰੈਸ ਜਿਸ ਵਿਚ ਦਾ ਟ੍ਰਿਬਿਊਨ, ਇੰਡੀਅਨ ਐੇਕਸਪ੍ਰੈਸ, ਟਾਈਮਜ਼ ਆਫ਼ ਇੰਡੀਆ, ਹਿੰਦੂਸਤਾਨ ਟਾਈਮਜ਼ ਦੇ ਨਾਲ-ਨਾਲ ਬਿਜਲਈ ਮੀਡੀਆ 1984 ਤੋਂ ਹੀ ਅੱਤਵਾਦੀ, ਗਰਮਦਲੀਏ, ਸ਼ਰਾਰਤੀ ਅਨਸਰ ਅਤੇ ਵੱਖਵਾਦੀ ਆਦਿ ਬਦਨਾਮਨੁੰਮਾ ਨਾਮ ਦੇ ਕੇ ਸਿੱਖ ਕੌਮ ਵਿਰੁੱਧ ਨਫ਼ਰਤ ਪੈਦਾ ਕਰਦੇ ਆ ਰਹੇ ਹਨ । ਪਰ ਹੁਣ ਜਦੋਂ ਸਮੁੱਚੇ ਇੰਡੀਆਂ ਵਿਚ ਮਾਸੂਮ ਬੱਚੀਆਂ ਨਾਲ ਬਲਾਤਕਾਰ ਕਰਕੇ ਉਨ੍ਹਾਂ ਮਾਸੂਮ ਜਿੰਦਾ ਨੂੰ ਮੌਤ ਦੇ ਮੂੰਹ ਵਿਚ ਧਕੇਲਣ ਵਾਲੇ ਬਾਪੂ ਆਸਾਰਾਮ, ਸਿਰਸੇਵਾਲਾ ਸਾਧ, ਕਠੂਆ ਵਿਖੇ ਬਲਾਤਕਾਰੀ ਹਿੰਦੂ ਅਤੇ 2002 ਵਿਚ ਮੁਸਲਿਮ ਕੌਮ ਦਾ ਕਤਲੇਆਮ ਕਰਨ ਵਾਲੇ ਅਤੇ ਉਨ੍ਹਾਂ ਦੀਆਂ ਬੀਬੀਆਂ ਦੀਆਂ ਨਗਨ ਬਲਾਤਕਾਰੀ ਵੀਡੀਓਜ ਬਣਾਉਣ ਵਾਲੇ ਸਮਾਜ ਵਿਰੋਧੀ ਹਿੰਦੂ ਅਪਰਾਧੀਆ ਦੀ ਗਿਣਤੀ ਵੱਧਦੀ ਜਾ ਰਹੀ ਹੈ ਅਤੇ ਦਿਨ-ਦਿਹਾੜੇ ਸ਼ਰਮਨਾਕ ਕਾਰੇ ਹੋ ਰਹੇ ਹਨ, ਤਾਂ ਹਿੰਦੂ ਪ੍ਰੈਸ ਅਤੇ ਹੁਕਮਰਾਨਾਂ ਵੱਲੋਂ ਅਜਿਹੇ ਬਲਾਤਕਾਰੀਆ ਤੇ ਕਾਤਲਾਂ ਨੂੰ ਹੁਣ ਅਜਿਹੇ ਨਾਮ ਦੇਣ ਤੋਂ ਕਿਉਂ ਭੱਜ ਰਹੇ ਹਨ ?”

ਇਹ ਵਿਚਾਰ ਸ਼ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਮੁਤੱਸਵੀ ਹੁਕਮਰਾਨਾਂ ਅਤੇ ਇਥੋਂ ਦੀ ਹਿੰਦੂ ਪ੍ਰੈਸ ਅਤੇ ਬਿਜਲਈ ਮੀਡੀਏ ਦੀ ਨਿਰਪੱਖਤਾ ਉਤੇ ਅਤੇ ਪੀਲੀ ਪੱਤਰਕਾਰੀ ਉਤੇ ਡੂੰਘਾਂ ਸਵਾਲ ਕਰਦੇ ਹੋਏ ਸਮਾਜਿਕ ਜ਼ਿੰਮੇਵਾਰੀਆਂ ਤੋਂ ਭੱਜਣ ਦਾ ਦੋਸ਼ ਲਗਾਉਦੇ ਹੋਏ ਇਕ ਪ੍ਰੈਸ ਬਿਆਨ ਵਿਚ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਜੇਕਰ ਹੁਣ ਇਨ੍ਹਾਂ ਬਲਾਤਕਾਰੀਆਂ ਅਤੇ ਕਾਤਲ ਹਿੰਦੂਆਂ ਨੂੰ ਸਿੱਖ ਕੌਮ ‘ਬਲਾਤਕਾਰੀ ਅਤੇ ਕਾਤਲ’ ਐਲਾਨੇ ਤਾਂ ਕਿਹੋ ਜਿਹਾ ਲੱਗੇਗਾ ? ਉਨ੍ਹਾਂ ਕਿਹਾ ਕਿ ਜੇਕਰ ਪ੍ਰੈਸ ਅਤੇ ਮੀਡੀਏ ਨੇ ਉਪਰੋਕਤ ਸਿੱਖ ਕੌਮ ਪ੍ਰਤੀ ਮੰਦਭਾਵਨਾ ਰੱਖਣ ਵਾਲੀਆ ਮੁਤੱਸਵੀ ਤਾਕਤਾਂ ਅਤੇ ਫਿਰਕੂ ਆਗੂਆਂ ਦੀਆਂ ਸਮਾਜ ਵਿਰੋਧੀ ਕਾਰਵਾਈਆ ਨੂੰ ਨੰਗਾ ਕਰਨ ਦੀ ਜ਼ਿੰਮੇਵਾਰੀ ਨਾ ਨਿਭਾਈ ਤਾਂ ਸਿਧਾਤਾਂ ਅਤੇ ਨਿਯਮਾਂ ਉਤੇ ਪਹਿਰਾ ਦੇਣ ਵਾਲੀ ਸਿੱਖ ਕੌਮ ਲਈ ਇਹ ਹੁਕਮਰਾਨ ਅਤੇ ਇਥੋਂ ਦੀ ਹਿੰਦੂ ਪ੍ਰੈਸ ਇਨਸਾਫ਼ ਅਤੇ ਬਰਾਬਰਤਾ ਦੇ ਹੱਕ ਦਿਵਾਉਣ ਦੇ ਸਾਰੇ ਦਰਵਾਜੇ ਬੰਦ ਕਰਨ ਦੀ ਭੂਮਿਕਾ ਨਿਭਾਅ ਰਹੀ ਹੋਵੇਗੀ, ਜੋ ਕਿ ਇਨਸਾਨੀ ਅਤੇ ਜਮਹੂਰੀਅਤ ਪੱਖੀ ਅਸੂਲਾਂ ਤੇ ਨਿਯਮਾਂ ਦਾ ਘਾਣ ਕਰਨ ਦੇ ਤੁੱਲ ਅਮਲ ਹੋਣਗੇ ਅਤੇ ਸਦਾ ਲਈ ਅਜਿਹੀ ਪੀਲੀ ਪੱਤਰਕਾਰੀ ਵਾਲੀ ਪ੍ਰੈਸ ਉਤੇ ਕੌਮਾਂਤਰੀ ਪੱਧਰ ਤੇ ਵੱਡਾ ਧੱਬਾ ਲੱਗ ਜਾਵੇਗਾ ਅਤੇ ਘੱਟ ਗਿਣਤੀ ਕੌਮਾਂ ਲਈ ਇਥੇ ਇਨਸਾਫ਼ ਨਾਮ ਦੀ ਕੋਈ ਚੀਜ ਨਹੀਂ ਬਚੇਗੀ । ਇਸ ਲਈ ਇਹ ਜ਼ਰੂਰੀ ਹੈ ਕਿ ਪ੍ਰੈਸ ਅਤੇ ਮੀਡੀਆ ਕਿਸੇ ਇਕ ਫਿਰਕੇ ਜਾਂ ਕਿਸੇ ਇਕ ਕੌਮ ਨਾਲ ਜੁੜਕੇ ਪੱਖਪਾਤੀ ਅਮਲ ਬਿਲਕੁਲ ਨਾ ਕਰੇ ਅਤੇ ਜਿਥੇ ਕਿੱਤੇ ਵੀ ਜ਼ਬਰ-ਜੁਲਮ ਜਾਂ ਬੇਇਨਸਾਫ਼ੀ ਹੁਕਮਰਾਨਾਂ ਵੱਲੋਂ ਜਾਂ ਬਹੁਗਿਣਤੀ ਵੱਲੋਂ ਹੁੰਦੀ ਹੈ ਉਸ ਵਿਰੁੱਧ ਉਹ ਨਿਰਪੱਖਤਾ ਨਾਲ ਆਵਾਜ਼ ਉਠਾਉਣ ਦੀ ਜ਼ਿੰਮੇਵਾਰੀ ਨਿਭਾਵੇ । ਤਦ ਹੀ ਇਥੇ ਸਥਾਈ ਤੌਰ ਤੇ ਅਮਨ-ਚੈਨ ਸਥਾਪਿਤ ਹੋ ਸਕੇਗਾ, ਵਰਨਾ 24 ਅਪ੍ਰੈਲ ਨੂੰ ਨਾਗਪੁਰ ਵਿਖੇ ਸਮੁੱਚੀਆਂ ਘੱਟ ਗਿਣਤੀ ਕੌਮਾਂ ਭਾਰਤੀ ਮੁਕਤੀ ਪਾਰਟੀ, ਬਾਮਸੇਫ, ਲਿੰਗਾਇਤ ਧਰਮ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ), ਐਸ਼ਸੀ/ਐਸ਼ਟੀ, ਓਬੀਸੀ ਸਭ ਕਬੀਲਿਆ ਵੱਲੋਂ ਜੋ ‘ਪਰਿਵਰਤਨ ਰੈਲੀ’ ਸੁਰੂ ਕੀਤੀ ਗਈ ਹੈ, ਉਸਦੇ ਆਉਣ ਵਾਲੇ ਨਤੀਜਿਆ ਤੋਂ ਪ੍ਰਭਾਵਿਤ ‘ਸਮੁੱਚੇ ਵਰਗਾਂ ਲਈ ਖ਼ਾਲਸਾ ਰਾਜ’ ਕਾਇਮ ਕਰਨ ਲਈ ਕੋਈ ਵੀ ਤਾਕਤ ਨਹੀਂ ਰੋਕ ਸਕੇਗੀ ।

ਭਾਈ ਤਾਰਾ ਨੂੰ ਬੁੜੈਲ ਜੇਲ੍ਹ ਵਿੱਚ ਹਿੰਦੂਤਵਾ ਵਲੋਂ ਖਤਰਾ: ਮਾਨ

ਬਠਿੰਡਾ (ਡੇਲੀ ਬਿਊਰੋ ) 20 ਅਪ੍ਰੈਲ ਅੱਜ ਬਠਿੰਡਾ ਦੇ ਅਡੀਸ਼ਨਲ ਸ਼ੈਸ਼ਨ ਜੱਜ ਸ ਕਮਲਜੀਤ ਸਿੰਘ ਦੀ ਅਦਾਲਤ ਵਿੱਚ ਭਾਈ ਜਗਤਾਰ ਸਿੰਘ ਤਾਰਾ ਨੂੰ ਵੀਡੀਓ ਕਾਨਫਰੰਸ ਰਾਹੀਂ ਪੇਸ਼ੀ ਤੇ ਹਾਜਰ ਕੀਤਾ ਗਿਆ ਇਸ ਵੀਡੀਓ ਕਾਨਫਰੰਸ ਰਾਹੀਂ ਭਾਈ ਤਾਰਾ ਨੇ ਆਪਣੇ ਸੰਵਿਧਾਨਕ ਹੱਕ ਧਾਰਾ 21 ਤਹਿਤ ਜੱਜ ਸਾਹਿਬਾਨ ਤੋਂ ਇਹ ਮੰਗ ਕੀਤੀ ਕਿ ਮੈਨੂੰ ਮੇਰੇ ਵਕੀਲ ਸ ਹਰਪਾਲ ਸਿੰਘ ਖਾਰਾ ਨਾਲ ਗੱਲ ਕਰਨ ਦਾ ਮੌਕਾ ਦਿੱਤਾ ਜਾਵੇ। ਜਿਸ ਤੇ ਸਰਕਾਰੀ ਵਕੀਲ ਨੇ ਸਖਤ ਅਤਿਰਾਜ ਕਰਦਿਆਂ ਗਲ ਨਾ ਕਰਵਾਉਣ ਦੀ ਅਪੀਲ ਕੀਤੀ ਪਰੰਤੂ ਜੱਜ ਸਾਹਿਬਾਨ ਨੇ ਸੰਵਿਧਾਨਕ ਹੱਕ ਅਨੁਸਾਰ ਗਲ ਕਰਨ ਦੀ ਇਜਾਜ਼ਤ ਦੇ ਦਿੱਤੀ। ਇਸ ਗਲ ਬਾਤ ਦੌਰਾਨ ਭਾਈ ਤਾਰਾ ਨੇ ਖਾਦਸਾ ਜਾਹਰ ਕੀਤਾ ਕਿ ਜਿਸ ਤਰ੍ਹਾਂ ਭਾਈ ਹਰਮਿੰਦਰ ਸਿੰਘ ਮਿੰਟੂ ਨੂੰ ਬੜੇ ਸਾਜਿਸ਼ ਤਰੀਕੇ ਨਾਲ਼ ਪਟਿਆਲਾ ਜੇਲ੍ਹ ਵਿਚ ਖਤਮ ਕੀਤਾ ਗਿਆ ਹੈ ਇਸੇ ਤਰ੍ਹਾਂ ਮੈਨੂੰ ਬੁੜੈਲ ਜੇਲ੍ਹ ਦੇ ਹਿੰਦੂ ਅਫਸਰ ਐਸ ਕੇ ਜੈਨ ਜੇਲ੍ਹ ਸੁਪਰਡੈਂਟ ਚੰਡੀਗੜ੍ਹ, ਪ੍ਰਮੋਦ ਖਤਰੀ ਨਾਇਕ ਸੁਪਰਡੈਂਟ, ਜੈ ਕਿਸ਼ਨ ਹੈਡਵਾਰਡਨ, ਧਰਮਪਾਲ ਹੈਡਵਾਰਡਨ, ਦੀਪ ਕੁਮਾਰ ਵਾਰਡਨ ਅਤੇ ਡਾ ਨੀਨਾ ਚੌਧਰੀ ਸ਼ਿਜਿਸ਼ ਤਰੀਕੇ ਨਾਲ ਵਿਉਂਤਾ ਬਣਾ ਰਹੇ ਹਨ ਕਿ ਮੈਨੂੰ ਨੂੰ ਵੀ ਖਤਮ ਕਰ ਦਿੱਤਾ ਜਾਵੇ। ਭਾਈ ਤਾਰਾ ਨੇ ਆਪਣੇ ਵਕੀਲ ਨੂੰ ਇਹ ਵੀ ਕਿਹਾ ਕਿ ਇਹ ਸਾਰੀ ਜਾਣਕਾਰੀ ਸ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੂੰ ਦਿੱਤੀ ਜਾਵੇ।

ਇਸ ਘਟਨਾਕ੍ਰਮ ਤੇ ਸ ਸਿਮਰਨਜੀਤ ਸਿੰਘ ਮਾਨ ਨੇ ਪ੍ਰਤੀਕਿਰਿਆ ਪ੍ਰਗਟ ਕਰਦਿਆਂ ਕਿਹਾ ਕਿ ਭਾਈ ਤਾਰਾ ਵਲੋਂ ਦੱਸਿਆ ਖਾਦਸਾ ਅੱਖੋਂ ਪਰੋਖੇ ਨਹੀਂ ਕੀਤਾ ਜਾ ਸਕਦਾ ਹੈ ਕਿਉਂਕਿ ਤਾਜਾ ਘਟਨਾ ਦੌਰਾਨ ਭਾਈ ਹਰਮਿੰਦਰ ਸਿੰਘ ਮਿੰਟੂ ਨੂੰ ਵੀ ਪਟਿਆਲਾ ਜੇਲ੍ਹ ਵਿਚ ਇਸੇ ਲੜੀ ਤਹਿਤ ਖਤਮ ਕੀਤਾ ਗਿਆ ਹੈ। ਜਿਸ ਜਾਂਚ ਹਾਈ ਕੋਰਟ ਵਲੋਂ ਜੁਡੀਸ਼ਲ ਹੋਣੀ ਚਾਹੀਦੀ ਹੈ। ਜਿਵੇਂ ਮੱਧਿਆ ਪਰਦੇਸ਼ ਦੇ ਵਿਆਪਨ ਕਾਂਡ ਦੇ 40 ਗਵਾਹਾਂ ਨੂੰ ਬੀਜੇਪੀ ਨੇ ਮਰਵਾ ਦਿੱਤਾ ਸੀ ਅਤੇ ਉਸੇ ਤਰ੍ਹਾਂ ਹੁਣ ਸੁਪਰੀਮ ਕੋਰਟ ਨੇ ਫੈਸਲਾ ਕਰਦਿਆਂ ਜੱਜ ਬੀ ਐਚ ਲੋਇਆ ਜਿੰਨਾ ਨੇ ਝੂਠੇ ਪੁਲਿਸ ਮੁਕਾਬਲੇ ਵਿੱਚ ਕਤਲ ਕਰਵਾਏ ਗਏ ਸੁਰਾਬੁਦੀਨ ਸ਼ੇਖ ਦੇ ਕੇਸ ਦਾ ਫੈਸਲਾ ਕਰਨਾ ਸੀ
ਜਿਸ ਵਿੱਚ ਬੀਜੇਪੀ ਦੇ ਪ੍ਰਧਾਨ ਸ਼੍ਰੀ ਅਮਿਤ ਸ਼ਾਹ ਦਾ ਨਾਮ ਮੁਜਰਿਮਾ ਦੀ ਸੂਚੀ ਵਿੱਚ ਮੁੱਖ ਸੀ। ਅੱਜ ਦੀਆਂ ਖਬਰਾਂ ਮੁਤਾਬਕ ਸੁਪਰੀਮ ਕੋਰਟ ਦੇ ਚੀਫ ਜਸਟਿਸ ਦਿਪਕ ਮਿਸਰਾ ਨੇ ਜੱਜ ਲੋਇਆ ਦੀ ਮੌਤ ਜੋ ਸ਼ੱਕੀ ਹਾਲਤਾਂ ਵਿੱਚ ਹੋਈ ਸੀ ਉਸ ਦੀ ਅੱਗੇ ਤਫਤੀਸ਼ ਜਾਰੀ ਰਖਣ ਦੀ ਅਪੀਲ ਰਦ ਕਰ ਦਿੱਤੀ ਹੈ। ਕਿਉਂਕਿ ਬੀਜੇਪੀ ਦੇ ਪ੍ਰਧਾਨ ਅਮਿਤ ਸ਼ਾਹ ਨੂੰ ਇਸ ਕੇਸ ਵਿੱਚੋ ਬਚਾਇਆ ਜਾ ਸਕੇ। ਸ ਮਾਨ ਨੇ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਇਹ ਸਾਰਾ ਜੋ ਝੂਠ ਦਾ ਪੁਲੰਦਾ ਸਿੱੱਖਾਂ ਵਿਰੁੱਧ ਚਲ ਰਿਹਾ ਹੈ ਇਸ ਦਾ ਮੁੱਖ ਕਾਰਨ ਪੰਜਾਬ ਦੇ ਮੁੱਖ ਮੰਤਰੀ ਅਤੇ ਸੈਂਟਰ ਦੇ ਗ੍ਰਹਿ ਵਜੀਰ ਰਾਜਨਾਥ ਸਿੰਘ ਦੇ ਵਿੱਚ ਦਿੱਲੀ ਹੋਈ ਮੀਟਿੰਗ ਵਿੱਚ ਸਿੱਖਾਂ ਦੇ ਸੰਬੰਧ ਪਾਕਿਸਤਾਨੀ ਏਜੰਸੀ ਆਈ ਐਸ ਆਈ ਨਾਲ ਜੋੜ ਕੇ ਸਿੱਖਾਂ ਤੇ ਫੌਜ ਤੇ ਪੁਲੀਸ ਵਲੋਂ ਜੁਲਮ ਕਰਨ ਨੂੰ ਹੋਰ ਉਤਸ਼ਾਹਿਆ ਗਿਆ ਹੈ। ਜਦਕਿ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਇਸ ਗਲ ਨੂੰ ਬੇਬੁਨਿਆਦ ਅਤੇ ਸਿੱਖਾਂ ਨੂੰ ਬਦਨਾਮ ਕਰਨ ਅਤੇ ਸਿੱਖ ਕੌਮ ਤੇ ਹੋਰ ਸਰਕਾਰੀ ਜੁਲਮ ਕਰਨ ਦੀ ਨੀਤੀ ਮੰਨਦਾ ਹੈ। ਪਾਰਟੀ ਸਿੱਖ ਕੌਮ ਨੂੰ ਤੇ ਮਨੁੱਖੀ ਅਧਿਕਾਰਾਂ ਦੀ ਗਲ ਕਰਨ ਵਾਲੀਆਂ ਧਿਰਾਂ ਨੂੰ ਇਨ੍ਹਾਂ ਸਿੱਖ ਵਿਰੋਧੀ ਸ਼ਾਜਿਸ਼ਾ ਖਿਲਾਫ ਸੁਚੇਤ ਕਰਦੀ ਹੈ।