ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਛੋਟੇ ਸਪੁੱਤਰ ਹੇਡਰੀਅਨ ਟਰੂਡੋ ਖਿੱਚ ਦਾ ਕੇਂਦਰ ਬਣ ਰਹੇ ਹਨ


ਦਿੱਲੀ (ਫਰਵਰੀ 18-2018-ਮਨਵੀਰ ਸਿੰਘ) ਜਿਉਂ ਹੀ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਜਹਾਜ਼ ਦਿੱਲੀ ਲੱਗਿਆਂ ਤੇ 3 ਸਾਲ ਦੀ ਉਮਰ ਦਾ ਹੇਡਰੀਅਨ ਟਰੂਡੋ ਕਾਫੀ ਉਤਸ਼ਾਹਤ ਨਜ਼ਰ ਆ ਰਹੇ ਹਨ। ਅਗਰ ਕੋਈ ਪ੍ਰਧਾਨ ਮੰਤਰੀ ਨੂੰ ਫੁੱਲਾਂ ਦਾ ਗੁਲਦਸਤਾ ਭੇਂਟ ਕਰਦਾ ਹੈ ਤਾਂ ਉਹ ਹੇਡਰੀਅਨ ਫੜ ਕੇ ਫੋਟੋ ਲਈ ਪੋਜ਼ ਬਣਾ ਲੈਂਦਾ ਹੈ। ਭਾਵੇਂ ਕਿ ਜਹਾਜ਼ ਚੋਂ ਉਤਰਨ ਵੇਲੇ ਲਾਲ ਕਾਰਪਿਟ ਵਿਛਾਈ ਗਈ ਸੀ ਅਤੇ ਪ੍ਰਧਾਨ ਮੰਤਰੀ ਦਾ ਸਾਰਾ ਪ੍ਰੀਵਾਰ ਲਾਲ ਕਾਰਪਿਟ ਤੇ ਚੱਲ ਰਿਹਾ ਸੀ, ਪਰ ਜਨਾਬ ਹੇਡਰੀਅਨ ਟਰੂਡੋ ਆਪਣੀ ਮਸਤੀ ਵਿੱਚ ਲਾਲ ਕਾਰਪਿਟ ਤੋਨ ਬਾਹਰ ਮਜਾਜ਼ ਵਿੱਚ ਤੁਰੇ ਫਿਰਦੇ ਨਜ਼ਰ ਆਏ। ਹੇਡਰੀਅਨ ਦੀਆਂ ਇਨ੍ਹਾਂ ਕਲੋਲਾਂ ਤੋਂ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਸੋਫੀਆ ਕਾਫੀ ਖੁਸ਼ ਹਨ।

ਪ੍ਰਧਾਨ ਮੰਤਰੀ ਦੇ ਵਫਦ ਵਿੱਚ ਭਾਰਤ ਦੇ ਦੌਰੇ ਤੇ ਗਏ ਸਿੱਖ ਐਮ ਪੀਜ਼ ਨੇ ਰਕਾਬ ਗੰਜ ਗੁਰਦੁਆਰਾ ਸਾਹਿਬ ਅਤੇ ਵਿਡੋ ਕਾਲਨੀ ਦਾ ਕੀਤਾ ਦੌਰਾ

ਦਿੱਲੀ (ਫਰਵਰੀ 18-2018-ਮਨਵੀਰ ਸਿੰਘ) ਪ੍ਰਧਾਨ ਮੰਤਰੀ ਦੇ ਵਫਦ ਵਿੱਚ ਭਾਰਤ ਦੇ ਦੌਰੇ ਤੇ ਆਏ ਸਿੱਖ ਐਮ ਪੀਜ਼ ਨੇ ਰਕਾਬ ਗੰਜ ਗੁਰਦੁਆਰਾ ਸਾਹਿਬ ਅਤੇ ਵਿਡੋ ਕਾਲਨੀ ਦਾ ਕੀਤਾ ਦੌਰਾ ਹੈ। ਇਸ ਪੱਤਰਕਾਰ ਨਾਲ ਗੱਲ ਕਰਦਿਆਂ ਐਮ ਪੀ ਸੋਨੀਆ ਸਿੱਧੂ, ਐਮ ਪੀ ਰੂਬੀ ਸਹੋਤਾ ਅਤੇ ਐਮ ਪੀ ਰਣਦੀਪ ਸਰਾਏ ਨੇ ਦੱਸਿਆ ਕਿ ਜਿਥੇ ਉਹ ਰਕਾਬ ਗੰਜ ਗੁਰਦੁਆਰਾ ਸਾਹਿਬ ਗਏ ਅਤੇ ਗੁਰੁ ਸਾਹਿਬ ਤੋਂ ਅਸ਼ੀਰਵਾਦ ਲਈ ਉਥੇ ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਸਾਧ ਸੰਗਤ ਨੇ ਕਨੇਡੀਅਨ ਐਮ ਪੀਜ਼ ਦਾ ਨਿੱਘਾ ਸੁਆਗਤ ਕੀਤਾ।
ਵਿਡੋ ਕਾਲਨੀ ਦਾ ਦੌਰਾ ਕਰਨ ਤੋਂ ਬਾਅਦ ਐਮ ਪੀਜ਼ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਥੇ ਜਾ ਕੇ ਬੜੀ ਚੀਸ ਮਹਿਸੂਸ ਹੋਈ ਕਿ ਕਿਸੇ ਕਾਲਨੀ ਦਾ ਨਾਮ ਵਿਡੋ ਕਾਲਨੀ ਰੱਖਿਆ ਹੋਇਆ ਹੈ। 1984 ਦੇ ਸਿੱਖ ਜੈਨੋਸਾਈਡ ਦੇ ਪੀਡਤਾਂ ਨੂੰ ਹੁਣ ਤੱਕ ਇਨਸਾਫ ਨਹੀਂ ਮਿਲਿਆ ਅਤੇ ਨਾ ਹੀ ਇਨਸਾਫ ਦੀ ਆਸ ਹੈ। ਐਮ ਪੀ ਰਣਦੀਪ ਸਰਾਏ ਨੇ ਕਿਹਾ ਕਿ ਸਾਡੇ ਵਾਸਤੇ ਇਹ ਬੜਾ ਦਰਦਮਈ ਅਤੇ ਭਾਵਨਾਤਮਿਕ ਪਲ ਸਨ।
ਸਰਾਏ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਦਾ ਦੌਰਾ ਭਾਰਤ ਅਤੇ ਕੈਨੇਡਾ ਦਰਮਿਆਨ ਵਪਾਰਕ ਸੰਧੀਆਂ ਰਾਹੀਂ ਵਪਾਰਕ ਅਦਾਨ ਪ੍ਰਦਾਨ ਨੂੰ ਵਧਾਇਆ ਜਾ ਸਕੇ।
ਭਾਰਤੀ ਮੀਡੀਏ ਵਲੋਂ ਪ੍ਰਧਾਨ ਮੰਤਰੀ ਦੇ ਦੌਰੇ ਤੋਂ ਪਹਿਲਾਂ ਕੁੜੱਤਣ ਪੈਦਾ ਕਰਨ ਦੀ ਕੀਤੀ ਗਏ ਹਰਕਤ ਬਾਰੇ ਐਮ ਪੀ ਸਰਾਏ ਨੇ ਕਿਹਾ ਕਿ ਉਹ ਸਾਰੀਆਂ ਖਬਰਾਂ ਬੇਤੁੱਕੀਆਂ ਸਨ ਅਤੇ ਉਨ ਦੋਵੇਂ ਦੇਸ਼ਾਂ ਦੇ ਸਬੰਧਾਂ ਨੂੰ ਸੱਟ ਮਾਰਨਯੋਗ ਸਨ। ਸਰਾਏ ਨੇ ਕਿਹਾ ਕਿ ਕੈਨੇਡਾ ਦੇ ਸਿੱਖ ਸ਼ਾਂਤਮਈ ਢੰਗ ਨਾਲ 1984 ਦੇ ਦੁਖਾਂਤ ਲਈ ਇਨਸਾਫ ਦੀ ਲਗਾਤਾਰ ਮੰਗ ਕਰਦੇ ਰਹੇ ਹਨ, ਜੋ ਕਿ ਜਾਇਜ਼ ਹੈ। ਸਰਾਏ ਨੇ ਅੱਗੇ ਕਿਹਾ ਕਿ ਖਾਲਿਸਤਾਨ ਦੀ ਸ਼ਾਂਤਮਈ ਗੱਲ ਕਰਨੀ ਕੈਨੇਡਾ ਦੇ ਕਾਨੂੰਨ ਅਨੁਸਾਰ ਜਾਇਜ਼ ਹੈ। ਪਰ ਮਾਰਧਾੜ ਨੂੰ ਕੈਨੇਡਾ ਵਿੱਚ ਅਜਿਹੀ ਕੋਈ ਗੱਲ ਨਹੀਂ ਹੈ। ਸਰਾਏ ਨੇ ਕਿਹਾ ਕਿ ਸ਼ਾਂਤਮਈ ਢੰਗ ਨਾਲ ਖਾਲਿਸਤਾਨ ਦੀ ਗੱਲ ਕਰਨੀ ਭਾਰਤ ਵਿੱਚ ਵੀ ਗੈਰਕਾਨੂੰਨੀ ਨਹੀਂ ਹੈ।

ਮੰਤਰੀ ਹਰਜੀਤ ਸੱਜਣ ਦੇ ਕਹਿਣ ਤੇ ਪ੍ਰਧਾਨ ਮੰਤਰੀ ਟਰੂਡੋ ਕੈਪਟਨ ਅਮਰਿੰਦਰ ਸਿੰਘ ਨਾਲ ਮਿਲਣ ਲਈ ਹੋਏ ਰਾਜ਼ੀ

ਆਗਰਾ (ਫਰਵਰੀ 18-2018-ਮਨਵੀਰ ਸਿੰਘ) ਅੱਜ ਰੱਖਿਆ ਮੰਤਰੀ ਹਰਜੀਤ ਸਿੰਘ ਸੱਜਣ, ਜਿੰਨ੍ਹਾਂ ਨੂੰ ਕੈਪਟਨ ਅਮਰਿੰਦਰ ਸਿੰਘ ਨੇ ਇਹ ਕਹਿ ਕੇ ਜ਼ਲੀਲ ਕੀਤਾ ਸੀ ਕਿ ਉਹ ਕਿਸੇ ਖਾਲਿਸਤਾਨੀ ਸਮਰਥਕ ਨੂੰ ਨਹੀਂ ਮਿਲਣਗੇ, ਦੇ ਕਹਿਣ ਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਕੈਪਟਨ ਅਮਰਿੰਦਰ ਸਿੰਘ ਨੂੰ ਮਿਲਣ ਲਈ ਰਾਜ਼ੀ ਹੋ ਗਏ ਹਨ। ਇੱਕ ਰਿਪੋਰਟ ਮੁਤਾਬਕ ਪ੍ਰਧਾਨ ਮੰਤਰੀ ਨੇ ਕਨੇਡੀਅਨ ਹਾਈਕਮਿਸ਼ਨਰ ਨੂੰ ਕੈਪਟਨ ਨਾਲ ਮੀਟਿੰਗ ਤਹਿ ਕਰਨ ਲਈ ਹਰੀ ਝੰਡੀ ਦੇ ਦਿੱਤੀ ਹੈ।
ਯਾਦ ਰਹੇ ਦੌਰੇ ਤੇ ਜਾਣ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਦੇ ਦਫਤਰ ਨੇ ਇਹ ਬਿਆਨ ਦਿੱਤਾ ਸੀ ਕਿ ਪ੍ਰਧਾਨ ਮੰਤਰੀ ਕਿਸੇ ਉਸ ਰਾਜਨੀਤਕ ਨੂੰ ਨਹੀਂ ਮਿਲੇਗਾ ਜਿਸ ਨੇ ਕਨੇਡੀਅਨ ਮੰਤਰੀ ਨੂੰ ਖਾਲਿਸਤਾਨ ਦੇ ਮੁੱਦੇ ਤੇ ਖਾਮਖਾਹ ਘਸੀਟਣ ਦੀ ਕੋਸ਼ਿਸ਼ ਕੀਤੀ ਸੀ। ਜਦਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਪ੍ਰਧਾਨ ਮੰਤਰੀ ਨਾਲ ਵਨ-ਆਨ-ਵਨ ਮੀਟਿੰਗ ਦੀ ਮੰਗ ਕੀਤੀ ਸੀ। ਹੁਣ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਕੀ ਪ੍ਰਧਾਨ ਮੰਤਰੀ ਆਪਣੇ ਮੰਤਰੀ ਨੂੰ ਨਾਲ ਲੈ ਕੇ ਕੈਪਟਨ ਨੂੰ ਮਿਲਣਗੇ ਜਾਂ ਇਕੱਲੇ।

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਆਪਣੇ ਪ੍ਰੀਵਾਰ ਸਮੇਤ ਤਾਜ ਮਹਿਲ ਪਹੁੰਚੇ

ਆਗਰਾ (ਫਰਵਰੀ 18-2018-ਮਨਵੀਰ ਸਿੰਘ) ਆਪਣੇ ਦੌਰੇ ਦੇ ਪਹਿਲੇ ਦਿਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਤਾਜ ਮਹਿਲ ਪਹੁੰਚੇ ਜਿਥੇ ਉਨ੍ਹਾਂ ਨੇ ਇਸ ਸੁੰਦਰ ਇਮਾਰਤ ਦਾ ਦੌਰਾ ਕੀਤਾ। ਇਸ ਮੌਕੇ ਉਨ੍ਹਾਂ ਪ੍ਰੀਵਾਰ ਸਮੇਤ ਫੋਟੋ ਖਿਚਵਾਈਆਂ। ਇਸ ਮੌਕੇ ਵੀ ਹੇਡਰੀਅਨ ਟਰੂਡੋ ਖਿੱਚ ਦਦਾ ਕੇਂਦਰ ਬਣੇ ਰਹੇ। ਕਿਸੇ ਮੌਕੇ ਜਸਟਿਨ ਟਰੂਡੋ ਬੱਚਾ ਹੁੰਦਾ ਆਪਣੇ ਬਾਪ ਪੀਅਰ ਐਲੀਅਤ ਟਰੂਡੋ ਨਾਲ ਤਾਜ ਮਹਿਲ ਤੇ ਆਏ ਸੀ, ਤੇ ਹੁਣ ਹੇਡਰੀਅਨ, ਅਗਜ਼ੇਵੀਅਰ ਅਤੇ ਬੇਟੀ ਸਮੇਤ ਟਰੂਡੋ ਅਤੇ ਸੋਫੀਆ ਨੇ ਇਥੇ ਆ ਕੇ ਇਤਹਾਸਕ ਪਲ ਯਾਦ ਕੀਤੇ।
ਇਸ ਮੌਕੇ ਪ੍ਰਧਾਨ ਮੰਤਰੀ ਨਾਲ 5 ਮੰਤਰੀ ਵੀ ਸ਼ਾਮਲ ਸਨ ਜਿੰਨ੍ਹਾਂ ਨਾਲ ਵੀ ਗਰੁੱਪ ਫੋਟੂ ਕਰਵਾਈਆਂ।

ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਆਪਣੇ ਪ੍ਰੀਵਾਰ ਅਤੇ ਸਰਕਾਰ ਸਮੇਤ ਭਾਰਤ ਦੌਰੇ ਤੇ ਪਹੁੰਚੇ

ਨਵੀਂ ਦਿੱਲੀ (ਫਰਵਰੀ 17-2018-ਮਨਵੀਰ ਸਿੰਘ) ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਆਪਣੇ ਪ੍ਰੀਵਾਰ ਅਤੇ ਸਰਕਾਰ ਸਮੇਤ 7 ਰੋਜ਼ਾ ਭਾਰਤ ਦੌਰੇ ਤੇ ਪਹੁੰਚ ਚੁੱਕੇ ਹਨ। ਉਨ੍ਹਾਂ ਦਾ ਦਿੱਲੀ ਪੁੱਜਣ ਤੇ ਭਾਰਤ ਸਰਕਾਰ ਦੇ ਯੂਨੀਅਨ ਐਗਰੀਕਲਚਰ ਮੰਤਰੀ ਗਜਿੰਦਰ ਸਿੰਘ ਸੇਖਾਵਤ ਨੇ ਸੁਆਗਤ ਕੀਤਾ। ਕੁੱਝ ਨਾਚ ਗਾਣੇ ਨਾਲ ਪ੍ਰਧਾਨ ਮੰਤਰੀ ਨੂੰ ਭਾਰਤੀ ਮੁਜ਼ਬਾਨੀ ਦਾ ਨਮੂਨਾ ਪੇਸ਼ ਕਰਦਿਆਂ ਪ੍ਰਧਾਨ ਮੰਤਰੀ ਨੂੰ ਫੁੱਲਾਂ ਦੇ ਗੁਲਦਸਤੇ ਨਜ਼ਰਾਨੇ ਵਜੋਂ ਪੇਸ਼ ਕੀਤੇ ਗਏ।
ਇਹ ਉਸ ਵਕਤ ਇਤਿਹਾਸਕ ਪਲ ਬਣ ਗੁਜ਼ਰੇ ਜਦੋਂ ਜਸਟਿਨ ਟਰੂਡੋ ਅਤੇ ਉਨਾਂ ਦੀ ਪਤਨੀ ਸੋਫੀਆ ਦਾ ਸਭ ਤੋਂ ਛੋਟਾ ਫਰਜੰਦ ਹੇਡਰੀਅਨ ਟਰੂਡੋ ਇਸ ਮੌਕੇ ਕਾਫੀ ਖੁਸ਼ ਅਤੇ ਚਲੰਤ ਨਜ਼ਰ ਆਇਆ।