ਸੰਵੇਦਨਸ਼ੀਲ ਪਹੁੰਚ ਦਾ ਹੱਕਦਾਰ ਹੈ ਕੈਨੇਡਾ ਦਾ ਸਿੱਖ ਭਾਈਚਾਰਾ

ਮਾਰਟਿਨ ਲੂਥਰ ਕਿੰਗ ਜੂਨੀਅਰ ਦੀ ਪਤਨੀ ਅਤੇ ਸਿਵਲ ਰਾਈਟਸ ਲੀਡਰ ਕੋਰੈਟਾ ਸਕਾਟ ਕਿੰਗ ਦਾ ਕਥਨ ਹੈ ਕਿ ਕਿਸੇ ਕਮਿਉਨਿਟੀ ਦੀ ਮਹਾਨਤਾ ਉਸਦੇ ਮੈਂਬਰਾਂ ਵੱਲੋਂ ਕੀਤੇ ਜਾਂਦੇ ਦਯਾ ਅਤੇ ਕਰੁਣਾ ਦੇ ਕਾਰਜਾਂ ਨੂੰ ਆਧਾਰ ਮੰਨ ਕੇ ਹੀ ਸਹੀ ਤਰੀਕੇ ਮਾਪੀ ਜਾ ਸਕਦੀ ਹੈ। ਜੇ ਕੈਨੇਡਾ ਵੱਸਦੇ ਸਿੱਖ ਭਾਈਚਾਰੇ ਦੇ ਸੰਦਰਭ ਵਿੱਚ ਗੱਲ ਕੀਤੀ ਜਾਵੇ ਤਾਂ ਕੋਰੈਟਾ ਸਕਾਟ ਕਿੰਗ ਦਾ ਕਥਨ ਪੂਰੇ ਦਾ ਪੂਰਾ ਲਾਗੂ ਹੁੰਦਾ ਹੈ। ਸਿੱਖ ਭਾਈਚਾਰੇ ਦੇ ਲੋਕ ਜਿੱਥੇ ਕਿਤੇ ਵੀ ਵੱਸਦੇ ਹਨ, ਉਹ ਆਪਣੀ ਦਯਾ ਅਤੇ ਕਰੁਣਾ ਲਈ ਜਾਣੇ ਹੀ ਨਹੀਂ ਜਾਂਦੇ ਸਗੋਂ ਚੰਗੀ ਤਰਾਂ ਪਹਿਚਾਣੇ ਜਾਂਦੇ ਹਨ।

ਇਸ ਬਹਾਦਰ ਕਮਿਉਨਿਟੀ ਆਪਣੀ ਵਿੱਲਖਣ ਦਿੱਖ ਕਾਰਣ ਨਸਲੀ ਵਿਤਕਰੇ ਦੀ ਮਾਰ ਦਾ ਬੋਝ ਕਾਮਾਗਾਟਾਮਾਰੂ ਦੇ ਦੁਖਾਂਤ ਤੋਂ ਲੈ ਕੇ ਹੁਣ ਝੱਲਦੀ ਆਈ ਹੈ। ਅੱਜ ਕੱਲ ਮੇਨ-ਸਟਰੀਮ ਮੀਡੀਆ ਵਿੱਚ ਚੱਲ ਰਿਹਾ ਨਾਂ-ਪੱਖੀ ਪ੍ਰਚਾਰ ਇਸਦੀ ਤਾਜ਼ੀ ਮਿਸਾਲ ਹੈ। ਸਿੱਖ ਭਾਈਚਾਰੇ ਨੂੰ ਸਿਹਰਾ ਜਾਂਦਾ ਹੈ ਕਿ ਇਸਨੇ ਹਰ ਕਿਸਮ ਦੀ ਸੱਟ ਨੂੰ ਹਲੀਮੀ ਅਤੇ ਹੌਸਲੇ ਨਾਲ ਬਰਦਾਸ਼ਤ ਹੀ ਨਹੀਂ ਕੀਤਾ ਸਗੋਂ ਹਰ ਵਾਰ ਹੋਰਾਂ ਲਈ ਮਿਸਾਲ ਬਣ ਕੇ ਉੱਭਰਿਆ ਹੈ। ਕੈਨੇਡਾ ਭਰ ਵਿੱਚ ਲੱਗਦੇ ਲੰਗਰ, ਖੂਨਦਾਨ ਕੈਂਪ, ਹਰ ਵਰਗ ਲਈ ਕੀਤੀਆਂ ਜਾਂਦੀਆਂ ਫੂਡ ਡਰਾਈਵਾਂ ਅਤੇ ਹੱਥੀਂ ਸੇਵਾ ਦੇ ਸੰਕਲਪ ਨੂੰ ਅਮਲੀ ਜਾਮਾ ਪਹਿਨਾਉਣਾ ਕਮਿਉਨਿਟੀ ਦੇ ਕਿਰਦਾਰ ਦਾ ਅਨਿੱਖੜਵਾਂ ਅੰਗ ਹੈ।

ਉਪਰੋਕਤ ਤੱਥ ਕੋਈ ਲੁਕੇ ਛਿਪੇ ਨਹੀਂ ਹਨ ਜਿਹਨਾਂ ਨੂੰ ਉਭਾਰਨ ਲਈ ਮੈਨੂੰ ਇਹ ਆਰਟੀਕਲ ਲਿਖਣ ਦੀ ਲੋੜ ਪੈਂਦੀ। ਲੋੜ ਬੀਤੇ ਦਿਨਾਂ ਵਿੱਚ ਨਾਂ-ਪੱਖੀ ਮੀਡੀਆ ਫੋਕਸ ਬਣੇ ਸਿੱਖ ਭਾਈਚਾਰੇ ਦੀ ਪੀੜਾ ਨੂੰ ਸਾਂਝਾ ਕਰਨ ਦੀ ਇੱਛਾ ਵਿੱਚੋਂ ਪੈਦਾ ਹੋਈ ਹੈ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਫੇਰੀ ਦੌਰਾਨ ਜਸਪਾਲ ਅਟਵਾਲ ਦੀ ਹਾਜ਼ਰੀ, ਏਅਰ ਇੰਡੀਆ ਬੰਬ ਕਾਂਡ ਦੇ ਦੋਸ਼ੀ ਤਲਵਿੰਦਰ ਸਿੰਘ ਪਰਮਾਰ ਦੇ ਪੋਸਟਰਾਂ ਆਦਿ ਨੂੰ ਲੈ ਕੇ ਜੋ ਖਬਰਾਂ ਆਈਆਂ, ਮੇਰਾ ਉਹਨਾਂ ਪਿੱਛੇ ਚੱਲਦੀ ਸਿਆਸਤ ਬਾਰੇ ਜ਼ਿਕਰ ਕਰਨ ਦਾ ਵੀ ਕੋਈ ਇਰਾਦਾ ਨਹੀਂ ਹੈ। ਮੇਰਾ ਦਰਦ ਸਿਰਫ਼ ਉਸ ਸਾਧਾਰਨ, ਸਾਊ, ਇਮਾਨਦਾਰ, ਮਿਹਨਤਕਸ਼ ਅਤੇ ਕੈਨੇਡਾ ਦੀ ਵਿਭਿੰਨਤਾ ਦੇ ਬਿੰਬ ਸਿੱਖ ਭਾਈਚਾਰੇ ਪ੍ਰਤੀ ਹੈ ਜੋ ਬਿਨਾ ਕਸੂਰ ਇਹਨਾਂ ਕਿਰਿਆਵਾਂ ਦੇ ਪ੍ਰਤੀਕਰਮ ਦਾ ਸ਼ਿਕਾਰ ਹੋ ਕੇ ਰਹਿ ਗਿਆ ਹੈ।

ਮੇਰਾ ਦਰਦ ਉਸ ਪਰਿਵਾਰ ਲਈ ਹੈ ਜਿਸਦਾ ਸਕੂਲ ਵਿੱਚ ਪੜਦਾ ਬੱਚਾ ਮਾਪਿਆਂ ਨੂੰ ਸੁਆਲ ਕਰਦਾ ਹੈ ਕਿ ਖ਼ਬਰਾਂ ਦੇ ਆਧਾਰ ਉੱਤੇ ਉਸਦੀ ਪਹਿਚਾਣ ਨੂੰ ਅਤਿਵਾਦ ਨਾਲ ਜੋੜ ਕੇ ਕਿਉਂ ਵੇਖਿਆ ਜਾ ਰਿਹਾ ਹੈ? ਮੇਰਾ ਦਰਦ ਉਸ ਸਿੱਖ ਸੇਵਾਦਾਰ ਪ੍ਰਤੀ ਹੈ ਜੋ ਡਾਊਨ ਟਾਊਨ ਟੋਰਾਂਟੋ, ਵੈਨਕੂਵਰ ਜਾਂ ਹੋਰ ਥਾਵਾਂ ਉੱਤੇ ਲੋੜਵੰਦਾਂ ਲਈ ਨਿਰਸੁਆਰਥ ਭੋਜਨ ਦੀ ਸੇਵਾ ਕਰਦਾ ਹੈ ਪਰ ਖੁਦ ਨੂੰ ਇੱਕ ਦੋਸ਼ੀ ਕਮਿਉਨਿਟੀ ਦਾ ਮੈਂਬਰ ਖਿਆਲ ਕਰਦਾ ਹੈ। ਅਜਿਹਾ ਹੀ ਸੰਤਾਪ ਫੈਕਟਰੀਆਂ, ਦਫ਼ਤਰਾਂ, ਬਿਜਨਸਾਂ ਵਿੱਚ ਕੰਮ ਕਰਦੇ ਲੱਖਾਂ ਸਿੱਖ ਭਾਈਚਾਰੇ ਦੇ ਲੋਕ ਭੋਗ ਰਹੇ ਹਨ? ਇਹ ਸਹੀ ਨਹੀਂ ਹੈ ਕਿਉਂਕਿ ਉਹ ਇਸਦੇ ਹੱਕਦਾਰ ਨਹੀਂ ਹਨ।

ਮੇਰੀ ਕਿਸੇ ਵੀ ਕਿਸਮ ਦੀ ਹਿੰਸਾ ਦੇ ਦੋਸ਼ੀ ਪ੍ਰਤੀ ਕੋਈ ਹਮਦਰਦੀ ਨਹੀਂ ਹੈ। ਹਿੰਸਾ ਦਾ ਕੈਨੇਡੀਅਨ ਸਮਾਜ ਵਿੱਚ ਕੋਈ ਸਥਾਨ ਨਹੀਂ ਹੈ। ਮੈਂਬਰ ਪਾਰਲੀਮੈਂਟ ਅਤੇ ਪਾਰਲੀਮਾਨੀ ਸਕੱਤਰ ਹੋਣ ਦੇ ਨਾਤੇ ਮੈਨੂੰ ਆਪਣੀ ਰਾਈਡਿੰਗ ਵਿੱਚ ਅਤੇ ਕੈਨੇਡਾ ਭਰ ਵਿੱਚ ਹਰ ਵਰਗ ਦੇ ਲੋਕਾਂ ਨੂੰ ਸਿਆਸੀ ਲਕੀਰਾਂ ਤੋਂ ਉੱਪਰ ਉੱਠ ਕੇ ਮਿਲਣ ਦਾ ਨਿੱਤ ਦਿਨ ਸੁਭਾਗ ਹਾਸਲ ਹੁੰਦਾ ਹੈ। ਮੈਂ ਡੂੰਘਾਈ ਨਾਲ ਮਹਿਸੂਸ ਕੀਤਾ ਹੈ ਕਿ ਹਰੇਕ ਕਮਿਉਨਿਟੀ ਦਾ ਇੱਕ ਵਿਸ਼ੇਸ਼ ਕਰੈਕਟਰ ਹੁੰਦਾ ਹੈ ਜੋ ਉਹਨਾਂ ਨੂੰ ਸੰਪੂਰਣ ਰੂਪ ਵਿੱਚ ਕੈਨੇਡੀਅਨ ਬਣਾਉਂਦਾ ਹੈ ਅਤੇ ਨਾਲ ਹੀ ਇੱਕ ਵਿੱਲਖਣ ਰੂਪ ਪ੍ਰਦਾਨ ਕਰਦਾ ਹੈ। ਇਹ ਗੱਲ ਸਿੱਖ ਭਾਈਚਾਰੇ ਉੱਤੇ ਉੱਨੀ ਹੀ ਸਹੀ ਢੁੱਕਦੀ ਹੈ ਜਿੰਨੀ ਕਿ ਹੋਰਾਂ ਕਮਿਉਨਿਟੀਆਂ ਉੱਤੇ। ਖੁਦ ਸਿੱਖ ਹੋਣ ਦੇ ਨਾਤੇ ਮੈਨੂੰ ਆਪਣੇ ਭਾਈਚਾਰੇ ਦੇ ਸੇਵਾ ਦੇ ਸੰਕਲਪ ਉੱਤੇ ਖਾਸ ਕਰਕੇ ਮਾਣ ਹੈ।

ਸਿੱਖ ਭਾਈਚਾਰੇ ਵਿੱਚ 1984 ਦੀ ਹਿੰਸਾ ਨੂੰ ਲੈ ਕੇ ਇੱਕ ਚੀਸ ਹੈ। ਜੇ ਕਿਸੇ ਵਿਅਕਤੀ, ਗਰੁੱਪ ਜਾਂ ਗੁੱਟ ਵੱਲੋਂ ਇਸ ਚੀਸ ਨੂੰ ਧਰਮ ਨਾਲ ਜੋੜ ਕੇ ਵੇਖਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਤਾਂ ਉਹ ਗਲਤ ਹੈ। ਇਸ ਚੀਸ ਨੂੰ ਅਤਿਵਾਦ ਨਾਲ ਜੋੜ ਕੇ ਵੇਖਣਾ ਹੋਰ ਵੀ ਗਲਤ ਹੈ। ਪੀੜਤ ਨੂੰ ਇਨਸਾਫ਼ ਦੁਆਉਣ ਲਈ ਆਵਾਜ਼ ਚੁੱਕਣਾ ਅਤਿਵਾਦ ਨਹੀਂ ਸਗੋਂ ਮਨੁੱਖੀ ਧਰਮ ਹੈ। ਜੇ ਅਜਿਹਾ ਨਾ ਹੁੰਦਾ ਤਾਂ 1984 ਦੀ ਹਿੰਸਾ ਵਾਸਤੇ ਇਨਸਾਫ਼ ਦੀ ਗੁਹਾਰ ਸਿਰਫ਼ ਅਤੇ ਸਿਰਫ਼ ਸਿੱਖ ਕਰ ਰਹੇ ਹੁੰਦੇ। ਪਰ ਸੱਚ ਇਹ ਹੈ ਕਿ 1984 ਦੀ ਹਿੰਸਾ  ਦੇ ਪੀੜਤਾਂ ਲਈ ਇਨਸਾਫ ਵਾਸਤੇ ਹਰ ਵਰਗ ਦੇ ਲੋਕਾਂ ਨੇ ਆਵਾਜ਼ ਚੁੱਕੀ ਹੈ, ਖਾਸ-ਕਰਕੇ ਕੈਨੇਡਾ ਅਤੇ ਭਾਰਤ ਦੇ ਹਿੰਦੂ ਭਾਈਚਾਰੇ ਨੇ। ਇਹ ਗੱਲ ਮੈਂ ਕੈਨੇਡਾ ਵਿੱਚ ਤਾਂ ਪਿਛਲੇ ਕਈ ਸਾਲਾਂ ਤੋਂ ਮਹਿਸੂਸ ਕਰਦੀ ਆ ਹੀ ਰਹੀ ਸੀ ਪਰ ਮੈਂ ਹਾਲ ਵਿੱਚ ਕੀਤੀ ਭਾਰਤ ਯਾਤਰਾ ਦੌਰਾਨ ਦਿੱਲੀ ਵਿੱਚ ਖਾਸ ਕਰਕੇ ਮਹਿਸੂਸ ਕੀਤੀ। ਇਹੀ ਮਨੁੱਖੀ ਧਰਮ ਹੈ।

ਜਦੋਂ ਪੰਜਾਬ ਵਿੱਚ ਅਤਿਵਾਦ ਬਾਰੇ ਗੱਲ ਚੱਲਦੀ ਹੈ ਤਾਂ ਕੌੜਾ ਸੱਚ ਇਹ ਹੈ ਕਿ ਇਸਦਾ ਸੱਭ ਤੋਂ ਵੱਧ ਸੰਤਾਪ ਪੰਜਾਬੀਆਂ ਨੇ ਹੰਢਾਇਆ। ਇਹ ਗੱਲਾਂ ਮੈਂ ਆਪਣੇ ਪਰਿਵਾਰ ਵਿੱਚ ਸੁਣਦੀ ਵੱਡੀ ਹੋਈ ਹਾਂ ਕਿ ਪੰਜਾਬ ਵਿੱਚ ਚੱਲੇ ਅਤਿਵਾਦ ਦੇ ਦੌਰ ਦੀ ਸੱਭ ਤੋਂ ਕੀਮਤ ਕਿਸੇ ਹੋਰ ਨੇ ਨਹੀਂ ਸਗੋਂ ਪੰਜਾਬੀਆਂ ਨੇ ਭਰੀ।

ਇੱਕ ਸਿੱਖ ਵਜੋਂ ਮੈਂ ਸਦਾ ਹੀ ਕੈਨੇਡੀਅਨ ਕਦਰਾਂ ਕੀਮਤਾਂ ਦੀ ਕਾਇਲ ਰਹੀ ਹਾਂ ਜਿਸ ਤਹਿਤ ਅਸੀਂ ਅਮਨ-ਪੂਰਵਕ ਜੀਵਨ ਜਿਉਣ ਨੂੰ ਤਰਜੀਹ ਦੇਂਦੇ ਹਾਂ। ਕੈਨੇਡਾ ਇੱਕ ਮਜ਼ਬੂਤ ਲੋਕਤੰਤਰ ਹੋਣ ਦੇ ਨਾਲ 2 ਵਿਸ਼ਵ ਅਮਨ ਦਾ ਵੱਡਾ ਮੁਦਈ ਹੈ। ਕੈਨੇਡਾ ਵੱਲੋਂ ਸਮੇਂ ਸਮੇਂ ਉੱਤੇ ਵਿਸ਼ਵ ਸ਼ਾਂਤੀ ਲਈ ਨਿਭਾਏ ਜਾਂਦੇ ਰੋਲ ਦੀ ਸਾਰਥਕਤਾ ਕਿਸੇ ਤੋਂ ਲੁਕੀ ਛਿਪੀ ਨਹੀਂ ਹੈ।

ਮੇਰਾ ਮੰਤਵ ਕਿਸੇ ਵਿਕਅਤੀ ਜਾਂ ਵਰਗ ਨੂੰ ਕੋਈ ਦਿਸ਼ਾ ਨਿਰਦੇਸ਼ ਜਾਂ ਮੱਤ ਦੇਣਾ ਨਹੀਂ ਸਗੋਂ ਕੈਨੇਡਾ ਵੱਸਦੇ ਅਮਨ-ਪਸੰਦ, ਮਿਹਨਤਕਸ਼ ਸਿੱਖ ਭਾਈਚਾਰੇ ਦੇ ਦਰਦ ਨਾਲ ਹਮਦਰਦੀ ਦਾ ਇਜ਼ਹਾਰ ਕਰਨਾ ਹੈ ਜਿਸਦਾ ਮੈਂ ਖੁਦ ਇੱਕ ਹਿੱਸਾ ਹਾਂ। ਮੈਂ ਆਪਣੀ ਗੱਲ ਨੂੰ ਐਂਡਰੀਆ ਗਿਬਸਨ ਦੇ ਇਸ ਕਥਨ ਨਾਲ ਬੰਦ ਕਰਾਂਗੀ, “ਤੁਹਾਡੇ ਅੰਦਰ ਇੱਕ ਠੰਡੀ ਜੰਗ ਉਸ ਵੇਲੇ ਵੀ ਚੱਲਦੀ ਹੋ ਸਕਦੀ ਹੈ, ਜਦੋਂ ਸਿਰ ਗਰਮੀ ਦੀ ਰੁੱਤ ਹੋਵੇ’

ਬੀਬੀ ਕਮਲ ਖੈਹਰਾ ਬਾਰੇ– ਬੀਬੀ ਕਮਲ ਖੈਹਰਾ ਬਰੈਂਪਟਨ ਵੈਸਟ ਤੋਂ ਮੈਂਬਰ ਪਾਰਲੀਮੈਂਟ ਅਤੇ ਸਿਹਤ ਮੰਤਰੀ ਦੀ ਪਾਰਲੀਮਾਨੀ ਸਕੱਤਰ ਹੈ। ਉਹ ਇੱਕ ਰਜਿਸਟਰਡ ਨਰਸ, ਕਮਿਊਨਿਟੀ ਵਾਲੰਟੀਅਰ ਅਤੇ ਸਿਆਸੀ ਕਾਰਜਕਰਤਾ ਹੈ। ਬੀਬੀ ਖੈਹਰਾ ਨੈਸ਼ਨਲ ਫਾਈਨਾਂਸ ਕਮੇਟੀ ਉੱਤੇ ਇੱਕ ਗੈਰ-ਵੋਟਿੰਗ ਮੈਂਬਰ ਵਜੋਂ ਰੋਲ ਅਦਾ ਕਰਦੀ ਹੈ।

ਭਾਈ ਜਗਤਾਰ ਸਿੰਘ ਤਾਰਾ ਵੱਲੋਂ ਕੇਸ ਦੀ ਪੇਸ਼ੀ ਦੌਰਾਨ ਬੁੜੈਲ ਜੇਲ੍ਹ ਚੰਡੀਗੜ੍ਹ ਦੀ ਖਾਸ ਅਦਾਲਤ ਵਿੱਚ ਪੇਸ਼ ਕੀਤੇ ਕਬੂਲਨਾਮੇ ਦਾ ਹੂਬਹੂ ਉਤਾਰਾ 

ਜੇ ਜੀਵੈ ਪਤਿ ਲਥੀ ਜਾਇ।। ਸਭੁ ਹਰਾਮੁ ਜੇਤਾ ਕਿਛੁ ਖਾਇ।।

ਸਤਿਕਾਰਯੋਗ ਜੱਜ ਸਾਹਿਬ

ਵਾਹਿਗੁਰੂ ਜੀ ਕਾ ਖਾਲਸਾ
ਵਾਹਿਗੁਰੂ ਜੀ ਕਾ ਫਤਿਹ

ਇਹ ਸੰਘਰਸ਼ ਜਿਸਦਾ ਮੈਂ ਹਿੱਸਾ ਬਣਆਿ ਹਾਂ, ਅੱਜ ਤੋਂ ਨਹੀਂ ਆਦਿ ਕਾਲ ਤੋਂ ਚਲਦਾ ਆ ਰਿਹਾ ਹੈ। ਜਦੋਂ ਤੱਕ ਜਾਬਰ ਜਾਂ ਜਾਲਮ ਪੈਦਾ ਹੋਣੇ ਬੰਦ ਨਹੀਂ ਹੋ ਜਾਂਦੇ, ਇਸ ਸੰਘਰਸ਼ ਕੁਦਰਤੀ ਵੀ ਹੈ ਅਤੇ ਲਾਜਮੀ ਵੀ ਹੈ। ਇਤਹਾਸ ਇਸ ਗੱਲ ਦੀ ਗਵਾਹੀ ਦਿੰਦਾ ਹੈ ਕਿ ਜਦੋ ਸਿੰਘਾਸਨ ਉੱਤੇ ਬੈਠੇ ਇਨਸਾਨ ਵਿਚ ਸ਼ੈਤਾਨ ਦੀ ਰੂਹ ਪ੍ਰਵੇਸ਼ ਕਰਦੀ ਹੈ ਤਾਂ ਉਹ ਖੁਦ ਨੂੰ ਭਗਵਾਨ ਸਮਝਣ ਦੀ ਗਲਤੀ ਕਰਕੇ, ਲੋਕਾਂ ਦੀ ਕਿਸਮਤ ਦੇ ਫੈਸਲੇ ਕਰਨ ਲੱਗ ਪੈਦਾ ਹੈ, ਜਿਸ ਕਾਰਨ ਆਮ ਲੋਕਾਂ ਦੇ ਮੌਲਿਕ ਅਧਿਕਾਰ ਦਾ ਘਾਣ ਹੁੰਦਾ ਹੈ। ਇਸ ਸਚਾਈ ਨੂੰ ਗੁਰੂ ਨਾਨਕ ਦੇਵ ਜੀ ਨੇ ਗੁਰਬਾਣੀ ਵਿਚ ਦਰਜ ਕਰਕੇ ਅਜਿਹੇ ਲੋਕਾਂ ਨੂੰ ਫਟਕਾਰ ਪਾਈ ਹੈ

“ਰਾਜੇ ਸੀਹ ਮੁਕਦਮ ਕੁਤੇ।। ਜਾਇ ਜਗਾਇਨਹਿ ਬੈਠੇ ਸੁਤੇ।। ਚਾਕਰ ਨਹਦਾ ਪਾਇਨਹਿ ਘਾਉ।। ਰਤੁ ਪਿਤੁ ਕੁਤਿਹੋ ਚਟਿ ਜਾਹੁ।। ਜਿਥੈ ਜੀਆਂ ਹੋਸੀ ਸਾਰ।। ਨਕੀਂ ਵਢੀਂ ਲਾਇਤਬਾਰ।।੨।।’ (ਪੰਨਾ 1288) ਅਤੇ “ਪਾਪ ਕੀ ਜੰਞ ਲੈ ਕਾਬਲਹੁ ਧਾਇਆ ਜੋਰੀ ਮੰਗੈ ਦਾਨੁ ਵੇ ਲਾਲੋ।। ਸਰਮੁ ਧਰਮੁ ਦੁਇ ਛਪਿ ਖਲੋਏ ਕੂੜੁ ਫਿਰੈ ਪਰਧਾਨੁ ਵੇ ਲਾਲੋ।। ਕਾਜੀਆ ਬਾਮਣਾ ਕੀ ਗਲ ਥਕੀ ਅਗਦੁ ਪੜੈ ਸੈਤਾਨੁ ਵੇ ਲਾਲੋ।।’

ਸਮੇਂ ਦੇ ਇਸ ਸੱਚ ਨੂੰ ਸਮਝਣ ਦੀ ਬਜਾਏ , ਬਾਬਰ ਨੇ ਆਪਣੀ ਹੈਂਕਡ਼ ਵੱਸ ਗੁਰੂ ਨਾਨਕ ਨੂੰ ਵੀ ਜੇਲ ਵਿਚ ਬੰਦ ਕੀਤਾ ਸੀ। ਉਸ ਸਮੇਂ ਜ਼ੁਲਮ ਸਹਿ ਸਹਕੇ ਆਪਣਾ ਦਮਾਗੀ ਤਵਾਜਨ ਗਵਾ ਚੁਕੇ ਲੋਕਾਂ ਨੇ ਗੁਰੂ ਨਾਨਕ ਨੂੰ ਇਹ ਸੱਚ ਕਹਿਣ ਬਦਲੇ ਕੁਰਾਹੀਆ, ਭੂਤਨਾ ਅਤੇ ਬੇਤਾਲਾ ਵੀ ਆਖਆਿ ਸੀ। ਜੁਲਮ ਵਿਰੁੱਧ ਲੜਨ ਅਤੇ ਸੱਚ ਉੱਪਰ ਚੱਲਣ ਦੀ ਵਿਚਾਰਧਾਰਾ ਗੁਰੂ ਨਾਨਕ ਸਾਹਿਬ ਤੋਂ ਆਰੰਭ ਹੋ ਗਈ ਸੀ, ਇਸ ਵਿਚਾਰਧਾਰਾ ਨੂੰੰ ਕਾਇਮ ਰੱਖਣ ਲਈ ਅਨੇਕਾਂ ਸਹਾਦਤਾਂ ਦੇ ਲਹੂ ਦੇ ਦਰਿਆ ਵਿਚੋਂ ਲੰਘਣਾ ਪਿਆ।

ਗੁਰੂ ਨਾਨਕ ਦੇਵ ਜੀ ਤੋਂ ਪਹਿਲਾਂ ਜਾਂ ਸਮਕਾਲੀ ਸਮੇਂ ਵਿਚ ਵਿਚਰੇ ਮਹਾਨ ਪੁਰਸ਼ਾਂ ਬਾਬਾ ਫ਼ਰੀਦ ਜੀ, ਭਗਤ ਨਾਮਦੇਵ ਜੀ, ਭਗਤ ਕਬੀਰ ਜੀ, ਭਗਤ ਰਵਿਦਾਸ ਜੀ, ਵੱਲੋਂ ਅਜਿਹੇ ਜ਼ੁਲਮਾਂ ਜਾਂ ਵਤਿਕਾਰਿਆ ਵਿਰੁੱਧ ਉਠਾਈ ਅਵਾਜ ਅਤੇ ਲਿਖੀਆਂ ਲਿਖਤਾਂ , ਨੂੰ ਸੰਗਠਤ ਕਰਕੇ ਪੋਥੀ ਸਾਹਿਬ (ਗੁਰੂ ਗ੍ਰੰਥ ਸਾਹਬਿ) ਨੂੰ ਪ੍ਰਗਟ ਕਰਨ ਵਾਲੇ ਗੁਰੂ ਅਰਜਨ ਦੇਵ ਜੀ ਨੂੰ ਹਕੂਮਤ ਨੇ ਤੱਤੀ ਤਵੀ ਉੱਤੇ ਬਿਠਾਕੇ ਸ਼ਹੀਦ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਮੀਰੀ ਪੀਰੀ ਦੇ ਮਾਲਕ ਗੁਰੂ ਹਰਿਗੋਬਿੰਦ ਸਾਹਬਿ ਜੀ ਨੇ ਹਕੂਮਤ ਦੇ ਖਿਲਾਫ ਹਥਿਆਰ ਬੰਦ ਜੰਗਾਂ ਵੀ ਲਡ਼ੀਆਂ। ਪਰ ਇਹ ਜੰਗਾਂ ਲਡ਼ਣਾ ਉਹਨਾਂ ਦਾ ਚਾਅ ਜਾਂ ਜਨੂੰਨ ਨਹੀਂ ਸੀ। ਸਗੋਂ ਮਨੁੱਖੀ ਅਧਿਕਾਰਾਂ ਨੂੰ ਬਚਾਉਣ ਅਤੇ ਹਕੂਮਤ ਦੇ ਜਬਰ ਨੂੰ ਠੱਲ ਪਾਉਣ ਵਾਸਤੇ ਮਜਬੂਰੀ ਵੱਸ ਚੁੱਕਿਆ ਇਕ ਕਦਮ ਸੀ। ਜਿਸ ਨੂੰ ਅੱਜ ਦੇ ਜਾਲਮ ਹੁਕਮਰਾਨ ਸ਼ਾਇਦ ਗਲਤ ਨਜਰੀਏ ਨਾਲ ਦੇਖਦੇ ਹੋਣ। ਪਰ ਗੁਰੂ ਸਾਹਬਿ ਦੇ ਇਸ ਕਦਮ ਨੂੰ ਦੁਨੀਆ ਦਾ ਹਰ ਉਹ ਬਸ਼ਰ, ਜਿਹਡ਼ਾ ਕਿਸੇ ਦੇ ਮੌਲਕਿ ਅਧਿਕਾਰ ਦਾ ਕਦਰਵਾਨ ਹੈ, ਸਿਜਦਾ ਕਰਦਾ ਹੈ।

ਇਹ ਨਾਨਕਸ਼ਾਹੀ ਸੋਚ ਕੁਦਰਤ ਦੇ ਬਣਾਏ ਨਿਯਮਾਂ ਦੀ ਧਾਰਨੀ ਅਤੇ ਪਹਿਰੇਦਾਰ ਹੈ, ਇਸ ਨੂੰ ਕਿਸੇ ਜਾਤ ਜਾਂ ਧਰਮ ਨਾਲ ਨਫਰਤ ਨਹੀਂ ਹੈ। ਨਾਨਕਸ਼ਾਹੀ ਫਲਸਫਾ ਸਿਰਫ ਆਪਣੇ ਹੀ ਨਹੀਂ, ਸਗੋਂ ਕਿਸੇ ਦੀ ਧਰਮ ਜਾਂ ਮੌਲਿਕ ਅਧਿਕਾਰ ਵਿਚ ਦਖਲ ਅੰਦਾਜੀ ਸਹਿਣ ਨਹੀਂ ਕਰਦਾ। ਇਸ ਕਰਕੇ ਹੀ ਪੰਡਿਤ ਕਿਰਪਾ ਰਾਮ ਦੀ ਬੇਨਤੀ ਉੱਤੇ ਗੁਰੂ ਤੇਗ ਬਹਾਦਰ ਨੇ ਤਿਲਕ ਜੰਜੂ ਦੀ ਰਾਖੀ ਵਾਸਤੇ ਦਿੱਲੀ ਚਾਂਦਨੀ ਚੌਂਕ ਵਿਚ ਸੀਸ ਦਿੱਤਾ । ਜਦੋਂ ਕਿ ਗੁਰੂ ਤੇਗ ਬਹਾਦਰ ਸਾਹਿਬ ਨਾ ਆਪ ਤਿਲਕ ਲਗਾਉਂਦੇ ਸਨ ਅਤੇ ਨਾ ਹੀ ਜਨੇਊ ਪਾਉਂਦੇ ਸਨ। ਇਸ ਧਰਮ ਕਰਮ ਕਰਕੇ ਹੀ ਗੁਰੂ ਸਾਹਿਬ ਨੂੰ ਤੇਗ ਬਹਾਦਰ ਧਰਮ ਦੀ ਚਾਦਰ ਆਖ ਕੇ ਯਾਦ ਕੀਤਾ ਜਾਂਦਾ ਹੈ। ਇਹਨਾਂ ਫਰਜਾਂ ਨੂੰ ਨਿਭਾਉਂਦਿਆਂ ਹੀ ਗੁਰੂ ਗੋਬਿੰਦ ਸਿੰਘ ਜੀ ਨੇ ਆਪਣਾ ਸਾਰਾ ਸਰਬੰਸ ਹੀ ਵਾਰ ਦਿੱਤਾ ਅਤੇ ਆਪਣੇ ਪੁੱਤਰਾਂ ਤੋਂ ਪਿਆਰੇ ਹਜਾਰਾਂ ਸਿੱਖਾਂ ਦਾ ਖੂਨ ਜਬਰ ਦੀ ਅੱਗ ਨੂੰ ਬੁਝਾਉਣ ਵਾਸਤੇ ਪਾ ਦਿੱਤਾ । ਪਰ ਹਕੂਮਤ ਦੀ ਨਜਰ ਵਿਚ ਆਲਮੀ ਪੈਗ਼ੰਬਰ ਗੁਰੂ ਗੋਬਿੰਦ ਸਿੰਘ ਬਾਗੀ ਸਨ।

ਜਾਲਮ ਨੇ ਆਪਣੀ ਸੋਚ ਨਾ ਬਦਲੀ, ਪਰ ਸਰੀਰ ਜਰੂਰ ਬਦਲਿਆ ਅਤੇ ਹੋਰ ਖੁੰਧਕ ਖਾਂਦਿਆ ਮੀਰ ਮੰਨੂੰ ਬਣਕੇ ਸਿੱਖਾਂ ਦੇ ਬੱਚਿਆਂ ਦੇ ਟੋਟੇ ਕਰਕੇ, ਮਾਵਾਂ ਦੇ ਗਲਾਂ ਵਿਚ ਹਾਰ ਪਾ ਦਿੱਤੇ । ਕਦੇ ਮੱਸੇ ਰੰਘਡ਼ ਦੇ ਰੂਪ ਵਿਚ ਹਕੂਮਤ ਦੇ ਨਸ਼ੇ ਵਿਚ ਅੰਨੇ ਹਾਕਮ ਨੇ, ਰੂਹਾਨੀ ਸਰੋਤ ਦਰਬਾਰ ਸਾਹਿਬ ਅਮ੍ਰਿਤਸਰ ਵਿਚ ਕੰਜਰੀਆਂ ਨਚਾਕੇ ਸ਼ਰਾਬਾਂ ਪੀਂਦਿਆਂ ਰੱਬੀ ਕਾਇਦੇ ਨੂੰ ਪਾਡ਼ਣ ਦਾ ਯਤਨ ਕੀਤਾ। ਪਰ ਰੱਬ ਦੇ ਘਰ ਦੇਰ ਹੈ ਹਨੇਰ ਨਹੀਂ। ਭਾਈ ਸੁੱਖਾ ਸਿੰਘ ਅਤੇ ਭਾਈ ਮਹਿਤਾਬ ਸਿੰਘ ਨੇ ਉਸ ਹੰਕਾਰੀ ਦਾ ਸਿਰ ਕਲਮ ਕਰ ਦਿੱਤਾ । ਇਹ ਸੂਰਮੇ ਵੀ ਮੱਸੇ ਦੀ ਸੋਚ ਵਾਲੀ ਹਕੂਮਤ ਨੂੰ ਅੱਤਵਾਦੀ ਦਿਸਦੇ ਹੋਣਗੇ, ਪਰ ਇਹ ਸਤਵਾਦੀ ਹਨ। ਹਿੰਦ ਦੀਆਂ ਬਹੂ ਬੇਟੀਆਂ ਜਬਰੀ ਚੁੱਕ ਕੇ, ਜਾਬਰੀ ਬਸਰੇ ਦੇ ਬਜਾਰਾਂ ਵਿਚ ਟਕੇ ਟਕੇ ਬਦਲੇ ਨਲਾਮ ਕਰਨ ਵਾਲੇ, ਅਬਦਾਲੀ ਜਾਂ ਉਸ ਦੇ ਸਾਥੀਆਂ ਨੂੰ ਸਧੇ ਮੱਥੇ ਟੱਕਰਕੇ, ਅਬਲਾਵਾਂ ਨੂੰ ਛੁਡਵਾਕੇ ਘਰ ਪਹੁੰਚਾਉਣ ਵਾਲੇ, ਕਾਹਨੂੰਵਾਨ ਦੀਆਂ ਸ਼ੰਭਾਂ ਵਿਚ ਰਹਿਣ ਵਾਲੇ ਸੂਰਮੇਂ ਵੀ ਹਕੂਮਤ ਦੀ ਨਜਰ ਵਿਚ ਬਾਗੀ ਸਨ ਅਤੇ ਅੱਜ ਤੱਕ ਅਹਿਸਾਨ ਫਰਾਮੋਸ਼ ਪੀਡ਼ਤਾਂ ਦੀ ਸੰਤਾਨ ਵੀ ਉਹਨਾਂ ਦੇ ਇਸ ਕਾਰਜ ਉੱਤੇ ਸਿੱਖਾਂ ਦੇ ਬਾਰਾਂ ਵੱਜ ਗਏ ਕਟਾਕਸ਼ ਕਸਦੇ ਸ਼ਰਮ ਨਹੀਂ ਮਹਿਸੂਸ ਕਰਦੇ। ਪਰ ਉਹਨਾਂ ਸਿੰਘ ਸੂਰਮਿਆਂ ਨੇ ਧਰਮ ਪਾਲਿਆ ਸੀ। ਉਹਨਾਂ ਨੇ ਮਨੁੱਖੀ ਹੱਕ ਬਚਾਏ ਸਨ। ਉਹਨਾਂ ਨੇ ਜਬਰ ਦਾ ਮੁਕਬਲਾ ਕੀਤਾ ਸੀ।

ਮੁਗਲਈ ਗੁਲਾਮੀ ਲੱਥੀ ਤਾਂ ਅੰਗਰੇਜ਼ੀ ਗੁਲਾਮੀ ਗਲ ਆ ਪਈ। ਮਨੁੱਖੀ ਅਧਿਕਾਰ ਕੁਚਲੇ ਗਏ। ਜਦੋਂ ਹੱਕ ਮੰਗਣ ਵਾਲੇ ਜਿਲਿਆ ਵਾਲੇ ਬਾਗ ਵਿਚ ਇੱਕਠੇ ਹੋਏ ਤਾਂ ਜਾਲਮ ਹਾਕਮ ਨੇ ਹੱਕ ਦੇਣ ਦੀ ਥਾਂ ਗੋਲੀਆਂ ਮਾਰੀਆਂ। ਇਹ ਸਭ ਕੁਝ ਵੇਖਕੇ ਸ. ਊਧਮ ਸਿੰਘ ਨੇ ਪੁਰਖਿਆ ਦੇ ਇਤਿਹਾਸ ਵਿਚੋਂ ਨਾਨਕਸ਼ਾਹੀ ਗੁਡ਼ਤੀ ਲੈਂਦਿਆਂ , ਉਹਨਾਂ ਪੂਰਨਿਆਂ ਉੱਤੇ ਚੱਲਦਿਆਂ , ਹੱਕ ਮੰਗਦੇ ਨਹਿੱਥੇ ਲੋਕਾਂ ਉੱਤੇ ਗੋਲੀਆਂ ਚਲਾਉਣ ਦੇ, ਹੁਕਮ ਦੇਣ ਵਾਲੇ ਜਰਨਲ ਅਡਵਾਇਰ ਨੂੰ ਸਮੁੰਦਰ ਟੱਪਕੇ, ਉਸ ਦੀ ਜਨਮ ਭੂੰਮੀ ਉੱਤੇ ਜਾ ਕੇ ਮਾਰ ਮੁਕਾਇਆ। ਜਬਰ ਕਰਨ ਵਾਲੇ ਅੰਗਰੇਜ ਦੀ ਨਜਰ ਵਿਚ ਊਧਮ ਸਿੰਘ ਬਾਗੀ ਸੀ, ਫਾਂਸੀ ਉੱਤੇ ਲਟਕਾ ਦਿੱਤਾ ਗਿਆ । ਪਰ ਅਸੀਂ ਉਸ ਊਧਮ ਸਿੰਘ ਨੂੰ ਕੌਮੀਂ ਸ਼ਹੀਦ ਵਜੋਂ ਹਰ ਸਾਲ ਯਾਦ ਕਰਦੇ ਹਾਂ। ਅਜਾਦੀ ਤੋਂ ਪਹਿਲਾਂ ਸ਼ਹੀਦ ਸ. ਊਧਮ ਸਿੰਘ ਦੀ ਕੌਮ, ਜਿਸ ਵਿਚ ਮੇਰਾ ਵੀ ਜਨਮ ਹੋਇਆ ਹੈ, ਉਸ ਨਾਲ ਕੁਝ ਵਾਅਦੇ ਉਹਨਾਂ ਲੋਕਾਂ ਨੇ ਕੀਤੇ ਸਨ, ਜਿਹਨਾਂ ਨੇ ਅਜਾਦ ਭਾਰਤ ਦਾ ਰਾਜਭਾਗ ਸੰਭਾਲਣਾ ਸੀ। ਉਹਨਾਂ ਕਿਹਾ ਸੀ ਕਿ ਉੱਤਰ ਭਾਰਤ ਵਿਚ ਸਿੱਖਾਂ ਨੂੰ ਅਜਾਦ ਖਿੱਤਾ ਦਿੱਤਾ ਜਾਵੇਗਾ, ਪਰ ਦਿੱਲੀ ਤਖਤ ਦਾ ਰਾਜ ਭਾਗ ਸੰਭਾਲਦਿਆਂ ਉਹਨਾਂ ਹੁਕਮਰਾਨਾਂ ਨੇ ਗੁਰੂ ਨਾਨਕ ਦੀ ਵਿਚਾਰਧਾਰਾ ਨੂੰ ਮੰਨਣ ਵਾਲੇ ਅਤੇ ਸ਼ਹੀਦ ਊਧਮ ਸਿੰਘ ਦੀ ਕੌਮ ਨੂੰ ਜਰਾਇਮ ਪੇਸ਼ ਕਰਾਰ ਦੇ ਦਿੱਤਾ ਗਿਆ । ਗੁਰੂ ਨਾਨਕ, ਗੁਰੂ ਗੋਬਿੰਦ ਸਿੰਘ ਜੀ ਦੀ ਕੌਮ ਦੀ ਪਹਿਚਾਣ ਨੂੰ ਖਤਮ ਕਰਨ ਵਾਸਤੇ ਸਾਨੂੰ ਸੰਵਿਧਾਨ ਦੀ ਧਾਰਾ ਪੱਚੀ ਬੀ ਅਧੀਨ ਹਿੰਦੂ ਸਿੱਖ ਲਿਖ ਦਿੱਤਾ । ਆਪਣੀ ਪਹਿਚਾਣ , ਆਪਣੀ ਬੋਲੀ, ਆਪਣੇ ਸੂਬੇ ਦਾ ਪਾਣੀ ਅਤੇ ਹੋਰ ਹੱਕ ਬਚਾਉਣ ਵਾਸਤੇ, ਮੇਰੇ ਬਜ਼ੁਰਗਾਂ ਨੂੰ ਫਿਰ ਸੰਘਰਸ਼ ਦੇ ਰਾਹ ਤੁਰਨ ਤੋਂ ਬਿਨਾਂ ਕੋਈ ਚਾਰਾ ਹੀ ਨਾ ਰਿਹਾ , ਜਿਵੇਂ ਗੁਰੂ ਹਰਗੋਬਿੰਦ ਸਾਹਿਬ ਜਾਂ ਗੁਰੂ ਗੋਬਿੰਦ ਸਿੰਘ ਜੀ ਕੋਲ ਜੰਗ ਲਡ਼ਨ ਤੋਂ ਬਿਨਾਂ ਕੋਈ ਹੀਲਾ ਨਹੀਂ ਬਚਿਆ । ਮੇਰੇ ਵੱਡਿਆਂ ਨੇ ਲੋਕ ਤੰਤਰ ਕਦਰਾਂ ਕੀਮਤਾਂ ਨੂੰ ਪਛਾਣਦਿਆਂ ਸ਼ਾਂਤਮਈ ਸੰਘਰਸ਼ ਨੂੰ ਤਰਜੀਹ ਦਿੱਤੀ । ਹਕੂਮਤ ਨੇ ਡਾਂਗਾਂ, ਗੋਲੀਆਂ, ਜੇਲਾਂ ਉਵੇਂ ਹੀ ਸਾਡੇ ਪੱਲੇ ਪਾਈਆਂ, ਜਿਵੇ ਹੱਕ ਮੰਗਣ ਉੱਤੇ ਅੰਗਰੇਜ ਨੇ ਜਲਆਿਂਵਾਲੇ ਬਾਗ ਵਿਚ ਕੀਤਾ ਸੀ। ਪਰ ਸੰਘਰਸ਼ ਸ਼ਾਂਤਮਈ ਅਤੇ ਲੋਕ ਹਿੱਤਾਂ ਵਿਚ ਸੀ ਅਤੇ ਅਸੀਂ ਆਪਣੇ ਵਾਸਤੇ ਨਹੀਂ ਪੂਰੇ ਭਾਰਤ ਵਿਚ ਸਭ ਬੋਲੀਆਂ, ਜਾਤੀਆਂ ਜਾਂ ਧਰਮਾਂ ਦੇ ਸਤਿਕਾਰ ਮਾਣ ਨੂੰ ਸੰਵਿਧਾਨਿਕ ਦਰਜਾ ਦਵਾਉਣ ਲਈ, ਵੱਧ ਅਧਿਕਾਰਾਂ ਦਾ ਮਤਾ ਲੈਕੇ ਮੈਦਾਨ ਵਿਚ ਆਏ ਸੀ, ਲੇਕਿਨ ਬਦਕਸਿਮਤੀ ਨਾਲ ਅਸੀਂ ਉਸ ਮਤੇ ਦਾ ਨਾਮ ਮਤਾ ਅਨੰਦਪੁਰ ਸਾਹਿਬ ਦੋ ਰੱਖ ਲਿਆ । ਭਾਰਤੀ ਹਾਕਮਾਂ ਨੇ ਸਾਡੀ ਮਾਨਸਕਿਤਾ ਨੂੰ ਸਮਝਣ ਦੀ ਥਾਂ ਮੁਗਲਈ ਅਤੇ ਅੰਗਰੇਜ਼ੀ ਮਾਪਦੰਡ ਅਪਣਾਉਂਦਿਆਂ , ਪਹਿਲਾਂ ਤਾਂ ਸਾਨੂੰ ਰੱਜ ਕੇ ਕੁੱਟਿਆ ,ਫਿਰ ਅਨੰਦਪੁਰ ਸਾਹਿਬ ਦੇ ਮਤੇ ਨੂੰ ਬਗਾਵਤ ਆਖ ਕੇ ਬਦਨਾਮ ਕੀਤਾ। ਜਦੋਂ ਜੇਲਾਂ ਵੀ ਸਾਨੂੰ ਸੰਭਾਲ ਨਾ ਸਕੀਆਂ ਤਾਂ ਦਰਬਾਰ ਸਾਹਬਿ ਉੱਤੇ ਫੌਜੀ ਹਮਲਾ ਕਰ ਦਿੱਤਾ । ਜਿਸ ਨੇ ਸਭ ਪੁਰਾਣੇ ਜਖਮ ਵੀ ਉਧੇੜ ਦਿੱਤੇ ।

ਹਕੂਮਤ ਨੇ ਫਿਰ ਉਸ ਤਰ੍ਹਾਂ ਹੀ ਸਾਨੂੰ ਪਹਿਚਾਣਨ ਵਿਚ ਗਲਤੀ ਕੀਤੀ ਜਿਵੇਂ ਮੁਗਲ ਅਤੇ ਅੰਗਰੇਜ ਕਰਦੇ ਸਨ। ਸਾਨੂੰ ਕੁੱਤੇ ਦੀ ਨਸਲ ਵਿਚੋਂ ਸਮਝਆਿ ਗਿਆ । ਪਰ ਸਾਨੂੰ ਗੁਰੂ ਨੇ ਸਿੰਘ ਭਾਵ ਸ਼ੇਰ ਦਾ ਦਰਜਾ ਦਿੱਤਾ ਹੈ। ਕੁੱਤੇ ਨੂੰ ਕੋਈ ਸੋਟੀ ਮਾਰੇ ਜਾਂ ਕਿਸੇ ਹੋਰ ਹਥਆਿਰ ਨਾਲ ਹਮਲਾ ਕਰੇ ਤਾਂ ਕੁੱਤਾ ਸੋਟੀ ਜਾਂ ਹਥਆਿਰ ਉੱਤੇ ਜਵਾਬੀ ਹਮਲਾ ਕਰਦਾ ਹੈ। ਪਰ ਸ਼ੇਰ ਉੱਤੇ ਜਦੋਂ ਕੋਈ ਤਲਵਾਰ ਦਾ ਵਾਰ ਕਰੇ ਤਾਂ ਸ਼ੇਰ ਤਲਵਾਰ ਉੱਤੇ ਹਮਲਾ ਨਹੀਂ ਕਰਦਾ, ਸਗੋਂ ਤਲਵਾਰ ਚਲਾਉਣ ਵਾਲੇ ਦੇ ਸਿਰ ਉੱਤੇ ਵਾਰ ਕਰਦਾ ਹੈ। ਇਸ ਸਿਧਾਂਤ ਅਨੁਸਾਰ ਹੀ ਦਰਬਾਰ ਸਾਹਬਿ ਦੇ ਫੌਜੀ ਹਮਲੇ ਤੋਂ ਬਾਅਦ ਭਾਰਤ ਦੀ ਹੁਕਮਰਾਨ ਇੰਦਰਾ ਗਾਂਧੀ ਉੱਤੇ ਹਮਲਾ ਹੋਇਆ ਸੀ। ਜਰਨਲ ਵੈਦਿਆ ਦਾ ਕਤਲ ਵੀ ਇਸ ਸੰਦਰਭ ਦਾ ਹਿੱਸਾ ਸੀ। ਕੇਵਲ ਸਿੱਖ ਨਹੀਂ ਹਰ ਜਾਗ੍ਰਤਿ ਕੌਮ ਅਜਿਹਾ ਕਰਦੀ ਹੈ। ਨੱਥੂ ਰਾਮ ਗੋਡਸੇ ਨੇ ਵੀ ਅਜਿਹਾ ਕੀਤਾ। ਇਕ ਤਾਮਿਲ ਔਰਤ ਨੇ ਆਪਣੀਆਂ ਭਾਵਨਾਵਾਂ ਅਨੁਸਾਰ ਭਾਰਤ ਦੇ ਹੁਕਮਰਾਨ ਰਜੀਵ ਗਾਂਧੀ ਨੂੰ ਮਨੁੱਖੀ ਬੰਬ ਬਣ ਕੇ ਉਡਾ ਦਿੱਤਾ ਸੀ।

ਹਕੂਮਤ ਦੇ ਨਸ਼ੇ ਵਿਚ ਗਲਤਾਨ ਲੋਕ ਗਲਤੀ ਸੁਧਾਰਨ ਦੀ ਥਾਂ ਗਲਤੀ ਦਰ ਗਲਤੀ ਕਰਦੇ ਹਨ। ਇੰਦਰਾ ਗਾਂਧੀ ਦੇ ਕਤਲ ਤੋਂ ਬਾਅਦ ਜੋ ਕੁਝ ਹਿੰਦੁਸਤਾਨ ਦੀ ਰਾਜਧਾਨੀ ਜਾਂ ਹੋਰ ਵੱਡੇ ਸ਼ਹਿਰਾਂ ਵਿਚ ਸਿੱਖਾਂ ਨਾਲ ਵਾਪਰਆਿ, ਅਜਿਹਾ ਲੋਕ ਤੰਤਰ ਦੇ ਇਤਹਾਸ ਵਿਚ ਕਦੇ ਨਹੀਂ ਹੋਇਆ। ਹਜਾਰਾਂ ਬੇਗੁਨਾਹ ਸਿੱਖ ਮਾਰ ਦਿੱਤੇ , ਇੱਜਤਾਂ ਸ਼ਰੇ ਬਜਾਰ ਲੁੱਟੀਆਂ ਗਈਆਂ, ਪਰ ਹਾਲੇ ਤੱਕ ਸਰਕਾਰੀ ਜਾਂ ਅਦਾਲਤੀ ਇਨਸਾਫ ਵੀ ਨਹੀਂ ਮਿਲਿਆ ਅਤੇ ਉਜਾਡ਼ੇ ਗਏ ਲੋਕਾਂ ਦਾ ਵਸੇਬਾ ਨਹੀਂ ਹੋਇਆ। ਸਗੋ ਇਸ ਨਸਲਕੁਸ਼ੀ ਨੂੰ ਦੰਗੇ ਆਖਿਆ ਜਾ ਰਿਹਾ ਹੈ। ਅਜਿਹੀਆਂ ਬੇਇਨਸਾਫੀਆਂ ਖਿਲਾਫ ਉਹਨਾਂ ਲੋਕਾਂ ਦੇ ਜਜਬਾਤ ਸੁਲਗਣੇ ਕੁਦਰਤੀ ਹਨ, ਜਿਹਡ਼ੇ ਕਿਸੇ ਦੇ ਜਜਬਾਤਾਂ ਬਦਲੇ ਚਾਂਦਨੀ ਚੌਕ ਵਿਚ ਸਿਰ ਕਟਵਾਉਣ, ਦੇਗ ਵਿਚ ਉਬਲਣ ਅਤੇ ਆਰਿਆ ਨਾਲ ਤਨ ਚਡ਼ਾਉਣ ਦਾ ਹੁਨਰ ਬਾ ਖ਼ੂਬੀ ਜਾਣਦੇ ਹੋਣ। ਇਸ ਹਸ਼ਰ ਤੱਕ ਪੁੱਜ ਜਾਣ ਉੱਤੇ ਪੰਜਾਬ ਦਾ ਨੌਜਵਾਨ ਖੂਨ ਭਲਾ ਬਿਨਾਂ ਉਬਲੇ ਕਿਵੇਂ ਰਹਿ ਸਕਦਾ ਸੀ। ਭਾਰਤੀ ਹਕੂਮਤ ਨੇ ਇਸ ਜਜਬਾਤਾਂ ਦੀ ਅੱਗ ਉੱਤੇ ਉਬਲ ਰਹੇ ਖੂਨ ਨੂੰ ਠੰਡਾ ਛਿੱਟਾ ਮਾਰਨ ਦੀ ਥਾਂ ਤਸ਼ੱਦਦ ਦਾ ਤੇਲ ਪਾਉਣਾ ਆਰੰਭ ਕੀਤਾ। ਪੰਜਾਬ ਵਿਚ ਰਾਸ਼ਟਰਪਤੀ ਰਾਜ ਲਾਗੂ ਕਰਕੇ ਜਬਰ ਨੂੰ ਕਾਨੂੰਨੀ ਜਾਮਾ ਪਹਿਨਾ ਦਿੱਤਾ ਗਿਆ । ਇੱਕ ਤੋਂ ਇੱਕ ਬੁੱਚਡ਼ ਅਫਸਰ ਲੱਭਕੇ ਪੰਜਾਬ ਦਾ ਪੁਲਸਿ ਮੁਖੀ ਬਣਾਇਆ ਗਿਆ । ਨੀਮ ਫੌਜੀ ਦਸਤਿਆਂ ਨੂੰ ਖੁੱਲ ਦਿੱਤੀ ਗਈ ਕ ਕਿਸੇ ਵੀ ਬੇਗੁਨਾਹ ਸਿੱਖ ਨੌਜਵਾਨ ਉੱਤੇ ਤਸ਼ੱਦਦ ਕੀਤਾ ਜਾਵੇ ਅਤੇ ਝੂਠਾ ਪੁਲਿਸ ਮੁਕਾਬਲਾ ਬਣਾ ਕੇ ਮਾਰ ਦਿੱਤਾ ਜਾਵੇ।

ਇਹ ਸਿਲਸਿਲਾ 1987 ਤੋਂ 1992 ਤੱਕ ਬੇਖੌਫ ਚੱਲਿਆ ਪਰ ਅਚਾਨਕ ਹਿੰਦੋਸਤਾਨੀ ਹੁਕਮਰਾਨਾਂ ਨੂੰ ਖਿਆਲ ਆਇਆ ਕਿ ਸਭ ਕੁਝ ਰਾਸ਼ਟਰਪਤੀ ਰਾਜ ਅਧੀਨ ਕੀਤਾ ਜਾ ਰਿਹਾ ਹੈ। ਜਿਸਦੀ ਸਿੱਧੀ ਜਿੰਮੇਵਾਰੀ ਹਿੰਦੋਸਤਾਨੀ ਸਰਕਾਰ ਦੇ ਸਿਰ ਆਵੇਗੀ ਅਤੇ ਕਦੇ ਵੀ ਯੂ.ਐਨ.ਓ. ਵਿੱਚ ਜਾਂ ਕਿਤੇ ਹੋਰ ਕੌਮਾਂਤਰੀ ਪੱਧਰ ਉੱਤੇ ਜਵਾਬਦੇਹ ਹੋਣਾ ਪੈ ਸਕਦਾ ਹੈ। ਇਸ ਕਰਕੇ 1992 ਵਿਚ ਨੀਤੀ ਨੂੰ ਬਦਲਦਿਆਂ , ਸੰਗੀਨਾਂ ਦੀ ਛਾਂ ਹੇਠ ਚੋਣ ਕਰਵਾਕੇ, ਸਿਰਫ ਛੇ ਫ਼ੀਸਦੀ ਵੋਟਾਂ ਰਾਹੀਂ ਬੇਅੰਤ ਸਿੰਹੁ ਨੂੰ ਮੁੱਖ ਮੰਤਰੀ ਬਣਾ ਕੇ, ਲੋਕਤੰਤਰ ਦਾ ਬੁਰਕਾ ਪਾਇਆ ਗਿਆ । ਪੰਜਾਬ ਦਾ ਪੁਲਿਸ ਮੁੱਖੀ ਵੀ ਇੱਕ ਬਡ਼ੇ ਬਦਨਾਮ ਅਤੇ ਬੁੱਚਡ਼ ਪੁਲਸੀਏ ਕੇ.ਪੀ.ਐਸ. ਗਿੱਲ ਨੂੰ ਲਗਾਇਆ ਗਿਆ । ਇਸ ਨਾਲ ਭਾਰਤ ਸਰਕਾਰ ਦੇ ਸਿਰੋਂ ਜਿੰਮੇਵਾਰੀ ਵੀ ਲੱਥ ਗਈ ਅਤੇ ਦੋ ਪੱਗਾਂ ਵਾਲੇ, ਇੱਕ ਸਾਸ਼ਕ ਬੇਅੰਤ ਸਿੰਹੁ ਅਤੇ ਦੂਜਾ ਪ੍ਰਸਾਸ਼ਕ ਕੇ.ਪੀ. ਐੱਸ ਗਿੱਲ , ਨੂੰ ਸਿੱਖਾਂ ਦੇ ਬੇਗੁਨਾਹ ਬੱਚਿਆਂ ਨੂੰ ਮਾਰਨ ਦਾ ਠੇਕਾ ਦੇ ਦਿੱਤਾ ਤਾਂ ਕਿ ਇਤਿਹਾਸ ਕਲੰਕਤ ਹੋ ਜਾਵੇ ਕਿ ਸਿੱਖਾਂ ਨੂੰ ਮਾਰਨ ਵਾਲੇ ਸਿੱਖ ਹੀ ਸਨ।

ਇਹ ਸਭ ਹਲਾਤ ਸਨ, ਜਹਿਨਾਂ ਨੇ ਸਾਡੀਆਂ ਭੋਲੀਆਂ ਜੰਿਦਗੀਆਂ ਵਚਿ ਭੁਚਾਲ ਲਆਿ ਦੱਿਤਾ। ਸਾਨੂੰ ਇਸ ਗੱਲ ਉੱਤੇ ਰੋਸ ਆਇਆ ਕ ਿਜਸਿ ਭਾਰਤ ਦੀ ਅਜਾਦੀ ਵਾਸਤੇ ਫਾਂਸੀ ਦੇ ਰੱਸੇ ਗਲ ਪਾਉਣ ਵਾਲਆਿਂ ਵਚੋਂ, ਮੇਰੀ ਕੌਮ ਦੇ ਵਾਰਸ 121 ਵਿਚੋਂ 93 ਸਨ। ਕੁੱਲ ਕੁਰਬਾਨੀਆਂ ਵਚਿ ਮੇਰੇ ਬਜ਼ੁਰਗਾਂ ਦਾ ਹੱਿਸਾ ਪਚਾਸੀ ਫ਼ੀਸਦੀ ਹੈ। ਹਿੰਦੋਸਤਾਨ ਨਾਲ ਕਸਿਮਤ ਜੋਡ਼ਨ ਵਾਸਤੇ ਰਾਜਆਿਂ ਵਰਗੇ ਕਲੇ ਅਤੇ ਸਰਦਾਰੀਆਂ ਨੂੰ ਲੱਤ ਮਾਰਕੇ, ਪਾਕਸਿਤਾਨ ਛੱਡਕੇ ਆਉਣ ਵਾਲੇ, ਮੇਰੇ ਹੀ ਮਾਪੇ ਸਨ ਅਤੇ ਅਜਾਦੀ ਤੋਂ ਬਾਅਦ ਲਗਾਤਾਰ ਹੱਕਾਂ ਦੀ ਮੰਗ ਕਰਦੇ, ਤਸ਼ੱਦਦ ਸਹਣਿ ਵਾਲੇ ਮੇਰੇ ਹੀ ਕੁਨਬੇ ਦੇ ਲੋਕ ਹਨ। ਪਰ ਹੁਣ ਹਕੂਮਤ ਨੇ ਸਾਡੇ ਆਪਣਆਿਂ ਵਚੋਂ ਮੋਹਰੇ ਲੱਭਕੇ, ਸਾਡੀ ਕੌਮ ਦੀ ਜਵਾਨੀ ਦੀਆਂ ਜਡ਼ਾਂ ਵੱਢਣ ਵਾਸਤੇ, ਆਪਣੀ ਜ਼ੁਲਮੀ ਕੁਹਾਡ਼ੀ ਵਚਿ ਦਸਤਾ ਵੀ ਸਾਡੇ ਆਪਣਆਿਂ ਦਾ ਪਾ ਲਆਿ ਹੈ। ਇਹ ਸਭ ਆਤਮਾ ਦਾ ਬੋਝ ਬਣ ਗਆਿ ਸੀ। ਆਪਣਾ ਆਮੀਰ ਵਰਿਸਾ, ਅਣਮੁੱਲਾ ਇਤਹਾਸ, ਵੱਡਆਿਂ ਦੇ ਕੀਤੇ ਧਰਮ ਕਾਰਜ, ਮਾਰਗ ਦਰਸ਼ਨ ਬਣ ਗਏ ਅਤੇ ਜ਼ੁਲਮ ਦੇ ਅੰਤ ਦਾ ਫੈਸਲਾ ਕਰ ਲਆਿ।

ਸਾਡੀ ਕਸੇ ਨਾਲ ਧਰਮ ਕਰਕੇ ਜਾਂ ਜਾਤ ਕਰਕੇ ਕੋਈ ਨੱਿਜੀ ਦੁਸ਼ਮਣੀ ਨਹੀਂ ਸੀ ਅਤੇ ਨਾ ਹੀ ਅੱਜ ਹੈ। ਰਾਜ ਵੀ ਕਸੇ ਕਰਨਾ ਹੀ ਹੈ, ਜਸਿ ਨੂੰ ਲੋਕ ਫਤਵਾ ਦੇ ਦੇਣ, ਪਰ ਜਦੋਂ ਰਾਜੇ ਸ਼ੀਂਹ, ਮੁਕੱਦਮ ਕੁੱਤੇ ਅਤੇ ਕਾਜੀ ਰਸ਼ਿਵਤੀ ਹੋ ਜਾਣ, ਅਦਾਲਤੀ ਨਆਿਂ ਗੋਡੇ ਟੇਕ ਦੇਵੇ, ਜੱਜ ਇਕ ਪੁਲਸਿ ਅਫਸਰ ਦੇ ਆਖੇ ਫੈਸਲੇ ਬਦਲਣ ਲੱਗ ਪੈਣ, ਵਰਦੀਧਾਰੀ ਕਾਤਲ ਬੇਗੁਨਾਹ ਬੱਚਆਿਂ ਨੂੰ ਦਨਿ ਦਹਾਡ਼ੇ ਕਤਲ ਕਰਨ ਅਤੇ ਪੰਜਾਬ ਦੀ ਰਾਜਗੱਦੀ ਉੱਤੇ ਬੈਠਾ ਇਨਸਾਨ ਅੱਖਾਂ ਬੰਦ ਕਰਕੇ ਹੀ ਨਾ ਬੈਠੇ ਸਗੋਂ ਬੇਗੁਨਾਹ ਸੱਿਖ ਬੱਚਆਿਂ ਦੇ ਕਤਲਾਂ ਨੂੰ ਜਾਇਜ ਠਹਰਾਵੇ ਅਤੇ ਕਾਤਲਾਂ ਨੂੰ ਤਰੱਕੀਆਂ ਤੇ ਰਾਸ਼ਟਰਪਤੀ ਐਵਾਰਡ ਦਵਾਉਣ ਦੀਆਂ ਸਫਾਰਸ਼ਾਂ ਕਰੇ ਤਾਂ ਫਰਿ ਗੁਰੂ ਗੋਬੰਿਦ ਸੰਿਘ ਜੀ ਦੇ ਪਰਵਾਰ ਵਚਿ ਪੈਦਾ ਹੋਇਆ ਇਕ ਸੱਿਖ ਕੰਿਨਾ ਚਰਿ ਸਬਰ ਕਰ ਸਕਦਾ ਹੈ। ਉਸ ਨੂੰ ਗੁਰੂ ਗੋਬੰਿਦ ਸੰਿਘ ਜੀ ਦਾ ਬਚਨ ਰੋਸ਼ਨੀ ਦੰਿਦਾ ਹੈ ਕ ੋਚੁੰ ਕਰ ਅਜੁ ਹਮਾਂ ਹੀਲਤੇ ਦਰ ਗੁਜ਼ਸ਼ਤ ਹਲਾਲ ਅਸਤ ਬੁਰਦਨ ਬਾ ਸ਼ਮਸ਼ੀਰ ਦਸਤੋ, ਇਹ ਜਦੋਂ ਸਾਰੇ ਹੀਲੇ ਵਸੀਲੇ ਮੁੱਕ ਜਾਣ ਤਾਂ ਕਿਰਪਾਨ ਉਠਾਉਣਾ ਜਾਇਜa ਹੈ। ਇਸ ਸਧਾਂਤ ਨੇ ਸਾਨੂੰ ਇਸ ਰਸਤੇ ਵੱਲ ਤੁਰਨ ਦੀ ਦਲੇਰੀ ਦੱਿਤੀ, ਜੋ ਕਸੇ ਸਮੇਂ ਭਾਈ ਸੁੱਖਾ ਸੰਿਘ, ਭਾਈ ਮਹਤਾਬ ਸੰਿਘ, ਸ਼ਹੀਦ ਸ।ਊਧਮ ਸੰਿਘ, ਸ਼ਹੀਦ ਭਾਈ ਬੇਅੰਤ ਸੰਿਘ, ਸਤਵੰਤ ਸੰਿਘ, ਕੇਹਰ ਸੰਿਘ ਅਤੇ ਭਾਈ ਸੁੱਖਾ ਜੰਿਦਾ ਵਚਿ ਪੈਦਾ ਹੋਈ ਸੀ। ਇਹ ਕਦਮ ਚੁੱਕਦਆਿਂ ਸਾਨੂੰ ਇਹ ਪ੍ਰਵਾਹ ਨਹੀਂ ਸੀ ਅਤੇ ਨਾ ਹੀ ਅੱਜ ਹੈ ਕ ਿਹਕੂਮਤ ਜਾਂ ਹਕੂਮਤ ਦੇ ਗੁਲਾਮ ਜੱਜ ਜਾਂ ਵਕਾਊ ਮੀਡੀਆ ਸਾਨੂੰ ਨਾਇਕ ਜਾਂ ਖਲਨਾਇਕ ਉਪਾਧੀ ਦੇਵੇ। ਸਾਡੇ ਸਾਹਮਣੇ ਇੱਕ ਮਸ਼ਿਨ ਸੀ ਕ ਿਸਖਾਂ ਉੱਤੇ ਹੋ ਰਹੇ ਜ਼ੁਲਮ ਨੂੰ ਠੱਲਆਿ ਜਾਵੇ। ਅਸੀਂ ਜੋ ਕੀਤਾ ਇਤਹਾਸ ਨੂੰ ਅੱਗੇ ਤੋਰਆਿ ਹੈ। ਅਸੀਂ ਪੁਰਾਤਨ ਅਤੇ ਮੌਜੂਦਾ ਸ਼ਹੀਦਾਂ ਦੀ ਸੋਚ ਨੂੰ ਸਮਝਆਿ ਅਤੇ ਪਹਰਾ ਦੱਿਤਾ ਹੈ। ਪਰ ਫਰਿ ਵੀ ਇਹ ਸਪਸ਼ਟ ਕਰਨਾ ਮੇਰੀ ਨੈਤਕਿ ਜੰਿਮੇਵਾਰੀ ਹੈ ਕ ਿਸੱਿਖ ਕਸੇ ਦੀ ਮੌਤ ਵਚੋਂ ਜੰਿਦਗੀ ਨਹੀਂ ਲਭਦਾ। ਸੱਿਖ ਨੂੰ ਗੁਰੂ ਨੇ ਸਰਬੱਤ ਦੇ ਭਲੇ ਦਾ ਆਦੇਸ਼ ਦੱਿਤਾ ਹੈ। ਅਸੀਂ ਭਾਈ ਘਨਈਆ ਜੀ ਦੇ ਰੂਪ ਵਚਿ ਦੁਸ਼ਮਣ ਨੂੰ ਪਾਣੀ ਪਆਿਉਣ ਅਤੇ ਮਲਮ ਪੱਟੀ ਕਰਨ ਦੀ ਜਾਚ ਵੀ ਰੱਖਦੇ ਹਾਂ, ਪਰ ਨਾਲ ਨਾਲ ਵਜੀਦਾ ਖਾਨ, ਮੱਸਾ ਰੰਘਡ਼, ਜਰਨੈਲ ਅਡਵਾਇਰ, ਇੰਦਰਾ ਗਾਂਧੀ, ਜਰਨੈਲ ਵੈਦਆਿ ਅਤੇ ਬੇਅੰਤ ਸਿੰਹੁ ਵਰਗੇ ਬੁੱਚਡ਼ਾਂ ਨੂੰ ਸਜਾ ਦੇਣਾ ਵੀ ਜਾਣਦੇ ਹਾਂ। ਅਸੀਂ ਜੋ ਕੀਤਾ ਇਤਹਾਸ ਤੋਂ ਪ੍ਰੇਰਨਾ ਲੈ ਕੇ, ਜਬਰ ਦੇ ਕਾਲੇ ਪੰਨੇ ਸਾਹਮਣੇ ਮੁਡ਼ ਤੋਂ ਇੱਕ ਸੁਨਹਰੀ ਅਧਆਿਏ ਲਖਿ ਕੇ ਆਪਣੇ ਫਰਜ ਨਭਾਏ ਹਨ। ਸਾਨੂੰ ਕੋਈ ਇੱਛਾ ਜਾਂ ਉਮੀਦ ਨਹੀਂ ਹੈ ਕ ਿਕੋਈ ਹੁਕਮਰਾਨ ਜਾਂ ਅਦਾਲਤ ਸਾਨੂੰ ਮਾਫੀ ਦੇਵੇ ਕਉਿਂਕ ਿਸ।ਊਧਮ ਸੰਿਘ, ਭਾਈ ਸਤਵੰਤ ਸੰਿਘ, ਭਾਈ ਸੁੱਖਾ ਜੰਿਦਾ ਨੂੰ ਹਕੂਮਤ ਨੇ ਕਾਨੂੰਨ ਦੀ ਦੁਰਵਰਤੋਂ ਕਰਕੇ ਫਾਂਸੀਆਂ ਉੱਤੇ ਇਸ ਲਈ ਟੰਗਆਿ ਕ ਿਉਹ ਖਲਨਾਇਕ ਸਾਬਤ ਹੋਣਗੇ। ਪਰ ਉਹ ਇਤਹਾਸ ਦੇ ਨਾਇਕ ਹਨ। ਸਾਡੇ ਵਲੋਂ ਕੀਤੀ ਸੇਵਾ ਦਾ ਫੈਸਲਾ ਸਾਡੀ ਕੌਮ ਜਾਂ ਇਤਹਾਸ ਲਖੇਗਾ ਸਾਨੂੰ ਆਪਣੇ ਕੀਤੇ ਉੱਤੇ ਕੋਈ ਪਛਤਾਵਾ ਨਹੀਂ ਹੈ।

ਸaਹੀਦ ਭਾਈ ਦਿਲਾਵਰ ਸਿੰਘ ਜਿੰਦਾਬਾਦ
ਖਾਲਿਸਤਾਨ ਜਿੰਦਾਬਾਦ
25 ਜਨਵਰੀ 2018

ਵਾਹਿਗੁਰੂ ਜੀ ਕਾ ਖਾਲਸਾ।।
ਵਾਹਿਗੁਰੂ ਜੀ ਕੀ ਫਤਿਹ।।

ਗੁਰੂ ਪੰਥ ਦਾ ਦਾਸ
ਜਗਤਾਰ ਸਿੰਘ ਤਾਰਾ ਡੇਕਵਾਲਾ
20 ਚੱਕੀਆਂ, ਮਾਡਲ ਜੇਲ ਬੁੜੈਲ
ਚੰਡੀਗੜ

ਸਿੱਖੋ ਨਿੱਕੇ ਨਿੱਕੇ ਮਸਲਿਆਂ ਤੇ ਨਾ ਉਲਝੋ, ਭਾਰਤੀ ਖੁਫੀਆਂ ਏਜੰਸੀਆਂ ਤੁਹਾਨੂੰ ਆਪਸ ਵਿੱਚ ਉਲਝਾਉਣ ਲਈ ਕਰੋੜਾਂ ਡਾਲਰ ਖਰਚ ਰਹੀਆਂ ਹਨ…ਹੰਸਰਾ

ਟਰਾਂਟੋ:- ਪਿਛਲੇ ਡੇਢ ਕੁ ਮਹੀਨੇ ਤੋਂ ਮੀਡੀਆ ਵਿੱਚ ਅਜਿਹੀ ਆਰਟੀਫਿਸ਼ਅਲ (ਨਕਲੀ) ਹਨੇਰੀ ਝੁਲਾਈ ਜਾ ਰਹੀ ਹੈ ਕਿ ਜਿਵੇਂ ਖਾਲਿਸਤਾਨ ਜਾਂ ਏਅਰ ਇੰਡੀਆ ਬੰਬ ਕਾਂਡ ਦਾ ਮੁੱਦਾ ਕੱਲ ਹੀ ਸਾਹਮਣੇ ਆਇਆ ਹੋਵੇ। ਦਰਅਸਲ, ਇਹ ਸਭ ਕੁੱਝ ਖੁਫੀਆਂ ਏਜੰਸੀਆਂ ਦੇ ਬੋਰਡ ਰੂਮ ਵਿੱਚ ਘੜੀ ਸਾਜਿਸ਼ ਅਧੀਨ ਹੋ ਰਿਹਾ ਹੈ।
ਸਿੱਖ ਨੇਸ਼ਨ ਦੇ ਨਾਲ ਇੱਕ ਅਪੀਲ ਜਾਰੀ ਕਰਦਿਆਂ ਸ੍ਰ ਸੁਖਮਿੰਦਰ ਸਿੰਘ ਹੰਸਰਾ ਨ ਕਿਹਾ ਕਿ “ਸਿੱਖਾਂ ਨੂੰ ਏਅਰ ਇੰਡੀਆ ਬੰਬ ਕਾਂਡ ਵਿੱਚ ਉਲਝਾਇਆ ਜਾ ਰਿਹਾ ਹੈ। ਜਦਕਿ ਸਾਡਾ ਅਸਲ ਮਨੋਰਥ ਖਾਲਿਸਤਾਨ ਦੇਸ਼ ਦੀ ਆਜ਼ਾਦੀ ਲਈ ਇਨਾ ਦੇਸ਼ਾਂ ਵਿੱਚ ਲਾਬੀ ਕਰਨਾ ਹੈ। ਇਸ ਤੋਂ ਸਿਵਾਏ ਐਨਾ ਦੇਸ਼ਾਂ ਵਿੱਚ ਸਾਡਾ ਕੋਈ ਰੋਲ ਨਹੀਂ ਹੈ। ਅਸੀਂ ਵਿਦੇਸ਼ੀ ਧਰਤੀ ਨੂੰ ਅਪਣਾਇਆ ਹੈ। ਇਸਦੇ ਨਾਲ ਨਾਲ ਅਸੀਂ ਇਥੋਂ ਦੈ ਕਾਇਦਾ ਕਾਨੂੰਨ ਨੂੰ ਵੀ ਅਪਣਾਇਆ ਹੈ।”
ਹੰਸਰਾ ਨੇ ਅੱਗੇ ਕਿਹਾ ਕਿ “ਸਾਵਧਾਨ ਰਹੋ ਅਤੇ ਆਪਣਾ ਧਿਆਨ ਖਾਲਿਸਤਾਨ ਅਤੇ ਸਿੱਖਾਂ ਨਾਲ ਹੋ ਰਹੀ ਬੇਇਨਸਾਫੀ ਤੇ ਕੇਂਦਰਤ ਰੱਖੋ। ਭਾਰਤ ਸਰਕਰ ਦੀਆਂ ਏਜੰਸੀਆਂ ਹੁਣ ਤਿਰੰਗੇ ਪਹਿਨਕੇ ਨਹੀਂ ਸਗੋਂ ਹਰ ਤਰ੍ਹਾਂ ਦੀ ਵਰਦੀ ਵਿੱਚ ਸਰਗਰਮ ਹਨ।”
ਸਾਵਧਾਨ ਰਹੋ! ਕਿਸੇ ਹੋਰ ਮਸਲੇ ਵਿੱਚ ਨਾ ਉਲਝੋ।
ਸੁਖਮਿੰਦਰ ਸਿੰਘ ਹੰਸਰਾ ਨੇ ਕੌਮ ਦੇ ਨਾਲ ਅਪੀਲ ਵਿੱਚ ਅੱਗੇ ਕਿਹਾ ਕਿ “ਚਾਹੇ ਉਹ ਮੁੱਦਾ ਤਲਵਿੰਦਰ ਸਿੰਘ ਪਰਮਾਰ ਦਾ ਹੋਵੇ ਤੇ ਚਾਹੇ ਸੰਤ ਜਰਨੈਲ ਸਿੰਘ ਭਿੰਰਡਾਂਵਾਲਿਆਂ ਦਾ। ਅਗਰ ਕੋਈ ਸਾਡੇ ਨਾਇਕਾਂ ਵਿਰੁੱਧ ਬੋਲ ਕੇ ਸਾਨੂੰ ਸਾਡੇ ਰਸਤੇ ਤੋਂ ਭੜਕਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਤਾਂ ਗੇਮ ਨੂੰ ਸਮਝੋ, ਨਾ ਭੜਕਾਹਟ ਵਿੱਚ ਆ ਕੇ ਉਨ੍ਹਾਂ ਦੀ ਕੋਸ਼ਿਸ਼ ਨਾਕਾਮ ਕਰੋ।”
ਸਿੱਖ ਕੌਮ ਨੂੰ ਦੇਸ਼ਾਂ ਵਿਦੇਸ਼ਾਂ ਵਿeੱਚ ਸਾਵਧਾਨ ਕਰਦਿਆਂ ਸੁਖਮਿੰਦਰ ਸਿੰਘ ਹੰਸਰਾ ਨੇ ਕਿਹਾ ਕਿ “ਅਗਲੇ ਮਹੀਨੇ ਆਉਣ ਵਾਲੇ ਨਗਰ ਕੀਰਤਨਾਂ ਨੂੰ ਬਦਨਾਮ ਕਰਨ ਲਈ ਭਾਰਤੀ ਏਜੰਟਾਂ ਵਲੋਂ ਹੁਣ ਤੋਂ ਹੀ ਤਾਣਾ ਬਾਣਾ ਬੁਣਿਆ ਜਾ ਰਿਹਾ ਹੈ। ਨਗਰ ਕੀਰਤਨ ਵਿੱਚ ਖਾਲਿਸਤਾਨ ਦੇ ਪ੍ਰਸਤਾਵ ਨੂੰ ਮੁੱਖ ਭੂਮਿਕਾ ਵਜੋਂ ਪੇਸ਼ ਕਰੋ, ਸਟੇਨ ਗੰਨਾਂ ਜਾਂ ਜਿੰਨ੍ਹਾਂ ਪੋਸਟਰਾਂ ਤੇ ਉਂਗਲ ਉੱਠ ਸਕਦੀ ਹੈ ਉਸ ਤੋਂ ਪਹਿਲਾਂ ਹੀ ਲਾਂਭੇ ਰਹੋ।
ਇਹ ਨਾ ਭੁੱਲੋ ਕਿ ਕੈਨੇਡਾ, ਅਮਰੀਕਾ ਅਤੇ ਇੰਗਲੈਂਡ ਦਾ ਸਿਸਟਮ ਖਾਲਿਸਤਾਨ ਦੇ ਪ੍ਰਸਤਾਵ ਨੂੰ ਮਾਨਤਾ ਦਿੰਦਾ ਹੈ। ਇਸ ਮਾਨਤਾ ਦਾ ਸਹਾਰਾ ਲੈ ਕੇ ਖਾਲਿਸਤਾਨ ਦਾ ਪ੍ਰਸਤਾਵ ਅੱਗੇ ਵਧਾਓ।”
ਸਿੱਖ ਕੌਮ ਨੂੰ ਅਪੀਲ ਹੈ ਕਿ ਨਿੱਕੇ ਨਿੱਕੇ ਮੁੱਦਿਆਂ ਤੇ ਨਾ ਬਹਿਕੋ, ਕੋਈ ਵੀ ਸਿੱਖ ਨਾਕਾਰਾਤਮਿਕ ਬਿਆਨਬਾਜ਼ੀ ਤੋਂ ਗੁਰੇਜ਼ ਕਰੇ ਅਤੇ ਸਾਕਾਰਾਤਮਿਕ ਸੋਚ ਅਪਣਾਉਂਦਿਆਂ ਬੱਸ ਖਾਲਿਸਤਾਨ ਦੀ ਮੰਜ਼ਿਲ ਨੂੰ ਮਕਸਦਾ ਬਣਾ ਕੇ ਚੱਲੋ।

ਦਾਸ: ਸੁਖਮਿੰਦਰ ਸਿੰਘ ਹੰਸਰਾ

ਜੀ ਕੇ ਅਤੇ ਕੈਪਟਨ ਨੂੰ ਖਰੀਆਂ ਖਰੀਆਂ; “ਸਿੱਖਾਂ ਦੇ ਕੌਮੀ ਨਿਸ਼ਾਨੇ ਖਾਲਿਸਤਾਨ ਦੀ ਵਿਰੋਧਤਾ ਕਰਨ ਵਾਲਾ ਖਾਲਸਈ ਫਲਸਫੇ ਦਾ ਵਿਰੋਧੀ ਅਤੇ ਪਖੰਡੀ ਹੀ ਹੋ ਸਕਦਾ”

ਲੰਡਨ- ਦਿੱਲੀ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜੀਤ ਸਿੰਹੁ ਜੀ ਕੇ ਵਲੋਂ ਹਿੰਦੂਤਵੀਆਂ ਅਤੇ ਸਿੱਖ ਦੁਸ਼ਮਣ ਤਾਕਤਾਂ ਨੂੰ ਖੁਸ਼ ਕਰਨ ਲਈ ਅਜਾਦ ਸਿੱਖ ਰਾਜ ਖਾਲਿਸਤਾਨ ਦੇ ਵਿਰੋਧ ਵਿੱਚ ਕੀਤੀ ਬਿਆਨਬਾਜ਼ੀ ਦਾ ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ਼ ਯੂ,ਕੇ ਗੰਭੀਰ ਨੋਟਿਸ ਲਿਆ ਗਿਆ ।ਇਸ ਵਲੋਂ ਇਹ ਆਖਣਾ ਕਿ ਕੋਈ ਖਾਲਿਸਤਾਨੀ ਦਿੱਲੀ ਜਾਂ ਪੰਜਾਬ ਵਿੱਚ ਕੋਈ ਵੀ ਧਾਰਮਿਕ ਜਾਂ ਰਾਜਸੀ ਚੋਣ ਨਹੀਂ ਜਿੱਤਿਆ ਇੱਕ ਕੋਰਾ ਝੂਠ ਹੈ ਜੋ ਇਸ ਦੇ ਫੁਕਰੇਪਣ ਅਤੇ ਸ਼ੋਸ਼ੇਬਾਜ਼ੀ ਦਾ ਪ੍ਰਗਟਾਵਾ ਹੈ ।ਕਿਉਂ ਕਿ ਖਾਲਿਸਤਾਨੀ ਸੋਚ ਦੇ ਧਾਰਨੀ ਸ਼੍ਰੋਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਵੀ ਜਿੱਤ ਚੁੱਕੇ ਹਨ ਅਤੇ ਖਾਲਿਸਤਾਨ ਦੀ ਜੰਗ ਲੜਨ ਵਾਲਿਆਂ ਦੀ ਭਰਵੀਂ ਹਿਮਾਇਤ ਨਾਲ 1989 ਵਿੱਚ ਸਿੱਖਾਂ ਅਤੇ ਸਿੱਖੀ ਦੀ ਕਾਤਲ ਕਾਂਗਰਸ,ਸਿੱਖਾਂ ਅਤੇ ਸਿੱਖੀ ਨਾਲ ਵਿਸ਼ਵਾਸ਼ਘਾਤ ਕਰਨ ਵਾਲੇ ਕਾਲੀ ਦਲ ਦੀ ਜ਼ਮਾਨਤਾਂ ਜਬਤ ਕਰਵਾ ਕੇ ਪੰਜਾਬ ਦੀਆਂ ਸਾਰੀਆਂ 13 ਪਾਰਲੀਮੈਂਟ ਸੀਟਾਂ ਜਿੱਤ ਵੀ ਚੁੱਕੇ ਹਨ ।,ਜੋ ਕਿ ਇਤਿਹਾਸ ਦਾ ਅੰਗ ਅਤੇ ਖਾਲਿਸਤਾਨੀ ਸੰਘਰਸ਼ ਦੀ ਜਿੱਤ ਦਾ ਹਿੱਸਾ ਹੈ ।ਬਰਤਾਨੀਆ ਵਿੱਚ ਅਜਾਦ ਸਿੱਖ ਰਾਜ ਖਾਲਿਸਤਾਨ ਦੇ ਕੌਮੀ ਨਿਸ਼ਾਨੇ ਨੂੰ ਸਮਰਪਤਿ ਅਤੇ ਯਤਨਸ਼ੀਲ ਸਿੱਖ ਜਥੇਬੰਦੀਆਂ ਦੇ ਸਾਝੇ ਸੰਗਠਨ ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ਼ ਯੂ,ਕੇ ਦੇ ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ਼ ਯੂ,ਕੇ ਦੇ ਕੋਆਰਡੀਨੇਟਰ ਭਾਈ ਕੁਲਦੀਪ ਸਿੰਘ ਚਹੇੜੂ ,ਭਾਈ ਲਵਸ਼ਿੰਦਰ ਸਿੰਘ ਡੱਲੇਵਾਲ ਅਤੇ ਭਾਈ ਜੋਗਾ ਸਿੰਘ ਵਲੋਂ ਜਾਰੀ ਪ੍ਰੈੱਸ ਰਿਲੀਜ਼ ਵਿੱਚ ਆਖਿਆ ਗਿਆ ਖਾਲਿਸਤਾਨ ਸਿੱਖਾਂ ਦਾ ਕੌਮੀ ਨਿਸ਼ਾਨਾ ਹੈ ਅਤੇ ਇਸ ਨਿਸ਼ਾਨੇ ਦੀ ਪੂਰਤੀ ਲਈ ਡੇਢ ਲੱਖ ਦੇ ਕਰੀਬ ਸ਼ਹਾਦਤਾਂ ਹੋ ਚੁੱਕੀਆਂ ਹਨ ।

ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ ਯੂ,ਕੇ ਵਲੋਂ ਆਖਿਆ ਗਿਆ ਕਿ ਸਿੱਖਾਂ ਦੀਆਂ ਨੱਬੇ ਫਸਿਦੀ ਤੋਂ ਵੱਧ ਕੁਰਬਾਨੀਆਂ ਨਾਲ ਅਜਾਦ ਹੋਏ ਭਾਰਤ ਵਿੱਚ ਸਿੱਖ ਹੱਕਾਂ ਹਿਤਾਂ ਦਾ ਘਾਣ ਲਗਾਤਾਰ ਜਾਰੀ ਹੈ ।ਜਿਸ ਤੋਂ ਨਿਜਾਤ ਪਾਉਣ ਅਤੇ ਬਰਾਬਰ ਦੇ ਸ਼ਹਿਰੀ ਬਣ ਕੇ ਜਿਉਣ ਦਾ ਹੱਕ ਪ੍ਰਾਪਤ ਕਰਨ ਲਈ ਦਮਦਮੀ ਟਕਸਾਲ ਦੇ ਮੁਖੀ ਮਹਾਨ ਸਿੱਖ ਸਤਿਕਾਰਯੋਗ ਸੰਤ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲਿਆਂ ਵਲੋਂ ਸੰਘਰਸ਼ ਅਰੰੰਭ ਕੀਤਾ ਗਿਆ ਜੋ ਕਿ ਉਹਨਾਂ ਦੀ ਲਾਸਾਨੀ ਸ਼ਹਾਦਤ ਤੋਂ ਬਾਅਦ ਅਜਾਦ ਸਿੱਖ ਰਾਜ ਖਾਲਿਸਤਾਨ ਦੇ ਨਿਸ਼ਾਨੇ ਨੂੰ ਸਮਰਪਤ ਹੋ ਚੁੱਕਾ ਹੈ । ਜਿਸ ਵਿੱਚ ਯੋਗਦਾਨ ਪਾਉਂਦੇ ਹੋਏ ਸਿੱਖ ਨੌਜਵਾਨਾਂ ਸ਼ਹਾਦਤਾਂ ਪ੍ਰਾਪਤ ਕਰ ਗਏ ਹ ,ਹਜਾਰਾਂ ਸਿੱਖਾਂ ਨੂੰ ਅਣਮਨੁੱਖੀ ਤਸੰੱਦਦ ਦਾ ਸ਼ਿਕਾਰ ਬਣਾਇਆ ਗਿਆ ,ਹਾਜਾਰਾਂ ਸਿੱਖਾਂ ਨੂੰ ਲੰਬੇ ਸਮੇਂ ਲਈ ਜੇਹਲਾਂ ਵਿੱਚ ਬੰਦ ਕੀਤਾ ਗਿਆ । ਸਿੱਖ ਪਰਿਵਾਰਾਂ ਤੇ ਪੁਲਿਸ ਨੇ ਅਜਿਹੇ ਜ਼ੁਲਮ ਕੀਤੇ ਹਨ ਜਿਹਨਾਂ ਸਾਹਮਣੇ ਹਿਟਲਰ,ਅਬਦਾਲੀ ,ਜਕਰੀਏ ,ਮੀਰ ਮੰਨੂ ਦੇ ਜੁਲਮ ਵੀ ਬੌਣੇ ਨਜ਼ਰ ਆਉਂਦੇ ਹਨ । ਸਿੱਖ ਨਸਲਕੁਸ਼ੀ ਦਾ ਇਹ ਵਰਤਾਰਾ ਨਿਰੰਤਰ ਜਾਰੀ ਪਰ ਸਿੱਖ ਕੌਮ ਵਲੋਂ ਖਾਲਿਸਤਾਨ ਦਾ ਸੰਘਰਸ਼ ਜਾਰੀ ਹੈ । ਅੱਜ ਇਸ ਸੰਘਰਸ਼ ਨੂੰ ਫੇਹਲ ਕਰਨ ਲਈ ਭਾਰਤ ਅਤੇ ਪੰਜਾਬ ਦੀਆਂ ਸਰਕਾਰਾਂ ਆਪਣੇ ਅੱਡੀ ਚੋਟੀ ਦਾ ਜੋਰ ਲਗਾ ਰਹੀਆਂ ਹਨ । ਇਸ ਕੰਮ ਲਈ ਮਨਜੀਤ ਸਿੰਘ ਜੀ ਕੇ ਅਤੇ ਕੈਪਟਨ ਅਮਰਇੰਦਰ ਵਰਗੇ ਸਿੱਖ ਚਿਹਰਿਆਂ ਵਾਲੇ ਫੀ੍ਹਲਿਆਂ ਦੀ ਵਰਤੋਂ ਵੀ ਆਮ ਹੀ ਕੀਤੀ ਜਾ ਰਹੀ ਹੈ । ਪਰ ਇਹਨਾਂ ਨੂ ਯਾਦ ਰੱਖਣ ਦੀ ਲੋੜ ਹੈ ਕਿ  ਇਹਨਾਂ ਵਰਗੇ ਅਨੇਕਾਂ ਮੌਕਾ ਪ੍ਰਸਤ ਅਤੇ ਕੌਮ ਘਾਤਕ ਆਏ ,ਉਹਨਾਂ ਹਿੰਦੂਤਵੀਆਂ ਦੀ ਖੁਸ਼ੀ ਲੈਣ ਲਈ ਸਿੱਖ ਕੌਮ ਤੇ ਜ਼ੁਲਮ ਅਤੇ ਬੇਵਫਾਈਆਂ ਕੀਤੀਆਂ ਅਤੇ ਅਖੀਰ ਕੀਤੇ ਜ਼ੁਲਮਾਂ ਅਤੇ ਕੀਤੀਆਂ ਬੇਵਫਾਈਆਂ ਦੀ ਸਜ਼ਾ ਪ੍ਰਾਪਤ ਕਰਕੇ ਤੁਰਦੇ ਬਣੇ ਪਰ ਖਾਲਿਸਤਾਨ ਦਾ ਸੰਘਰਸ਼ ਖਤਮ ਨਹੀਂ ਕਰ ਸਕੇ । ਇਹਨਾਂ ਵਲੋਂ ਖਾਲਿਸਤਾਨੀਆਂ ਨੂੰ ਪਾਕਿਸਤਾਨੀ ਖੂਫੀਆ ਏਜੰਸੀ ਆਈ æਐੱਸ਼ਆਈ ਨਾਲ ਜੋੜਨਾ ਇਹਨਾਂ ਦੀ ਕੌਮ ਘਾਤਕ ਨੀਤੀ ਅਤੇ ਬੀਮਾਰ ਮਾਨਸਿਕਤਾ ਦਾ ਪ੍ਰਗਟਾਵਦ ਹੈ । ਇਹਨਾਂ ਦੀਆਂ ਉਕਤ ਘਿਨਾਉਣੀਆਂ ਹਰਕਤਾਂ ਤੋਂ ਸਾਬਤ ਹੁੰਦਾ ਹੈ ਕਿ ਇਹ ਕੇਂਦਰ ਦੀ ਭਾਜਪਾ ਸਰਕਾਰ ਦੇ ਇਸ਼ਾਰਿਆਂ ਤੇ ਸਿੱਖ ਕੌਮ ਦੇ ਖਿਲਾਫ ਭੁਗਤ ਰਹੇ ਹਨ ।

ਕੈਪਟਨ ਅਮਰਇੰਦਰ ਵਲੋਂ  ਜੂਨ 1984 ਨੂੰਸਿੱਖ ਤਵਾਰੀਖ ਵਿੱਚ ਵਾਪਰੇ ਤੀਜੇ ਖੁਨੀ ਘੱਲੂਘਾਰੇ ਦੇ ਰੋਸ ਵਜੋਂ ਕਾਂਗਰਸ ਦੀ ਮੁੱਢਲੀ ਮੈਂਬਰਸ਼ਿੱਪ ਅਤੇ ਮੈਂਬਰ ਪਾਰਲੀਮੈਂਟ ਤੋਂ ਅਸਤੀਫਾ ਦੇ ਕੇ ਅਕਾਲੀ ਦਲ ਵਿੱਚ ਸ਼ਾਮਲ ਹੋਣਾ ,ਸ੍ਰæੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੀ ਸਥਾਪਨਾ ਵਕਤ ਕਾਰਜਕਰਨੀ ਦਾ ਮੈਂਬਰ ਬਣਕੇ ਅੰਮ੍ਰਿਤਸਰ ਐਲਾਨਨਾਮੇ ਲਈ ਸੰਘਰਸ਼ ਕਰਨ ਦਾ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹਜੂਰੀ ਵਿੱਚ ਪ੍ਰਣ ਕਰਨਾ, ਕੈਨੇਡਾ ਵਿੱਚ ਖਾਲਿਸਤਾਨੀ ਸਟੇਜ ਤੋਂ ਸਿੱਖ ਸੰਗਤਾਂ ਨੂੰ ਸੰਬੋਧਨ ਕਰਨਾ , ਦੁਬਾਰਾ ਉਸੇ ਕਾਂਗਰਸ ਪਾਰਟੀ ਵਿੱਚ ਸ਼ਾਮਲ ਹੋਣਾ,ਗੁਟਕਾ ਸਾਹਿਬ ਹੱਥ ਵਿੱਚ ਫੜ ਕੇ ਸੌਂਹ ਖਾਣੀ ਅਤੇ ਖਰੇ ਨਾ ਉਤਰਨਾ ਸਮੇਤ ਦਰਜਨਾਂ ਉਦਾਹਰਣਾ ਹਨ ਜੋ ਕੈਪਟਨ ਨੂੰ ਵੱਡਾ ਡਰਾਮੇਬਾਜ਼ ਦਰਸਾਉਂਦੀਆਂ ਹਨ । ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਸਿੱਖਾਂ ਅਤੇ ਸਿੱਖੀ ਦੀ ਕਾਤਲ ਕਾਂਗਰਸ ਨਾਲ ਸਬੰਧਿਤ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਇੰਦਰ ਸਿੰਘ ਵਲੋਂ ਕੈਨੇਡਾ ਵਿੱਚ ਰਹਿੰਦੇ 9 ਸਿੱਖਾਂ ਦੀ ਸੂਚੀ ਸੌਂਪ ਕੇ ਭਾਰਤ ਵਾਪਸੀ ਦੀ ਮੰਗ ਕਰਕੇ ਸਾਬਤ ਕੀਤਾ ਗਿਆ ਕਿ ਉਹ ਪੰਜਾਬ ਦੇ ਮੁੱਖ ਮੰਤਰੀ ਜਕਰੀਏ ਦਰਬਾਰੇ ,ਬਰਨਾਲੇ ਅਤੇ ਬੇਅੰਤੇ ਬੁੱਚੜ ਦਾ ਹੀ ਵਾਰਸ ਹੈ ।

ਭਾਰਤੀ ਏਜੰਟਾਂ ਨੇ ਟਰੂਡੋ ਫੇਰੀ ਨੂੰ ਬਦਨਾਮ ਕਰਨ ਲਈ ਸਜ਼ਾ ਯਾਫਤਾ ਜਸਪਾਲ ਅਟਵਾਲ ਨੂੰ ਮੋਹਰਾ ਬਣਾ ਕੇ ਵਰਤਿਆ


ਔਟਵਾ (ਪੀ ਡੀ ਬਿਊਰੋ) ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਭਾਰਤ ਫੇਰੀ ਨੂੰ ਦਾਗੀ ਕਰਨ ਲਈ ਅਟਵਾਲ ਨਾਮੀ ਵਿਅਕਤੀ ਨੂੰ ਮੋਹਰਾ ਬਣਾ ਕੇ ਵਰਤਣ ਦੀ ਯਜਨਾ ਭਾਰਤੀ ਏਜਟਾਂ ਨੇ ਬਣਾਈ ਸੀ ਜਿਸ ਦਾ ਖੁਲਾਸਾ ਨੈਸ਼ਨਲ ਸਕਿਊਰਟੀ ਸਲਾਹਕਾਰ ਡੈਨੀਅਲ ਜੀਨ ਨੇ ਆਪਣਾ ਨਾਮ ਲੁਕਵਾਂ ਰੱਖਣ ਦੀ ਸ਼ਰਤ ਤੇ ਕਨੇਡੀਅਨ ਮੀਡੀਏ ਨੂੰ ਦੱਸ ਦਿੱਤੀ ਸੀ। ਇਸ ਗੱਲ ਦੀ ਪੁਸ਼æਟੀ ਅੱਜ ਪ੍ਰਧਾਨ ਮੰਤਰੀ ਨੇ ਵਿਰੋਧੀ ਧਿਰ ਵਲੋਂ ਪੁੱਛੇ ਸੁਆਲ ਦੇ ਜੁਆਬ ਵਿੱਚ, ਕਿ ਨੈਸ਼ਨਲ ਸਕਿਊਰਟੀ ਸਲਾਹਕਾਰ ਡੈਨੀਅਲ ਜੀਨ ਨੇ ਜੋ ਕੁੱਝ ਕਿਹਾ ਹੈ, ਨੂੰ ਸਹੀ ਕਰਾਰ ਦੇ ਦਿੱਤਾ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਰਕਾਰ ਦੀ ਅਜਿਹੀ ਪੁਜੀਸ਼ਨ ਤੇ ਤਾਇਨਾਤ ਕੋਈ ਵੀ ਸਰਕਾਰੀ ਵਰਕਰ ਬਿਨ੍ਹਾਂ ਤੱਥਾਂ ਤੋਂ ਕੋਈ ਗੱਲ ਨਹੀਂ ਕਰਦਾ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਨੈਸ਼ਨਲ ਸਕਿਊਰਟੀ ਸਲਾਹਕਾਰ ਨੇ ਜੋ ਕੁੱਝ ਕਿਹਾ ਉਹ ਗਲਤ ਨਹੀਂ ਸੀ। ਇਸ ਦਾ ਭਾਵ ਇਹੀ ਹੋਇਆ ਕਿ ਖਾਲਿਸਤਾਨ ਦਾ ਹਊਆ ਖੜਾ ਕਰਕੇ ਭਾਰਤ ਸਰਕਾਰ ਦੇ ਏਜੰਟਾਂ ਨੇ ਕੈਨੇਡਾ ਦੀ ਧਰਤੀ ਤੇ ਇਹ ਤਾਣਾਬਾਣਾ ਬੁਣ ਕੇ ਇਸ ਸ਼ਰਾਰਤ ਨੂੰ ਅੰਜਾਮ ਦਿੱਤਾ ਹੈ।


ਇਸ ਵਿੱਚ ਭੂਮਿਕਾ ਨਿਭਾਉਣ ਵਾਲੇ ਸਰੀ ਦੇ ਐਮ ਪੀ ਰਣਦੀਪ ਸਿੰਘ ਸਰਾਏ ਨੇ ਅੱਜ ਫੇਰ ਆਪਣੀ ਗੈਰਜ਼ਿੰਮੇਵਾਰਨ ਕਾਰਵਾਈ ਦੀ ਮੁਆਫੀ ਮੰਗਦਿਆਂ ਪੈਸਫਿੱਕ ਕਾਕਸ ਦੀ ਚੇਅਰਮੈਨੀ ਛੱਡ ਦਿੱਤੀ ਹੈ। ਆਉਣ ਵਾਲੇ ਦਿਨੀਂ ਵਿੱਚ ਹੋਰ ਨਿਖਾਰ ਆਵੇਗਾ ਕਿ ਸਰਾਏ ਨੇ ਕਿਸ ਕਾਰਣ ਕਰਕੇ ਇੱਕ ਦਾਗੀ ਬੰਦੇ ਨੂੰ ਸੱਦਾ ਪੱਤਰ ਭਿਜਵਾਇਆ ਤਾਂ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਫੇਰੀ ਬਦਨਾਮ ਹੋ ਸਕੇ। ਅਗਰ ਕੁਤੀ ਚੋਰ ਨਾਲ ਰਲੀ ਨਿਕਲੀ ਤਾਂ ਸਰਾਏ ਨੂੰ ਲਿਬਰਲ ਕਾਕਸ ਚੋਂ ਬਾਹਰ ਕੱਢੇ ਜਾਣ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ।
ਇਸ ਤੋਂ ਇਲਾਵਾ ਇੱਕ ਸਾਬਕਾ ਰਾਜਨੀਤਕ ਵੱਲ ਵੀ ਸ਼ੱਕ ਦੀ ਸੂਈ ਘੁੰਮ ਰਹੀ ਹੈ। ਅਤੇ ਭਾਰਤੀ ਸਫਾਰਤਖਾਨੇ ਦੇ ਕੁੱਝ ਮੈਂਬਰ ਵੀ ਇਸ ਖੁਫੀਆ ਕਾਰਵਾਈ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਕੈਨੇਡਾ ਈਸਟ ਵਲੋਂ ਜੁਲਾਈ ਵਿੱਚ ਭਾਰਤੀ ਕਾਂਸਲੇਟ ਅਤੇ ਭਾਰਤੀ ਖੁਫੀਆਂ ਏਜੰਟਾਂ ਦੀਆਂ ਕਾਰਵਾਈਆਂ ਦੀ ਨਿਸ਼ਾਨਦੇਹੀ ਕਰਦਿਆਂ ਕੈਨੇਡਾ ਸਰਕਾਰ ਨੂੰ ਜਾਣੂ ਕਰਵਾਇਆ ਸੀ। ਗੁਰਦੁਆਰਾ ਸਾਹਿਬਾਨਾਂ ਵਿੱਚ ਇਨ੍ਹਾਂ ਸਰਕਾਰੀ ਦੁੱਮਛੱਲਿਆਂ ਦਾ ਦਾਖਲਾ ਬੰਦ ਕਰਨ ਦੇ ਫੈਸਲੇ ਵੀ ਇਨ੍ਹਾਂ ਖੁਫੀਆਂ ਕਾਰਵਾਈ ਨੂੰ ਰੋਕਣ ਲਈ ਲਏ ਗਏ ਸੀ।
ਅਕਾਲੀ ਦਲ ਅੰਮ੍ਰਿਤਸਰ ਕੈਨੇਡਾ ਈਸਟ ਦੇ ਪ੍ਰਧਾਨ ਸੁਖਮਿੰਦਰ ਸਿਮਘ ਹੰਸਰਾ ਨੇ ਕੈਨੇਡਾ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਇਸ ਘਟਨਾ ਦੀ ਤਹਿ ਤੱਕ ਪਹੁੰਚਣ ਲਈ ਪ੍ਰਧਾਨ ਮੰਤਰੀ ਵਲੋਂ ਇਸਦੀ ਤੁਰੰਤ ਜਾਂਚ ਕਰਵਾ ਕੇ ਢੁੱਕਵੀਂ ਕਾਰਵਾਈ ਕਰਨੀ ਚਾਹੀਦੀ ਹੈ।

ਵਿਦੇਸ਼ਾਂ ਵਿਚ ਵਧੇ ਸਿੱਖਾਂ ਦੇ ਪ੍ਰਭਾਵ ਦੀ ਬੌਖਲਾਹਟ ਹੈ ਟਰੂਡੋ ਪ੍ਰਤੀ ਭਾਰਤੀ ਸਰਕਾਰ ਦਾ ਮਾੜਾ ਰਵੱਈਆ : ਹਿੰਮਤ ਸਿੰਘ

‘ਸਿੱਖਾਂ ਨਾਲ ਹਮਦਰਦੀ ਰੱਖਣ ਕਰਕੇ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਦਾ ਭਾਰਤ ‘ਚ ਹੋਇਆ ਵਿਤਕਰੇ ਭਰਿਆ ਸਨਮਾਨ’
ਨਿਊਯਾਰਕ 21 ਫਰਵਰੀ:- ਅਮਰੀਕਾ ਦੀਆਂ 85 ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਤੇ ਪੰਥਕ ਜਥੇਬੰਦੀਆਂ ਵੱਲੋਂ ਸਾਂਝੇ ਤੌਰ ਤੇ ਬਣਾਈ ਸਿੱਖ ਕੋਆਰਡੀਨੇਸ਼ਨ ਕਮੇਟੀ ਈਸਟ ਕੋਸਟ (ਯੂਐਸਏ) ਨੇ ਕਿਹਾ ਹੈ ਕਿ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨਾਲ ਭਾਰਤ ਦੀ ਕੇਂਦਰ ਸਰਕਾਰ ਵੱਲੋਂ ਵਿਤਕਰਾ ਕਰਨਾ ਸਪਸ਼ਟ ਕਰ ਗਿਆ ਹੈ ਕਿ ਭਾਰਤ ਦੀ ਭਾਜਪਾ ਸਰਕਾਰ ਨਹੀਂ ਚਾਹੁੰਦੀ ਕਿ ਸਿੱਖਾਂ ਨਾਲ ਕੋਈ ਵੀ ਮੁਲਕ ਦਾ ਪ੍ਰਧਾਨ ਮੰਤਰੀ ਹਮਦਰਦੀ ਰੱਖੇ, ਕਿਉਂਕਿ ਭਾਰਤੀ ਸਰਕਾਰਾਂ ਨੇ ਸਿੱਖਾਂ ਦੀ ਨਸਲਕੁਸ਼ੀ ਤੱਕ ਕੀਤੀ ਪਰ ਅਜੇ ਤੱਕ ਉਸ ਦਾ ਸਿੱਖਾਂ ਨੂੰ ਇਨਸਾਫ਼ ਤੱਕ ਨਹੀਂ ਮਿਲਿਆ। ਹਿੰਮਤ ਸਿੰਘ ਨੇ ਕਿਹਾ ਕਿ ਵਿਦੇਸ਼ਾਂ ਵਿਚ ਸਿੱਖਾਂ ਦੇ ਵਧੇ ਪ੍ਰਭਾਵ ਦਾ ਨਤੀਜਾ ਹੀ ਭਾਰਤੀ ਸਰਕਾਰ ਵੱਲੋਂ ਜਸਟਿਨ ਟਰੂਡੋ ਨਾਲ ਮਾੜਾ ਰਵੱਈਆ ਕੀਤਾ ਹੈ।
ਇਹ ਬਿਆਨ ਜਾਰੀ ਕਰਦਿਆਂ ਕੋਆਰਡੀਨੇਸ਼ਨ ਕਮੇਟੀ ਦੇ ਕਨਵੀਨਰ ਹਿੰਮਤ ਸਿੰਘ, ਤੇ ਹੋਰ ਆਗੂ ਕੇਵਲ ਸਿੰਘ ਸਿੱਧੂ, ਹਰਜਿੰਦਰ ਸਿੰਘ ਪਾਈਨਹਿੱਲ, ਵੀਰ ਸਿੰਘ ਮਾਂਗਟ ਅਤੇ ਦਵਿੰਦਰ ਸਿੰਘ ਦਿਓ ਨੇ ਕਿਹਾ ਹੈ ਕਿ ਕੈਨੇਡਾ ਆਦਿ ਮੁਲਕਾਂ ਵਿਚ ਸਿੱਖਾਂ ਦੀ ਬਹੁਤ ਜ਼ਿਆਦਾ ਆਬਾਦੀ ਹੈ, ਜਿਸ ਕਰਕੇ ਕੈਨੇਡਾ ਵਿਚ ਭਾਰਤ ਤੋਂ ਕਿਤੇ ਵੱਧ ਸਿੱਖਾਂ ਦੇ ਐਮਪੀਜ਼ ਤੇ ਮੰਤਰੀ ਹਨ, ਇੱਥੇ ਦੇ ਪ੍ਰਧਾਨ ਮੰਤਰੀ ਹਮੇਸ਼ਾ ਸਿੱਖਾਂ ਨਾਲ ਖ਼ਾਸ ਕਰਕੇ ਪੰਜਾਬੀਆਂ ਨਾਲ ਮੋਹ ਦਾ ਰਿਸ਼ਤਾ ਰੱਖਦੇ ਹਨ ਪਰ ਇਹ ਕਦੇ ਵੀ ਭਾਰਤੀ ਸਰਕਾਰਾਂ ਨੂੰ ਗਵਾਰਾ ਨਹੀਂ ਹੋਇਆ, ਭਾਰਤੀ ਸੰਵਿਧਾਨ ਵਿਚ ਇਹ ਕਿਤੇ ਨਹੀਂ ਲਿਖਿਆ ਕਿ ਖ਼ਾਲਿਸਤਾਨ ਦੀ ਵਰਤੋਂ ਕਰਨੀ ਗੈਰ ਕਾਨੂੰਨੀ ਹੈ, ਪਰ ਇੱਥੇ ਜੇਕਰ ਕੋਈ ਖ਼ਾਲਿਸਤਾਨ ਦੀ ਵਰਤੋਂ ਕਰਕੇ ਨਾਅਰਾ ਲਾਉਂਦਾ ਹੈ ਤਾਂ ਉਸ ਨੂੰ ਅੱਤਵਾਦੀ ਕਹਿ ਕੇ ਜੇਲ੍ਹਾਂ ਵਿੱਚ ਡੱਕਿਆ ਜਾਂਦਾ ਹੈ। ਜਦ ਕਿ ਕੈਨੇਡਾ ਵਰਗੇ ਮੁਲਕ ਵਿਚ ਬੋਲਣ ਦੀ ਪੂਰਨ ਆਜ਼ਾਦੀ ਹੈ, ਇਸ ਕਰਕੇ ਭਾਰਤ ਵਿਚ ਘੱਟ ਗਿਣਤੀਆਂ ਖ਼ਾਸ ਕਰਕੇ ਸਿੱਖਾਂ ਨਾਲ ਹੁੰਦੇ ਗੈਰ ਮਨੁੱਖੀ ਵਤੀਰੇ ਦੇ ਵਿਰੁੱਧ ਵਿਦੇਸ਼ਾਂ ਦੀਆਂ ਇਨਸਾਫ਼ ਪਸੰਦ ਸਰਕਾਰਾਂ ਡਟ ਕੇ ਖੜਦੀਆਂ ਹਨ, ਇਸੇ ਤਰ੍ਹਾਂ ਕੈਨੇਡਾ ਦਾ ਹਰੇਕ ਪ੍ਰਧਾਨ ਮੰਤਰੀ ਸਿੱਖਾਂ ਨਾਲ ਹਮਦਰਦੀ ਵੀ ਰੱਖਦਾ ਹੈ ਤੇ ਉਨ੍ਹਾਂ ਦਾ ਪੱਖ ਵੀ ਕਰਦਾ ਹੈ, ਪਰ ਪਿਛਲੇ ਸਮੇਂ ਵਿਚ ਕੈਨੇਡੀਅਨ ਵਿਦੇਸ਼ ਮੰਤਰੀ ਹਰਜੀਤ ਸਿੰਘ ਸੱਜਣ ਨਾਲ ਜੋ ਰਵੱਈਆ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਅਪਣਾਇਆ ਉਹ ਸਪਸ਼ਟ ਕਰ ਗਿਆ ਕਿ ਇਹ ਲੋਕ ਸਿੱਖਾਂ ਦੇ ਭੇਸ ਵਿਚ ਸਿੱਖ ਵਿਰੋਧੀ ਹਨ, ਜਦ ਕਿ ਸ. ਸੱਜਣ ਨੇ ਕੋਈ ਗੁਨਾਹਗਾਰ ਗੱਲ ਨਹੀਂ ਆਖੀ ਸੀ, ਇੱਥੇ ਅਮਰੀਕਾ ਵਿਚ ਭਾਰਤੀ ਡਿਪਲੋਮੈਟਾਂ ਨੂੰ ਜਨਤਕ ਜਲਸਿਆਂ ਵਿਚ ਬੋਲਣ ਦੀ ਮਨਾਹੀ ਕੀਤੀ ਗਈ ਹੈ, ਨਾਲ ਹੀ ਕਿਸੇ ਵੀ ਧਾਰਮਿਕ ਸਥਾਨ ਤੇ ਆਉਣ ਤੇ ਕੋਈ ਰੋਕ ਨਹੀਂ ਹੈ ਪਰ ਬੋਲਣ ਦੀ ਮਨਾਹੀ ਕੀਤੀ ਗਈ ਹੈ, ਕਿਉਂਕਿ ਭਾਰਤ ਡਿਪਲੋਮੈਟ ਸਿੱਖ ਮਸਲਿਆਂ ਤੇ ਦਖਲਅੰਦਾਜੀ ਕਰਦੇ ਹਨ, ਹਮੇਸ਼ਾ ਹੀ ਕੇਂਦਰ ਦੀਆਂ ਸਰਕਾਰਾਂ ਦੀ ਬੋਲੀ ਬੋਲਦੇ ਹੋਏ ਘੱਟ ਗਿਣਤੀਆਂ ਨੂੰ ਦਬਾ ਕੇ ਰੱਖ ਰਹੇ ਹਨ। ਆਗੂਆਂ ਨੇ ਕਿਹਾ ਕਿ ਭਾਵੇਂ ਬਾਦਲ ਹੋਵੇ ਜਾਂ ਹੁਣ ਅਮਰਿੰਦਰ ਹੋਵੇ ਇਹ ਕੇਂਦਰ ਦੇ ਇਸ਼ਾਰੇ ‘ਤੇ ਪੰਜਾਬ ਨੂੰ ਬਰਬਾਦ ਕਰਨ ਦੇ ਏਜੰਡੇ ਤੇ ਹੀ ਕੰਮ ਕਰਦੇ ਹਨ ਜਦ ਕਿ ਜੇਕਰ ਇਹ ਪੰਜਾਬ ਦੇ ਹਿਤੈਸ਼ੀ ਹੁੰਦੇ ਤਾਂ ਵਿਦੇਸ਼ੀ ਪ੍ਰਧਾਨ ਮੰਤਰੀਆਂ ਨਾਲ ਜਾਂ ਮੰਤਰੀਆਂ ਨਾਲ ਪੰਜਾਬ ਲਈ ਕੋਈ ਵੱਡਾ ਪੈਕੇਜ ਵੀ ਲੈ ਸਕਦੇ ਸਨ। ਸ. ਹਿੰਮਤ ਸਿੰਘ ਨੇ ਕਿਹਾ ਕਿ ਸਾਨੂੰ ਖ਼ੁਸ਼ੀ ਹੈ ਕਿ ਪੰਜਾਬ ਦੇ ਸਿੱਖਾਂ ਨੇ ਜਸਟਿਨ ਟਰੂਡੋ ਦਾ ਸਵਾਗਤ ਜ਼ੋਰਦਾਰ ਤਰੀਕੇ ਨਾਲ ਕੀਤਾ ਤੇ ਆਸ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਭਾਰਤ ਦੀ ਕੇਂਦਰ ਸਰਕਾਰ ਵੱਲੋਂ ਕੀਤੇ ਵਿਤਕਰੇ ਬਾਰੇ ਪੂਰੀ ਤਰ੍ਹਾਂ ਸਮਝ ਗਏ ਹੋਣਗੇ। ਉਨ੍ਹਾਂ ਕਿਹਾ ਕਿ ਜੋ ਭਾਰਤੀ ਸੱਤਾ ਧਾਰੀ ਲੋਕ ਵਿਦੇਸ਼ੀ ਸੱਤਾਧਾਰੀ ਲੋਕਾਂ ਦਾ ਸਨਮਾਨ ਨਹੀਂ ਕਰਨਗੇ ਉਨ੍ਹਾਂ ਭਾਰਤੀ ਸੱਤਾਧਾਰੀਆਂ ਦਾ ਵਿਦੇਸ਼ਾਂ ਦੀ ਧਰਤੀ ਤੇ ਵੀ ਸਨਮਾਨ ਨਹੀਂ ਹੋਣ ਦਿੱਤਾ ਜਾਵੇਗਾ, ਸਗੋਂ ਉਨ੍ਹਾਂ ਨੂੰ ਵਿਦੇਸ਼ਾਂ ਵਿਚ ਆਉਣ ਤੇ ਉਨ੍ਹਾਂ ਨੂੰ ਕਿਸੇ ਵੀ ਸਟੇਜ ਤੇ ਬੋਲਣ ਤੋਂ ਵਾਂਝਾ ਕਰਕੇ ਸਬਕ ਸਿਖਾਇਆ ਜਾਵੇਗਾ।

ਜਾਰੀ ਕਰਤਾ
ਹਿੰਮਤ ਸਿੰਘ, ਕੋਆਰਡੀਨੇਟਰ
ਸਿੱਖ ਕੋਆਰਡੀਨੇਸ਼ਨ ਕਮੇਟੀ(ਯੂਐਸਏ)